Baaghi TV

Category: کھیل

  • دنیائے فٹ بال کے عظیم کھلاڑی ڈیاگومیرا ڈونا دنیا چھوڑگئے

    دنیائے فٹ بال کے عظیم کھلاڑی ڈیاگومیرا ڈونا دنیا چھوڑگئے

    ارجنٹائن :دنیائے فٹ بال کے عظیم کھلاڑی ڈیاگومیرا ڈونا دنیا چھوڑگئے ،اطلاعات کے مطابق ارجنٹائن کے صف اول کے فٹبالراوردنیائے کھیل کے عظیم کھلاڑی ڈیاگو میراڈونا آج 60 سال کی عمرمیں وفات پاگئے ہیں

    ارجنٹائن میڈیا کے مطابق میراڈونا کے ڈاکٹرکا کہنا ہے کہ اس ماہ دماغی سرجری کروانے والے ارجنٹائن کا دل کا دورہ پڑنے سے انتقال ہوگیا۔ میرا ڈونا نے 1986 میں اپنے ملک کو کھیل کے میدان خصوصا فٹ بال کی دنیا میں اپنی قوم کے نوجوانوں‌کوداخل کرکے ارجنٹائن کا نام روشن کردیا ،

    دنیا جانتی ہے کہ میرا ڈونا نے جوتازگی ، ولولہ اورشوق اس کھیل کےکھیلنے والوں‌کودیا جو اس سے پہلے یا اس کے بعد نہیں دیکھا گیا تھا۔

    دنیا جانتی ہے کہ وہ میرا ڈونا ہی تھے جنہوں نے انگلینڈ کے خلاف 2-1 کے کوارٹر فائنل میں فتح میں ایسا گول داغا کہ جسے دنیا آج بھی جانتی ہے ، ایک ایسا میچ جس میں فارورڈ نے بھی بدنام زمانہ ‘ہینڈ آف گاڈ’ کے ساتھ اپنا غلط رنگ پیش کیا تھا

    دی گارڈین کے مطابق دنیائے فٹ بال کے عظیم فٹبالرمیرا ڈونا نے کلب کی سطح پر بھی کامیابی حاصل کی

    خاص طور پر نپولی کے ساتھ جس کی وجہ سے انہوں نے 1987 میں اپنا پہلا سیری اے ٹائٹل اپنے نام کیا تھا۔

    اس کے بعد 1990 میں اس کے بعد 1987 میں ایک اطالوی کپ اور 1991 میں یوفا کپ بھی شامل تھا

    میرا ڈونا کو کوکین کی لت پکڑ گئی۔ 1991 میں منشیات کی خلاف ورزی پر اسے 15 ماہ کی معطلی کی سزا کا بھی سامنا کرنا پڑا –

    جس سال اس نے نپولی کلب چھوڑ دی تھی – اور ٹھیک تین سال بعد ایفیڈرین کے مثبت ٹیسٹ کے بعد امریکہ میں ہونے والے ورلڈ کپ سے باہر کردیا گیا تھا۔

    وہاں سے میراڈونا کی ذاتی زندگی کا کھیل کے میدان سے انجام ہوگیا اور 2000 اور 2004 میں وہ دل کی تکلیف کے باعث اسپتال میں داخل ہوگئے ،

    دوسری بار سانس لینے والے کو مناسب طریقے سے سانس لینے کے لئے درکار تھا۔ اگلے سال اس نے اپنے موٹاپا کو کم کرنے کےلیے گیسٹرک بائی پاس سرجری کرایا۔

    میرا ڈونا 30 اکتوبر 1960 کو بیونس آئرس میں پیدا ہوا ، ڈیاگو میرا ڈونا نے 10 سال کی عمر میں ارجنٹائنوس جونیئرز کی یوتھ ٹیم لاس سیبولیٹاس میں شمولیت اختیار کی تھی ، اس نے ان میں 136 کھیلوں کی ناقابل یقین حد تک کامیابی حاصل کرنے میں اہم کردار ادا کیا تھا۔ جس کے نتیجے میں وہ اپنی 16 ویں سالگرہ سے عین قبل سینئر کھلاڑی کے طورپرسامنے آئے

    اس کے فورا بعد ہی 27 فروری 1977 کو – مارڈونا نے ارجنٹائن کے لئے اپنا آغاز کیا ، وہ بوکا جونیئرز کے 1981 میں ہنگری کے خلاف دوستانہ میں 65 ویں منٹ شاندارگول کرکے سامنے آئے ،

    جس میں میراڈونا نے 1981 میں شمولیت اختیار کی تھی۔ کلب نے لیکن اس وقت چاپ حریفوں ریور پلیٹ کے خلاف شاندار واحد گول کیا اور بوکا کو ٹائٹل جیتنے میں مدد فراہم کی۔

  • فاسٹ باؤلر محمد عامر نے بابر اعظم کو ویرات کوہلی سے بہتر کیوں کہا

    فاسٹ باؤلر محمد عامر نے بابر اعظم کو ویرات کوہلی سے بہتر کیوں کہا

    فاسٹ باؤلر محمد عامر نے بابر اعظم کو ویرات کوہلی سے کیوں بہتر قرار دیا

    باغی ٹی وی : پاکستان کے مایہ ناز فاسٹ باؤلر محمد عامر نے پاکستان کرکٹ ٹیم کے کپتان بابر اعظم کے بارے اپنے خیالات اس طرح بیان کیے ہیںِ کہ ان کو بھارت کے عالمی شہرت یافتہ بیٹسمین ویرات کوہلی سے بہتر قرار دے دیا ہے.قومی ٹیم کے فاسٹ باؤلر محمد عامر نے کہا ہے کہ ویرات کوہلی کی نسبت قومی ٹیم کے کپتان بابر اعظم کی تکینک زیادہ بہتر ہے، سمجھ ہی نہیں آتا انھیں کس طرح آؤٹ کیا جائے۔

    محمد عامر نے ایک نجی ویب سائٹ کو انٹرویو میں ان کا کہنا تھا کہ شاہین شاہ آفریدی زبردست باؤلر ہیں، وہ مستقبل میں پاکستان کی فتوحات میں بہت اہم کردار ادا کر سکتے ہیں۔ وہ خود بھی ہرفارمیٹ میں کھیلنا چاہتے ہیں لیکن انجری سے بچانے کے لیے ان کو احتیاط سے استعمال کرتے ہوئے کام کا بوجھ کم رکھنا ہوگا۔ متواتر کھلانے سے نقصان ہوسکتا ہے۔

    دورہ نیوزی لینڈ کے لیے اپنے منتخب نہ ہونے پر مایوسی کا اظہار کرتے ہوئے محمد عامر نے کہا کہ سکواڈ میں شمولیت کی امید تھی لیکن یہ سلیکشن کمیٹی کا فیصلہ ہے میں کیا کہہ سکتا ہوں، اب توجہ اگلی سیریز کیلئے ٹیم میں واپسی پر مرکوز ہے۔

    محمد عامر نے دورہ نیوزی لینڈ پر تبصرہ کرتے ہوئے کہا کہ کئی کھلاڑی ہیرو بن سکتے ہیں، پرفارم نہ کرنے والے باہر بھی ہوں گے۔ وہاں کی کنڈیشنز بیٹنگ کے لیے آسان نہیں، چھوٹی باؤنڈریز کی وجہ سے باؤلرز بھی مشکل میں ہوتے ہیں۔

    ایک سوال میں‌کہ انہوں‌نے ٹیسٹ کرکٹ کو کیوں چھوڑا .محمد عامر نے پیسہ کمانے کی خاطر ٹیسٹ کرکٹ چھوڑنے کا تاثر رد کرتے ہوئے کہا کہ 5 سال کھیل سے دوری کے بعد طویل فارمیٹ میں کھیلنا دشوار تھا، 5 سال کرکٹ سے دوری کے بعد میرے لیے ٹیسٹ کرکٹ جاری رکھنا بہت مشکل تھا۔

    ٹیسٹ کرکٹ کو چھوڑنے کی وجہ بتاتے ہوئے محمد عامر کا کہنا تھا کہ اگر میں طویل فارمیٹ کو خیرباد نہ کہتا تو انجریز کی وجہ سے کیریئر ہی مشکلات سے دوچار ہونے کا خدشہ تھا یہ تاثر غلط ہے کہ میں نے پیسے کی خاطر اس فارمیٹ کو خیرباد کہا ہے
    واضح رہے کہ آئی سی سی رینکنگ می پاکستانی کپتان بابر اعظم اس وقت تینوں فارمیٹ میں‌ ٹاپ فائیو میں‌ ہیں‌. دنیا کے بہترین بیٹسمینوں میں ان کا شمار ہوتا ہے .

    بابر اعظم کو ایک اوراعزاز مل گیا

  • انٹرنیشنل کرکٹ کونسل کا نیا چیئرمین منتخب ہو گیا

    انٹرنیشنل کرکٹ کونسل کا نیا چیئرمین منتخب ہو گیا

    انٹرنیشنل کرکٹ کونسل کا نیا چیئرمین منتخب ہو گیا

    باغی ٹی وی :گریک بارکلے انٹرنیشنل کرکٹ کونسل کے نئے چیئرمین منتخب ہوگئے ہیں۔

    بارکلے کا انتخاب ششانک منوہر کی جگہ کیا گیا ہے جو اس سال کے شروع میں اس عہدے سے سبکدوش ہو گئے تھے۔گریک بارکلے2012 سے نیوزی لینڈ کرکٹ کے ڈائریکٹر ہیں اور اس وقت انٹرنیشنل کرکٹ کونسل کے بورڈ میں نیوزی لینڈ کی نمائندگی کرتے ہیں۔ انہیں نیوزی لینڈ ٹیم کے ڈائریکٹر کا عہدہ چھوڑنا ہوگا۔انہوں نے کہا یہ ایک اعزاز کی بات ہے کہ میں انٹرنیشنل کرکٹ کونسل کا چیئرمین منتخب ہوا۔ اس عہدے کیلئے جن لوگوں نے میری حمایت کی ان کا شکر گزار ہوں۔

    نو منتخب چیئرمین کا کہنا تھا کہ بورڈ کے تمام ممبران کیساتھ مل کر کھیل کی بہتری کیلئے کام کریں گے۔ میں اپنی ذمہ داریاں ادا کرنے کیلئے پرعزم ہوں۔ کرکٹ کا مستقبل مزید روشن بنانے ہم آئی سی سی کے تمام 104 ممبروں کے ساتھ مل کر کام کریں گے۔

    گریک بارکلے سے قبل عمران خواجہ آئی سی سی کے عبوری چیئرمین کی حیثیت سے خدمات انجام دے رہے تھے۔

  • دورہ نیوزی لینڈ میں کرونا وبا کے خلاف ترتیب دیا گیا پلان، ڈاکٹر سہیل سلیم نے بتایا

    دورہ نیوزی لینڈ میں کرونا وبا کے خلاف ترتیب دیا گیا پلان، ڈاکٹر سہیل سلیم نے بتایا

    دورہ نیوزی لینڈ میں کرونا وبا سے نبرد آزما ہونے کا پلان ڈاکٹر سہیل سلیم نے بیان کردیا

    باغی ٹی وی رپورٹ کے مطابق، پی سی بی کے آفیشل ڈاکٹر سہیل سلیم پاکستان کے نیوزی لینڈ کے دورہ پر کرونا وائرس بارے بچاؤ اور احتیاطی تدابیر سے متعلق بریف کرتے ہوئے بتایا کہ پاکستان کرکٹ بورڈ نے کیسے کرونا وائرس کے اوپر کنٹرول حاصل کیا . ان کا کہنا تھا کہ پاکستان ان ممالک میں‌شامل ہے جہاں‌ کرونا کے ان سات مہینوں‌ میں‌سب سے زیادہ کرکٹ کھیلی گئی، ان میں پی ایس ایل سمیت ڈومیسٹک کرکٹ کے متعدد ایونٹ ہیں، ان میں‌ انٹرنیشل ٹورز بھی شامل ہیں.

    ان کا کہنا تھا کہ ہم نے اس عرصے میں سب سے بہتر طریقے سے چھ ایونٹ ایک وقت میں‌ کرائے اور اس وباء پر اچھے طریقے قابو پایا. انگلینڈ میں جو دور تھا اس میں دو مہینے تک سخت سیکیورٹی کو مدنظر رکھا اسی طرح زمبابوے کے دورے پر بھی ہم نے ببل بنا کر اس کے وبا کے خلاف احتیاطی تدابیر جاری رکھیں.زمبابوے کی سیریز میں بھی ببل بنا کر ختم کیا .


    اب نیوزی لینڈ میں اس سے نبرد آزما ہیں. پہلے تو اہم نیوز ی لینڈ میں کورنٹائن ہیں . یہاں‌ گروپ میں‌تقسیم کردیا گیا ہے اور ہر گروپ کی ٹرینگ ہو سکے . اسی طرح ہم پورا دورانیہ انتہائی مشکل اور سخت ماحول میں اس وباسے نبرد آزما ہیں . ڈاکٹر سہیل کا کہنا تھا کہ پاکستان نے اللہ کے فضل سے سب بہتر انداز سے مصروف ترین دور گزارا ہے اور کرونا ایس او پیز پر عمل کیا ہے.

  • پی ایس ایل کا پاکستان کرکٹ کو کیا فائدہ ہو رہا ، رانا عاطف نے مبشر لقمان کو انٹرویو میں بتادیا

    پی ایس ایل کا پاکستان کرکٹ کو کیا فائدہ ہو رہا ، رانا عاطف نے مبشر لقمان کو انٹرویو میں بتادیا

    پی ایس ایل کا پاکستان کرکٹ کو کیا فائدہ رانا عاطف نے مبشر لقمان کو انٹرویو میں بتادیا

    باغی ٹی وی رپورٹ کے مطابق سینئر صحافی اور اینکر پرسن مبشر لقمان نے اپنے یو ٹیوب چینل پر لاہور قلندر کے سی ای او رانا عاطف سے انٹرویو کرتے ہوئے ان سے لاہور قلندر کی حکمت عملی بارے ہوچھا تو اس کے جواب میں رانا عاطف نے کہا کہ لاہو قلندر کا سب سے اہم مقصد یہ ہے اپنے ٹیلنٹ کو گمنامی کے اندھیروں سے نکال کر سب کے سامنے لانا ہے .اور لاہور قلندر اس کام کے لیے کوشاں ہے انہوں نےکہا کہ ایک تو یہ کام تھا کہ موجود لاٹ میں‌سے جو کہ تیس پنتیس کھلاڑیوں پر مشتمل ہے ان کو سامنے لے آتے اور ہم بھی ان میں سے کھلاڑی چن لیتے لیکن ہم نے جگہ جگہ کیمپ کر کے ان ہیرو کو تلاس کیا ہے او پھر ان کو تراشا ہے .

    مبشر لقمان نے کہا کہ ہمارا ڈومیسٹک انفراسٹرکچر بھی بہت خراب ہے جس وجہ سے بچوں کو اپنا ٹیلنٹ پیش کرنے اور اسے یوٹیلائزڈ کرنے کا موقع نہیں ملتا . جس کے جواب میں رانا عامر کا کہنا تھا کہ انفراسٹرکچر تو موجود ہے لیکن اس کو استعمال کرنا ایک مسئلہ ہے . مناسب طریقے سے اس کا استعمال نہیں ہے. اس نظام سے مطلوبہ رزلٹ نہیں ملتا حادثاتی کوئی پلیئر آجا ئے تو آجائے. ورنہ کچھ حاصل نہیں‌ہوتا . ایک سوال کے جواب میں رانا عاطف کا کہنا تھا کہ پاکستان میں بے پناہ ٹیلنٹ ہے . مبشر لقمان کا کہنا تھا کہ پاکستان میں کرکٹ کا کیا فیوچر ہے تو رانا عاطف کا کہنا تھا کہ پاکستان میں کرکٹ کا ہی تو فیوچر ہے. پاکستان میں بےپناہ ٹیلنٹ ہے.

    رانا عاطف کا کہنا تھا کہ اب ایک ہی پلیٹ فارم ہے جس کے ذریعے سے کھلاڑی نکھر کر سامنے آتے ہیں. پی ایس ایل ہے . پی ایس ایل ہی کے علاوہ اور کوئی پلیٹ فارم نہیں ہے آپ دیکھیں کہ اس ایک ایونٹ کی وجہ سے آج پاکستان کی ٹیم کہا ں تک پہنچ چکی ہے. مبشر لقمان کا کانا تھا کہ اس کا کریڈٹ نجم سیٹھی کو جاتا ہے جس کے جواب میں رانا عاطف نے کہا کہ جی ہاں ان کو کریڈٹ بھی جاتا ہے اور ڈس کریڈٹ بھی جاتا ہے
    مبشر لقمان نے عاطف سے سوال کرتے ہوئے کہا ہے اب کی بار ہم نے یہ بات پکی کرنی ہے کہ لاہور قلندر نے جیتنا ہے . ویسے لاہور جیتے ، کراچی جیتے ، ملتان جیتے کوئی ٹیم بھی جییتے جیت تو در اصل عوام کی ہے اور پاکستان کی ہے.

    رانا عاطف نے کہا کہ ہم نے جو کمٹمنٹ کی تھی اس کو آگے لے کر جیت کا مزہ چکھنا ہے . رانا عاطف کا کہنا تھا کہ ہم نے فارنر بڑے بڑے کھلاڑی کھلا کر دیکھے لیکن ان ہم جیت نہ سکے . اب ہم نے اپنا ٹیلنٹ لے کر آئے اور اپنی کمنٹمنٹ پر ثابت رہے تو ہم نے ساٹھ فیصد حاصل کیا جب ہم نے اسی فیصد حاصل کر لیا تو ہم کو کون ہرا سکے گے. انہوں‌نے کہا کہ ہم اسی ٹیلنٹ کو آگے لے کر جائیں‌گے اور ان شاءاللہ فتح حاصل کریں گے.

    مبشر لقمان نے نےکہاکہ میں‌نے دیکھا ہے اس قدر ٹیلنٹ کو حاصل کرنا بہت مشکل کام ہے عاقب جاوید کو دیکھا کہ وہ پاگلو ں‌کی طرح لگے رہتے ہیں‌اور ٹیم کے کورسز کرتے رہتے ہیں.لیکن کوئی رزلٹ یا آؤٹ کم نہیں‌ملتا. اس کے جواب میں رانا عاطف کا کہنا تھا کہ جب آپ کسیس کام کا جزبہ ، لگن اور شوق ہو تب یہ تکلیف کوئی معنی نہیں‌ رکھتی . ہمارا بینادی مقصد را میٹریل سے ٹیلنٹ کو تلاش کرنا ہے اور اس کے لیے ہمیں‌ جتنا بھی تگ و دو کرنا پڑے کریں‌ گے.

  • پاکستان کرکٹ ٹیم کے سابق کپتان شاہد آفریدی بھی روانہ ہو گئے

    پاکستان کرکٹ ٹیم کے سابق کپتان شاہد آفریدی بھی روانہ ہو گئے

    پاکستان کرکٹ ٹیم کے سابق کپتان شاہد آفریدی بھی روانہ ہو گئے

    باغی ٹی وی رپورٹ کے مطابق پاکستان کرکٹ ٹیم کے سابق کپتان شاہد آفریدی سری لنکا روانہ ہوگئے، شاہد آفریدی لنکا پریمئر لیگ میں گال گلیڈی ایٹرز کی قیادت کریں گے۔

    سابق کپتان فلائٹ مس ہونے کے سبب ایک روز تاخیر سے روانہ ہوئے، شاہد آفریدی پہلے کولمبو پھر وہاں سے ہمبن ٹوٹا جائیں گے۔شاہد خان آفریدی کو لنکن فرنچائز نے پاکستان کے سرفراز احمد کی جگہ کپتان بنایا تھا ،سرفراز دورہ نیوزی لینڈ اسکواڈ کا حصہ بننے کے بعد دستیاب نہیں ہوئے تو بوم بوم آفریدی کو قیادت دی گئی ۔
    شاہد آفریدی نے پیر کی صبح سری لنکا روانہ ہونا تھا لیکن وہ پرواز سے محروم ہوگئے۔
    آفریدی نے ٹویٹ کرکے خود بتایا تھا کہ میری فلائٹ نکل گئی ہے اور لیکن میں جلد ہی سری لنکا پہنچ جائوں گا ۔
    دوسری جانب ان کی ٹیم گلیڈی ایٹرز نے کہا ہے کہ امید ہے کہ شاہد آفریدی بدھ تک پہنچ جائیں گےلیکن ٹیم نے یہ بھی تصدیق کی تھی کہ وہ پہلے دو میچوں کے لئے دستیاب نہیں ہونگے
    سری لنکا پریمئر لیگ کا آغاز 27 نومبر سے ہوگا، گال گلیڈی ایٹرز کا پہلا میچ جافنا سٹالینز سے ہوگا۔

    ایونٹ میں 5 ٹیمیں کولمبو کنگز، دمبولا ہاکس، گال گلیڈی ایٹرز، جافنا اسٹالینز اور کینڈی ٹسکرز شامل ہیں

  • نائب کپتان محمد رضوان نے نیوزی لینڈ کے خلاف اپنے منصوبے سے آگاہ کردیا

    نائب کپتان محمد رضوان نے نیوزی لینڈ کے خلاف اپنے منصوبے سے آگاہ کردیا

    نائب کپتان محمد رضوان نے نیوزی لینڈ کے خلاف اپنے منصوبے سے آگاہ کردیا

    باغی ٹی وی : پاکستان کرکٹ ٹیم کے وکٹ کیپر بیٹسمین اور ٹیسٹ ٹیم کے نائب کپتان محمد رضوان نے نیوزی لینڈ کیخلاف سیریز میں 3 فیگرز میں اسکور کرنے پر نظریں مرکوز کرلی ہیں۔

    تین ٹی ٹوئنٹی اور دو ٹیسٹ میچز کی سیریز کے لیے نیوزی لینڈ روانگی سے قبل جیو کو دیئے گئے انٹرویو میں 28 سالہ وکٹ کیپر نے کہا کہ سیریز کے لیے ڈبل محنت کرنا ہوگی کیوں کہ پہنچ کر شروع میں ہم کمروں میں محدود رہیں گے، کورونا کی صورتحال میں چیزیں اور مشکل ہوتی ہیں اور نیوزی لینڈ کی سیریز مشکل سیریوں میں سے ایک سیریز ہے جس کے لئے ڈبل محنت کرنا پڑے گی ، محنت کی تو رزلٹ ضرور ملے گا۔

    پاکستان کی جانب سے 2016 میں ڈیبیو کرنے والے محمد رضوان 2019 میں پاکستان ٹیم کے مستقبل وکٹ کیپر بنے کچھ روز قبل انہیں ٹیسٹ ٹیم کا نائب کپتان بھی مقرر کردیا گیا تھا۔

  • کپتان بابر اعظم نے اپنی کامیابیوں کے راز سے پردہ اٹھا دیا

    کپتان بابر اعظم نے اپنی کامیابیوں کے راز سے پردہ اٹھا دیا

    کپتان بابر اعظم نے اپنی کامیابیوں کے راز سے پردہ اٹھا دیا

    باغی ٹی وی :‏پاکستان کرکٹ ٹیم کے کپتان بابر اعظم نے کرکٹ میں اپنی کامیابیوں کا راز بتا دیا ہے۔بابر اعظم نے کہا ہے کہ آج جو کچھ بھی ہوں اپنی فیملی کی اسپورٹ اور بیک کی وجہ سے ہوں ۔

    ‏کپتان بابر اعظم پہلے ٹی ٹوئنٹی کے کپتان بنے، پھر انہیں ون ڈے کی قیادت بھی ملی اور اب ا نہیں ٹیسٹ فارمیٹ کا بھی کپتان بنا دیا گیا ہے، وہ نیوزی لینڈ میں پہلی مرتبہ ٹیسٹ کرکٹ میں کپتانی کریں گے۔

    بابر اعظم کا اس وقت شمار دنیا کے کامیاب بیٹسمینوں میں ہوتا ہے، وہ تینوں فارمیٹ میں ٹاپ فائیو بلے بازوں میں شامل ہیں۔نجی ٹی وی چینلج جیو سے گفتگو کرتے ہوئے گفتگو کرتے ہوئے کہا کہ میں آج جس مقام پر بھی ہوں اپنی فیملی کی وجہ سے ہوں، شروع میں میرے گھر کے حالات اچھے نہیں تھے، میری والدہ نے کچھ پیسے جوڑے ہوئے تھے، میں نے کھیلنے کے لیے کٹ لینا تھی، میری والدہ نے جو پیسے جوڑے ہوئے تھے، انہوں نے مجھے دے دیے تاکہ میں کٹ لے سکوں۔

    انہوں نے بتایا کہ مجھے یاد پڑتا ہے کہ یہ پیسے 3 سے 4 ہزار روپے تھے، اس رقم سے شاید 2 ہزار سے 2500 کا کا تو صرف بیٹ آ گیا تھا، جب میں نے پہلی مرتبہ نئی کٹ دیکھی اور اس کٹ کے ساتھ کھیلا تو اس کی خوشی بیان نہیں کر سکتا، شروع کے دو تین سال میں اسی کٹ کے ساتھ کھیلتا رہا۔

    ان کا کہنا تھا میں نے اس کٹ کو بہت سنبھال کر رکھا تھا لیکن اب مجھے یہ کٹ مل نہیں رہی، میں نے بہت تلاش بھی کی، کرئیر کے شروعات میں میری یہ ایسی یادیں ہیں جنہیں میں کبھی نہیں بھلا سکتا۔

  • پی ایس ایل6 کی ڈرافٹنگ تقریب کے لیے نئے شہر کا نام فائنل

    پی ایس ایل6 کی ڈرافٹنگ تقریب کے لیے نئے شہر کا نام فائنل

    پی ایس ایل6 کی ڈرافٹنگ تقریب کے لیے نئے شہر کا نام فائنل

    باغی ٹی وی رپورٹ کے مطابق، پاکستان سپر لیگ 5 اختتام کے بعد نئے ایونٹ کا آغاز ہوگیا . پی ایس ایل 6 کی ڈرافٹنگ ٹائمنگ بھی قریب آگئی ہے.
    پی سی بی ذرائع کے مطابق اس بار ڈرافٹنگ تقریب ایک نئے شہر میں ہوگی اور اس کے لئے اگلے ماہ کی 10 سے 15 کے درمیان کی تاریخ رکھی جائے گی .
    دبئی ،اسلام آباد اور لاہور کے بعد کراچی پاکستان سپر لیگ کی ڈرافٹنگ تقریب کا وینیو ہوگا.پاکستان کرکٹ ٹیم ان دنوں نیوزی لینڈ کے دورے پر ہوگی چنانچہ تقریب میں بڑے سپر اسٹارز نہیں ہونگے.
    پاکستان سپر لیگ کا چھٹا ایڈیشن فروری،مارچ 2021 میں شیڈول کے مطابق کھیلا جائے گا.پانچواں ایڈیشن کورونا کی وجہ سے اس ماہ تاخیر کے ساتھ کراچی کنگز کی فتح کے ساتھ مکمل ہوگیا تھا.

    پاکستان کا دورہ نیوزی لینڈ ، ٹیم کرائسٹ چرچ منفرد تقسیم سے ایئر پورٹ پہنچی

  • پاکستان کا دورہ نیوزی لینڈ ، ٹیم کرائسٹ چرچ منفرد تقسیم سے ایئر پورٹ پہنچی

    پاکستان کا دورہ نیوزی لینڈ ، ٹیم کرائسٹ چرچ منفرد تقسیم سے ایئر پورٹ پہنچی

    پاکستان کا دورہ نیوزی لینڈ ، ٹیم کرائسٹ چرچ منفرد تقسیم سے ایئر پورٹ پہنچی

    باغی ٹی وی :قومی اسکواڈ آکلینڈ سے بذریعہ پرواز کرائسٹ چرچ پہنچ گیا.اسکواڈ ہلٹن ہوٹل میں 14 روز تک آئسولیشن میں رہے گا
    اسکواڈ میں شامل کھلاڑیوں اور اسپورٹ اسٹاف کو چار مختلف گروپس میں تقسیم کیا گیا ہے.اسکواڈ میں شامل تمام اراکین کا پہلا کوویڈ 19 ٹیسٹ 25 نومبر کو ہوگا

    پہلے ٹیسٹ کی رپورٹ منفی آنے کی صورت میں آئسولیشن کے ابتدائی تین روز بعد قومی اسکواڈ کو بائیو سیکیور ماحول میں ٹریننگ کی اجازت ہوگینیوزی لینڈ حکومت کی ہدایات کے مطابق 14 روزہ آئسولیشن میں قومی اسکواڈ کے مجموعی طور پر 3 ٹیسٹ کیے جائیں گے
    https://twitter.com/BaaghiTV/status/1331154306976931840?s=20