Baaghi TV

Category: کھیل

  • پاکستانی عوام کا اولمپئن طلحہ طالب کو ٹوئٹر پر خراج تحسین

    پاکستانی عوام کا اولمپئن طلحہ طالب کو ٹوئٹر پر خراج تحسین

    اولمپئن طلحہ طالب نے پاکستان کے لئے ورلڈ ویٹ لفٹنگ چیمپئن شپ میں پہلا میڈل جیت کر تاریخ رقم کر دی جس پر پاکستانی عوام کی جانب سے ٹوئٹر پر خراج تحسین پیش کیا جا رہا ہے-

    باغی ٹی وی : تاشقند میں ورلڈ چیمپئن شپ میں طلحہ طالب نے67 کلوگرام کیٹیگری کے اسنیچ ایونٹ میں 143 کلو وزن اٹھاکر برانز میڈل اپنے نام کیا،روس کے زلفت گیرو نے گولڈ اور ازبک پلیئر دوستن یوکوبوف نے چاندی کا تمغہ جیتا۔

    طلحہ طالب کلین اینڈ جرک ایونٹ میں بدقسمتی سے مقابلہ مکمل نہ کرسکے لیکن ورلڈ چیمپئن شپ میں پہلا میڈل ضرور پانے میں کامیاب ہوگئے۔


    طلحہ طالب نے سماجی رابطے کی ویب سائٹ پر تمغہ حاصل کرنے کی تصاویر شئیر کرتے ہوئے انہیں سپورٹ کرنے پر مداحوں اور پاکستانی عوام کا شکریہ ادا کیا-

    دوسری جانب طلحہ طالب ٹوئٹر پینل پر ٹاپ ٹرینڈ پر ہے جس میں ٹوئٹر صارفین کی جانب سے ان کی کامیابی پر انہیں مبارکباد اور خراج تحسین پیش کیا جا رہا ہے-


    https://twitter.com/MsLalDin/status/1469960779713716225?s=20

  • پاکستان سپر لیگ سیزن 7 کا پلیئر ڈرافٹ آج ہو گا

    پاکستان سپر لیگ سیزن 7 کا پلیئر ڈرافٹ آج ہو گا

    لاہور: پاکستان سپر لیگ (پی ایس ایل) سیزن 7 کا پلیئر ڈرافٹ آج لاہور میں شروع ہو گا۔

    باغی ٹی وی : پی ایس ایل پلیئر ڈرافٹ کے لیے کھلاڑیوں، کوچز اور فرنچائز مالکان کی آمد 3 بجے ہو گی ڈرافٹنگ پالیسی کے تحت ہر فرنچائز کو آخری ایونٹ کے 8 کرکٹرز برقرار رکھنے کی اجازت تھی۔

    ویسٹ انڈیزکرکٹ ٹیم پاکستان پہنچ گئی

    اسلام آباد یونائیٹڈ، کراچی کنگز، لاہور قلندرز اور پشاور زلمی نے یہ تعداد پوری کر لی تاہم ملتان سلطانز اور کوئٹہ گلیڈی ایٹرز نے 7، 7 کھلاڑی برقرار رکھے ہیں اور ہر فرنچائز کو 18 رکنی اسکواڈ میں پلاٹینم، ڈائمنڈ اور گولڈ کیٹیگریز کے 3، 3 پلیئرز شامل کرنے ہیں۔

    پی ایس ایل کی ٹیموں کو سلور 5، ایمرجنگ 2 اور سپلیمنٹری کیٹیگری کے 2 کھلاڑی شامل کرنا ہیں جبکہ ڈرافٹنگ کے مرحلے میں 32 ملکوں سے مجموعی طور پر 425 کھلاڑی سلیکشن کے لیے دستیاب ہیں۔

    ہوم سیریز میں فتوحات کا تسلسل برقرار رکھنے کی کوشش کریں گے،بابر اعظم

    فرنچائزز اپنی مرضی کے کرکٹرز کا انتخاب کرتے ہوئے اسکواڈز کو پورا کریں گے اور پلاٹینم کیٹیگری میں پہلی پک لاہور قلندرز، دوسری ملتان سلطانز، تیسری کراچی کنگز کی ہو گی پلاٹینیم میں چوتھی پک اسلام آباد یونائیٹڈ، پانچویں پشاور زلمی اور چھٹی کوئٹہ گلیڈی ایٹرز کرے گا۔

    پی سی بی کے مطابق پی ایس ایل سیون کا آغاز 27 جنوری سے ہوگا اور وہ 27 فروری یعنی پورے ایک ماہ جاری رہے گا ایونٹ کے میچز کراچی اور لاہور میں ہوں گے، کراچی میں 15 جبکہ لاہور میں 19 میچز کھیلے جائیں گے۔

    غیر ملکی ٹیم کی آمد،کرکٹ ٹیم کے کھلاڑیوں کیلئے سکیورٹی پلان ترتیب

    لیگ کا افتتاحی میچ دفاعی چیمپین ملتان سلطانز اور کراچی کنگز کے درمیان کھیلا جائے گا جبکہ کوالیفائر 23 فروری، پہلا اور دوسرا ایلیمنیٹر بالترتیب 24 اور 25 فروری کو کھیلا جائے گا جبکہ کوالیفائر 23 فروری، پہلا اور دوسرا ایلیمنیٹر بالترتیب 24 اور 25 فروری کو کھیلا جائے گا۔

    پی سی بی قومی کرکٹرز کی کیٹیگری بھی جاری کردی ہے آصف علی، حارث رؤف اور محمد رضوان پچھلی کیٹیگری سے ترقی پاکر پلاٹینم جبکہ صہیب مقصود اور حیدر علی ڈائمنڈ کیٹیگری کا حصہ بن گئے ہیں۔

    ویسٹ انڈیز کے3 اہم کھلاڑیوں کے کورونا ٹیسٹ مثبت آنے پرسیریز سے باہرکردیا گیا

  • ہوم سیریز میں فتوحات کا تسلسل برقرار رکھنے کی کوشش کریں گے،بابر اعظم

    ہوم سیریز میں فتوحات کا تسلسل برقرار رکھنے کی کوشش کریں گے،بابر اعظم

    لاہور: قومی کرکٹ ٹیم کے کپتان بابر اعظم نے کہا ہے کہ ویسٹ انڈیز کے خلاف سیریز اہم ہے اور ہوم سیریز میں فتوحات کا تسلسل برقرار رکھنے کی کوشش کریں گے۔

    باغی ٹی وی : قومی کرکٹ ٹیم کے کپتان بابر اعظم نے پری میچ ورچوئل پریس کانفرنس کرتے ہوئے کہا کہ جس طرح کھلاڑیوں کی ٹیم مکمل ہے اسی طرح تمام کوچز ہونے چاہیئیں ثقلین مشتاق کی کوچنگ بہت اچھی ہے اور ان کی کوشش یہی ہوتی ہے کہ پاکستان کے لیے کھیلنا ہے اپنے لیے نہیں ثقلین مشتاق سے کافی کچھ سیکھنے کو ملتا ہے۔

    بابر اعظم نے کہا کہ ہماری انگلینڈ اور نیوزی لینڈ کی سیریز منسوخ ہوئی تھی تاہم اب ویسٹ انڈیز کو خوش آمدید کہتا ہوں کہ وہ پاکستان آئے ویسٹ انڈیز کی ٹیم کو آسان نہیں لیا جا سکتا ویسٹ انڈیز کی ٹیم میں جو کھلاڑی موجود ہے وہ پی سی ایل کھیل چکے ہیں تاہم ہماری ٹیم محنت کر رہی ہے اور اچھی بات یہ ہے کہ سب کھلاڑی ایک دوسرے کا ساتھ دے رہے ہیں۔

    ویسٹ انڈیز کے3 اہم کھلاڑیوں کے کورونا ٹیسٹ مثبت آنے پرسیریز سے باہرکردیا گیا

    واضح رہے کہ مہمان ٹیم ویسٹ انڈیز کے 3 کھلاڑیوں میں کورونا ٹیسٹ مثبت آ گیا ویسٹ انڈیز کرکٹ بورڈ نے 3 کھلاڑیوں کا کورونا ٹیسٹ مثبت آنے کی تصدیق کر دی جن کھلاڑیوں کی رپورٹ مثبت آئی ہے ان میں روسٹن چیز، شیلڈون کوٹریل اور کائل مائرز شامل ہیں کورونا ٹیسٹ مثبت آنے پر تینوں کھلاڑیوں کو سیریز سے باہر کر دیا گیا ہے اور کورونا سے متاثر ہونے والے تمام افراد کو آئسولیٹ کر دیا گیا ہے۔


    ویسٹ انڈیز کرکٹ بورڈ کے مطابق متاثرہ افراد مکمل ویکسین شدہ ہیں اور ان میں کوئی علامات بھی نہیں ہیں تاہم کھلاڑیوں کو کورونا ہونے کے باوجود اپنا دورہ جاری رکھیں گے۔

    ویسٹ انڈیزکرکٹ ٹیم پاکستان پہنچ گئی

    ویسٹ انڈیز کرکٹ بورڈ کے چیف ایگزیکٹیو جونی گریو نے کہا کہ 3 کھلاڑیوں کے کورونا سے متاثر ہونے سے تیاریاں متاثر ہوں گی۔

    چاروں افراد ویسٹ انڈیز کے باقی اسکواڈ سے الگ تھلگ رہیں گے اور اب ٹیم فزیشن ڈاکٹر اکشائی مان سنگھ کی دیکھ بھال اور نگرانی میں ہیں۔ وہ دس (10) دن تک قرنطینہ میں رہیں گے اور جب تک کہ ان کا پی سی آر ٹیسٹ منفی نہیں آجاتا-

    غیر ملکی ٹیم کی آمد،کرکٹ ٹیم کے کھلاڑیوں کیلئے سکیورٹی پلان ترتیب

    واضح رہے کہ ویسٹ انڈیز کی ٹیم ٹی 20 اور ایک روزہ میچوں کی سیریز کھیلنے کے لیے کراچی میں موجود ہے۔ پاکستان اور ویسٹ انڈیز کی ٹیموں کے درمیان پہلا ٹی 20 میچ 13 دسمبر کو کراچی میں کھیلا جائے گا۔

    دورہ پاکستان سے قبل ویسٹ انڈیز ٹیم کو بڑا جھٹکا

  • ویسٹ انڈیزکرکٹ ٹیم پاکستان پہنچ گئی

    ویسٹ انڈیزکرکٹ ٹیم پاکستان پہنچ گئی

    ویسٹ انڈیزکرکٹ ٹیم پاکستان پہنچ گئی۔

    باغی ٹی وی : رپورٹ کے مطابق مہمان ٹیم دبئی کے راستے کراچی پہنچی ہے، جہاں سیکورٹی کے سخت ترین انتظامات کیے گئے ہیں کھلاڑیوں کی آمد کے بعد کوویڈ19 ٹیسٹ لیے جائیں گے، جس کے بعد کھلاڑی اور آفیشلز ایک دن کے لیے قرنطینہ ہوں گے، جمعہ کو یعنی کل نیشنل اسٹیڈیم میں پہلا پریکٹس سیشن ہوگا۔

    ڈھاکا ٹیسٹ:پاکستان ایک اننگزاور8 رنز سے جیت گیا:بنگلا دیش کے خلاف پاکستان کا سیریز میں کلین سویپ

    پاکستان اور ویسٹ انڈیز کی سیریز 13 تا 22 دسمبر نیشنل اسٹیڈیم میں کھیلی جائے گی، جس میں 3 ٹی ٹوئنٹی میچز اور اتنے ہی آئی سی سی مینز کرکٹ ورلڈ کپ سپر لیگ میچز ہوں گے۔

    چیئرمین پی سی بی رمیز راجہ نے کرکٹ شائقین کو خوشخبری سنادی

    ٹی ٹوئنٹی سیریز میں ویسٹ انڈیز کی قیادت نکولس پوران کریں گے جبکہ ون ڈے میچز میں شائی ہوپ کپتان ہیں کیرون پولارڈ انجری کے سبب دستبردار ہوگئے تھے۔

    13 دسمبر کو پہلا ٹی ٹوئنٹی میچ شام 6 بجے ہوگا، 14 دسمبر کو دوسرا ٹی ٹوئنٹی میچ کھیلا جائے گا، 16 دسمبر کو تیسرے اور آخری ٹی ٹوئنٹی میچ کا آغازشام 6 بجے ہوگا۔

    18 دسمبر کو پہلا ون ڈے انٹر نیشنل میچ کھیلا جائے گا، دوسرا ون ڈے 20 دسمبر کو ہوگا اور 22 دسمبر کو تیسرا اور آخری ون ڈے میچ کھیلا جائے گا۔

    دورہ پاکستان سے قبل ویسٹ انڈیز ٹیم کو بڑا جھٹکا

    چیئرمین پی سی بی رمیز راجہ نے کرکٹ شائقین کو خوشخبری سنائی کہا تھا کہ شائقین کرکٹ کو پی ایس ایل پوری تعداد میں دیکھنے کی اجازت ہو گی انہوں نے کہا تھا کہ 12 سال یا اس سے زائد عمر کے شائقین کرکٹ کو پوری تعداد میں اسٹیڈیم آنے کی اجازت ہو گی پی ایس ایل 7 اورغیر ملکی ٹیموں کے میچز کے دوران ویکسی نیٹڈ افراد کو اسٹیڈیم میں آنے کی اجازت ہوگی۔چیئرمین پی سی بی رمیز راجہ نے شائقین کرکٹ سے کہا تھا کہ وہ فوری طور پر اپنی کورونا ویکسینیشن مکمل کرالیں۔

    پی سی بی نے پاکستان ویسٹ انڈیز سیریز کیلئے ٹکٹوں کا اعلان کر دیا

  • غیر ملکی ٹیم کی آمد،کرکٹ ٹیم کے کھلاڑیوں کیلئے سکیورٹی پلان ترتیب

    غیر ملکی ٹیم کی آمد،کرکٹ ٹیم کے کھلاڑیوں کیلئے سکیورٹی پلان ترتیب

    غیر ملکی ٹیم کی آمد،کرکٹ ٹیم کے کھلاڑیوں کیلئے سکیورٹی پلان ترتیب

    سندھ بوائز اسکاوٹس آڈیٹوریم میں ویسٹ انڈیز کرکٹ ٹیم کی سکیورٹی کے حوالے سے اہم اجلاس ہوا،

    اجلاس کی صدارت ایڈیشنل آئی جی کراچی نے کی۔ڈی آئی جی سکیورٹی اینڈ ایمرجنسی ڈویژن مقصود میمن اور ڈی آئی جی ساوتھ نے غیر ملکی ٹیم کی شہر میں آمد، ہوٹل میں رہائش، کرکٹ ٹیم کی پریکٹس، ٹی ٹونٹی اور ون ڈے سیریز کے دوران آمدورفت اور کراچی سے روانگی کے حوالے سے کیئے جانے والے سکیورٹی اقدامات پر بریفننگ دی۔نیشنل اسٹیڈیم سمیت تمام متعلقہ روٹس اور ہوٹلوں پر پولیس کی بھاری نفری کھلاڑیوں کی سکیورٹی کیلئے موجود رہیگی۔

    کراچی پولیس کے 13 سینئر افسران سمیت 46 ڈی ایس پیز، 315 این جی اوز، 3822 ہیڈکانسٹیبل/کانسٹیبل، 50 خواتین پولیس اہلکار، ریپڈ ریسپونس فورس کے 500 جوان اور اسپیشل سکیورٹی یونٹ کے 889 کمانڈوز تعینات کیئے گئے ہیں۔نیشنل اسٹیڈیم کراچی اور ہوٹلوں پر اسپیشل برانچ کے سادہ لباس اہلکار سکیورٹی کے فرائض سر انجام دیں گے۔غیر معمولی حالات سے نمٹنے کیلئے اسپیشل سکیورٹی یونٹ کی SWATٹیمیں ہمہ وقت فوری ریسپونس کیلئے تیار رہینگی۔ٹریفک پولیس نے ویسٹ انڈیز کرکٹ ٹیم کے کھلاڑیوں کی نیشنل اسٹیڈیم کی طرف آمد ورفت کے اوقات میں عوام کی سہولت کیلئے روٹ پلان پہلے ہی دیدیا ہے۔

    عوام کی سہولت اور ٹریفک کی روانی کو برقرار رکھنے کیلئے ٹریفک پولیس کے افسران اہلکار متعلقہ روٹس پر ڈیوٹی سرانجام دینگے۔کراچی کی روشنیوں کی بحالی کیلئے پولیس نے بڑی قربانیاں دی ہیں۔انٹرنیشنل کھلاڑیوں کی آمد شہر میں امن و امان کے قیام کی دلیل ہے۔ کراچی پولیس عوام کے تحفظ اور قانون کی بال دستی کیلئے ہر ممکن اقدامات اٹھا رہی ہے۔اجلاس میں ڈی آئی جی ایڈمن، تمام زونل ڈی آئی جیز، ڈی آئی جی ٹریفک، کمانڈنٹ ایس ایس یو، ایس ایس پی سینٹرل، ایس ایس پی ایسٹ، ایس ایس پی ساوتھ، ایس پی سکیورٹی ون اینڈ ٹو، ایس پی فارنر سکیورٹی سیل، ایس پی محافظ 15 اور ایس پی سکیورٹی اینڈ ٹیکنیکل، اسپیشل برانچ اور تمام سب ڈویژنل آفیسرز نے بھی شرکت کی۔

    دوسری جانب ویسٹ انڈیز کی کرکٹ ٹیم دورہ پاکستان پر پہنچ گئی ہے ویسٹ انڈیز کی ٹیم براستہ دبئی کراچی پہنچی ہے ویسٹ انڈیز کی ٹیم پاکستان میں تین ٹی ٹوینٹی اور ٹین ون ڈے میچز کی سیریز کھیلے گی پہلا ٹی ٹوینٹی 13 دسمبر،دوسرا 14 اور تیسرا میچ 16 دسمبر کو کھیلا جائے گا جبکہ پہلا ون ڈے 18 دسمبر،دوسرا 20 اور تیسرا 22 دسمبر کو کھیلا جائے گا تمام میچز کراچی کے نیشنل سٹیڈیم میں ہوں گے

    دو برس تک بیٹی سے مبینہ زیادتی کا مرتکب باپ گرفتار

    اسلحہ کے زور پر خاتون کے ساتھ اجتماعی زیادتی ،برہنہ بنائی گئی ویڈیو وائرل

    طالبات کو کالج کے باہر چھیڑنے والا گرفتار،گھر کی چھت پر لڑکی کے سامنے برہنہ ہونیوالا بھی نہ بچ سکا

    دو سو افراد نے ایک ساتھ کپڑے اتار کر تصویریں بنوا کر ریکارڈ قائم کر دیا

    اسلحہ کے زور پر خاتون کے ساتھ اجتماعی زیادتی ،برہنہ بنائی گئی ویڈیو وائرل

    جناح ہسپتال کا ڈاکٹر گرفتار،نرسز، لیڈی ڈاکٹرز کی پچاس برہنہ ویڈیو برآمد

  • شہریار میموریل قومی گراس ٹینس چیمپئن شپ ، ریفری کی بے ایمانی سامنے آ گئی

    شہریار میموریل قومی گراس ٹینس چیمپئن شپ ، ریفری کی بے ایمانی سامنے آ گئی

    شہریار میموریل قومی گراس ٹینس چیمپئن شپ دوہزار اکیس، ریفری فہیم صدیقی کی بے ایمانی سامنے آ گئی

    ٹینس کھلاڑی مریم مرزا اور زہرہ سلیمان کو واک اوور ملنے کے باوجود فائنل کھیلنے سے روک دیا گیا ،شہریار میموریل قومی گراس ٹینس چیمپئن شپ دوہزار اکیس کے مقابلے جاری ہیں ۔لیڈیز ڈبل مقابلوں کے سیمی فائنلز میں ریفری کی بے ایمانی کے باعث پاکستان کی نمبر آٹھ ٹینس کھلاڑی مریم مرزا اور نمبر بارہ کھلاڑی زہرہ سلیمان کو واک اوور ملنے کے باوجود فائنل کھیلنے سے روک دیا گیا۔۔

    انتظامیہ کی جانب سے یہ موقت اپنایا گیا ہے کہ مریم مرزا اور زہرہ سلیمان کو ہر صورت سیمی فائنل کھلانا پڑئے گا انٹرنیشنل ٹینس فیڈریشن کے قوائد کے مطابق واک اوور ملنے کی صورت میں فیصلے کے خلاف نہیں جایا جا سکتا۔ دوسری جانب کھلاڑیوں نے پاکستان ٹینس فیڈریشن کے صدر سلیم سیف اللہ اور لاہور ٹینس فیڈریشن کے صدر راؤ افتخار سے نوٹس لینے کا مطالبہ کیا ہے۔

    ریفری فہیم صدیقی کی بے ایمانی سامنے آ گئی
    ریفری فہیم صدیقی کی بے ایمانی سامنے آ گئی

    قبل ازیں شہریار ملک نیشنل گراس کورٹ ٹینس چیمپئن شپ کا باقاعدہ افتتاح باغ جناح میں ہوا پاکستان ٹینس فیڈریشن کے صدر سلیم سیف اللہ خان نے افتتاحی تقریب میں مہمان خصوصی کے طور پر شرکت کی تھی ۔

  • عالمی جونیئر ہاکی کپ،جرمنی پہلے میچ میں فاتح

    عالمی جونیئر ہاکی کپ،جرمنی پہلے میچ میں فاتح

    عالمی جونیئر ہاکی کپ،جرمنی پہلے میچ میں فاتح

    انٹرنیشنل ہاکی فیڈریشن کے زیراہتمام عالمی جونیئر ہاکی کپ میں اپنے پہلے میچ میں جرمنی نے پاکستان کو 2-5 گول سے شکست دیدی۔

    انڈیا کے شہر بھوبنیشور میں جاری عالمی جونیئر ہاکی کپ کے پہلے روز پاکستان اور جرمنی کا میچ دلچسپ رہا، دونوں ٹیموں کی جانب سے بہترین اور برق رفتار کھیل کا مظاہرہ کیا گیا۔ جرمن ٹیم نے کھیل کے ابتدائی لمحات میں ہی اپنے کھلاڑی سٹروتھ آف کی مدد سے فیلڈ گول سکور کردیا۔ جرمنی ٹیم کی جانب سے دوسرا فیلڈ گول ڈک شیئر نے ساتھی کھلاڑی کے پاس پر کیا اور جرمنی کی برتری کو مستحکم بنایا۔ پاکستان جونیئرز ہاکی ٹیم نے کم بیک کرتے ہوئے کھیل کے 18 ویں منٹ میں عبدالحنان شاہد کے ذریعہ فیلڈ گول سکور کیا اور ایک گول کے خسارہ کو کم کیا۔

    جرمنی ٹیم کے کھلاڑی سیج برگ نے کھیل کے 19ویں منٹ میں فیلڈ گول سکور کیا جبکہ شوارزہاٹ نے کھیل کے 22ویں منٹ میں پینلٹی کارنر اور ڈک شیئر نے کھیل کے 54ویں منٹ میں فیلڈ گول سکور کیا جبکہ پاکستان جونیئرز ہاکی ٹیم کے فارورڈ حماد انجم نے کھیل کے 49ویں منٹ میں فیلڈ گول سکور کیا۔پاکستان جونیئر ہاکی ٹیم 27 نومبر کو پاکستانی وقت کے مطابق 9:00 بجے دن مصر کے خلاف اپنے پول کا دوسرا میچ کھیلے گی

    قبل ازیں قومی ہاکی ٹیم جونئیر عالمی کپ میں شرکت کے لیے بھارت پہنچی تو دہلی میں بھارت میں تعینات پاکستان ہائی کمشنر آفتاب حسن نے استقبال کیا۔ جس کے بعد انہوں نے جونیئر ہاکی ورلڈ کپ میں شرکت کیلئے پاکستان مینز جونیئر ہاکی ٹیم کا ناظم الامور آفس میں خیرمقدم کیا اورٹیم کے اعزازمیں ظہرانے کا اہتمام کیا ۔ جونیئر ہاکی ورلڈ کپ 24 نومبر سے 5 دسمبر بھوبنیسور، اڑیسہ میں منعقد ہوگا۔ اس موقع پر انہوں نے ہاکی ورلڈ کپ میں پاکستان کی ٹیم کی کامیابی کیلئے نیک خواہشات کا اظہار کیا۔

  • آیف آئی ایچ میگا ایونٹ کا آغاز کل ،پاکستان جونیئر ہاکی ٹیم پرامید

    آیف آئی ایچ میگا ایونٹ کا آغاز کل ،پاکستان جونیئر ہاکی ٹیم پرامید

    آیف آئی ایچ میگا ایونٹ کا آغاز کل ،پاکستان جونیئر ہاکی ٹیم پرامید
    ایف آئی ایچ میگا ایونٹ کا آغاز کل ہوگا ,کپتان رانا وحید کا کہنا ہے کہ پاکستان جونیئر ہاکی ٹیم ایونٹ میں بہترین کارکردگی کا مظاہرہ کرے گی، پریکٹس میچز میں چلی اور کینیڈا کو شکست دی،کھلاڑیوں کا اعتماد بڑھا،کھلاڑیوں کا مورال بلند اور جیتنے کے لئے پرعزم ہیں کھلاڑیوں نے پریکٹس میچز میں اچھے کھیل کا مظاہرہ کیا، ایونٹ میں اچھا کھیل پیش کرینگے، قوم سے دعا کی اپیل ہے، قومی کھیل کو سپورٹ کریں،

    پاکستان جونیئر ہاکی ٹیم کل جرمنی کے خلاف ایونٹ میں اپنا پہلا میچ کھیلے گی پاکستان اور جرمنی کے مابین میچ 11:30 بجے پاکستانی وقت کے مطابق کھیلا جائیگا

    قبل ازیں قومی ہاکی ٹیم جونئیر عالمی کپ میں شرکت کے لیے بھارت پہنچی تو دہلی میں بھارت میں تعینات پاکستان ہائی کمشنر آفتاب حسن نے استقبال کیا۔ جس کے بعد انہوں نے جونیئر ہاکی ورلڈ کپ میں شرکت کیلئے پاکستان مینز جونیئر ہاکی ٹیم کا ناظم الامور آفس میں خیرمقدم کیا اورٹیم کے اعزازمیں ظہرانے کا اہتمام کیا ۔ جونیئر ہاکی ورلڈ کپ 24 نومبر سے 5 دسمبر بھوبنیسور، اڑیسہ میں منعقد ہوگا۔ اس موقع پر انہوں نے ہاکی ورلڈ کپ میں پاکستان کی ٹیم کی کامیابی کیلئے نیک خواہشات کا اظہار کیا۔

    دوسری جانب قومی والی بال چیمپئن شپ 27 نومبر سے چار مارچ تک ہو گی,Tورنامنٹ میں پاکستان کی 16 ٹاپ والی بال ٹیمیں حصہ لیں گی ٹیموں کو چار گروپس میں تقسیم کیا گیا ہے ٹیموں میں آرمی ،نیوی ،ائیر فورس اور واپڈا، پولیس شامل ہیں ،ریلویز،بلوچستان ،خیبر پختونخواہ ،پنجاب ،سندھ ، اسلام آبادکی ٹیمیں ایونٹ میں حصہ لیں گیآزاد جموں و کشمیر،گلگت بلتستان، پی او ایف واہ ،ایچ ای سی اور پاکستان بورڈ کی ٹیمیں حصہ لیں گی

    چئیر مین والی بال فیڈریشن چوہدری محمد یعقوب نے پریس کانفرنس کرتے ہوئے کہا ہے کہ اس وقت پاکستان والی بال ٹیک آف پوزیشن پر ہے ۔ ہماری ٹیم کی فٹنس اور کارکردگی عالمی معیار کی ہے ۔ خواہش ہے کہ پاکستان والی بال ٹیم۔ اولمپکس کے لیے کوالیفائی کرے ۔ امید ہے کہ 2024 نہیں 2028 میں لازمی پاکستان والی بال ٹیم اولمپکس کا حصہ ہوگی۔ حالیہ ایشین والی بال چیمپئن شپ کے بعد پاکستان والی بال کی عالمی سطح پر پذیرائی ہوئی ہے۔

  • ٹی 20 سیریز ،پاکستان کی شاندار کامیابی

    ٹی 20 سیریز ،پاکستان کی شاندار کامیابی

    ٹی 20 سیریز ،پاکستان کی شاندار کامیابی
    تیسرے ٹی 20 میچ میں پاکستان نے بنگلہ دیش کو 5 وکٹوں سے شکست دے کر سیریز میں کلین سوئیپ کر دیا 3 میچوں کی سیریز میں تینوں میچ پاکستان کے نام ہو گئے،پاکستان نے 125 رنز کا ہدف آخری گیند پرحاصل کیا .محمد نوازنے آخری گیند پرچوکا لگا کرپاکستان کوفتح دلائی ،حیدرعلی 45،محمدرضوان 40 رنزبنا کرنمایاں رہے

    شاہینوں کی جانب سے 125 ہدف کے تعاقب میں اوپنرز محمد رضوان اور بابر اعظم نے بیٹنگ کا آغاز کیا، کپتان محض 19 رنز پر محمد نعیم کے ہاتھوں کیچ آوٹ ہوئے،محمد رضوان 40 سکور بنا کر پویلین لوٹے جبکہ سرفراز احمد نے 12 گیندوں پر صرف 6رنز بنائے اور کیچ آؤٹ ہوگئے،حیدر علی سب سے زیادہ 45 رنز بناکر پویلین لوٹے .

    قومی کرکٹ ٹیم کے کپتان بابر اعظم نے کہا ہے کہ سیریز میں کامیابی کا کریڈٹ کھلاڑیوں کو جاتا ہے جنہوں نے پرفارم کر کے ٹیم کو فتح دلائی کھلاڑیوں کو ہمیشہ اپنے اندر بہتری لانے کی ضرورت ہوتی ہے جیسا کہ ایک ٹیم کے طور پر ہم نے اپنی فیلڈنگ کو بہتر کیا ہے ۔ان کا کہنا تھا کہ ہمارے مڈل آرڈ ر نے میچ جتوائے جو کہ اچھی بات ہے

    قبل ازیں بنگلہ دیش نے پاکستان کو جیت کے لیے125 رنز کا ہدف دے دیا تھا،بنگلہ دیش نے 7 وکٹوں کے نقصان پر124 رنز بنائے ،پاکستان کے خلاف بنگلہ دیش کی دوسری وکٹ37 وکٹ پر گرگئی تھی عثمان قادر کی گیند پرشمیم حسین کیچ آوٹ ہو گئے ہیں ،قبل ازیں بنگلہ دیش کی پہلی وکٹ 7 رنز پر گر گئی .شاہ نواز دھانی نے پہلے اوور کی تیسری گیند پر نظم الحسین کو کلین بولڈ کر دیا ،شاہنواز دھانی نے آج اپنا ٹی ٹوئنٹی ڈیبیو کیا ہے جب کہ آل راؤنڈر شعیب ملک بیٹے کی طبیعت ناساز ہونے کے سبب بنگلادیش کے خلاف تیسرے ٹی 20 سے دستبردار ہوچکے ہیں شاہنواز دھانی پاکستان کی جانب سے ٹی ٹوئنٹی انٹرنیشنل کھیلنے والے 95 ویں کھلاڑی ہیں

    پاکستان اور بنگلہ دیش کے مابین تیسرا اور آخری ٹی ٹونٹی انٹرنیشنل میچ قومی کرکٹ ٹیم میں چار تبدیلیاں کی گئی ہیں،سرفراز احمد، افتخار احمد، عثمان قادر اور شاہنواز دھانی پلیئنگ الیون میں شامل ،شاہنواز دھانی آج انٹرنیشنل کرکٹ میں ڈیبیو میں کریں گے.فخر زمان، شاداب خان، شاہین شاہ آفریدی اور شعیب ملک پلیئنگ الیون سے آؤٹ ،دیگر کھلاڑیوں میں محمد رضوان، حیدر علی اور خوشدل شاہ شامل ہیں،سرفراز احمد، افتخار احمد، محمد نواز اور محمد وسیم جونیئر بھی پلیئنگ الیون کا حصہ ہیں،عثمان قادر، حارث رؤف اور شاہنواز دھانی پلیئنگ الیون میں شامل ہیں

  • سنسنی خیز مقابلے کے بعد پاکستان نے بنگلادیش سے میچ جیت لیا

    سنسنی خیز مقابلے کے بعد پاکستان نے بنگلادیش سے میچ جیت لیا

    ڈھاکہ :پاکستان نے سنسنی خیز مقابلے کے بعد بنگلادیش کو پہلے ٹی ٹوئنٹی میچ میں شکست دے دی۔

    تین ٹی ٹوئنٹی میچوں کی سیریز کے پہلے میچ میں بنگلا دیش نے پاکستان کو جیت کے لیے 128 رنز کا ہدف دیا، پاکستان نے ہدف 6 وکٹوں کے نقصان پر حاصل کرلیا۔

    ڈھاکہ میں کھیلے گئے پہلے ٹی ٹوئنٹی میچ میں بنگلا دیش کے کپتان محمود اللہ نے ٹاس جیت کر پہلے خود بیٹنگ کا فیصلہ کیا جو سود مند ثابت نہ ہوا۔

    پاکستانی بولرز نے شاندار بولنگ کا مظاہرہ کرتے ہوئے بنگلا دیش کو مقررہ 20 اوورز میں 127 رنز تک محدود رکھا۔

    بنگلا دیش کے خلاف پاکستان کی پہلی وکٹ پاکستانی بولر حسن علی نے لی جس کے بعد بنگلا دیشی کھلاڑیوں کی وکٹیں گرنے کا سلسلہ شروع ہو گیا اور یکے بعد دیگرے کھلاڑی پویلین لوٹ گئے۔

    پاکستان کی جانب سے حسن علی نے تین، محمد وسیم جونیئر نے دو جبکہ محمد نواز اور شاداب خان نے ایک ایک وکٹ حاصل کی۔

    پہلی اننگز میں بنگلادیش نے مقررہ اوورز میں 7 وکٹوں کے نقصان پر 127 رنز بنائے۔ بنگال ٹائیگر کی جانب سے عفیف حسین 38 اور مہدی حسن 30 رنز بنا کر نمایاں رہے۔

    ٹاس کی جیت بنگلہ دیش کے حصے میں آئی جس پر کپتان محمود اللہ نے پہلے بیٹنگ کا فیصلہ کیا۔ میچ کے آغاز پر بنگالی اوپنرز محمد نعیم اور سیف حسن کریز پر آئے، شاہین باولرز کے نپے تلے انداز نے بنگالی بیٹنگ کا ٹاپ اور مڈل آرڈر درہم برہم کر دیا۔

    میزبان ٹیم کی پہلی شراکت داری اس وقت ٹوٹی جب حسن علی کی بال پر کیپر محمد رضوان نے 3 کے مجموعی سکور پر محمد نعیم کا کیچ پکڑا، انہوں نے محض ایک رن بنایا تھا۔ بنگلہ دیش کی دوسری وکٹ 10 رنز پر گری، بلے باز سیف حسن شاہین باولر محمد وسیم کا شکار بنے، نجم الحسن نے بھی محمد وسیم کو کیچ پکڑایا۔

    بیٹر عفیف حسین نے قدرے ذمہ داری کا مظاہرہ کیا، انہوں نے 2 چوکوں کی مدد سے 36 رنز بنائے تاہم وکٹیں گرنے کا سلسلہ نہ رکا اور وہ شاداب کے ہاتھوں آوٹ ہوئے۔ کپتان محموداللہ شاہین باولر محمد نواز کی بال پر بولڈ ہو گئے۔

    ٹی ٹوئنٹی ورلڈ کپ کھیلنے والی قومی ٹیم کے 4 کھلاڑی آج بنگلا دیش کے خلاف پلیئنگ الیون کا حصہ نہیں ہیں، محمد حفیظ سیریز سے دستبردار ہو چکے ہیں جبکہ شاہین شاہ آفریدی کو آرام کا موقع دیا گیا ہے۔ آصف علی اور عماد وسیم پہلے ٹی ٹوئنٹی کے لیے اعلان کردہ 12 قومی کھلاڑیوں میں شامل نہیں ہیں۔