Category: کھیل

رضوان اور شعیب سیمی فائنل کھیل سکیں گے یا نہیں؟ میڈیکل پینل نے بتا دیا

باغی ٹی وی کی رپورٹ کے مطابق پاکستان کرکٹ بورڈ کے میڈیکل پینل نے آسٹریلیا کے خلاف آج سیمی فائنل کھیلنے کیلئے اوپننگ بیٹسمین اور وکٹ کیپر محمد رضوان اور شعیب ملک کو فٹ قرار دے دیا ہے

ٹیم منیجر کی جانب سے جاری کر دہ بیان میں بتایا گیا ہے کہ رضوان اور شعیب ملک آج آسٹریلیا کے خلاف میدان میں اتریں گے ،دوبارہ معائنے کے بعد انہیں میڈیکل پینل کی جانب سے فٹ قرار دیا گیا ہے ،دونوں کھلاڑیوں کو بخار اور نزلے کی شکایت تھی جس پر وہ گزشتہ روز سے آرام کر رہے تھے تاہم اب ان کی طبعیت بہتر ہے اور میچ کھیلنے کی اجازت دیدی گئی ہے ۔

چیئرمین پی سی بی رمیز راجہ نے کہا ہے کہ پاکستان ٹیم نمبر ون نہیں بنتی تو چیئرمین سمیت سب فلاپ ہیں،چیئرمین پاکستان کرکٹ بورڈ رمیز راجہ نے قومی کرکٹ ٹیم کے لئے نیت تمناؤں کا اظہار کیا ہے،رمیز راجہ کا کہنا تھا کہ فینز کی اہمیت کو سمجھتا ہوں کیونکہ کرکٹر کو فینز بڑا بناتے ہیں،فینز کو اب جیت کی امید ہے ، ہمیں ان کی توقعات کے مطابق ٹیم بنانی ہے، آپ کو اچھا کرنے کے لئے قوم کی دعائیں ہوتی ہیں، یہ جیتیں گے، آسانی سے ہاریں گے نہیں، اس طرح ہو جائے تو پھر کوئی شکست نہیں دے سکتا

گورنر پنجاب چودھری سرور کا کہنا ہے کہ پوری قوم کی نظر یں پاک آسٹر یلیا سیمی فائنل میچ پر لگی ہوئی ہیں ،شعیب ملک اور محمدرضوان کی صحت یابی اور کامیابی کیلئے دعا گو ہوں آسٹر یلیاکیخلاف سیمی فائنل میں جیت پاکستان کی ہوگی ،بابر اعظم کی قیادت میں پاکستانی ٹیم کی پر فارمنس ہرلحاظ سے قابل تحسین ہے ،فائنل میں کامیاب ہوکر پاکستانی ٹیم ٹرافی کپ بھی لیکر آئے گی

آئی سی سی مینز ٹی ٹوئنٹی ورلڈ کپ کے دوسرے سیمی فائنل میں آج پاکستان اور آسٹریلیا آمنے سامنے ہوں گے۔ باغی ٹی وی کی رپورٹ کے مطابق بڑے ایونٹ کے بڑے مقابلے میں آج ناقابل شکست پاکستان اور آسٹریلیا مد مقابل ہوں گے میچ پاکستانی وقت کے مطابق شام 7 بجے دبئی میں شروع ہوگا سیمی فائنل میں پاکستان کی فتح کے لئے جہاں تمام قوم دعاگو ہے اور قومی ٹیم کی فتح کے لئے پُرجوش ہے وہیں وزیر داخلہ شیخ رشید نے پاکستان اور آسٹریلیا کے مابین ہونے والے ورلڈ کپ ٹی 20 کے سیمی فائنل کیلئے قومی ٹیم کیلئے نیک خواہشات کا اظہار کیا ہے- شیخ رشید نے کہا کہ میری دعا ہے پاکستان کرکٹ ٹیم سیمی فائنل جیتے، قومی کرکٹ ٹیم کے سارے کھلاڑی پر امید ہے،اگر فائنل میں پہنچے تو دعا ہے فائنل بھی جیتیں۔

آئی سی سی مینز ٹی ٹوئنٹی ورلڈ کپ کا فائنل 14نومبر کو دبئی میں ہی کھیلا جائے گاآج ٹی ٹوئنٹی ورلڈ کپ کے دوسرے فائنلسٹ کا فیصلہ ہوجائے گا

حارث رؤف کی سالگرہ ،سکاٹ لینڈ ٹیم کے کھلاڑی بھی تھے شریک
پاکستان اور سکاٹ لینڈ کے میچ کے بعد قومی ٹیم کے آل راؤنڈر حارث رؤف کی سالگرہ منائی گئی

پاکستان کرکٹ ٹیم کے کھلاڑی حارث روف کی سالگرہ مناتے ہوئے سکاٹ لینڈ ٹیم کے کھلاڑیوں کو بھی مدعو کیا گیا تھا حارث رؤف نے شارجہ میں اپنے ساتھی کھلاڑیوں کے ہمراہ کیک کاٹا اور اس موقع پر سکاٹ لینڈ کی ٹیم کے کھلاڑی بھی موجود تھے ، حارث رؤف کی سالگرہ کے موقع پر پاکستان اور سکاٹ لینڈ کی ٹیموں کے کھلاڑی ایک دوسرے سے گھل مل گئے پاکستانی کھلاڑیوں نے سکاٹش کھلاڑیوں میں کیک تقسیم کیا اور ان کے ساتھ تصاویر بنائیں پی سی بی نے حارث روف کی سالگرہ منانے کی ویڈیو سوشل میڈیا ویب سائٹ ٹوئٹر پر شیئر کی ہے اسکاٹ لینڈ کرکٹ بورڈ نے بھی پاکستانی کھلاڑیوں اور اسکاٹ لینڈ لینڈ کے کھلاڑیوں کی تصاویر اور ویڈیو ٹوئٹر پر شیئر کی ہیں۔اسکاٹ لینڈ کرکٹ بورڈ نے کھلاڑیوں کی سپورٹس مین شپ کو سراہتے ہوئے تصاویر کے ساتھ ٹویٹ میں لکھا ہے یہ سب سے برتر چیز ہے

Pakistan team celebrate birthday of @HarisRauf14 with @CricketScotland! 🎂🎉 pic.twitter.com/bDduYboyML

— Pakistan Cricket (@TheRealPCB) November 7, 2021

پاکستان نے اپنے آخری گروپ میچ میں اسکاٹ لینڈ کے خلاف کامیابی حاصل کی ہے اور گروپ میچز میں ناقابل شکست رہنے والی واحد ٹیم بن گئی ہے

آسٹریلوی کرکٹ ٹیم 23 برس بعد پاکستان آنے کو تیار

پی سی بی نے آسٹریلیا کے دورہ پاکستان کا شیڈول جاری کردیا

آسٹریلوی کرکٹ ٹیم آئندہ سال مارچ اپریل میں پاکستان کا دورہ کرے گی، آسٹریلوی کرکٹ ٹیم 3 ٹیسٹ، 3ون ڈے اور ایک ٹی ٹوئنٹی انٹرنیشنل میچ کھیلے گی سیریز کا پہلا ٹیسٹ میچ 3 مارچ سے کراچی میں شروع ہوگا، دوسرا ٹیسٹ میچ 12 تا 16 مارچ تک راولپنڈی میں کھیلاجائے گا تیسرا میچ21 تا 25 مارچ تک لاہور میں کھیلا جائے گا، سیریز کے چاروں وائٹ بال میچز لاہور میں کھیلے جائیں گے، میچز 29 مارچ سے 5 اپریل تک جاری رہیں گے

pic.twitter.com/AlxMQYIfgV

— Pakistan Cricket (@TheRealPCB) November 8, 2021

آسٹریلوی کرکٹ ٹیم 23 برس بعد پاکستان کا دورہ کرے گی،1998 کے بعد اب پاکستان ٹیم آئے گی سیریز میں شامل تمام ٹیسٹ میچز آئی سی سی ٹیسٹ چیمپئن شپ جبکہ تینوں ون ڈے میچز آئی سی سی کرکٹ ورلڈ کپ سپر لیگ کا حصہ ہوں گے

نک ہوکلے، چیف ایگزیکٹو کرکٹ آسٹریلیا کا کہنا ہے کہ پاکستان کی عوام کرکٹ سے پیار کرتی ہے اور ہماری آئندہ سال وہاں روانگی وہاں موجود کرکٹ فینز کو مزید پرجوش کرے گی۔انہوں نے کہا کہ پاکستان کی ٹیم بہت باصلاحیت کھلاڑیوں پر مشتمل ہے اور اس کی مثال یو اے ای میں جاری ٹی ٹونٹی ورلڈ کپ میں ان کی حالیہ کارکردگی ہے۔انہوں نے کہا کہ وہ اس دورے کے انعقاد کو یقینی بنانے کے لیے پی سی بی کی کاوشوں کو سراہتے ہیں اور وہ اس سیریز کے لئے لاجسٹک، سیکورٹی اور کوویڈ 19 پروٹوکولز سے متعلق آئندہ چند ماہ پی سی بی سےمسلسل رابطے میں رہیں گے۔ ان کے لیے ان کے کھلاڑیوں اور اسپورٹ اسٹاف کی حفاظت پہلی ترجیح ہے اور وہ اس سلسلے میں پی سی بی اور متعلقہ ایجنسیز سے مکمل رابطے میں رہیں گے۔اس تناظر میں کرکٹ آسٹریلیا کا وفد دسمبر میں پاکستان کا دورہ کرے گا۔ دورے کے دوران وہ پی سی بی آفیشلز اور صوبائی اور وفاقی حکام سے ملاقاتیں کرکے معاملات کو حتمی شکل دیں گے۔آسٹریلیا نے آخری مرتبہ 1998 میں پاکستان کا دورہ کیا۔ اس دوران مارک ٹیلر کی قیادت میں مہمان ٹیم نے سیریز ایک صفر سے اپنے نام کی تھی۔ آسٹریلیا نے پہلی مرتبہ 1959 میں رچی بینوا کی قیادت میں پاکستان کا دورہ کیا تھا۔

چیئرمین پی سی بی رمیز راجہ کا کہنا ہے کہ وہ آسٹریلیا کو خوش آمدید کہنے پر مسرور ہیں۔ انہیں تین ٹیسٹ میچز کی سیریز کے انعقاد پر ذاتی طور پر بہت خوشی ہے۔انہوں نے کہا کہ آسٹریلیا ایک مضبوط ٹیم ہے اور ان کا 24 سال بعد پاکستان آکر کرکٹ کھیلنا یہاں موجود فینز کے لیے بہترین لمحہ ہوگا۔ اسی طرح یہ آسٹریلوی کرکٹرز کے لیے بھی ایک شاندار موقع ہوگا کہ وہ پاکستان کے تاریخی گراؤنڈز میں کرکٹ کھیل کر یہاں کی عوام کی مہمان نوازی کا شرف حاصل کرسکتے ہیں۔

میں ایک فائٹر ہوں، ہار نہیں مانوں گا،پی ٹی وی کی جانب سے لیگل نوٹس پر شعیب اختر کی وکیل کو ہدایات

سرکاری ٹی وی نے سابق کرکٹر شعیب اختر کو 10 کروڑ 33 لاکھ کا لیگل نوٹس بھیج دیا

شعیب اختر کو 3 سیلریاں واپس کرنے کا بھی کہا گیا ہے، لیگل نوٹس میں کہا گیا ہے کہ آپ نے کنٹریکٹ کیا اور پروگرام نہیں کیا،کنٹریکٹ مکمل کو نہ کرنے پر نقصان کا ازالہ کریں،آپ کے ایکٹ اور کنڈکٹ کی وجہ سے سرکاری ٹی وی بہت بڑا مالیاتی نقصان ہوا، ادارے کی ساخ اور سپانسرشپ بری طرح مجروح ہوئی،آپ نے مختلف ٹی وی چینلز کو انٹرویو دیے جسکی وجہ سے ادارے شرمندگی کا سامنا کر پڑ رہا ہے، آپ نے دارہ، پروگرام چھوڑنے کا آگاہ نہیں کیا، ایگریمنٹ کے دوران بھارتی چینل پر پروگرام ریکارڈ کروایا، آپ کے اس عمل سے ادارے کو ناقابل تلافی نقصان ہوا،

شعیب اختر کی جانب سے پی ٹی وی کو بھرپور جواب دیا جائے گا، وکیل شعیب اختر سلمان نیازی کا کہنا ہے کہ لیگل نوٹس کا جائزہ لیا جارہا ہے جلد جواب دیں گے، شعیب اختر نے اپنی لیگل ٹیم کو لیگل نوٹس کا جواب تیار کرنے کی ہدایت کر دی، رواں ہفتے پی ٹی وی کو لیگل نوٹس کا جواب بھجوایا جائے گا

سماجی رابطے کی ویب سائٹ ٹویٹر پر بھی قومی کرکٹر شعیب اختر کا کہنا تھا کہ سرکاری ٹی وی کا نوٹس دیکھ کر بہت مایوسی ہوئی اپنی عزت اور ساکھ کی حفاظت کرنے میں بری طرح ناکام ہونے کے بعد اب انہوں نے مجھے ریکوری نوٹس بھیجا ہے میں ایک فائٹر ہوں اور ہار نہیں مانوں گا میرے وکیل اس مسئلے کو قانون کے مطابق آگے بڑھائیں گے

26 اکتوبر کو سرکاری ٹی وی پر لائیو شو کے دوران پروگرام کے میزبان ڈاکٹر نعمان نیاز نے شعیب اختر سے شو چھوڑ کر جانے کا کہا تھا۔شعیب اختر نے معاملےکو رفع دفع کرنےکی کوشش کی لیکن جب بات نہ بنی تو شعیب اختر نہ صرف شو چھوڑ کر چلے گئے بلکہ انہوں نے پی ٹی وی سے استعفی بھی دے دیا ۔

سرکاری ٹی وی کےمیزبان کا لائیو شو میں نامناسب رویہ، شعیب اختر نے مستعفیٰ ہونے کا…

لائیو شو میں میزبان کی شعیب اختر سے بدتمیزی پر فنکاروں کی مذمت

شعیب اختر بھارت کے سیمی فائنل میں پہنچنے کی دعائیں کرنے لگے

افغانستان نے نیوزی لینڈ کو نہ ہرایا تو کیا ہو گا؟ جد یجا کا صحافی کے سوال پر دلچسپ جواب