Baaghi TV

Category: کھیل

  • میرے کپتان ہمیشہ سرفراز احمد رہیں گے ،شاداب خان

    میرے کپتان ہمیشہ سرفراز احمد رہیں گے ،شاداب خان

    کراچی: شاداب خان نے وکٹ کیپر سرفراز احمد کو اپنا "استاد” قرار دیتے ہوئے کہا کہ میرے کپتان ہمیشہ سرفراز احمد رہیں گے-

    باغی ٹی وی: سماجی رابطئ کی ویب سائٹ ٹویٹر پر سوال و جواب کے سیشن میں شاداب خان نے کہاکہ سرفراز احمد نے مجھے سکھایا کہ کیسے قیادت کی جاتی ہے، کیسے ٹیم کا خیال رکھا جاتا ہے، کیسے اپنے ملک اور اور ساتھیوں کیلیے لڑا جاتا ہے، میرے استاد ہمیشہ کپتان رہیں گے۔


    ایک اور سوال پر شاداب نے کہا کہ پاکستان سپر لیگ 7 میں بھی ان کے پسندیدہ کپتان سرفراز احمد ہی ہوں گے-


    جب ان سے پوچھا گیا کہ کیا شاہین شاہ آفریدی لاہور قلندرز کی قیادت کیلیے موزوں ہیں تو انھوں نے کہا کہ ہاں وہ کپتانی کرسکتے ہیں۔


    ایک سوال پر کرکٹر نے کہا کہ ٹی ٹوئنٹی 2021 میں ان کا پسندیدہ میچ پاکستان اور انڈیا کے مابین کھیلا جانے والا میچ ہے-


    اس سوال پر کہ اگر انھیں موقع ملے تو وہ خود کس پی ایس ای فرنچائز کا انتخاب کرنا چاہیں گے شاداب خان نے کہا کہ میں ہمیشہ ہی اسلام آباد یونائیٹڈ کا انتخاب کروں گا جب تک کہ وہ مجھے خود ہی ریلیز کرنے کا فیصلہ نہیں کرلیتے۔


    ایک شائق کے سوال پر شاداب خان نے کہا کہ میں نے کبھی فیلڈ میں ساتھی کھلاڑیوں کے ساتھ خراب رویے کااظہار نہیں کیا، جونیئر کرکٹرز میرے بھائی ہیں۔ جب ان سے حسن علی، رضوان, اور شاہد آفریدی کے بارے میں ایک ایک لفظ کہنے کو کہا گیا تو انھوں نے پیسر کو بھائی، وکٹ کیپر بیٹر کو چیمپئن اور سابق اسٹار آل راؤنڈر کو تحریک قرار دیا۔


    قومی کرکٹر شرجیل خان نے جب ان سے پوچھا کہ شادی کب کرو گے تو شاداب نے کہا کہ شرجیل بھائی آپ ہی بات کرلیں اب، میں نمبر آپ کو بھجواتا ہوں‘۔ شاداب نے کرسٹیانو رونالڈوکو اپنا پسندیدہ فٹبالر قرار دیا۔


    شاداب خان نے مداحوں کو پیغام میں کہا کہ چیزیں اوپر نیچے ہوں گی، کبھی ہمت نہ ہاریں۔ ہمیشہ یاد رکھیں، آپ صرف اپنی صلاحیت سے بہترین کام کر سکتے ہیں، باقی اللہ پر چھوڑ دیں۔

  • کرکٹر یاسر شاہ 14 سالہ لڑکی کے ساتھ ریپ کیس میں نامزد

    کرکٹر یاسر شاہ 14 سالہ لڑکی کے ساتھ ریپ کیس میں نامزد

    کرکٹر یاسر شاہ کو دوست فرحان سمیت 14 سالہ لڑکی کے ساتھ جنسی زیادتی کے مقدمے میں نامزد کر دیا گیا-

    باغی ٹی وی : تفصیلات کے مطابق معروف ٹیسٹ کرکٹر یاسر شاہ اوران کے دوست کے خلاف زیادتی کا مقدمہ درج کروادیا گیا۔= مقدمہ میں 14 سالہ لڑکی کے ساتھ جنسی زیادتی کا انکشاف ہوا ہے مقدمہ متاثرہ لڑکی کے ماموں کی مدعیت میں درج کیا گیا ہے.ایف آئی آر کےمطابق یاسر شاہ ار اسکے دوست فرحان مجھ سے واٹس ایپ پر بات کرواتا تھا،دونوں نے مجھے ٹریپ کیا ۔

    دادا کی صحت یابی کیلئے 6 ماہ کی بچی کی بلی چڑھا دی گئی


    ایف آئی آر کے مطابق 14 اگست کو جب ٹیوشن جارہی تھی تو فرحان نے اسے ٹیکسی میں بٹھایااورایف الیون فلیٹ پرلےگیا، فلیٹ پرفرحان نے دست درازی شروع کی ،مزاحمت کرنے پرمیرے ساتھ گن پوائنٹ پرجنسی زیادتی کی اور ویڈیو بھی بنائی اور مجھے دھمکی دی کہ کسی سے ذکرکیاتو ویڈیو وائرل کردوں گا اورجان سے بھی مار دوں گا۔

    گھریلو ناچاقی پر بیوی کو قتل کرنیوالا سفاک ملزم گرفتار

    ایف آئی ار کے مطابق فرحان نے یاسر شاہ سے بھی اسی وقت دھمکی دلوائی،یاسرشاہ نے کہا کہ وہ انٹرنیشنل کرکٹرہے شکایت کی صورت میں کسی بھی مقدمے میں پھنسا دے گا،فرحان نے بعد میں بھی بلیک میل کیا اور زیادتی کانشانہ بنایا،فرحان یاسرشاہ سے فون پربات کرواتااور اس سے بھی تعلقات استوار کرنے پر مجبورکرتا۔

    متاثرہ لڑکی کے مطابق 11ستمبرکو واٹس ایپ پر یاسر شاہ کو سارے معاملے کےبارے میں بتایا تو مذاق اڑایا اور کہا کہ مجھے کمسن لڑکیاں پسند ہیں یاسر شاہ نے سنگین نتائج کی دھمکیاں دیں اور کہا وہ بہت بااثرہے،اعلی افسران سے دوستی ہے۔

    کراچی: شیر شاہ کے نجی بینک میں دھماکے کا غیر قانونی تعمیرات،قتل خطا اور دیگر…

    لڑکی کے مطابق جب پولیس کو درخواست دینے کا کہا تویاسر شاہ نے کہا کہ جوہونا تھا ہوگیا ،تمہارے نام پرفلیٹ کرادوں گااور18 سال تک تمہارے اخراجات بھی برداشت کروں گا ،فرحان سے نکاح کرلو ور وہ فرحان کے ذریعے بھی مجھے دھمکیاں دیتا رہا جس کی آڈیو بھی موجود ہیں چند دن قبل مجھے یاسر شاہ نے ایف سکس کے سیکنڈ کپ کیفے پر فرحان سے ملنے کو کہا اور کہا کہ وہ کراچی میں ہے جہاں ویسٹ انڈیز کے میچز ہو رہے ہیں تم فرحان سے معاملات طے کرو-

    لڑکی نے مزید کہا کہ فرحان نے وہاں بھی میرے ایک جاننے والے صحافی کے سامنے دھمکیاں دیں کہ اگر کسی کو بھی بتایا تو یاسر شاہ کا پیغام ہے کہ جان سے جاو گی اب یاسر شاہ مجھے 22 دسمبر کو ملنے کا کہہ رہا ہے کہ وہ اسلام آباد آئے گا تم فرح کو لے کر میرے فلیٹ میں آو فرح مجھے خوش کرے گی تو میں سارے معاملات طے کروں گا بصورت دیگر جو کرنا ہے کر لو تنگ آ کر تھانہ آئی ہوں –

    لڑکی کے مطابق یاسر شاہ اور فرحان باہمی ملی بھگت سے اپنے شیش-ہ سینٹر پر نو عمر اور معصوم بچیوں کو پھنساتے ہیں جنسی زیادتی کر کے ویڈیو بناتے ہیں اور پھر بلیک میل کر کے مزید لڑکیاں پھنسانے کا گندا کم کرتے ہیں

    متاثرہ لڑکی کی خالہ کا کہنا ہے کہ مجھے اور میری بھانجی اور گھر والوں کو دونوں ملزمان سے جان کا خطرہ ہے ان دونوں کے خلاف قانون کے مطابق مقدمہ درج کر کے فوری کاروائی کی جائے میری بھانجی ہر وقت روتی رہتی ہے کہتی ہے کہ میں میڈیا کے سامنے ساری بات بتا کر خود کشی کر لوں گی-

    انہوں نے مطالبہ کیا کہ ہمیں قانونی تحفظ کے ساتھ سخت کاروائی عمل میں لائی جائے-

    دوسری جانب پولیس کا کہنا ہے کہ لڑکی کے بیان کا جائزہ لیا جائے گا اور اسکا میڈیکل کروایا جائے گا۔

    جیت کی خوشی میں فائرنگ سے جیتنے والا جاں بحق،پولیس ان ایکشن

  • سیکورٹی کا مسئلہ حل، نیوزی لینڈ ٹیم کا دورہ پاکستان کا اعلان

    سیکورٹی کا مسئلہ حل، نیوزی لینڈ ٹیم کا دورہ پاکستان کا اعلان

    سیکورٹی کا مسئلہ حل، نیوزی لینڈ ٹیم کا دورہ پاکستان کا اعلان

    کرکٹ کے مداحوں کے لئے خوشخبری، نیوزی لینڈ کرکٹ ٹیم نے دورہ پاکستان کا اعلان کر دیا

    نیوزی لینڈ کی کرکٹ ٹیم آئندہ برس پاکستان کا دورہ کرے گی، پاکستان کرکٹ بورڈ کے مطابق نیوزی لینڈ کی ٹیم آئندہ سال دسمبر سے دو ٹیسٹ اور تین ون ڈے انٹرنیشنل میچز کھیلنے کے لیے پاکستان کا دورہ کرے گی مہمان ٹیم اپریل 2023 میں ایک مرتبہ پھر پاکستان آئے گی جہاں وہ 10 وائٹ بال میچز پر مشتمل سیریز کھیلے گی

    چیئرمین پاکستان کرکٹ بورڈ رمیز راجہ کی نیوزی لینڈ کرکٹ کے چیئرمین مارٹن سینیڈن سے ملاقاتوں میں تبادلہ خیال کے بعد ان دوروں کو حتمی شکل دی گئی ہے چیئرمین پاکستان کرکٹ بورڈ رمیز راجہ کا کہنا ہے کہ وہ مارٹن سینیڈن اور ان کے بورڈ کے شکر گزار ہیں وہ ان سے ہونی والی ملاقاتوں کے نتائج پر بھی بہت خوش ہیں یہ دونوں بورڈز کے مضبوط تعلقات کی ضمانت اور اس بات کی تصدیق ہے کہ پاکستان کرکٹ برادری کا ایک اہم رکن ہے

    نیوزی لینڈ کرکٹ کے چیف ایگزیکٹو ڈیوڈ وائیٹ کا کہنا ہے کہ رمیز راجہ اور مارٹن سینیڈن کی دبئی میں نتیجہ خیز اور تعمیری گفتگو ہوئی جس سے دونوں بورڈز کے تعلقات بھی مزید مضبوط ہوئے ہیں

    واضح رہے کہ رواں برس ماہ ستمبر میں نیوزی لینڈ کی ٹیم پاکستان آئی تھی اور میچ سے عین چند لمحے قبل سیکورٹی کا بہانہ بنا کر واپس چلی گئی تھی، نیوزی لینڈ کی ٹیم نے اچانک دورہ ختم کرنے کا اعلان کیا تھا، جس کے بعد پنڈی میں ہونے والی سیریز ملتوی کر دی گئی تھی، اب نیوزی لینڈ کی ٹیم نے دوبارہ دورہ پاکستان کا اعلان کیا ہے

     پولیس نے مدرسے کے لڑکے سے بد فعلی کے ملزم مفتی عزیز الرحمن کے خلاف مقدمہ درج کر دی

    مولانا کی بچے سے زیادتی ، ویڈیو لیک ، اصل حقیقت کیا ہے ، سنیے مبشر لقمان کی زبانی

    مذہبی رہنماوں کا ردعمل

    طالب علم نے چائے پلائی اور پھر….مفتی عزیرالرحمان کی زیادتی کیس میں وضاحتی ویڈیو

    طالب علم سے زیادتی کرنیوالے مفتی کو مدرسہ سے فارغ کر دیا گیا

    چیئرمین پی سی بی کا نیوزی لینڈ کرکٹ بورڈ کیخلاف آئی سی سی جانے کا اعلان

  • بورڈ کی فرنچائزز کو سالانہ فیس کیلئے دوسری بار یاد دہانی

    بورڈ کی فرنچائزز کو سالانہ فیس کیلئے دوسری بار یاد دہانی

    پاکستان سُپر لیگ کے پانچویں اور چھٹے ایڈیشن کے حسابات اب تک فائنل نہیں ہوئے تاہم پی سی بی نے پی ایس ایل فرنچائزز کو سالانہ فیس کیلیے دوسری بار یاد دہانی کرا دی۔

    باغی ٹی وی : تفصیلات کے مطابق نئے فنانشل ماڈل کے تحت ہر پی ایس ایل سے 2 ماہ قبل فرنچائزز کو فیس کی آدھی رقم ادا کرنا ہے،اس حوالے سے انھیں گذشتہ ماہ خط بھیج کر27 تاریخ تک ادائیگی کا کہا گیا تھا مگر کسی نے فیس جمع نہیں کرائی۔

    رائے تیمور کا پاکستان کی سب سے بڑی فٹ بال لیگ کروانے کا اعلان

    چند روز قبل ایک اور یاد دہانی کا خط بھیجا گیا ہے، اس حوالے سے ذرائع نے بتایا کہ لیگ کے پانچویں اور چھٹے ایڈیشن کے حسابات اب تک فائنل نہیں ہوئے، پی سی بی کو اپنی بعض پیمنٹس کا انتظار ہے، فرنچائز مالکان کا موقف ہے کہ پہلے یہ معاملہ حل کیا جائے، اس کے بعد الٹا بورڈ کو ہی فرنچائزز کو رقم دینا ہوگی۔

    آئی سی سی ویمنز کرکٹ ورلڈ کپ کے شیڈول کا اعلان

    ذرائع نے مزید بتایا کہ بعض پارٹنرز کے ساتھ پی سی بی کے مالی تنازعات تقریباً حل ہو چکے ہیں، اس کے بعد اکاؤنٹس بھی فائنل کر لیے جائیں گےدوسری جانب ٹیم اونرز بورڈ کے بعض آفیشلز کے رویئے سے نالاں ہیں۔

    کشمیر کاز اور کشمیریوں کے حقوق کے لیے ہمیشہ کوشاں رہوں گا ، شاہد آفریدی

    گزشتہ روز ہر ٹیم میں مزید2،2 پلیئرز کو شامل کرنے کی اطلاعات سامنے آئیں فرنچائرز کی تجویز پر ہر ٹیم کے کھلاڑیوں کی تعداد 18 سے بڑھا کر 20 کردی گئی ہے اس فیصلے کا مقصد ڈومیسٹک کرکٹرز کو زیادہ سے زیادہ موقع دینا اور کورونا کی صورتحال ہے۔

    پاکستانی عوام کا اولمپئن طلحہ طالب کو ٹوئٹر پر خراج تحسین

    12 دسمبر کو ہونے والے ڈرافٹ سے قبل فرنچائزز نے تجویز دی تھی کہ اگر ان کے پاس بجٹ ہے تو انہیں کھلاڑیوں کی تعداد بڑھانے کی اجازت دی جائے، پی سی بی نے اس کی اجازت دے دی ہےاب دو ڈومیسٹک کرکٹرز یا ایک ڈومیسٹک اور ایک غیر ملکی کھلاڑی کوسکواڈ میں شامل کیا جا سکتا ہے۔

    مانچسٹر یونائیٹڈ کے پہلےجنوبی ایشیائی اور پاکستانی نژاد فٹبالرزیدان اقبال

  • ویسٹ انڈیز ٹیم کے مزید 5 ممبران کا کورونا ٹیسٹ مثبت، سیریز شبہات کا شکار

    ویسٹ انڈیز ٹیم کے مزید 5 ممبران کا کورونا ٹیسٹ مثبت، سیریز شبہات کا شکار

    کراچی میں ویسٹ انڈیز ٹیم کے مزید 5 ممبران کا کورونا ٹیسٹ مثبت آگیا.

    باغی ٹی وی : ویسٹ انڈیز کے 3کھلاڑی اور 2معاون اسٹاف کا کورونا مثبت آیا ہے ویسٹ انڈیز کے متاثرہ کھلاڑی اور معاون ا سٹاف قرنطینہ کریں گے ویسٹ انڈیز کے کھلاڑی شائے ہوپ، عقیل حسین ، جسٹن گریوز کا کورونا ٹیسٹ مثبت آیا۔ویسٹ انڈیز کے اسسٹنٹ کوچ ، ٹیم فزیشن میں بھی کورونا کی تصدیق ہوئی ہے ڈیون تھامس پہلے ہی فنگر انجری کے باعث سیریز سے باہر ہوگئے تھے۔

    آئی سی سی ویمنز کرکٹ ورلڈ کپ کے شیڈول کا اعلان

    اس صورتحال میں ویسٹ انڈیز کرکٹ بورڈ (سی ڈبلیو آئی) آج پاکستان کرکٹ بورڈ کے ساتھ اجلاس کررہا ہے جس میں اس بات پر غور کیا جائے گا کہ کیا دورہ یہیں ختم کردیا جائے۔

    خیال رہے کہ ویسٹ انڈیز کی ٹیم کو پاکستان میں 3 ون ڈے انٹرنیشنل میچز بھی کھیلنے تھے۔

    میچز اسٹیڈیم میں اسٹوڈنٹس کی انٹری مفت کردیں، اسد عمرکی رمیز راجہ سے درخواست

    برطانوی خبررساں ادارے روئٹرز کی رپورٹ کے مطابق ویسٹ انڈیز کرکٹ بورڈ نے کراچی میں ہونے والے تیسرے ٹی 20 سے چند گھنٹے قبل ایک بیان جاری کرتے ہوئے کہا کہ دونوں بورڈز اس بات کا فیصلہ کرنے کے اجلاس کررہے ہیں کیا دورہ جاری رہنا چاہیے۔

    کامران اکمل کا پی ایس ایل 7 سے دستبرداری کا فیصلہ واپس لینے کا اعلان


    ویسٹ انڈیز بورڈ کے بیان میں کہاگیا کہ چنانچہ تینوں کھلاڑی آئندہ میچز میں شرکت نہیں کریں گے اور پانچوں افراد ویست انڈیز اسکواڈ سے الگ ہو کر آئسولیشن میں رہیں گے وہ 10 یا اس وقت تک آئسولیشن میں رہیں گے جب تک ان کے پی سی آر ٹیسٹ منفی نہیں آجاتے‘

    ٹی ٹوئنٹی کرکٹ: پاکستان کا نیشنل اسٹیڈیم میں منفرد ریکارڈ

    خیال رہے کہ اسے قبل پاکستان آنے کے بعد ویسٹ انڈیز کے فاسٹ باؤلر شیلڈن کوٹریل اور آل راؤنڈرز روسٹن چیز اور کیل میئرز کورونا وائرس سے متاثر پائے گئے تھے جبکہ ایک نان کوچنگ رکن میں بھی وائرس کی تشخیص ہوئی تھی۔

    رائے تیمور کا پاکستان کی سب سے بڑی فٹ بال لیگ کروانے کا اعلان

  • رائے تیمور کا پاکستان کی سب سے بڑی فٹ بال لیگ کروانے کا اعلان

    رائے تیمور کا پاکستان کی سب سے بڑی فٹ بال لیگ کروانے کا اعلان

    وزیر کھیل پنجاب رائے تیمور بھٹی نے پاکستان کی سب سے بڑی فٹ بال لیگ کروانے کا اعلان کیا ہے

    وزیر کھیل پنجاب رائے تیمور بھٹی کا کہنا تھا کہ رجسٹریشن کا مرحلہ 15 دسمبر سے 22 دسمبر تک جاری رہے گا۔ صوبہ بھر سے 23 برس سے کم عمر کھلاڑی رجسٹریشن کے اہل ہیں۔ رجسٹریشن کے لئے آن لائن فارم، QR کوڈ اور ڈویژنل اور ضلعی سپورٹس آفس سے رابطہ کریں۔ضلعی سطح پر پنجاب کے سب سے بڑے فٹ بال ٹرائلز منعقد کئے جائیں گے۔پہلے فیز میں ڈویژن لیول ٹیموں کی تشکیل ہوگی۔اگلے مرحلہ میں لاہور میں تمام ڈویژن کے لیگ میچز منعقد ہونگے۔ جیتنے والی ٹیموں کے لئے 3،5،10 لاکھ روپے کے انعامات رکھے گئے ہیںلیگ کے ذریعے پنجاب کی ڈریم ٹیم سیلکٹ کی جائے گی ۔پنجاب ڈریم ٹیم فٹ بال ٹیم کے لئے ماہانہ وظائف کا اجراء کیا جائے گا۔

    وزیر کھیل پنجاب رائے تیمور بھٹی کا مزید کہنا تھا کہ ڈی جی سپورٹس پنجاب خود ٹرائلز اور لیگ انتظامات کی نگرانی کریں گے۔پی ایف ایل وزیراعظم کے ریجنل کھیلوں کے فروغ کے ویژن جانب ایک اہم قدم ہے۔ نوجوانوں بڑی تعداد میں فٹ بال لیگ کے ٹرائلز کے لئے رجسٹریشن کروائیں۔

  • آئی سی سی ویمنز کرکٹ ورلڈ کپ کے شیڈول کا اعلان

    آئی سی سی ویمنز کرکٹ ورلڈ کپ کے شیڈول کا اعلان

    انٹرنیشنل کرکٹ کونسل (آئی سی سی) ویمنز کرکٹ ورلڈ کپ کے شیڈول کا اعلان کر دیا گیا۔

    آئی سی سی ویمنز کرکٹ ورلڈ کپ نیوزی لینڈ میں کھیلا جائے گا اور ویمنز ورلڈ کپ کے میچز کا آغاز 4 مارچ کو ہو گا جس میں میزبان نیوزی لینڈ کا مقابلہ ویسٹ انڈیز سے ہوگا پاکستان اپنا پہلا میچ 6 مارچ کو بھارت کے خلاف کھیلے گا اور پاکستان کا دوسرا میچ 8 مارچ کو آسٹریلیا کے خلاف کھیلا جائے گا۔


    ویمنز ورلڈ کپ میں پاکستان 24 مارچ کو اپنے تیسرے میچ میں انگلینڈ سے ٹکرائے گا 21 مارچ کو ویسٹ انڈیز کے خلاف پاکستان میدان میں اترے گا۔

    آئی سی سی کے مطابق 31 دنوں میں 31 میچز کھیلے جائیں گے، جن میں 8 ٹیمیں شریک ہوں گی، میچز لیگ کی بنیاد پر کھیلے جائیں گے جس میں آٹھ ٹیمیں ورلڈ کپ ٹرافی کے لئے ٹکرائیں گی آکلینڈ، کرائسٹ چرچ، ڈونیڈن، ہیملٹن، تورنگا اور ویلنگٹن چھ شہر ہوں گے جو ٹورنامنٹ کی میزبانی کریں گے۔


    آسٹریلیا، انگلینڈ، جنوبی افریقہ اور بھارت نے آئی سی سی ویمنز چیمپئن شپ 2017-20 میں اپنی پوزیشن کی بنیاد پر ایونٹ کے لیے کوالیفائی کیا جبکہ نیوزی لینڈ نے میزبان ہونے کے ناطے خود بخود کوالیفائی کیا۔

    ون ڈے ٹیم رینکنگ کی بنیاد پر، بنگلہ دیش، پاکستان اور ویسٹ انڈیز 2021 کے بعد ورلڈ کپ کے لیے اپنی جگہ بنانے والی آخری تین ٹیمیں تھیں کووڈ سے متعلق غیر یقینی صورتحال کی وجہ سے خواتین کے کرکٹ ورلڈ کپ کوالیفائر کو منسوخ کر دیا گیا تھا۔

    فوٹو بشکریہ آئی سی سی
    آئی سی سی کے مطابق رپورٹ کے مطابق ٹورنامنٹ لیگ فارمیٹ میں کھیلا جائے گا جہاں تمام آٹھ ٹیمیں ایک بار آمنے سامنے ہوں گی جس کے اختتام پر ٹاپ چار ٹیمیں سیمی فائنل کے لیے کوالیفائی کریں گی۔

    پہلا سیمی فائنل 30 مارچ کو ویلنگٹن کے دی بیسن ریزرو میں کھیلا جائے گا جبکہ کرائسٹ چرچ میں ہیگلے اوول دوسرے سیمی فائنل (31 مارچ) اور فائنل (3 اپریل) کی میزبانی کرے گا۔ سیمی فائنل اور فائنل دونوں جگہوں پر ریزرو ڈے ہوگا۔

    اس ٹورنامنٹ کوویڈ 19 وبائی امراض کے آغاز کے بعد سے خواتین کے عالمی ایونٹ کی میدان میں واپسی ہوگی خواتین کا آخری عالمی ایونٹ مارچ 2020 میں آسٹریلیا میں ہونے والا آئی سی سی خواتین کا ٹی 20 ورلڈ کپ تھا، جسے میزبان ٹیم نے فائنل میں بھارت کو ہرا کر جیتا تھا۔

  • کامران اکمل کا پی ایس ایل 7 سے دستبرداری کا فیصلہ واپس لینے کا اعلان

    کامران اکمل کا پی ایس ایل 7 سے دستبرداری کا فیصلہ واپس لینے کا اعلان

    قومی کرکٹر کامران اکمل نے پاکستان سپر لیگ 7 سیزن سے دستبرداری کا فیصلہ واپس لے لیا۔

    باغی ٹی وی : پشاور زلمی کےکوچ اور ڈائریکٹر کرکٹ محمد اکرم کی کامران اکمل سے ملاقات ہوئی جس میں انہوں نے پی ایس ایل سے دستبرداری کا فیصلہ واپس لینے کا اعلان کیا ہے کہا کامران اکمل ہمیشہ ہمارے اہم کھلاڑی رہے ہیں کامران اکمل پی ایس ایل 7میں بھی پشاور زلمی کا حصہ ہوں گے ۔

    ادھر کامران اکمل نے کہا ہے کہ پشاور زلمی میری فیملی ہے پی ایس ایل 7 میں پشاور زلمی کی نمائندگی کروں گا۔

    پیسوں کی وجہ سے پی ایس ایل 7 سے دستبردار نہیں ہوا، کامران اکمل

    یادرہے کہ لاہورپریس کلب میں گفتگو کرتے ہوئے پاکستان ٹیم کے سابق کرکٹر کامران اکمل نے کہا تھا کہ پیسوں کی وجہ سے پی ایس ایل 7 سے دستبردار نہیں ہوا عزت اوروقار کے ساتھ دو سے تین سال مزید کھیلنا چاہتا ہوں پی ایس ایل کی ڈرافتٹنگ میں پلاٹنیم سے گولڈ اور پھر سلور میں پک ہونے کا بہت افسوس ہوا کیٹگریز میں تبدیلی کی وجہ بورڈ ہی بتا سکتا ہے۔

    پاکستان نے بھارت کوشکست دے دی

    کامران اکمل کا کہنا تھا کہ اپنے موقف پر قائم ہوں کہ سلور کیٹگری میں مجھے جیسے سینئر کھلاڑی کو نہیں کھیلنا چاہیے۔ سہیل تنویر سمیت جو بھی لڑکے اس کیٹگری میں کھیل رہےہیں وہ ان کا اپنا فیصلہ ہے۔ کامران اکمل پی ایس ایل کے ساتویں ایڈیشن کیلئے پشاور زلمی کی جانب سے سلورکیٹیگری میں منتخب ہونے پر پی ایس ایل سے دستبردار ہوگئے تھے۔

    دوسرا ٹی 20 میچ: پاکستان نے ویسٹ انڈیز کو شکست دے کر سریز اپنے نام کرلی:ریکارڈ…

    ان کا کہنا تھا کہ میرا سلور کیٹگری میں کھیلنے کا حق نہیں بنتا ہے۔ میری جگہ نوجوان کرکٹر کو موقع دیا جائے پشاور زلمی کی انتظامیہ میرے ساتھ اس وجہ سے ہمدردی نہ کرے کہ میں ان کے لیے 6 ایڈیشن کھیلے جب چھٹے ایڈیشن کے لیے مجھے پلاٹینیم سے گولڈ کیٹگری میں شامل کیا گیا تو یہ میرے لیے حیران کن تھا۔ میرا ٹریک ریکارڈ شاندار تھا لیکن پھر بھی میری تنزلی کی گئی میں نے اس پر صبر کیا اور پوری دلجمعی سے کھیلا۔ اب گولڈ سے مزید تنزلی کرتے ہوئے سلور کیٹگری میں شامل کرنا قابل قبول نہیں۔

    ٹی ٹوئنٹی کرکٹ: پاکستان کا نیشنل اسٹیڈیم میں منفرد ریکارڈ

  • پیسوں کی وجہ سے پی ایس ایل 7 سے دستبردار نہیں ہوا، کامران اکمل

    پیسوں کی وجہ سے پی ایس ایل 7 سے دستبردار نہیں ہوا، کامران اکمل

    لاہور: کامران اکمل کا کہنا ہے کہ پیسوں کی وجہ سے پی ایس ایل 7 سے دستبردار نہیں ہوا-

    باغی ٹی وی : تفصیلات کے مطابق لاہورپریس کلب میں گفتگو کرتے ہوئے پاکستان ٹیم کے سابق کرکٹر کامران اکمل نے کہا کہ پیسوں کی وجہ سے پی ایس ایل 7 سے دستبردار نہیں ہوا عزت اوروقار کے ساتھ دو سے تین سال مزید کھیلنا چاہتا ہوں پی ایس ایل کی ڈرافتٹنگ میں پلاٹنیم سے گولڈ اور پھر سلور میں پک ہونے کا بہت افسوس ہوا کیٹگریز میں تبدیلی کی وجہ بورڈ ہی بتا سکتا ہے۔

    کامران اکمل کا کہنا تھا کہ اپنے موقف پر قائم ہوں کہ سلور کیٹگری میں مجھے جیسے سینئر کھلاڑی کو نہیں کھیلنا چاہیے۔ سہیل تنویر سمیت جو بھی لڑکے اس کیٹگری میں کھیل رہےہیں وہ ان کا اپنا فیصلہ ہے۔

    پاکستان او ویسٹ انڈٰیز کا دوسراٹی ٹوئنٹی آج کراچی میں کھیلا جائے گا

    پاکستان کرکٹ بورڈ کے سربراہ رمیز راجہ کی طرف سے عمر کو جواز بنانے کی مخالفت کرتے ہوئے کامران اکمل کا موقف تھا کہ اس معاملے کو عمر کے لحاظ سے دیکھنا ٹھیک نہیں کیٹگریز پرفارمنس، سنیارٹی، فٹنس اور پرفارمنس کی بنیاد پر بنتی ہیں عمر کا اس سے کوئی تعلق نہیں-

    اس سے قبل کامران اکمل نے کہا تھا کہ انہیں پشاور زلمی کی ہمدردی نہیں چاہیے کامران اکمل نے کہا تھا کہ پشاور زلمی کی انتظامیہ میرے ساتھ اس وجہ سے ہمدردی نہ کرے کہ میں ان کے لیے 6 ایڈیشن کھیلے جب چھٹے ایڈیشن کے لیے مجھے پلاٹینیم سے گولڈ کیٹگری میں شامل کیا گیا تو یہ میرے لیے حیران کن تھا۔ میرا ٹریک ریکارڈ شاندار تھا لیکن پھر بھی میری تنزلی کی گئی میں نے اس پر صبر کیا اور پوری دلجمعی سے کھیلا۔ اب گولڈ سے مزید تنزلی کرتے ہوئے سلور کیٹگری میں شامل کرنا قابل قبول نہیں۔ یہ جونیئر کرکٹرز کی کیٹیگری ہے۔ بہتر ہے کہ اس میں جونیئرز کو ہی شامل کیا جائے میں نے پشاور زلمی سے کہا کہ پلیز مجھے ریلیز کر دیں، میں اس کیٹیگری میں کھیلنا ڈیزرو نہیں کرتا، کسی اور کو کھلا لیں وہ زیادہ بہتر ہے۔

    ٹی ٹوئنٹی کرکٹ: پاکستان کا نیشنل اسٹیڈیم میں منفرد ریکارڈ

    واضح رہے کہ قومی کرکٹ ٹیم کے کھلاڑی کامران اکمل نے پشاور زلمی کے طرف سے سلور کیٹیگری میں منتخب کیے جانے پر پی ایس ایل کے 7 ویں ایڈیشن سے دستبرداری کا اعلان کیا تھا اسٹار کرکٹر رنز کے اعتبار سے چھٹے ایڈیشن میں9ویں اور 5ویں ایڈیشن میں 12ویں نمبر پر رہے۔

    کامران اکمل اگرچہ پی ایس ایل کے 6 ایڈیشنز میں رنز کے اعتبار سے بابر اعظم کے بعد دوسرے نمبر پر ہیں لیکن گزشتہ دو ایڈیشنز میں ان کی اوسط درجے کی کارکردگی انہیں سلور کیٹیگری میں شامل کرنے کی وجہ بنی پی ایس ایل کے چھٹے ایڈیشن کے اعداد و شمار پر نظر دوڑائیں تو کامران اکمل رنز بنانے کے اعتبار سے 9ویں نمبر پر رہے انہوں نے 13 میچ کھیلے اور 283 رنز بنا سکے ان کی بیٹنگ اوسط 21 رنز فی اننگز سے کچھ زائد رہی۔ 13 میچوں میں وہ صرف دو بار چلے اور ففٹی پلس رنز بنائے۔ اپنی ہارڈ ہٹنگ کے لیے مشہور کامران اکمل 13 میچوں میں صرف 7 چھکے لگا پائے۔

    پاکستان کی ویسٹ انڈیز کے خلاف شان دار بیٹنگ اور باؤلنگ،پہلا ٹی ٹوئنٹی 65 رنز سےجیت…

    اس سے قبل پی ایس ایل کے 5ویں ایڈیشن میں بھی وہ زیادہ اچھی کارکردگی نہ دکھا سکے اور زیادہ رنز کے اعتبار سے 12ویں نمبر پر رہے۔ انہوں نے 5ویں ایڈیشن میں 9 میچ کھیلے اور ان میچوں میں 251 رنز بنا سکےاس ایڈیشن میں ان کی بیٹنگ اوسط 27 رنز رہی۔ انہوں نے ایک سنچری بنائی جب کہ کوئی ففٹی نہ بنا سکے اگر تمام 6 ایڈیشنز میں کارکردگی کی بات کی جائے تو انہوں نے 69 میچ کھیل رکھے ہیں اور رنز بنانے میں بابر اعظم کے بعد دوسرے نمبر پر ہیں۔ انہوں نے 27 کی اوسط سے 1820 رنز بنائے۔ ان کے پاس پی ایس ایل میں سب سے زیادہ 3 سنچریز کا اعزاز ہے جب کہ وہ 11 ففٹیز بنا چکے ہیں۔

    کشمیر کاز اور کشمیریوں کے حقوق کے لیے ہمیشہ کوشاں رہوں گا ، شاہد آفریدی

  • پاکستان او ویسٹ انڈٰیز کا دوسراٹی ٹوئنٹی آج کراچی میں کھیلا جائے گا

    پاکستان او ویسٹ انڈٰیز کا دوسراٹی ٹوئنٹی آج کراچی میں کھیلا جائے گا

    پاکستان اور ویسٹ انڈیز کے درمیان تین میچز کی سیریز کا دوسرا ٹی ٹوئنٹی آج کراچی میں کھیلا جائے گا۔

    باغی ٹی وی : یہ میچ نیشنل اسٹیڈیم میں شام 6 بجے شروع ہوگا ،گزشتہ روز کھیلے گئے پہلے ٹی ٹوئنٹی میچ میں پاکستان ٹیم نے ویسٹ انڈیز کو 63 رنز سے ہرا کر سیریز میں ایک صفر کی برتری حاصل کرلی تھی اس میچ میں حیدر علی کو 39 گیندوں پر 68 رنز کی اننگز کھیلنے پر پلیئر آف دی میچ کا ایوارڈ دیا گیا تھا۔

    پاکستان کی ویسٹ انڈیز کے خلاف شان دار بیٹنگ اور باؤلنگ،پہلا ٹی ٹوئنٹی 65 رنز سےجیت…

    دونوں ٹیموں کے درمیان سیریز کا تیسرا میچ جمعرات کو کراچی میں ہی کھیلا جائے گا جس کے بعد 3 ون ڈے انٹرنیشنل میچز کی سیریز بھی شیڈول ہے۔

    یاد رہے کہ اس سے قبل پاکستان نے بنگلادیش کیخلاف ٹی ٹوئنٹی سیریز تین صفر اور ٹیسٹ سیریز دو صفر سے جیتی تھی۔

    ٹی ٹوئنٹی کرکٹ: پاکستان کا نیشنل اسٹیڈیم میں منفرد ریکارڈ

    پاکستان: بابر اعظم (کپتان)، محمد رضوان، فخر زمان، حیدر علی، افتخار احمد، آصف علی، شاداب خان، محمد نواز، محمد وسیم، حارث رؤف، شاہین شاہ آفریدی

    ویسٹ انڈیز: نیکولس پوران (کپتان)، برینڈن کنگ، شے ہوپ، شمرابروکس، ڈیوون تھامس، رومین پاول، اوڈیئن اسمتھ، ڈومینیک ڈریکس، روماریو شیفرڈ، اکیل حسین

    کووڈ 19 کے بعد پہلی مرتبہ مکمل گنجائش کے ساتھ تماشائیوں کو ایس او پیز کے ساتھ نیشنل اسٹیڈیم میں آنے کی اجازت دی گئی ہے۔

    پاکستان پیپلزپارٹی سیاسی جماعت نہیں بلکہ وڈیروں کا گینگ ہے ،عامر خان

    میچز اسٹیڈیم میں اسٹوڈنٹس کی انٹری مفت کردیں، اسد عمرکی رمیز راجہ سے درخواست