Category: کھیل

آئی سی سی ٹی ٹوئنٹی ورلڈ کپ کے سُپر 12 مرحلے کے دسویں میچ میں جنوبی افریقا نے بنگلادیش کو 104 رنز سے شکست دیدی-

باغی ٹی وی : سڈنی کرکٹ گراؤنڈ میں کھیلے جا رہے میچ میں جنوبی افریقا نے بنگلا دیش کے خلاف ٹاس جیت کر بیٹنگ کا فیصلہ کیا اور پہلے بیٹنگ کرتے ہوئے مقررہ 20 اوورز میں 205 رنز بنائے۔

جنوبی افریقی کپتان ٹیمبا بووما محض 2 رن بناکر وکٹ گنوابیٹھے تاہم کوئنٹن ڈی کاک اور ریلی روسو نے جارحانہ کھیل کا مظاہرہ کیا اور دوسری وکٹ پر 163 رنز کی پارٹنرشپ قائم کی-

ڈی کوک 38 گیندوں پر 67 رنز بناکر پویلین لوٹے جبکہ روسو نے ایونٹ کی پہلی سنچری اسکور کی، رائیلی روسو نے صرف 56 گیندوں پر 109 رنز بنائے ان کی اننگز میں 7 چوکے اور 8 چھکے شامل تھے۔

دیگر بیٹرز میں ٹرسٹن اسٹبس 7، ایڈن مارکرم 10 رنز بناکر نمایاں رہے، بنگلہ دیش کی جانب سے کپتان شکیب الحسن نے 2 جبکہ تسکین احمد، حسن محمود اور عفیف حسین نے ایک ایک وکٹ حاصل کی۔

ہدف کے تعاقب میں بنگال ٹائیگرز کا آغاز مایوس کن رہا اور پوری ٹیم محض 17 ویں اوور میں 101 رنز بناکر آل آؤٹ ہوگئی۔ بنگلہ دیش کیلئے اننگز کا آغاز کرتے ہوئے اوپنر نجم الحسن 9، سومیا سرکار 15 رنز بنائے۔ کپتان شکیب الحسن اور عفیف حسین ایک ایک، مہدی حسن میراز 11 اور نور الحسن 2 رنز بناکر نمایاں رہے لٹن داس واحد بلےباز تھے جنہوں نے 30 سے زائد رنز اسکور کیے۔

جنوبی افریقہ کی جانب سے اینریچ نورٹجے نے 4، تبریز شمسی 2 جبکہ کیشو مہاراج نے ایک وکٹ حاصل کی-

دوسری جانب جنوبی افریقا کی بیٹنگ کے دوران بنگلادیش کے وکٹ کیپر نے ہوشیاری کی کوشش کی جسے امپائرز نے غلطی قرار دیا اور بنگلادیش پر پینلٹی ڈال کر حریف ٹیم کو 5 اضافی رنز دے دیے۔

شکیب الحسن نے 11 ویں اوور میں جب گیند کرانا شروع کی تو کیپر نور الحسن بال پھینکے جانے سے پہلے ہی وکٹوں سے دور ہٹ کر اپنے بائیں جانب آگئے جس کی کھیل کے قوانین میں اجازت نہیں ہے۔
https://twitter.com/Vaishnaviiyer14/status/1585491630551076864?s=20&t=AfFlPSmWz867-wzNT2IIGw
پھر جب شکیب الحسن نے گیند کرانا شروع کی تو کیپر دوبارہ وکٹوں کے پیچھے آگئے جس پر فیلڈ امپائر روڈ ٹکر اور لینگٹن نے کافی مشاورت کے بعد اسے وکٹ کیپرکی غلطی قرار دیا اور بنگلادیش پر پینلٹی لگاتے ہوئے جنوبی افریقا کو اضافی 5 رنز دیے۔

ٹی ٹوئنٹی ورلڈ کپ میں پاکستان اپنا دوسرا میچ آج زمبابوے کے خلاف کھیلے گا پرتھ میں پاکستان اور زمبابوے کے درمیان ہونے والا میچ پاکستانی وقت کے مطابق شام چار بجے شروع ہوگا۔

سڈنی: ٹی20 ورلڈکپ میں بھارت نے نیدرلینڈز کے خلاف میچ سے قبل پریکٹس سیشن کے دوران بھارتی کرکٹرز کو پیش کیے گئے کھانے پر کھلاڑی ناراض ہوگئے۔

باغی ٹی وی: بھارتی میڈیا کے مطابق ٹیم کا کہنا ہےکہ پریکٹس سیشن کے بعد جو کھانا ٹیم کو دیا گیا اس کی کوالٹی اچھی نہیں تھی، یہی نہیں کھانے میں ٹیم کو صرف سینڈوچز دیئے گئے جبکہ بھارتی کرکٹرز نے محض پھل پر گزارا کیا۔

ویسٹ انڈیز کی ٹی ٹوئنٹی ورلڈ کپ میں مایوس کن پرفارمنس: ہیڈ کوچ فل سمنز کا عہدے سے مستعفی ہونےکا…

بھارتی ٹیم آفیشل نے ٹھنڈے کھانے کی شکایت آئی سی سی سے بھی کی ہے جس پر معلوم ہوا کہ تمام ممالک کے لیے قوانین یکساں ہیں،آئی سی سی ٹریننگ کے بعد لنچ میں گرم کھانے نہیں دیتی۔

رپوٹس میں کہا گیا ہے کہ ٹریننگ کے بعد بعض بھارتی کرکٹرز نے کھانا نہیں کھایا جبکہ دیگر کرکٹرز نے کھانا پریکٹس سے ہوٹل واپسی پر اپنے کمروں میں منگوا کر کھانے پر مجبور ہوئے۔

بھارتی میڈیا کے مطابق دوپہر میں جب ٹریننگ کا اختتام ہوا تو کرکٹرز فل مینیو لنچ کی توقع کر رہے تھےلیکن ٹریننگ کے دوران سینڈوچز اور پھل وغیرہ دستیاب تھے، لنچ ٹائم پر کرکٹرز کو گرم کھانا نہ ملا جس سے وہ ناخوش ہوئے اور واپس جانے کا فیصلہ کیا۔

ٹی 20 ورلڈ کپ: اسٹوئنس کی جارحانہ بیٹنگ، آسٹریلیا7وکٹ سےکامیاب

بھارتی ٹیم آفیشل کا کہنا ہے کہ کسی کرکٹر نےبائیکاٹ نہیں کیا ، کسی نےسینڈوچ تو کسی نےفلافل لیا، کچھ کرکٹرزنے پھل اٹھایا ، کرکٹرز 2 گھنٹے کے سیشن کے بعد ٹماٹر اورکھیروں کے ساتھ ٹھنڈے سینڈوچ جو گرلڈ بھی نہ ہوں وہ نہیں کھا سکتے تھے کرکٹرز مکمل لنچ چاہتے تھے جس کے باعث بعض نے کمروں میں واپس آکر کھانے کا فیصلہ کیا ۔

پریکٹس سیشن کے دوران آل راونڈر ہاردک پانڈیا، بھونیشور کمار، محمد شامی، ارشدیپ سنگھ، اکشر پٹیل اور سوریا کمار یادیو نے شرکت کی تھی ورات کوہلی، روہت شرما، لوکیش راہل، دنیش کارتک، رشبھ پنت، دیپک ہڈا محض دو گھنٹے تک ٹریننگ کی تھی۔

نیشنل اسٹیڈیم کراچی کا نام تبدیل کر دیا گیا

میلبرن: آئی سی سی ٹی ٹوئنٹی ورلڈ کپ میں آج سُپر 12 مرحلے میں آئرلینڈ نے انگلینڈ کو ڈک ورتھ لوئس سسٹم کے تحت 5 رنز سے شکست دے دی آئرلینڈ نے انگلینڈ کو جیت کیلئے 158 رنز کا ہدف دیا تھا-

باغی ٹی وی : میلبرن کرکٹ گراؤنڈ میں کھیلے جانے والے میچ میں انگلینڈ نے آئرلینڈ کے خلاف ٹاس جیت کر فیلڈنگ کا فیصلہ کیا میچ بارش کے باعث تاخیر سے شروع ہوا لیکن 1.3 اوورز میں 11 رنز بنانے کے بعد میلبرن میں ایک مرتبہ پھر بارش ہوئی-

پاک بھارت میچ میں ایمپائر کا متنازع فیصلہ،سابق کیوی آل راؤنڈر کا تبصرہ

بارش رکنے کے بعد میچ دوبارہ شروع ہوا اور آئر لینڈ نے پُر اعتماد بیٹنگ کرتے ہوئے انگلینڈ کو جیت کیلئے 158 رنز کا ہدف دیا ہے-

کپتان اینڈی بالبرنی نے ذمہ دارنہ بلےبازی کا مظاہرہ کرتے ہوئے 62 رنز کی اننگز کھیلی جبکہ دیگر بیٹرز میں پال اسٹرلنگ 14، لورکن ٹکر 34، کرٹس کیمفر 13، مارک ایڈیر 4، بیری میکارتھی 3، فیون ہینڈ ایک جبکہ ہیری ٹییکٹر اور جارج ڈوکریل بغیر کوئی رن بنائے وکٹ گنوا بیٹھے۔

انگلش بالرز کی جانب سے مارک ووڈ اور لیام لیونگسٹن نے 3، 3 جبکہ سیم کرن 2 اور بین اسٹوکس نے ایک وکٹ حاصل کی۔

A famous win for Ireland at the MCG ☘️

England came close before the rain came down #IREvENG #T20WorldCup

— ESPNcricinfo (@ESPNcricinfo) October 26, 2022

ہدف کے تعاقب میں انگلش ٹیم کا آغاز مایوس کن رہا، کپتان جوز بٹلر صفر جبکہ ایلکس ہیلز محض 7 رنز بناکر پویلن لوٹے جبکہ دیگر کھلاڑیوں میں بین اسٹوکس 6، ہیری بروک 18 رنز بناکر نمایاں رہے۔ ڈیوڈ ملان نے 35 رنز کی ذمہ دارانہ اننگز کھیلی تاہم وہ ٹیم کو فتح سے ہمکنار نہ کروا سکے۔

میچ کے اختتامی لمحات میں معین علی نے 12 گیندوں پر 24 رنز بنائے تاہم بارش کے باعث میچ روک دیا گیا، بارش کے وقت تک انگلش ٹیم پار اسکور کے 5 دور تھی، جو شکست کا سبب بنا۔

آئرش بولز کی جانب سے جوش لٹل نے 2 جبکہ بیری میکارتھی، گیرتھ ڈیلانی اور جارج ڈوکریل نے ایک ایک وکٹ حاصل کی۔

آج گروپ ون کی ٹیمیں مدمقابل ہیں جس میں انگلینڈ کا مقابلہ آئرلینڈ سے جب کہ افغانستان کی ٹیم نیوزی لینڈ کا سامنا کرے گی۔

ٹی 20 ورلڈ کپ: اسٹوئنس کی جارحانہ بیٹنگ، آسٹریلیا7وکٹ سےکامیاب

پرتھ:ٹی 20 ورلڈ کپ کے میچ میں آسٹریلیا نے سری لنکا کو 7 وکٹوں سے شکست دیدی، اسٹوئنس نے جارحانہ بیٹنگ کرتے ہوئے صرف 17 گیندوں پر ناقابل شکست نصف سنچری اسکور کی۔

ٹی 20 ورلڈ کپ میں پرتھ کے گراؤنڈ میں کھیلے گئے میچ میں آسٹریلیا نے ٹاس جیت کر فیلڈنگ کا فیصلہ کیا، سری لنکا نے پہلے بیٹنگ کرتے ہوئے کینگروز کو 158 رنز کا ہدف دیا۔

آسٹریلوی ٹیم نے ہدف کے تعاقب میں ابتداء میں محتاط انداز اختیار کیا، 26 کے مجموعی اسکور پر ڈیوڈ وارنر اور 60 رنز پر مچل مارش پویلین لوٹ گئے۔

گلین میکس ویل کریز پر آئے تو انہوں نے جارحانہ انداز اختیار کیا اور صرف 11 گیندوں پر 2 چھکوں اور 2 چوکوں کی مدد سے 23 رنز جڑ دیئے، وہ چھکا لگانے کی کوشش پر باؤنڈری پر متبادل کھلاڑی بندرا کے شاندار کیچ کی بدولت میدان بدر ہوئے۔

مارکس اسٹوئنس نے کریز پر کپتان آرون فنچ کو جوائن کیا تو کھیل میں نئی جان ڈال دی، انہوں نے آتے چھکوں اور چوکوں کی برسات کردی، صرف 17 گیندوں پر 300 سے زائد کے اسٹرائیک ریٹس کے ساتھ نصف سنچری بنا ڈالی، وہ 18 گیندوں پر 59 رنز بناکر ناقابل شکست رہے، ان کی اننگز میں 6 چھکے اور 4 چوکے شامل تھے۔

اسٹوئنس کی دھواں دھار اننگز کی بدولت آسٹریلیا نے ہدف 21 گیندوں قبل 3 وکٹوں کے نقصان پر پورا کرلیا، فنچ 31 رنز بنا کر ناٹ آؤٹ رہے۔

سری لنکا کی جانب سے دھنن جیا ڈی سلوا، چمیکا کرونارتنے اور مہیش تھکشانا نے ایک ایک کھلاڑی کو آؤٹ کیا۔

اس سے قبل سری لنکا نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 157 رنز بنائے، پاتھون نسانکا 40 اور چرتھ اسالانکا 38 رنز بنا کر ٹاپ اسکورر رہے، دھنن جیا ڈی سلوا نے 26 رنز بنائے۔

آسٹریلوی بولرز میں جوز ہیزل ووڈ، پیٹ کمنز، مچل اسٹارک، ایشن ایگر اور گلین میکس ویل نے ایک ایک کھلاڑی کو آؤٹ کیا۔

آسٹریلوی بیٹر مارکس اسٹوئنس کو جارحانہ بیٹنگ پر میچ کا بہترین کھلاڑی قرار دیا گیا۔

پتہ نہیں عمران خان نے مجھےکیوں نکالا:سابق گورنرپنجاب چوہدری سرور کی معصومانہ گفتگو

اس موقع پر سری لنکن ٹیم کے کپتان نے کہا کہ کوشش ہوگی آسٹریلیا کو شکست دیکر اگلے مرحلے تک رسائی کو ممکن بنائیں۔
سری لنکا کے خلاف میچ سے کچھ گھنٹوں قبل آسٹریلوی ٹیم کے اسپنر ایڈم زمپا کورونا وائرس میں مبتلا ہوگئے تھے جس کے باعث انہیں پلئینگ الیون کا حصہ نہیں بنایا گیا۔

بھارت کیخلاف میچ میں شکست، وزیراعظم، مریم نواز کی شاہینوں کی حوصلہ افزائی

قبل ازیں آسٹریلیا کو نیوزی لینڈ کے ہاتھوں 89 رنز کے بڑے مارجن سے شکست کا سامنا کرنا پڑا تھا جبکہ سری لنکا نے اپنے پہلے میچ میں آئرلینڈ کو 9 وکٹوں سے شکست دی تھی۔

آسٹریلیا کا اسکواڈ:

کپتان ایرون فنچ، ڈیوڈ وارنر، مچل مارش، گلین میکسویل، مارکس اسٹوئنس، ٹم ڈیوڈ، میتھیو ویڈ (وکٹ)، پیٹ کمنز، مچل اسٹارک، ایشٹن ایگر، جوش ہیزل ووڈ۔

بھارت نوازایمپائرنگ:بھارت کیخلاف آخری اوور میں نواز کی نوبال متنازع ہوگئی، سابق…

سری لنکا کا اسکواڈ:

کپتان داسن شناکا، پاتھم نسانکا، کوسل مینڈس، دھننجایا ڈی سلوا، چارتھ اسالنکا، بھانوکا راجا پاکسا، وینندو ہسرنگا، چمیکا کرونارتنے، مہیش تھیکشانا، بنورا فرنینڈو، لاہیرو کمارا۔

آسٹریلیا میں جاری ٹی ٹوئنٹی ورلڈ کپ میں مایوس کن پرفارمنس کے بعد ویسٹ انڈیز کرکٹ ٹیم کے ہیڈ کوچ فل سمنز نے عہدے سے مستعفی ہونےکا اعلان کردیا۔

باغی ٹی وی : ویسٹ انڈیز کرکٹ کے مطابق فل سمنز اگلے ماہ آسٹریلیا کے خلاف ٹیسٹ سیریز کے بعد عہدے سے مستعفی ہوجائیں گے فل سمنز نے اپنے ایک بیان میں کہا کہ ٹورنامنٹ سے باہر ہوجانے پر دکھ ہے، فینز سے معذرت خواہ ہوں۔

انہوں نے کہا کہ ویسٹ انڈیز کرکٹ کے اندر کچھ غیر معمولی افراد باقی ہیں جن کے بارے میں مجھے یقین ہے کہ وہ ویسٹ انڈیز کرکٹ کے بہترین مفاد میں کام کرتے رہیں گے۔

واضح رہے کہ آسٹریلیا میں جاری ٹی ٹوئنٹی ورلڈکپ کے کوالیفائنگ راؤنڈ میں آئرلینڈ نے دو مرتبہ کی چیمپئن ویسٹ انڈیز کو شکست دے کر سپر 12 مرحلے کی دوڑ سے باہر کردیا تھا۔

ہوبارٹ میں کھیلے گئے ٹی ٹوئنٹی ورلڈکپ کے 11 ویں میچ میں ویسٹ انڈیز نے ٹاس جیت پہلے بیٹنگ کا فیصلہ کیا تھا ویسٹ انڈیز کی ٹیم نے مقررہ20 اوورز میں 5 وکٹوں کے نقصان پر 146 رنز بنائے ویسٹ انڈیز بیٹر برینڈن کنگ 48 گیندوں پر 62 رنزکے ساتھ نمایاں رہے تھے-

ویسٹ انڈین کپتان نکولس پورن نے کہا تھا کہ ہم نے اپنے مداحوں کو مایوس کیا ۔ یہ یقینی طور پر تکلیف دہ ہے۔ میں نے جس طرح کی کارکردگی دکھائی اس سے میں نے اپنے ساتھیوں کو مایوس کیا ۔

غلط منصوبہ بندی میچ ہارنے کا سبب بنی:ٹیم مینجمنٹ کونظرثآنی کرنی چاہے:ماہرین وشائقین کرکٹ