Category: کھیل

لاہور: زمبابوے کے خلاف ٹی ٹوئنٹی میچزلاہورکی بجائے راولپنڈی میں کیوں ؟ اہم وجہ سامنے آگئی ،طلاعات کے مطاب قپاکستان کرکٹ بورڈ (پی سی بی) نے لاہور میں اسموگ کے باعث زمبابوے خلاف سیریز میں شامل تینوں ٹی ٹوئنٹی میچز راولپنڈی جبکہ ایچ بی ایل پی ایس ایل 2020 کے بقیہ میچز کراچی منتقل کرنے کا اعلان کردیا۔

پی سی بی نے آئندہ ماہ لاہور میں اسموگ کی ممکنہ شدت کی بنا پر کھلاڑیوں کی صحت کو مدنظر رکھتے ہوئے لاہور میں شیڈول میچز کو راولپنڈی اور کراچی منتقل کرنے کا فیصلہ کیا۔

پاکستان کرکٹ بورڈ کے چیف ایگزیکٹو وسیم خان نے کہا کہ ہم گزشتہ چند ہفتوں سے موسم کی بدلتی صورتحال پر مسلسل نظر رکھے ہوئے تھے اور جونہی ہمیں لاہور میں آئندہ ماہ اسموگ کی شدت میں اضافے کی معلومات ملیں تو ہم نے کھلاڑیوں کی صحت پر سمجھوتہ کرنے کے بجائے فوری طور پر ان میچز کو راولپنڈی اور کراچی منتقل کرنے کا فیصلہ کیا ہے۔

پاکستان کرکٹ بورڈ کے چیف ایگزیکٹو وسیم خان نے کہاکہ پی سی بی کو افسوس ہے کہ لاہور کو مسلسل دوسری مرتبہ ایچ بی ایل پی ایس ایل کے پلے آف میچز کی میزبانی نہیں مل رہی مگر ہمارے لیے کھلاڑیوں اور آفیشلز کی صحت سب سے عزیز ہے۔ان کا کہنا تھا کہ ہمیں خوشی ہے کہ زمبابوے کرکٹ اور ایچ بی ایل پی ایس ایل کی فرنچائزز نے ہمارے فیصلے کو تسلیم کیا ہے، اس موقع پر ہم وفاقی اور صوبائی ایجنسیوں کے تعاون پر ان کے شکر گزار ہیں۔

واضح رہے کہ پاکستان اور زمبابوے کے درمیان تین ون ڈے اور تین ٹی 20 میچوں کی سیریز کھیلی جائے گی، جس کا آغاز 30 ​​اکتوبر سے ہوگا۔ایک روزہ اور ٹی ٹوئنٹی میچز کی سیریز کے لیے زمبابوے کی ٹیم پاکستان پہنچ چکی ہے۔

لاہور: اظہرعلی کی تنزلی اورمصباح الحق کی چھٹی :سبب وزیراعظم سےملاقات؟یاکرکٹ بورڈ میں اختلافات ؛ اہم وجہ سامنے آگئی ،اطلاعات کے مطابق ےروزگارکرکٹرزکا مقدمہ پیش کرنااظہرعلی کو مہنگا پڑگیا، ،اطلاعات کے مطابق بے روزگارکرکٹرز کا مقدمہ لڑنا اظہرعلی کو مہنگا پڑگیا جب کہ وزیر اعظم سے ملاقات کی ’’پاداش‘‘ میں ٹیسٹ کپتانی ہی خطرے میں پڑ گئی۔

نئے ڈومیسٹک سسٹم نے سیکڑوں کرکٹرز کی بے روزگار کر دیا ہے، ڈپارٹمنٹل کرکٹ بحال کرنے کے معاملے پر بات چیت کا ارادہ لیے ہیڈکوچ و چیف سلیکٹر مصباح الحق،ٹیسٹ کپتان اظہر علی اورآل راؤنڈر محمد حفیظ وزیر اعظم و چیف پیٹرن پی سی بی عمران خان سے ملاقات کیلیے گئے تھے،اس دوران اسلام آباد میں موجود بورڈ کے چیئرمین احسان مانی اور چیف ایگزیکٹو وسیم خان بھی اس میٹنگ میں شریک ہوگئے۔

عمران خان نے اس موقع پر کرکٹرز کے موقف کو تسلیم نہیں کیا لیکن پی سی بی کو یہ بات ناگوار گزری کہ تنخواہ دار ہونے کے باوجود کرکٹرز نے بغیر اطلاع کیے اپنے طور پر وزیر اعظم سے ملاقات کیوں طے کی،سینٹرل کنٹریکٹ یافتہ نہ ہونے کی وجہ سے محمد حفیظ تو بچ نکلے،دیگر دونوں کرکٹرز سے باز پرس ہوئی،مصباح الحق فی الحال چیف سلیکٹر کا عہدہ گنوا بیٹھے ہیں،سابق کپتان نے زمبابوے سے سیریز کیلیے اسکواڈ کا انتخاب کیا،دورئہ نیوزی کیلیے کھلاڑیوں کی سلیکشن ان کی آخری ذمہ داری ہوگی۔

اگرچہ مصباح نے پریس کانفرنس میں کہاکہ ان کے ایک عہدہ چھوڑنے کی وجہ وزیر اعظم سے ملاقات نہیں لیکن ذرائع یہی بتاتے ہیں کہ ان کے حکام سے تعلقات اب مثالی نہیں رہے، دوسری جانب اظہر علی کا ستارہ بھی گردش میں آگیا۔

ذرائع کے مطابق ٹیسٹ کپتان کی کارکردگی کا جائزہ لیا جا رہا ہے، اس سے قبل ان کی پی سی بی کے چیف ایگزیکٹیو وسیم خان سے ملاقات بھی ہوچکی،ان کو قیادت سے ہٹاکر بابر اعظم کو ذمہ داری سونپے جانے کا امکان ہے۔

لاہور:قومی ٹیسٹ کرکٹ ٹیم کےکپتان اظہرعلی کی کپتانی خطرےمیں پڑ گئی،اطلاعات کے مطابق پاکستان کے مایہ نازکرکٹراورٹیسٹ ٹیم کے کپتان اظہرعلی کی کپتانی خطرے میں پڑی ہوئی نظرآرہی ہے،

ذرائع کے مطابق اس حوالے سے ‏پاکستان کرکٹ بورڈ نے ٹیسٹ کپتان اظہر علی کو دورہ نیوزی لینڈ کے لیے کپتان برقرار رکھنے یا نہ رکھنے کے لیے ان کی بحثیت کپتان اور بیٹسمین کارکردگی کا جائزہ لینا شروع کر دیا ہے۔

کپتان اظہر علی کی دورہ نیوزی لینڈ سے قبل کپتان اور بیٹسمین کی حیثیت سے کارکردگی کا جائزہ لینے کے سلسلے میں چیف ایگزیکٹو پاکستان کرکٹ بورڈ (پی سی بی) وسیم خان سے تفصیلی بات چیت ہو چکی ہے جبکہ چیئرمین احسان مانی سے اظہر علی کی ملاقات ہونا باقی ہے۔یہ بھی معلوم ہوا ہےکہ پی سی بی کے ایک اہم عہدے دار نے اظہر علی کو ٹیسٹ ٹیم کا کپتان برقرار رکھنے کی مخالفت کردی

امکان ہے کہ اگلے 10 روز میں یہ ملاقات ہوجائے گی۔ نومبر کے دوسرے ہفتے میں دورہ نیوزی لیند کے لیے ٹیسٹ اسکواڈ کا اعلان ہو گا اور اس دوران پی سی بی اظہر علی کو ٹیسٹ کپتان برقرار رکھنے یا نہ رکھنے کا فیصلہ کرے گا۔

کپتان کی تبدیلی کی صورت میں وکٹ کیپر بیٹسمین محمد رضوان مضبوط امید وار ہیں۔ ایک حلقے کا کہنا ہے کہ اگر اظہر علی کو تبدیل کرنا ہے تو نیوزی لینڈ کی سیریز کے بعد کیا جائے۔یہ بھی معلوم ہوا کہ ٹیسٹ کپتانی کےلیے بابراعظم کانام زیرغورہے