Baaghi TV

Category: کھیل

  • پاکستان نیوزی لینڈ سیریز، قومی ٹیم کے 16 رکنی اسکواڈ کا اعلان

    پاکستان نیوزی لینڈ سیریز، قومی ٹیم کے 16 رکنی اسکواڈ کا اعلان

    کراچی:پاکستان کرکٹ کا سیزن پھر شروع ہونے کو ہے اور اس سلسلےمیں‌ نیوزی لینڈ کے خلاف دو ٹیسٹ میچز کی سیریز کیلیے پاکستان کے 16 رکنی قومی اسکواڈ کا اعلان کر دیا گیا، اسکواڈ میں مڈل آرڈر بلے باز کامران غلام اور فاسٹ بولر حسن علی کو شامل کیا ہے۔

     

     

    دو ٹیسٹ میچز کی سیریز کا پہلا میچ 26 دسمبر سے نیشنل بینک کرکٹ ایرینا کراچی (نیشنل اسٹیڈیم) میں کھیلا جائے گا، کامران غلام کوٹیسٹ کرکٹ سے ریٹائرمنٹ کا اعلان کرنے والے سابق قومی کپتان اظہر علی کی جگہ شامل کیا گیا ہے جبکہ حسن علی نے محمد علی کی جگہ لی ہے،جنہیں فہیم اشرف کی طرح کراچی میں جاری پاکستان کپ میں شرکت کا مشورہ دیا گیا ہے۔

    کراچی ٹیسٹ میں ٹاس ہارکر بولنگ کرنا ایک چیلنج تھا،بین اسٹوکس

     

    انجری کا شکارحارث رؤف کو اسکواڈ میں شامل نہیں کیا گیا، وہ راولپنڈی ٹیسٹ میں فیلڈنگ کے دوران لگنے والی انجری سے صحت یاب ہو رہے ہیں، تاہم کندھے کی تکلیف کی وجہ سے ملتان اور کراچی ٹیسٹ سے باہر ہونے والے فاسٹ بولر نسیم شاہ کو فٹ قرار دے کر پاکستان اسکواڈ میں برقرار رکھا گیا ہے۔

     

    ٹیم کا مائنڈ سیٹ تبدیل کرنے کی کوشش کر رہے ہیں، وقت لگے گا، بابر اعظم

    اسکواڈ

    بابر اعظم (کپتان)، عبداللہ شفیق، ابرار احمد، حسن علی، امام الحق، کامران غلام، محمد نواز، محمد رضوان، وسیم جونیئر، نسیم شاہ، نعمان علی، سرفراز احمد، سلمان علی آغا، سعود شکیل، شان مسعود اور زاہد محمود پر مشتمل ہے۔

    70 سال میں پہلی بار پاکستان کو ہوم گراؤنڈ پر ٹیسٹ سیریز میں وائٹ واش

     

    ٹیسٹ اور ون ڈے کیلیے امپائرز پینل کا اعلان

    پاک نیوزی لینڈ ٹیسٹ اور ون ڈے سیریز کے لیے امپائرز کا بھی اعلان کیا گیا یے، پہلے ٹیسٹ میں ایلکس وارف اور علیم ڈار (آن فیلڈ)، احسن رضا (تھرڈ امپائر)، آصف یعقوب (فورتھ امپائر) اور محمد جاوید ملک (میچ ریفری) ذمہ داری ادا کریں گے جبکہ 3 تا 7 جنوری کھیلے جانے والے دوسرے ملتان ٹیسٹ میں ایلکس وارف اور علیم ڈار (آن فیلڈ)، احسن رضا (تھرڈ امپائر)، راشد ریاض (فورتھ امپائر)، ڈیوڈ بون (میچ ریفری) فرائض انجام دیں گے۔

     

    کراچی میں 10 جنوری کو کھیلے جانے والے پہلے ون ڈے انٹرنیشنل میں علیم ڈار اور آصف یعقوب (آن فیلڈ)، احسن رضا (تھرڈ امپائر)، فیصل آفریدی (فورتھ امپائر)؛ ڈیوڈ بون (میچ ریفری) جبکہ 12 جنوری کو دوسرے ون ڈے میں علیم ڈار اور راشد ریاض (آن فیلڈ)، آصف یعقوب (تھرڈ امپائر)، فیصل آفریدی (فورتھ امپائر)، ڈیوڈ بون (میچ ریفری) اسی طرح 14 جنوری کو تیسرے ون ڈے میں علیم ڈار اور احسن رضا (آن فیلڈ)، راشد ریاض (تھرڈ امپائر)، فیصل آفریدی (فورتھ امپائر)؛ ڈیوڈ بون (میچ ریفری) کے فرائض انجام دیں گے۔

  • بابر اعظم ہی کپتان رہے گا،یہی ٹیم پاکستان کو 2023 اور 2024 کا ورلڈکپ جتوائے گی،شاہین شاہ آفریدی

    بابر اعظم ہی کپتان رہے گا،یہی ٹیم پاکستان کو 2023 اور 2024 کا ورلڈکپ جتوائے گی،شاہین شاہ آفریدی

    انگلینڈ کے خلاف تین میچوں میں بدترین شکست کے بعد کپتان بابراعظم کی حمایت میں قومی ٹیم کے کھلڑیوں شاہین شاہ آفریدی اور حارث روؤف نے سوشل میڈیا پر بیان جاری کیا ہے-

    باغی ٹی وی : کراچی ٹیسٹ جیت کر انگلش کرکٹ ٹیم نے پاکستان کو ہوم گراؤنڈ پر 70 سال میں پہلی مرتبہ ٹیسٹ سیریز میں وائٹ واش کیا، جس کے بعد تجزیہ کاروں اور کرکٹ حلقوں میں یہ بات زیر گردش تھی کہ بابراعظم کی جگہ کسی اور کو کپتان نامزد کیا جائے۔

    دوسری جانب کپتان بابراعظم کی سپورٹ میں فاسٹ بولر شاہین آفریدی اور حارث رؤف نے بابر اعظم کی سپورٹ کے حوالے سے ٹرینڈ میں حصہ لیتے ہوئے ٹوئٹ کیا-


    حارث رؤف نے کپتان بار اعظم کے ساتھ اپنی تصویر شئیر کرتے ہوئے ٹوئٹ میں لکھا کہ ’’بابراعظم ہمارے کپتان ہیں اور ہمیشہ رہیں گے‘‘-

    اسی طرح شاہین آفریدی نے اپنے ٹوئٹ میں لکھا کہ بابراعظم ہماری اور پاکستان کی شان، جان اورپہچان ہے، وہ ہمارا کپتان ہے اور رہےگا، شاہین نے ناقدین کو آڑے ہاتھوں لیتے ہوئے کہا کہ بابر کے علاوہ کچھ اور سوچنا بھی منع ہے-
    https://twitter.com/iShaheenAfridi/status/1605234846070378496?s=20&t=lLLyWSir5CbcR3hruy0DJQ
    شاہین شاہ آفریدی نے مطالبہ کیا کہ اس ٹیم کو سپورٹ کریں ،یہی ٹیم ہمیں جتائے گی ،کہانی ابھی ختم نہیں ہوئی-

    دوسری جانب قومی کرکٹ ٹیم کے فاسٹ بالر شاہین شاہ آفریدی نے ایک انٹرویو میں کہا ہے کہ میرا ری ہیب کافی اچھا چل رہا ہے ویٹ اور میڈیکل پلاننگ کے ساتھ ری ہیب کررہا ہوں۔ اگلے ہفتے سے بالنگ کا آغاز کردوں گا۔

    انہوں نے کہا کہ پاکستان کے لیے کھیلنے کے لیے ہمیشہ مثبت سوچنا ہوتا ہےٹیم جیتتی بھی ہے اور ہارتی بھی، ہمیشہ اپنے ہیروز کو سپورٹ کرنا چاہیے ہمارا 2021 اور 2022 کا سال کافی اچھا گزرا ہے ہم نے جنوبی افریقہ، سری لنکا کو ہرایا ہے۔ ہماری اسی ٹیم نے اوپننگ میں دو دو سو کا ہدف حاصل کیا بیس وکٹیں بھی لی۔

    ان کا کہنا ہے کہ کبھی کبھی ٹیم پر مشکل وقت آجاتا ہے۔ پلئیرز ہمیشہ چاہتے ہیں کہ اچھا پرفارم کریں۔ مجھے پتہ ہے کہ فینز چاہتے ہیں کہ آپ ہمیشہ جیتیں اس وقت ہمیں پاکستان ٹیم کو سپورٹ کرنے کی ضرورت ہے یہی ٹیم پاکستان کو 2023 اور 2024 کا ورلڈکپ جتوائے گی آگے پی ایس ایل اور نیوزی لینڈ سیریز آرہی ہے 2023 میں کافی لمبی کرکٹ ہے یہی پلئیرز فٹ ہوں گے تو پاکستان کو جتوائیں گے۔

    ان کا کہنا ہے کہ لاہور قلندرز کی منتخب شدہ ٹیم سے مطمئن ہوں مقامی پلئیرز جتنے اچھے ہوں گے اتنا ہی ٹیم کو فائدہ ہوتا ہے۔ ہیری بروک اگر دستیاب ہوئے تو ٹیم کے لیے اچھا ہوگا سکندر رضا، لائم ڈوسن اور جارڈن کوک بھی اچھے کھلاڑی ہیں فینز کو مزہ آئے گا۔

    انہوں نے کہا ہے کہ میڈیا پر دیکھ کر حیران ہوں کہ لوگوں کو میری شادی کی تاریخ کا بھی پتا ہے ابھی نکاح کی حتمی تاریخ مجھے بھی معلوم نہیں جب بھی نکاح ہوگا تو میں ضرور سب کو بتاوں گا-

    دوسری جانب سوشل میڈیا پر ٹوئٹر پر کئی شائقین کرکٹ نے سوال اٹھایا کہ بابراعظم کو کپتان برقرار رکھنا ہے یا نہیں اسکا فیصلہ ٹیم منجمنٹ، چیئرمین پی سی بی کریں گے یا کھلاڑی؟۔


    https://twitter.com/FantomLeap/status/1605396902807306240?s=20&t=-_sKQcGFoGs6Gi7bw0R1IA
    https://twitter.com/_UnrealDaniel/status/1605258197106827277?s=20&t=-qeakEOaTI6-2XyOO6TYew


    https://twitter.com/tooba_Kareem_/status/1605255460868816896?s=20&t=e3Bu4-8JvyuepR-Y7LUiMQ

  • لاہور قلندرزنے حارث رؤف اور فخر زمان کو بھی گاڑیاں تحفے میں دے دیں

    لاہور قلندرزنے حارث رؤف اور فخر زمان کو بھی گاڑیاں تحفے میں دے دیں

    پاکستان سپر لیگ کی فرنچائز لاہور قلندرز نے کپتان شاہین شاہ آفریدی کے بعد فاسٹ بولر حارث رؤف اور فخر زمان کو بھی گاڑیاں تحفے میں دے دیں۔

    باغی ٹی وی : لاہور قلندرز نے کرکٹرز کو گاڑیاں دینے کی تقریب گورنمنٹ کالج یونیورسٹی کے اوول گراؤنڈ میں سجائی لاہور قلندرز کی انتظامیہ اور کرکٹرز شاہین آفریدی، حارث رؤف اور فخر زمان تقریب کے لیے اوول گراؤنڈ پہنچنے پر شاندار استقبال کیا گیا۔


    سی ای او عاطف رانا کا کہنا تھا کہ لاہور قلندرز کے کھلاڑی جوش و جذبے سے کھیلتے ہیں،اور لاہور قلندرز کو فیملی کی طرح سمجھتے ہیں ان کا خیال رکھنا بہت ضروری ہے کھلاڑیوں کا خیال رکھنے کا سلسلہ جاری رکھا جائے گا۔

    اس موقع پر فخر زمان نے کہا کہ لاہور قلندرز کی انتظامیہ اپنے کرکٹرز کا تو خیال رکھتی ہی ہے لیکن جس طرح یہ اپنے مداحوں کے ساتھ بات چیت کرتے ہیں یہ بھی زبردست ہے۔

    قلندرز کے کپتان شاہین آفریدی نے کہا کہ یہ لاہور قلندرز کی فیملی کا اظہار ہے جو یہ اپنے کرکٹرز کے ساتھ کررہے ہیں۔

    فاسٹ بولر حارث رؤف نے کہا کہ گزشتہ سیزن میں انہوں نے ہر کھلاڑی کو انفرادی کارکردگی پر انعامات دیئے،یہ چیز کھلاڑیوں کے لیے اچھی ثابت ہوتی ہے۔


    جی سی یو کے وا ئس چانسلر اصغر زیدی نے لاہور قلندرز کی انتظامیہ کا طلبہ کے سامنے تقریب سجانے پر شکریہ ادا کیا کہا کہ اس طرح نوجوانوں میں محنت کرنے اور آگے بڑھنے کا جذبہ پیدا ہوتا ہے-

    جی سی یو کے آڈیٹوریم میں پنجاب فوڈ اتھارٹی کے تعاون سے لاہور قلندرز نے میٹ اینڈ گریٹ کا بھی اہتما م کیا گیا جس میں طلبہ نے کرکٹرز سے سوالات کیے ،دوران سیشن آڈیٹوریم کرکٹرز کے نعروں سے گونجتا رہا ۔

    واضح رہے کہ اس سے قبل لاہور قلندرز نے شاہین آفریدی اور حارث رؤف کے ہمراہ کراچی کی این ای ڈی یونیورسٹی میں میٹ اینڈ گریٹ کا سیشن رکھا تھا۔

  • رونالڈو ورلڈ کپ کی بدترین الیون میں شامل

    رونالڈو ورلڈ کپ کی بدترین الیون میں شامل

    پرتگال کے فٹبال اسٹار کرسٹیانو رونالڈو کو ورلڈ کپ کی بدترین الیون میں شامل کرلیا گیا۔

    باغی ٹی وی : غیر ملکی میڈیا کے مطابق ایک ڈیٹا فراہم کرنے والی فرم کی جانب سے میگا ایونٹ کے دوران حاصل شدہ اعدادوشمار کی بنیاد پر بدترین الیون کا انتخاب کیا گیا-

    کراچی ٹیسٹ میں ٹاس ہارکر بولنگ کرنا ایک چیلنج تھا،بین اسٹوکس

    اس بدترین الیون میں کرسٹیانو رونالڈو بھی شامل ہیں جو ورلڈ کپ کے دوران اپنی ٹیم کی جانب سے جدوجہد کرتے دکھائی دیئے، آخری 2 میچز کی اسٹارٹنگ الیون میں انھیں شامل ہی نہیں کیا گیا تھا۔

    رونالڈو نے اپنے ملک کے لیے صرف ایک گول کیا اور سوئٹزرلینڈ کے ساتھ آخری 16 کے مقابلے اور مراکش سے کوارٹر فائنل میں شکست کے لیے فرنینڈو سانتوس نے انھیں بینچ پر ڈراپ کر دیا۔

    70 سال میں پہلی بار پاکستان کو ہوم گراؤنڈ پر ٹیسٹ سیریز میں وائٹ واش

    37 سالہ فری ایجنٹ نے مبینہ طور پر سانتوس کے ساتھ ایک گرما گرم ملاقات کے دوران پرتگالی کیمپ چھوڑنے کی دھمکی دی تھی جب اسے پتہ چلا کہ اسے سوئٹزرلینڈ کے کھیل سے نکال دیا گیا ہے، حالانکہ ملک کے ایف اے اور کھلاڑی نے اس کی فوری تردید کر دی تھی۔

    اور رونالڈو کے مصائب کو شماریات فراہم کرنے والے Sofascore کی جانب سے ورلڈ کپ کی ان کی بدترین ٹیم کے حصے کے طور پر منتخب کیے جانے سے مزید بڑھ گیا ہے۔

    بدترین الیون میں 2 آسٹریلوی اور ایک امریکی فٹبالر بھی موجود ہیں، دلچسپ بات یہ ہے کہ ورلڈ کپ کی فاتح ارجنٹائنی ٹیم کے لاؤتارو مارٹینز بھی اس بدترین الیون کا حصہ ہیں۔

    لیونل میسی نے ورلڈکپ ختم ہونے کے بعد بھی ایک اور عالمی ریکارڈ قائم کردیا

  • قومی ٹیم کی مایوس کن کارکردگی پروہ بھی طعنے دینے لگےجن سےتوقع نہیں تھی

    قومی ٹیم کی مایوس کن کارکردگی پروہ بھی طعنے دینے لگےجن سےتوقع نہیں تھی

    لاہور:قومی ٹیم کی مایوس کن کارکردگی پر آئس لینڈ کرکٹ بھی طنز کرنے لگا،انگلینڈ کے خلاف ٹیسٹ میچز میں مایوس کن کارکردگی پر آئس لینڈ کرکٹ بورڈ بھی پاکستانی ٹیم پر طنز کرنے لگا۔

    انگلینڈ نے پنڈی اور ملتان کے بعد کراچی ٹیسٹ بھی جیت کر پاکستان کو پہلی بار ہوم گراؤنڈ میں وائٹ واش کردیا جس کے باعث ایک ایسا ملک آئس لینڈ جو کہ ابھی تک آئی سی سی کا رکن بھی نہیں ہے، پاکستانی ٹیم کا مذاق اڑا رہا ہے۔

    وزیراعلیٰ چودھری پرویز الٰہی اورایم این اے حسین الٰہی کی جھنگ کے علاقے گڑھ مہاراجہ…

     

    کراچی ٹیسٹ میں پاکستان کے167 رنز کے ہدف کے جواب میں انگلینڈ کی جانب سے تیز رفتاری سے رنز بنانے پر آئس لینڈ کرکٹ نے ٹوئٹ میں کہا کہ پاکستان قدرتی مناظر کے باعث سیاحت کے لیے بہترین جگہ ہے تاہم ایسا لگتا ہے کہ انگلش کھلاڑیوں نے پہلے سے ہی آج کراچی سے اپنی فلائٹ بک کروا رکھی ہے۔

     

     

    وزیراعلیٰ پنجاب سے معروف کوہ پیما ساجد علی سد پارہ کی ملاقات

    ایک اور ٹویٹ میں آئس لینڈ کرکٹ نے پی سی بی کو ٹیگ کرتے ہوئے طنزیہ کہا کہ ہم پاکستان آکر 0-3 سے ہارنے کے لیے بھی تیار ہیں اور ہم 0.7 نہیں بلکہ 7.0 کی شرح سے رنز بنائیں گے۔

    خیال رہے کہ انگلینڈ کے خلاف تیسرے ٹیسٹ میں بھی پاکستانی ٹیم خاطر خواہ کارکردگی نہیں دکھاسکی ہے اور کراچی ٹیسٹ میں 8 وکٹوں سے فتح کے ساتھ ہی انگلینڈ نے پاکستان کو تاریخ میں پہلی بار وائٹ واش کردیا ہے۔

  • لیونل میسی نے ورلڈکپ ختم ہونے کے بعد بھی ایک اور عالمی ریکارڈ قائم کردیا

    لیونل میسی نے ورلڈکپ ختم ہونے کے بعد بھی ایک اور عالمی ریکارڈ قائم کردیا

    قطر میں فٹبال ورلڈکپ فائنل جیت کر ارجنٹینا کے اسٹار فٹبالر لیونل میسی کا برسوں پرانا خواب پورا ہوگیا۔مگر ارجنٹینا کے عالمی چیمپئن بننے کے بعد لیونل میسی نے ایک اور دلچسپ ریکارڈ بھی اپنے نام کرلیا ہے۔

    ورلڈکپ جیتنے کے بعد لیونل میسی کی جانب سے جشن منانے کی تصاویر انسٹاگرام پر پوسٹ کی گئی تھیں جو اس فوٹو شیئرنگ ایپ کی سب سے زیادہ لائیک کی جانے والی پوسٹ بن چکی ہے۔اس سے قبل ورلڈ ریکارڈ ایگ کے پاس یہ ریکارڈ تھا جس کی پوسٹ کو 5 کروڑ 60 لاکھ 85 ہزار سے زیادہ افراد نے لائیک کیا تھا۔

    مگر لیونل میسی کی پوسٹ کو 5 کروڑ 65 لاکھ 89 ہزار سے زیادہ بار لائیک کیا جاچکا ہے۔اس پوسٹ میں لیونل میسی نے چیمپئنز آف ورلڈ کے الفاظ کے ساتھ اپنے جذبات کا اظہار کیا تھا۔اس سے قبل گنیز ورلڈ ریکارڈز نے 4 عالمی ریکارڈز تو باضابطہ طور پر لیونل میسی کے نام کردیے تھے۔ان میں سے ایک ریکارڈ فیفا ورلڈ کپ میں سب سے زیادہ 11 بار مین آف دی میچ ایوارڈ حاصل کرنے کا ہے۔

    دوسرا ریکارڈ 5 مختلف ورلڈ کپ ٹورنامنٹس کے دوران گولز میں معاونت کرنے والے پہلے فٹبالر بننے کا ہے۔تیسرا ریکارڈ بطور کپتان سب سے زیادہ 19 میچز میں شرکت جبکہ چوتھا بطور کھلاڑی سب سے زیادہ 26 ورلڈکپ میچز کھیلنے کا ریکارڈ ہے۔

    یہ بھی یاد رہے کہ ورلڈکپ جیتنے کا خواب پورا کرنے والے لیونل میسی دنیا کے امیر ترین کھلاڑیوں میں سے ایک ہیں۔امریکی جریدے فوربز کے مطابق گزشتہ سال لیونل میسی نے آن فیلڈ (فٹبال مقابلوں وغیرہ) سے ساڑھے 7 کروڑ ڈالرز کمائے۔

    پیرس سینٹ جرمن میں کھیلنے کے لیے انہوں نے سالانہ ساڑھے 3 کروڑ ڈالر فیس کا معاہدہ کیا ہے یعنی ہر ماہ وہ 7 لاکھ 38 ہزار ڈالرز، روزانہ ایک لاکھ 5 ہزار ڈالرز جبکہ ہر گھنٹے 8790 ڈالرز کماتے ہیں۔ارجنٹینا اسٹار کو گزشتہ سال موسم گرما میں پیرس سینٹ جرمن کا حصہ بننے پر ڈھائی کروڑ ڈالرز کی جوائننگ فیس بھی دی گئی تھی۔

  • کراچی ٹیسٹ میں ٹاس ہارکر بولنگ کرنا ایک چیلنج تھا،بین اسٹوکس

    کراچی ٹیسٹ میں ٹاس ہارکر بولنگ کرنا ایک چیلنج تھا،بین اسٹوکس

    انگلینڈ کرکٹ ٹیم کے کپتان بین اسٹوکس کا کہنا ہے کہ ہم نے ٹیسٹ انجوائے کیا-

    باغی ٹی وی : بین اسٹوکس نے پاکستان کے خلاف ٹیسٹ سیریز میں فتح کے بعد پریس کانفرنس کی جس میں انہوں نے کہا کہ ہم سب کو معلوم ہے کہ جو کیا ہے وہ کافی اسپیشل ہے،ہم ٹیسٹ میچز میں بیٹنگ کا اسٹائل تبدیلی کرنے کے پروسس میں ہیں،سیریز میں ہمارے ہر کھلاڑی نے عمدہ کارکردگی دکھائی،اس کارنامے پر پوری ٹیم کو فخر ہے-

    بگ بیش لیگ میں شاداب خان کا حیران کن کیچ،ویڈیو وائرل


    انہوں نے کہا کہ برصغیر میں کھیلنے کی حکمت عملی کے بارے میں یہاں سیکھنے کو ملا، اس سیریز میں جو حکمت عملی اپنائی اس نے فائدہ دیا، کراچی ٹیسٹ میں ٹاس ہارکر بولنگ کرنا ایک چیلنج تھا برصغیر کی کنڈیشنز میں ٹاس کا کردار کافی اہم ہوتا ہے، یہاں چوتھی اننگز میں بیٹنگ کرنا اچھا تجربہ رہا، اس فتح میں اسکواڈ کے ہر ممبر نے اپنا کردار ادا کیا ہے۔

    ٹیم کا مائنڈ سیٹ تبدیل کرنے کی کوشش کر رہے ہیں، وقت لگے گا، بابر اعظم

    کم عمر کھلاڑی ریحان احمد کے حوالے سے انگلش کپتان کا کہنا تھا کہ ریحان ڈیبیو پر توقعات کے پریشر سے آزاد تھا، اس نےڈیبیو پر اچھے کھیل کا مظاہرہ کیا ہےپہلے ٹیسٹ میں فلیٹ وکٹ تھی تو ساتھیوں کوکہا فلیٹ وکٹ کوانجوائےکریں، صرف چوکےچھکے ہی ضروری نہیں، ٹیسٹ کرکٹ میں مگر تفریح بھی ضروری ہے۔

  • ٹیم کا مائنڈ سیٹ تبدیل کرنے کی کوشش کر رہے ہیں، وقت لگے گا، بابر اعظم

    ٹیم کا مائنڈ سیٹ تبدیل کرنے کی کوشش کر رہے ہیں، وقت لگے گا، بابر اعظم

    کراچی: قومی کرکٹ ٹیم کے کپتان بابراعظم نے کہا کے کہ ٹیم کا مائنڈ سیٹ تبدیل کرنے کی کوشش کر رہے ہیں، وقت لگے گا-

    باغی ٹی وی : انگلینڈ کے خلاف کراچی ٹیسٹ میں شکست کے بعد کپتان بابراعظم نے کہا کہ بطور کپتان یہ بہت مایوس ہوں، فاسٹ بالرز کی فٹنس نہ ہونے کی وجہ سے سیریز ہارے۔ میں اپنی ٹیم کا دفاع کروں گا اور سیریز میں شکست کی ذمہ داری بطور کپتان لوں گا۔

    70 سال میں پہلی بار پاکستان کو ہوم گراؤنڈ پر ٹیسٹ سیریز میں وائٹ واش

    بابراعظم نے کہا کہ پہلی اننگز میں جلد وکٹیں گرنے سے میچ ہاتھ سے نکل گیا، ہمارے بولرز نے اچھی بولنگ کی اور فائٹ بیک کیا، اگلے میچز میں غلطیوں پر قابو پانے کی کوشش کریں گے –

    انہوں نے کہا کہ شاہین آفریدی، حسن علی، حارث رؤف اور نسیم شاہ انجری کا شکار تھے جس کی قیمت ہمیں سیریز میں 0-3 سے شکست سے بھگتنا پڑی، ٹیسٹ میچز میں تجربے کی ضرورت ہوتی ہے کیونکہ نئے کھلاڑیوں کو وقت دینا پڑتا ہے ہمارے پاس صرف اظہر علی تجربہ کار کھلاڑی کے طور پر ٹیم میں شامل تھے، نئے کھلاڑیوں کو موقع دیا آگے بھی مزید مواقع دینے کی کوشش کریں گے۔

    بابراعظم کا کہنا تھا کہ پہلے 2 میچز ہمارے ہاتھ میں تھے، جیت جاتےتو صورتحال کچھ اور ہوتی، انگلینڈ کےخلاف سیریزمیں کافی مشکلات ہوئیں، اب پلاننگ کریں گے کہ اپنے بہترین فاسٹ بولنگ یونٹ کو آزمائیں، ابراراحمد نے انگلینڈ کے لیے مشکلات پیدا کیں ، ٹیسٹ میچز میں ایسے بولرچاہیے ہوتے ہیں جو وکٹیں لیں، انگلش بیٹرز ابراراحمد کو کھل کرکھیل نہیں سکے۔

    حارث روؤف کا اپنی کلاس فیلو سے شادی کا فیصلہ،نکاح کی تاریخ کی بھی سامنے آ گئی


    سرفراز اور فواد عالم کو نہ کھلانے کے سوال پر قومی کپتان نے کہا کہ انگلینڈ کے خلاف سیریز اہم تھی اس لیے رضوان جو کہ مسلسل کھیلتے ہوئے آرہے تھے اس لیے ہمارا پلان تھا کہ جو فارم میں ہیں اور کھیلتے ہوئے آرہے ہیں انہیں کھلایا جائے اب بیٹھیں گے اور ڈسکشن کریں گے اور جو بہتر ہوگا وہ کریں گے۔

    انہوں نے کہا کہ فوادعالم فارم میں نہیں تھے ان کی جگہ سعودشکیل آئے انہوں نے پرفارم کیا، ہماری نئی ٹیم ہے جتنےمواقع دیں گے تو نتیجہ آئے گا لیکن کسی کے لیے دروازے بند نہیں کیے، پلاننگ ہوتی ہے اس پر عمل کررہے ہیں ، ٹیم کا مائنڈسیٹ تبدیل کرنےکی کوشش کررہےہیں ،وقت لگے گا،اگر اچھے نتائج نہیں آئیں گے تو ہر طرف سے باتیں ہوں گی۔

    بگ بیش لیگ میں شاداب خان کا حیران کن کیچ،ویڈیو وائرل

    بابراعظم نےکہا کہ کسی بھی سینئر کھلاڑی کے لیے ٹیم واپسی کا دروازہ بند نہیں، ہم منصوبہ بندی کریں گےاوردیکھیں گےکہ کن کھلاڑیوں کو منتخب کرنا ہے۔ ہمیں ملتان اور راولپنڈی ٹیسٹ میچ جیتنا چاہیے تھا لیکن بدقمستی سے ہار گئے ہمیں اپنے تیز گیند بازوں کا خیال رکھنے کی ضرورت ہے، اگلے سال 2023 کا ورلڈکپ ہے۔

    انہوں نے صحافیوں کی تنقید کا جواب دیتے ہوئے کہا کہ اگر ہم دفاعی انداز میں کھیلتے ہیں تو کہا جاتا ہے، ہم دوسرے طریقے سے کیوں نہیں کھیلتے؟ آپ سب کو خوش نہیں کرسکتے۔

  • 70 سال میں پہلی بار پاکستان کو ہوم گراؤنڈ پر ٹیسٹ سیریز میں وائٹ واش

    70 سال میں پہلی بار پاکستان کو ہوم گراؤنڈ پر ٹیسٹ سیریز میں وائٹ واش

    کراچی: انگلینڈ کے ہاتھوں قومی کرکٹ ٹیم کو کراچی ٹیسٹ میں شکست کے ساتھ پہلی بار سیریز میں وائٹ واش کا سامنا کرنا پڑا ہے۔

    باغی ٹی وی : نیشنل اسٹیڈیم میں کھیلے گئے میچ میں انگلینڈ نے پاکستان کو باآسانی 8 وکٹوں سے شکست دے کر تاریخ رقم کرتے ہوئے پہلی بار قومی ٹیم کو پاکستان میں شکست دی۔ یہ پہلا ہے جب پاکستان ٹیم کو ہوم گراؤنڈ پر تین میچز کی سیریز کے تمام میچز میں شکست کا منہ دیکھنا پڑا ہو۔

    پاکستان سے ون ڈے سیریز کیلئے نیوزی لینڈ کی ٹیم کا اعلان کردیا گیا

    قومی ٹیم کو راولپنڈی ٹیسٹ میں 74 رنز، ملتان ٹیسٹ میں 26 رنز جبکہ کراچی ٹیسٹ میں 7 وکٹوں سے شکست ہوئی۔


    انگلش کرکٹ ٹیم نے 167 رنز کا ہدف 2 وکٹوں کے نقصان پر حاصل کیا اور ٹیم کو کامیابی دلائی۔ انگلینڈ کے بین ڈیکٹ 82 اور کپتان بین اسٹوکس نے 35 رنز کی ناقابلِ شکست اننگز کھیلی۔

    کراچی ٹیسٹ،دوسری اننگز میں پاکستان کی پوری ٹیم آؤٹ

    واضح رہے کہ انگلینڈ سے کراچی ٹیسٹ میں شکست کے بعد قومی ٹیم نے 75 سالہ تاریخ میں پہلی بار لگاتار 4 میچز ہارنے کا ریکارڈ بھی بناڈالا۔

    خیال رہے کہ ،انگلینڈ کے خلاف تین ٹیسٹ سے قبل پاکستان آسٹریلیا کے خلاف لاہور میں ہونے والا ٹیسٹ بھی ہارا تھا اس سے قبل پاکستان ہوم گراؤنڈ پر 1960 میں ٹیسٹ سیریز دو صفر سے ہارا تھا۔

    بابراعظم نے کراچی کنگز کو کیا چھوڑا کہ اے آر وائی والے پیچھے ہی پڑگئے

  • بگ بیش لیگ میں شاداب خان کا حیران کن کیچ،ویڈیو وائرل

    بگ بیش لیگ میں شاداب خان کا حیران کن کیچ،ویڈیو وائرل

    لاہور: بگ بیش لیگ میں شاداب خان کے حیران کن کیچ نے شائقین کے دل جیت لیے۔

    باغی ٹی وی : قومی ٹیم کے نائب کپتان شاداب خان نے بگ بیش لیگ میں اپنی آل راؤندر کارکردگی سے ہوبارٹ ہوریکنز کو کامیابی دلوا دی، ہوریکنز کی جانب سے دیئے گئے 173 رنز کے تعاقب میں پرتھ اسکورچرز کی ٹیم 8 وکٹوں پر 164 رنز بناسکی، اس طرح ہوبارٹ نے میچ 8 رنز سے جیت لیا۔

    لنکا پریمیئر لیگ 2022:گال گلیڈی ایٹرز کے خلاف ڈمبولا اورا کی ایک بڑی جیت

    قومی کرکٹر شاداب خان نے 17 گیندوں پر 22 رنز کی ذمہ دارانہ اننگ کھیلی ان کی اننگز میں دو چوکے شامل تھے جبکہ آصف علی صرف ایک رن بنا کر پویلین لوٹ گئے۔

    ہوبارٹ ہوریکنز کی نمائندگی کرنے والے اسپنر کی گیند پر پرتھ اسکارچرز کے ایرون ہارڈی نے 19ویں اوور میں ایک شاٹ کھیلا، گیند انتہائی دائیں جانب سے نان اسٹرائیکر کے قریب سے گزر جاتی مگر اسپنر نے فضا میں معلق ہوتے ہوئے اس پر قابو پالیا۔

    حارث روؤف کا اپنی کلاس فیلو سے شادی کا فیصلہ،نکاح کی تاریخ کی بھی سامنے آ گئی

    شاداب نے اوور شروع کیا تو اسکارچرز کو 12 گیندوں پر 18 رنز کی ضرورت تھی، انھوں نے خود ہی کیچ تھام کر وکٹ لینے کے ساتھ صرف 4 سنگلز بننے دیئے، ہوریکنز 8 رنز سے فاتح رہے۔

    شاہد آفریدی کی بیٹی اورشاہین شاہ آفریدی کے نکاح کی تاریخ سامنےآ گئی