Category: کھیل

آسٹریلوی کرکٹ ٹیم کے سینئر بلے باز عثمان خواجہ کی ریٹائرمنٹ کے بعد دیے گئے بیانات ایک بار پھر شدید بحث کا باعث بن گئے ہیں۔ عثمان خواجہ نے اپنے آخری ٹیسٹ میچ کے موقع پر دعویٰ کیا کہ انہیں آسٹریلیا میں نسل پرستی کا سامنا رہا، تاہم ان کے الزامات حقائق کے برعکس اور متنازع ہیں،عثمان خواجہ کو اپنی شناخت بارے بھی الجھن ہے کہ وہ پاکستانی ہیں یا سعودی یا آسٹریلوی

عثمان خواجہ ایک الجھی ہوئی شخصیت ہیں۔ آسٹریلیا میں پرورش پانے والا کنفیوژ دیسی، جو اپنی شناخت کے بارے میں الجھن کا شکار ہو۔ ریٹائرمنٹ کے وقت انہوں نے کہا کہ آسٹریلیا نے ان کے ساتھ نسل پرستی کی۔کہاں؟ انہوں نے 88 ٹیسٹ میچز کھیلے ہیں، نسل پرستی کہاں ہے؟ وہ کچھ عرصے سے فارم سے باہر تھے، فٹنس اور فیلڈنگ ان کے بڑے مسائل تھے۔ ان کے والد اور والدہ دونوں کا تعلق پاکستان سے ہے، خود عثمان کی پیدائش اسلام آباد میں ہوئی۔ اگر انہیں پاکستانی ہونے پر شرم ہے تو وہ کس پاسپورٹ پر آسٹریلیا پہنچے تھے؟

سعودی یا پاکستانی؟ ایک ناشکرے انسان، بادشاہ سے بھی زیادہ وفادار بننے کی کوشش۔ اور آسٹریلوی لوگ اس پر ہنستے ہیں کیونکہ انہیں معلوم ہے کہ وہ اپنی ہی جڑوں (پاکستان) کے ساتھ بھی مخلص نہیں ہے۔ پھر اس نے پی ایس ایل میں اسلام آباد کے لیے کیوں کھیلا اور کیوں کہا کہ وہ اپنے شہرِ پیدائش کے لیے کھیلنے پر فخر محسوس کرتا ہے؟ اگر پاکستان اسے پیسے دے تو سب ٹھیک، ورنہ اسے پاکستانی کہلانے پر شرم آتی ہے۔

اس کا بھائی چھ سال تک جیل میں رہا ، ارسلان خواجہ ،جس نے اس لڑکی کے بوائے فرینڈ پر جعلی دہشت گردی کا الزام لگایا جس سے وہ شادی کرنا چاہتا تھا، اور اسے سزا ہوئی۔ تو شاید آسٹریلیا کو بھی اس پر شرم آتی ہو، اگر اسے پاکستان پر شرم آتی ہے۔

لیکن سوال یہ ہے، کیا محسن نقوی اور پی سی بی کبھی اسے پی ایس ایل میں کھیلنے کی اجازت دیں گے؟ دیکھتے ہیں۔ وہ آسٹریلیا سعودی یا پاکستانی پاسپورٹ پر آیا تھا۔ پیدائش کا ملک ماں جیسا ہوتا ہے، پتا نہیں سعودی عرب میں اس کی کوئی سوتیلی ماں بھی ہے یا نہیں، ہاہا۔

عثما ن خواجہ کا بھائی،ارسلان خواجہ ،یہ آسٹریلیا میں سرخیوں میں تھا ایک بے گناہ شخص پر جعلی دہشت گردی کا کیس بنانے کا الزام تھا،سڈنی کا رہائشی ارسلان طارق خواجہ، جس نے ایک ساتھی پر جھوٹے دہشت گردی کے الزامات لگا کر اسے ہائی سکیورٹی جیل بھجوا دیا، کو کم از کم دو سال اور چھ ماہ قید کی سزا سنائی گئی۔خواجہ نے اعتراف کیا کہ اس نے اگست 2018 میں یونیورسٹی آف نیو ساؤتھ ویلز کے اپنے ساتھی کامر نظام الدین کی نوٹ بک میں جعلی اندراجات کیے، کیونکہ وہ ایک مشترکہ خاتون دوست سے اس کے رابطے پر حسد کرتا تھا۔ان جعلی اندراجات میں اس وقت کے وزیرِاعظم میلکم ٹرن بل اور گورنر جنرل کو جان سے مارنے کی دھمکیاں، پولیس اسٹیشنز پر حملوں کی فہرستیں، اینزیک ڈے تقریب، باکسنگ ڈے ٹیسٹ اور سڈنی کے اہم مقامات بشمول سینٹ میری کیتھیڈرل پر حملوں کے منصوبے شامل تھے۔نیو ساؤتھ ویلز ڈسٹرکٹ کورٹ میں جج رابرٹ ویبر نے 40 سالہ ارسلان کو چار سال اور چھ ماہ قید کی سزا سنائی، جس میں دو سال اور چھ ماہ کی نان پیرول مدت شامل ہے۔

ارسالان خواجہ، جو آسٹریلوی کرکٹر عثمان خواجہ کا بھائی ہے، نے انصاف کے عمل میں رکاوٹ ڈالنے اور سرکاری اہلکار کو بددیانتی سے متاثر کرنے کے الزامات میں جرم قبول کیا۔اس نے عدالت سے یہ بھی درخواست کی کہ سرکاری اہلکار کو دھوکہ دینے کے لیے جعلی دستاویز تیار کرنے اور گواہ کو جھوٹی گواہی دینے پر اکسانے جیسے اضافی معاملات کو بھی مدِنظر رکھا جائے۔نوٹ بک حکام کو پیش کرنے کے بعد، کامر نظام الدین کو گرفتار کیا گیا اور ایک ماہ تک ہائی سکیورٹی جیل میں رکھا گیا، یہاں تک کہ حقیقت سامنے آ گئی۔جج کے مطابق، ایک بے گناہ شخص کا زیادہ سکیورٹی جیل میں تنہائی سیل میں وقت گزارنا شدید ذہنی صدمے کا باعث بننا کوئی حیرت کی بات نہیں تھی۔خواجہ نے یہ بھی اعتراف کیا کہ 2017 میں اس نے ایک اور بے گناہ شخص کے خلاف، جس سے وہ حسد کرتا تھا، حکام کو فون کر کے ویزا اور دہشت گردی سے متعلق جھوٹے الزامات لگائے، جن میں یہ دعویٰ بھی شامل تھا کہ اس شخص نے بیرونِ ملک تربیت حاصل کی ہے۔اس کال میں اس نے اپنے بھائی کا نام بھی بطور ممکنہ ہدف لیا۔

آسٹریلیا کے ٹیسٹ کرکٹر عثمان خواجہ نے انٹرنیشنل کرکٹ سے ریٹائرمنٹ کا اعلان کر دیا لیکن ساتھ ہی انہوں نے سابق آسٹریلوی کرکٹرز اور میڈیا پر نسلی امتیاز کے سلوک کا بھی ذکر کیا اور افسوس کا اظہار بھی کیا،ساتھ پاکستان بارے بھی کہہ دیا کہ مجھے چھوٹے ہوتے وقت پاکستان کا بتانے پر شرمندگی ہوتی تھی

عثمان خواجہ نے ریٹائرمنٹ کے اعلان کے دوران کہا میں نے ہمیشہ خود کو آسٹریلوی ٹیم کے درمیان مختلف محسوس کیا، یہاں تک کہ اب تک، یہ سب میرے بیک گراؤنڈ کی وجہ سے تھا، میرے خیال میں آسٹریلوی کرکٹ ٹیم ہماری بہترین ٹیم ہے، یہ ٹیم ہمارا فخر اور خوشی ہے، لیکن میں نے بہت سارے معاملات میں بہت مختلف محسوس کیا ہے، میرے ساتھ لوگ الگ طریقے سے پیش آتے تھے۔عثمان خواجہ نے کہا مجھے کمر میں کھنچاؤ تھا اور یہ وہ چیز ہے جس پر میں قابو نہیں پا سکتا تھا لیکن جس طرح سے میڈیا اور ماضی کے کھلاڑی باہر آئے اور مجھ پر لفظی حملے کیے گئے، میں اسے دو دن تک برداشت کر سکتا تھا، لیکن میں نے تقریباً پانچ دن تک اس کا مقابلہ کیا۔ اس موقع پر عثمان خواجہ کے والدین، اہلیہ اور دونوں بیٹیاں بھی موجود تھیں۔عثمان خواجہ کا کہنا تھا کہ مجھے پاکستانی اور مسلمان ہونے پر فخر ہے، جس کے بارے میں یہ کہا گیا کہ وہ آسٹریلیا کے لیے کبھی نہیں کھیل سکے گا،انہوں نے دوسرے نوجوان کھلاڑیوں کو مخاطب کرتے ہوئے کہا کہ میری طرف دیکھو، تم بھی ایسا کر سکتے ہو۔ میں نے کبھی کسی کو آسٹریلوی ٹیم میں ایسے حالات میں دیکھا ہی نہیں۔ اگر کسی نے گالف کھیل لی یا رات کو زیادہ مشروبات لے لیے، تو کسی نے کچھ نہیں کہا۔ لیکن جب مجھے نقصان پہنچتا ہے، تو میری ساکھ اور شخصیت پر سوال اٹھایا جاتا ہے،جب لوگ میری مذہبی شناخت یا ایمان پر حملہ کرتے ہیں، یہ ذاتی معاملہ ہوتا ہے، اور میں اس پر بات کروں گا کیونکہ زیادہ تر کھلاڑی نہیں کرتے

عثمان خواجہ نے بتایا کہ جب انہوں نے 2011 میں اپنا ڈیبیو کیا، تو وہ اپنے پاکستانی پس منظر کو چھپاتے تھے تاکہ آسٹریلوی ٹیم میں زیادہ قابل قبول بن سکیں۔جب لوگ پوچھتے کہ آپ کہاں کے ہیں، تو میں شرمندہ ہو کر سعودی عرب کہہ دیتا تھا۔ میں نے آسٹریلوی کرکٹ ٹیم میں فٹ ہونے کی بہت کوشش کی، لڑکوں کی طرح لباس پہنا، کلبز گیا، حالانکہ میں شراب نہیں پیتا۔ لیکن یہ سب کام نہیں آیا۔

عثمان خواجہ پاکستان میں پیدا ہوئے پھر بھی بادشاہ سے زیادہ وفادار بننے کی کوشش کر رہے ہیں۔انہیں اپنے ورثے پر فخر نہیں۔ان کے والد طارق اور والدہ فوزیہ کا تعلق کراچی اور اسلام آباد سے ہے۔اگر اسے پاکستان پر فخر نہیں ہے تو پی ایس ایل میں اسلام آباد کے لیے کیوں کھیلا؟پاکستان کو ایسے لوگوں کا بائیکاٹ کرنے کی ضرورت ہے۔ پاکستان کے کرکٹ شائقین میں اس سلسلے میں بحث جاری ہے کہ ایسے کھلاڑیوں کے ساتھ کس طرح کا رویہ اختیار کیا جانا چاہیے اور کیا ملک کو ایسے کھلاڑیوں کے لیے بائیکاٹ یا پابندیوں پر غور کرنا چاہیے۔