Category: کھیل

ٹی 20 ورلڈ کپ کے میچ میں زمبابوے سے شکست کے بعد کرکٹر شاداب خان جذبات پر قابو نہ رکھ سکے اور رو پڑے۔

باغی ٹی وی: آسٹریلیا میں جاری ٹی 20 مینز کرکٹ ورلڈ کپ میں زمبابوے کے خلاف پاکستان کی اپ سیٹ شکست پر نہ صرف مداح جذباتی ہوئے بلکہ قومی کرکٹر شاداب خان بھی رو پڑے۔

عدم برداشت بڑھنے لگی:وسیم اکرم نے لائیو شو میں شعیب ملک کی بےعزتی کردی

One of the most heart-wrenching moments of Pakistan Cricket 😭😭#CricketTwitterhttps://t.co/fG0SMwwWoI

— Team Muhammad Rizwan (@TeamRizwan_) October 28, 2022

سوشل میڈیا پر وائرل ویڈیو میں دیکھا جا سکتا ہے کہ کرکٹر شاداب خان ہاتھوں میں چہرہ چھپائے زمین پر بیٹھے رو رہے ہیں۔ ان کو ٹیم کے ایک ساتھی آ کر تسلی دیتے ہیں اورسمجھاتے ہیں۔

شاداب خان کی رونے کی ویڈیو سوشل میڈیا پر وائرل ہوگئی صارفین نے شاداب خان کو ہمت سے کام لینے اور اچھا پرفارم کرنے کے مشورے دئیے۔

دوسری جانب سابق بھارتی کپتان سنیل گواسکر نے بھی پاکستان ٹیم سلیکشن پر سوالات اٹھادیئے تھے ایک ٹی وی پروگرام کے دوران سابق بھارتی کپتان نے پاکستان کے بولر وسیم جونیئر کو بھارتی آل راؤنڈر ہاردک پانڈیا جیسا قرار دیا۔

ٹی ٹوئنٹی ورلڈ کپ :جنوبی افریقہ نے بنگلادیش کو 104 رنز سے شکست دیدی

سنیل گواسکر نے کہا تھا کہ پاکستان کے پاس تو ہاردک پانڈیا جیسا وسیم جونیئر ہے، وسیم نیا ہے لیکن میرا آئیڈیا ہے کہ وہ شاٹس کے ساتھ آپ کو اچھے اوورز دے سکتا ہے، بھارت کےخلاف وسیم کو نہیں کھلایا لیکن دو اسپنرزکھلائے، یہ سڈنی میں تو ٹھیک لیکن دوسرے وینیوز پر ٹھیک نہیں۔

انہوں نے کہا تھا کہ آسٹریلوی کنڈیشنز کے مطابق اگر ان کے پاس وسیم جونیئر جیسا سیم کرسکتا ہو اور 2 شاٹس بھی مارتا ہو تو اسے کھلائیں کیونکہ وسیم نے زمبابوے کے خلاف ایسا کیا بھی ہے اور اس میں ٹیلنٹ ہے۔

سابق بھارتی کپتان نے مزید کہا تھا کہ پاکستان ٹیم مینجمنٹ نے بھارت کے خلاف 2 اسپنرز کھلا کر اچھا فیصلہ نہیں کیا تھا، پاکستان کا مڈل آرڈر بیٹنگ سیٹ نہیں، پہلے فخر زمان نمبر تین پر تھے اب وہ صرف اسکواڈ میں ہیں۔

ٹی ٹوئنٹی ورلڈکپ:پاکستان کومسلسل دوسری شکست:زمبابوے نے ایک رنز سے ہرا دیا

انہوں نے کہا تھا کہ شان مسعود اب نمبر تین پر ہیں، اگرچہ وہ رنز کر رہے ہیں لیکن پاکستان کی سلیکشن درست نہیں، آپ کو ایسے کھلاڑی کی ضرورت ہے جو تین چار اوورز کرے اور آخری چند اوورز میں 30 رنز بنا سکے۔

لاہور:آئی سی سی ٹی 20 ورلڈ کپ 2022 میں زمبابوے کی پاکستان کے خلاف غیر متوقع جیت نے گروپ 2 کو تمام ٹیموں کے لیے دلچسپ بنا دیا ہے لیکن اس نے پاکستان سیمی فائنل میں پہنچنے کے لیے اگر اور مگر کے گھن چکر میں پھنسا دیا ہے۔

بھارت اور زمبابوے کے خلاف شکستوں کے بعد پاکستان اس وقت پانچویں نمبر پر ہے جس کے دو میچوں میں کوئی پوائنٹ نہیں ہے، ادھر بھارت، جنوبی افریقا، بنگلا دیش اور زمبابوے ٹیبل پر پاکستان سے آگے ہیں، بھارت کے دو میچوں میں 4 پوائنٹس ہیں جبکہ زمبابوے اور جنوبی افریقا کے دو میچوں میں 3، 3 پوائنٹس ہیں، بنگلا دیش کے پاس 2 پوائنٹس ہیں۔

ٹورنامنٹ میں پاکستان کا اگلا مقابلہ نیدرلینڈ سے ہے، اس کے بعد جنوبی افریقا اور بنگلا دیش کے خلاف کھیلے جائیں گے اور یہ تینوں میچز اب پاکستان کے لیے جیتنا ضروری ہیں، ایک اور شکست پاکستان کو سیمی فائنل کی دوڑ سے باہر کرنے کے لیے کافی ہوگی۔

لیکن بابر اعظم الیون کے لیے محض تین مسلسل جیت کافی نہیں ہوگی کیونکہ انہیں دوسری ٹیموں کی کارکردگی پر انحصار کرنا ہوگا۔

پاکستان کے لیے اب بہترین منظر نامہ یہ ہے کہ اتوار کو بنگلا دیش نے زمبابوے کو ہرایا، بھارت نے جنوبی افریقا کو اور پاکستان نے نیدرلینڈز کو ہرایا، اس سے بھارت 6 پوائنٹس کے ساتھ پہلے، بنگلا دیش 4، زمبابوے 3 اور پاکستان 2 پوائنٹس کے ساتھ دوسرے نمبر پر رہے گا۔

اس کے بعد 2 نومبر کو پاکستان کے لیے اہم ہو گا کہ نیدرلینڈز زمبابوے کو ہرائے اور بھارت بنگلا دیش کو ہرائے اور پھر 3 نومبر کو سڈنی میں پاکستان جنوبی افریقا کو ہرائے۔

ایسے میں بھارت کے 8 پوائنٹس ہوں گے، پاکستان اور بنگلا دیش کے 4 ،4 جبکہ جنوبی افریقا اور زمبابوے کے 3، 3 پوائنٹس ہوں گے۔

گروپ میں شامل تمام ٹیمیں 6 نومبر کو ایکشن ہوں گی جہاں پاکستان کو بنگلا دیش کو ہرانا ہوگا اور زمبابوے کے خلاف بھارت کی جیت اور نیدرلینڈز کے خلاف جنوبی افریقا کی ممکنہ جیت کی امید ہے۔

اگر خواہشات گھوڑے ہوتیں اور پاکستان کی مساوات کے مطابق سب کچھ ٹھیک ہو جاتا ہے، مذکورہ بالا منظرنامہ بھارت کو 10 پوائنٹس کے ساتھ سرفہرست رکھے گا، اس کے بعد پاکستان 6 اور جنوبی افریقا 5 پوائنٹس کے ساتھ دوسرے نمبر پر ہے۔

India lead the way in Group 2 with 4 points, Pakistan and Netherlands yet to get off the mark!#T20WorldCup pic.twitter.com/bySsg4tGXm

— ESPNcricinfo (@ESPNcricinfo) October 27, 2022

لیکن اگر اتوار کو جنوبی افریقا بھارت کو ہرا دیتا ہے تو وہ پاکستان کو ہاٹ سیٹ پر کھڑا کر دے گا، بھارت کے خلاف جنوبی افریقا کی جیت سے جنوبی افریقا 5 پوائنٹس کے ساتھ اور بھارت کے 4 پوائنٹس ہوں گے، جنوبی افریقا کا ہالینڈ کے خلاف ایک میچ ہوگا جس میں ان کے جیتنے کا امکان ہے اور بھارت کا مقابلہ زمبابوے اور بنگلا دیش سے ہوگا اور دونوں ہی کھیل میں بھارت کے جیتنے کا امکان ہے۔

لہٰذا اگر جنوبی افریقا بھارت کو ہرا دیتا ہے تو پاکستان کو نیدرلینڈز کے لیے دعا کرنی ہوگی کہ وہ جنوبی افریقا اور زمبابوے کو بھارت کو پریشان کرنے کے لیے اور اپنے نیٹ رن ریٹ میں بہتری کی امید کریں۔

اتوار کی شام تک پاکستان کی صورتحال واضح ہونے کا قوی امکان ہے، لہٰذا آئیے امید کرتے ہیں کہ ہندوستان اپنی جیت کا سلسلہ جاری رکھے گا اور پاکستان کی امیدوں کو زندہ رکھنے کے لیے جنوبی افریقا کو یقین سے شکست دے گا۔

لاہور:عدم برداشت بڑھنے لگی:وسیم اکرم نے لائیو شو میں شعیب ملک کی بےعزتی کردی ، اس بے عزتی کے چرچے دنیا میں وائرل ہونے لگے ہیں، اطلاعات ہیں کہ قومی کرکٹ ٹیم کے سابق کپتان وسیم اکرم نے براہ راست نشریات کے دوران شعیب ملک کو گدھے سے تشبیہہ دے دی۔

ٹی ٹوئنٹی ورلڈ کپ میں زمبابوے کے ہاتھوں شرمناک شکست کے بعد پاکستان ٹیم کی سلیکشن اور مینجمنٹ پر انگلیاں اٹھائی جارہی ہیں۔

شائقین کرکٹ کی جانب سے ٹیم کے بیٹنگ مڈل آرڈر کو لیکر متعدد سوالات ہورے ہیں۔ ایسے میں سابق اسٹار کرکٹر وسیم اکرم نے بھی کپتان بابر اعظم کو ٹیم کی درست سلیکشن نہ کرنے پر مورد الزام ٹہرایا ہے۔سوشل میڈیا پر وسیم اکرم کا ایک کلپ وائرل ہوا ہے جس میں وہ پاکستان کے مڈل آرڈر کی ناکامی پر اظہار خیال کررہے ہیں۔

لیجنڈ کرکٹر کہتے ہیں کہ ایک سال سے سب ہی جانتے ہیں کہ پاکستان کا مڈل آرڈر کمزور ہے۔ اب اگر میں کپتان ہوتا تو میرا ایک ہی مقصد ہوتا کہ ہم کیسے ورلڈ کپ جیتیں، اس کے لئے مجھے گدھے کو بھی باپ بنانا پڑے تو بنالوں گا کیونکہ میں ورلڈ کپ جیتنے جارہا ہوں۔

وسیم اکرم اپنی گفتگو جاری رکھتے ہوئے کہتے ہیں کہ اگر مجھے مڈل آرڈر میں شعیب ملک چاہیے تو میں اس بات کو یقینی بناؤں گا اور چیئرمین، سلیکٹر سے بات کروں گا۔

پرتھ:ٹی 20 ورلڈکپ میں زمبابوے نے پاکستان کو جیت کے لیے 131 رنز کا ہدف دیدیا،اطلاعات کے مطابق زمبابوے کی ٹیم نے ٹاس جیت کر پہلے بیٹنگ کو ترجیح دی تو کریگ ارون اور ویسلی مدھویرے نے اننگز کا آغاز کیا۔ دونوں بیٹرز نے جارحانہ انداز اپنایا۔

زمبابوے کو پہلا نقصان 42 سکور پر اٹھانا پڑا، حارث رؤف نے ارون کو پویلین بھیجا، کپتان نے 19 رنز بنائے، 43 سکور پر مدھویرے بھی کریز چھوڑ گئے، اوپنر نے 17 رنز کی باری کھیلی، شمبا 10 گیندوں پر آٹھ رنز بنا کر شاداب خان کو کیچ دے بیٹھے۔

دیگر کھلاڑیوں میں سین ولیمز 31، سکندر رضا 9، چکابوا 0، برل 10، جونگوے 0، ایونز 19 رنز بنا کر پویلین لوٹے، قومی ٹیم کی طرف سے محمد وسیم نے چار کھلاڑیوں کو پویلین بھیجا، شاداب خان نے تین شکار کیے۔

قومی سکواڈ:

بابراعظم (کپتان) ، نائب کپتان شاداب خان، محمد رضوان، شان مسعود، افتخار احمد ، حیدر علی، محمد نواز، محمد وسیم جونیئر، شاہین شاہ آفریدی، نسیم شاہ اور حارث رؤف

زمبابوین سکواڈ:

کریگ ارون (کپتان) ، ویسلی مدھویرے، کریگ ارون، شمبا، شان ولیمز، سکندر رضا، ریگیس چکابوا، ریان برل، لیوک جونگوے، بریڈ ایونز، رچرڈ نگروا، موذربانی

پاکستانی ٹیم میں ایک تبدیلی کی گئی ہے اور آصف علی کی جگہ محمد وسیم جونیئر کو پلیئنگ الیون کا حصہ بنایا گیا ہے۔

قومی کرکٹ ٹیم کی قیادت بابراعظم کررہے ہیں، دیگر کھلاڑیوں میں نائب کپتان شاداب خان، محمد رضوان، شان مسعود، افتخار احمد اور حیدر علی شامل ہیں۔ اس کے علاوہ محمد نواز، محمد وسیم جونیئر، شاہین شاہ آفریدی، نسیم شاہ اور حارث رؤف بھی پلیئنگ الیون کا حصہ ہیں۔

یاد رہے کہ ٹی ٹوئنٹی ورلڈکپ کے پہلے میچ پاکستان کو بھارت نے انتہائی دلچسپ مقابلے کے بعد آخری اوور میں 4 رنز سے شکست دی تھی جبکہ زمبابوے کا جنوبی افریقا سے سپر 12 مرحلے میں ہونے والا میچ بارش کے باعث بغیر کسی نتیجے کے ختم ہو گیا تھا اور دونوں ٹیموں کو ایک ایک پوائنٹ دے دیا گیا ہے۔