Baaghi TV

Category: کھیل

  • ٹی ٹوئنٹی ورلڈ کپ کا فائنل چھت والے اسٹیڈیم میں منتقل کرنے کی تجویز مسترد

    ٹی ٹوئنٹی ورلڈ کپ کا فائنل چھت والے اسٹیڈیم میں منتقل کرنے کی تجویز مسترد

    میلبورن: ٹی ٹوئنٹی ورلڈکپ کا فائنل چھت والے اسٹیڈیم میں منتقل کرنے کی تجویز مسترد کردی گئی۔

    باغی ٹی وی : دنیا بھر میں کرکٹ شائقین کی نظریں اتوار کو میلبرن کرکٹ گراونڈ پر ہیں کیونکہ اس دن پاکستان اور انگلینڈ کے درمیان ٹی ٹوئنٹی ورلڈکپ کا فائنل میچ کھیلا جا رہا ہے ایسے میں جہاں دونوں ممالک کے مداحوں سمیت دنیا بھر میں کرکٹ کے دیوانوں میں جوش و جذبہ ہے، وہیں اس بڑے مقابلے کا موسم کے باعث متاثر ہو جانے کا خدشہ بھی موجود ہیں۔

    نروس نہیں ہیں، ہمارا کام محنت کرنا ہے نتیجہ اللّٰہ کے ہاتھ میں ہے،بابر اعظم

    آسٹریلیا کے محکمۂ موسمیات کے مطابق 13 نومبر (اتوار) کو میلبرن میں کرکٹ کھیلنے کے لیے موسم زیادہ سازگار نہیں اتوار کے بارے میں کی جانے والی موسم کی پیشگوئی کے مطابق میلبرن میں اتوار کے روز 95 فیصد بارش کا امکان ہے جس کے بعد ٹی ٹوئنٹی ورلڈکپ کا فائنل چھت والے اسٹیڈیم میں منتقل کرنے کی تجویز دی گئی تھی جسے مسترد کر دیا گیا ہے-

    میلبورن میں ہی چھت والےدوسرے اسٹیڈیم میں ڈراپ ان پچ نہ ہونےکی وجہ سےوینیو تبدیل کرنے کا فیصلہ ممکن نہیں رہا ٹی ٹوئنٹی ورلڈ کپ کا فائنل ایم سی جی میں کھیلا جانا ہے، مارول اسٹیڈیم میں چھت تو موجود ہے مگر وہاں گذشتہ دنوں موٹر کراس ہوئی تھی، فی الحال ڈراپ ان پچ ہی موجود نہیں۔

    لاجسٹک مسائل کی وجہ سے بھی نشریات اور ٹکٹوں کی تبدیلی سمیت بہت کچھ کم وقت میں کرنا ممکن نہیں ہوگا۔

    ورلڈ کپ فائنل کی انتظامیہ نے بارش سے کھیل رکنے کے باعث کھیل کے دورانیے پر پڑنے والے اثرات کو کم کرنے کے لیے ٹی ٹوئنٹی ورلڈ کپ فائنل کے قوانین میں رد و بدل کر دیا ہے جیسا کہ اتوار کو پاکستان اور انگلینڈ کا فائنل پاکستانی وقت کے مطابق دوپہر ایک بجے شروع ہو گا لیکن اس دن بارش کی پیش گوئی بھی کی گئی ہے۔

    قومی ٹیم کی میلبرن میں بھرپورتیاریاں،آئی سی سی نےبھی قوانین بدل دیئے

    فائنل مقابلے کے لیے پیر کا دن بھی مختص کیا گیا ہے یعنی اگر اتوار کو تیز بارش کے باعث کھیل نہ ہو سکا تو پیر کے روز میچ کھیلا جائے گا۔

    مگر پیر کے روز بھی بارش کی پیشگوئی کی گئی ہے اس لیے منتظمین نے پیر کے روز بارش کی صورت میں کھیل کے قوانین میں رد و بدل کرتے ہوئے اس میں دو گھنٹے کے وقت کا اضافہ کر دیا ہے یعنی اگر پیر کی صبح بارش سے میچ تاخیر کا شکار ہوتا ہے تو اسے شام میں دو گھنٹے مزید جاری رکھا جائے گا تاکہ کھیل کے وقت کو زیادہ سے زیادہ کیا جا سکے۔

    انتظامیہ کا کہنا ہے کہ پیر کا دن مختص کیے جانے کے باوجود ’ہر ممکنہ کوشش‘ کی جائے گی کہ فائنل مقابلہ اتوار کو ہی مکمل ہو اور اس کے لیے کھیل کو مختصر بھی کیا جا سکتا ہے یعنی میچ کو دس دس اوورز کا بھی رکھا جا سکتا ہے نئے قواعد کے مطابق اگر میچ اتوار کو مکمل نہ ہو سکا تو پیر کو وہیں سے شروع ہو گا جہاں اتوار کو روکا گیا تھا اور اس کو دوبارہ سے شروع نہیں کیا جائے گا۔

    ٹی ٹوئنٹی ورلڈ کپ کا فائنل میچ بارش سے متاثر ہونے کا خدشہ

    اور پیر کو کھیل انھی حالات میں کھیلا جائے گا جس طرح اتوار کو شروع ہوا تھا، یعنی اگر اتوار کو 10 اوور فی سائیڈ میچ شروع ہوتا ہے تو پیر کے دن کے کھیل میں دس اوورز ہی ہوں گے اور اگر ضرورت پڑی تو یہ میچ پیر کو پاکستانی وقت کے مطابق صبح نو بجے شروع ہو گا۔

    اگر ریزرو ڈے میں بھی بارش کی وجہ سے میچ ممکن نہیں ہو پاتا تو پھر فائنل کھیلنے والی دونوں ٹیموں کو مشترکہ فاتح قرار دے دیا جائے گا۔

    واضح رہے کہ میلبرن اس ٹورنامنٹ کے دوران مسلسل خراب موسم کی زد میں رہا ہے گروپ مرحلے کے تین میچ بارش کی وجہ سے ایک بھی گیند کیے بغیر ختم کرنے پڑے تھے، جن میں آسٹریلیا اور انگلینڈ کا میچ، افغانستان اور نیوزی لینڈ کا میچ اور افغانستان کا آئرلینڈ سے میچ شامل تھے۔

    دوسرا سیمی فائنل: بھارت کو بدترین شکست

  • نروس نہیں ہیں، ہمارا کام محنت کرنا ہے نتیجہ اللّٰہ کے ہاتھ میں ہے،بابر اعظم

    نروس نہیں ہیں، ہمارا کام محنت کرنا ہے نتیجہ اللّٰہ کے ہاتھ میں ہے،بابر اعظم

    قومی ٹیم کے کپتان بابر اعظم نے کہا ہے کہ ٹورنامنٹ کا آغاز اچھا نہیں ہوا لیکن پھر ہم نے اچھا کم بیک کیا، تمام کھلاڑی شیروں کی طرح کھیلےہمارا کام محنت کرنا ہے، نتیجہ اللہ کے ہاتھ میں ہے-

    باغی ٹی وی : میلبرن میں پریس کانفرنس کرتے ہوئے انہوں نے کہا اس ورلڈ کپ کو 1992 کے ورلڈ کپ سے مماثلت دی جا رہی ہے، ہم نروس نہیں ہیں، پریشر ہوتا ہے لیکن کوشش کریں گے کہ دباؤ نہ لیں سارے کھلاڑی فائنل کھیلنے کیلئے ایکسائٹڈ ہیں، انگلینڈ کی ٹیم بہترین ٹیم ہے، ہماری ان سے ہوم سیریز بھی ہوئی، ہم فائنل میں 100 فیصد دیں گے۔

    ورلڈکپ فائنل؛لاہورمیں پاکستان کی سب سےبڑی اسکرین لگائی جائےگی

    ان کا کہنا تھا کہ ٹورنامنٹ کا آغاز اچھا نہیں ہوا لیکن پھر ہم نے اچھا کم بیک کیا، تمام کھلاڑی شیروں کی طرح کھیلےہمارا کام محنت کرنا ہے، نتیجہ اللہ کے ہاتھ میں ہے، فائنل میچ میں ٹاس کی اہمیت زیادہ نہیں ہے-

    موسم کے بارے میں بات کرتے ہوئے کہا کہ موسم ہمارے ہاتھ میں نہیں، دعا ہے میچ مکمل ہو اور بارش سے متاثر نہ ہو، بس جو پلان بنایا ہے اس پر عمل کرنا ہے۔ ابتدائی 6اوور بہت اہم ہیں، ہمارا یقین اللّٰہ پر ہے اور پورا بھروسہ بھی ہے، ہمارا کام محنت کرنا ہے نتیجہ اللّٰہ کے ہاتھ میں ہے۔

    چیئرمین پی سی بی سے ملاقات کے سوال پر کپتان نے کہا کہ رمیز راجہ سے ملاقات خوشگوار رہی، انہوں نے یہی کہا کہ کھل کر کھیلیں، اپنے گیم پر قائم رہیں۔

    قومی ٹیم کی میلبرن میں بھرپورتیاریاں،آئی سی سی نےبھی قوانین بدل دیئے

    دوسری جانب کپتان انگلش کرکٹ ٹیم جوز بٹلرنے کہا ہے کہ پاکستان کی ایک مضبوط ٹیم ہے، ورلڈکپ فائنل جیتنا کبھی بھی آسان نہیں ہوتا، ہم نے پچھلےکچھ عرصے میں ایک دوسرے کے خلاف کافی میچز کھیلے ہیں، ہمیں پاکستان کی ٹیم کا اندازہ ہے، پاکستان کی بولنگ لائن اپ مضبوط ہے موسم کا اختیار ہمارے ہاتھ میں نہیں، بطور ٹیم کسی بھی صورتحال میں کھیلنے کو تیار ہیں-

    واضح رہے کل اتوار یعنی 13 نومبر کو پاکستان اور انگلینڈ ٹی ٹوئنٹی ورلڈ کپ کے فائنل میں ایک دوسرے کے مدمقابل آئیں گے۔

    پہلا انٹرنیشنل میچ کھیلنے کیلئےپاکستان فٹبال ٹیم کا اسکواڈ 13نومبرکونیپال روانہ ہوگا

  • علیحدگی کی افواہیں سرگرم، ثانیہ نے اپنی نئی تصویر جاری کردی:شعیب ملک بھی خاموش نہ رہے

    علیحدگی کی افواہیں سرگرم، ثانیہ نے اپنی نئی تصویر جاری کردی:شعیب ملک بھی خاموش نہ رہے

    لاہور:ایک طرف ثانیہ مرزا نے شعیب ملک اور اپنے درمیان علیحدگی کی خبروں پر ایک غیرواضح پیغآم شیئر کیا ہے تو دوسری طرف شعیب ملک بھی خاموش نہیں رہے ، ان دنوں بھارتی ٹینس اسٹار ثانیہ مرزا اور پاکستانی کرکٹر شعیب ملک کے درمیان علیحدگی کی خبریں گرم ہیں۔گزشتہ روز خلیجی اخبار نے اپنی رپورٹ میں لکھا کہ شعیب ملک اور ثانیہ مرزاکی شادی 12 سال رہنے کے بعد ختم ہونے کی اطلاعات سامنے آرہی ہیں۔

    جہاں ان کے مداح سچائی جاننے کا انتظار کر رہے ہیں، وہیں اس جوڑے نے اب تک اس معاملے پر خاموشی اختیار کر رکھی ہے،ان تمام افواہوں کے درمیان ثانیہ مرزا نے سوشل میڈیا پر ایک نئی تصویر پوسٹ کی ہے۔

    انسٹاگرام پر پوسٹ کی گئی تصویر میں ثانیہ کو کجھور کے درختوں کے درمیان جِم کے لباس میں کھڑے کان میں ہینڈ فری لگائے مسکراتے ہوئے دیکھا جاسکتا ہے۔ٹینس اسٹار نے تصویر کے کیپشن میں کچھ نہیں لکھا البتہ انہوں نے دو کھجور کے درخت والے ایمو جیز کا استعمال کیا۔

    جیسے ہی ثانیہ نے انسٹاگرام پر تصویر اپ لوڈ کی ان کے مداحوں نے کمنٹ سیکشن میں شعیب سے علیحدگی کے حوالے سے ان سے سوالات کرنا شروع کردیے۔ 31 اکتوبر کو ثانیہ مرزا نے سوشل میڈيا پر بتایا تھا کہ وہ اپنے گھر منتقل ہوگئی ہیں جبکہ انہوں نے نئے گھر کی ویڈیو بھی شیئر کی۔

    پاک بھارت سپر اسٹارز کی شادی اپریل 2010 میں ہوئی تھی، دونوں کا چار سال کا ایک بیٹا بھی ہے ۔

    تاہم قریبی ذرائع کا کہنا ہےکہ شعیب اور ثانیہ کے درمیان قانونی پیچیدگیاں حل ہونے کے بعد علیحدگی کے باضابطہ اعلان کا امکان ہے کیونکہ مختلف شوز کے لیے معاہدوں اور قانونی پیچیدگیوں کے باعث دونوں علیحدگی کی خبروں پرتبصرہ نہیں کررہے۔

    دوسری طرف شعیب ملک اور ثانیہ مرزا کی علیحدگی سے متعلق قیاس آرائیوں کو بریک نہ لگ سکی۔ شعیب ملک نے بھی تصدیق یا تردید سے گریز کیا۔ سماء سے گفتگو میں قومی پلیئر نے خبروں کو نظرانداز کرنے کا مشورہ دے دیا۔

    دوسری جانب طلاق کی خبریں آنے کے بعد ثانیہ مرزا نے پہلی تصویر شیئر کردی۔ انسٹاگرام پر تصویر میں بھارتی ٹینس اسٹار اسپورٹس سوٹ پہنے ہوئے ٹریک پر چل رہی ہیں۔ چہرے پر مسکان ہے۔ کیپشن لکھنے کے بجائے صرف ایموجیز بنادیے۔

    انسٹاپوسٹ پر مداحوں نے کمنٹس کے انبار لگا دیے۔ طلاق کی خبروں کی تصدیق کرنے کی کوشش کی لیکن ثانیہ نے کسی کو جواب نہیں دیا۔

    سمجھ نہیں آتا مریم اور شہباز شریف کو ڈیلی میل پر اتنا غصہ کیوں ؟ ایسا کس نے کہہ دیا

    ڈیلی میل کی خبر، پوچھنا تھا مقدمہ کیلئے شہباز شریف نے لیگل ٹیم پیدل روانہ کی، شہباز گل

    شہباز شریف کو برطانوی صحافی نے ایک بار پھر کھری کھری سنا دیں

    شہباز شریف نے ڈیلی میل پر مقدمہ کی بجائے آئیں، بائیں، شائیں کا خط لکھ دیا، ڈاکٹر شہباز گل

  • پہلا انٹرنیشنل میچ کھیلنے کیلئےپاکستان فٹبال ٹیم کا اسکواڈ 13نومبرکونیپال روانہ ہوگا

    پہلا انٹرنیشنل میچ کھیلنے کیلئےپاکستان فٹبال ٹیم کا اسکواڈ 13نومبرکونیپال روانہ ہوگا

    لاہور:پاکستان فٹبال ٹیم 3سال بعد پہلا انٹرنیشنل میچ کھیلنے کیلئے تیار ہے،دوستانہ فٹبال میچ کیلئے اسکواڈ 13نومبر(اتوار) کو نیپال روانہ ہوگا،قومی ٹیم کی قیادت حسن بشیر کریں گے،محمد عمر حیات ان کے نائب ہوں گے،

    پاکستان فٹبال مینجمنٹ سے ملنے والی اطلاعات میں کہا گیا ہے کہ منتخب کھلاڑیوں میں گول کیپرز ثاقب حنیف،یوسف اعجاز بٹ اور عبدالباسط، ڈیفینڈرز زین(جونیئر)، سہیل خان،سید جنید علی شاہ،عبداللہ شاہ، مامون موسی، عبداللہ اقبال،سردار ولی اور حسیب خان، مڈ فیلڈرز عمیر علی،زین العابدین اسحاق ،عبدالقدیر خان،عالمگیر غازی، محمد عدنان یعقوب اور عدنان سعید، فارورڈز محمد افضل، محمد وحید، محمد ولید خان اور شائق دوست شامل ہیں۔

    شہزاد انور ہیڈ کوچ،محمد حبیب اسسٹنٹ کوچ،زاہد تاج گول کیپنگ کوچ، ڈاکٹر عدنان فزیو، ارتضی حسین منیجر، حسنین حیدر (میڈیا)،محمد علی ٹیم کوارڈینیٹر، حیدر علی(میڈیا) اور عبدالقیوم مساجر کے طور پر ہمراہ ہوں گے،پاکستانی اسکواڈ اتوار کو فیصل آباد سے اڑان بھرنے کے بعد ٹور کا واحد دوستانہ میچ 16نومبر کو پاکستانی وقت کے مطابق شام 4:15پر کھیلے گا۔

    یاد رہے کہ پاکستان نے اپنا آخری انٹرنیشنل میچ 2019میں فیفا ورلڈکپ کوالیفائرز میں کمبوڈیا کیخلاف کھیلا تھا۔ پی ایف ایف نارملائزیشن کمیٹی کے چیئرمین ہارون ملک کا کہنا ہے کہ قومی ٹیم 3سال کے بعد انٹرنیشنل ٹریک پر واپس آرہی ہے،پاکستانی فٹبالرز کو اپنے ملک کی نمائندگی کا موقع مل رہا ہے،ان کو صلاحیتوں میں نکھار لانے اور اعتماد میں بھی اضافہ کا موقع ملے گا۔ ہیڈ کوچ شہزاد انور کا کہنا ہے کہ 7 ہفتے پر محیط ٹریننگ کے بعد اسکواڈ کو حتمی شکل دی گئی ہے،امید ہے کہ کھلاڑی جوش اور جذبے سے کھیلتے ہوئے کامیابی حاصل کریں گے۔

    سمجھ نہیں آتا مریم اور شہباز شریف کو ڈیلی میل پر اتنا غصہ کیوں ؟ ایسا کس نے کہہ دیا

    ڈیلی میل کی خبر، پوچھنا تھا مقدمہ کیلئے شہباز شریف نے لیگل ٹیم پیدل روانہ کی، شہباز گل

    شہباز شریف کو برطانوی صحافی نے ایک بار پھر کھری کھری سنا دیں

    شہباز شریف نے ڈیلی میل پر مقدمہ کی بجائے آئیں، بائیں، شائیں کا خط لکھ دیا، ڈاکٹر شہباز گل

  • ورلڈکپ فائنل؛لاہورمیں پاکستان کی سب سےبڑی اسکرین لگائی جائےگی

    ورلڈکپ فائنل؛لاہورمیں پاکستان کی سب سےبڑی اسکرین لگائی جائےگی

    لاہور:ٹی ٹوئنٹی ورلڈ کپ کے فائنل میچ کیلئے لاہور میں پاکستان کی سب سے بڑی اسکرین لگائی جائے گی۔

    ڈی جی اسپورٹس طارق قریشی کی میڈیا سے گفتگو کرتے ہوئے کہا کہ ورلڈ کپ فائنل ہاکی اسٹیڈیم میں بڑی اسکرین پر دکھایا جائے گا۔

    طارق قریشی نے کہا پاکستان کی سب سے بڑی اسکرین ہاکی اسٹیڈیم میں لگائی جائے گی، 30 ہزار سے زائد لوگوں کی آمد متوقع ہے، اسکرین پر میچ دیکھنے کے لیے انٹری فری ہوگی۔

    پاکستان اور انگلینڈ کی ٹیمیں اتوار کو آسٹریلیا کے شہر میلبرن میں مدمقابل آئیں گی جس کیلئے پاکستان اور انگلینڈ کے شائقین کرکٹ میں بھرپور جوش و خروش پایا جاتا ہے۔

    ادھرآئی سی سی کی ایونٹ ٹیکنیکل کمیٹی نے پاکستان اور انگلینڈ کے درمیان ٹی ٹوئنٹی ورلڈکپ کا فائنل نتیجہ خیز بنانے کے لیے قوانین میں تبدیلی کر دی۔

    پاکستان اور انگلینڈ کے درمیان ٹی ٹوئنٹی ورلڈکپ کا فائنل اتوار کے روز میلبرن کرکٹ گراؤنڈ میں کھیلا جائے گا تاہم محکمہ موسمیات نے اتوار اور پیر کے روز میلبرن میں شدید بارش کی پیشگوئی کر رکھی ہے۔

    ایونٹ ٹیکنیکل کمیٹی نے ٹی ٹوئنٹی ورلڈ کپ کا فائنل فیصلہ کن بنانے کے لیے پلیئنگ کنڈیشنز میں تبدیلی کر دی اور ریزرو ڈے والے روز یعنی پیر کو میچ کا نتیجہ نہ آنے کی صورت میں کھیل کا اضافی دورانیہ 2 گھنٹوں سے بڑھا کر 4 گھنٹے کر دیا۔

  • میرے مستقبل کا فیصلہ پی سی بی کریگا، عمر اکمل

    میرے مستقبل کا فیصلہ پی سی بی کریگا، عمر اکمل

    لاہور:عمر اکمل نے قومی ٹیم کو ٹی 20 ورلڈ کپ کے فائنل میں پہنچنے پر مبارکباد دیتے ہوئے کہا ہے کہ میرے مستقبل کا فیصلہ پی سی بی کرے گا۔

    کوئٹہ گلیڈی ایٹرز کی تقریب کے موقع پر میڈیا سے گفتگو میں قومی کرکٹر عمر اکمل نے پاکستان اور انگلینڈ کے درمیان ٹی 20 ورلڈ کپ فائنل پر تبصرہ کرتے ہوئے کہا کہ اللہ کا شکر ہے کہ پاکستان ٹیم فائنل میں پہنچی، بابر اعظم اور پوری ٹیم کو مبارکباد پیش کرتا ہوں۔

    ان کا کہنا تھا کہ شروع میں ٹیم پر بہت تنقید ہورہی تھی، ٹیم نے اچھا کم بیک کیا، جو بھی کھلاڑی مشکل میں ہوتا کوئٹہ گلیڈی ایٹرز انہیں سپورٹ کرتا ہے۔

    ایک سوال کے جواب میں عمر اکمل نے کہا کہ میرے مستقبل کا پاکستان کرکٹ بورڈ نے فیصلہ کرنا ہے، میں اپنی پوری محنت کر رہا ہوں، نہیں پتہ مجھے گریڈ ون کیوں نہیں کھیلنے دے رہے، میری فیملی مجھے اس وقت میں بہت سپورٹ کر رہی ہے۔

    کوئٹہ گلیڈی ایٹرز کے اونر ندیم عمر کا اس موقع پر کہنا تھا کہ اگر بابر اعظم کوئٹہ آتے تو ہم انہیں ویلکم کرتے، سرفراز احمد، بابر کیلئے کپتانی چھوڑنے کو تیار تھے، بابر اعظم بھی سرفراز کی کپتانی میں کھیلنے کو تیار ہیں، لیکن یہ ڈیل ممکن نہ ہوسکی۔

    انہوں نے مزید کہا کہ بابر اعظم اور نسیم شاہ ڈرافٹ میں جائیں گے، ہمارا مقصد صرف کھلاڑیوں کو پلیٹ فارم دینا ہے۔

    سمجھ نہیں آتا مریم اور شہباز شریف کو ڈیلی میل پر اتنا غصہ کیوں ؟ ایسا کس نے کہہ دیا

    ڈیلی میل کی خبر، پوچھنا تھا مقدمہ کیلئے شہباز شریف نے لیگل ٹیم پیدل روانہ کی، شہباز گل

    شہباز شریف کو برطانوی صحافی نے ایک بار پھر کھری کھری سنا دیں

    شہباز شریف نے ڈیلی میل پر مقدمہ کی بجائے آئیں، بائیں، شائیں کا خط لکھ دیا، ڈاکٹر شہباز گل

  • قومی ٹیم کی میلبرن میں بھرپورتیاریاں،آئی سی سی نےبھی قوانین بدل دیئے

    قومی ٹیم کی میلبرن میں بھرپورتیاریاں،آئی سی سی نےبھی قوانین بدل دیئے

    میلبرن:پاکستان کرکٹ ٹیم کی ٹی 20 ورلڈ کپ کے بڑے میچ کی تیاریاں جاری ہیں۔ملبرن سے ذرائع کے مطابق ورلڈ کپ فائنل سے قبل پاکستان ٹی ٹوئنٹی اسکواڈ نے میلبرن کرکٹ گراؤنڈ میں 3 گھنٹے طویل پریکٹس سیشن میں حصہ لیا۔

    آپشنل ٹریننگ سیشن میں شاداب خان نے شرکت نہیں کی، باقی تمام کھلاڑیوں نے نیٹ سیشن میں بیٹنگ اورباؤلنگ کی مشقیں کیں۔

    چیئرمین پی سی بی رمیز راجہ نے بھی پریکٹس سیشن دیکھا اور کھلاڑیوں کا حوصلہ بڑھایا، نیٹ سیشن سے قبل چیئرمین پی سی بی نے بھی کھلاڑیوں سے ملاقات کی۔

    رمیزراجہ نے وسیم جونئیر، شاہنوازدھانی اورعثمان قادرسے بھی علیحدگی میں گفتگو کی، رمیزراجہ ایک گھنٹہ پریکٹس سیشن دیکھنے کے بعد ہوٹل روانہ ہوگئے۔

    دوسری طرف آئی سی سی کی ایونٹ ٹیکنیکل کمیٹی نے پاکستان اور انگلینڈ کے درمیان ٹی ٹوئنٹی ورلڈکپ کا فائنل نتیجہ خیز بنانے کے لیے قوانین میں تبدیلی کر دی۔

    پاکستان اور انگلینڈ کے درمیان ٹی ٹوئنٹی ورلڈکپ کا فائنل اتوار کے روز میلبرن کرکٹ گراؤنڈ میں کھیلا جائے گا تاہم محکمہ موسمیات نے اتوار اور پیر کے روز میلبرن میں شدید بارش کی پیشگوئی کر رکھی ہے۔

    ایونٹ ٹیکنیکل کمیٹی نے ٹی ٹوئنٹی ورلڈ کپ کا فائنل فیصلہ کن بنانے کے لیے پلیئنگ کنڈیشنز میں تبدیلی کر دی اور ریزرو ڈے والے روز یعنی پیر کو میچ کا نتیجہ نہ آنے کی صورت میں کھیل کا اضافی دورانیہ 2 گھنٹوں سے بڑھا کر 4 گھنٹے کر دیا۔

    آئی سی سی کا کہنا ہے کہ پوری کوشش ہو گی کہ میچ اتوار کو ہی مکمل ہو جائے، بارش کی صورت میں ریزرو ڈے پر مقابلہ پیر کو دن 3 بجے شروع کیا جائے گا۔

    سمجھ نہیں آتا مریم اور شہباز شریف کو ڈیلی میل پر اتنا غصہ کیوں ؟ ایسا کس نے کہہ دیا

    ڈیلی میل کی خبر، پوچھنا تھا مقدمہ کیلئے شہباز شریف نے لیگل ٹیم پیدل روانہ کی، شہباز گل

    شہباز شریف کو برطانوی صحافی نے ایک بار پھر کھری کھری سنا دیں

    شہباز شریف نے ڈیلی میل پر مقدمہ کی بجائے آئیں، بائیں، شائیں کا خط لکھ دیا، ڈاکٹر شہباز گل

  • ٹی 20 ورلڈ کپ فائنل کیلئے امپائرنگ پینل کا اعلان

    ٹی 20 ورلڈ کپ فائنل کیلئے امپائرنگ پینل کا اعلان

    لاہور:آئی سی سی نے ٹی ٹوئنٹی ورلڈ کپ کے فائنل کیلئے امپائرنگ پینل کا اعلان کردیا ہے۔ذرائع کے مطابق اتوار 13 نومبر کو میلبرن کرکٹ گراؤنڈ میں ٹی ٹوئنٹی ورلڈ فائنل میں مارس ایرسمس اور کمار دھرما سینا آن فیلڈ امپائر ہوں گے۔

    کرس گفانے تھرڈ امپائر جبکہ پال رائفل فورتھ امپائر کے فرائض سرانجام دیں گے۔فائنل میچ کے دوران میچ ریفری کی ذمہ داریاں رنجن مدو گالے نبھائیں گے۔

    ادھرآئی سی سی ٹی ٹوئنٹی ورلڈ کپ 2022 کے فائنل کی 1992 سے مماثلت رکھنے کے لیے پاکستان کرکٹ ٹیم نے ربیع الثانی کے مہینے میں روزے رکھنے شروع کردیے۔

    آئی سی سی ٹورنامنٹ کا فائنل اتوار 13 نومبر کو آسٹریلیا کے شہر میلبرن میں کھیلا جائے گا، قومی ٹیم اس ٹورنامنٹ میں 1992 کے ورلڈ کپ کی تاریخ دہرا رہی ہے۔

    1992 کا ورلڈ کپ رمضان کے مہینے میں ہوا تھا جس میں پاکستانی کھلاڑیوں نے روزوں کی حالت میں میچز کھیلے تھے۔

    ٹیم مینجمنٹ اور کھلاڑیوں نے 2022 کے ورلڈ کپ کی 1992 سے مماثلت رکھنے کیلئے جنوبی افریقہ کے میچ کے اگلے دن سے روزے رکھنے شروع کردیے ہیں۔

    سابق کرکٹر محمد یوسف اور ہیڈ کوچ ثقلین مشتاق میچ والے دن بھی باقاعدگی سے روزے رکھتے ہیں، متعدد کھلاڑیوں نے میچ سے ایک دن قبل روزہ رکھا، نمازوں کا اہتمام کیا اور رب کے حضور پاکستان کی کامیابی کیلئے دعائیں کیں۔

    ثقلین مشتاق اور محمد یوسف نے تمام کھلاڑیوں کو روزے رکھنے اور نماز پڑھنے کی ہدایت کی ہے۔

    پاکستان اور انگلینڈ کے درمیان ٹی ٹونٹی ورلڈ کپ کا فائنل 13 نومبر کو ایم سی جی میں کھیلا جائے گا۔

    سمجھ نہیں آتا مریم اور شہباز شریف کو ڈیلی میل پر اتنا غصہ کیوں ؟ ایسا کس نے کہہ دیا

    ڈیلی میل کی خبر، پوچھنا تھا مقدمہ کیلئے شہباز شریف نے لیگل ٹیم پیدل روانہ کی، شہباز گل

    شہباز شریف کو برطانوی صحافی نے ایک بار پھر کھری کھری سنا دیں

    شہباز شریف نے ڈیلی میل پر مقدمہ کی بجائے آئیں، بائیں، شائیں کا خط لکھ دیا، ڈاکٹر شہباز گل

  • قطر:فٹ بال عالمی کپ 2022؛کون سا میچ کب ، کہاں اورکس وقت شروع ہوگا؟

    قطر:فٹ بال عالمی کپ 2022؛کون سا میچ کب ، کہاں اورکس وقت شروع ہوگا؟

    فیفاعالمی کپ فٹ بال ٹورنا منٹ 2022 شروع ہونے میں چند روزباقی رہ گئے ہیں۔اس میں شریک ہونے والی عالمی ٹیمیں اپنے اپنے کھلاڑیوں کے ناموں کو حتمی شکل دینے میں مصروف ہیں جبکہ قطر میں حتمی تیاریاں میں جاری ہیں۔

    فٹ بال کا یہ سب سے بڑا ٹورنامنٹ 20 نومبر سے 18دسمبر تک جاری رہے گا۔قطراس ٹورنامنٹ کے گروپ مراحل میں 22دنوں کے دوران میں دنیابھر کے 32 ممالک کی قومی ٹیموں کی میزبانی کرے گا اور ان کے میچوں کو دیکھنے کے لیے دنیا بھر سے ہزاروں کی تعداد میں شائقین قطرآئیں گے۔ قطر کے خصوصی طور پر تیارکردہ آٹھ اسٹیڈیم قریباًایک ماہ تک جاری رہنے والے ٹورنامنٹ کے دوران میں میچوں کی میزبانی کریں گے۔یہ لوسیل اسٹیڈیم ،اسٹیڈیم 974 ، الثمامہ اسٹیڈیم ، البیت اسٹیڈیم ، خلیفہ انٹرنیشنل اسٹیڈیم ، احمد بن علی اسٹیڈیم ،ایجوکیشن سٹی اسٹیڈیم ، اور الجنوب اسٹیڈیم ہیں۔

    عالمی کپ کے لیے کوالیفائی کرنے والی ٹیموں کو آٹھ گروپوں میں تقسیم کیا گیا ہے:
    گروپ اے میں قطر، ایکواڈور، سینی گال اور نیدرلینڈز۔
    گروپ بی میں انگلینڈ، ایران، امریکا اور ویلز۔
    گروپ سی ارجنٹائن، سعودی عرب، میکسیکو اور پولینڈ۔
    گروپ ڈی میں فرانس، آسٹریلیا، ڈنمارک، تُونس۔ گروپ ای میں اسپین، کوسٹاریکا، جرمنی اورجاپان۔ گروپ ایف:بیلجیئم، کینیڈا، مراکش اورکروشیا۔
    گروپ جی میں برازیل، سربیا، سوئٹزرلینڈ،کیمرون اور
    گروپ ایچ میں پُرتگال، گھانا، یوراگوئے اور جنوبی کوریا شامل ہیں۔
    اس عالمی ٹورنامنٹ میں مجموعی طور پر 64 میچ کھیلے جائیں گے۔80 ہزار کی گنجائش والا لوسیل اسٹیڈیم 18 دسمبر کو ورلڈ کپ 2022 کے فائنل کی میزبانی کرے گا۔
    یہاں تمام میچوں کی تواریخ ،مقامات اور اوقات کی تفصیل دی جاری ہے:
    گروپ کے مراحل

    20نومبر، اتوار
    گروپ اے: قطر بمقابلہ ایکواڈور۔البیت اسٹیڈیم؛ میچ شام 7 بجے شروع ہوگا۔
    البیت اسٹیڈیم
    البیت اسٹیڈیم

    21 نومبر، پیر
    گروپ بی: انگلینڈ بمقابلہ ایران ۔خلیفہ انٹرنیشنل اسٹیڈیم؛میچ دوپہرایک بجے شروع ہوگا۔
    گروپ اے: سینی گال بمقابلہ نیدرلینڈز۔الثمامہ اسٹیڈیم؛ شام 4 بجے آغاز۔
    گروپ بی: امریکا بمقابلہ ویلز۔احمد بن علی اسٹیڈیم؛ شام 7 بجے شروع ہوگا۔

    22 نومبر، منگل
    گروپ سی: ارجنٹائن بمقابلہ سعودی عرب ۔لوسیل اسٹیڈیم؛ صبح 10 بجے شروع۔
    گروپ ڈی: ڈنمارک بمقابلہ تُونس۔ایجوکیشن سٹی اسٹیڈیم، الریان؛ دوپہر ایک بجے شروع ہوگا۔
    گروپ سی: میکسیکو بمقابلہ پولینڈ ۔اسٹیڈیم 974، دوحہ؛ شام 4 بجے آغاز۔
    گروپ ڈی: فرانس بمقابلہ آسٹریلیا ۔الجنوب اسٹیڈیم، الوکرہ؛ شام 7 بجے شروع۔

    23 نومبر، بدھ
    گروپ ایف: مراکش بمقابلہ کروشیا ۔البیت اسٹیڈیم؛ صبح 10 بجے شروع ہوگا۔
    گروپ ای: جرمنی بمقابلہ جاپان ۔خلیفہ انٹرنیشنل اسٹیڈیم؛ دوپہر ایک بجے شروع۔
    گروپ ای: اسپین بمقابلہ کوسٹاریکا ۔الثمامہ اسٹیڈیم؛ شام 4 بجے آغاز۔
    گروپ ایف: بیلجیئم بمقابلہ کینیڈا ۔احمد بن علی اسٹیڈیم؛ شام 7 بجے شروع ہوگا۔

    24 نومبر، جمعرات
    گروپ جی: سوئٹزرلینڈ بمقابلہ کیمرون ۔الجنوب اسٹیڈیم؛ صبح 10 بجے آغاز۔
    گروپ ایچ: یوراگوئے بمقابلہ جنوبی کوریا ۔ایجوکیشن سٹی اسٹیڈیم؛ دوپہر ایک بجے شروع ہوگا۔
    گروپ ایچ: پُرتگال بمقابلہ گھانا ۔اسٹیڈیم 974؛ شام 4 بجے آغاز۔
    گروپ جی: برازیل بمقابلہ سربیا ۔لوسیل اسٹیڈیم؛ شام 7 بجے آغاز۔
    احمد بن علی اسٹیڈیم
    احمد بن علی اسٹیڈیم

    25 نومبر، جمعہ
    گروپ بی: ویلز بمقابلہ ایران ۔احمد بن علی اسٹیڈیم؛ صبح 10 بجے شروع۔
    گروپ اے: قطر بمقابلہ سینی گال ۔الثمامہ اسٹیڈیم؛ دوپہر ایک بجے شروع ہوگا۔
    گروپ اے: نیدرلینڈز بمقابلہ ایکواڈور ۔خلیفہ انٹرنیشنل اسٹیڈیم؛ شام 4 بجے شروع۔
    گروپ بی: انگلینڈ بمقابلہ امریکا۔البیت اسٹیڈیم؛ شام 7 بجے شروع ہوگا۔

    26 نومبر، ہفتہ
    گروپ سی: تُونس بمقابلہ آسٹریلیا ۔الجنوب اسٹیڈیم؛ صبح 10 بجے شروع۔
    گروپ سی: پولینڈ بمقابلہ سعودی عرب ۔ایجوکیشن سٹی اسٹیڈیم؛ دوپہر 1 بجے شروع ہوگا۔
    گروپ ڈی: فرانس بمقابلہ ڈنمارک ۔اسٹیڈیم 974؛ شام 4 بجے آغاز۔
    گروپ سی: ارجنٹائن بمقابلہ میکسیکو ۔لوسیل اسٹیڈیم؛ شام 7 بجے آغاز۔

    27 نومبر، اتوار
    گروپ ای: جاپان بمقابلہ کوسٹا ریکا ۔احمد بن علی اسٹیڈیم؛ صبح 10 بجے آغاز۔
    گروپ ایف: بیلجیئم بمقابلہ مراکش ۔الثمامہ اسٹیڈیم؛ دوپہر ایک بجے شروع ہوگا۔
    گروپ ایف: کروشیا بمقابلہ کینیڈا ۔خلیفہ انٹرنیشنل اسٹیڈیم؛ شام 4 بجے شروع ہوگا۔
    گروپ ای: اسپین بمقابلہ جرمنی ۔البیت اسٹیڈیم؛ شام 7 بجے شروع۔

    28 نومبر، پیر
    گروپ جی: کیمرون بمقابلہ سربیا ۔الجنوب اسٹیڈیم؛ صبح 10 بجے آغاز۔
    گروپ جی: جنوبی کوریا بمقابلہ گھانا ۔ایجوکیشن سٹی اسٹیڈیم؛ دوپہر 1 بجے شروع۔
    گروپ ایچ: برازیل بمقابلہ سوئٹزرلینڈ ۔اسٹیڈیم 974؛ شام 4 بجے آغاز۔
    گروپ ایچ: پرتگال بمقابلہ یوراگوئے ۔لوسیل اسٹیڈیم؛ شام 7 بجے آغاز۔
    خلیفہ انٹرنیشنل اسٹیڈیم
    خلیفہ انٹرنیشنل اسٹیڈیم

    29 نومبر، منگل
    گروپ اے: نیدرلینڈز بمقابلہ قطر ۔البیت اسٹیڈیم؛ دوپہر 3 بجے شروع ہوگا۔
    گروپ اے: ایکواڈور بمقابلہ سینی گال ۔خلیفہ انٹرنیشنل اسٹیڈیم؛ دوپہر3 بجے شروع ہوگا۔
    گروپ بی: ویلز بمقابلہ انگلینڈ ۔احمد بن علی اسٹیڈیم؛ شام 7 بجے آغاز۔
    گروپ بی: ایران بمقابلہ امریکا ۔الثمامہ اسٹیڈیم، شام 7 بجے شروع ہوگا۔

    30 نومبر، بدھ</strong
    گروپ ڈی: آسٹریلیا بمقابلہ ڈنمارک ۔الجنوب اسٹیڈیم؛ دوپہر 3 بجے شروع۔
    گروپ ڈی: تُونس بمقابلہ فرانس ۔ایجوکیشن سٹی اسٹیڈیم؛ دوپہر 3 بجے شروع ہوگا۔
    گروپ سی: پولینڈ بمقابلہ ارجنٹائن ۔اسٹیڈیم 974؛ شام 7 بجے آغاز۔
    گروپ سی: سعودی عرب بمقابلہ میکسیکو ۔لوسیل اسٹیڈیم؛ شام 7 بجے شروع ہوگا۔

    یکم دسمبر، جمعرات
    گروپ ایف: کروشیا بمقابلہ بیلجیئم ۔احمد بن علی اسٹیڈیم؛ سہ پہر 3 بجے شروع ہوگا۔
    گروپ ایف: کینیڈا بمقابلہ مراکش ۔الثمامہ اسٹیڈیم؛ سہ پہر 3 بجے شروع ہوگا۔
    گروپ ای: کوسٹاریکا بمقابلہ جرمنی ۔البیت اسٹیڈیم؛ شام 7 بجے آغاز۔
    گروپ ای: جاپان بمقابلہ اسپین ۔خلیفہ انٹرنیشنل اسٹیڈیم؛ شام 7 بجے شروع ہوگا۔

    2 دسمبر، جمعہ
    گروپ جی: جنوبی کوریا بمقابلہ پرتگال ۔ایجوکیشن سٹی اسٹیڈیم؛ دوپہر 3 بجے شروع ہوگا۔
    گروپ جی: گھانا بمقابلہ یوراگوئے ۔الجنوب اسٹیڈیم؛ دوپہر 3 بجے شروع۔
    گروپ ایچ: سربیا بمقابلہ سوئٹزرلینڈ ۔اسٹیڈیم 974؛ شام 7 بجے آغاز۔
    گروپ ایچ: کیمرون بمقابلہ برازیل ۔لوسیل اسٹیڈیم؛ شام 7 بجے آغاز۔
    الثمامہ اسٹیڈیم
    الثمامہ اسٹیڈیم
    راؤنڈ آف 16

    3 دسمبر، ہفتہ
    گروپ اے کے فاتحین بمقابلہ گروپ بی کے رنرز اپ ۔خلیفہ انٹرنیشنل اسٹیڈیم؛ دوپہر 3 بجے آغاز۔
    گروپ سی کے فاتحین بمقابلہ گروپ ڈی کے رنرز اپ ۔احمد بن علی اسٹیڈیم؛ شام 7 بجے آغاز۔
    4 دسمبر، اتوار
    گروپ ڈی کے فاتحین بمقابلہ گروپ سی کے رنرز اپ ۔الثمامہ اسٹیڈیم؛ دوپہر 3 بجے آغاز۔
    گروپ بی کے فاتحین بمقابلہ گروپ اے کے رنرز اپ ۔البیت اسٹیڈیم؛ شام 7 بجے آغاز۔
    5 دسمبر، پیر
    گروپ ای کے فاتحین بمقابلہ گروپ ایف کے رنرز اپ ۔الجنوب اسٹیڈیم؛ دوپہر 3 بجے آغاز۔
    گروپ جی کے فاتحین بمقابلہ گروپ ایچ کے رنرز اپ ۔اسٹیڈیم 974؛ شام 7 بجے آغاز۔

    6 دسمبر، منگل
    گروپ ایف کے فاتحین بمقابلہ گروپ ای کے رنرز اپ ۔ایجوکیشن سٹی اسٹیڈیم؛ دوپہر 3 بجے آغاز۔
    گروپ ایچ کے فاتحین بمقابلہ گروپ جی کے رنرز اپ ۔لوسیل اسٹیڈیم؛ شام 7 بجے آغاز۔
    فیفاورلڈ کپ 2022،کوارٹر فائنل مقابلے
    9 دسمبر، جمعہ
    میچ 53کا فاتح ملک بمقابلہ 54 کا فاتح ۔ایجوکیشن سٹی اسٹیڈیم؛ دوپہر 3 بجے آغاز۔
    میچ 49 کی فاتح ٹیم بمقابلہ 50 کی فاتح۔لوسیل اسٹیڈیم؛ شام 7 بجے آغاز۔
    10 دسمبر، ہفتہ
    میچ 55 کی فاتح بمقابلہ 56 کی فاتح ٹیم۔الثمامہ اسٹیڈیم؛ دوپہر 3 بجے آغاز۔
    میچ 51کی فاتح بمقابلہ 52 کی فاتح ٹیم ۔البیت اسٹیڈیم؛ شام 7 بجے آغاز۔
    فیفا ورلڈ کپ ؛سیمی فائنل مقابلے
    13 دسمبر، منگل
    پہلا سیمی فائنل؛میچ 57 کی فاتح ٹیم بمقابلہ 58 کی فاتح ٹیم ۔لوسیل اسٹیڈیم؛ شام 7 بجے آغاز۔
    14 دسمبر، بدھ
    دوسرا سیمی فائنل؛میچ 59 کی فاتح ٹیم بمقابلہ 60 کی فاتح ٹیم ۔البیت اسٹیڈیم؛ شام 7 بجے آغاز۔
    17 دسمبر، ہفتہ
    تیسری پوزیشن کے لیے مذکورہ دونوں میچوں میں ہارنے والی ٹیموں کے درمیان مقابلہ ۔خلیفہ انٹرنیشنل اسٹیڈیم؛ سہ پہر 3 بجے آغاز۔
    فیفا ورلڈ کپ 2022 فائنل
    18 دسمبر، اتوار
    ورلڈ کپ کا فائنل لوسیل کے آئیکونک اسٹیڈیم میں کھیلا جائے گا اور یہ میچ سہ پہر3 بجے شروع ہوگا۔

    مزید یہ بھی پڑھیں؛
    عمران خان کےدونوں بیٹےگھرمگرکوئی اورباہر :نیاآرمی چیف،لندن پلان،ایکسٹینشن،لانگ مارچ
    غلام محمود ڈوگرکی معطلی کے بعد سی سی پی اولاہورکیلئے 3 ناموں پر غور شروع
    شیرشاہ کباڑمارکیٹ میں آتشزدگی، کروڑوں مالیت کا سامان جل کر خاکستر

  • ورلڈ کپ جیتنے کا اس سے اچھا موقع نہیں ملے گا. رمیز راجہ

    ورلڈ کپ جیتنے کا اس سے اچھا موقع نہیں ملے گا. رمیز راجہ

    رمیز راجہ کا کہنا ہے کہ ورلڈ کپ جیتنے کا اس سے اچھا موقع نہیں ملے گا.

    چیئر مین پی سی بی رمیز راجہ نے کہا ہے کہ بابر اعظم اور رضوان سے متعلق بہت میسجز آئے کہ انھیں تبدیل کریں،کارکردگی اوپر نیچے ہوتی رہتی ہے، میں نے ایک کام کیا کہ اس ٹیم سے پنگا نہیں لیا۔ رمیز راجہ نے کہا کہ نیدرلینڈز کا شکریہ ادا کرنا پڑے گا، بھارت سے فائنل ہوتا تو بڑا فائنل ہوتا، انگلینڈ کی ٹیم سے ہم حال ہی میں ہوم سیریز کھیل چکے ہیں، فینز کو ٹیم سے بہت امیدیں ہیں، مشکل صورتحال میں بھی پاکستانی ٹیم ایک بن کر رہی۔

    انہوں نے بتایا کہ 1992کا فائنل جیتنے کے بعد میلبرن گراونڈ نہیں گیا، 30 سال بعد آج یہ گراونڈ دیکھوں گا، روانگی سے قبل کہا تھا یہ ٹیم ورلڈ کپ جیت سکتی ہے لیکن پی سی بی میں میرے اس بیان کو اچھا نہیں سمجھا گیا تھا، کھلاڑیوں سے ملاقات کر کے 1992 کی یادیں شیئر کیں، 1992میں جو کپتان عمران خان نے تقریر کی تھی وہی کھلاڑیوں کے سامنے دہرائی ہے، کھلاڑیوں کو کہا کہ یہ موقع پھر نہیں آنا، گراونڈ میں اپنا سو فیصد دیں، 1992کے فائنل سے قبل ہم تھوڑا خوفزدہ تھے لیکن یہ لڑکے دلیر ہیں دباو نہیں لے رہے۔
    مزید یہ بھی پڑھیں؛
    عمران خان کےدونوں بیٹےگھرمگرکوئی اورباہر :نیاآرمی چیف،لندن پلان،ایکسٹینشن،لانگ مارچ
    غلام محمود ڈوگرکی معطلی کے بعد سی سی پی اولاہورکیلئے 3 ناموں پر غور شروع
    شیرشاہ کباڑمارکیٹ میں آتشزدگی، کروڑوں مالیت کا سامان جل کر خاکستر
    بابر اعظم سمیت ہر کھلاڑی سے کہا کہ زندگی میں ایسے مواقع بہت کم ملتے ہیں، ورلڈ کپ جیتنے کا اس سے اچھا موقع نہیں ملے گا۔ تنقید کرنے والوں کے بارے میں چیئر مین پی سی بی نے کہا کہ تنقید کریں لیکن ہاتھ ذرا ہلکا رکھیں، میں ٹی وی شوزنہیں دیکھتا لیکن علم ہو جاتا ہے، سب کی اپنی رائے ہے جس کی عزت کرتا ہوں، ایجنڈا بیس شو یا رائے نہیں ہونی چاہیے۔