Category: کھیل

نیوزی لینڈ کے خلاف سیریز کے لیے 20 رکنی قومی ون ڈے اسکواڈ کا اعلان

افتخار احمد اور خوشدل شاہ کی اسکواڈ میں واپسی، زاہد محمود، شاہنواز دھانی، محمد وسیم جونیئر اور محمد حارث بھی قومی ون ڈے انٹرنیشنل اسکواڈ کا حصہ بن گئے

قومی کرکٹ کے سلیکٹرز نے نیوزی لینڈ کے خلاف ون ڈے انٹرنیشنل سیریز کے لیے 20 رکنی قومی اسکواڈ کا اعلان کردیا ہے۔ دونوں ممالک کے مابین تین ون ڈے انٹرنیشنل میچز پر مشتمل سیریز پنڈی کرکٹ اسٹیڈیم راولپنڈی میں کھیلی جائے گی۔ سیریز میں شامل تینوں میچز آئی سی سی کرکٹ ورلڈکپ سپر لیگ کا حصہ ہیں۔ یہ میچز 17، 19 اور 21 ستمبر کو کھیلے جائیں گے۔

اعلان کردہ 20 رکنی اسکواڈ میں مڈل آرڈر بیٹسمین خوشدل شاہ اور افتخار احمد کی واپسی ہوئی ہے جبکہ نوجوان فاسٹ باؤلرز شاہنواز دھانی،محمد وسیم جونیئر ، محمد حارث اورزاہد محمود کو پہلی مرتبہ قومی ون ڈے اسکواڈ کا حصہ بنایا گیا ہے۔انگلینڈ کے خلاف ون ڈے انٹرنیشنل سیریز میں شرکت کرنے والے حارث سہیل، سلمان علی آغا، سرفراز احمد اور صہیب مقصود نیوزی لینڈ کے خلاف ہوم سیریز میں جگہ نہیں بناسکے۔

پاکستان ون ڈے انٹرنیشنل اسکواڈ:

بابراعظم (کپتان) ( سینٹرل پنجاب)، شاداب خان(نائب کپتان) (ناردرن)، عبداللہ شفیق( سینٹرل پنجاب)، امام الحق (بلوچستان)، فخر زمان(خیبرپختونخوا)، فہیم اشرف (سینٹرل پنجاب)، خوشدل شاہ(سدرن پنجاب)، افتخار احمد(خیبرپختونخوا)، حارث رؤف (ناردرن)، حسن علی (سینٹرل پنجاب)، محمد حارث(وکٹ کیپر) (خیبرپختونخوا)، محمد رضوان (وکٹ کیپر) (خیبرپختونخوا)، محمد حسنین (سندھ)، محمد نواز( ناردرن)،محمد وسیم جونیئر (خیبرپختونخوا)، سعود شکیل (سندھ)، شاہین شاہ آفریدی (خیبرپختونخوا)، شاہنواز دھانی (سندھ)، عثمان قادر (سینٹرل پنجاب) اور زاہد محمود (سدرن پنجاب)۔

قومی کرکٹ ٹیم کے چیف سلیکٹرمحمد وسیم کا کہنا ہے کہ نیوزی لینڈ کے خلاف تین ون ڈے انٹرنیشنل میچز پر مشتمل یہ سیریز ہمارے لیے نہایت اہمیت کی حامل ہے، کیونکہ یہ سیریز آئی سی سی ورلڈکپ 2023 کوالیفائرز کا بھی حصہ ہے، لہٰذا ہم نےنمایاں کارکردگی کا مظاہرہ کرنے والے کھلاڑیوں کو منتخب کرکے ایک متوازی اسکواڈ کا اعلان کیا ہے۔

انہوں نے مزیدکہا کہ بدقسمتی سے شاہنواز دھانی کو لاجسٹک مسائل کی وجہ سے ایچ بی ایل پی ایس ایل 6 میں عمدہ کارکردگی کے باوجود انگلینڈ کے لیے اسکواڈ میں جگہ نہیں مل سکی تھی تاہم انہیں اب نیوزی لینڈ کے خلاف ون ڈے انٹرنیشنل اسکواڈ میں شامل کرلیا گیا ہے۔

محمد وسیم نے کہا کہ ویسٹ انڈیز کے خلاف ٹی ٹونٹی سیریز میں بہتر کارکردگی کا مظاہرہ کرنے والے محمد وسیم جونیئر کو وائیٹ بال کرکٹ میں مزید مواقع دینے کا فیصلہ کیا ہے۔

ان کا کہنا ہے کہ شاداب خان اور عثمان قادر کی موجودگی کے باوجود لیگ اسپنر زاہد محمود کو اسکواڈ میں شامل کرنے کی وجہ ابھرتے ہوئے نوجوان کھلاڑیوں کو ہوم سیریز میں موقع دینا ہے۔ لیگ اسپنر نے جنوبی افریقہ کے خلاف وائیٹ بال ہوم سیریز میں نمایاں کارکردگی کا مظاہرہ کیا تھا۔وہ پچاس اوورز طرز کی کرکٹ میں ڈومیسٹک کرکٹ میں بہتر کھیل پیش کرچکے ہیں۔
محمد وسیم نے کہا کہ محمد رضوان ہمارے فرسٹ چوائس وکٹ کیپر ہیں، لہٰذا فیصلہ کیا گیا ہے کہ سرفراز احمد کی جگہ 20 سالہ محمد حارث کو اسکواڈ میں شامل کیا جائے ، ا س سے نہ صرف محمدحارث کو ڈومیسٹک کرکٹ میں بہترین کارکردگی کا صلہ ملے گا بلکہ انہیں پاکستان کرکٹ ٹیم کے ڈریسنگ روم کے ماحول میں وقت گزارنے کا موقع بھی ملے گا۔

انہوں نے مزید کہا کہ مڈل آرڈر بیٹنگ ہمارے لیے ایک خدشہ رہا ہے تاہم چند مختلف کھلاڑیوں کو آزمانے کے بعد ہم نے دوبارہ افتخار احمد اور خوشدل شاہ کو اسکواڈ میں شامل کیا ہے۔یہ دونوں بلے باز وائیٹ بال کرکٹ کا مناسب تجربہ رکھتے ہیں۔ پرامید ہوں کہ یہ ہوم کنڈیشنز میں بہتر کارکردگی کا مظاہرہ کریں گے۔

چیف سلیکٹر کا کہنا ہے کہ وہ جانتے ہیں کہ اسکواڈ میں جگہ نہ ملنے پر چند کھلاڑی مایوس ضرور ہوئے ہوں گے تاہم پاکستان کو آئندہ چند ماہ میں بہت کرکٹ کھیلنی ہے جس میں محدود طرز کی کرکٹ کے میچز کی تعداد بھی زیادہ ہے، لہٰذا جو کھلاڑی اس اسکواڈ میں شامل نہیں ہیں ، انہیں آئندہ میچز میں مواقع مل سکتے ہیں۔

نیوزی لینڈ کے سابق کرکٹر کیرنز فالج کا بھی شکار ہو گئے

نیوزی لینڈ کے سابق آل راؤنڈر کرس کیرنز ہارٹ سرجری کے بعد فالج کا شکار ہو گئے ہیں

سڈنی میں کرس کیرنز کی ہارٹ سرجری ہوئی جس کے بعد انکی طبیعت میں بہتری کی خبریں آئی تھیں تا ہم اب خبر آئی ہے کہ کرس کیرنز کی ٹانگوں میں فالج ہو گیا ہے ،انکے دل کے بھی کئی آپریشن ہو چکے ہیں وہ سڈنی کے ہسپتال میں زیر علاج ہیں ، کیرنز کے وکیل ہارون لوئیڈ کا کہنا ہے کہ زندگی بچانے والی ایمرجنسی ہارٹ سرجری کے دوران کیرس کو سڈنی میں اس کی ریڑھ کی ہڈی میں فالج ہوا۔ اس کی وجہ سے اس کی ٹانگوں میں فالج ہوا

وکیل کا کہنا تھا کہ کیرس اور اس کا خاندان بے پناہ عوامی حمایت کا شکر گزار ہے کیونکہ وہ اس مشکل وقت سے نمٹ رہے ہیں۔ دعاؤں کا سلسلہ جاری رہنا چاہئے، ہسپتال میں کیرنز کی صحت کا مسلسل خیال رکھا جا رہا ہے اور وہ صحتیاب ہو رہے ہیں

کیرنز نے نیوزی لینڈ کے لیے 1989-2006 کے دوران 62 ٹیسٹ ، 215 ایک روزہ بین الاقوامی اور دو ٹوئنٹی میچ کھیلے۔ان کے والد لانس بھی نیوزی لینڈ کے لیے کرکٹ کھیلتے تھے۔کیرنز کئی سالوں سے اپنی بیوی اور بچوں کے ساتھ کینبرا میں مقیم ہیں۔

کرکٹ لیجنڈ کیلئے کرکٹ ستاروں اور سماجی رہنماؤ‌ں نے سوشل میڈیا پر اپنی نیک خواہشات کا اظہار کیا ہے. نیوزی لینڈ کے صحافی اینڈریو گورڈی نے اپنی ٹویٹ میں کہا ہے کہ آسٹریلیا سے ایک پریشان کن خبر ملی ہے، سابق بلیک کیپس آل راؤنڈر کرس کیرنز کو کینبرا میں ایک تشویشناک صورتحال کا سامنا کرنا پڑا ہے، وہ شدید بیمار ہے،

پی سی بی کا نیا چیئرمین کون؟ وزیراعظم ہاؤس سے کال کر دی گئی

باغی ٹی وی کی رپورٹ کے مطابق وزیر اعظم عمران خان نے رمیز راجہ کو پاکستان کرکٹ بورڈ کا نیا چئیرمین لگادیا

رمیز راجہ کو چیئرمین پی سی بی مقرر کرنے کے حوالہ سے وزیراعظم ہاؤس سے کال کی گئی اور انکو آگاہ کیا گیا رمیز راجہ کا کہنا ہے کہ چیئرمین پاکستان کرکٹ بورڈ کا عہدہ قبول کرلیا ہے وزیراعظم سے ملاقات میں کرکٹ کی بہتری کے لیے تجاویز دی تھیں وزیراعظم عمران خان سے ملاقات میں کرکٹ سے متعلق گفتگو کی تھی قومی کرکٹ کو درپیش مسائل اور حل سے متعلق تبادلہ خیال ہوا،خوشی ہے وزیراعظم نے مجھے بلایا اور میری رائے سنی ،وزیراعظم عمران خان پاکستان کرکٹ سے متعلق فکر مند ہیں ،

قبل ازیں پی سی بی کے چیئرمین احسان مانی نے عہدہ چھوڑ دیا ہے، احسان مانی کا کہنا تھا کہ وزیراعطم عمران خان کوبتا دیا مزید کام نہیں ہو سکتا احسان مانی کے عہدے کی معیار 24 اگست کو پوری ہوگئی تھی، جس کے بعد پیٹرن وزیر اعظم کی جانب سے گورننگ بورڈ کے لیے مزید 2 ارکان کی نامزدگی کرنا ہے احسان مانی نے وزیر اعظم سے دو ملاقاتیں کیں اور وہ دوبارہ سربراہ کرکٹ بورڈ منتخب ہونے کے لیے مضبوط امیدوار خیال کیے جارہے تھے تا ہم آج انہوں نے عہدہ چھوڑ دیا ہے’

احسان مانی نے عہدہ چھوڑ دیا، اب کون بنے گا چیئرمین پی سی بی؟

چیئرمین پی سی بی احسان مانی نے عہدے میں توسیع سے معذرت کرلی

اطلاعات کے مطابق پی سی بی کے چیئرمین احسان مانی نے عہدہ چھوڑ دیا ہے، احسان مانی کا کہنا تھا کہ وزیراعطم عمران خان کوبتا دیا مزید کام نہیں ہو سکتا، رمیز راجہ اور اسد علی کو پی سی بی بورڈ آف گورنرز کیلئے نامزد کر دیا گیا

احسان مانی کے عہدے کی معیار 24 اگست کو پوری ہوگئی تھی، جس کے بعد پیٹرن وزیر اعظم کی جانب سے گورننگ بورڈ کے لیے مزید 2 ارکان کی نامزدگی کرنا ہے احسان مانی نے وزیر اعظم سے دو ملاقاتیں کیں اور وہ دوبارہ سربراہ کرکٹ بورڈ منتخب ہونے کے لیے مضبوط امیدوار خیال کیے جارہے تھے تا ہم آج انہوں نے عہدہ چھوڑ دیا ہے’

اس سے قبل خبریں آئی تھیں کہ رمیز راجہ کو پی سی بی کا چیئرمین بنایا جا سکتا ہے، اب احسان مانی کے عہدہ چھوڑنے کے بعد رمیز راجہ کو نیا چیئرمین پی سی بی نامزد کیے جانے کا امکان بڑھ گیا ہے سابق کرکٹر رمیز راجہ کو پاکستان کرکٹ بورڈ چیئرمین منتخب کریں گے رمیز راجہ نے بھی چند روز قبل وزیراعظم سے ملاقات کی تھی

نیوزی لینڈ کے سابق کرکٹر کیرنز کامیاب سرجری کے بعد صحتیاب ہونے لگے

نیوزی لینڈ کے سابق کرکٹر کرس کیرنز دل کی کامیاب سرجری کے بعد اب لائف سپورٹ پر نہیں ہیں۔

نیوزی لینڈ کے سابق آل راؤنڈر کرس کیرنز دل کی تکلیف کے باعث سڈنی کے ہسپتال میں زیر علاج ہیں ، انکی سرجری ہوئی ہے جس کے بعد وہ صحتیاب ہو رہے ہیں، ان کے وکیل نے ایک بیان میں کہا کہ مجھے یہ مشورہ دیتے ہوئے خوشی ہوئی کہ کرس لائف سپورٹ سے دور ہے اور ہسپتال میں اسکی فیملی سے ملاقات ہوئی ہے جس میں فیملی نے انکی عیادت کی ہے وہ اور اس کا خاندان ہر اس فرد کا شکر گزار ہے جنہوں نے کیرنز کے لئے دعائے صحت کی اور نیک خواہشات کا اظہار کیا ،دعاؤں کا سلسلہ جاری رہنا چاہئے، ہسپتال میں کیرنز کی صحت کا مسلسل خیال رکھا جا رہا ہے اور وہ صحتیاب ہو رہے ہیں

کیرنز نے نیوزی لینڈ کے لیے 1989-2006 کے دوران 62 ٹیسٹ ، 215 ایک روزہ بین الاقوامی اور دو ٹوئنٹی میچ کھیلے۔ان کے والد لانس بھی نیوزی لینڈ کے لیے کرکٹ کھیلتے تھے۔کیرنز کئی سالوں سے اپنی بیوی اور بچوں کے ساتھ کینبرا میں مقیم ہیں۔

کرکٹ لیجنڈ کیلئے کرکٹ ستاروں اور سماجی رہنماؤ‌ں نے سوشل میڈیا پر اپنی نیک خواہشات کا اظہار کیا ہے. نیوزی لینڈ کے صحافی اینڈریو گورڈی نے اپنی ٹویٹ میں کہا ہے کہ آسٹریلیا سے ایک پریشان کن خبر ملی ہے، سابق بلیک کیپس آل راؤنڈر کرس کیرنز کو کینبرا میں ایک تشویشناک صورتحال کا سامنا کرنا پڑا ہے، وہ شدید بیمار ہے،

پی سی بی نے ڈومیسٹک سیزن 22-2021 کے لیے کوچز کا اعلان کر دیا

پاکستان کرکٹ بورڈ نے آج 266 میچز پر مشتمل ڈومیسٹک سیزن 22-2021 کے لیے چھ کرکٹ ایسوسی ایشنز میں 42 ٹیموں کے کوچز کا اعلان کیا ہے۔

یہ تقرریاں مکمل طور پر پرفارمنس کے عمل کا جائزہ لینے کے بعد کی گئیں ہیں ، متعدد کوچز جن کی کارکردگی اطمینان بخش تھی انہیں ترقی سے نوازا گیا ہے جبکہ کچھ کوچز کو مختلف سطحوں پر ہیڈ کوچنگ کی ذمہ داریاں دی گئیں ہیں۔

کوچز کی کارکردگی کا جائزہ لینے کے لیے متعین کردہ ضوابط

ٹیم کو جیت کے لیے تیار کرنا
کھلاڑیوں کی کارکردگی کو بہتر بنانا

2020-21 کے سیزن میں خیبر پختونخواہ کو تینوں ٹائٹل قائد اعظم ٹرافی ، نیشنل ٹی 20 کپ اور پاکستان کپ میں جیت میں کردار ادا کرنے والے پاکستان کے سابق آل راؤنڈر عبدالرزاق کو سنٹرل پنجاب کی فرسٹ الیون کے کوچنگ اسٹاف کی قیادت سونپی گئی ہے۔اس کے ساتھ سابق پاکستانی انٹرنیشنل کرکٹر اکرم رضا اور ہمایوں فرحت شامل ہیں دونوں کو سنٹرل پنجاب کے سیکنڈ الیون کوچنگ سیٹ اپ سے فرسٹ الیون میں بطور اسسٹنٹ اور فیلڈنگ کوچز ترقی دی گئی۔

گزشتہ سیزن میں سنٹرل پنجاب فرسٹ الیون کی کوچنگ کرنے والے شاہد انور کو سدرن پنجاب فرسٹ الیون کا ہیڈ کوچ مقرر کیا گیا ہے۔ ان کے ساتھ اعزاز چیمہ اور عرفان فاضل اسسٹنٹ اور فیلڈنگ کوچ کے طور پر شامل ہیں۔

ڈومیسٹک سیزن 22-2021کے لیے عبدالرحمن سدرن پنجاب کوچنگ سٹاف کی سربراہی کے بعد خیبر پختونخوا ہ کی ٹیم کی کوچنگ کریں گئے۔ اُن کے ساتھ تجربہ کار کوچ رفعت اللہ مہمند اور محمد صدیق ا معاون اور فیلڈنگ کوچ کے طور پر شامل ہیں۔

اعجاز احمد جونیئر کو ناردرن فرسٹ الیون ٹیم کا ہیڈ کوچ مقرر کیا گیا ہے۔ سابق بین الاقوامی بیٹسمین اعجازجنہوں نے 13000 سے زائد رنز بنائے اور فرسٹ کلاس کرکٹ میں 171 شکار کئے ہیں ۔ ان کے ساتھ پاکستان کے سابق فاسٹ بولر سمیع اللہ نیازی شامل ہیں جو گزشتہ سیزن میں سنٹرل پنجاب فرسٹ الیون کے اسسٹنٹ کوچ تھے ، اور فہد اکرم جو گزشتہ سیزن میں کرکٹ ایسوسی ایشن کی انڈر 19 ٹیم کے اسسٹنٹ کوچ کے طور پر خدمات انجام دے رہے تھے اب انہیں ناردرن فرسٹ الیون میں فیلڈنگ کوچ مقرر کیا گیا ہے۔

پاکستان کے سابق بیٹسمین باسط علی اور فیصل اقبال سندھ اور بلوچستان فرسٹ الیون ٹیموں کے ہیڈ کوچ کے طور پر اپنے کام کو جاری رکھیں گے۔

سندھ میں محمد مسرور نے اقبال امام کی جگہ اسسٹنٹ کوچ اور حنیف ملک گزشتہ سیزن میں سندھ انڈر 19 کے اسسٹنٹ کوچ رہے ہیں ،اب وہ فرسٹ الیون ٹیم کے فیلڈنگ کوچ ہوں گے۔

بلوچستان کے اسسٹنٹ کوچ اور جنوبی پنجاب کے U19 اور U16 کے ہیڈ کوچ میرٹ کی بنیاد پر بھرتی کیے جائیں گئے۔ حسین کھوسہ بلوچستان فرسٹ الیون کے فیلڈنگ کوچ کے طور پر برقرار رہیں گے۔

نیشنل ہائی پرفارمنس سنٹر میں کوچنگ کے سربراہ گرانٹ بریڈ برن نے جانچ کے عمل کی نگرانی کی ، جس کے بعد انہوں نے ڈائریکٹر ہائی پرفارمنس کو اپنی سفارشات پیش کیں جسے چیف ایگزیکٹو نے منظور کیا۔

گرانٹ بریڈ برن:

گرانٹ بریڈ برن نے کہا کہ یہ بہت ضروری ہے کہ ہم اپنے کوچز کی کارکردگی کو مسلسل بہتر بناتے رہیں تاکہ وہ ہر طرح کے ماحول میں خود کو ثابت کرسکیں۔

اس سے نہ صرف ہما رے کوچنگ اسٹاف کی تعداد کو بڑھانے میں مدد ملے گی بلکہ ایک سے زیادہ کوچز سے سیکھ کر مضبوط اورخود پرا نحصار کرنے والے کھلاڑی بھی تیار ہوں گے جو اپنے کیریئر کے ابتدائی مراحل سے مختلف چیلنجز کا مقابلہ کرنے کے لیے تیار ہونگے۔

انہوں نے مزید کہا کہ عبدالرزاق نے بطور ہیڈ کوچ شاندار ڈیبیو سیزن کیا تھا اور اسی لیے ان سے کہا گیا ہے کہ وہ سنٹرل پنجاب کی جانب سے کوچنگ کی قیادت کریں۔ یہ اقدام رزاق کے لیے نئے چیلنج لے کر آئے گا اور مجھے اس میں کوئی شک نہیں کہ وہ یہ کر سکتا ہے۔

ان کا مزید کہنا تھا کہ شاہد انور اور عبدالرحمان کو مقرر کرنے کے فیصلے کے پیچھے یہی وجہ کارفرما ہے کہ وہ دونوں تجربہ کار ہیں
۔ شاہد نے سدرن پنجاب اور خیبر پختونخواہ کی کوچنگ کی ذمہ داری ادا کی ہے جبکہ رحمان کی کوچنگ میں سدرن پنجاب نے نیشنل ٹی ٹونٹی کپ کا فائنل کھیلا۔

باسط علی اور فیصل اقبال نے گزشتہ سیزن میں پہلی بار فرسٹ الیون ٹیموں کی کوچنگ کی اور انہیں سندھ اور بلوچستان کے ساتھ ایک اور سیزن میں مقرر کیا گیا ہے تاکہ وہ اپنی ٹیموں کو مزید مضبوط بنا سکیں۔

ڈائریکٹر- ہائی پرفارمنس ندیم خان:

انہوں نے کہا میں کوچ مقرر ہونے والے ہر اس شخص کو مبارکباد دینا چاہتا ہوں ندیم خان نے یہ بھی کہا کہ ڈومیسٹک کرکٹ سیزن 2021-22 دلچسپ اور ایکشن سے بھرپور ہو گا۔ انہوں نے کہا یہ تمام تقرریاں میرٹ کی بنیاد پر کی گئیں ہیں۔

انہوں نے بتایا بہت سے کوچزنے سیزن 21-2020 میں اپنی پرفارمنس کی بنیاد پر پروموشن حاصل کیے ہیں۔ یہ طریقہ کار کوچز کو ٹاپ لیول تک جانے کا راستہ فراہم کرتا ہے اور اس سے ہم کوچنگ کا بہترین مہیا کرنے کی پوزیشن میں ہونگے۔

اس سال ، ڈومیسٹک سطح پر کوچز کی تعداد میں بھی اضافہ ہوا ہے جس میں ہر کرکٹ ایسوسی ایشن دو U19 اور U16 ٹیمیں میدان میں اتارے گی۔ یہ اقدام سابق کرکٹرز کے لیے مواقع پیدا کرتا رہے گا ۔انہوں نے مزید بتایا کہ جب ہم نے 93 سٹی کرکٹ ایسوسی ایشن ٹیموں کے لیے کوچز مقرر کیے ۔ کوچنگ کا کردار ادا کرتے ہوئے ک وہ کھیل سے منسلک رہیں گے اور ہمارے سابق کرکٹر ز کے لیے روزگار کے زیادہ سے زیادہ مواقع پیدا ہونگے۔

ٹاپ لیول پر ہم نے اپنے کوچز کے معیار کو مزید بہتر کرنے کے لیے فرسٹ الیون کوچنگ پینل کو تبدیل کر دیا ہے۔ ہم نے پچھلے سال اعادہ کیا تھا کہ پی سی بی اعجاز احمد جونیئر کے وسیع تجربے سے فائدہ اٹھاتا رہے گا ۔اعجاز کوفرسٹ الیون کوچنگ سیٹ اپ میں واپس لایا گیا ہے ۔

انہوں نے کہا کہ میں پرامید ہوں کہ یہ تبدیلیاں کرکٹ کے معیار کو مزید بلند کریں گی اور ہم اپنے کوچزکے پول کو بڑھاتے اور مضبوط کرتے رہیں گے۔

ٹیم مینجرز کا اعلان بعد میں کیا جائے گا۔

کرکٹ ایسوسی ایشن کوچز (ڈومیسٹک سیزن2021-22)

بلوچستان۔

فرسٹ الیون – فیصل اقبال (ہیڈ کوچ) ، مقرر کیا جائے گا(اسسٹنٹ کوچ) ، حسین کھوسہ (فیلڈنگ کوچ)
سکینڈ الیون – حبیب بلوچ (ہیڈ کوچ) ، شعیب خان (اسسٹنٹ کوچ)
انڈر 19 ریڈ – اسلم شیخ (ہیڈ کوچ) ، مظہر دیناری (اسسٹنٹ کوچ)
انڈر 19 بلیو- حسین کھوسہ (ہیڈ کوچ) ، عقیل بلوچ (اسسٹنٹ کوچ)
U16 ریڈ – راج ہنس (ہیڈ کوچ) ، شیر حسن جوگازئی (اسسٹنٹ کوچ)
U16 بلیو – شعیب خان (ہیڈ کوچ) ، قمر دین (اسسٹنٹ کوچ)
U13 – امان اللہ دہپال (ہیڈ کوچ) ، برکت علی (اسسٹنٹ کوچ)

سنٹرل پنجاب۔

فرسٹ الیون – عبدالرزاق (ہیڈ کوچ) ، اکرم رضا (اسسٹنٹ کوچ) ، ہمایوں فرحت (فیلڈنگ کوچ)
سکینڈ الیون – وسیم حیدر (ہیڈ کوچ) ، عامر سجاد (اسسٹنٹ کوچ)
انڈر 19 ریڈ – ہمایوں فرحت (ہیڈ کوچ) ، خرم شہزاد (اسسٹنٹ کوچ)
انڈر 19 بلیو – محمد اشرف (ہیڈ کوچ) ، اشرف علی (اسسٹنٹ کوچ)
U16 ریڈ – محمد اشرف (ہیڈ کوچ) ، انتخاب عالم (اسسٹنٹ کوچ)
U16 بلیو – ہمایوں فرحت (ہیڈ کوچ) ، منصور امجد (اسسٹنٹ کوچ)
U13 – خرم شہزاد (ہیڈ کوچ) ، فیصل خان (اسسٹنٹ کوچ)

خیبر پختونخواہ۔

فرسٹ الیون – عبدالرحمان (ہیڈ کوچ) ، رفعت اللہ مہمند (اسسٹنٹ کوچ) ، محمد صدیق (فیلڈنگ کوچ)
سکینڈ الیون – آفتاب خان (ہیڈ کوچ) ، محمد اسلم قریشی (اسسٹنٹ کوچ)
انڈر 19 ریڈ – ثاقب فقیر (ہیڈ کوچ) ، محمد صدیق (اسسٹنٹ کوچ)
انڈر 19 بلیو – ساجد شاہ (ہیڈ کوچ) ، شعیب خان (اسسٹنٹ کوچ)
U16 ریڈ – محمد صدیق (ہیڈ کوچ) ، ثاقب فقیر (اسسٹنٹ کوچ)
U16 بلیو – جمال الدین (ہیڈ کوچ) ، وقار احمد (اسسٹنٹ کوچ)
U13 – وقار احمد (ہیڈ کوچ) ، احمد سید (اسسٹنٹ کوچ)

ناردرن۔

فرسٹ الیون – اعجاز احمد جونیئر (ہیڈ کوچ) ، سمیع اللہ نیازی (اسسٹنٹ کوچ) ، فہد اکرم (فیلڈنگ کوچ)
سکینڈ الیون – فہد مسعود (ہیڈ کوچ) ، آفاق رحیم (اسسٹنٹ کوچ)
انڈر 19 ریڈ – حافظ مجید (ہیڈ کوچ) ، فہد اکرم (اسسٹنٹ کوچ)
انڈر 19 بلیو – کامران خان (ہیڈ کوچ) ، جواد حمید حق (اسسٹنٹ کوچ)
U16 ریڈ – سعید انور جونیئر (ہیڈ کوچ) ، طاہر محمود (اسسٹنٹ کوچ)
U16 بلیو – راحیل مجید (ہیڈ کوچ) ، حافظ مجید (اسسٹنٹ کوچ)
U13 – مجاہد حمید (ہیڈ کوچ) ، حسیب اعظم (اسسٹنٹ کوچ)

سندھ

فرسٹ الیون – باسط علی (ہیڈ کوچ) ، محمد مسرور (اسسٹنٹ کوچ) ، حنیف ملک (فیلڈنگ کوچ)
سکینڈ الیون – غلام علی انصاری (ہیڈ کوچ) ، ظفر اقبال (اسسٹنٹ کوچ)
انڈر 19 ریڈ – اعظم خان (ہیڈ کوچ) ، حنیف ملک (اسسٹنٹ کوچ)
انڈر 19 بلیو – طاہر محمود (ہیڈ کوچ) ، سید محتشم علی (اسسٹنٹ کوچ)
U16 ریڈ – ظفر اقبال (ہیڈ کوچ) ، عاصم رضوی (اسسٹنٹ کوچ)
U16 بلیو – سعید بن ناصر (ہیڈ کوچ) ، نعیم طیب (اسسٹنٹ کوچ)
U13 – رضوان قریشی (ہیڈ کوچ) ، عابد علی قریشی (اسسٹنٹ کوچ)

سدرن پنجاب۔

فرسٹ الیون – شاہد انور (ہیڈ کوچ) ، اعزاز چیمہ (اسسٹنٹ کوچ) ، عرفان فاضل (فیلڈنگ کوچ)
سکینڈ الیون – سید اقبال امام (ہیڈ کوچ) ، ظہور الٰہی (اسسٹنٹ کوچ)
انڈر 19 ریڈ – بلال احمد (ہیڈ کوچ) ، اظہر شفیق (اسسٹنٹ کوچ)
U19 بلیو – (ہیڈ کوچ مقرر کیا جائے گا)، عرفان فاضل (اسسٹنٹ کوچ)
U16 ریڈ – ذوالفقار بابر (ہیڈ کوچ) ، ریحان رفیق (اسسٹنٹ کوچ)
U16 بلیو – (ہیڈ کوچ مقرر کیا جائے گا) ، بلال احمد (اسسٹنٹ کوچ)
U13 – مسعود انوار (ہیڈ کوچ) ، عامر عطا (اسسٹنٹ کوچ)

-ENDS

پی سی بی نے ڈومیسٹک سیزن 22-2021 کے شیڈول کا اعلان کر دیا

سیزن 10 ٹورنامنٹس پرمشتمل ہو گا، 266 میچز کھیلیں جائیں گے آئندہ سیزن میں پاتھ ویز کرکٹ کے لیے اضافی میچز شامل کیے گئے پاتھ ویز کرکٹ کے لیے پی سی بی کی 6 کرکٹ ایسوسی ایشنز کو اجازت دی گئی ہے . پی سی بی کے مطابق ایسوسی ایشنز انڈ ر 16 اور 19 کے لیے 2 ٹیمیں شامل کر سکتی ہیں نیشنل انڈر 19 3 روزہ چیمپئن شپ میں 12 ٹیمیں حصہ لیں گی،ایک روزہ کپ 3 اکتوبر سے 12 نومبر تک کھیلا جائے گا،ایک روزہ کپ گوجرنوالہ، اسلام آباد، مرید کے ،راولپنڈی اور سیالکوٹ میں کھیلاجائے گا کورونا کی وجہ سے ایک سال کے وقفے کے بعد قومی انڈر 13 ون ڈے کپ قومی سرکٹ میں واپس آیا ہے

یہ سنگل لیگ ایونٹ فیصل آباد میں 8 سے 18 فروری 2022 کو منعقد ہوگا،پاکستان کا پریمیر ڈومیسٹک ایونٹ قائداعظم ٹرافی 20 اکتوبر سے شروع ہوگا،دس راؤنڈ سنگل لیگ کے پہلے نصف مقابلے ملتان ، فیصل آباد اور لاہور میں ہوں گے ایونٹ کراچی منتقل ہو جائے گا جہاں 29 دسمبر سے 5 روزہ فائنل کا اختتام ہوگا سیکنڈ الیون کے لیے3 روزہ ڈبل لیگ کرکٹ ایسوسی ایشن چیمپئن شپ 28 ستمبر سے 14 نومبر تک ہوگی 50 اوورزکی سنگل لیگ کرکٹ ایسوسی ایشن چیلنج سیکنڈ الیون 19 سے 27 نومبر تک کھیلی جائے گی دونوں ٹورنامنٹ فیصل آباد ، لاہور اور شیخوپورہ میں ہوں گے، سیزن کا اختتام 30 مارچ کولاہورمیں ایک روزہ پاکستان کپ کے فائنل کے ساتھ ہو گا 25فروری سے شروع ہونے والا ٹورنامنٹ ڈبل لیگ کی بنیاد پر کھیلا جائے گا ایونٹ کے باقی دو وینیوز فیصل آباد اور ملتان ہوں گے،