Baaghi TV

Category: کھیل

  • بین ڈکٹ نے چیمپئنز ٹرافی کا 21 سالہ ریکارڈ توڑ دیا

    بین ڈکٹ نے چیمپئنز ٹرافی کا 21 سالہ ریکارڈ توڑ دیا

    آئی سی سی چیمپئنز ٹرافی 2025 میں آسٹریلیا کے خلاف میچ میں انگلینڈ کے بین ڈکٹ نے 21 سال پرانا ریکارڈ توڑ دیا۔

    بین ڈکٹ چیمپئنز ٹرافی میں سب سے بڑی انفرادی اننگز کھیلنے والے کھلاڑی بن گئے۔ انگلش اوپنر بین ڈکٹ نے آسٹریلیا کے خلاف 165 رنز کی اننگز کھیلی۔اس سے قبل نیوزی لینڈ کے نیتھن اسٹل نے 2004 میں امریکا کے خلاف 145 رنز کی ناقابل شکست اننگز کھیلی تھی۔واضح رہے کہ چیمپئنز ٹرافی گروپ بی کے اہم میچ میں انگلینڈ نے بین ڈکٹ کی شاندار 165 رنز اننگز کی بدولت آسٹریلیا کو جیت کے لیے 352 رنز کا بڑا ہدف دے دیا۔

    قذافی اسٹیڈیم لاہور میں کھیلے جا رہے میچ میں آسٹریلیا نے ٹاس جیت کر پہلے بولنگ کا فیصلہ کیا۔انگلینڈ کی جانب سے جو روٹ 68، بٹلر 23 رنز کے ساتھ نمایاں رہے، آسٹریلیا کے ڈوارسوئس نے تین، زیمپا اور لبوشین نے دو دو کھلاڑیوں کو آوٹ کیا۔ انگلینڈ نے چیمپئنز ٹرافی کی تاریخ کا سب سے بڑا ہدف دیا ہے۔مقررہ 50 اوورز میں انگلینڈ نے 8 وکٹوں کے نقصان پر 351 رنز بنائے۔ٹاس جیت کر آسٹریلین کپتان کا کہنا تھا کہ ہم پہلے فیلڈنگ کریں گے۔جب ہم پریکٹس کر رہے تھے تو گراؤنڈ میں نمی تھی، اسٹیو اسمتھ نے کہاکہ پچ سے سوئنگ مل سکتا ہے۔

    امریکہ پھر پاکستان کے قریب، بڑی پیش رفت,آرمی چیف کا دورہ برطانیہ، بڑی سفارتی فتح!

    معروف مذہبی و سماجی رہنما محمد یحییٰ مجاہد کی اہلیہ محترمہ کی وفات،نماز جنازہ ادا

  • پاک بھارت میچ میں میدان خالی بھی کردیں تو بھی دباؤ رہے گا،عاقب جاوید

    پاک بھارت میچ میں میدان خالی بھی کردیں تو بھی دباؤ رہے گا،عاقب جاوید

    دبئی: پاکستان کرکٹ ٹیم کے ہیڈ کوچ عاقب جاوید نے کہا ہے کہ شاہین شاہ آفریدی اور نسیم شاہ سے کافی امیدیں ہیں بھارت کیخلاف میچ ایک موقع ہے کہ ٹیم اور کھلاڑی دنیا کے سامنے اپنا نام کما سکتے ہیں-

    باغی ٹی وی : دبئی میں پریس کانفرنس کرتے ہوئے قومی مینز ٹیم کے ہیڈ کوچ کا کہنا تھا کہ پاکستان اور بھارت کے میچ کا نام ہی کافی ہے دباؤ کو مینج کرنا ہی کھلاڑیوں کا کام ہے پاک بھارت میچ سے دباؤ ختم کردیں تو کیا بچے گا؟ دباؤ کا ہی تو مزا ہے پاک بھارت ٹاکرا ہائی وولٹیج، دلچسپ اور کرکٹ کی روح ہے۔

    عاقب جاوید نے کہا کہ ہمارے پلیئرز دبئی کی کنڈیشن سے واقف ہیں، ہمیں اپنی صلاحیتوں کے مطابق کرکٹ کھیلنی ہے بھارت کیخلاف کچھ خاص کرنے کی کوشش کریں گے پاک بھارت میچ میں میدان خالی بھی کردیں تو بھی دباؤ رہے گا، یہی مزا ہے پلیئرز کو بتایا ہے کہ اپنے ٹیلنٹ کو دنیا کے سامنے پیش کریں، دباؤ کو انجوائے کریں، ہمارے پاس فاسٹ بولرز میچ ونر ہیں شاہین شاہ آفریدی اور نسیم شاہ سے کافی امیدیں ہیں بھارت کیخلاف میچ ایک موقع ہے کہ ٹیم اور کھلاڑی دنیا کے سامنے اپنا نام کما سکتے ہیں، میڈیا لکھتا ہے ’داغ لگ گئے، داغ دھل گئے‘ پلئیرز کا کام کھیلنا ہے۔

  • جوٹیم اچھا پریشرہینڈل کرتی ہے اسے کامیابی ملتی ہے، شبھمن گل

    جوٹیم اچھا پریشرہینڈل کرتی ہے اسے کامیابی ملتی ہے، شبھمن گل

    بھارتی کرکٹ ٹیم کے نائب کپتان شبھمن گل نے کہا ہے کہ جو ٹیم پریشر برداشت کرے اس کے امکانات زیادہ ہوتے ہیں، میرے خیال میں ٹاس کا زیادہ کردار نہیں ہوگا لیکن اوس پڑنے کی صورت میں ٹاس اہم ہوسکتا ہے-

    باغی ٹی وی: آئی سی سی چیمپئنز ٹرافی میں پاکستان کے خلاف کل ہونے والے میچ سے قبل پریس کانفرنس کے دوران بھارتی اوپنر اور نائب کپتان شبھمن گل کا کہنا تھا کہ جو ٹیم پریشر برداشت کرے اس کے امکانات زیادہ ہوتے ہیں، میرے خیال میں ٹاس کا زیادہ کردار نہیں ہوگا لیکن اوس پڑنے کی صورت میں ٹاس اہم ہوسکتا ہے کیونکہ اوس نہ پڑے تو بعد میں بیٹنگ کرنا مشکل ہوسکتا ہے ، اوس نہ پڑے تو سلووکٹ پر بیٹنگ کرناآسان نہیں ہوتا۔

    بھارتی نائب کپتان کا کہنا تھا کہ مڈل اوورز میں اچھا کھیلیں تو جیتنا آسان ہوتا ہے، اچھا اسٹارٹ ملا تو بڑی اننگز کھیلوں گا، ہم جارحانہ اور مثبت کرکٹ کھیلنے کی کوشش کریں گے، اگر میچ پرانی وکٹ پر ہوا تو 280 سے 300 رنزکا ٹوٹل اچھا ہوگا اور اگر وکٹ تبدیل ہوئی تو 350 رنزبھی بن سکتے ہیں،چیمپینز ٹرافی میں غلطی کی گنجائش کم ہوتی ہے، پاکستان کا میچ دیگر میچز سے مختلف نہیں، ہم ہر میچ ایک ہی سوچ کے ساتھ کھیلتے ہیں، بیٹنگ کرتے ہوئے یہ نہیں سوچتا کہ نائب کپتان ہوں، جوٹیم اچھا پریشرہینڈل کرتی ہے اسے کامیابی ملتی ہے، جو اچھے سے پریشر ہینڈل کرے گی وہی ٹیم جیتے گی۔

    دونوں ٹیموں کے مقابلے ہمیشہ شائقین کے لیے بڑے ایونٹس ہوتے ہیں لیکن بطور کھلاڑی ہمارا کام میدان میں کارکردگی دکھانا ہے، میڈیا میں میچ کو بڑھا چڑھا کر پیش کرنا ان کا کام ہے، اس پر ہمارا کنٹرول نہیں پاکستان کے خلاف یقیناً سنچری کرنے کا دل ہے حالانکہ ہر میچ میں بڑا اسکور کرنے کا ارادہ ہوتا ہے۔

    واضح رہے کہ 2023 کے ون ڈے ورلڈ کپ میں پاکستان کے خلاف وہ صرف 16 رنز بنا سکے تھے اور شاہین شاہ آفریدی نے ان کی وکٹ لی تھی۔

  • چیمپئنز ٹرافی: آسٹریلیا کی ٹاس جیت کر فیلڈنگ

    چیمپئنز ٹرافی: آسٹریلیا کی ٹاس جیت کر فیلڈنگ

    لاہور: چیمپئنز ٹرافی کے چوتھے میچ جانے والے آسٹریلیا نے انگلینڈ کے خلاف ٹاس جیت کر فیلڈنگ کا فیصلہ کیا ، آسٹریلیا کو 352 رنز کا ہدف دے دیا-

    باغی ٹی وی : لاہور کے قذافی اسٹیڈیم میں کھیلے جا رہے میچ میں آسٹریلیا کے کپتان اسٹیو اسمتھ نے ٹاس جیت کر انگلینڈ کو بیٹنگ کی دعوت دی،آسٹریلیا کے کپتان اسٹیو اسمتھ کا کہنا تھا ہماری پریکٹس کے دوران رات کے وقت یہاں اوس پڑ رہی تھی اس لیے پہلے بیٹنگ کا فیصلہ کیا،انگلینڈ کے کپتان جوز بٹلر کا کہنا تھا ہم ٹاس جیت جاتے تو بیٹنگ کو ہی ترجیح دیتے، کھلاڑی پُراعتماد ہیں، ہم اس میچ کےلیے پُرجوش ہیں۔

    انگلینڈ کی جانب سے بین ڈکٹ اور فل سالٹ نے اننگز کا آغاز کیا تاہم دوسرے ہی اوور میں ایلکس کیری کے شاندار کیچ نے فل سالٹ کو پویلین کی راہ دکھا دی چھٹے اوور میں جیمی اسمتھ بھی 15 رنز بنا کر کیچ آؤٹ ہو گئے،43 رنز پر دو وکٹیں گرنے کے بعد بین ڈکٹ اور جو روٹ نے ذمہ دارانہ بیٹنگ کرتے ہوئے اپنی ٹیم کا اسکور آگے بڑھایا-

    بین ڈکٹ نے شاندار 165 رنز کی اننگزکھیلی، بین ڈکٹ کی اننگز میں 3 چھکے اور 17 چوکے شامل تھے جو روٹ 68 رنزبنا کر آؤٹ ہوئے، انگلش کپتان جوز بٹلر نے 23 ، جوفرا آرچر نے 21 ، لیام لیونگسٹن نے 14، جیمی اسمتھ نے 15 ، فل سالٹ نے 10 ، برائیڈن کارس نے 8 اور ہیری ببروک نے 3 رنزبنائے۔

    آسٹریلیا کی جانب سے بین ڈوارشس نے 3 وکٹیں حاصل کیں، ایڈم زمپا، مارنس لبوشین نے دو ، دو اور گلین میکسویل نے ایک وکٹ لی۔

    آسٹریلیا کی جانب سے بین دوارشوئس نے 2 وکٹیں حاصل کیں۔

    آئی سی سی چیمپئنز ٹرافی کے پہلے میچ میں نیوزی لینڈ نے میزبان پاکستان کو 60 رنز سے شکست دی تھی جبکہ دوسرے میچ میں بھارت نے بنگلا دیش کو 6 وکٹوں سے ہرایا تھا،گزشتہ روز کراچی میں کھیلے گئے میچ میں جنوبی افریقا نے افغانستان کو 107 رنز سے شکست دی تھی۔

    انگلینڈ کا اسکواڈ:

    کپتان جوز بٹلر، بین ڈکٹ، فل سالٹ، جیمی اسمتھ، جو روٹ، ہیری بروک، لیام لیونگسٹون، برائیڈن کارس، جوفرا آرچر، عادل رشید اور مارک ووڈ

    آسٹریلیا کا اسکواڈ:

    کپتان اسٹیو اسمتھ، ٹریوس ہیڈ، میٹ شارٹ، مارنس لیبشگن، جوش انگلس، ایلکس کیری، گلین میکسویل، بین دوارشوئس، نیتھن ایلس، ایڈم زمپا اور اسپینسر جانسن

  • آسٹریلوی کپتان نے پاکستانی مہمان نوازی کی تعریف کر دی

    آسٹریلوی کپتان نے پاکستانی مہمان نوازی کی تعریف کر دی

    کپتان آسٹریلوی کرکٹ ٹیم اسٹیو اسمتھ کا کہنا ہے کہ پاکستان کی مہمان نوازی شاندار ہے،یہاں کے لوگ بہت اچھے ہیں۔

    باغی ٹی وی کے مطابق لاہورمیں پریس کانفرنس کرتے ہوئے انہوں نے کہا کہ چیمپئنز ٹرافی میں بہترین کھیل پیش کریں گے،یہ بڑا ٹورنامنٹ ہے جس کیلئے بھرپور تیاری کی ہے،بڑے میچز میں فاسٹ بالر کی کارکردگی اچھی ہوگی،امید ہے چیمپئنز ٹرافی میں اچھا نتیجہ سامنے آئے گا،فارمیٹ کے لیے اپنا مائنڈ سیٹ کیا ہوا ہے،ہمارے پاس نوجوان فاسٹ بالرز ہیں، پریشانی کی کوئی بات نہیں۔ہمیں اندازہ ہے کہ ہمیں میچ کیلئے کیا کرنا ہے؟پلیئنگ الیون کااعلان ٹاس کے وقت کریں گے،چیمپئنز ٹرافی میں تمام ٹیمیں اچھی ہیں،قذافی اسٹیڈیم اب اچھا ہوگیا،امید ہے کل شائقین میچ انجوائے کریں گے،بابراعظم کوالٹی کھلاڑی ہیں۔

    انہوں نے مزید کہا کہ میرے خیال سے آسٹریلیا بڑے ایونٹس میں پریشر کو اچھا ہینڈل کرتا ہے،ہماری ٹیم میں کچھ بڑے کھلاڑی شامل نہیں۔علاوہ ازیں آسٹریلوی کرکٹ ٹیم نے قذافی اسٹیڈیم میں پہلا پریکٹس سیشن کیا،آسٹریلوی کھلاڑی بیٹنگ، بالنگ اور فیلڈنگ ڈرلز میں مصروف رہے۔واضح رہے آئی سی سی چیمپئنز ٹرافی میں کل آسٹریلیا اور انگلینڈ کی ٹیمیں مدمقابل ہوں گی،روایتی حریفوں کے درمیان میچ کل دوپہر 2 بجے شروع ہوگا۔

    نیپال کے نائب وزیراعظم پر قاتلانہ حملہ،بھارتی شہری گرفتار

    ملکی خام تیل کی پیداوار میں اضافہ ہو گیا

    جے یو آئی کی اپوزیشن اتحاد میں شمولیت کی خبروں سے کچھ حلقوں کو تکلیف ہے،ترجمان

  • چیمپئنز ٹرافی،جنوبی افریقا نے افغانستان کو شکست دیدی

    چیمپئنز ٹرافی،جنوبی افریقا نے افغانستان کو شکست دیدی

    چیمپئنز ٹرافی گروپ بی کے پہلے میچ میں جنوبی افریقا نے افغانستان کو شکست دیدی۔

    کراچی میں کھیلے گئے میچ میں جنوبی افریقا نے جیت کیلئے 316رنز کا ہدف دیا جواب میں افغانستان کی پوری ٹیم 43.3اوورز میں 208 رنز بنا کر آئوٹ ہوگئی۔افغانستان کے رحمت شاہ 90رنز بنا کر نمایاں رہے،راشد خان اورعظمت اللہ عمرزئی نے18،18رنز بنائے،ابراہیم زدران17،رحمان اللہ گرباز10،گلبدین نائب 13،نور احمد 9 اورمحمد نبی نے 8 رنز کی اننگز کھیلی۔جنوبی افریقا کے رباڈا نے 3وکٹیں حاصل کیں،لنگی نگیڈی اورویان ملڈر نے 2،2 کھلاڑیوں کو آؤٹ کیا.

    اس سے قبل چیمپئنز ٹرافی گروپ بی کے پہلے میچ میں جنوبی افریقا نے افغانستان کو جیت کیلئے 316رنز کا ہدف دیا ۔ریان ریکلٹن103رنز بنا کر نمایاں رہے،ٹمبا باووما58 اوروین ڈر ڈوسن نے52رنز کی اننگز کھیلی،ایڈین مارکرم52،ڈیوڈ ملر14اورٹونی ڈی زورزی نے 11رنز بنائے۔افغانستان کے محمد نبی نے 2وکٹیں حاصل کیں،فضل الحق فاروقی،عظمت اللہ عمرزئی اورنور احمد نے ایک ایک وکٹ حاصل کیا. اس سے قبل افریقی کپتان ٹیمبا باوما نے ٹاس کے موقع پر گفتگو کرتے ہوئے کہا کہ ہمیں خود پراعتماد ہے،اچھا اسکور کرنے کی کوشش کریں گے جبکہ افغانستان کرکٹ ٹیم کے کپتان حشمت اللہ نے کہا کہ ہم ٹاس جیتتے تو بیٹنگ ہی کرتے۔حشمت اللہ نے کہا کہ ، اچھی شروعات کریں گے تو خوشی ہو گی ، جنوبی افریقا کےخلاف پہلےبھی اچھی کرکٹ کھیلی ہے۔

    سیالکوٹ: مراکش کے سفیر کا چیمبر آف کامرس کا دورہ، تجارتی تعلقات کے فروغ پر زور

    سیالکوٹ: پنجاب اربن لینڈ سسٹمز پراجیکٹ کے تحت زمین کی تقسیم کا آغاز

    شہری ہوشیار! کراچی میں ڈکیتوں نے نیا طریقہ واردات اپنا لیا

    لاہور میں پاکستان کی پہلی انڈرگراؤنڈ بلیولائن میٹرو ٹرین شروع کرنے کا فیصلہ

  • بھارت کو شکست دینے کی کوشش کریں گے۔ حارث رؤف

    بھارت کو شکست دینے کی کوشش کریں گے۔ حارث رؤف

    پاکستان کے فاسٹ بولر حارث رؤف نے دبئی میں میڈیا سے بات کرتے ہوئے کہا کہ بھارت کے خلاف آئی سی سی چیمپئنز ٹرافی کے میچ میں انہیں کسی قسم کا دباؤ محسوس نہیں ہو رہا ہے۔ حارث رؤف نے کہا کہ وہ اس میچ کو صرف ایک کرکٹ میچ کے طور پر ہی دیکھ رہے ہیں اور اس پر زیادہ دباؤ لینے کی ضرورت نہیں ہے۔

    حارث رؤف کا کہنا تھا کہ پاکستان اور بھارت کے درمیان میچ کو اس دفعہ بھی ایک عام کرکٹ میچ کی طرح کھیلنے کی کوشش کریں گے۔ انہوں نے مزید کہا کہ دبئی کرکٹ اسٹیڈیم میں بھارت کو پہلے بھی دو میچوں میں شکست دی ہے اور اس بار بھی وہ بھارت کو شکست دینے کی کوشش کریں گے۔ حارث نے دبئی کی کنڈیشنز کو مدنظر رکھتے ہوئے میچ کھیلنے کا ارادہ ظاہر کیا۔پاکستانی کرکٹر کا کہنا تھا کہ نیوزی لینڈ کے خلاف میچ اب گزر چکا ہے اور اب ان کا فوکس بھارت کے خلاف آنے والے میچ پر ہے۔ انہوں نے کہا کہ ٹیم کی کوشش ہے کہ گزشتہ میچز میں جو غلطیاں کی گئیں، انہیں دہرا کر آگے نہ بڑھیں، تاکہ ٹورنامنٹ میں کامیابی حاصل کی جا سکے اور سیمی فائنل میں پہنچا جا سکے۔

    حارث رؤف کا کہنا تھا کہ تمام کھلاڑی 100 فیصد پرفارم کرنے کی کوشش کریں گے۔ انہوں نے اپنی فٹنس کے بارے میں بات کرتے ہوئے کہا کہ وہ مکمل طور پر فٹ ہیں اور نیوزی لینڈ کے خلاف میچ میں 10 اوورز مکمل کیے۔ تاہم، انہوں نے یہ بھی کہا کہ انجری کسی بھی وقت ہو سکتی ہے، کیونکہ کھیل کے دوران کوئی بھی کھلاڑی چلتے ہوئے بھی زخمی ہو سکتا ہے، اور کچھ چیزیں انسان کے اختیار میں نہیں ہوتیں، اس لیے ان کے بارے میں زیادہ نہ سوچنا بہتر ہے۔پاکستانی فاسٹ بولر نے فخر زمان اور صائم ایوب کے ٹیم میں نہ ہونے پر کہا کہ ان دونوں کھلاڑیوں کی کمی سے ٹیم کا کمبینیشن متاثر ہوا ہے، تاہم ان کا ماننا ہے کہ کچھ اچھے کھلاڑی موجود ہیں جو بہترین پرفارمنس دیں گے۔

    جب حارث رؤف سے پاکستان اور بھارت کے میچ کے لیے دبئی میں ٹکٹس کی آسمان کو چھوتی ڈیمانڈ کے بارے میں سوال کیا گیا تو انہوں نے کہا کہ انہیں اس بارے میں کوئی معلومات نہیں ہیں اور انہیں یہ نہیں معلوم کہ ٹکٹس پاس کیا ہوتے ہیں۔حارث رؤف کا کہنا ہے کہ پاکستانی ٹیم بھارت کے خلاف میچ میں اپنا بہترین کھیل پیش کرے گی اور کسی قسم کے دباؤ کے بغیر اس میچ کو ایک معمولی کرکٹ میچ سمجھ کر کھیلے گی۔ ان کا یقین ہے کہ ٹیم کی پرفارمنس بہت بہتر ہو گی اور وہ اس میچ میں کامیابی حاصل کرنے کی بھرپور کوشش کریں گے۔

    دبئی کرکٹ اسٹیڈیم میں شائقین کے لیے سخت قواعد و ضوابط
    دبئی کرکٹ اسٹیڈیم میں شائقین کے لیے چیمپئنز ٹرافی کے میچز کے دوران سخت قواعد و ضوابط جاری کیے گئے ہیں تاکہ اس میگا ایونٹ کا کامیاب انعقاد ہو سکے۔ ان ضوابط میں شائقین کی سیکیورٹی اور کھیل کے دوران نظم و ضبط کو یقینی بنانے کے لیے کئی اقدامات کیے گئے ہیں۔

  • بھارتی کرکٹر کی اہلیہ سے علیحدگی کی وجوہات سامنے آگئیں

    بھارتی کرکٹر کی اہلیہ سے علیحدگی کی وجوہات سامنے آگئیں

    بھارتی کرکٹر یزویندر چہل اور ان کی اہلیہ دھنا شری ورما کے درمیان علیحدگی کے حوالے سے اہم معلومات منظر عام پر آئی ہیں۔ گزشتہ کچھ مہینوں سے ان کی طلاق کی خبریں سوشل میڈیا پر زیر گردش تھیں، تاہم دونوں میں سے کسی نے بھی اس معاملے پر کھل کر بات نہیں کی۔ حالیہ رپورٹس کے مطابق، دونوں باضابطہ طور پر علیحدہ ہو چکے ہیں اور اس فیصلے کے پیچھے مختلف وجوہات سامنے آئی ہیں۔

    یزویندر چہل اور دھنا شری ورما کی علیحدگی کی کارروائی کی آخری سماعت اور تمام ضروری قانونی مراحل باندرہ فیملی کورٹ میں طے پائے، جہاں دونوں افراد ذاتی طور پر موجود تھے۔ بھارتی میڈیا رپورٹس کے مطابق، جج کی ہدایت پر دونوں کے درمیان تقریباً 45 منٹ تک مشاورت کا سلسلہ جاری رہا، جس کے بعد جج کو آگاہ کیا گیا کہ دونوں فریقین باہمی رضامندی سے علیحدگی چاہتے ہیں۔ذرائع کے مطابق، چہل اور دھنا شری گزشتہ 18 ماہ سے الگ رہ رہے تھے۔ جب دونوں سے طلاق کی وجوہات پوچھی گئیں تو انہوں نے کہا کہ ان کے درمیان ہم آہنگی کے مسائل تھے، جس کی وجہ سے دونوں کے درمیان رشتہ قائم رکھنا مشکل ہو گیا تھا۔

    دونوں نے اپنے سوشل میڈیا اکاؤنٹس پر اپنے جذبات کا اظہار بھی کیا تھا۔ یزویندر چہل نے چند روز قبل ایک پوسٹ شیئر کی جس میں لکھا تھا، "خدا نے مجھے بے شمار بار بچایا ہے، میں تصور بھی نہیں کر سکتا کہ کتنی بار مجھے ایسی مشکلات سے نکالا گیا ہوگا جن کا مجھے علم بھی نہیں تھا۔” اس کے ساتھ ہی دھنا شری نے بھی اپنے انسٹاگرام اکاؤنٹ پر ایک پیغام شیئر کیا جس میں کہا، "کیا یہ حیرت انگیز نہیں کہ خدا کس طرح ہماری فکروں اور آزمائشوں کو برکت میں بدل سکتا ہے؟ اگر آج آپ کسی چیز کے بارے میں پریشان ہیں، تو جان لیں کہ آپ کے پاس ایک انتخاب ہے، یا تو آپ پریشان رہ سکتے ہیں یا پھر سب کچھ خدا کے سپرد کر کے ہر چیز کے لیے دعا کا انتخاب کر سکتے ہیں۔”

    یہ واقعہ دونوں کی زندگی میں ایک نیا باب شروع ہونے کی علامت ہو سکتا ہے، اور دونوں کے علیحدہ ہونے کے فیصلے نے ان کے مداحوں کو حیرانی میں ڈال دیا ہے۔

  • نیوزی لینڈ کیخلاف میچ میں پاکستان ٹیم پر جرمانہ عائد

    نیوزی لینڈ کیخلاف میچ میں پاکستان ٹیم پر جرمانہ عائد

    آئی سی سی چیمپئنز ٹرافی 2025 میں نیوزی لینڈ کے خلاف افتتاحی میچ میں پاکستان ٹیم پر جرمانہ عائد کردیا گیا۔

    پاکستان کرکٹ ٹیم پر سلو اوور ریٹ کی وجہ سے میچ فیس کا پانچ فیصد جرمانہ عائد کیا گیا ہے۔ پاکستان ٹیم نے مقررہ وقت میں ایک اوور کم پھینکا تھا جس کی وجہ سے پاکستان ٹیم پر جرمانہ عائد کیا گیا ہے۔آئی سی سی قوانین کے تحت فی اوور کھلاڑیوں پر میچ فیس کا پانچ فیصد جرمانہ عائد کیا گیا ہے۔قومی ٹیم کے کپتان محمد رضوان نے غلطی مان کر جرمانہ تسلیم کرلیا ہے۔واضح رہے کہ گزشتہ روز پاکستان میں 29 سال بعد ہونے والے آئی سی سی ایونٹ کے افتتاحی پہلے میچ میں نیوزی لینڈ نے پاکستان کو 60 رنز سے شکست دی تھی۔

    ویرات کوہلی بڑے اعزاز سےمحروم

    دوسری جانب چیمپئنز ٹرافی گروپ اے گروپ اے کے دوسرے میچ میں بھارت نے بنگلہ دیش کو شکست دیدی۔دبئی میں کھیلے گئے میچ میں بنگلہ دیش نے پہلے کھیلتے ہوئے 229 رنز کا ہدف دیا جو بھارت نے 4 وکٹوں کے نقصان پر حاصل کرلیا۔شبھ من گل نے شاندار سنچری بنائی ، وہ 101 رنز بنا کر ناٹ آئوٹ رہے،کے ایل راہول نے ناقابل شکست 41 رنز بنائے ،روہت شرما نے 41 رنز کی اننگز کھیلی،ویرات کوہلی22،اکثر پٹیل 8،شریاس آئیر15 رنز بناپائے۔بنگلہ دیش کی جانب سے رشاد حسین 2،تسکین احمد اورمستفیض الرحمان نے ایک ایک وکٹ حاصل کی،شبھ من گل میچ کے بہترین کھلاڑی قرار ہائے۔

    سونے کی قیمت تاریخ کی نئی بلند ترین سطح پر جا پہنچی

    کوئٹہ میں دھماکہ،ایک شخص جاں بحق

    ایران کا دارالحکومت تہران سے منتقل کرنے کا فیصلہ

    بھارت نے بنگلہ دیش کو 6 وکٹوں سےشکست دیدی

    زرمبادلہ کے سرکاری ذخائر میں 3 کروڑ 40 لاکھ ڈالر کی کمی

  • ویرات کوہلی بڑے اعزاز سےمحروم

    ویرات کوہلی بڑے اعزاز سےمحروم

    بھارت کے سابق کپتان ویرات کوہلی ایک روزہ فارمیٹ میں 14 ہزار رنز سکور کرنے والے تیسرے کھلاڑی بنتے بنتے رہ گئے۔

    ویرات کوہلی نے یہ سنگِ میل دبئی میں بنگلادیش کے خلاف کھیلے جانے والے چیمپئنز ٹرافی کے دوسرے میچ میں عبور کرنےکیلئے15 رنز درکار تھے جب رشاد حسین کی گیند پر سومیا سرکار کو 22 رنز پر کیچ دے بیٹھے۔ سٹار بیٹراگر 14 ہزار رنز مکمل کر جاتے تو یہ کارنامہ انجام دینے والے تیز ترین بلے باز بھی بن جاتے۔ واضح رہے اب صرف دو کھلاڑی یہ کارنامہ انجام دے سکے ہیں جن میں سچن ٹنڈولکر (350 میچز) اور سری لنکا کے کمار سنگاکارا (378 میچز) شامل ہیں۔

    بھارت نے بنگلہ دیش کو 6 وکٹوں سےشکست دیدی