Baaghi TV

Category: کھیل

  • ٹی ٹوئنٹی،پاکستان سپر ایٹ مرحلے تک کیسے پہنچ سکتا؟

    ٹی ٹوئنٹی،پاکستان سپر ایٹ مرحلے تک کیسے پہنچ سکتا؟

    ٹی ٹوئنٹی ورلڈ کپ، پاکستان نے اب تک تین میچ کھیلے ہیں، امریکا اور بھارت سے ہار گیا جبکہ کینیڈا سے جیتا ہے،پاکستان اب بھی سپرایٹ کے لئے کوالیفائی کر سکتا ہے

    نیو یارک کے ناساؤ کاؤنٹی انٹرنیشنل کرکٹ اسٹیڈیم میں گزشتہ روز ٹی ٹوئنٹی ورلڈکپ میں بھارت نے امریکا کو 7 وکٹوں سے شکست دی اور سپر ایٹ مرحلے کے لیے کوالیفائی کرلیا ہے،بھارت کی امریکا کے خلاف جیت کے ساتھ ہی پاکستان کے سپر ایٹ میں کوالیفائی کرنے سے ایک رکاوٹ دور ہوگئی ،پاکستان نے اب تک تین میچے کھیلے جن میں سے ایک جیتا،تاہم پاکستان کے لئے سپر ایٹ تک پہنچنے کا راستہ مشکل ہے لیکن ناممکن نہیں،پاکستان کی ٹیم کوشش کرے اور شائقین کی امیدوں پر پورا اترنے کی ٹھان لے تو تو سپرایٹ مرحلے تک پہنچ سکتی ہے

    گروپ اے کی ٹیموں کے درج ذیل نتائج ٹی ٹوئنٹی ورلڈکپ کے سپر 8 مرحلے میں پاکستان کی کوالیفائی کو یقینی بنائیں گے۔
    جون 14: امریکا بمقابلہ آئرلینڈ۔ پاکستان کو آئرلینڈ کی جیت درکار
    جون 15: کینیڈا بمقابلہ بھارت۔پاکستان کو بھارت کی جیت درکار
    جون 16: آئرلینڈ بمقابلہ پاکستان۔ پاکستان کو جیت درکار
    اگر ان میچوں کے نتائج اس طرح آتے ہیں تو پاکستان کے چار میچوں میں 4 پوائنٹس ہوں گے، بھارت کے پاس 8 اور امریکا اور پاکستان کے برابر پوائنٹس ہوں گے،گروپ مرحلے کے کھیلوں کے اختتام پر کینیڈا اور آئرلینڈ کے 2،2 پوائنٹس ہوں گے، پاکستان کو آئرلینڈ کے خلاف اپنے نیٹ رن ریٹ کو بہتر بنانے کے لیے بڑے مارجن سے جیت حاصل کرنے کی ضرورت ہوگی کیونکہ اس کے اور امریکا کے پوائنٹس برابر ہوں گے لہٰذا نیٹ رن ریٹ کام آئے گا،اسکے علاوہ امریکا اور آئرلینڈ کے میچ میں امریکا نہ جیتے بلکہ آئرلینڈ جیتے اور نہ ہی یہ میچ بارش کی نذر ہو ورنہ پاکستان کے لئے مشکل پیدا ہو سکتی ہے

    ٹی 20 ورلڈ کپ:پاکستان نے کینیڈا کو ہرا کر ایونٹ میں پہلی کامیابی حاصل کرلی

    بہت ہو گیا،طوائفوں کی ٹیم، محسن نقوی ایک اور عہدے کے‌خواہشمند

    پاکستانی ٹیم میں قوم جلد بڑی سر جری ہوتی ہوئے دیکھے گی.محسن نقوی

    ٹی ٹوئنٹی ورلڈکپ :وزیراعظم کا بھارت کےخلاف بہترین بولنگ پر پاکستان ٹیم کو خراج تحسین

    ٹی ٹوئنٹی ورلڈ کپ:بھارت نے پاکستان کو 6 رنز سے شکست دیدی

  • ٹی ٹوینٹی پلیئرز کی رینکنگ جاری

    ٹی ٹوینٹی پلیئرز کی رینکنگ جاری

    ٹی ٹوینٹی پلیئرز کی رینکنگ جاری کردی گئی ہے۔ آئی سی سی نے نئی ٹی ٹوئنٹی پلیئرز رینکنگ جاری کر دی ہے۔ آئی سی سی کی ٹی ٹوینٹی رینکنگ میں بیٹنگ میں بھارت کےسوریا کماریادیو پہلے نمبرپر ہیں، انگلینڈ کے فل سالٹ کا دوسرا نمبر ہے جبکہ بابراعظم ایک درجہ ترقی کے بعد تیسرے نمبر پر آگئے ہیں۔اس کے علاوہ محمد رضوان ایک درجہ تنزلی کے بعد چوتھے نمبر پرچلے گئے جبکہ انگلینڈ کے جوز بٹلر دو درجہ ترقی کے بعد پانچویں نمبر پر ہیں۔ٹی ٹوینٹی بولنگ رینکنگ میں انگلینڈ کے عادل رشید کا پہلا نمبر ہے، سری لنکا کے وانندو ہسارانگا کا دوسرا، افغانستان کے راشد خان 4 درجہ بہتری کے بعد تیسری پوزیشن پر آ گئے۔جنوبی افریقہ کے اینریخ نوکیا چوتھے ، افغانستان کے فضل حق فاروقی 6 درجے کے بہتری کے بعد پانچویں پوزیشن پر ہیں۔ٹی ٹوینٹٹی ٹاپ 10 باؤلرز میں پاکستان کا کوئی باؤلر شامل نہیں البتہ شاہین آفریدی ایک درجہ تنزلی کے بعد 12 ویں نمبر پر چلے گئے ہیں۔

  • ٹی ٹوئنٹی ورلڈکپ: امریکا اور بھارت سے میچ ہارنے پر ٹیم اراکین کیخلاف بغاوت کا مقدمہ

    ٹی ٹوئنٹی ورلڈکپ: امریکا اور بھارت سے میچ ہارنے پر ٹیم اراکین کیخلاف بغاوت کا مقدمہ

    گوجرانوالہ: آئی سی سی ٹی ٹوئنٹی ورلڈکپ میں امریکا اور بھارت سےکرکٹ میچ ہارنے پر قومی ٹیم کیخلاف عدالت میں پٹیشن دائرکر دی گئی۔

    باغی ٹی وی : رٹ پٹیشن ایک وکیل کی جانب سے ایڈیشنل سیشن جج گوجرانوالہ تمثال زیب نعیم کی عدالت میں دائر کی گئی ہے، درخواست کے مطابق کپتان بابر اعظم اور دیگر ٹیم اراکین کے خلاف بغاوت کا مقدمہ درج کیا جائے،اس کے علاوہ ٹیم مینیجر، کوچ اور چیف سلیکٹر کے خلاف بھی مقدمہ درج کرنے کی استدعا کی گئی ہے۔

    عدالت نے اندراج مقدمہ کی درخواست پر پولیس سے رپورٹ طلب کر لی ہے اور ایس ایچ او تھانہ اروپ کو 21 جون تک رپورٹ جمع کرانے کی ہدایت کی گئی ہے۔

    وزیر اعظم کا اسلام آباد میں بین الاقوامی معیار کا قائد اعظم ہیلتھ ٹاور تعمیر …

    واضح رہے کہ آئی سی سی ٹی ٹوئنٹی ورلڈکپ امریکا میں جاری ہے جس میں پاکستان کو امریکا اور بھارت نے شکست دی تھی،پاکستان کو امریکا کے ہاتھوں سپر اوور میں 5 رنز سے جب کہ بھارت سے 6 رنز سے شکست ہوئی۔

    بھارت کا پاکستان اور چین کے ساتھ دیرینہ تنازعات ختم کرنے کا عندیہ

  • محسن نقوی کا قذافی اسٹیڈیم کا دورہ، اپ گریڈیشن کے لیے 24 گھنٹے کام کرنے کا حکم

    محسن نقوی کا قذافی اسٹیڈیم کا دورہ، اپ گریڈیشن کے لیے 24 گھنٹے کام کرنے کا حکم

    لاہور: چیئرمین پاکستان کرکٹ بورڈ محسن نقوی نے قذافی اسٹیڈیم لاہور میں اپ گریڈیشن کے لیے جاری کاموں کا جائزہ لیا۔

    باغی ٹی وی :چیئرمین پاکستان کرکٹ بورڈ محسن نقوی نے قذافی اسٹیڈیم کا دورہ کیا اور اسٹیڈیم کا رات گئے کام بند ہونے پر ناراضگی کا اظہار کیامحسن نقوی نے اسٹیڈیم کی اپ گریڈیشن کے لیے 24 گھنٹے کام کرنے اور کام کی رفتار کو تیز کرنے کا حکم دیا، کہا کہ 24 گھنٹے کام کرکے ہی اس بڑے پراجیکٹ کو وقت پر مکمل کیا جا سکتا ہے، انہوں نے کہا کہ اسٹیڈیم کی مرکزی عمارت کے نیچے پائپ پھٹنے کے باعث جمع پانی کی جلد نکاسی یقینی بنائی جائے ، چیمپئنز ٹرافی سے قبل اسٹیڈیم کی اپ گریڈیشن کا کام مکمل کرنے کے لیے مزید وسائل بروئے کار لانے کی ضرورت ہے۔

    واضح رہے کہ چیپمئنز ٹرافی 2025 کی میزبانی پاکستان کے پاس ہے اور پی سی بی نے ٹورنامنٹ کا حتمی شیڈول بھی منظوری کے لیے آئی سی سی کو بھجوا دیا ہے۔

    امریکا کا خدیجہ شاہ پر سفری پابندیوں کے خاتمے کیلئے پاکستان میں حکام سے رابطہ

    بجٹ کے بعد کابینہ میں توسیع کا فیصلہ،پیپلز پارٹی کو شمولیت کی دعوت

    عدالت کا خواتین کے شناختی کارڈ پر والد کے نام کیلئے قواعد میں ترمیم کا …

  • فاسٹ بولر حارث رؤف نے ٹی ٹوئنٹی انٹرنیشنل میں وکٹوں کی سنچری مکمل کرلی

    فاسٹ بولر حارث رؤف نے ٹی ٹوئنٹی انٹرنیشنل میں وکٹوں کی سنچری مکمل کرلی

    پاکستان کے فاسٹ بولر حارث رؤف نے ٹی ٹوئنٹی انٹرنیشنل میں وکٹوں کی سنچری مکمل کرلی، پاکستانی فاسٹ بولر نے کینیڈا کے خلاف ورلڈکپ میچ میں یہ سنگ میل عبور کیا، حارث رؤف ٹی ٹوئنٹی انٹرنیشنل میں وکٹوں کی تیز ترین سنچری مکمل کرنے والے فاسٹ بولر بن گئے، انہوں نے 71 میچز میں 100 ٹی ٹوئنٹی انٹرنیشنل وکٹیں مکمل کیں، قبل ازیں آئرلینڈ کے مارک اڈائیر نے 72 میچز میں 100 وکٹوں کا سنگ میل عبور کیا تھا۔ مجموعی طور پر حارث رؤف 100 وکٹیں حاصل کرنے والے تیسرے تیز ترین بولر ہیں، حارث سے کم میچز میں 100 وکٹیں مکمل کرنے والے دیگر دونوں بولرز اسپنرز ہیں، افغانستان کے راشد خان نے 54 اور سری لنکا کے ہسارنگا نے 63 میچز میں 100 وکٹیں مکمل کیں۔ خیال رہے کہ حارث رؤف 100 ٹی ٹوئنٹی انٹرنیشنل وکٹیں لینے والے دوسرے پاکستانی ہیں، شاداب خان 107 وکٹوں کے ساتھ سب سے زیادہ ٹی ٹوئنٹی انٹرنیشنل وکٹ لینے والے پاکستانی بولر ہیں۔

  • ٹی 20 ورلڈ کپ:پاکستان نے کینیڈا کو ہرا کر ایونٹ میں پہلی کامیابی حاصل کرلی

    ٹی 20 ورلڈ کپ:پاکستان نے کینیڈا کو ہرا کر ایونٹ میں پہلی کامیابی حاصل کرلی

    ٹی ٹوئنٹی ورلڈکپ میں پاکستان نے پہلی کامیابی حاصل کرتے ہوئےکینیڈا کو 7 وکٹ سے ہرا دیا۔نیویارک میں کھیلےگئے میچ میں پاکستان نے کینیڈا کے خلاف ٹاس جیت کر پہلے بولنگ کا فیصلہ کیا۔کینیڈا نے مقررہ 20 اوور میں 7 کھلاڑیوں کے نقصان پر 106 رنز بنائے۔کینیڈا کی جانب سے ارون جانسن نے 52 رنز کی اننگز کھیلی۔
    نیو یارک کے نساؤ کاؤنٹی اسٹیڈیم میں کھیلے جارہے اس میچ میں پاکستان نے ٹاس جیت کر کینیڈا کو پہلے بیٹنگ کی دعوت دی۔ پاکستان کو پہلی کامیابی اس وقت ملی جب 20 کے مجموعی اسکور پر نیونیت دہلیوال 4 رنز بناکر آؤٹ ہوگئے۔
    اسکور میں صرف 9 رنز کا اضافہ ہوا تھا کہ پرگت سنگھ 2 رنز بناکر شاہین آفریدی کی گیند پر کیچ آؤٹ ہوگئے۔کینیڈا کی تیسری وکٹ 43 رنز پر گری، نیکولس کیرٹون ایک رن کے ذاتی اسکور پر رن آؤٹ ہوئے۔کینیڈا کی وکٹیں گرنے کا سلسلہ تیز ہوا تو چوتھی اور پانچویں وکٹ 54 رنز پر ہی گرگئیں، یہ دونوں وکٹیں حارث رؤف کے حصے میں آئیں۔اس دوران آرون جانسن نے 41 گیندوں کی مدد سے اپنی شاندار نصف سنچری مکمل کی۔ لیکن وہ جلد ہی 52 کے اسکور پر نسیم شاہ کی گیند پر کلین بولڈ ہوگئے۔ وہ کینیڈا کے آؤٹ ہونے والے چھٹے بیٹر تھے۔87 کے مجموعے پر محمد عامر نے پاکستان کو 7ویں کامیابی دلوائی۔ انہوں نے کینیڈین کپتان سعد بن ظفر کو کیچ آؤٹ کروایا۔ سعد نے 10 رنز بنائے تھے۔

    کینیڈا نے اس کے بعد مزید تو کوئی وکٹ نہیں گنوائی لیکن مقررہ 20 اوورز میں صرف 106 رنز بناسکی۔ قومی کرکٹ ٹیم کے کپتان بابر اعظم کا کہنا ہے کہ افتخار احمد کی جگہ صائم ایوب کو ٹیم میں شامل کیا گیا ہے۔پاکستان ٹیم کپتان بابر اعظم، محمد رضوان، صائم ایوب، فخر زمان، عثمان خان، شاداب خان، عماد وسیم، شاہین شاہ آفریدی، نسیم شاہ، حارث روف اور محمد عامر پر مشتمل ہے۔یونٹ میں پاکستان ٹیم اپنی پہلی جیت کی منتظر ہے، اسے پہلے میچ میں امریکا اور دوسرے میں روایتی حریف بھارت سے شکست کا سامنا کرنا پڑا تھا۔ایونٹ میں اِن رہنے کےلیے پاکستان کو نہ صرف اپنے اگلے دونوں میچز جیتنا ضروری ہیں بلکہ امریکا کی بھارت اور آئرلینڈ کے خلاف شکست بھی لازمی ہے۔اگر امریکا کسی بھی طرح مزید ایک پوائنٹ حاصل کرنے میں کامیاب ہوگیا تو پاکستان کےلیے ایونٹ پہلے مرحلے میں ہی ختم ہو جائے گا۔

  • ٹی ٹوئنٹی ورلڈ کپ:جنوبی افریقا نے بنگلادیش کو 4 رنز سے شکست دیدی

    ٹی ٹوئنٹی ورلڈ کپ:جنوبی افریقا نے بنگلادیش کو 4 رنز سے شکست دیدی

    نیویارک : آئی سی سی ٹی ٹوئنٹی ورلڈ کپ کے 21 ویں میچ میں جنوبی افریقا نے بنگلادیش کیخلاف ٹاس جیت کر بیٹنگ کا فیصلہ کیا ہے۔

    باغی ٹی وی : نیو یارک کے نساؤ کاؤنٹی انٹرنیشنل کرکٹ اسٹیڈیم میں گروپ ڈی کی دونوں ٹیموں کے درمیان میچ کا آغاز پاکستانی وقت کے مطابق شام 7:30 پر ہوگا جنوبی افریقا کی ٹیم 4 پوائنٹس کے ساتھ گروپ ڈی میں سرفہرست ہے جنوبی افریقا نے اپنے پہلے میچ میں سری لنکا اور دوسرے میچ میں نیدرلینڈز کو شکست دی تھی، بنگلا دیش نے اب تک اپنا یک ہی میچ کھیلا ہے جس میں اس نے سری لنکا کو ہرایا تھا، گروپ ڈی میں بنگلا دیش 2 پوائنٹس کے ساتھ دوسرے نمبر پر ہے۔

    جنوبی افریقا نے ٹاس جیت کر پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 113 رنز بنائے، جنوبی افریقا کی جانب سے ہینرک کلاسن 46 رنز بنا کر نمایاں رہے۔ ڈیوڈ ملر 29 جبکہ کوئنٹن ڈی کاک 18 رنز بنا کر آؤٹ ہوئے۔ کپتان ایڈن مارکرم 4، ریزا ہینڈرکس اور ٹرسٹن اسٹبز 0، 0 رنز بنا کر پویلین لوٹے،مارکو جینسن 5 اور کیشو ماہراج 4 رنز بنا کر ناٹ آؤٹ رہے ،بنگلا دیش کی جانب سے تنظیم حسین ثاقب نے 3، تسکین احمد نے 2 اور رشاد حسین نے 1 وکٹ حاصل کی۔

    جنوبی افریقا کے 113 رنز کے جواب میں بنگلا دیشی ٹیم 20 اوورز میں 7 وکٹوں کے نقصان پر 109 رنز بناسکی، بنگلادیش کی طرف سے توحید ہردوئے 37، محموداللہ 20 اور نجم الحسن شانتو 14 رنز بناکر نمایاں رہے، جنوبی افریقا کی طرف سے کیشو مہاراج نے 3، کاگیسو ربادا اور انرچ نورٹجے نے 2، 2 وکٹیں حاصل کیں۔

  • کرکٹ صرف چوکوں، چھکوں کا نام نہیں،انٹر نیشنل کرکٹ میں ہر بار خود کو تبدیل کرنا ہوتا ہے،ہیڈ کوچ

    کرکٹ صرف چوکوں، چھکوں کا نام نہیں،انٹر نیشنل کرکٹ میں ہر بار خود کو تبدیل کرنا ہوتا ہے،ہیڈ کوچ

    نیویارک : پاکستان کرکٹ ٹیم کے ہیڈ کوچ گیری کرسٹن کا کہنا ہے کہ اگر آپ نے خود کا گیم بہتر نہیں کیا تو آپ لمبا نہیں کھیل پائیں گے، انٹر نیشنل کرکٹ میں ہر بار خود کو تبدیل کرنا ہوتا ہے۔

    باغی ٹی وی : نیویارک میں پاک بھارت میچ کے بعد پاکستان ٹیم کے ہیڈ کوچ گیری کرسٹن نے پریس کانفرنس کرتے ہوئے کہا کہ تمام کھلاڑی تجربہ کار ہیں، انہیں اندازہ ہے کہ کیسے پرفارم کرنا ہےہیڈ کوچ کا کہنا تھا کہ ان کے خیال میں نیو یارک کی وکٹ خطرناک نہیں تھی، ایک دو جگہ شارپ باؤنس تھا لیکن وہ مسئلہ نہیں۔

    گیری کرسٹن نے کہا کہ سلو آؤٹ فیلڈ کی وجہ سے یہاں بڑا ٹوٹل نہیں ہونا تھا، 140 یہاں اچھا اسکور ہوتا بھارت کو اس سے کم میں روکا تھا،کرکٹ صرف چوکوں، چھکوں کا نام نہیں، 120 ٹوٹل کا میچ بھی دلچسپ ہوسکتا ہے،اگر آپ نے خود کا گیم بہتر نہیں کیا تو آپ لمبا نہیں کھیل پائیں گے، انٹر نیشنل کرکٹ میں ہر بار خود کو تبدیل کرنا ہوتا ہے، ہدف کے تعاقب میں ابتدائی 15 اوورز میں ٹیم اچھا کھیلی، ایسا ہی پلان تھا، لیکن وکٹیں گرنے کے بعد رنز بننا رُکے اور دباؤ میں آگئے۔

    غزہ جنگ : اختلافات پر نیتن یاہو کی جنگی کابینہ کےاہم رکن اپنے عہدے …

    واضح رہے کہ بھارت کے خلاف میچ میں پاکستان کی قومی ٹیم بری طرح ناکام ہوئی،ٹیم 120 رنز کا ہدف بھی مکمل نہ کر سکی.چیئرمین پی سی بی محسن نقوی کا کہنا تھا کہ ہمیں چیمپئنز ٹرافی کیلئے ٹیم تیار کرنی ہے اور وقت آگیا ہےکہ باہر بیٹھا نئے ٹیلنٹ کو بھی موقع دیا جائے پاکستانی کرکٹ ٹیم کو دنیا کی ایک بہترین ٹیم بنانا ہے، اچھی طرح معلوم ہے کہ ٹیم میں کیا چل رہا تھا اور ہارنے کی وجوہات کیا ہیں قوم کرکٹ ٹیم سے ایسی مایوس کن کارکردگی کی توقع نہیں رکھتی۔

    غیرملکی ائیرلائن کی پرواز منسوخ ہونے سے 136 عازمین حج شدید پریشانی کا شکار

  • ٹیم میں بڑی سرجری کے بجائے خود ساختہ سرجن چیئرمین بورڈ مستعفی ہو،جے یو آئی

    ٹیم میں بڑی سرجری کے بجائے خود ساختہ سرجن چیئرمین بورڈ مستعفی ہو،جے یو آئی

    ٹی ٹوئنٹی ورلڈ کپ، بھارت سے شکست کے بعد جے یو آئی نے چیئرمین پی سی بی محسن نقوی کا استعفیٰ مانگ لیا

    جے یو آئی رہنما حافظ حمداللہ کا کہنا تھا کہ "ٹیم میں بڑی سرجری کے بجائے خود ساختہ سرجن چیئرمین بورڈ مستعفی ہو، چیئرمین صاحب آپ کی سلیکٹ کردہ ٹیم نے قوم کی ناک کاٹ دی ہے، خود ساختہ سرجن چیئرمین بورڈ کے ذریعے سرجری نہیں ملک و قوم کی گردن کٹےگی”۔جے یو آئی رہنما حافظ حمد اللہ کا مزید کہنا تھا کہ پی سی بی پر جب سے موجودہ چیئرمین کو مسلط کیا گیا ہے تب سے ٹیم لڑکھڑا رہی ہے، محسن نقوی اتنے ہی باصلاحیت ہیں تو انہیں بنانے والے اپنا عہدہ بھی ان کو دے دیں۔

    تحریک انصاف کی رہنما مسرت چیمہ کا کہنا ہے کہ محسن نقوی ہر عہدے کے لئے خود کو قابل سمجھتا ہے لیکن جس شعبے کو ہاتھ لگاتا یے اسکا بیڑہ غرق کر دیتا ہے. کرکٹ سے عوامی جذبات منسلک ہوتے ہیں اپنے عہدوں کی لالچ میں عوام کے جذبات کے ساتھ نہ کھیلیں، استعفی دیں اور کسی اور کو موقع دیں.

    صحافی فخر درانی ٹویٹ کرتے ہوئے کہتے ہیں کہ استعفی صرف اور صرف محسن نقوی کا بنتا ہے۔کرکٹ بورڈ کا چئیرمین کوئی فل ٹائم ہونا چاہیے۔ تین تین عہدے رکھ کر کیا کرنا ہے نقوی صاحب۔ خدا کے لیے کسی پروفیشنل کو یہ عہدہ لینے دیں۔

    بہت ہو گیا،طوائفوں کی ٹیم، محسن نقوی ایک اور عہدے کے‌خواہشمند

    پاکستانی ٹیم میں قوم جلد بڑی سر جری ہوتی ہوئے دیکھے گی.محسن نقوی

    ٹی ٹوئنٹی ورلڈکپ :وزیراعظم کا بھارت کےخلاف بہترین بولنگ پر پاکستان ٹیم کو خراج تحسین

    ٹی ٹوئنٹی ورلڈ کپ:بھارت نے پاکستان کو 6 رنز سے شکست دیدی

  • بہت ہو گیا،طوائفوں کی ٹیم، محسن نقوی ایک اور عہدے کے‌خواہشمند

    بہت ہو گیا،طوائفوں کی ٹیم، محسن نقوی ایک اور عہدے کے‌خواہشمند

    باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ میرا خیال تھا ابھی تک بھونچال آ گیا ہو گا، محسن نقوی نے استعفیٰ دے دیا ہو گا، بورڈ کے ممبران نے استعفیٰ دے دیا ہو گا ،بابر سمیت دیگر کھلاڑیوں نے استعفیٰ دے دیا ہو گا ،لیکن مجھے ایسی کوئی خبر نہیں ملی ، محسن نقوی فرماتے ہیں کہ سرجری کی ضرورت ہے،اب وہ جنرل سرجن بھی بننا چاہتے ہیں کسی ہسپتال کے، یا کوئی اور وزارت لینا چاہ رہے ہیں،ا نہوں نے اظہار کر دیا ہے کہ وہ ٹیم کی سرجری کریں گے

    مبشر لقمان آفیشیل یوٹیوب چینل پر اپنے ویلاگ میں مبشر لقمان کا کہنا تھا کہ استعفے وہاں آتے ہیں جہاں قوم میں غیرت ہو، کوئی شرم کوئی حیا ہو، کوئی اپنی ناکامی پر خود کشی، کوئی استعفیٰ دے،یہ اتنے غیرتمند نہیں، اپنی ناکامی دوسروں پر ڈالتے ہیں، یہ پوری ٹیم دیکھیں، اقربا پروری کی ،جہالت کی بہت بڑی مثال ہے، ایک ہفتے کے لئے یہ کاکول گئے وہاں انکو فزیکل ٹریننگ کروائی گئی،ایک ہفتے میں سب کچھ ہو گیا جوکہیں نہیں ہوتا، دنیا بہت آگے نکل چکی ہے اور ہم بہت پیچھے ہیں، اگر ہم سمجھتے ہیں کہ سٹوپڈ قسم کے لوگ جو آخر میں دس بارہ رنز مار دیں گے تو شاید ہم احمقانہ دنیا میں رہتے ہیں، روہیت شرما نے بہت غلطیاں کیں اگر پاکستان میچ جیت جاتا تو انڈین نے اس کا سر اتار دینا تھا.

    مبشر لقمان کا مزید کہنا تھا کہ رضوان نے سلو سکورنگ کی، اسکو آخر تک لے کر جانا چاہئے تھا تا کہ گیم جیتیں لیکن ہیرو بننے کے لئے شارٹس ماریں، جہاں سنگل لینے تھے وہاں ہٹ آؤٹ کرتے رہے، وکٹ واقعی بری تھی ،نسیم شاہ نے جو چند بالیں کھیلیں ہمیں پتہ چل گیا کہ اس میں کتنا دم ہے، اگر نسیم شاہ مار سکتا ہے تو وہ چاچا نہیں مار سکتا تھا، شاداب نہیں مار سکتا تھا، انکو اسی لئے ٹیم میں ڈالا گیا تھا لیکن فینسی قسم کے آل راؤنڈر جو ٹیم میں ڈالے گئے جو آل راؤنڈ ر بھی نہیں، پھر یہی ہونا تھا، گیارہ گیارہ لوگ ٹیم منیجمنٹ کے گئے ہوئے، بابر اعظم کا پورا خاندان امریکہ بیٹھا کون پیسے دے رہا، انکے خرچے کون کر رہا کیا ان کے کنٹریکٹ میں اتنے پیسے ہیں، بورڈ دے دیا یا بکی دے رہے،اس پر بھی کہیں نہ کہیں تحقیقات ہونی چاہئے.قوم دعائیں کرتی رہی لیکن دعائیں اس کے لئے کریں جو قابل ہوں، یہاں بورڈ کھلاڑیوں کو اور کھلاڑی بورڈ کو بلیک میل کرتے ہیں، سرجری ہونی چاہئے لیکن چیئرمین بورڈ سے ہونی چاہئے، انکو چیئرمین بورڈ کس نے لگایا؟ کھلاڑی ہمارے شاپنگ کر رہے تھے، شاپنگ مالز میں گھوم رہے تھے، لوگ بتا رہے ہیں، نیویارک میں کھلاڑی کدھر کدھر شاپنگ کرنے گئے سب علم میں آ چکا ہے، جب سیلفیوں کے 25 25 ڈالر لینا شروع کر دیں تو آپ طوائفوں کی ٹیم بن چکے ہیں، ہیرا منڈی ہیں، ہیرا منڈی میں یہی ہوتا ہے،جب ہر چیز کا ریٹ لگ جاتا ہے تو پھر آپ طوائف ہیں کوٹھے پر بیٹھنے والی.