Category: کھیل

شاہد آفریدی، جاوید میانداد، شعیب ملک اور ڈیرن سیمی بھی جونیئر کرکٹ لیگ کا حصہ ہوں گے۔

باغی ٹی وی : پاکستان جونیئر کرکٹ لیگ کا پہلا ایڈیشن یکم اکتوبر سے شروع ہوگا جس میں شاہد آفریدی، جاوید میانداد، شعیب ملک اور ڈیرن سیمی جوان کھلاڑیوں کی کوچنگ کریں گے۔

6⃣ major world titles between them
1⃣,5⃣5⃣9⃣ international appearances
4⃣3⃣,0⃣5⃣7⃣ runs
9⃣9⃣2⃣ wickets

Javed Miandad, Daren Sammy, Shahid Afridi and Shoaib Malik join the Pakistan Junior League as mentors! 🤩

Read more: https://t.co/Q3XrTttu7R pic.twitter.com/5fWaxjSm6y

— Pakistan Junior League (@ThePJLofficial) June 29, 2022

پاکستان کرکٹ بورڈ نے سابق کپتان جاوید میانداد کو پاکستان جونیئر لیگ کا مینٹور جبکہ اسٹار کرکٹر شاہد آفریدی، شعیب ملک اور ڈیرن سیمی کو پی جے ایل کے ابتدائی ایڈیشن کے لیے ٹیموں کا مینٹور مقرر کردیا ہے پی سی بی کی جانب سے مزید مینٹورز کابھی جلد اعلان کیا جائےگا۔

ون ڈے باؤلنگ رینکنگ میں شاہین شاہ آفریدی کی ایک درجہ ترقی

Grooming the superstars of tomorrow 👏@SAfridiOfficial is looking forward to being a team mentor in Pakistan Junior League that commences in October 🗓️ pic.twitter.com/d17xfK1gyG

— Pakistan Junior League (@ThePJLofficial) June 29, 2022

پاکستان جونیئر لیگ کے ٹوئٹر اکاؤنٹ پر شاہد آفریدی ،ڈیرن سیمی شعیب ملک نے ویڈیو پیغام جاری کیا ہےسابق کپتان شاہد آفریدی نے کہا کہ پاکستان سمیت دنیا بھر سے آئے ہوئے انڈر 19 کھلاڑی پاکستان جونیئر لیگ کا حصہ ہوں گے اس لیگ میں کھیلنے والے کھلاڑی ہمارے مستقبل کے سپر اسٹار ہوں گے میں بھی اس لیگ کا حصہ ہوں گا اور آپ سے اکتوبر میں ملوں گا۔

💬 It's going to be an October to remember 💬

Two-time @T20WorldCup winning skipper @darensammy88 can't wait to be involved in Pakistan Junior League 🤩 pic.twitter.com/2uZ1KqA5wN

— Pakistan Junior League (@ThePJLofficial) June 29, 2022

💬 This is exciting news for everyone 💬@realshoaibmalik is delighted to be a team mentor in Pakistan Junior League, the first-ever international league of its kind ✨ pic.twitter.com/QUeI5U6Cyc

— Pakistan Junior League (@ThePJLofficial) June 29, 2022

پاکستان کی جنوبی افریقہ کے خلاف ٹیسٹ سیریز کےلیے20رکنی ٹیم کا اعلان کر دیا گیا-

باغی ٹی وی : پاکستان کرکٹ ٹیم کے چیف سلیکٹر محمد وسیم نے 20 رکنی ٹیم کا اعلان کیا انہوں نے بتایا کہ بابر اعظم کپتان اور محمد رضوان نائب کپتان ہوں گے شاہین شاہ آفریدی ریڈ اینڈ وائٹ دونوں کی اے کیٹیگری میں شامل ہیں اور اکٹھے کنٹریکٹس سے چند کھلاڑیوں کو اہمیت نہیں دی جاتی ریڈ اور وائٹ بال میں فارمیٹ کو ترجیح دی جائے گی۔

ٹی ٹوئنٹی میچز کی میزبانی لاہور اور کراچی کو ملنے کا امکان:ذرائع

انہوں نے کہا کہ فاسٹ باؤلر محمد عباس ٹیم میں جگہ نہ بنا سکے جبکہ حارث سہیل اور شان مسعود کو جنوبی افریقہ کے خلاف سیریز سے ڈراپ کیاگیا ہےامام الحق ابھی ریڈ بال کرکٹ کےلیے تیار نہیں ہیں ریڈبال اوروائٹ بال دونوں فارمیٹ کوترجیح دی گئی ہےسینٹرل کنٹریکٹس میں 12 ماہ کی کارکردگی کو مدنظر رکھا گیا ہے ہمارا کیلنڈر مصروف جا رہا ہے اور دو الگ کنٹریکٹس ہوں گے۔ ریڈ بال اسکواڈ اور وائٹ الگ الگ ہو گا۔

📢 𝟯𝟯 players have received contracts in the improved men's central contracts list for 2022-23 📢

More details ➡️ https://t.co/esdhUAU8uv pic.twitter.com/CK5Vc2Sacg

— Pakistan Cricket (@TheRealPCB) June 30, 2022

چیف سلیکٹر نے کہا کہ ریڈ اور وائٹ بال کیٹگری میں مجموعی طور پر 33 کھلاڑی شامل ہیں۔ کپتان سمیت 5 کھلاڑیوں کو ریڈ اور وائٹ بال کنٹریکٹ مل گئے ہیں 10 کھلاڑیوں کو ریڈ بال کنٹریکٹ دیا گیا ہے اور 11 کھلاڑیوں کو وائٹ بال کنٹریکٹ ملا ہے۔

ون ڈے باؤلنگ رینکنگ میں شاہین شاہ آفریدی کی ایک درجہ ترقی

انہوں نے کہا کہ ڈومیسٹک کرکٹ میں اچھی کارکردگی والے 7 کھلاڑی ایمرجنگ کیٹگری کا حصہ ہیں جبکہ اظہر علی ریڈ بال کنٹریکٹ کی اے اور فواد عالم بی کٹیگری میں شامل ہیں ،عبداللہ شفیق، نسیم شاہ اور نعمان علی ریڈ بال کی سی کٹیگری کا حصہ ہیں –

چیف سیلیکٹر نے کہا کہ ڈی کٹیگری میں عابد علی، سرفراز احمد، سعود شکیل، شان مسعود اور یاسر شاہ شامل ہیں فخر زمان اور شاداب خان وائیٹ بال کنٹریکٹ کی کٹیگری اے میں شامل ہیں اور حارث رؤف بی اور محمد نواز کٹیگری سی کا حصہ ہیں۔

محمدوسیم نے کہا کہ آصف علی، حیدر علی، خوشدل شاہ، محمد وسیم جونیئر، شاہنواز دھانی، زاہد محمود اور عثمان قادر کٹیگری ڈی میں شامل ہیں۔علی عثمان، حسیب اللہ،کامران غلام،محمد حارث ،محمد حریرہ، قاسم اکرم اور سلمان علی آغا ایمرجنگ کنٹریکٹ کا حصہ ہوں گے۔

سہ فریقی ٹی ٹونٹی سیریز کے شیڈول کا اعلان

لاہور:مختلف ویب سائٹ کی رپورٹس کے مطابق ٹی ٹوئنٹی ورلڈ کپ سے قبل ٹی ٹوئنٹی میچز کے لئے لاہور اور کراچی کا میزبانی ملنے کا امکان ہے۔تفصیلات کے مطابق مختلف سائٹس کی رپورٹس میں کہا گیا ہے کہ اس سال آسٹریلیا میں ہونے والے ٹی ٹوئنٹی ورلڈ کپ سے قبل لاہور اور کراچی انگلینڈ کی سات ٹی ٹوئنٹی میچوں کی میزبانی کرنے کا امکان ہے.

انگلینڈ کی مرد اور خواتین دونوں ٹیموں کو اصل میں وائٹ بال میچز کے لیے گزشتہ سال پاکستان کا دورہ کرنا تھا لیکن کھلاڑیوں کی ذہنی اور جسمانی صحت کی وجہ سے دورہ منسوخ کر دیا گیا۔تاہم، اس دورے کو دوبارہ شیڈول کیا گیا تھا کیونکہ انگلینڈ کو اب ورلڈ کپ سے قبل سات ٹی ٹوئنٹی میچز میں پاکستان سے کھیلنے والا ہے۔

رپورٹ کے مطابق بورڈ نے میچز ملتان اور فیصل آباد سمیت دیگر مقامات پر کرانے کا منصوبہ بنایا تھا لیکن پھر یہ منصوبہ ختم کر دیا گیا۔“کراچی اور لاہور سیریز کے دو اہم مقامات ہیں اور راولپنڈی کو بھی بیک اپ کے طور پر شامل کیا گیا ہے۔سائٹس کی رپورٹ کے مطابق کراچی اور لاہور میں شائقین 17 سال بعد انگلینڈ کو پاکستان میں کھیلتا دیکھنا چاہتے ہیں اس لیے کراچی اور لاہور کو ممکنہ طور پر میزبانی کے لئے منتخب کیا گیا ہے۔

واضح رہے کہ ٹی ٹوئنٹی ورلڈ کپ کے بعد انگلینڈ کی ٹیم پاکستان میں تین ٹیسٹ میچز کھیلے گی۔ رپورٹس کے مطابق ٹیسٹ میچوں کی میزبانی کے لیے فیصل آباد، ملتان جیسے مقامات پر غور کیا جائے گا۔

آئی سی سی نے پلیئرز کی تازہ رینکنگ جاری کر دی جس کے مطابق شاہین آفریدی ون ڈے باؤلنگ رینکنگ میں تیسرے نمبر پر پہنچ گئے ہیں-

باغی ٹی وی : آئی سی سی نے تازہ پلیئرز کی تازہ رینکنگ جاری کر دی۔ شاہین آفریدی کی رینکنگ میں ایک درجہ ترقی ہوئی ہے شاہین نے ون ڈے باؤلنگ رینکنگ میں تیسری پوزیشن پر قبضہ جما لیا۔

سابق امپائر اسد رؤف لنڈا بازار میں کپڑوں کا کاروبار کرنے لگے

پاکستانی فاسٹ بالر چوتھے سے تیسرے نمبر پر پہنچ گئے شاہین آفریدی ٹیسٹ باؤلنگ رینکنگ میں بھی چوتھے نمبر ہیں۔

دوسری جانب ون ڈے اور ٹی ٹی ٹوئنٹی بیٹنگ رینکنگ میں پاکستان کی حکمرانی برقرار ہے پاکستانی کپتان بابر اعظم دونوں فارمیٹس میں پہلی پوزیشن پر قابض ہیں بابر اعظم ٹیسٹ رینکنگ میں بھی چوتھے نمبر پر ہیں-

ٹی ٹوئنٹی بیٹنگ رینکنگ میں محمد رضوان کا دوسرا نمبر ہے جب کہ ون ڈے رینکنگ میں امام الحق کی دوسری پوزیشن ہے امام الحق نے سابق بھارتی کپتان ویرات کوہلی سے دوسری پوزیشن چھین لی-

آئی سی سی پلیئرز کی نئی رینکنگ جاری ،بابر اعظم تینوں فارمیٹس میں کون سے نمبر پر؟

پاکستان کرکٹ ٹیم نیوزی لینڈ میں کھیلی جانے والی سیریز میں شرکت کرے گی۔

باغی ٹی وی :تین ملکی سیریز پاکستان ، بنگلہ دیش اور نیوزی لینڈ کے درمیان کھیلی جائے گی نیوزی لینڈ کرکٹ نے سہ فریقی ٹی ٹونٹی سیریز کے شیڈول کا اعلان کر دیا گیا ہے

احمد شہزاد نے سابق ہیڈ کوچ وقار یونس کی رپورٹ پبلک کرنے کا مطالبہ کردیا

شیڈول کے مطابق سیریز ہیگلے اوول کرائسٹ چرچ میں 3 ملکی ٹورنامنٹ 7 سے 14 اکتوبر تک کھیلی جائے گی پاکستان اپنا پہلا میچ 7 اکتوبر کو بنگلہ دیش کے خلاف کھیلے گا۔

پاکستان کرکٹ بورڈ کے مطابق پاکستان کرکٹ ٹیم سہ فریقی سیریز کھیلنے 4 اکتوبر کو کرائسٹ چرچ روانہ ہوگی۔

نیوزی لینڈ کرکٹ بورڈ کے مطابق ٹورنامنٹ کا افتتاحی میچ پاکستان اور بنگلا دیش کے درمیان ہوگا، 8 اکتوبر کو پاکستان ٹیم نیوزی لینڈ سے مقابلہ کرےگی۔

اس کے بعد بابر اعظم الیون کا 11 اکتوبر کو پھر نیوزی لینڈ سے مقابلہ ہوگا، 13 اکتوبر کو پاکستان اور بنگلا دیش کی ٹیمیں دوسرا لیگ میچ کھیلیں گی جب کہ سہ فریقی ٹی ٹوئنٹی سیریز کا فائنل 14 اکتوبر کو کھیلا جائے گا ۔

قومی ٹیسٹ کرکٹر احمد شہزاد سابق ہیڈ کوچ وقار یونس کیخلاف پھٹ پڑے۔

باغی ٹی وی : کرکٹر احمد شہزاد کا کہنا ہے کہ وقار یونس کی میرے خلاف رپورٹ نے میرا کیرئیر متاثر کیارپورٹ کو پبلک کیا جائے جس کی بنیاد پر مجھے ٹیم سے باہر رکھا ہوا ہے میں نے کبھی کچھ غلط نہیں کیا میرے پاس بھی اپنےدفاع کے لئے بہت کچھ ہےاگر میں نے کچھ غلط کیا ہے تو مجھے اس کا بتایا جائے، سزا دی جائے لیکن کیرئیر کیساتھ کھیلا جا رہا ہے۔

دورہ سری لنکا: پاکستان کرکٹ ٹیم کا کیمپ راولپنڈی میں شروع

احمد شہزاد نےکہا ہے کہ رپورٹ میں جو کہا گیا اس کی وضاحت ہونی چاہیےکیونکہ مجھے اس کا بہت نقصان ہوا عوام کو بتایا جائے کہ احمد شہزاد نے یہ غلطیاں کی ہیں اور پھر میری وضاحت بھی لی جائےاور ارباب اختیاراس کےبعد کوئی فیصلہ کریں مجھےپتا تو ہوناچاہیے کہ رپورٹ کیا ہے اور میں نے کیا غلطی کی ہے، ایک ہی سیریز میں ایک ہی کوچ کے ہوتے ہوئے میں نے ایسا کیا غلط کردیا کہ رپورٹ کا ایک پلندہ تیار کر لیا مجھے پتہ تو ہوناچاہیے کہ میں نے غلط کیا کیا ضابطہ اخلاق میں رہتے ہوئے تمام چیزیں کررہا ہوں –

ان کا کہنا ہے کہ میں نے رپورٹ کے بارے میں جاننے کی بہت کوشش کی لیکن مجھے کچھ حاصل نہیں ہوا۔ مجھے سری لنکا کے خلاف آخری سیریز میں پورا موقع ہی نہیں دیا گیا اور باہر کر دیا گیا۔ مجھے خود نہیں پتہ کہ مجھے کنڈیشنگ کیمپ میں کیوں نہیں بلایا گیا حالانکہ اس کیمپ میں 60 لڑکوں کو بلایا گیا تھا لیکن اس کا درست جواب تو وہی دے سکتے ہیں جنہوں نے کھلاڑیوں کو منتخب کیا اس کا درست جواب تو وہی دے سکتے ہیں جنہوں نے کھلاڑیوں کو منتخب کیا۔

انٹر کلب ہاکی چیمپئن شپ کا قومی مرحلہ 14 تا 23 جولائی لاہور کے سٹیڈیم میں جاری رہے گا،آصف باجوہ

انہوں نے کہا ہے کہ کیمپ میں شامل ہو کر ایک معیاری ٹریننگ کرنا چاہتا تھا۔کوئٹہ گلیڈی ایٹرز میرا گھر ہے کوئٹہ کی ٹیم نے ہمیشہ اچھی کرکٹ کھیلی ہے مجھے خود بڑا دکھ ہے کہ میں پی ایس ایل نہیں کھیل سکا۔

سابق امپائر اسد رؤف لنڈا بازار میں کپڑوں کا کاروبار کرنے لگے

لاہور: انٹرنیشنل کرکٹ کونسل (آئی سی سی) کے ایلیٹ پینل امپائرنگ کرنے کا اعزاز حاصل کرنے والے سابق امپائر اسد رؤف لاہور کے لنڈا بازار میں کپڑوں کا کاروبار کرنے لگے۔

باغی ٹی وی : کرکٹ پاکستان کو دیئے گئے انٹرویو میں سابق پاکستانی امپائر اسد رؤف نے کہا کہ میں اور علیم ڈار دو ہی آئی سی سی ایلیٹ پینل کے امپائر رہے اس کے بعد ابھی تک کسی پاکستانی کو وہاں تک پہنچتے نہیں دیکھا نہ ہی آئندہ ایسی کوئی امید کی جاسکتی ہے-

انہوں نے کہا کہ میرے اوپر اسپاٹ فکسنگ کے الزامات لگائے گئے تاہم کوئی ثابت نہیں کرسکا، بھارت اپنے ملک میں یکطرفہ کارروائی کرتے ہوئے مجھے مجرم قرار دیا جبکہ کیس لڑنے کیلئے نہ وکیل کی سہولت دی گئی نہ ویزا اور اسی طرح مجھے سیکورٹی کی بھی کوئی یقین دہانی نہیں کروائی گئی کہ میں اپنا موقف پیش کرسکوں۔

سابق پاکستانی امپائر نے کہا کہ مجھے لنڈے کا کام کرنے میں کوئی شرم محسوس نہیں ہوتی بلکہ فخر سے یہ کام کرتا ہوں رزق حلال کمانے کے لیے ریڑھی بھی لگانا پڑی تو میں لگانے کا حوصلہ رکھتا ہوں۔

واضح رہے کہ اسد رؤف کو سال 2013 میں اسپاٹ فکسنگ کے الزامات کا سامنا رہا جس کے بعد ان کا کیرئر زوال پذیر ہوگیا، آئی سی سی نے فوری رد عمل ظاہر کرتے ہوئے انہیں 2013 کی چیمپئنز ٹرافی کے میچ آفیشلز کے پینل سے نکال دیا جبکہ ممبئی پولیس نے 21 ستمبر 2013 کو غیرقانونی سٹے بازی کا الزام لگایا، دھوکہ دہی اور فراڈ کا مرتکب قرار دیا سابق امپائر کی اس دوران ان کی کوئی غلطی رپورٹ نہیں ہوئی تھی لیکن کیرئیر اختتام پذیر ہوگیا۔

انٹر کلب ہاکی چیمپئن شپ کا قومی مرحلہ 14 تا 23 جولائی لاہور کے سٹیڈیم میں جاری رہے گا،آصف باجوہ

بھارت کی ہی انڈین پریمئر لیگ (آئی پی ایل) کے مسلسل پانچ سیزن امپائرنگ کے فرائض سرانجام دیئے جبکہ 2011 کے ورلڈکپ میں بھی ان کا نام امپائرنگ کے لیے سلیکٹ کیا گیا۔ اسد رؤف آئی سی سی پینل پر 2006 سے 2013 تک رہے رؤف نے 1977 اور1991 کے درمیان پاکستانی ڈومیسٹک کرکٹ میں پاکستان یونیورسٹیز، لاہور، نیشنل بینک آف پاکستان اور پاکستان ریلوے کی نمائندگی کی۔

رؤف 1998 میں فرسٹ کلاس امپائر بنے۔ فروری 2000 میں، پاکستان کرکٹ بورڈ نے انہیں اپنے پہلے ایک روزہ بین الاقوامی (ODI) کے لیے مقرر کیا، پاکستان اور سری لنکا کے درمیان 16 فروری 2000 کو گوجرانوالہ، پاکستان میں ہونے والا میچ۔ 2004 میں علیم ڈار کی آئی سی سی ایلیٹ امپائر پینل میں ترقی کے ساتھ، رؤف کو پہلی بار انٹرنیشنل پینل آف امپائرز میں شامل کیا گیا۔

جنوری 2005 میں آئی سی سی نے انہیں اپنے پہلے ٹیسٹ میچ، بنگلہ دیش اور زمبابوے کے درمیان چٹاگانگ (MAA) میں ہونے والے میچ کے لیے مقرر کیا۔ دسمبر 2005 میں آسٹریلیا اور جنوبی افریقہ کے درمیان MCG میں باکسنگ ڈے ٹیسٹ میں کھڑا ہوا۔ اپریل 2006 میں رؤف کی امپائرنگ کو آئی سی سی امپائرز کے امارات ایلیٹ پینل میں ترقی کے ساتھ انعام دیا گیا۔

ستمبر 2012 میں رؤف نے بھارت اور افغانستان کے درمیان آئی سی سی ورلڈ ٹی ٹوئنٹی کے گروپ مرحلے کے میچ میں امپائرنگ کی۔ 2006 میں آئی سی سی امپائرز کے ایلیٹ پینل میں شامل ہونے سے رؤف نے 47 ٹیسٹ، 98 ایک روزہ بین الاقوامی اور 23 ٹی ٹوئنٹی بین الاقوامی میچوں میں امپائرنگ کی اور انہیں ڈراپ کر دیا گیا۔

ICC ایلیٹ پینل آف امپائرز نے جون 2013 میں ان کی کارکردگی کے سالانہ جائزے کے بعد اسد کی طویل مدت میں شاندار شراکت کی تعریف کی۔ امپائرز کے آئی سی سی ایلیٹ پینل سے ڈراپ ہونے کے بعد انہوں نے مزید امپائر رہنے سے استعفیٰ دے دیا۔

لندن: پاکستان کرکٹ ٹیم کے سابق کپتان ظہیر عباس کی طبیعت ناساز، آئی سی یو منتقل