Baaghi TV

Category: کھیل

  • ایشیا کپ کا انعقاد: پاکستان کی سری لنکا کی حمایت کا فیصلہ

    ایشیا کپ کا انعقاد: پاکستان کی سری لنکا کی حمایت کا فیصلہ

    لاہور: پاکستان کرکٹ بورڈ (پی سی بی) ایشیاکپ کے انعقاد کیلئے سری لنکا کی حمایت کرے گا۔

    باغی ٹی وی : تفصیلات کےمطابق چیف ایگزیکٹو پی سی بی فیصل حسنین کا کہنا ہےکہ پاکستان چاہتا ہے کہ ایشیا کپ سری لنکا میں ہی ہو، آسٹریلیا کی کامیاب سیریز کے بعد اب ہماری ٹیم بھی سری لنکا میں موجود ہے، تاہم ٹورنامنٹ کے وینیو کا حتمی فیصلہ ایشین کرکٹ کونسل کو کرنا ہےایشین کرکٹ کونسل (اے سی سی) حکام سے بات ہوئی ہے وہ صورتحال کا جائزہ لے رہے، ان کا ہر فیصلہ قبول کریں گے-


    انہوں نے کہا کہ آئی سی سی کی اہم میٹنگز آئندہ ہفتے ہونے جا رہی ہیں، جہاں تک پاکستان کا تعلق ہے تو ہم نے ان اہم اجلاسوں کے لیے دو چیزیں ایجنڈے پر رکھی ہیں چیئرمین رمیز راجا کےہمراہ آئندہ ہفتےآئی سی سی کی سالانہ جنرل کونسل کے اجلاس میں شرکت کروں گا، یہ اجلاس آئندہ 8 سالہ فیوچر ٹور پروگرام (ایف ٹی پی) کی تیاری کے لیے بہت اہم ہے۔

    انہوں نے کہا کہ ایجنڈے میں پہلی چیز تو یہ ہے کہ فیوچر ٹور پروگرام پر بات ہو گی اور ہم اپنے حوالے سے دیگر بورڈز سے معاملات کو حتمی شکل دیں گے، 80 فیصد کام مکمل ہو چکا ہے باقی 20 فیصد کو فائنل کریں گے کہ کون کب کہاں کھیلے گا اور کون میزبانی کرے گا، دوسرے بورڈز سے باہمی سیریز کو حتمی شکل دیں گے۔

    انہوں نے کہا کہ دنیا بھر میں فرنچائز ٹی20 لیگز بڑھنےسے انٹرنیشنل کرکٹ کیلنڈر شدید متاثر ہورہا ہے،آئے روز لیگز سامنے آ رہی ہیں اورکچھ لیگز کی مدت بڑھ رہی ہے،یہ لیگزانٹرنیشنل کرکٹ کا وقت لے رہی ہیں جبکہ انٹرنیشنل کرکٹ سے بورڈ ریونیو حاصل کرتا ہےلیکن اب لیگز انٹرنیشنل کرکٹ کا وقت لے رہی ہیں، پاکستان کو اس پر تحفظات ہیں اور فکر مندی ہے اس معاملے پر پاکستان انٹرنیشنل کرکٹ کونسل کو ایک مجوزہ پلان بھیج چکا ہے-

    چیف ایگزیکٹو پی سی بی نےکہا کہ اجلاس کی سائیڈ لائنز پر کرکٹ آسٹریلیا، انگلینڈ اینڈ ویلز کرکٹ بورڈ اور سری لنکا سمیت دیگر بورڈز حتیٰ کہ سعودیہ کرکٹ بورڈ سے باہمی دلچسپی کے امور پر چیزوں کو حتمی شکل دیں گے جس میں فور نیشن اور ٹرائی نیشن ٹورنامنٹس کے ایجنڈے زیر غور ہوں گے۔

    ان کا کہنا ہے ہم چاہتے ہیں کہ آئی سی سی میٹنگز میں اس معاملے پر بات چیت ہو اور اس کا ایک طریقہ کار بنایا جائے اور نئی تجاویز رکھی جائیں اور معاملے کو ہر صورت میں ایگزیکٹوز کی میٹنگ میں زیر بحث لایا جائے، خوشی کی بات یہ ہے کہ دو اور بورڈز نے بھی آئی سی سی کو اس حوالے سے لکھا ہے کہ ورکنگ گروپ تشکیل دیا جائے اور اس پر بحث ہونی چاہیے۔

  • پہلا ٹیسٹ: سری لنکن ٹیم پہلی اننگز میں 222 رنزبناکر آؤٹ

    پہلا ٹیسٹ: سری لنکن ٹیم پہلی اننگز میں 222 رنزبناکر آؤٹ

    گال: گال میں کھیلے جانے والے پہلے ٹیسٹ میچ میں سری لنکن ٹیم پہلی اننگز میں 222 رنزبناکر آؤٹ ہو گئی-

    باغی ٹی وی : گال کرکٹ اسٹیڈیم میں کھیلے جارہے پہلے ٹیسٹ میچ میں سری لنکا کی ٹیم نے تاس جیت کر پاکستان کے خلاف بیٹنگ کی، لنکن ٹیم پہلی اننگز میں 222 رنزبناکر آؤٹ ہو گئی ہے سری لنکا کی جانب سے دنیش چندیمل نے 76 اور لوئر مڈل آرڈر میں مہیش تھیکشنا 38 رنز کی مزاحمتی اننگز کھیل کر ٹیم کا اسکور 222 رنز تک پہنچایا۔


    پاکستان کے فاسٹ بولر شاہین شاہ آفریدی نے 4 وکٹیں حاصل کیں یاسر شاہ اور حسن علی نے 2،2 جبکہ نسیم شاہ اور محمد نواز نے ایک ایک وکٹ حاصل کی۔

    سری لنکن کپتان دیمتھ کرونا رتنے کو 1 رن پر بولڈ کیا، جب کہ ٹیم کو یاسر شاہ نے کوشال مینڈس کو 21 رنز پر آؤٹ کیا یاسر شاہ نے ہی انجیلو میتھیوز کو بھی پویلین کی راہ دکھائی بغیر کوئی رن بنائے ہی آؤٹ ہوئے جب کہ حسن علی نے اوپنر اوشادہ فرنینڈو کو آؤٹ کیا انہوں نے 49 گیندیں کھیلیں اور 5 چوکے لگائے –


    پانچویں کھلاڑی دھانجا ڈی سلوا کو شاہین شاہ آفریدی نے 14 رنز بنانے کےبعد کلین بولڈ کر دیا چھٹی وکٹ 103 رنز کے مجموعی اسکور پر گر گئی جب شاہین آفریدی نے ہی ڈک ویلا کو آؤٹ کر دیا۔ ڈک ویلا 4 بالز پر 4 رنز ہی بنا سکے تھے۔ ساتویں وکٹ بھی یاسر شاہ نے حاصل کی انہوں نے رمیش مینڈس کو ان کے 11 رنز پر آؤٹ کیا آٹھویں وکٹ پراباتھ جے سوریا کی گری وہ محمد نواز کی گیند پر 3 رنز بنا کر ایل بی ڈبلیو ہو گئے۔

    واضح رہے کہ پاکستان اور سری لنکا کے مابین دو ٹیسٹ میچز پر مشتمل سیریز کا پہلا میچ آج صبح پاکستانی وقت کے مطابق ساڑھے 9 بجے شروع ہوا۔

    میچ کے آغاز سے قبل سری لنکن کپتان ڈیمتھ کرونارتنے نے ٹاس جیت کر پہلے بیٹنگ کا فیصلہ کیا، انہوں نے کہا کہ پچ بیٹنگ کیلئے سازگار ہے کوشش ہوگی پہلی اننگز میں بڑا ٹوٹل لگائیں اور پاکستانی ٹیم کو پریشر میں لائیں۔

    اس موقع پر قومی ٹیم کے کپتان بابراعظم نے کہا کہ پاکستان کیلئے آل راؤنڈر سلمان علی آغا ڈیبیو کررہے ہیں جبکہ محمد نواز اور یاسر شاہ قومی ٹیم میں واپسی ہوئی ہے فواد عالم سری لنکا کیخلاف پہلے ٹیسٹ کی فائنل الیون میں شامل نہیں۔

    پاکستان کے اسکواڈ میں کپتان بابراعظم، عبداللہ شفیق، امام الحق، اظہر علی، محمد رضوان، آغا سلمان، محمد نواز، یاسر شاہ، حسن علی، شاہین شاہ آفریدی اور نسیم شاہ شامل ہیں۔

    سری لنکا کے اسکواڈ میں کپتان ڈیموتھ کرونارتنے، اوشادا فرنینڈو، کوشل مینڈس، اینجلو میتھیوز، دھننجایا ڈی سلوا، دنیش چندیمل، نروشن ڈکویلا، رمیش مینڈس، مہیش تھیکشنا، پربت جے سوریا اور کسن راجیتھا شامل ہیں۔

  • پی سی بی نے ایشیا کپ سری لنکا میں ہی کرانے کی حمایت کر دی

    پی سی بی نے ایشیا کپ سری لنکا میں ہی کرانے کی حمایت کر دی

    لاہور:پاکستان کرکٹ بورڈ نے ایشیا کپ سری لنکا میں ہی کرانے کی حمایت کر دی ۔تفصیلات کے مطابق پاکستان کرکٹ بورڈ کی جانب سے سری لنکا کرکٹ اور ایشین کرکٹ کونسل سے رابطہ کیا گیا جس میں پی سی بی نے پیغام دیا کہ ایشیا کپ شیڈول کے مطابق سری لنکا میں کرانے کی حمایت کرتے ہیں۔

    پاکستان کرکٹ بورڈ نے موقف اختیار کیا کہ ایشیا کپ کا سری لنکا میں ہونے کا فائدہ ہے کیوں کہ ایونٹ سے سری لنکا کو ریونیو ملے گا جب کہ حال ہی میں سری لنکا میں آسٹریلیا کے خلاف سیریز بھی کامیاب رہی ہے۔

    پاکستان کرکٹ بورڈ حکام نے ایشین کرکٹ کونسل حکام کو بتایا کہ پاکستان کرکٹ ٹیم بھی سری لنکا میں سیریز کے لئے موجود ہے اور پی سی بی کا موقف یہی ہے کہ ایشیا کپ سری لنکا میں ہی ہونا چاہیے۔بورڈ حکام نے مزید کہا کہ یہ فیصلہ سری لنکا کرکٹ اور اے سی سی نے کرنا ہے لیکن پی سی بی نے اپنا موقف بتا دیا۔

    خیال رہے کہ ایشیا کپ رواں سال اگست میں سری لنکا میں شیڈول ہے تاہم وہاں پر سیاسی گشیدگی کے باعث فیصلہ سازوں کو اس حوالے سے مشکلات پیش آرہی ہیں کہ وہ ایشیا کپ سری لنکا میں ہی کروائیں یا پھر اسے کسی اور منتقل کردیا جائے اور اس حوالے سے حتمی فیصلہ ایشین کرکٹ کونسل رواں ماہ کے آخر میں کرے گا۔

    اس سے قبل بھارتی میڈیا نے دعویٰ کیا تھا کہ موجودہ صورتحال کے باعث سری لنکا کی ایشیا کپ کی میزبانی خطرے میں پڑ گئی ہے اور بنگلادیش نے ایشیا کپ کرانے کی تیاریاں شروع کردی ہیں۔

    دوسری جانب سری لنکا کرکٹ بورڈ کو بھی امید ہے کہ ایشیا کپ شیڈول کے مطابق سری لنکا میں ہی ہوگا اور ایونٹ کے کسی دوسرے ملک منتقل کرنے کی خبروں میں کوئی صداقت نہیں ہے۔

    سری لنکا بورڈ کے سیکریٹری موہن ڈ ی سلوا نے ایک بیان میں کہا کہ ہم ٹورنامنٹ کے انعقاد کیلئے پُر امید ہیں۔ حال ہی میں 52 دن کے لئے آسٹریلیا کی میزبانی کی ہے اور اب پاکستانی ٹیم سری لنکا میں موجود ہے۔

    پاکستان اور انگلینڈ کے درمیان کرکٹ کا ایک زبردست سیزن شروع ہونے والا ہے اور اس سلسلے میں پاکستان کے بڑے بڑے اسٹیڈیم میزبانی کے لیے تیار ہیں مگرشاید یہ اعزاز ملتان کی سرزمین کو حاصل ہوجائے کیونکہ ملتان کرکٹ اسٹیڈیم پاکستان اور انگلینڈ کے درمیان ایک ٹیسٹ میچ کی میزبانی کے لیے مضبوط امیدوار کے طور پر سامنے آیا ہے۔

    انگلش ٹیم ستمبر میں 7 ٹی ٹوئنٹی میچز کھیلنے کے لیے پاکستان کا دورہ کرے گی۔ وقت کی کمی اور لاجسٹک مسائل کی وجہ سے میچ صرف دو مقامات پر منعقد کیے جائیں گے جن میں کراچی اور لاہور شامل ہیں۔

     

    تاہم ٹی ٹوئنٹی ورلڈ کپ کے بعد انگلش ٹیم نومبر میں دوبارہ تین ٹیسٹ میچز کھیلنے کے لیے پاکستان واپس آئے گی اور اس موقع پر ملتان کرکٹ اسٹیڈیم کو ایک ٹیسٹ میچ کی میزبانی ملنے کا امکان ہے۔

    دریں اثنا انگلش کرکٹ بورڈ (ای سی بی) کا چار رکنی سیکیورٹی وفد اتوار کو پاکستان پہنچ رہا ہے جو لاہور، کراچی اور راولپنڈی کے ساتھ ملتان کا بھی دورہ کریں گے۔ اس موقع پر وہ مقامی اور پی سی بی حکام سے ممکنہ انتظامات پر بریفنگ لیں گے۔

    انہیں راستوں، مقامات اور ہوٹلوں کے بارے میں بھی معلومات فراہم کی جائیں گی جبکہ سیکیورٹی وفد کی رپورٹ کی روشنی میں ہی حتمی فیصلے کیے جانے کا امکان ہے۔واضح رہے کہ 17 سال بعد انگلش ٹیم پاکستان کا دورہ کررہی ہے جبکہ 15 ستمبر کو انگلینڈ ٹیم پاکستان پہنچے گی۔

    دونوں ٹیموں کے درمیان ٹی ٹوئنٹی سیریز کا پہلا میچ 20 ستمبر کو کراچی میں کھیلا جائے گا جبکہ دوسرا 22، تیسرا 23 اور چوتھا 25 ستمبر کو کراچی میں ہی کھیلا جائے گا۔

    دونوں ٹیمیں 26 ستمبر کو خصوصی طیارے کے ذریعے لاہور پہنچیں گی،لاہور میں 28 اور 30 ستمبر کو ٹی ٹوئنٹی میچز کھیلے جائیں گے جبکہ سیریز کا آخری میچ دو اکتوبر کو لاہور میں ہی کھیلا جائے گا۔

  • کشمیر پریمیئر لیگ کی اہم فرنچائیز میرپور رائلز کی نئی انتظامیہ نے چارج سنبھال لیا

    کشمیر پریمیئر لیگ کی اہم فرنچائیز میرپور رائلز کی نئی انتظامیہ نے چارج سنبھال لیا

    اسلام آباد : کشمیر پریمیئر لیگ کی اہم فرنچائیز میرپور رائلز کی نئی انتظامیہ نے چارج سنبھال لیا اسلام آباد کے نجی ہوٹل میں منعقد ہروقار تقریب میں کے پی ایل اور میر پور رائیلز کے درمیان یاداشت پر دستخط کئے گئے،میرپور رائلز کی جانب سے چئیرمین ڈاکٹر عبدالواجد جبکہ کشمیر پریمیئر لیگ کی طرف سے صدرعارف ملک نے دستخط کئے

    اطلاعات ہیں کہ میر رائیلز کے ہیڈ کوچ سابق ٹیسٹ کرکٹر عبد الرزاق اور خوشدل شاہ نے بھی تقریب میں شرکت کی ، اس دوران سابق ٹیسٹ کرکٹر عبد الرزاق نے بھی اس تقریب سے خطاب کیا ، ان کا کہنا تھا کہ بطور کرکٹر نوجوان کھلاڑیوں میں اپنا تجربہ شئیر کرسکتےہیں،عبدالرزاق کا کہنا تھا کہ کوشش کریں گے کہ میرپور رائلز کو کشمیر پریمیئر لیگ کا چیمپیئن بنائیں، ان کا کہنا تھا کہ کشمیر پریمیئر لیگ کا پہلا ایڈیشن کامیاب رہا،عبدالرزاق نے کہا کہ امید کرتاہوں کشمیر پریمیئر لیگ کا دوسرا ایڈیشن کامیابیوں کی بلندیوں کو چھوئے گا،

    چئیرمین میر پور رائلز ڈاکٹر عبد الواجد نے تقریب سے خطاب کرتے ہوئے کہا کہ کشمیر ہماری شہ رگ ہے ہم کشمیر کے نوجوانوں کو کھیل کے میدانوں میں بہت آگے دیکھنا چاہتے ہیں ۔میرا تعلق صحت کے شعبہ سے ہے اور صحت کے شعبہ میں ملک کی خدمت میرا عزم ہے ۔ صحت مند معاشرےکے لئیے کھیلوں کے میدان آباد کرنا ہوں گے۔ اسی لئیے ہم نے فیصلہ کیا کہ کشمیر پریمئیر لیگ کی ٹیم میر پور رائلز ٹیم کو اپنایا ۔ ہم کشمیر کے کھلاڑیوں کی بھرپور انداز میں کوچنگ کریں گے ان کو کرکٹ کے میدانوں میں انٹرینشنل لیول پر لے کر جائیں گے ۔ میر پور رائلز میر پور کی کے باسیوں کی ٹیم ہے میں کشمیر پریمئیر لیگ انتظامیہ اور کرکٹ کے دلدادہ دوستوں کو مشکور ہوں انہوں نے میر پور رائلز ٹیم حاصل کرنے میں میرق ساتھ دیا

    صدر کشمیر پریمیئرلیگ عارف ملک کا تقریب سے خطاب کرتے ہوئے کہنا تھا کہ میرپور رائلز کی نئی انتظامیہ کو کے پی ایل میں خوش آمدید کہتاہوں مجھے امید ہے کہ ڈاکٹر عبدالواجد کی قیادت میں میرپور رائل پہلے سے بہتر انداز میں کے پی ایل میں اپنا مثبت کردار ادا کرے گی۔ صدر کے پی ایل کامزید کہنا تھا کہ پہلے سیزن کی کامیابی کے بعد ہم اپنے شائقین سے وعدہ کرتے ہیں کہ پی پی ایل کا سیزن ٹو اور بھی زیادہ منفرد اور کامیاب ہوگا

  • عبدالرزاق قومی ٹیم کو تمام فارمیٹس میں نمبر ون دیکھنے کے خواہشمند

    عبدالرزاق قومی ٹیم کو تمام فارمیٹس میں نمبر ون دیکھنے کے خواہشمند

    لاہور:قومی ٹیم کے سابق آل راؤنڈر عبدالرزاق کا کہنا ہے کہ پاکستان کرکٹ ٹیم تمام فارمیٹس میں نمبر ون مقام حاصل کرنے کی صلاحیت رکھتی ہے۔

    پاکستان کرکٹ ٹیم کے سابق آل راؤنڈر عبدالرزاق کا کہنا ہے کہ پاکستانی ٹیم حالیہ دنوں میں غیر معمولی کارکردگی کا مظاہرہ کر رہی ہے، سچ کہوں تو میں یہ صرف اس لیے نہیں کہہ رہا کیونکہ میں پاکستان سے ہوں بلکہ ہمیں رینکنگ میں بھی نمبر 1 ہونا ہے۔

    انہوں نے کہا کہ جس طرح سے ہم تینوں شعبوں میں کارکردگی دکھا رہے ہیں جبکہ بیٹنگ، باؤلنگ اور فیلڈنگ میں ہماری ٹیم کا اتحاد مثالی ہے۔

    ان کا کہنا تھا کہ پاکستانی ٹیم نے آسٹریلیا کے خلاف ون ڈے سیریز میں شاندار کارکردگی کا مظاہرہ کیا جبکہ دورہ کرنے والی ویسٹ انڈیز کی ٹیم کو بھی ٹی ٹوئنٹی اور ون ڈے دونوں سیریز میں وائٹ واش کیا اور اس سے قبل ٹی ٹوئنٹی ورلڈ کپ کے سیمی فائنل تک رسائی حاصل کی تھی۔

    آسٹریلیا میں ہونے والے ٹی ٹوئنٹی ورلڈ کپ کے بارے میں بات کرتے ہوئے عبدالرزاق نے کہا کہ پاکستان میں ٹاپ پر پہنچنے کی صلاحیت ہے۔مجھے پوری امید ہے کہ آئندہ آئی سی سی ٹورنامنٹس میں پاکستانی ٹیم کارکردگی دکھائے گی اور ٹاپ پر رہے گی۔

    سابق آل راؤنڈر کا کہنا تھا کہ بابر اعظم کو پہلے ہی ٹی ٹوئنٹی اور ون ڈے کی بلے بازوں کی فہرست میں نمبر ون درجہ دیا جاتا ہے جبکہ وہ اپنی کارکردگی کی بنیاد پر جلد ہی ٹیسٹ کرکٹ میں بھی نمبر ون پوزیشن حاصل کر لیں گے۔یہ ان کے ڈیلیور کرنے کا وقت ہے، وہ گذشتہ 4،5 سالوں سے پرفارم کررہے اور مجھے امید ہے کہ وہ اسی رفتار کو جاری رکھیں گے اور تمام فارمیٹس میں نمبر ون بن جائیں گے۔

     

    رواں سال آسٹریلیا اور ویسٹ انڈیز کے خلاف ہوم سیریز میں بابر کی کارکردگی پر عبدالرزاق نے کہا کہ، اگر وہ اسی طرح کھیلتے رہے تو یہ پاکستان ٹیم اور پاکستان کی کرکٹ کے لیے اچھا ہوگا۔

  • آئر لینڈ کو دوسرے ون ڈے میں بھی نیوزی لینڈ کے ہاتھوں شکست

    آئر لینڈ کو دوسرے ون ڈے میں بھی نیوزی لینڈ کے ہاتھوں شکست

    کیوی بیٹرز کی بہترین بلے بازی اور کیوی بولرز کی شاندار کارکردگی کی بدولت نیوزی لینڈ نے آئر لینڈ کو دوسرے ون ڈے میں شکست دے دی۔

    نیوزی لینڈ نے ٹاس جیت کر آئرلینڈ کو پہلے بیٹنگ کا موقع دیا، آئرش اوپنر پال اسٹرلنگ بنا کسی اسکور کے پویلین سدھار گئے، پانچ کے مجموعی اسکور پر کپتان اینڈی بھی داغ مفارقت دے گئے۔

    اینڈی میک برائن اور کرٹس کیمفرنے ٹیم کو سہارا دینے کی کوشش کی لیکن کیوی بولرز کے سامنے ان کی مزاحمت زیادہ دیر نہ چل سکی۔

    جارج ڈوکریل اور مارک ایڈیر نے ٹیم کے اسکور کو قابل عزت ٹوٹل تک پہنچانے میں اہم کردار ادا کیا، جارج ڈوکریل نے 74 رنز کی خوبصورت اننگ کھیلی۔

    آئر لینڈ کی ٹیم 48 اوورز میں 216 رنز ہی بنا سکی۔نیوزی لینڈ کی جانب سے میٹ ہینری، بریسویل اور سینتھر نے دو، دو وکٹیں حاصل کی۔

    پہلے ون ڈے میچ میں انگلینڈ بھارت کے خلاف اپنے کم ترین اسکور پر آؤٹ ہوگیا۔

    اوول کے میدان میں مہمان ٹیم بھارت نے ٹاس جیت کر پہلے فیلڈنگ کرنے کا فیصلہ کیا جو کہ بالکل درست ثابت ہوا ۔انگلینڈ کی ٹاپ بیٹنگ لائن اپ میں سے 4 کھلاڑی صفر پر ہی آؤٹ ہوگئے۔دوسرے ہی اوور میں جیسن روئے اور جو روٹ جبکہ تیسرے اوور میں بین اسٹوکس بغیر کھاتہ کھولے ہی پویلین لوٹ گئے۔

    آٹھویں اوور میں 26 کے مجموعی اسکور پر انگلینڈ کی آدھی ٹیم پویلین لوٹ چکی تھی۔جونی بیئر اسٹو 7 اور لیام لیونگ اسٹون صفر پر آؤٹ ہوئے۔

    بعد ازاں کپتان جوز بٹلر نے معین علی کے ساتھ مل کر 27 رنز کی شراکت قائم کرکے ٹیم کو کچھ سنبھالا تاہم معین علی 14 رنز بناکر چلتے بنے۔جوز بٹلر بھی 59 کے مجموعی اسکور پر 30 رنز بناکر آؤٹ ہوگئے۔68 کے مجموعی اسکور پر کریگ اوورٹن 8 رنز بناکر آؤٹ ہوئے۔اس کے بعد برائڈن کارس اور ڈیوڈ ویلی نے شراکت قائم کرکے اسکور 103 تک پہنچا دیا۔

    برائڈن کارس 15 رنز بناکر آؤٹ ہوگئے جبکہ 110 کے مجموعی اسکور پر انگلینڈ کی آخری امید ڈیوڈ ویلی بھی 21 رنز بناکر آؤٹ ہوگئے۔ ریس ٹوپلی 6 رنز بناکر ناٹ آؤٹ رہے۔

    بھارت کی جانب سے جسپریت بمراہ نے 6، محمد شامی نے 3 اور پراسیدھ کرشنا نے ایک وکٹ حاصل کی۔
    واضح رہے کہ یہ انگلینڈ کا بھارت کے خلاف ون ڈے میچ میں سب سے کم ترین اسکور ہے۔اس سے قبل انگلینڈ کا بھارت کے خلاف ون ڈے میچ میں کم ترین اسکور 125 رنز تھا جو اس نے 2006 کی چیمپئنز ٹرافی میں بنایا تھا۔

    یہاں یہ بات بھی قابل ذکر ہے کہ 2019 کے ورلڈکپ فائنل کے بعد یہ پہلا موقع ہے جب جیسن روئے، بین اسٹوکس، جو روٹ، جوز بٹلر اور جونی بیئر اسٹو ایک ساتھ ون ڈے میچ کھیل رہے ہیں۔

    بھارت کے ایک میڈیا ہاؤس کے مطابق ایشین کرکٹ کونسل نے ایشیا کپ کے لئے بنگلہ دیش کو متبادل میزبان مقرر کر دیا ہے۔تفصیلات کے مطابق سری لنکا میں کچھ عرصے سے جاری سیاسی اور اقتصادی صورت حال غیر مستحکم ہے اور ملک بدامنی کا شکار ہے۔

    جزیرہ اس سال ایشیا کپ کی میزبانی کرنے والا ہے اور کرکٹ بورڈ اس ایونٹ کو آگے بڑھانے کے لیے تیار ہے، مگر اس ایونٹ کے انعقاد پر خدشات کے گہرے بادل چھائے ہوئے ہیں۔

    تاہم بھارت کے ایک میڈیا ہاؤس نے خبر دی ہے کہ ایشین کرکٹ کونسل نے سری لنکا میں صورتحال مزید خراب ہونے کی صورت میں بنگلہ دیش کو بیک اپ وینیو کے طور پر نامزد کیا ہے.

    بھارتی میڈیا کی رپورٹ کے مطابق ایشین کرکٹ کونسل اس ماہ کے آخر میں ایشیا کپ کے مقام کے حوالے سے حتمی فیصلہ کرے گا۔

    حالانکہ اسٹیڈیم کے قریب ہونے والے تمام مظاہروں کے باوجود آسٹریلیا سیریز بغیر کسی تاخیر کے کامیابی سے منعقد ہوئی۔ آسٹریلیا نے تین ٹی ٹوئنٹی، پانچ ون ڈے اور دو ٹیسٹ میچ کھیلے۔

    تازہ ترین بڑا احتجاج چند روز قبل اس وقت ہوا جب عوام نے ایوان صدر میں گھس کر توڑ پھوڑ کی، اس لیے صدر سے بھی استعفیٰ متوقع ہے، جبکہ پاکستان کرکٹ ٹیم بھی سیریز کے لیے وہاں موجود ہے۔

    بھارتی میڈیا کے مطابق ایشین کرکٹ کونسل چاہتا ہے کہ کھلاڑی محفوظ ماحول میں کرکٹ کھیلیں اور اس معاملے میں کوئی خطرہ مول لینے کو تیار نہیں ہے۔

    ایشیا کپ کا آغاز 27 اگست سے متوقع ہے جس میں پانچ ٹیمیں پہلے ہی کنفرم ہو چکی ہیں جن میں پاکستان، بھارت، سری لنکا، افغانستان اور بنگلہ دیش شامل ہیں۔چھٹے نمبر کے لیے کوالیفائر متحدہ عرب امارات، کویت، سنگاپور اور ہانگ کانگ کے درمیان ہوگا۔

  • مجھے نہیں سمجھ آتی کہ ٹیم سے مجھے کیوں ڈراپ کیا گیا،عماد وسیم

    مجھے نہیں سمجھ آتی کہ ٹیم سے مجھے کیوں ڈراپ کیا گیا،عماد وسیم

    قومی کرکٹ ٹیم کے آل راؤندڑ عماد وسیم نے کہا ہے کہ ورلڈ کپ کے بعد سے میں کوئی میچ نہیں کھیلا، مجھے نہیں سمجھ آتی کہ ٹیم سے مجھے کیوں ڈراپ کیا گیا-

    باغی ٹی وی : کرکٹ پاکستان کو دیئے گئے انٹرویو میں انہوں نے کہا کہ مجھے ٹیم سے ڈراپ کرنے کی کوئی وجوہات نہیں بتائی گئی اور جو کچھ بھی کہا گیا اس سے میں غیر مطمئن ہوں سنٹرل کانٹریکٹ کے اعلان کے بعد میں نے خود ٹیم انتظامیہ سے رابطہ کیا تھا، بعض اوقات وہ مجھے جواب دے دیتے ہیں اور کبھی نہیں بھی دیتے۔

    نواک جوکوویچ نے ومبلڈن کا ٹائٹل ساتویں مرتبہ جیت لیا

    عماد وسیم نے کہا کہ میری عمر 33 برس ہے ابھی میرے میں بہت کرکٹ باقی ہے، میں مزید چار پانچ سال کھیلنا چاہتا ہوں پسند نا پسند ہر جگہ ہوتی ہے یہ نیچرل ہے لیکن میری درخواست ہے کہ ٹیم کے انتخاب سے قبل کھلاڑی کی صلاحیتوں کو ضرور مندنظر رکھا کریں۔

    ان کا کہنا تھا کہ بابراعظم کو کراچی کنگز کی کپتانی دیئے جانے سے پہلے مجھ سے مشاورت کی گئی تھی۔

    سری لنکا اور آسٹریلیا کے درمیان گال ٹیسٹ کے دوران طوفانی بارش،گرینڈ اسٹینڈ گر گیا

  • نواک جوکوویچ نے ومبلڈن کا ٹائٹل ساتویں مرتبہ جیت لیا

    نواک جوکوویچ نے ومبلڈن کا ٹائٹل ساتویں مرتبہ جیت لیا

    ومبلڈن: سربیا کے نواک جوکوویچ نے ومبلڈن جیت لیا۔انہوں نے ساتویں مرتبہ ومبلڈن اپنے نام کیا ہے جبکہ نواک جوکوویچ نے مسلسل چوتھی بار ٹائٹل جیتا ہے۔

    باغی ٹی وی : سربیا کے ٹینس اسٹار نوواک جوکووچ اور نوجوان آسٹریلین پلیئر نک کیریوس کے درمیان ومبلڈن چیمپئن شپ کا فائنل تین گھنٹے تک جاری رہا جس میں جوکووچ نے چار سیٹس کے مقابلے میں کامیابی حاصل کی۔

    ومبلڈن 2022: ویمینز سنگلز ٹائٹل ایلینا رائباکینا کے نام


    سربیا کے ٹینس اسٹار نے تین گھنٹے تک جاری رہنے والا یہ میچ مجموعی طور پر 1-3 سے جیتا نک کیریوس نے پہلا سیٹ4-6 سے جیتا، نوواک جوکووچ نے 3-6 سے دوسرا سیٹ جیت کر مقابلہ برابر کیا اور پھر تیسرے سیٹ میں4-6 کی فتح کے ساتھ فائنل میں برتری حاصل کرلی۔

    آئی سی سی ٹی ٹوئنٹی ورلڈکپ ایونٹ میں اب صرف 100 دن باقی رہ گئے:کاونٹ ڈاون شروع

    چوتھے سیٹ میں دونوں کے درمیان سنسنی خیز مقابلہ ہوا جو نوواک جوکووچ نے بھرپور تجربےکا مظاہرہ کرتے ہوئے 6-7 سے جیت لیا نوواک جوکوویچ نے اپنے کیریئر میں ساتویں مرتبہ ومبلڈن ٹائٹل جیتا ہے جب کہ وہ سب سے زیادہ مرتبہ یہ ایونٹ جیتنے والوں میں مشترکہ طور پر دوسرے نمبر پر ہیں۔

    سربیئن ٹینس اسٹار نے کیریئر میں 21 واں گرینڈ سلیم ٹائٹل اپنے نام کیا ہے انہوں نے اس کے ساتھ ہی سوئٹزر لینڈ کے راجر فیڈررکو پیچھے چھوڑ دیا ہےاکیس گرینڈ سلیم جیتنے کے بعد جوکوویچ نڈال کے ریکارڈ سے ایک ٹائٹل کی دوری پر ہیں۔

    واضح رہے کہ نواک جوکوویچ ، نڈال اور فیڈرر کی تکون 63 گرینڈ سلیم جیت چکی ہے۔

    پی ایف بی کے صدرکی وفد کے ہمراہ مہاتیر محمد سے ملاقات

  • قومی ٹیسٹ ٹیم نے عید الاضحیٰ کی نماز کولمبو میں ادا کی

    قومی ٹیسٹ ٹیم نے عید الاضحیٰ کی نماز کولمبو میں ادا کی

    کولمبو: سری لنکا کے دورے پر گئی قومی ٹیسٹ ٹیم نے عید الاضحیٰ کی نماز کولمبو میں ادا کی۔

    باغی ٹی وی : پاکستان کرکٹ بورڈ( پی سی بی) کی جانب سے سماجی رابطے کی ویب سائٹ ٹوئٹر پر قومی کھلاڑیوں کی نماز عید کے بعد ایک دوسرے کو مبارکباد دینے اور بغلگیر ہونے کی ویڈیو شیئر کی گئی ہے۔


    قومی ٹیم کے سابق کپتان سرفراز احمد نے عید کی نماز پڑھائی اور ایک دوسرے کو مبارکباد دی نماز عید کی ادائیگی کے فوری بعد قومی کرکٹرز ٹریننگ سیشن کے لیے اسٹیڈیم پہنچ گئے۔


    پی سی بی کی جانب سے قومی کھلاڑیوں کے پریکٹس سیشن کی تصاویر بھی سوشل میڈیا پر پوسٹ کی گئی ہیں۔


    یاد رہے کہ قومی ٹیم کا گزشتہ روز کا ٹریننگ سیشن سری لنکا میں ہونے والے پرتشدد مظاہروں کی وجہ سے منسوخ کر دیا گیا تھا تاہم آج سری لنکا میں حالات معمول کے مطابق ہونے کے بعد قومی کھلاڑی پریکٹس سیشن میں حصہ لے رہے ہیں۔

    واضح رہے کہ پاکستان کرکٹ بورڈ (پی سی بی) نے سری لنکا میں کشیدہ صورتحال پر موجود قومی ٹیم انتظامیہ اور سری لنکن بورڈ حکام سے رابطہ کیا تھا ترجمان پی سی بی کے مطابق پی سی بی حکام نے ٹیم انتظامیہ سے کھلاڑیوں کی سیکیورٹی اور دیگر امور پر بات کی پی سی بی سری لنکن بورڈ اوروزارت خارجہ سے رابطے میں ہے پاکستانی ٹیم شیڈول کے مطابق سری لنکا کیخلاف میچز کھیلےگی۔ آسٹریلین ٹیم بھی سری لنکا میں موجود ہے۔

    ملک بھر میں عید الاضحی مذہبی جوش و جذبے سے منائی جا رہی ہے،مسلمان سنت ابراہیمی میں…

  • ومبلڈن 2022: ویمینز سنگلز ٹائٹل ایلینا رائباکینا کے نام

    ومبلڈن 2022: ویمینز سنگلز ٹائٹل ایلینا رائباکینا کے نام

    لاہور:ومبلڈن 2022، ویمینز سنگلز ٹائٹل ایلینا رائباکینا کے نام،اطلاعات کے مطابق ومبلڈن 2022 کے ویمینز سنگلز کے فائنل میچ میں ایلینا رائباکینا نے انس جابر کو شکست دے کر گرینڈ سلم ٹائٹل اپنے نام کر لیا۔

    تفصیلات کے مطابق رائباکینا نے فائنل میں 3-6، 6-2 اور 6-2 سے اپنے کیرئیر کی پہلی گرینڈ سلم ٹرافی ہاتھوں میں تھامی۔ایلینا رائباکینا قازقستان کی پہلی کھلاڑی بن گئیں جنہوں نے ومبلڈن فائنل میں تیونس کی تھرڈ سیڈ انس جابر کو شکست دے کر گرینڈ سلیم ٹائٹل جیتا۔

    قازقستان سے تعلق رکھنے والی ایلینا رائباکینا ومبلڈن کی تاریخ میں 2011 کے بعد سب سے کم عمر ومبلڈن سنگلز کی چمپئین قرار پائی ہیں.
    پہلے سیٹ میں انس جابر نے جارحانہ کھیل پیش کیا جس کی وجہ سے ایلینا کچھ دیر کے لیے دباؤ میں آ گئی تھی، لیکن ایلینا نے سنبھلنے میں دیر نہیں لگائی۔

    ماسکو میں پیدا ہونی والی ایلینا رائباکینا کی کامیابی ایک ایسے سال ہوئی جب ومبلڈن انتظامیہ نے روسی کھلاڑیوں کی ومبلڈن کھیلنے پر پابندی عائد کر رکھی ہے۔

    قازقستان سے زیادہ مالی امداد حاصل کرنے کے بعد 2018 میں وفاداری تبدیل کرنے والی ریباکینا کو ڈچس آف کیمبرج نے وینس روز واٹر ڈش پیش کی، جس نے یوکرین کی لڑائی کی عوامی حمایت کی ہے۔تیونس کی کھلاڑی انس جابر نے چھٹے گیم میں تین بریک پوائنٹس ضائع کیے کیونکہ ان کی مایوسی بڑھ گئی اور یہی ان کے لیے آخری موقع ثابت ہوا۔