آئی سی سی ٹی 20 ورلڈ کپ میں پاکستان نے اپنے آخری گروپ میچ میں آئرلینڈ کو 3 وکٹوں سے شکست دے دی۔لاڈرہل فلوریڈا میں گروپ اے کی ٹیموں کے درمیان کھیلے گئے میچ میں پاکستان نے آئرلینڈ کا 107 رنز کا ہدف 18.5 اوورز میں سات وکٹوں کے نقصان پر حاصل کرلیا۔ بابر اعظم 32 اور شاہین آفریدی 13 رنز کے ساتھ ناٹ آؤٹ رہے۔ہدف کے تعاقب میں پاکستان کی اننگز کا آغاز محمد رضوان اور صائم ایوب نے کیا تاہم دونوں اوپنرز 17، 17 رنز بناکر آؤٹ ہوگئے۔
فخر زمان 5 رنز، عثمان خان 2 اور عماد وسیم 4 رنز بناکر چلتے بنے جبکہ شاداب خان کھاتا کھولے بغیر ہی پویلین لوٹ گئے۔ عباس آفریدی 17 رنز بناکر آؤٹ ہوئے۔قبل ازیں آئر لینڈ نے پہلے بیٹنگ کرتے ہوئے مقررہ 20 اوورز میں 9 وکٹوں کے نقصان پر 106 رنز بنائے تھے۔
آئر لینڈ
آئی سی سی ٹی ٹوئنٹی ورلڈکپ کے 36 ویں میچ میں آئر لینڈ کی ٹیم نے پاکستان کو جیت کیلئے 107 رنز کا ہدف دے دیا۔ پہلے بیٹنگ کرتے ہوئے آئر لینڈ کی ٹیم نے مقررہ 20 اوورز میں 9 وکٹوں پر 106 رنز بنائے ، گیرتھ ڈیلانے 31 جوش لٹل نے 22 اور مارک ایڈائر نے 15 رنز بنائے۔پاکستانی بولرز کے سامنے آئرلینڈ کے کھلاڑی بے بس نظر آئے اور اننگز کے پہلے اوور میں ہی شاہین شاہ آفریدی کے حصے میں 2 وکٹیں آگئیں۔زیرو پر اینڈی بالبرن شاہین شاہ آفریدی کی گنید پر بولڈ ہوگئے جبکہ پہلے اوور کی پانچویں گیند پر آئرلینڈ کو 2 کے اسکور پر لورکن ٹوکر کی وکٹ کا نقصان اٹھانا پڑگیا۔دوسرے اوور کی چوتھی گیند پر محمد عامر کے حصے میں بھی اس وقت وکٹ آئی جب تین کے اسکور پر پاول اسٹرلنگ بھی اپنی وکٹ گنوا بیٹھے۔آئر لینڈ کی چوتھی وکٹ 15 کے اسکور پر گری جبکہ 28 پر اسے پانچویں وکٹ کا نقصان اٹھانا پڑا، چھٹے آؤٹ ہونے والے کارٹس کمفر تھے جو 7 رنز بنا کر حارث رؤف کی گیند پر 32 کے مجموعے پر آؤٹ ہوئے۔
آئی سی سی ٹی ٹوئنٹی ورلڈکپ کے 36 ویں میچ میں پاکستان نے آئرلینڈ کے خلاف ٹاس جیت کر فیلڈنگ کا فیصلہ کیا ہے۔فلوریڈا کے لارڈہل میں کھیلے جا رہے میچ میں بابر اعظم نے ٹاس جیت کر آئرلینڈ ٹیم کو بیٹنگ کی دعوت دی۔ پاکستان ٹیم کے کپتان بابر اعظم کا کہنا ہے کہ تین سے چار دن سے پچ کوور تھی، اس لیے بولنگ کا فیصلہ کیا۔پاکستان ٹیم میں نسیم شاہ کی جگہ عباس آفریدی کو شامل کیا گیا ہے، ٹیم کی قیادت بابراعظم کررہے ہیں، محمد رضوان، صائم ایوب اور فخر زمان پلیئنگ الیون میں شامل ہیں۔عثمان خان، شاداب خان، عماد وسیم اور شاہین آفریدی بھی ایکشن میں ہوں گے، جبکہ عباس آفریدی، حارث رؤف اور محمد عامر بھی پاکستان کی پلیئنگ الیون کا حصہ ہیں۔
Category: کھیل
-
ٹی 20 ورلڈ کپ :پاکستان نے آئرلینڈ کو 3 وکٹوں سے شکست دے دی
-
ٹی ٹوئنٹی ورلڈکپ:بھارت اور کینیڈا کے درمیان میچ بارش کی وجہ سے منسوخ
فلوریڈا: آئی سی سی مینز ٹی ٹوئنٹی ورلڈکپ میں آج بھارت اور کینیڈا کے درمیان میچ بارش کی وجہ سے منسوخ کردیا گیا۔
باغی ٹی وی : لاڈرہل فلوریڈا میں ہونے والا میچ بارش کی وجہ سے پہلے تاخیر کا شکار رہا اور ٹاس بھی نہیں ہوسکا، کافی تاخیر کا شکار ہونے پر میچ منسوخ کردیا گیا اور دونوں ٹیموں کو ایک ایک پوائنٹ دیا گیا۔
واضح رہے کہ گزشتہ روزآئر لینڈ اور امریکا کا میچ بھی بارش کی وجہ سے نہیں ہوسکا تھا جس پر دونوں ٹیموں کو ایک ایک پوائنٹ دیا گیا تھا یوں امریکا نے سپر ایٹ مرحلے میں جگہ بنالی تھی جبکہ پاکستان سپر ایٹ میں پہنچنے کی دوڑ سے باہر ہوگیا تھا گروپ اے میں بھارت تین میچز میں کامیابی کے ساتھ پہلے ہی سپر ایٹ مرحلے میں پہنچ چکا ہے۔
ٹی ٹوئنٹی ورلڈ کپ میں شکست:پی سی بی کا بابر اعظم کی کپتانی سے متعلق …
میرا گمان ہے جج کرپٹ اور بے ایمان نہیں ہوسکتا،چیف جسٹس سندھ ہائی کورٹ
ٹی ٹوئنٹی ورلڈ کپ میں ناقص پرفارمنس:محمد عامر اور عماد وسیم کا ایک بار پھر …
-
ٹی ٹوئنٹی ورلڈ کپ میں ناقص پرفارمنس:محمد عامر اور عماد وسیم کا ایک بار پھر ریٹائرمنٹ کا فیصلہ
لاہور: ٹی ٹوئنٹی ورلڈ کپ میں پاکستانی اسکواڈ کی ناقص پرفارمنس پر قومی کرکٹرز محمد عامر اور عماد وسیم نے ایک بار پھر ریٹائرمنٹ کا فیصلہ کرلیا۔
باغی ٹی وی : ذرائع کے مطابق دونوں کرکٹرز کی جانب سے ریٹائرمنٹ کا جلد باقاعدہ اعلان متوقع ہے، محمد عامر اور عماد وسیم پہلے کی طرح لیگ کرکٹ کھیلیں گے،واضح رہے کہ عامر اور عماد نے ٹی ٹوئنٹی ورلڈ کپ کھیلنے کے لیے ریٹائرمنٹ واپس لی تھی،لیکن دونوں کی ورلڈ کپ میں پرفارمنسز توقعات کے مطابق نہیں رہیں،دونوں کرکٹرز آئرلینڈ کے خلاف میچ میں آخری بار ایکشن میں ہوں گے۔
دوسری جانب ٹی ٹوئنٹی ورلڈ کپ میں قومی ٹیم کی امریکا اور پھر بھارت سے شکست کے بعد بابر اعظم سے کپتانی چھین لی گئی بطور کپتان بابر اعظم کو پاکستان کرکٹ بورڈ کی جانب سے بنگلادیش سے ہونے والی دو ٹیسٹ میچز کی ہوم سیریز میں انہیں کپتانی نہ دینے کا فیصلہ کیا گیا ہے۔
گورنر سندھ کا مبینہ بااثر وڈیرے کے ظلم کا شکار شخص کو 2 اونٹ …
چیئرمین پی سی بی محسن نقوی کی تجویز پر شاہین آفریدی کی جگہ بابر اعظم کو ٹی ٹوئنٹی ٹیم کی قیادت سپرد کرتے ہوئے انہیں 2025 چیمپئنز ٹرافی تک وائٹ بال کی قیادت فراہم کی تھی مگر آئی سی سی مینز ٹی ٹوئنٹی ورلڈ کپ میں ناقص کارکردگی کے باعث بورڈ نے اہم فیصلہ کرتے ہوئے بابر اعظم کے بجائے شان مسعود پر ہی اعتماد کرنے کا فیصلہ کیا ہے،آسٹریلیا کے ٹیسٹ فاسٹ بولر جیسن گلیسپی ٹیسٹ ٹیم کے کوچ ہوں گے جبکہ شان مسعود کپتانی کے فرائض نبھائیں گے-
ٹی ٹوئنٹی ورلڈ کپ میں شکست:پی سی بی کا بابر اعظم کی کپتانی سے متعلق …
-
ٹی ٹوئنٹی ورلڈ کپ میں شکست:پی سی بی کا بابر اعظم کی کپتانی سے متعلق بڑا فیصلہ
لاہور: ٹی ٹوئنٹی ورلڈ کپ میں قومی ٹیم کی امریکا اور پھر بھارت سے شکست کے بعد بابر اعظم سے کپتانی چھین لی گئی-
باغی ٹی وی : میڈیا رپورٹس کے مطابق بطور کپتان بابر اعظم کو پاکستان کرکٹ بورڈ کی جانب سے بنگلادیش سے ہونے والی دو ٹیسٹ میچز کی ہوم سیریز میں انہیں کپتانی نہ دینے کا فیصلہ کیا گیا ہے۔
چیئرمین پی سی بی محسن نقوی کی تجویز پر شاہین آفریدی کی جگہ بابر اعظم کو ٹی ٹوئنٹی ٹیم کی قیادت سپرد کرتے ہوئے انہیں 2025 چیمپئنز ٹرافی تک وائٹ بال کی قیادت فراہم کی تھی مگر آئی سی سی مینز ٹی ٹوئنٹی ورلڈ کپ میں ناقص کارکردگی کے باعث بوڑد نے اہم فیصلہ کرتے ہوئے بابر اعظم کے بجائے شان مسعود پر ہی اعتماد کرنے کا فیصلہ کیا۔
رپورٹ کے مطابق آسٹریلیا کے ٹیسٹ فاسٹ بولر جیسن گلیسپی ٹیسٹ ٹیم کے کوچ ہوں گے جبکہ شان مسعود کپتانی کے فرائض نبھائیں گے-
واضح رہے کہ پاکستان ورلڈ کپ کی دوڑ سے باہر ہو گیاآئرلینڈ اور امریکا کا میچ بارش کے باعث منسوخ ہو گیا تھا ، دونوں ٹیموں کو 1،1 پوائنٹ مل گیا، جس کے بعد امریکا ورلڈ کپ کے سپرایٹ مرحلے میں پہنچ گیا ہے، تاہم پاکستان اپنا آخری پول میچ 16 جون کو آئرلینڈ کے خلاف کھیلے گا۔
-
ٹی ٹوئنٹی،جنوبی افریقہ نے نیپال،نیوزی لینڈ نے یوگنڈا کو دی شکست
ٹی ٹوئنٹی ورلڈ کپ جنوبی افریقا نے نیپال کو 1 رن سے شکست دی ہے تو وہیں نیوزی لینڈ نے یوگنڈا کو 9 وکٹ سے شکست دی دے
ٹی ٹوئنٹی ورلڈ کپ کے 31 ویں میچ میں نیپال نے جنوبی افریقا کیخلاف ٹاس جیت کر پہلے فیلڈنگ کا فیصلہ کیا،جنوبی افریقا نے7 وکٹوں کے نقصان پر115 رنز بنائے،جنوبی افریقا کے ریزا ہینڈریکس نے 43 رنز کی ذمہ دارانہ اننگز کھیلی، ان کے علاوہ ٹرسٹن اسٹبز نے 27، مارکرم 15 اور ڈی کوک 10 رنز بناسکے، ٹیم کا باقی کوئی کھلاڑی ڈبل فگر میں داخل نہ ہوسکا،نیپال کی جانب سے کوشل بھڑتل نے 4، ڈیپندرا سنگھ نے 3 وکٹیں حاصل کیں۔
جنوبی افریقا کے 116 رنز کے تعاقب میں اوپنر آصف شیخ نے 49 گیندوں پر 1 چھکے اور چار چوکوں کی مدد سے 42 رنز بنائے،نیپال کے انیل شاہ 27، کوشل بھڑتل 13 اور سومپل کامی 8 رنز بنا سکے،جنوبی افریقا کے تبریز شمسی نے 19 رنز دیکر 4 کھلاڑیوں کو پویلین روانہ کیا، اینرخ نوکیا اور ایڈن مارکرم نے ایک ایک وکٹ حاصل کی
تین میچز میں کامیابی کے بعد جنوبی افریقا کی ٹیم سپر 8 مرحلے کیلئے کوالیفائی کر چکی ہے جبکہ نیپال کا ورلڈ کپ میں آگے کا سفر جنوبی افریقا سے شکست سے قبل ہی اختتام پذیر ہو چکا تھا
ٹی ٹوئنٹی ورلڈ کپ کے 32 ویں میچ میں نیوزی لینڈ نے یوگنڈا کو یکطرفہ مقابلے کے بعد 9 وکٹ سے شکست دے دی، نیوزی لینڈ نے یوگنڈا کے خلاف ٹاس جیت کر پہلے فیلڈنگ کا فیصلہ کیا تھا،نیوزی لینڈ کے خلاف یوگنڈا کی پوری ٹیم 18.2 اوورز میں 40 رنز بنا کر آل آؤٹ ہو گئی تھی،یوگنڈا کے 40 رنز کے تعاقب میں نیوزی لینڈ نے 1 وکٹ کے نقصان پر 5.2 اوورز میں 41 رنز کا ہدف حاصل کر لیا
پاکستانی ٹیم واپسی کیلیے تیار،پی سی بی کے اندر کرپشن عروج پر
ورلڈ کپ ٹی 20:بارش نے پاکستان کی امیدوں پرپانی پھیر دیا
ٹی 20 ورلڈ کپ:پاکستان نے کینیڈا کو ہرا کر ایونٹ میں پہلی کامیابی حاصل کرلی
بہت ہو گیا،طوائفوں کی ٹیم، محسن نقوی ایک اور عہدے کےخواہشمند
پاکستانی ٹیم میں قوم جلد بڑی سر جری ہوتی ہوئے دیکھے گی.محسن نقوی
ٹی ٹوئنٹی ورلڈکپ :وزیراعظم کا بھارت کےخلاف بہترین بولنگ پر پاکستان ٹیم کو خراج تحسین
-
ٹی ٹوئنٹی میں شکست،کھلاڑیوں کے سینٹرل کنٹریکٹ کا از سر نو جائزہ لینے کا فیصلہ
ٹی ٹوئنٹی ورلڈ کپ میں پاکستان کی قومی ٹیم کی انتہائی ناقص کارکردگی، پی سی بی نے کھلاڑیوں کے سینٹرل کنٹریکٹ کا از سر نو جائزہ لینے کا فیصلہ کیا ہے
میڈیا رپورٹس کے مطابق ٹی ٹوئنٹی ورلڈ کپ میں پاکستانی ٹیم کی کارکردگی مایوس کن رہی جس کے اب پی سی بی نے کھلاڑیوں کے حوالہ سے اہم فیصلہ کیا ہے، ذرائع کے مطابق پہلے مرحلے میں اچھی پرفارمنس نہ رکھنے والے قومی کرکٹرز کی سینٹرل کنٹریکٹ میں تنزلی ہوگی اور کئی کرکٹرز کو سینٹرل کنٹریکٹ سے فارغ کر دیا جائے گا، پاکستان کے قومی کھلاڑیوں کو پی سی بی نے گزشتہ برس یکم جولائی سے 3 برس کا کنٹریکٹ دیا تھا تاہم اب ٹی ٹوئنٹی ورلڈکپ میں مایوس کن کارکردگی کی وجہ سے سینٹرل کنٹریکٹ کا از سر نو جائزہ لیا جا رہاہے۔
پاکستان کی قومی ٹیم کی ایشیاکپ، آئی سی سی ورلڈ کپ اور ٹی ٹوئنٹی ورلڈ کپ میں انتہائی خراب کارکردگی رہی، ٹیم دورہ آسٹریلیا اور نیوزی لینڈ میں بھی پاکستانی ٹیم کی کارکردگی مایوس کن تھی،
قومی کرکٹرز نے ذکا اشرف کے دور میں دباؤ ڈال کر اپنے معاوضوں میں اضافہ کروایا تھا تاہم معاوضوں میں اضافے کرانے کے بعد قومی ٹیم پچھلے دور میں ایشیا کپ اور آئی سی سی ورلڈکپ میں ناکام رہی ،ذکا اشرف کے دور میں جو معاوضے بڑھائے گئےاب قومی کرکٹرز کے معاوضوں اور کھلاڑیوں کوکنٹریکٹ میں برقرار رکھنے کے حوالے سے فیصلے ہوں گے۔
دوسری جانب ٹی ٹوئنٹی میں شکست کے بعد بابر اعظم کو ٹیسٹ فارمیٹ کی کپتانی نہ دینے کا فیصلہ کیا گیا ہے،پی سی بی نے بنگلہ دیش کے خلاف دو ٹیسٹ پر مشتمل ہوم سیریز میں بابر اعظم کو کپتانی نہ دینے کا فیصلہ کیاہے.
واضح رہے کہ چیئرمین پی سی بی محسن نقوی نے سات ارکان پر مشتمل سلیکشن کمیٹی کی تجویز پر شاہین آفریدی کی جگہ ٹی ٹوئنٹی ٹیم کی قیادت بابر اعظم کے سپرد کرتے ہوئے انہیں 2025ء چیمپئنز ٹرافی تک وائٹ بال ٹیم کی قیادت دی تھی۔
پاکستانی ٹیم واپسی کیلیے تیار،پی سی بی کے اندر کرپشن عروج پر
ورلڈ کپ ٹی 20:بارش نے پاکستان کی امیدوں پرپانی پھیر دیا
ٹی 20 ورلڈ کپ:پاکستان نے کینیڈا کو ہرا کر ایونٹ میں پہلی کامیابی حاصل کرلی
بہت ہو گیا،طوائفوں کی ٹیم، محسن نقوی ایک اور عہدے کےخواہشمند
پاکستانی ٹیم میں قوم جلد بڑی سر جری ہوتی ہوئے دیکھے گی.محسن نقوی
ٹی ٹوئنٹی ورلڈکپ :وزیراعظم کا بھارت کےخلاف بہترین بولنگ پر پاکستان ٹیم کو خراج تحسین
-
پاکستانی ٹیم واپسی کیلیے تیار،پی سی بی کے اندر کرپشن عروج پر
سینئر صحافی و اینکر پرسن مبشر لقمان نے کہا ہے کہ لگتایہ ہے فلوریڈا سے جو خبریں آ رہی ہیں کہ پاکستان کی ٹیم کا مستقبل بادلوں کے رحم و کرم پر ہے،
مبشر لقمان آفیشیل یوٹیوب چینل پر بات کرتے ہوئے مبشر لقمان کا کہنا تھا کہ اب مجھے لگ رہا ہے کہ یہ میچ بغیر کھیلے ایک ایک پوائنٹ دو ٹیموں کو مل گیا، ایسے میں پاکستانی ٹیم نماز عید اور قربانی پھر یہاںکرے گی،لندن سے مجھے سرفراز نواز نے جوائن کیا ہے، کرکٹ کی دنیا کے بہت بڑے سٹار ہیں.ایک رن دے کر انہوں نے سات وکٹ حاصل کی تھیں وہ بھی سب کو یاد ہے،سرفراز صاحب ہمارے ہیرو ہیں، پاکستان کا سر فخر سے آپ نے بلند کیا ہے.میرے تو ہیروز ہیں آپ،مبشر لقمان نے سوال کیا کہ اس کرکٹ ٹیم کو دیکھ کر لگتا ہے کہ یہ قابل نہیں رہے کہ انکو اچھےکام میں یاد کیا جائے
سرفراز نواز کا کہنا تھا کہ کرکٹ کی تباہی عمران خان کے دور میں شروع ہوئی، حقیقت یہی ہے، اس نے تمام ڈیپارٹمنٹ بند کر دئے، وہ آسٹریلین رول ادھر لے کر آیا، آسڑیلیا کی آبادی صرف پانچ چھ کروڑ ہے، اس نے کرکٹ کو تباہ کر دیا ہے،مزید رمیز راجہ صاحب نے کوئی کسر نہیں چھوڑی، ایک ارب روپیہ یوتھ پر خرچ کر دیا اور یوتھ نکلی ہی نہیں ،یہ کلبوں پر خرچ کرنا چاہیے تھا، اسکے بعد نجم سیٹھی آئے،انہوں نے بڑی اکھاڑ بچھاڑ کیں یہ بھی بے شمار تباہیاں کر کے گئے.وہاب ریاض کو پھر لگایا گیا ،پھر بٹ کو لے آئے ایک اور جواریا، یہ بس مال بنانے کے چکر میں تھے، موجودہ چیئرمین کو بھی لکھ کر بھیجا یہی چیزیں ،جوا گروپ کے آدمیوں کو نہ لائیں، مجھے اب پتہ چلا ہے کہ دوستی یاری ہے،میں نے 55 سال کا جو تجربہ ہے وہ لکھ کر بھیج دیتا ہوں اب ان کی مرضی ہے کیا کرنا ہے، عامر سہیل اور محمد اکرم کو ایڈوائزر کھنے کا میں نے کہا تھا کہ یہ معاملات کو دیکھیں گے، یہ سب کو جانتے ہیں اور اچھا گائیڈ کریں گے لیکن انکو نہیں رکھا گیا، چیئرمین صاحب نے جو سیلکیشن ہوئی اس کو کینسل کر دیا، کہ یہ مجھے نہیں پسند ، پی سی بی میں دوستی یاری چل رہی، وہاب ریاض کہاں کا تجربہ کار ہے، اس سے پہلے آسٹریلیا جو ٹیم بھیجی اسکا حشر دیکھ لیں،ساری چیزیں سامنے ہیں، جو کوچ لے کر آتے ہیں مکی آرتھر کو لے کر آئے، موجودہ کوچ کو بھی دیکھ لیں، انہوں نے کب جوائن کیا، کوچ کو بہت کچھ کرنا پڑتا ہے لیکن یہ نہیں کر رہے، انڈیا کا کوچ سب کچھ کر رہا ہوتا ہے،ہمارے کچھ نہیں کرتے، اس طرح کی چیزیں چل رہی ہیں
سرفراز نواز کا مزید کہنا تھا کہ چیئرمین صاحب کہتے ہیں کہ سرجری کرنی ہے، کرنا ہے تو آپریشن کریں، کلین اپ کریں تب جاکر معاملے بہتر ہوں گے،جو اہل لوگ ہیں قابل لوگ ہیں وہ لے کر آئیں،
-
ورلڈ کپ ٹی 20:بارش نے پاکستان کی امیدوں پرپانی پھیر دیا
امریکا اور آئر لینڈ کا میچ بارش کی وجہ سے ختم کردیا گیا ہے اور دونوں ٹیموں کو ایک ایک پوائنٹ دے دیا گیا ہے، امریکی ریاست فلوریڈا میں شدید بارشوں کے بعد سیلابی صورتحال ہے جس کے باعث آئی سی سی ٹی 20 ورلڈ کپ کے شیڈول میچز کو مشکلات کا سامنا کرنا پڑسکتا ہے۔ٹی 20 ورلڈ کپ میں آج امریکا اور آئرلینڈ کا اہم میچ فلوریڈ ا میں شیڈول تھا اور اگلے مرحلے میں پہنچنے کی پاکستان کی امیدیں برقرار رکھنے کے لیے اس میچ میں آئرلینڈ کی جیت ضروری تھا، اس میچ میں آئرش ٹیم کی کامیابی پاکستان کی کامیابی تصور کی جا رہی تھی۔
گزشتہ روز کی طوفانی بارش کے باعث فلوریڈا میں ایمرجنسی نافذ کر دی گئی تھی تاہم آج فلوریڈا میں موسم بہتر ہونے لگا تھا اور یہ کہا جا رہا تھا کہ بارش کا سلسلہ رکا ہوا ہے جبکہ جمعے کو شدید بارش کی پیشگوئی ضرور ہے لیکن اس کی امکانات اب 70 فیصد ہیں۔امریکا اور آئرلینڈ کا میچ آج لاؤڈر ہل میں کھیلا جانا تھا لیکن وہاں گزشتہ کئی گھنٹے سے بارش ہو رہی تھی۔ آؤٹ فیلڈ گیلی ہونے سے میچ منسوخ کردیا گیا اور دونوں ٹیموں کو ایک ایک پوائنٹ دے دیا گیا ہے۔ اس طرح امریکا کے پانچ پوائنٹ ہوگئے اور وہ سپرایٹ میں پہنچ گیا۔ پاکستان کے تین میچ کھیل کر دو پوائنٹ ہیں ۔ اسے امریکا اور بھارت سے مسلسل شکست کا سامنا کرنا پڑا۔ قومی ٹیم کی خراب کارکردگی کے باعث اب تمام کھلاڑی عید اپنے گھر ہی کریں گے۔ پاکستان اور آئر لینڈ کے درمیان آخری گروپ سٹیج کا میچ اتوار کو کھیلا جا ئے گا۔ اس میچ میں بھی بارش کا امکان ہے۔ -
ٹی ٹوئنٹی، افغانستان نے سپرایٹ میں کوالیفائی کر لیا
آئی سی سی ٹی 20 ورلڈ کپ ، افغانستان نے پاپوانیوگنی کی ٹیم کو شکست دی، افغان ٹیم نے سپر 8 مرحلے کیلئے کوالیفائی کر لیا اور اس کے ساتھ ہی نیوزی لینڈ کا ورلڈکپ میں سفر اختتام پذیر ہو گیا
گروپ سی میں شامل دونوں ٹیموں کے درمیان میچ تاروبا کے برائن لارا کرکٹ سٹیڈیم میں کھیلا گیا، افغانستان نے ٹاس جیت کر پہلے فیلڈنگ کا فیصلہ کیا، پاپوا نیوگنی نے افغانستان کو جیت کے لیے 96 رنز کا ہدف دیا تھا جو افغانستان نے 15.1 اوورز میں 3 وکٹوں کے نقصان پر حاصل کر لیا
اس میچ سے قبل افغانستان نے اپنے گروپ میں 2 میچز کھیلے تھے اور دونوں میں کامیابی حاصل کی تھی، افغانستان نے اپنے پہلے میچ میں یوگنڈا کو 125 رنز اور دوسرے میچ میں نیوزی لینڈ کو 84 رنز سے شکست دی تھی
افغانستان تینوں میچ جیت چکا ہے اور سپر ایٹ میں افغانستان نے کوالیفائی کر لیا ہے،
ٹی 20 ورلڈ کپ:پاکستان نے کینیڈا کو ہرا کر ایونٹ میں پہلی کامیابی حاصل کرلی
بہت ہو گیا،طوائفوں کی ٹیم، محسن نقوی ایک اور عہدے کےخواہشمند
پاکستانی ٹیم میں قوم جلد بڑی سر جری ہوتی ہوئے دیکھے گی.محسن نقوی
ٹی ٹوئنٹی ورلڈکپ :وزیراعظم کا بھارت کےخلاف بہترین بولنگ پر پاکستان ٹیم کو خراج تحسین
-
ٹی 20 ورلڈ کپ: بنگلادیش نے نیدرلینڈز کو 25 رنز سے شکست دے دی
کنگز ٹاؤن: آئی سی سی ٹی 20 مینز ورلڈ کپ کے27 ویں میچ میں بنگلہ دیش کی نیدرلینڈز کے خلاف بیٹنگ جاری ہے۔
باغی ٹی وی : کنگز ٹاؤن میں بارش کے باعث تاخیر سے ہونے والے ٹاس میں نیدرلینڈز نے ٹاس جیت کر بنگلا دیش کو پہلے بیٹنگ کی دعوت دی–
بنگلادیش نے مقررہ 20 اوورز میں 5 وکٹوں کے نقصان پر 159 رنز بنائے۔شکیب الحسن 64 رنز بناکر ناقابل شکست رہے۔
اس کے علاوہ تنزید حسن 35، محموداللہ 25 ، توحید 9 رنز بناکر آؤٹ ہوئے, نیدرلینڈز کی جانب سے آریان دت اور میکرین نے 2،2 وکٹیں حاصل کیں۔
دوسری جانب 160 رنز کے ہدف کے تعاقب میں نیدرلینڈز کی ٹیم 8 وکٹ پر 134 رنز بناسکی۔
نیدرلینڈز کی جانب سے سائی برینڈ 33 اور وکرم جیت سنگھ 26 رنز بناکر نمایاں رہے۔ اسکاٹ ایڈورڈز نے 25 اور مائیکل لیوت نے 18 رنز بنائے،بنگلادیش کی جانب سےا رشاد حسین نے 3 اور تسکین احمد نے 2 کھلاڑیوں کو آؤٹ کیا۔
گروپ ڈی میں موجود ان دونوں ٹیموں کا یہ دوسرا میچ ہے نیدرلینڈز اور بنگلادیش ایونٹ میں اپنا آج تیسرا میچ کھیل رہے ہیں، دونوں کو ایک میچ میں کامیابی اور ایک میں شکست ہوئی، بنگلا دیش 2 پوائنٹس کے ساتھ دوسری جب کہ نیدر لینڈ 2 پوائنٹس کے ساتھ کم رن ریٹ کی وجہ سے تیسری پوزیشن پر ہے۔