Baaghi TV

Category: کھیل

  • ایشین کرکٹ کونسل کو ایشیا کپ سے متعلق جلد فیصلہ کرنا چاہیے۔ نجم سیٹھی

    ایشین کرکٹ کونسل کو ایشیا کپ سے متعلق جلد فیصلہ کرنا چاہیے۔ نجم سیٹھی

    ہماری حکومت بھی بھارت پر دہشت گردی کو بھڑکانے کا الزام لگا سکتی ہے. ایشین کرکٹ کونسل کو ایشیا کپ سے متعلق جلد فیصلہ کرنا چاہیے۔ نجم سیٹھی

    پاکستان کرکٹ بورڈ کی منیجمنٹ کمیٹی کے چیئرمین نجم سیٹھی کا کہنا ہے کہ ہماری حکومت بھی بھارت پر دہشت گردی کو بھڑکانے کا الزام لگا سکتی ہے. پاکستان میں سکیورٹی کے حوالے سے معاملات بہتر ہو چکے ہیں . ایشین کرکٹ کونسل کو ایشیا کپ سے متعلق جلد فیصلہ کرنا چاہیے۔

    ان کا کہنا تھا کہ ایشیا کپ کی میزبانی کاحق کھویا تو بھارت میں ورلڈ کپ کا بائیکاٹ کرسکتےہیں، بھارت ایسی صورتحال نہ بنائےجس کا نتیجہ ایشیاکپ اور ورلڈکپ کے بائیکاٹ پر نکلے، بھارت تمام میچز نیوٹرل وینیو پر چاہتاہے، ایشیا کپ کی پاکستان سے باہر منتقلی قابل قبول نہیں ہوگی، ہمیں بھی پاکستان ٹیم کیلئے بھارت میں سکیورٹی خدشات ہیں۔ پی سی بی کے سربراہ نجم سیٹھی نے بھارتی میڈیا کو انٹرویو دیتے ہوئے کہا کہ 2008 کے بعد سے دونوں ممالک میں دہشت گردی کے حوالے سے بہتری آ چکی ہے، 2009 میں سری لنکا پرحملہ ہوا لیکن اس کے بعد پاکستان میں انٹرنیشنل کرکٹ پوری طرح واپس آ چکی ہے۔

    نجم سیٹھی نے کہا کہ پاکستان اور بھارت کی دونوں حکومتیں ایک دوسرے پر الزام لگا سکتی ہیں لیکن اب کسی ایک کو آگے بڑھنا ہے اور کھیلنا ہے، پاکستان میں صورتحال بہت اچھی ہے، چار برسوں سے پاکستان میں مسلسل انٹرنیشنل کرکٹ ہو رہی ہے، جہاں تک ہنگاموں کی بات ہے تو ہنگامے تو دہلی میں بھی ہوئے تھے تو کیا یہ شہر غیر محفوظ تھا.
    مزید یہ بھی پڑھیں؛
    آئین کا تحفظ ہمارے بنیادی فرائض میں شامل ہے۔ چیف جسٹس
    100 واں ڈے،پی سی بی نے بابر اعظم کی فتوحات کی فہرست جاری کر دی
    لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
    بینگ سرچ انجن تمام صارفین کیلئے کھول دیا گیا
    انٹربینک میں ڈالر سستا ہوگیا
    ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
    سعیدہ امتیاز کے دوست اورقانونی مشیرنے اداکارہ کی موت کی تردید کردی
    جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
    یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
    انہوں نے مزید کہا کہ پاکستان میں عمران جب سڑکوں پر تھے تو نیوزی لینڈ کی ٹیم کرکٹ کھیل رہی تھی، پاکستان میں صورتحال کچھ اوپر نیچے ہیں لیکن ستمبر میں معاملات بہتر ہوں گے۔ نجم سیٹھی کا کہنا تھا کہ اگر بھارتی حکومت اپنی ٹیم کو پاکستان آنے سے روکے گی تو پاکستان حکومت بھی ایسا کرے گی، پاکستان ٹیم بھارت میں کہیں بھی کھیل لے گی لیکن پہلے ایشیا کپ اس ماڈل پر ہو جس کی پی سی بی نے تجویز دی ہے، ہم سمجھتے ہیں کہ ایشیا کپ کا جلد فیصلہ ہونا چاہیے کہ ایونٹ کیسے منعقد ہونا ہے۔

  • قومی ٹیم دسمبر تا جنوری آسٹریلیا میں تین ٹیسٹ میچوں کی سیریز کھیلے گی، شیڈول جاری

    قومی ٹیم دسمبر تا جنوری آسٹریلیا میں تین ٹیسٹ میچوں کی سیریز کھیلے گی، شیڈول جاری

    قومی ٹیم دسمبر تا جنوری آسٹریلیا میں تین ٹیسٹ میچوں کی سیریز کھیلے گی، شیڈول جاری

    پاکستانی کرکٹ ٹیم اس سال کے اواخر میں آسٹریلیا کا دورہ کرے گی جہاں وہ تین ٹیسٹ میچوں کی سیریز کھیلے گی۔ یہ سیریز جو بینو قادر ٹرافی کے نام سے کھیلی جائے گی تیسری ورلڈ ٹیسٹ چیمپئن شپ کا حصہ ہوگی۔ پاکستانی ٹیم دورے کا آغاز چار روزہ وارم اپ میچ سے کرے گی۔ تینوں ٹیسٹ میچز پرتھ۔ میلبرن اور سڈنی میں کھیلے جائیں گے۔ دورے کا پہلا ٹیسٹ چودہ دسمبر سے پرتھ اسٹیڈیم میں کھیلا جائے گا۔

    یہ پہلا موقع ہوگا کہ پاکستانی ٹیم اس گراؤنڈ میں ٹیسٹ کھیلے گی اس سے قبل پاکستانی ٹیم پرتھ کے مشہور واکا گراؤنڈ میں ٹیسٹ میچز کھیلتی رہی ہے۔ سیریز کا دوسرا ٹیسٹ جو باکسنگ ڈے ٹیسٹ کے طور پر مشہور ہے چھبیس دسمبر سے میلبرن کرکٹ گراؤنڈ میں کھیلا جائے گا۔ سیریز کا تیسرا اور آخری ٹیسٹ تین جنوری 2024سے سڈنی کرکٹ گراؤنڈ میں کھیلا جائے گا۔

    پاکستانی ٹیم میلبرن اور سڈنی میں دو دو ٹیسٹ میچز جیت چکی ہے۔ کپتان بابراعظم کا آسٹریلیا کا تیسرا ٹیسٹ ٹور ہوگا۔ اس سے قبل وہ دسمبر 2016میں مصباح الحق اور نومبر 2019میں اظہرعلی کی قیادت میں آسٹریلیا میں ٹیسٹ کھیل چکے ہیں۔ بابراعظم آسٹریلیا میں ابتک پانچ ٹیسٹ میچوں میں278 رنز بناچکے ہیں جس میں برسبین ٹیسٹ میں بنائی گئی سنچری قابل ذکر ہے اس کے علاوہ انہوں نے ایڈیلیڈ ٹیسٹ میں 97 رنز کی اننگز کھیلی تھی۔

    فاسٹ بولر نسیم شاہ نے 2019میں برسبین میں اپنا پہلا ٹیسٹ کھیلا تھا جس کے بعد سے وہ تینوں فارمیٹس میں 42میچوں میں 80 وکٹیں حاصل کرچکے ہیں۔ پاکستانی ٹیم نے آخری بار آسٹریلیا کا دورہ ٹی ٹوئنٹی ورلڈ کپ کے سلسلے میں کیا تھا جس کا اس نے فائنل کھیلا تھا۔ آسٹریلیا اور پاکستان کے اسپنرز رچی بینو اور عبدالقادر کے نام سے بینو قادر ٹرافی کا آغاز 2022میں ہوا تھا جب آسٹریلوی ٹیم نے سولہ سال کے وقفے کے بعد پاکستان کا دورہ کیا تھا اور ٹیسٹ سیریز پیٹ کمنز کی قیادت میں ایک صفر سے جیتی تھی۔
    آسٹریلیا پاکستان ٹیسٹ سیریز کا شیڈول

    14سے 18دسمبر۔ پہلا ٹیسٹ پرتھ اسٹیڈیم۔

    26سے30 دسمبر ۔ دوسرا ٹیسٹ میلبرن کرکٹ گراؤنڈ ۔

    3سے7 جنوری۔ تیسرا ٹیسٹ ۔ سڈنی کرکٹ گراؤنڈ۔

  • بیفیم چیمپئن شپ 2023 لاہور میں کامیابی کے ساتھ اختتام پذیر

    بیفیم چیمپئن شپ 2023 لاہور میں کامیابی کے ساتھ اختتام پذیر

    لاہور: بیفیم چیمپئن شپ 2023 لاہور میں کامیابی کے ساتھ اختتام پذیر ہو گئی۔

    باغی ٹی وی : پی سی لاہور میں 5 مئی سے منعقد ہونے والی برج فیڈریشن آف ایشیا اینڈ مڈل ایسٹ چیمپئن شپ گزشتہ روز ہفتہ کو اختتام پذیر ہوئی پاکستان برج فیڈریشن نے بھارت، متحدہ عرب امارات، فلسطین، اردن، بنگلہ دیش کی ٹیموں کی میزبانی کی۔

    بیفیم، اختتامی تقریب میں نگران وزیراعلی پنجاب محسن نقوی مہمان خصوصی، ونر ٹیموں کو میڈل …

    پاکستان نے ایک دہائی سے زائد عرصے کے بعد بیفیم چیمپئن شپ کی میزبانی کی بیفیم کے صدر بہجت المجالی نے کہا کہ ہمیں لاہور میں ہماری توقعات سے کہیں زیادہ خوش آمدید کہا گیا ہے۔ ہمیں نہ صرف ایک عظیم چیمپئن شپ کا تجربہ ہوا بلکہ پاکستان کی مہمان نوازی اور اس کے فن و ثقافت کو بھی قریب سے دیکھنے کا موقع ملا یہ ہمارے اور تمام ٹیم ممبرز کے لیے یادگار بیفیم رہا

    صدر پاکستان برج فیڈریشن مبشر لقمان نے کہا کہ پاکستان میں بیفیم کی میزبانی کرنا ایک اعزاز کی بات ہے۔ تمام ٹیموں نے یہاں کے لوگوں کے ساتھ کھیلنے میں اور ساتھ رہ کر بہت اچھا وقت گزارا ہے۔ پاکستان برج فیڈریشن اب اس کھیل کو وسعت دینے کے لیے کام کرے گی-

    بیفیم نتائج، بھارت،یو اے ای، پاکستان کی ٹیم ورلڈ برج چیمپئن شپ کیلئے منتخب

    پاکستان نے بہت سے جاری سیاسی منظرناموں کے درمیان یہاں لاہور میں 33 ارکان پر مشتمل برج کی بھارتی ٹیم کی میزبانی کی۔

    بھارتی کیپٹن رنجن بھٹاچاریہ نے کہا کہ پاکستان برج فیڈریشن کے شکر گزار ہین ہمیں یہاں بھرپور محبت ملی یہ واقعی یاد رکھنے والا تجربہ رہا اور ہمیں خوشی ہے کہ ہم مراکش میں برمودا باؤل میں اپنے زون کی نمائندگی کریں گے۔

    برج فیڈریشن آف ایشیا اینڈ مڈل ایسٹ چیمپئن شپ کا اختتام بھارتی ٹیم کے اوپن اور خواتین ٹیم کیٹیگریز میں فتح کے ساتھ ہوا۔

    برج فیڈریشن آف ایشیا اینڈ مڈل ایسٹ چیمپین شپ،پاکستانی اور بھارتی ٹیم آگے

  • بیفیم، اختتامی تقریب میں نگران وزیراعلی پنجاب محسن نقوی مہمان خصوصی، ونر ٹیموں کو میڈل دیئے

    بیفیم، اختتامی تقریب میں نگران وزیراعلی پنجاب محسن نقوی مہمان خصوصی، ونر ٹیموں کو میڈل دیئے

    برج فیڈریشن آف ایشیا اینڈ مڈل ایسٹ چیمپئن شپ کے اختتام پر نگران وزیر اعلی پنجاب محسن نقوی مہمان خصوصی تھے۔ پاکستان برج فیڈریشن کے صدر ، برج فیڈریشن آف ایشیا اینڈ مڈل ایسٹ کے نائب صدر مبشر لقمان نے ہال میں آمد پر وزیراعلی پنجاب کا استقبال کیا ، برج فیڈریشن آف ایشیا اینڈ مڈل ایسٹ کے صدر بحجت علی ماجالی بھی اس موقع پر موجود تھے۔ نگران وزیراعلی پنجاب محسن نقوی نے تمام ٹیموں کے کھلاڑیوں میں میڈل اور انعامات تقسیم کیے ، تمام کیٹگریز کے حساب سے اوپن، سینئرز، مکسڈ، خواتین میں گولڈ اور سلور میڈل تقسیم کئے گئے، بعد ازیں پاکستان برج فیڈریشن کے صدر مبشر لقمان نے بھی کھلاڑیوں میں میڈل تقسیم کیے

    پاکستان برج فیڈریشن اور برج فیڈریشن آف ایشیا اینڈ مڈل ایسٹ کے سیکرٹری جنرل احسان قادر نے اختتامی تقریب میں سیکرٹری جنرل کے فرائض سرانجام دیئے

    تقریب میں بھارت، یو اے ای اور پاکستان کے قومی ترانے بھی چلائے گئے، ان تینوں ممالک کی ٹیمیں ورلڈ برج چیمپئن شپ کے لیے منتخب ہوئی ہیں ، ورلڈ برج چیمپئن شپ رواں برس ماہ اگست میں مراکش میں کھیلی جائے گی،

    نگران وزیراعلی پنجاب محسن نقوی نے تقریب سے خطاب کرتے ہوئے کہا کہ مجھے غیر ملکی کھلاڑیوں کو پاکستان میں دیکھ کر خصوصا لاہور میں دیکھ کر خوشی ہوئی، مبشر لقمان نے جب مجھے بتایا تھا تو خوشی ہوئی، اس ٹورنامنٹ کے لیے بہت محنت کی گئی ہے، تمام ٹیمیں داد کی مستحق ہیں، مبشر لقمان نے برج کے بارے میں بتایا ہماری حکومت برج کے حوالہ سے ہر قسم کی مدد کرنے کو تیار ہے، ملتان چیمپئن شپ میں بھی حکومت پنجاب کا تعاون ساتھ ہو گا، نگران وزیراعلی پنجاب نے کھلاڑیوں کو مخاطب کرتے ہوئے کہا کہ میں خواہشمند ہوں کہ تمام کھلاڑی دوبارہ پاکستان آئیں

    برج فیڈریشن آف ایشیا اینڈ مڈل ایسٹ چیمپئن شپ کے میزبان، پاکستان برج فیڈریشن کے صدر مبشر لقمان نے اختتامی تقریب سے خطاب کرتے ہوئے کہا کہ دنیا کے کھلاڑی پاکستان آئے اور کھیلا آمد پر سب کا شکر گزار ہوں، نگران وزیراعلی پنجاب انتہائی اہم اجلاس چھوڑ کر آئے ہم انکے شکر گزار ہیں، بھارتی ٹیم نے اچھا کھیلا اور جیتی یواے ای کی ٹیم بھی میچ میں جیتی، پاکستان سینئرز کی ٹیم بھی میچ جتیی، تمام کھلاڑی میرے خاندان کی مانند ہیں پاکستان ورلڈ چیمپئن شپ میں جا رہا ہے اور ہم جیتیں گے ان شاء اللہ ، اگلے ماہ ملتان میں سرائیکی چیمپئن شپ شروع کر رہے ہیں، میں تمام کھلاڑیوں اور ان ممالک کی تمام حکومتوں کا شکر گزار ہوں جنہوں نے ٹیمیں بھیجیں مبشر لقمان کا کہنا تھا کہ تمام ٹیموں کو مبارکباد دیتا ہوں

    برج فیڈریشن آف ایشیا اینڈ مڈل ایسٹ کے صدر بحجت علی ماجالی کا تقریب سے خطاب میں کہنا تھا کہ پاکستان کے شکر گزار ہیں ، بیفیم مکمل ہو گئی، پاکستان برج فیڈریشن کے صدر مبشر لقمان ، سیکرٹری جنرل احسان قادر کے شکر گزار ہیں جن کی کوششوں سے آج چیمپئن شپ مکمل ہوئی، چیمپئن شپ میں تمام ٹیموں نے سرپرائز دیئے اور اچھی کھیلیں، بھارت، بنگلہ دیش، فلسطین، یو اے ای، اردن، پاکستان کی ٹیموں کے شکر گزار ہیں اس زون کی ٹیمیں منتخب ہو گئی ہیں جو ورلڈ چیمپئن شپ میں کھیلنے جائیں گی ، اگلی بیفیم 2025 میں دبئی میں ہو گی

    واضح رہے کہ لاہور میں برج فیڈریشن آف ایشیا اینڈ مڈل ایسٹ چیمپئن شپ کا آغاز پانچ مئی کو ہوا تھا، جو تیرہ مئی تک جاری رہی ، اس دوران بہترین انتظامات پر بھارت و دیگر ممالک کے کھلاڑی پاکستان برج فیڈریشن کے صدر مبشر لقمان کا شکریہ ادا کرتے نظر آئے، مہمان کھلاڑیوں کو لاہور کے تاریخی مقام شاہی قلعہ کا دورہ کروایا گیا تھا جہاں مہمان کھلاڑی لاہوری کھانوں کے ساتھ ساتھ لاہوری رقص، ثقافت سے بھی لطف اندوز ہوئے،

    اختتامی تقریب کے دوران باغی ٹی وی سے گفتگو کرتے ہوئے رنجن بھٹہ چاریہ کا کہنا تھا کہ پاکستان آ کر ایسے لگا جیسے ہم گھر آ گئے ہوں، ہم میچ جیتے اب ورلڈ چیمپئن شپ مین کھیلیں گے دونوں ممالک بھارت اور پاکستان کے درمیان کھیلوں کے مقابلے جاری رہنے چاہئے، خواہش ہے کہ دوبارہ پاکستان آوں اور کھیلوں اور پاکستانی ٹیم بھی بھارت آئے۔

  • ٹانگوں سے معزور ریس جیتنے والا سعودی نوجوان اب چائے فروخت کر رہا

    ٹانگوں سے معزور ریس جیتنے والا سعودی نوجوان اب چائے فروخت کر رہا

    وہ بغیر ٹانگوں کے زندگی میں آیا لیکن کھیلوں سے اس کی محبت نے اسے سعودی عرب اور بیرون ملک باہمت لوگوں کی دوڑ میں حصہ لینے سے نہیں روکا۔ اس نے مصنوعی اعضا لگانے کے بعد زندگی گزارنا شروع کی اور بہت سے تمغے جیت لیے۔ اس طرح اس نے اپنے بختہ عزم کی بدولت کئی کامیابیاں سمیٹ لی ہیں۔

    35 سالہ حسین الحویکم کا کھیلوں سے لگاؤ دو سال کی عمر سے شروع ہوگیا تھا۔ جب وہ تھوڑا بڑا ہوا تو اس نے مستطیل سبز رنگ میں صحت مند لوگوں کے ساتھ مقابلہ کرتے ہوئے اپنے مصنوعی اعضا کے ساتھ پیشہ ورانہ طور پر فٹ بال کھیلنا شروع کردیا۔ وہ والی بال، دوڑ اور دیگر کھیلوں میں بھی حصہ لیتا رہا۔ ’’العربیہ ڈاٹ نیٹ‘‘ کے ساتھ اپنے انٹرویو میں حسین الحویکم نے کھیلوں سے اپنی محبت کو خدا کی عطا کردہ نعمت قرار دیا اور کہا کہ بچپن میں میں اپنے محلے کے سٹیڈیم کو دیکھتا رہتا تھا۔ کھلاڑیوں کو ایک دوسرے سے مقابلہ کرتے ہوئے دیکھتا تھا تو خود بھی وہ تجربات کرنے کا سوچتا تھا۔

    اس وقت اپنے آہنی عزم کی بدولت اس چھوٹے سے بچے نے طاقتور ترین کھلاڑیوں کو چیلنج کرنے کا فیصلہ کیا۔ اپنی محنت کی بدولت وہ والی بال میں معذور افراد کی سعودی قومی ٹیم میں کھیلنے کی منزل تک پہنچ گیا۔ پھر اس نے کئی مقامی فٹ بال ٹورنامنٹس میں حصہ لیا۔ اس نے الاحساء میں 5 کلومیٹر کی ریس، بحرین کی بادشاہی میں 10 کلومیٹر کی ریس اور کویت اور قطیف کے علاقے میں 5 کلومیٹر کی ریس میں بھی حصہ لیا۔

    حالات زندگی اور معاشی وسائل اس نوجوان کی راہ میں رکاوٹ بنے رہے ۔ اپنی معذوری کے باوجود حسین نے کئی تمغے جیت لیے۔ لیکن ساتھ ہی وہ معاشی مسائل میں بھی گھرا ہوا ہے۔ اسے کس چیز نے مجبور کیا کہ وہ الاحساء کے کھیتوں کے درمیان "الشہرین قبرستان کے سامنے” مشہور سڑک کے کنارے بیٹھ کر چائے اور دیگر لوازمات فروخت کرتا ہے۔ وہ اپنی ہاتھ سے چائے اور دیگر اشیا بنا کر راہگیروں کو فروخت کرتا ہے۔ اس وقت وہ ایسی نوکری کی تلاش میں جس سے وہ پیسے کما کر اپنے اور اپنے خاندان کے لیے سہولیات حاصل کرسکے۔
    مزید یہ بھی پڑھیں؛
    آئین کا تحفظ ہمارے بنیادی فرائض میں شامل ہے۔ چیف جسٹس
    100 واں ڈے،پی سی بی نے بابر اعظم کی فتوحات کی فہرست جاری کر دی
    لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
    بینگ سرچ انجن تمام صارفین کیلئے کھول دیا گیا
    انٹربینک میں ڈالر سستا ہوگیا
    ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
    سعیدہ امتیاز کے دوست اورقانونی مشیرنے اداکارہ کی موت کی تردید کردی
    جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
    یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
    حسین الحویکم کی تصاویر ان دنوں میں ذرائع ابلاغ اور سوشل میڈیا پر پھیل گئیں۔ لوگوں کی بڑی تعداد تصاویر دیکھ کر حسین الحویکم کے پاس گئی اور اس سے اظہار محبت کیا اور اسے اس کی جدوجہد پر داد دی ٹویٹر پر بھی بہت سے سعودیوں نے الحویکم کی تعریف کی جس نے استقامت، عزم اور چیلنجوں کا سامنا کرنے کی مثال قائم کردی ہے۔ بعض افراد نے لوگوں سے حسین الحویکم کی مدد کی اپیل بھی کی اور کہا کہ اس شخص کو اس وقت کسی سہارے کی ضرورت ہے۔

  • نجم سیٹھی نے پاکستان ورلڈکپ کے میچز بنگلادیش میں کرانے کا کہہ دیا

    نجم سیٹھی نے پاکستان ورلڈکپ کے میچز بنگلادیش میں کرانے کا کہہ دیا

    پاکستان کرکٹ بورڈ منیجمنٹ کمیٹی کے سربراہ نجم سیٹھی نے بھارتی چینل کو انٹرویو دیتے ہوئے دو ٹوک مؤقف اپنایا ہے۔ نجم سیٹھی کا کہنا ہے کہ بھارت پاکستان میں ایشیا کپ نہیں کھیل سکتا تو وہ اپنے میچز نیوٹرل وینیو پر کھیلے لیکن اگر ایسا ہوا تو ہم بھی ورلڈ کپ کے میچز نیوٹرل وینیو پر ہی کھیلے گے۔

    انہوں نے کہا کہ آسٹریلیا، انگلینڈ اور نیوزی لینڈ سمیت دنیا کی تمام بڑی ٹیمیں پاکستان میں کھیل کر گئیں کوئی سکیورٹی ایشو نہیں بلکہ ہمیں بھارت میں سکیورٹی ایشوز ہیں۔ انہوں نے کہا کہ بھارتی ٹیم ایشیا کپ کھیلنے پاکستان نہیں آتی تو ورلڈکپ میچز بھی ہائبرڈ ماڈل کےتحت ہوں گے، ہائبرڈ ماڈل میں پاکستان کے ورلڈکپ کے میچز بنگلادیش میں ہونےچاہئیں، نیوٹرل وینیو ہماری ترجیحات میں شامل نہیں ہے، ہمیں ٹورنامنٹ کے گیٹ منی کی مد میں ملنے والے پیسوں میں حصہ چاہیے۔

    نجم سیٹھی نے کہا کہ بھارتی کرکٹ بورڈ سیاسی بنیاد پر باقی ٹیموں کوپاکستان میں کھیلنے سے روکے تو پھر ایشین کرکٹ کونسل (اے سی سی) نہیں چل سکتی، بحرین میں اے سی سی اجلاس میں جےشاہ نے باقی ٹیموں سے پاکستان میں کھیلنے پر پوچھا تھا، کسی ٹیم نے بھی پاکستان میں کھیلنے پر اعتراض نہیں کیا تھا۔ انہوں نے کہا کہ ہمیں نیوٹرل وینیو دیا جائے، نہیں تو بھارت میں ہونے والا ورلڈکپ نہیں کھیلیں گے، بھارت کی برج، باسکٹ بال، بلائنڈ کرکٹ ٹیم پاکستان آسکتی ہےتوکرکٹ ٹیم کیوں نہیں؟
    مزید یہ بھی پڑھیں؛
    آئین کا تحفظ ہمارے بنیادی فرائض میں شامل ہے۔ چیف جسٹس
    100 واں ڈے،پی سی بی نے بابر اعظم کی فتوحات کی فہرست جاری کر دی
    لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
    بینگ سرچ انجن تمام صارفین کیلئے کھول دیا گیا
    انٹربینک میں ڈالر سستا ہوگیا
    ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
    سعیدہ امتیاز کے دوست اورقانونی مشیرنے اداکارہ کی موت کی تردید کردی
    جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
    یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
    نجم سیٹھی نے کہا کہ سری لنکا کے اےسی سی کو لکھےجانے والے خط سےفرق نہیں پڑتا، حال ہی میں جے شاہ کے بھیجےگئے نمائندے کو ایشیاکپ کے پلان کا بتایا، انہیں ایشیا کپ کا پلان پسند آیا تھا، ہم نے تب سری لنکا کا دورہ کیا جب وہاں پر بم دھماکے ہو رہے تھے، ہم ہمیشہ سری لنکا کا دورہ کرنے کو تیار رہے ہیں، بھارت میں بھی دنگے چل رہے ہیں، مگر کرکٹ کبھی نہیں رکی۔

  • برج فیڈریشن آف ایشیا اینڈ مڈل ایسٹ چیمپین شپ،پاکستانی اور بھارتی ٹیم آگے

    برج فیڈریشن آف ایشیا اینڈ مڈل ایسٹ چیمپین شپ،پاکستانی اور بھارتی ٹیم آگے

    برج فیڈریشن آف ایشیا اینڈ مڈل ایسٹ چیمپین شپ پی سی ہوٹل لاہور میں جاری ہے

    کل شام تک ہونیوالے میچز میں دو کیٹگریز میں پاکستان کی ٹیمیں اور دو کیٹگریز میں بھارت کی ٹیم آگے تھی، آج اور کل جمعہ کو سیمی فائنل ہوں گے جبکہ ہفتہ کو فائنل میچز ہوں گے، پانچ مئی سے شروع ہونے والی چیمپین شپ میں 10 مئی تک میچز ہوئے جس میں کل آخری راؤنڈ تھا اور اس کے نتائج کے مطابق پاکستان اور بھارت کی ٹیمیں سر فہرست ہیں،اوپن کیٹگری میں پاکستان کی ٹیم 164.34 پوائنٹس کے ساتھ پہلے نمبر پر ہے جبکہ بھارتی ٹیم 163،41 پوائنٹس کے ساتھ دوسرے نمبر پر ہے،

    خواتین ایونٹ میں بھارتی ٹیم 206.36 پوائنٹس کے ساتھ پہلے اور پاکستانی ٹیم پیچھے 170،79 پوائنٹس کے ساتھ دوسری پوزیشن پر رہی۔

    اس موقع پر پاکستان برج فیڈریشن کے صدر مبشرلقمان بھی موجود تھے اور اس کے ساتھ برج فیڈریشن آف ایشیا اینڈ مڈل ایسٹ کے سربراہ بھی ان کے ہمراہ تھے. تمام ٹیموں نے پرجوش ہوکر کھیلا ہے.

    پاکستان برج فیڈریشن کے زیر اہتمام لاہور کے نجی ہوٹل میں جاری برج فیڈریشن آف ایشیا اینڈ مڈل ایسٹ چیمپئن شپ کے مقابلے 13 جولائی تک رہیں گے، جو ٹیم اس چیمپئن شپ سے جیتے گی وہ رواں برس کے آخر میں مراکش میں ورلڈ چیمپئن شپ میں کھیلے گی۔ پاکستان برج فیڈریشن کے صدر مبشر لقمان کا کہنا تھا کہ برج کی بین الاقوامی ٹیموں کا پاکستان آنا ہمارے لئے اعزاز ہے، پاکستان برج فیڈریشن کی کوشش ہو گی کہ اس طرز کے مقابلے جاری رہیں

    پاکستان میں توقع سے بڑھ کر پیار ملا، بھارتی برج ٹیم کے کپتان کی پریس کانفرنس

    برج فیڈریشن آف ایشیا اینڈ مڈل ایسٹ چیمپئن شپ، کھلاڑیوں کا شاہی قلعہ کا دورہ

    برج گیم میں جوا اور پیسے نہیں لگتے:برج پلیئرغیاث ملک ، جہانگیر اور سعید اختر

    برج فیڈریشن آف ایشیا اینڈ مڈل ایسٹ چیمپئن شپ، بھارتی ٹیم لاہور پہنچ گئی

  • پچیس سے تیس کھلاڑیوں کا پول بنایا جائے. سرفراز احمد

    پچیس سے تیس کھلاڑیوں کا پول بنایا جائے. سرفراز احمد

    پاکستان کرکٹ ٹیم کے سابق کپتان سرفراز احمد نے کہا ہے کہ ورلڈ کپ کیلئے وقت کم ہے جلد از جلد پچیس سے تیس کھلاڑیوں کا پول بنایا جائے۔جبکہ انہوں نے مزید کہا کہ ورلڈ کیلئے جن کھلاڑیوں کو ایونٹ کیلئے لے کر جانا ہے ان کو پول میں شامل کریں اور میگا ایونٹ کی تیاری شروع کریں۔

    انہوں نے کہا کہ ٹیم منیجمنٹ نے نیوزی لینڈ کے خلاف جو روٹیشن پالیسی بنائی وہ اچھا فیصلہ تھا، اس فیصلے کے سودمند نتائج سامنے آئیں گے۔ علاوہ ازیں پاکستان کرکٹ ٹیم کے سابق کپتان سرفراز احمد نے کہا ہے کہ چھ سات سال میں پاکستان میں انٹرنیشنل کرکٹ کی بحالی کیلئے بہت کام کیا گیا تھا، ٹاپ ٹیمیں پاکستان آکر کھیل چکی ہیں اب بھارت کا یہاں نہ آنے کا کوئی جواز نہیں بنتا۔

    کراچی میں جناح کالج گراؤنڈ کے افتتاح کے موقع پر میڈیا سے گفتگو کرتے ہوئے انہوں نے کہا کہ جس ایونٹ کا میزبان پاکستان ہے وہ ایونٹ پاکستان میں ہی ہونا چاہیے. انہوں نے کہا کہ انٹرنیشنل کرکٹ کونسل اور ایشین کرکٹ کونسل کو اس معاملے پر پاکستان کی مدد کرنی چاہیے، تقریباً ہر ٹیم پاکستان آرہی ہے، یہ پاکستان کا حق بنتا ہے کہ جو کرکٹ پاکستان کو ملی وہ پاکستان میں ہی ہو۔

    سرفراز احمد نے مزید کہا کہ پاکستان نے انٹرنیشنل کرکٹ کی بحالی کیلئے بہت جدوجہد کی ہے مشکل وقت بھی دیکھا ہے، ملک میں کرکٹ کی بحالی کیلئے پاکستان کرکٹ بورڈ، میڈیا، سکیورٹی فورسز اور ایجنسیوں کے کردار کو فراموش نہیں کیا جاسکتا۔ انہوں نے کہا کہ بھارت کے پاکستان نہ آنے پر ہر اس ٹیم کو پاکستان کی سپورٹ کرنی چاہیے جو یہاں آکر کرکٹ کھیل چکی ہے، پاکستان کی مہمان نوازی بہت مشہور ہے اور اس کی مثال دنیا میں نہیں ملتی۔
    مزید یہ بھی پڑھیں؛
    آئین کا تحفظ ہمارے بنیادی فرائض میں شامل ہے۔ چیف جسٹس
    100 واں ڈے،پی سی بی نے بابر اعظم کی فتوحات کی فہرست جاری کر دی
    لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
    بینگ سرچ انجن تمام صارفین کیلئے کھول دیا گیا
    انٹربینک میں ڈالر سستا ہوگیا
    ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
    سعیدہ امتیاز کے دوست اورقانونی مشیرنے اداکارہ کی موت کی تردید کردی
    جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
    یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
    سابق کپتان نے کہا کہ یہ بات ہی نہیں ہونی چاہیے کہ بھارت پاکستان نہیں آئے گا جس طرح اسٹیو اسمتھ جو روٹ دنیا کے صف اول کے کرکٹر یہاں کھیل کر گئے اسی طرح پاکستان کے لوگ بھارت کو بھی کھیلتا دیکھنا چاہتے ہیں اور پاک بھارت کے میچز دیکھنا چاہتے ہیں۔

  • برج فیڈریشن آف ایشیا اینڈ مڈل ایسٹ چیمپئن شپ: تیسرے روز کے تمام ٹیموں کے نتائج سامنے آ گئے

    برج فیڈریشن آف ایشیا اینڈ مڈل ایسٹ چیمپئن شپ: تیسرے روز کے تمام ٹیموں کے نتائج سامنے آ گئے

    برج فیڈریشن آف ایشیا اینڈ مڈل ایسٹ چیمپئن شپ میں آج تیسرے روز کے تمام ٹیموں کے تین سیشن کے نتائج سامنے آ گئے ہیں جبکہ ابھی تک چیمپئن شپ میں شامل تمام ٹیموں نے تین تین میچ کھیلے ہیں اور آج کھیلے جانے والے میچز میں بھارت کی ٹیم تین میچز میں آگے رہی جبکہ خیال رہے کہ اس موقع پر پاکستان برج فیڈریشن کے صدر مبشرلقمان بھی موجود تھے اور اس کے ساتھ برج فیڈریشن آف ایشیا اینڈ مڈل ایسٹ کے سربراہ بھی ان کے ہمراہ تھے. تمام ٹیموں نے پرجوش ہوکر کھیلا ہے.

    اوپن راؤنڈ میں مکمل طور بھارت کی ٹیم 86.08 پوائنٹس کے ساتھ آگے ہے، پاکستان کی ٹیم 81.49 پوائنٹس کے ساتھ دوسرے نمبر پر ہے، عرب امارات کی ٹیم 64.96 پوائنٹس کے ساتھ تیسرے نمبر پر اور اردن کی ٹیم 59.82 پوائنٹس کے ساتھ چوتھے نمبر پر جبکہ بنگلہ دیش کی ٹیم 57.65 پوئنٹس کے ساتھ پانچویں نمبر ہے.

    جبکہ خواتین راؤنڈ میں مکمل طور پر بھارت کی خواتین ٹیم 88.61 پوائنٹس کے ساتھ پہلے نمبر پر، پاکستان کی 87.52 کے ساتھ دوسرے پر، متحدہ عرب امارات 72.46 کے ساتھ تیسرے نمبر پر جبکہ فلسطین کی ٹیم 53.14 پوائنٹس کے ساتھ چوتھے نمبر پر ہے اور اردن کی ٹیم 48.27 پوئینٹس کے ساتھ پانچویں نمبر ہے.


    علاوہ ازیں سینئر راؤنڈ میں مکمل طور پر بھارتی ٹیم 87.75 پوائنٹس کے ساتھ پہلے نمبر پر، پاکستان کی ٹیم 77.77 کے ساتھ دوسرے نمبر پر جبکہ اردن کی ٹیم 43.98 پوئنٹس کے ساتھ تیسرے نمبر پر ہے.

    مکس سیشن میں بھی بھارتی ٹیم آگے رہی، بھارتی ٹیم 83.44 پوائنٹس کے ساتھ پہلے نمبر پر، متحدہ عرب امارات کی ٹیم 67.95 پوائنٹس کے ساتھ دوسرے نمبر پر جبکہ اردن کی ٹیم 66.63 پوائنٹس کے ساتھ تیسرے نمبر پر، اور پاکستان کی ٹیم 61.48 پوائنٹس کے ساتھ چوتھے نمبر پر ہے
    ………………………………………………………………………………………………………………………………………………………………………………………………..

    آج میچ کے دوسرے حصے کے اوپن راؤنڈ میں انڈین ٹیم 97.28 پوائنٹس کے ساتھ پہلے نمبر پر رہی، پاکستان 91.49 پوائنٹس کے ساتھ دوسرے، جبکہ متحدہ عرب امارات 76.44 پوائنٹس کے ساتھ تیسرے، اردن کی ٹیم 66.62 پوائنٹس کے ساتھ چوتھے، اور بنگلہ دیش کی ٹیم 66.17 پوائنٹس کے ساتھ پانچویں نمبر پر ہے.


    جبکہ اس حصہ کے خواتین راؤنڈ میں پاکستانی ٹیم 102.12 پوائنٹس کے ساتھ پہلے، انڈیا ٹیم 98.66 پوائنٹس کے ساتھ دوسرے، متحدہ عرب امارات 77.66 پوائنٹس کے ساتھ تیسرے، اردن 63.07 پوائنٹس کے ساتھ چوتھے جبکہ فلسطین کی ٹیم 58.54 پوائنٹس کے ساتھ پانچویں نمبر پر ہے.

    اسی اس حصہ کے سینئر راؤنڈ میں مکمل طور پر بھارتی ٹیم 97.75 کے ساتھ پہلے نمبر پر ہے، پاکستانی ٹیم 91.95 کے ساتھ دوسرےنمبر پر ہے، اردن کی ٹیم 49.08 پوائنٹس کے ساتھ تیسرے نمبر پر ہے.
    .
    علاوہ ازیں طرح اس حصہ کے مکس راؤنڈ میں مکمل طور پر بھارتی ٹیم 93.44 کے ساتھ پہلے، متحدہ عرب امارات 82.34 کے ساتھ دوسرے نمبر پر، اردن ٹیم 72.24 پوائنٹس کے ساتھ تیسرے نمبر پر اور پاکستان کی ٹیم 71.48 پوائنٹس کے ساتھ چوتھے نمبر پر ہے.
    ……………………………………………………………………………………………………………………………………………………………………………………………
    آج کے تیسرے میچ میں اوپن راؤنڈ میں میں مکمل طور پر بھارت 106.97 پوائنٹس کے ساتھ پہلے, جبکہ پاکستان 97.31 پوائنٹس کے ساتھ دوسرے، یو اے ای 88.44 پوائنٹس کے ساتھ تیسرے، اردن 82.08 پوائنٹس کے ساتھ چوتھے، جبکہ بنگلہ دیش 76.48 پوائنٹس کے ساتھ پانچویں نمبر پر ہے.


    جبکہ تیسرے میچ میں خواتین ٹیموں میں سے بھارت 112.13 پوائنٹس کے ساتھ پہلے، پاکستان 111.81 پوائنٹس کے ساتھ دوسرے، یو اے ای 82.19 پوائنٹس کے ساتھ تیسرے، اردن 74.33 پوائنٹس کے ساتھ چوتھے، فلسطین کی ٹیم 68.54 پوائنٹس کے ساتھ پانچویں نمبر پر رہی.

    اسی طرح تیسرے میچ میں سینئر کی ٹیم میں بھارت 114.63 پوائنٹس کے ساتھ پہلے، جبکہ پاکستان 95.28 پوائنٹس کے ساتھ دوسرے، اردن کی ٹیم 59.59 پوائنٹس کے ساتھ تیسرے نمبر پر رہی.

    علاوہ ازیں تیسرے میچ کے مکس حصہ میں بھارت 114.56 پوائنٹس کے ساتھ پہلے، یو اے ای 86.06 پوائنٹس کے ساتھ دوسرے، پاکستان 83.94 پوائنٹس کے ساتھ تیسرے، جبکہ اردن ٹیم 74.04 پوائنٹس کے ساتھ چوتھے نمبر پر رہی۔

    پاکستان برج فیڈریشن کے زیر اہتمام لاہور کے نجی ہوٹل میں جاری برج فیڈریشن آف ایشیا اینڈ مڈل ایسٹ چیمپئن شپ کے مقابلے 13 جولائی تک رہیں گے، جو ٹیم اس چیمپئن شپ سے جیتے گی وہ رواں برس کے آخر میں مراکش میں ورلڈ چیمپئن شپ میں کھیلے گی۔ پاکستان برج فیڈریشن کے صدر مبشر لقمان کا کہنا تھا کہ برج کی بین الاقوامی ٹیموں کا پاکستان آنا ہمارے لئے اعزاز ہے، پاکستان برج فیڈریشن کی کوشش ہو گی کہ اس طرز کے مقابلے جاری رہیں

  • برج فیڈریشن آف ایشیا اینڈ مڈل ایسٹ چیمپئن شپ، کھلاڑیوں میں تحائف تقسیم، طلبا کا دورہ

    برج فیڈریشن آف ایشیا اینڈ مڈل ایسٹ چیمپئن شپ، کھلاڑیوں میں تحائف تقسیم، طلبا کا دورہ

    برج فیڈریشن آف ایشیا اینڈ مڈل ایسٹ چیمپئن شپ، کھلاڑیوں میں تحائف تقسیم، طلبا کا دورہ

    پاکستان برج فیڈریشن کے زیر اہتمام برج فیڈریشن آف ایشیا اینڈ مڈل ایسٹ چیمپئن شپ لاہور میں جاری ہے جس میں پاکستان ، بھارت، متحدہ عرب امارات، فلسطین، اردن ، بنگلہ دیش کی ٹیمیں چیمپئن شپ میں شریک ہیں ، روزانہ تمام ٹیموں کے تین تین میچز ہو رہے ہیں، پی سی ہوٹل لاہور میں میچز کا آغاز صبح دس بجے ہوتا ہے اور شام سات بجے تک جاری رہتا ہے.


    جبکہ پاکستان برج فیڈریشن کے صدر مبشر لقمان ، سیکرٹری جنرل احسان قادر و دیگر بھی میچز کے دوران موجود ہوتے ہیں، برج فیڈریشن آف ایشیا اینڈ مڈل ایسٹ کے صدر بحجت ماجالی بھی چیمپئن شپ کے لیے آئے ہوئے ہیں۔ آج پیر کو کھیل کا تیسرا روز ہے، پہلے میچ کے بعد بھارت سمیت تمام ٹیموں کے کھلاڑیوں کو پاکستان برج فیڈریشن کے صدر مبشر لقمان کی جانب سے تحائف میں کچھ کتابیں پی بی ایف کی جانب سے بطور تحفہ دی گئیں جنہیں بینک آف پنجاب نے خصوصی طور پر تیار کروایا اور پی بی ایف کے لیے پرنٹ بھی کروایا تاکہ تمام آئے ہوئے مہمان کھلاڑیوں کو بطور تحفہ یہ کتابیں پیش کی جاسکیں۔ جبکہ تمام کھلاڑیوں بالخصوص بھارتیوں نے اس دلچسپ تحفے کو بہت پسند کیا جس کا عنوان "پنجاب کا ورثہ تھا۔ جبکہ اس موقع پر تمام ٹیموں نے مبشر لقمان کا شکریہ ادا کیا اور کہا کہ پاکستان برج فیڈریشن کے صدر مبشر لقمان نے میزبانی کا حق ادا کر دیا ہے


    مزید یہ بھی پڑھیں؛
    آئین کا تحفظ ہمارے بنیادی فرائض میں شامل ہے۔ چیف جسٹس
    100 واں ڈے،پی سی بی نے بابر اعظم کی فتوحات کی فہرست جاری کر دی
    لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
    بینگ سرچ انجن تمام صارفین کیلئے کھول دیا گیا
    انٹربینک میں ڈالر سستا ہوگیا
    ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
    سعیدہ امتیاز کے دوست اورقانونی مشیرنے اداکارہ کی موت کی تردید کردی
    جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
    یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
    برج فیڈریشن آف ایشیا اینڈ مڈل ایسٹ چیمپئن شپ کے میچز کے دوران آج تعلیمی اداروں کے طلبا نے دورہ کیا اور برج کے بارے میں آگاہی حاصل کی اس موقع پر طلبا و طالبات کی بین الاقوامی کھلاڑیوں سے بھی ملاقات ہوئی، طلبا کو برج کے بارے میں بریفنگ دیتے ہوئے بتایا گیا کہ برج ایک گیم ہے لاہور میں ہونیوالے ٹورنامنٹ کا فائنل 13 مئی کو ہو گا اور فائنل میں پہنچنے والی ٹیمیں ورلڈ برج چیمپئن میں رواں برس شریک ہوں گی.