Category: کھیل

چیئرمین پی سی بی محسن نقوی نے کہا ہے کہ وزیراعظم شہباز شریف شام کو قذافی اسٹیڈیم کا افتتاح کرنے آئینگے انشاء اللہ اسٹیڈیم کی تعمیر میں کام کرنے والوں کیلئے ایواڈر کا اعلان کرینگے،

میڈیا سے بات چیت کرتے ہوئے محسن نقوی کا کہنا تھا کہ قذافی اسٹیڈیم کی تعمیر میں تمام کنٹریکٹرز نے معجزہ کر دکھایا۔ دن رات ایک کرکے اس ملک کے لیے جو کام کیا ہے اس کی جزا ان کو اللہ تعالیٰ دیں،چیئرمین پی سی بی محسن نقوی نے قذافی اسٹیڈیم کی تعمیرنو کے لیے ورکرز کی محنت کو سراہا اور کہا کہ قذافی اسٹیڈیم کی تعمیرنو کیلئے ورکرز نے 14،14 گھنٹے کام کیا۔قذافی اسٹیڈیم کی تعمیرنو میں حصہ لینے والے ہر شخص کا مشکور ہوں۔پروپیگنڈے کے باوجود ناممکن کو ممکن کر دکھایا۔وزیراعظم شہباز شریف آج قذافی اسٹیڈیم کا افتتاح کریں گے۔ قذافی اسٹیڈیم کا شمار دنیا کے بہترین کرکٹ گراؤنڈز میں ہوگا۔بہت سارے لوگوں کے پیغامات آرہے ہیں کہ آپ نے اسٹیڈیم بنا دیا مبارکباد کے اصل حقدار اسٹیڈیم کی تکمیل میں کام کرنے والے ہیں۔ اچھی بات یہ ہے کہ ہمارے بہت سے مزدور بھائی اسٹیڈیم کی تکمیل میں ٹک ٹاکر بن گئے ہیں ہم آپ کی ٹک ٹاک ویڈیو ضرور مس کرینگے،

چیئرمین پاکستان کرکٹ بورڈ (پی سی بی) محسن نقوی نے نئے تعمیر کردہ قذافی اسٹیڈیم کی افتتاحی تقریب کے لیے حکام کو بہترین انتظامات کرنے کی ہدایت کی اور کہا کہ تقریب کو نئے قذافی اسٹیڈیم کے شایان شان ہونا چاہیے،محسن نقوی آج صبح ہی چین سے واپس لاہور پہنچے اور بغیر آرام کیے قذافی اسٹیڈیم پہنچ گئے۔ انہوں نے قذافی اسٹیڈیم کی افتتاحی تقریب کے حوالے سے انتظامات کا جائزہ لیا،اس موقع پر گفتگو کرتے ہوئے انہوں نے کہا کہ آج پاکستان کے لیے فخر کا مقام ہے، ریکارڈ مدت میں اسٹیڈیم کی تعمیر نو کا کام مکمل کرنے کا کریڈٹ پوری ٹیم کو جاتا ہے،محسن نقوی نے کہا کہ دنیائے کرکٹ کا خوبصورت ترین عالمی معیار کا قذافی اسٹیڈیم ریکارڈ مدت میں مکمل ہوا، قوم سے کیا وعدہ پورا ہونے پر اللہ تعالیٰ کا شکرگزار ہوں، شائقین اور کھلاڑی اسٹیڈیم میں فراہم کردہ جدید سہولتوں سے محظوظ ہوں گے، ورکرز، ایف ڈبلیو او، نیسپاک، کنٹریکٹر اور پی سی بی تہہ دل سے شکریہ ادا کرتا ہوں۔

نئے تعمیر کردہ قذافی سٹیڈیم کا آج باقاعدہ افتتاح ہو گا، وزیراعظم پاکستان محمد شہباز شریف قذافی سٹیڈیم کا افتتاح کریں گے، آج سٹیڈیم میں عوام کا داخلہ مفت ہو گا،قذافی سٹیڈیم کی رنگا رنگ افتتاحی تقریب میں معروف سنگرز آواز کا جادو جگائیں گے، علی ظفر، عارف لوہار اور آئمہ بیگ افتتاحی تقریب میں پرفارم کریں گے جبکہ آتش بازی، لائٹس شو اور ڈھول کا شاندار مظاہرہ ہو گا۔

چیئرمین پی سی بی محسن نقوی کی جانب سے 1500 سے زائد ورکرز کے اعزاز میں خصوصی ظہرانہ
قذافی سٹیڈیم کی ریکارڈ مدت میں تکمیل، چیئرمین پی سی بی محسن نقوی کی جانب سے 1500 سے زائد ورکرز کے اعزاز میں خصوصی ظہرانہ دیا گیا،چئیرمین پی سی بی محسن نقوی نے مزدوروں کے ساتھ ان کی نشتوں پر جا کر ملاقات کی اور لنچ کیا ،مزدوروں نے چیئرمین پی سی بی محسن نقوی کے ساتھ سلفیاں اور تصویریں بنوائیں،چئیرمین پی سی بی محسن نقوی نے دن رات محنت کر کے سٹیڈیم مکمل کرنے پر ورکرز کا شکریہ ادا کیا اور شاباش دی،چئیرمین پی سی بی محسن نقوی نے مزدوروں کو شاندار الفاظ میں خراج تحسین پیش کیا،چئیرمین پی سی بی محسن نقوی نے مزدوروں کو کل پاکستان اور نیوزی لینڈ کے درمیان میچ دیکھنے کی دعوت دی اور کہا کہ آپ قوم کے ہیرو ہیں۔ سب مبارکباد کے مستحق ہیں۔

اس موقع پر مزدوروں نے چیئرمین پی سی بی محسن نقوی سے بات کرتے ہوئے کہا کہ محسن نقوی صاحب آپ نے کمال کر دیا۔3 ماہ سے قذافی سٹیڈیم میں ہیں۔ سٹیڈیم دیکھ کر دل خوش ہو گیا ہے۔محسن صاحب آپ کی محنت رنگ لائی ہے۔ ہم خود آپ کو سٹیڈیم میں صبح شام دیکھتے ہیں۔لنچ بھی ہم اپنے” ہتھیاروں” کے ساتھ کر رہے ہیں۔ بعض مزدور بیلچہ ساتھ اٹھائے لنچ کرتے رہے ،

مزدوروں نے مٹن قورمہ۔ چکن روسٹ۔ بیف پلاو اور لائیو گرما گرم نان پر مشتمل لنچ کیا،زردہ۔ رائتہ۔ فریش سلاد۔ منرل واٹر ۔ کولڈ ڈرنکس اور کشمیری چائے سے مزدوروں کی تواضع کی گئی،ایڈوائزر عامر میر۔ چیف آپریٹنگ آفیسر سمیر احمد۔ چیف ایگزیکٹو آفیسر پی ایس ایل سلمان نصیر۔ پاکستان ٹیم کے کپتان محمد رضوان۔ چیف فنانشل آفیسر جاوید مرتضی۔ ایف ڈبلیو او کے پراجیکٹ ڈائریکٹر۔ نیسپاک ۔ پی سی بی کے اعلی حکام بھی اس موقع پر موجود تھے.

سلیکشن کمیٹی کو اختیار ہے وہ چیمپئنز ٹرافی کے قومی اسکواڈ میں تبدیلی کرتے ہیں یا نہیں،محسن نقوی
علاوہ ازیں چیئرمین پاکستان کرکٹ بورڈ محسن نقوی نے صحافیوں سے غیر رسمی بات چیت کرتے ہوئے کہا ہے کہ سلیکشن کمیٹی چیمپئنز ٹرافی اسکواڈ کو ری ویو کررہی ہے،سلیکشن کمیٹی کو اختیار ہے وہ چیمپئنز ٹرافی کے قومی اسکواڈ میں تبدیلی کرتے ہیں یا نہیں،خوشدل شاہ اور فہیم اشرف کو نیک نیتی سے اسکواڈ کا حصہ بنایا گیا، دبئی کےلیے ویزے کا مسئلہ حل ہوگیا ہے، جس کے پاس میچ کا کارڈ یا ٹکٹ ہوگا اسے ویزا مل جائے گا، 16 فروری کو چیمپئنز ٹرافی کی تقریب آئی سی سی کی آفیشل تقریب ہے، جس میں مختلف ممالک کے لوگوں کو مدعو کیا گیا ہے،آئی سی سی کے ساتھ چیمپئنز ٹرافی کے میچ پاسز کی ڈیل طے پائی ہے، آئی سی سی سے طے شدہ رقم لیں گے، قذافی اسٹیڈیم کے نئے فائیو اسٹار ہوٹل کی تعمیر اگلے ایک سال میں مکمل کریں گے، نیشنل کرکٹ اکیڈمی کو نئے طریقے سے ڈیزائن کریں گے، این سی اے کے ٹریننگ گراؤنڈ کی توسیع کریں گے، وی آئی پی باکسز کو 6 سال کےلیے کرائے پر دیں گے،ہر باکس کی قیمت 10 کروڑ روپے رکھی جائے گی، 24 باکسز میں سے کچھ سیریز ٹو سیریز رینٹ کریں گے اور باقی کچھ مدت کےلیے کرائے پر دیں گے۔

جنوبی افریقا کے خلاف ٹیسٹ سیریز کے دوران ٹخنے کی انجری کا شکار ہونے والے پاکستان کے بیٹر صائم ایوب 10 ہفتوں کے لیے کرکٹ سے آؤٹ ہو گئے۔

پاکستان کرکٹ بورڈ کی جانب سے صائم ایوب کی انجری کے حوالے سے اپ ڈیٹ جاری کی گئی ہے جس میں بتایا گیا ہے کہ صائم ایوب 10 ہفتوں کے لیے کرکٹ سے باہر رہیں گے۔صائم ایوب کو 3 جنوری کو جنوبی افریقا کے خلاف ٹیسٹ میچ کے دوران فیلڈنگ کرتے ہوئے ٹخنے کی انجری ہوئی تھی۔ ڈاکٹرز نے ایم آر آئی اسکین ایکسریز اور میڈیکل رپورٹس کے بعد صائم ایوب کو 10 ہفتوں تک آرام کا مشورہ دیا، صائم ایوب پہلے سے بہتر محسوس کر رہے ہیں تاہم ان کی دورہ نیوزی لینڈ کے لیے دستیابی ان کی فٹنس سے مشروط ہو گی، اس دوران صائم ایوب بدستور اپنا ری ہیب انگلینڈ میں جاری رکھیں گے۔

یاد رہے کہ پاکستان اور نیوزی لینڈ کے درمیان وائٹ بال سیریز 16 مارچ سے 5 اپریل تک کھیلی جائے گی۔

پاکستان کرکٹ ٹیم کے بیٹر فخر زمان نے حالیہ پوڈ کاسٹ میں اپنی بیماری کے حوالے سے وضاحت پیش کی اور کہا کہ ان کو انجری نہیں ہوئی تھی بلکہ وہ بیماری کا شکار تھے۔

فخر زمان کا کہنا تھا کہ کہ بیماری کسی بھی شخص کو ہو سکتی ہے اور ان کے ساتھ بھی ایسا ہی ہوا۔ انہیں ہائپر تھائیرائیڈ ہوگیا تھا جس کی وجہ سے ان کا وزن 10 کلو کم ہو گیا تھا اور پٹھے کمزور ہوگئے تھے۔ اس کے نتیجے میں ان کی ری کوری میں وقت لگا اور اس دوران وہ ٹیم سے باہر رہے۔ اب وہ مکمل طور پر فٹ ہو چکے ہیں اور ڈومیسٹک کرکٹ میں شروع کے چار پانچ میچز ان کے لیے مشکل تھے کیونکہ انہیں ایسا محسوس ہو رہا تھا جیسے وہ کھیلنا بھول گئے ہوں۔ تاہم، آہستہ آہستہ ان کی حالت بہتر ہوئی ، اب وہ مکمل طور پر صحت یاب ہیں اور کرکٹ کے میدان میں واپس آ چکے ہیں۔

دوسری جانب پاکستان کرکٹ کے نوجوان فاسٹ بولر نسیم شاہ نے بھی اپنے خیالات کا اظہار کیا اور چیمپئنز ٹرافی کے حوالے سے اپنے جذبات کا کھل کر ذکر کیا۔ انہوں نے کہا کہ چیمپئنز ٹرافی ایک بڑا ایونٹ ہے اور اس میں پاکستان کی شرکت کے حوالے سے وہ بے حد پُرجوش ہیں۔ نسیم شاہ نے بتایا کہ ان کی کرکٹ کی شروعات بھی چیمپئنز ٹرافی سے ہوئی تھی اور اب وہ اس ایونٹ کو یادگار بنانے کی بھرپور کوشش کریں گے۔نسیم شاہ نے اپنی کرکٹ کی ابتدائی یادیں بھی شیئر کیں اور کہا کہ جب وہ 12 یا 13 برس کے تھے تو لاہور کرکٹ کھیلنے آئے، اس دوران ایک شخص نے انہیں کہا تھا کہ وہ فوراً فرسٹ کلاس کرکٹ کھیل سکتے ہیں۔ ان کے والد نے انہیں ایک ڈیڑھ ماہ کرکٹ کھیلنے کی اجازت دی تھی، تاکہ اگر کچھ نہیں ہوتا تو وہ اسکول واپس آ جائیں۔ نسیم شاہ نے کہا کہ سلمان قادر نے ان کے بارے میں پیش گوئی کی تھی اور اس کے بعد انہوں نے بہت محنت کی، تب جا کر وہ اس مقام تک پہنچے ہیں جہاں وہ آج ہیں۔

نسیم شاہ کا کہنا تھا کہ نئی گیند کے ساتھ بولنگ کرنا بہت ضروری ہوتا ہے اور وہ کوشش کرتے ہیں کہ ون ڈے کرکٹ میں ڈسپلن کے ساتھ بولنگ کریں۔ فاسٹ بولر نے کہا کہ جب ٹیل اینڈرز کے ساتھ پارٹنرشپ بنتی ہے تو بولرز مایوس ہو جاتے ہیں، لیکن وہ خود اس صورت میں پارٹنرشپ بنانے کی کوشش کرتے ہیں۔

نسیم شاہ نے اپنی بات کا اختتام ایک دلچسپ پیغام سے کیا اور کہا کہ ان کے پاس تین سے چار ٹکٹس ہوتے ہیں اور جب کرکٹ میچز ہوتے ہیں تو کئی سو لوگ ان سے ٹکٹ مانگتے ہیں۔ انہوں نے درخواست کی کہ لوگ براہ کرم ٹکٹ نہ مانگیں کیونکہ وہ اپنی فیملی کو بھی کبھی کبھار ٹکٹ دینے سے منع کر دیتے ہیں۔ نسیم شاہ کا کہنا تھا کہ یہ مجبوری ہے اور وہ سب کو خوش نہیں رکھ سکتے، اس لیے لوگوں سے گزارش ہے کہ ٹکٹ نہ مانگیں۔

فیفا نے پاکستان فٹبال فیڈریشن (پی ایف ایف) کی رکنیت معطل کردی ہے۔

عالمی فٹبال تنظیم نے اس فیصلے کا اعلان کرتے ہوئے کہا ہے کہ پی ایف ایف کے آئین میں مجوزہ ترامیم نہ ہونے کی وجہ سے پاکستان کی رکنیت معطل کر دی گئی ہے۔فیفا نے اپنے بیان میں مزید وضاحت دیتے ہوئے کہا کہ پی ایف ایف میں جمہوری عمل کے رکاوٹوں کے باعث یہ فیصلہ کیا گیا ہے۔ فیفا کا کہنا تھا کہ پاکستان کی معطلی اس وقت تک برقرار رہے گی جب تک پی ایف ایف کی کانگریس مجوزہ آئینی ترامیم کو منظور نہیں کر لیتی۔

یاد رہے کہ پی ایف ایف کے آئین میں تبدیلی پر مزاحمت کا سامنا پاکستان میں موجود تھا، اور اسی مزاحمت کی وجہ سے فیفا نے معطلی کا یہ اقدام اٹھایا ہے۔یہ معطلی پاکستان میں فٹبال کے لیے ایک اہم تبدیلی کا باعث بن سکتی ہے اور اس کا اثر قومی اور بین الاقوامی سطح پر کھیل کی ترقی پر پڑ سکتا ہے۔

عمران ریاض کی جان کو کس سے خطرہ؟مبشرلقمان،عمران ریاض کے مابین کیا بات چیت ہوئی

پاکستان کرکٹ ٹیم کے سابق کپتان بابر اعظم مشکل میں پھنس گئے،

بابر اعظم نے سماجی رابطے کی ویب سائٹ ایکس پر پوسٹ میں کہا ہے کہ ان کا فون گم ہوگیا ہے جس کے باعث ان کے تمام رابطے بھی ضائع ہو گئے ہیں۔بابر اعظم نے کہا، "میرا فون گم ہوگیا ہے اور اس میں تمام رابطے بھی ضائع ہو گئے ہیں، اس لیے اگر کسی کو فوری طور پر جواب نہ ملے، تو براہ کرم صبر کریں۔ جیسے ہی فون ملے گا، میں سب سے رابطہ کر لوں گا۔”

یہ بیان اس وقت سامنے آیا جب بابر اعظم کی مصروفیت اور اہم معاملات کی وجہ سے کئی افراد ان سے رابطہ کرنے میں ناکام رہے تھے۔ ان کے اس بیان کے بعد مداحوں اور فالوورز نے انہیں تسلی دی اور جلد فون ملنے کی دعا کی۔

بابر اعظم کی اس گمشدہ فون کی خبر نے سوشل میڈیا پر خاصی توجہ حاصل کی ہے، بابر اعظم کے فون گم ہونے پر صارفین طرح طرح کے تبصرے کر رہے ہیں، ایک صارف کا کہنا تھا کہ وہ خوش نصیب ہی ہو گا جس کو بابر کا فون ملا ہو گا.ایک صارف کا کہنا تھا کہ اب بابر کا فون گم ہونے کے بعد بابر اعظم کی ویڈیو بھی لیک ہو سکتی ہے، ایک صارف کا کہنا تھا کہ شاید میں ہی فون گم ہونے کا سٹیٹس لگاتا تھا لیکن یہاں توبابر بھی…

ویسٹ انڈیز کرکٹ بورڈ نے پاکستان کرکٹ ٹیم کے خلاف آئندہ سیریز کے شیڈول کا اعلان کر دیا ہے۔ یہ سیریز جولائی اور اگست میں منعقد ہو گی اور اس میں ٹی ٹوئنٹی اور ون ڈے میچز شامل ہوں گے۔

سیریز میں کل 6 میچز کھیلے جائیں گے، جن میں 3 ٹی ٹوئنٹی اور 3 ون ڈے میچز شامل ہیں۔تین ٹی ٹوئنٹی میچز امریکہ میں کھیلے جائیں گے، جو کہ بروورڈ کاؤنٹی، فلوریڈا میں ہوں گے۔ یہ میچز 31 جولائی، 2 اگست اور 3 اگست کو کھیلے جائیں گے۔جبکہ تین ون ڈے میچز ٹرینیڈاڈ کے برائن لارا کرکٹ اکیڈمی میں کھیلے جائیں گے۔ یہ میچز 8، 10 اور 12 اگست کو شیڈول کیے گئے ہیں۔

اس سیریز کی تنظیم ویسٹ انڈیز کرکٹ بورڈ کی جانب سے کی جا رہی ہے، جس کا مقصد دونوں ٹیموں کے درمیان کرکٹ کے معیاری مقابلوں کو فروغ دینا ہے اور دونوں ممالک کے کرکٹ شائقین کو شاندار کرکٹ دیکھنے کا موقع فراہم کرنا ہے۔