Category: کھیل

پی ایس ایل دیکھنے والوں کو فری ماسک دینے کا اعلان
کمشنر لاہور کیپٹن ر محمد عثمان اور چئرپرسن پی سی بی رمیز راجہ کے درمیان اہم ملاقات ہوئی

ملاقات میں پی ایس ایل میچز انتظامات پر تبادلہ خیال کیا گیا،پی ایس ایل میچزکمشنر لاہور اور پی سی بی حکام کے درمیان ایم او یو طے پایا ہے، پی ایس ایل میچز منتظمین و شائقین کو کووڈ ماسکس فراہم کرنے کیلیے ایم او یو پر دستخط کئے گئے ہیں، کمشنر لاہور کیپٹن ر محمد عثمان اور سی ای او پی سی بی فیصل حسنین نے ایم او یو پر دستخط کیے

کمشنر لاہور کیپٹن ر محمد عثمان کا کہنا تھا کہ لاہور ویئرز ماسک مہم کے تحت پی سی بی کو 1 لاکھ ماسک فراہم کیے جائیں گے۔ پی سی بی کو 2 لاکھ ماسک آج فراہم کر دینگے کل۔20 لاکھ فراہم کریں گے۔ قذافی سٹیڈیم کے ہر انکلوزر میں ماسک کاونٹرز لگیں گے۔ شائقین کو فری فراہم ہونگے۔ لاہور میں میچز کے انعقاد کیلئے کووڈ حفاظتی اقدامات کے بہترین انتظامات ہیں۔ کوویڈ ایس اوپیز پر عملدرآمد کو یقینی بنا کر صحتمند ماحول میں میچز کا انعقاد ہوگا۔ لاہور میں پاکستان سپر لیگ سیزن 7 میچز کیلئے بہترین انتظامات کیے گئے ہیں۔ این سی او سی کی ہدایات کیمطابق پی ایس ایل میچز کا انعقاد ہوگا۔

پی ایس ایل سیون کیلئے نیشنل ہاکی سٹیڈیم میں عارضی ہسپتال قائم

محکمہ سپورٹس پنجاب کے تعاو ن سے پی ایس ایل سیون کیلئے نیشنل ہاکی سٹیڈیم میں 20بیڈز پر مشتمل عارضی ہسپتال قائم کردیا گیا

ہسپتال میں مختلف ٹیسٹ کی سہولت اور میڈیسن بھی دستیاب ہوں گی ہسپتال میں سینئر ڈاکٹرزاور نرسز سٹاف موجود ہوں گے ڈی جی سپورٹس پنجاب جاوید چوہان کا کہنا ہے کہ محکمہ سپورٹس پنجاب نے پی ایس ایل سیون کے انعقاد کے حوالے سے تمام انتظامات مکمل کرلئے، نیشنل ہاکی سٹیڈیم میں کنٹرول قائم کردیا گیا ہے، کنٹرول روم میں تمام اداروں کے فوکل پرسن موجود ہوں گے،صفائی اور لائٹنگ کے انتظامات بھی مکمل لئے گئے ہیں،سپورٹس بورڈ پنجاب اور سٹی ڈسٹرکٹ گورنمنٹ کے 472کیمروں سے مانیٹرنگ کی جارہی ہےپی ایس ایل سیون کرکٹ کے فروغ کیلئے سنگ میل ثابت ہورہاہے،

دوسری جانب پاکستان کرکٹ بورڈ نے ایچ بی ایل پی ایس ایل 7 کے پہلے مرحلے میں بھرپور تعاون کرنے پر کراچی کے شائقینِ کرکٹ، ضلعی انتظامیہ اور قانون نافذ کرنے والے اداروں کا شکریہ ادا کیا ہے۔لیگ کا پہلا مرحلہ 27 جنوری سے 7 فروری تک نیشنل اسٹیڈیم کراچی میں کھیلا گیا۔

ڈائریکٹر ایچ بی ایل پی ایس ایل 7 سلمان نصیر کا کہنا ہے کہ کراچی میں کھیلے گئے ایچ بی ایل پی ایس ایل 7 کے پہلے مرحلے کے دوران بھرپور تعاون کرنے پر وہ پی سی بی کی جانب سے تمام سول اور سیکیورٹی ایجنسیز کا شکریہ ادا کرنا چاہتے ہیں، جنہوں نے میچز کے کامیاب انعقاد کے لیے ایک محفوظ ماحول فراہم کیا۔

انہوں نے کہا کہ وہ اس موقع پر اسٹیڈیم کا رخ کرنے والے تمام تماشائیوں کو بھی مبارکبادپیش کرنا چاہتے ہیں جنہوں نے محدود تعداد میں داخلے کی اجازت کے باوجود نیشنل اسٹیڈیم کراچی میں زبردست کرکٹ ماحول بنائے رکھا۔ اس دوران شہر کراچی کے باسیوں نے میدان میں پھینکی گئی ہر گیند کو خوب سراہااور اس ایونٹ سے پوری قوم کی جذباتی وابستگی کی بھرپور عکاسی کی۔

سلمان نصیر نے کہا انہیں علم ہے کہ قواعد کے مطابق بارہ سال سے کم عمر بچوں کو اسٹیڈیم میں داخلے کی اجازت نہیں تھی مگر انہیں یقین ہے کہ 12 سے 16 مارچ تک نیشنل اسٹیڈیم کراچی میں شیڈول پاکستان بمقابلہ آسٹریلیا ٹیسٹ میچ کے لیے ہر عمر کے تماشائیوں کو اسٹیڈیم میں داخلے کی اجازت ہوگی۔

انہوں نے مزید کہا کہ پی سی بی اپنے مداحوں کی قدر اور ان کا احترام کرتا ہے۔وہ اس موقع پر ایونٹ کے پہلے مرحلے میں انتھک محنت سے اپنی ذمہ داریاں ادا کرنے والے پی سی بی کے تمام عملہ کا شکریہ ادا کرنا چاہتے ہیں۔

قبل ازیں ٹریفک کی موثر روانی اور آگاہی کیلئے ٹریفک پلان جاری کر دیا گیاسی ٹی او لاہور منتظر مہدی کا کہنا ہے کہ مجموعی طور پر 11 ڈی ایس پیز، 90 انسپکٹرز فرائض سرانجام دیں گے، کرکٹ ٹیموں کے روٹس اور متبادل راستوں پر 700 سے زائد وارڈنز تعینات ہونگے، رانگ پارکنگ کے خاتمے کیلئے 20فورک لفٹرز، 5بریک ڈاؤنز بھی تعینات ہونگے، شائقین کرکٹ کی سہولت اور باآسانی اسٹیڈیم تک رسائی کیلئے 05 پارکنگ اسٹینڈز مختص کئے گئے ہیں، پارکنگ اسٹینڈز سے شٹل سروس کے ذریعے شائقین کرکٹ قذافی اسٹیڈیم پہنچ سکیں گے، سٹی ٹریفک پولیس روائتی انداز میں شائقین کرکٹ کو خوش آمدید کہے گی،کینال روڈ، جیل روڈ، وحدت روڈ، ایم ایم عالم روڈ ٹریفک کیلئے کھلی رہیں گیں، راستہ ایپ،راستہ ایف ایم 88.6 کے ذریعے شہریوں کو ٹریفک کی بدلتی صورتحال سے آگاہ رکھا جائیگا، شہر ی مزید راہنمائی اور مدد کیلئے ہیلپ لائن15پر کال کرسکیں گے،

پی ایس ایل،ٹریفک کی موثر روانی اور آگاہی کیلئے ٹریفک پلان جاری
عوامی سہولت، ٹریفک کی موثر روانی اور آگاہی کیلئے ٹریفک پلان جاری کر دیا گیا

سی ٹی او لاہور منتظر مہدی کا کہنا ہے کہ مجموعی طور پر 11 ڈی ایس پیز، 90 انسپکٹرز فرائض سرانجام دیں گے، کرکٹ ٹیموں کے روٹس اور متبادل راستوں پر 700 سے زائد وارڈنز تعینات ہونگے، رانگ پارکنگ کے خاتمے کیلئے 20فورک لفٹرز، 5بریک ڈاؤنز بھی تعینات ہونگے، شائقین کرکٹ کی سہولت اور باآسانی اسٹیڈیم تک رسائی کیلئے 05 پارکنگ اسٹینڈز مختص کئے گئے ہیں، پارکنگ اسٹینڈز سے شٹل سروس کے ذریعے شائقین کرکٹ قذافی اسٹیڈیم پہنچ سکیں گے، سٹی ٹریفک پولیس روائتی انداز میں شائقین کرکٹ کو خوش آمدید کہے گی،کینال روڈ، جیل روڈ، وحدت روڈ، ایم ایم عالم روڈ ٹریفک کیلئے کھلی رہیں گیں، راستہ ایپ،راستہ ایف ایم 88.6 کے ذریعے شہریوں کو ٹریفک کی بدلتی صورتحال سے آگاہ رکھا جائیگا، شہر ی مزید راہنمائی اور مدد کیلئے ہیلپ لائن15پر کال کرسکیں گے،

ڈیوس چوک سے جانب گورنرہاؤس چوک تک کا انٹرسیکشن ٹریفک کیلئے بند ہوگا، میچ کے دوران اچھرہ پل سے جانب کلمہ چوک تک کا انٹرسیکشن ٹریفک کیلئے بند رہے گا، کلمہ چوک انڈرپاس، سنٹر پوائنٹ سے فردوس مارکیٹ روڈ بھی ہرقسم کی ٹریفک کےلئے کھلے ہونگے، برکت مارکیٹ سے انڈرپاس کلمہ، سنٹر پوائنٹ، فردوس مارکیٹ، کینٹ ڈیفنس کھلے ہیں ٹیم کی موومنٹ کے دوران روڈز کو کچھ لمحوں کےلئے بند کیا جائے گا،موومنٹ گزرتے ہی تمام ڈائیورشن کو ٹریفک کےلئے کھول دیا جائےگا، مزنگ فیروز پور روڈ سے قصور /کینٹ جانے والی ٹریفک کو مسلم ٹاؤن موڑ سے جانب وحدت روڈبجھوایا جائےگا،وحدت روڈ سے برکت مارکیٹ، سنیٹر پوائنٹ، فردوس مارکیٹ، ڈیفنس موڑ، والٹن روڈ بجھوایا جائیگا،پریشانی سے بچنے کیلئے ان ہدایات پر عمل کریں

چنگ چی اور آٹو رکشے LNG/LPGاور CNG گاڑیوں کا پارکنگ ایریا میں داخلہ ممنوع ہے،گاڑی میں موجود تمام افراد کے پاس شناختی کارڈ اورتمام افراد کے پاس میچ کی ٹکٹیں اور کورونا سرٹیفکیٹ ہونا لازمی ہے ،شہری قذافی اسٹیڈیم کی طرف غیر ضروری سفر سے گریز کریں،پارکنگ اور اسٹیڈیم میں داخلے کیلئے ٹریفک کے عملے سے رہنمائی لیں،ٹریفک کی بدلتی صورتحال سے ہمہ وقت آگاہ رہنے کیلئے راستہ ایپ اور راستہ ایف ایم سنتے رہیں،

واضح رہے کہ ایچ بی ایل پی ایس ایل7 کے دوسرے مرحلے کے لیے ٹیمیں آج سے لاہور میں ٰڈیرے ڈالیں گی۔ اسلام آباد یونائیٹڈ، پشاور زلمی اور ملتان سلطانز آج لاہور پہنچیں گی جب کہ لاہور قلندرز کوئٹہ گلیڈی ایٹرز اور کراچی کنگز کی آمد منگل کو ہوگی ٹیمیں این ایچ پی سی اور ایل سی سی اے گراونڈ میں ٹریننگ کریں گی جب کہ پی ایس ایل کا دوسرا مرحلہ 10 فروری سے لاہور میں شروع ہو گا

محمد حسنین کے باؤلنگ ایکشن کے حوالے سے پی سی بی کا اعلامیہ جاری

محمد حسنین کا باؤلنگ ایکشن ٹیسٹ 21 جنوری کو لاہور میں واقع آئی سی سی سے ایکریڈیٹڈ لیب میں کیا گیا ، جس کا جائزہ لینے کے بعد کرکٹ آسٹریلیا کے ماہرین نےفاسٹ باؤلر کے باؤلنگ ایکشن کو غیرقانونی قرار دیا ہے۔ اس حوالے سے پی سی بی کا بیان مندرجہ ذیل ہے:

"پی سی بی کو کرکٹ آسٹریلیا سے محمد حسنین کے باؤلنگ ایکشن کی ایک مفصل جائزہ رپورٹ آج موصول ہوئی ہے، جس میں بتایا گیا ہے کہ گڈ لینتھ اورفُل لینتھ ،باؤنسر اور سلو باؤنسر کی ڈیلیوریز پھینکتے وقت ان کے بازو کا خم 15 ڈگری کی حد سے تجاوز کررہا ہے۔

” اس رپورٹ کا جائزہ لینےاور اپنے باؤلنگ ماہرین سے تبادلہ خیال کرنے کے بعد پی سی بی کو یقین ہے کہ فاسٹ باؤلر کے باؤلنگ ایکشن میں یہ مسئلہ حل ہوسکتا ہے۔ پی سی بی اب ایک باؤلنگ کنسلٹنٹ کا تقرر کرے گا جو محمد حسنین کے ساتھ کام کرے گا تاکہ وہ اپنے باؤلنگ ایکشن کو درست کر سکیں اور دوبارہ جانچ کے لیے تیار ہوں۔

"محمد حسنین پاکستان کا اثاثہ اور ان چند باؤلرز میں شامل ہیں جو تسلسل سے 145 کلومیٹر کی رفتار سے گیند پھینکتے ہیں۔ لہٰذا ایچ بی ایل پی ایس ایل 7 کی ٹیکنیکل کمیٹی کی سفارش پرپی سی بی نےفیصلہ کیا ہے کہ محمد حسنین کو ایچ بی ایل پاکستان سپر لیگ میں مزید شرکت کی اجازت نہیں ہوگی۔

"غیر قانونی باؤلنگ ایکشن قوانین کے تحت اب جب تک محمد حسنین دوبارہ اپنے باؤلنگ ایکشن کا ٹیسٹ کلیئر نہیں کرلیتے، وہ بین الاقوامی کرکٹ میں بھی باؤلنگ سے معطل رہیں گے”

پاکستان کے ابھرتے ہوئے فاسٹ بولر محمد حسنین کے بولنگ ایکشن کو غیر قانونی قرار دیا جاچکا ہے، حسنین کے بولنگ ایکشن کی رپورٹ کرکٹ آسٹریلیا نے جاری کی حسنین کا بولنگ ایکشن جنوری میں آسٹریلیا کی بگ بیش لیگ کے دوران امپائر نے رپورٹ کیا تھا جس کے بعد لاہور کی لیبارٹری میں فاسٹ بولر کے بولنگ ایکشن کا ٹیسٹ ہوا، ابھرتے ہوئے اسپیڈ اسٹار نے 18 ٹی ٹوئنٹی اور 8 ون ڈے میچز کھیلے ہیں، اب وہ بولنگ ایکشن کی درستگی تک انٹرنیشنل کرکٹ سے بھی معطل رہیں گے محمد حسنین 75 ٹی ٹوینٹی انٹرنیشنل میچز کھیل چکے ہیں اور انہوں نے 92 وکٹیں حاصل کررکھی ہیں جبکہ پی ایس ایل میں محمد حسنین کوئٹہ گلیڈی ایٹرز کی نمائندگی کررہے تھے