Category: کھیل


آئی سی سی ٹی 20 ورلڈ کپ کے میچ میں افغانستان نے متحدہ عرب امارات کو 5 وکٹوں سے شکست دے دی۔
‎بھارت کے شہر دہلی میں کھیلے گئے میچ میں افغانستان نے ٹاس جیت کر پہلے فیلڈنگ کا فیصلہ کیا۔ یو اے ای نے مقررہ 20 اوورز میں 9 وکٹوں کے نقصان پر 160 رنز بنائے۔
‎یو اے ای کی جانب سے شعیب خان 68 رنز کے ساتھ نمایاں رہے جبکہ علیشان شرفو نے 40 رنز اسکور کیے۔ افغانستان کی طرف سے عظمت اللہ عمرزئی نے شاندار بولنگ کرتے ہوئے 4 وکٹیں حاصل کیں جبکہ مجیب الرحمان نے 2 کھلاڑیوں کو آؤٹ کیا۔
‎161 رنز کے ہدف کے تعاقب میں افغانستان نے پراعتماد بیٹنگ کا مظاہرہ کیا اور مطلوبہ اسکور بیسویں اوور کی دوسری گیند پر 5 وکٹوں کے نقصان پر حاصل کرلیا۔
‎افغانستان کے ابراہیم زدران نے 53 رنز کی اہم اننگز کھیلی جبکہ عظمت اللہ عمرزئی نے 40 رنز بنا کر ٹیم کو فتح دلائی۔ عمدہ آل راؤنڈ کارکردگی پر انہیں میچ کا بہترین کھلاڑی قرار دیا گیا۔


کولمبو: آئی سی سی ٹی 20 ورلڈ کپ کے گروپ میچ میں پاکستان نے بھارت کے خلاف بیٹنگ کا آغاز کیا، مگر ابتدائی اوورز میں ہی ٹیم کو نقصان ہوا۔
پاکستان کی تین وکٹیں گر چکی ہیں، جس میں سب سے پہلے صاحبزادہ فرحان اور صائم ایوب آؤٹ ہوئے، اور بعد ازاں کپتان سلمان آغا بھی وکٹ کے پیچھے چلے گئے۔
‎پاکستان کی فائنل الیون میں شامل کھلاڑیوں میں بابر اعظم، عثمان خان، شاداب خان، محمد نواز، فہیم اشرف، شاہین شاہ آفریدی، ابرار احمد اور عثمان طارق بھی شامل ہیں۔
‎ٹیم اب بھارتی بولرز کے خلاف بیٹنگ میں سنبھلنے کی کوشش کر رہی ہے تاکہ 176 رنز کے ہدف کا تعاقب کیا جا سکے۔


کولمبو کے پریماداسا اسٹیڈیم میں آئی سی سی ٹی 20 ورلڈکپ کے گروپ میچ میں بھارت نے پاکستان کو 176 رنز کا ہدف دے دیا۔ پاکستانی کپتان سلمان آغا نے ٹاس جیت کر بھارت کو پہلے بیٹنگ کی دعوت دی، اور ٹاس کے موقع پر دونوں کپتانوں نے ہاتھ نہیں ملایا۔
بھارت نے مقررہ 20 اوورز میں 7 وکٹ کے نقصان پر 175 رنز بنائے۔ اوپنر ابھیشیک شرما پہلے اوور میں بغیر کوئی رنز بنائے آؤٹ ہوئے۔ ایشان کشن نے 40 گیندوں پر جارحانہ 77 رنز کی اننگز کھیلی لیکن صائم ایوب کی گیند پر بولڈ ہو گئے۔
‎15 ویں اوور میں 126 کے مجموعی اسکور پر تلک ورما 25 رنز بنا کر صائم ایوب کا شکار بنے، اور اگلی ہی گیند پر ہاردک پانڈیا بغیر کوئی رن بنائے آؤٹ ہو گئے۔ بھارتی کپتان سوریا کمار یادیو 32 رنز بنا کر عثمان طارق کی گیند پر پچیسویں اوور میں آؤٹ ہوئے۔ اس کے علاوہ دوبے نے 27 اور اکشر پٹیل بغیر کوئی رن بنائے آؤٹ ہوئے۔
‎پاکستان کی جانب سے صائم ایوب نے 3 وکٹیں حاصل کیں جبکہ عثمان طارق، شاہین آفریدی اور سلمان آغا نے ایک ایک وکٹ لی۔ ایک کھلاڑی رن آؤٹ ہوا۔
‎پاکستان کی پلئینگ الیون میں صائم ایوب، صاحبزادہ فرحان، بابراعظم، سلمان علی آغا، عثمان خان، شاداب خان، محمد نواز، فہیم اشرف، شاہین آفریدی، ابرار احمد اور عثمان طارق شامل ہیں۔
بھارتی ٹیم میں ابھیشیک شرما اور کلدیپ یادیو کو پلیئنگ الیون میں شامل کیا گیا۔


ٹی 20 ورلڈ کپ میں پاکستان کے خلاف بھارتی ٹیم کی تیسری اور چوتھی وکٹ 126 رنز پر گری۔ تلک ورما 25 رنز بنا کر ایل بی ڈبلیو آؤٹ ہوئے، جس کا کریڈٹ پاکستانی بولر صائم ایوب کو گیا۔
صائم ایوب نے اگلی ہی گیند پر ہاردک پانڈیا کو صفر پر بابر اعظم کے ہاتھوں کیچ آؤٹ کر کے اپنی تین وکٹیں مکمل کیں۔
‎بھارتی ٹیم نے 17 اوورز میں 4 وکٹوں کے نقصان پر 140 رنز بنا لیے ہیں۔ میچ میں پاکستان کی بولنگ اور فیلڈنگ کے جوہر دیکھنے کو مل رہے ہیں۔


آئی سی سی ٹی ٹوئنٹی ورلڈکپ کے گروپ میچ میں پاکستان کے خلاف بھارت کی پہلی وکٹ گر گئی ہے۔
کولمبو کے پریماداسا اسٹیڈیم میں پاکستانی کپتان سلمان آغا نے ٹاس جیت کر بھارت کو پہلے بیٹنگ کی دعوت دی۔ ٹاس کے موقع پر دونوں ٹیموں کے کپتانوں نے ہاتھ نہیں ملایا۔
‎بھارتی اوپنر ابھیشیک شرما پہلے ہی اوور میں سلمان آغا کی گیند پر بغیر کوئی رنز بنائے آؤٹ ہو گئے۔
‎پاکستان ٹیم میں کوئی تبدیلی نہیں کی گئی ہے۔ پلئینگ الیون میں صائم ایوب، صاحبزادہ فرحان، بابراعظم، سلمان علی آغا، عثمان خان، شاداب خان، محمد نواز، فہیم اشرف، شاہین آفریدی، ابرار احمد اور عثمان طارق شامل ہیں۔
‎بھارتی ٹیم میں دو تبدیلیاں کی گئی ہیں، ابھیشیک شرما اور کلدیپ یادیو کو پلیئنگ الیون میں شامل کیا گیا ہے۔
‎کولمبو میں آج بولنگ، بیٹنگ اور فیلڈنگ میں مہارت کے ساتھ ساتھ کھلاڑیوں کے اعصاب اور صلاحیتوں کا بھی امتحان ہوگا۔ بھارتی ٹیم اپنی بیٹنگ صلاحیتوں پر اعتماد رکھتی ہے، جبکہ پاکستان کے شاہین بولرز جارحانہ بولنگ سے بھارتی بیٹرز پر دباؤ ڈالیں گے۔
‎میچ سے قبل کولمبو میں نیٹ سیشن کے دوران بھارتی بیٹرز عثمان طارق کے منفرد بولنگ ایکشن کی وجہ سے پریشان نظر آئے اور اس کے انداز کے بولرز کے سامنے پریکٹس کی۔


آئی سی سی ٹی ٹوئنٹی ورلڈکپ کے سب سے اہم مقابلے میں پاکستان نے بھارت کے خلاف ٹاس جیت کر پہلے فیلڈنگ کا فیصلہ کیا ہے۔
‎کولمبو کے پریماداسا اسٹیڈیم میں پاکستانی کپتان سلمان آغا نے ٹاس جیت کر بھارت کو پہلے بیٹنگ کی دعوت دی۔ میچ میں بولنگ، بیٹنگ اور فیلڈنگ کی مہارت کے ساتھ ساتھ کھلاڑیوں کے اعصاب اور صلاحیتوں کا بھی امتحان ہوگا۔
‎بھارتی ٹیم اپنی بیٹنگ صلاحیتوں پر اعتماد رکھتی ہے، جبکہ پاکستان کے شاہین بولرز جارحانہ بولنگ سے بھارتی بیٹرز کو دباؤ میں لانے کی کوشش کریں گے۔
‎میچ سے قبل کولمبو میں نیٹ سیشن کے دوران بھارتی بیٹرز عثمان طارق کے منفرد بولنگ ایکشن کی وجہ سے پریشان نظر آئے اور انہوں نے اس کے انداز کے بولرز کے سامنے پریکٹس کی۔