Category: کھیل

سڈنی :اسٹارک نے بیوی کا ورلڈ کپ میچ دیکھنے کیلئے دورہ جنوبی افریقہ ادھورا چھوڑ دیا،اطلاعات کےمطابق نامور آسٹریلین فاسٹ باؤلر مچل اسٹارک کو ان کی بیوی ایلیسا ہیلی کا ویمن ٹی20 ورلڈ کپ کا فائنل میچ دیکھنے کے لیے دورہ جنوبی افریقہ ادھورا چھوڑ کر وطن واپس لوٹنے کی اجازت دے دی گئی۔

آسٹریلوی حکام کا کہنا ہے کہ فاسٹ باولراسٹارک ہفتے کو جنوبی افریقہ کے خلاف شیڈول تیسرے اور آخری ون ڈے میچ میں سے قبل وطن واپس روانہ ہو جائیں گے۔آسٹریلیا کو تین میچوں کی سیریز میں 0-2 سے شکست ہو چکی ہے جبکہ سیریز کا ایک میچ ابھی باقی ہے۔اتوار کو خواتین کے عالمی دن کے موقع پر ویمن ٹی20 ورلڈ کپ کے فائنل میں آسٹریلیا کا مقابلہ پہلی مرتبہ فائنل میں پہنچنے والی بھارتی ٹیم سے ہو گا۔

آسٹریلین کوچ جسٹن لینگر نے کہا کہ ایسا موقع زندگی میں بار بار نہیں آتے اور الیسا ہیلی اپنے ہوم گراؤنڈ پر ورلڈ کپ فائنل میں شرکت کریں گی لہٰذا ہم نے انہیں بخوشی جانے کی اجازت دے دی تاکہ وہ اپنی بیوی سپورٹ کر سکیں اور اس یادگار موقع کا حصہ بن سکیں۔انہوں نے کہا کہ مچل اسٹارک پر تینوں فارمیٹس میں کام کا بہت دباؤ ہے اور قبل از وقت وطن واپس لوٹنے کی بدولت انہیں نیوزی لینڈ کے خلاف سیریز سے قبل تازہ دم ہونے کا نادر موقع میسر ہو گا۔

واضح رہے سابق آسٹریلین وکٹ کیپر ای این ہیلی کی بیٹی ایلیسا ہیلی بھی وکٹ کیپر اور اوپننگ بلے باز کی حیثیت سے ٹیم کی آسٹریلین ویمن ٹیم کی اہم رکن ہیں۔آسٹریلیا ویمن ٹی20 ورلڈ کپ کی دفاعی چیمپیئن ہے اور اب تک کھیلے گئے 6میں سے چار ٹی20 ورلڈ کپ مقابلے جیت چکی ہے۔

لاہور:کھیل بھی خیرخواہی بھی : چھاتی کے سرطان سے آگاہی کے دن کھلاڑی پنک کیپ پہنیں گے،اطلاعات کے مطابق پاکستان کرکٹ بورڈ اور پنک ربن پاکستان 7مارچ کو پاکستان سپر لیگ میں چھاتی کے سرطان سے آگاہی کا دن منایا جائے گا۔

باغی ٹی وی کے مطابق اس روز اسلام آباد یونائیٹڈ اور پشاور زلمی کے درمیان میچ دوپہر 2 بجے پنڈی کرکٹ اسٹیڈیم راولپنڈی میں کھیلا جائے گا۔ جبکہ لاہور قلندرز اور کوئٹہ گلیڈی ایٹرز کی ٹیمیں برقی قمقموں کی روشنی میں قذافی اسٹیڈیم لاہور میں مدمقابل آئیں گی۔

چاروں ٹیموں کے کھلاڑی بچیوں کے ہمراہ پنک کیپ پہنے میدان میں اتریں گے جکہ بچیاں مختلف فیلڈنگ پوزیشنز پر موجود کھلاڑیوں کوپنک کیپ دیں گی۔جبکہ 7 مارچ کو پنڈی کرکٹ اسٹیڈیم راولپنڈی اور قذافی اسٹیڈیم لاہور کو گلابی رنگ میں ڈھلا جائے گا۔ اس روز کی مناسبت سے میچوں کے دوران گلابی رنگ کی اسٹمپس کا بھی استعمال کیا جائے گا۔

چھاتی کے سرطان سے آگاہی کے دن میدان میں اترنے والی چاروں ٹیموں میں شامل کھلاڑی، میچ آفیشلز اور کمنٹیٹرز دونوں وینیوز پرپنک ربن پہن کر اس مہم کا حصہ بنیں گے۔اُس روز میچ کے دوران دونوں وینیوز پر نصب بڑی اسکرینز پر چھاتی کے سرطان سے آگاہی کے لیے پیغامات بھی جاری کیے جائیں گے۔

ایشیائی ممالک میں پاکستان سب سے زیادہ اس مرض کا شکار ہے۔6 ماہ کے دوران یہ دوسری مرتبہ ہوگا اس سےقبل 9 اکتوبر کو پاکستان اور سری لنکا کے درمیان تیسرے ٹی ٹونٹی میچ کے روز قذافی اسٹیڈیم لاہور میں پنک ربن ڈے منایا گیا تھا۔

سلام آباد: پاکستان میں فٹ بال کے کھیل کے فروغ کے حوالے سے ایوان بالاء میں تشکیل دی گئی خصوصی کمیٹی کااجلاس کنونیئر کمیٹی سینیٹر دلاور خان کے زیر صدارت پارلیمنٹ ہاؤس میں منعقد ہوا۔ خصوصی کمیٹی کے اجلاس میں پاکستان فٹ بال فیڈریشن، فیفا اور فیفا نارملائیزیشن کمیٹی کے اختیارات، مقاصد، ٹی او آرز، پاکستان فٹ بال فیڈریشن کے انتخابات اور فٹ بال کے فروغ کے حوالے سے فیز وائز پروگرام کی تفصیلات کے معاملات کا تفصیل سے جائزہ لیا گیا۔

باغی ٹی وی ذرائع کے مطابق کنونیئر کمیٹی سینیٹر دلاور خان نے کہا کہ دنیا گلوبل و لج بن چکا ہے اور دنیا کو آپس میں منسلک کرنے میں کھیلوں کا کردار انتہائی اہم ہے۔ فٹ بال کا کھیل انتہائی اہمیت کا حامل اور دنیا بھر میں کھیلا جاتا ہے مگر پاکستان میں ناقص حکمت عملی کی وجہ سے یہ کھیل زوال کی طرف جا رہا ہے۔ ملک میں بے تحاشا ٹیلنٹ موجود ہے موثر حکمت عملی کی بدولت اس کھیل کو فروغ دے کر دنیا بھر میں امن،محبت اور دوستی کا پیغام دے سکتے ہیں۔

انہوں نے کہا کہ بد قسمتی کی بات ہے کہ کمیٹی کے اجلاس میں با اختیار لوگ شرکت ہی نہیں کرتے آئندہ اجلاس میں متعلقہ با اختیارلوگ اپنی شرکت یقینی بنائیں ہر کمیٹی اجلاس میں نئے لوگ آ کر کمیٹی کو بریف کرتے ہیں اور کمیٹی کی سفارشات پر عملدرآمد بھی دیکھنے میں نہیں آ رہا۔ قائد ایوان سینیٹ سینیٹر سید شبلی فراز نے کہا کہ فٹ بال کے فروغ کیلئے تمام اسٹیک ہولڈرز کو مل کر اقدامات اٹھانا ہونگے اور اس کو ویلو چین کا حصہ بنانا ہوگا کمیٹی کو آگاہ کیا جائے کہ فٹ بال کے فروغ کیلئے اس وقت ہم کہا ں ہیں اور مستقبل کیلئے کیا منصوبہ جات ہیں۔

انہوں نے کہا کہ جب تک پاکستان فٹ بال فیڈریشن کو سیاست سے پاک نہیں کیا جائے گا بہتری ممکن نہیں ہے کمیٹی نے پاکستان فٹ بال فیڈریشن کے شفاف انتخابات پر زور دیا۔ کنونیئر کمیٹی نے کہا کہ اس کھیل کی بہتری کیلئے ملٹی نیشنل کمپنیوں سمیت اس کھیل میں دلچسپی رکھنے والے لوگ بھی مدد کیلئے تیار ہیں بہتر یہی ہے کہ چاروں صوبوں کے ساتھ مل کر اقدامات اٹھائے جائیں۔ سینیٹر روبینہ خالد نے کہا کہ نومبر میں منعقد ہونے والی کمیٹی اجلاس میں کچھ سفارشات دی تھیں اُن پر عملدرآمد کی رپورٹ تک فراہم نہیں کی گئی تو کسطرح معاملات آگے بڑھ سکتے ہیں

کمیٹی کو ڈپٹی جنرل سیکرٹری نارملا ئیزیشن کمیٹی نے آگاہ کیا کہ فیڈریشن کے جون 2020میں انتخابات ہونگے اس کے لئے کلبز کی سکروٹنی کرائی جائے گی کمیٹی کو این سی کے مینڈیٹ بارے بھی آگاہ کیا گیا کہ پاکستان فٹ بال فیڈریشن کے ڈیلی امور کو چلانا، پاکستان میں قائم مختلف کلبز کی مناسب رجسٹریشن اور سکروٹنی کرانا اور فیڈریشن کے انتخابات کے حوالے سے انتظامات کرنا شامل ہے۔ کمیٹی نے این سی انتظامیہ سے آئندہ اجلاس میں شفاف انتخابات کے حوالے سے تفصیلی بریفنگ طلب کر لی۔

سیکرٹری آئی پی سی نے کمیٹی کو بتایا کہ وزارت آئی پی سی کا اختیار صرف گرانٹ دینے اور باہمی تعاون تک محدود ہے کمیٹی کو بتایا گیا کہ فیفا کی طرف سے سالانہ 2.5ملین ڈالر فٹ بال کے فروغ کیلئے ملتے ہیں یہ بھی آگاہ کیا گیا کہ 2017سے پہلے اخراجات کا کوئی آڈیٹ نہیں ہوتا تھا۔ سینیٹر مرزا محمد آفریدی نے کہا کہ پاکستان فٹ بال فیڈریشن اپنے مسائل میں گری ہوئی ہے جب تک ایک باڈی نہیں بنے گی، مینجمنٹ کو ٹھیک نہیں کیا جائے گا اور ایک واضح اسٹریکچر تشکیل نہیں دیا جائے گا بہتری ممکن نہیں ہے۔

بلوچستان چمبر کے ممبر اکبر محمد کاکڑ نے کہاکہ صوبہ بلوچستان میں فٹ بال کا بے پناہ ٹیلنٹ موجود ہے اور ہمارے علاقے کے کئی کھلاڑی عالمی ٹیموں کا حصہ بھی ہیں مگر ناقص حکمت عملی کی وجہ سے پاکستان کی ٹیم دینا کی پسماندہ ٹیموں میں سے ایک ہے۔ مبشر حسین سنجرانی کپٹن فٹسال نے کہا کہ پہلے ملک میں فٹسال کو فروغ دینا ہو گا جس میں پانچ سال کے بچے شرکت کرتے ہیں دنیا کے بہترین کھلاڑی پہلے فٹسال کا حصہ تھے۔ انہوں نے کہا کہ پاکستان فٹ بال فیڈریشن میں ایسے لوگ شامل کئے گئے جنہیں فٹ بال کے کھیل کی معلومات تک نہیں تھیں۔

سابق صدر پاکستان فٹ بال فیڈریشن نے کہا کہ پاکستان کی فٹ بال ٹیم 145ویں نمبر سے تنزلی کا شکار ہو کر 208ویں نمبر پر پہنچ گئی ہے جس کی بنیادی وجہ ادارے میں سیاست ہے نارملائیزیشن کمیٹی نو ماہ ہونے کے باوجود انتخابات نہیں کراسکی غیر متعلقہ افراد کو فیڈریشن نے بھاری تنخواہوں پر رکھ کر نواز گیا ہے۔سینیٹر شبلی فراز نے کہا کہ جب تک میرٹ کو ملحوظ خاطر نہیں رکھا جائے گا بہتری ممکن نہیں ہے۔کنو نیئر کمیٹی نے کہا کہ این سی انتظامیہ یہ بات ذہین سے نکال دے کہ یہ کمیٹی کسی کے مینڈیٹ پر قبضہ کرنا چاہتی ہے اس کمیٹی کا بنیاد ی مقصد پاکستان میں فٹ بال کے فروغ دینا ہے اور اس کے لئے معاملات کو ٹریک لین پر لانا ہے۔

کمیٹی کے آج کے اجلاس میں قائد ایوان سینیٹ سینیٹر سید شبلی فراز، سینیٹرز مرزا محمد آفریدی، روبینہ خالد کے علاوہ سیکرٹری آئی پی سی، ڈپٹی سیکرٹری جنرل این سی، سابق صدرپاکستان فٹ بال فیڈریشن، اور دیگر حکام نے شرکت کی۔

کراچی :ڈیرن سیمی کوپشاورزلمی کا ہیڈ کوچ لگا دیا گیا،وہاب ریاض نے ڈیرن سیمی کی جگہ لے لی ،اطلاعات کےمطابق پاکستان سپر لیگ کی سب سے مقبول فرنچائز پشاور زلمی نے لیگ کے پانچویں ایڈیشن کے درمیان ہی ڈیرن سیمی کو قیادت سے ہٹا کر ہیڈ کوچ کا منصب سونپ دیا ہے اور وہاب ریاض کو ٹیم کا کپتان مقرر کر دیا گیا ہے۔

📣📣@darensammy88 Announced as Peshawar Zalmi's Head Coach for the next 2️⃣ years!

Muhammad Akram will continue his role with Zalmi as Director Cricket as well as Bowling Coach 🔥#Zalmi #YellowStorm #HBLPSLV #TayyarHain pic.twitter.com/EiwnLQj48x

— Peshawar Zalmi (@PeshawarZalmi) March 5, 2020

پاکستان سپر لیگ 2017 کی فاتح پشاور زلمی نے پی ایس ایل کے پانچویں ایڈیشن کے درمیان ہی ڈیرن سیمی کو قیادت سے ہٹا کر فاسٹ باؤلر وہاب ریاض کو قیادت سونپ دی ہے۔پشاور زلمی نے ڈیرن سیمی کو قیادت سے ہٹا کر آئندہ دو سال کے لیے ہیڈ کوچ کا منصب سونپ دیا ہے جبکہ محمد اکرم کو ٹیم ڈائریکٹر اور باؤلنگ کوچ مقرر کردیا گیا ہے۔

2017 میں پشاور زلمی نے ڈیرن سیمی کی قیادت میں پاکستان سپر لیگ کی چیمپیئن بننے کا اعزاز حاصل کیا تھا اور آج کوئٹہ گلیڈی ایٹرز کے خلاف میچ ان کا بحیثت کپتان آخری میچ ہو گا۔

یاد رہے کہ ڈیرن سیمی کو قیادت سے ایک ایسے موقع پر ہٹایا گیا ہے جب دو دن قبل ہی سیمی کے فرنچائز کے مالک جاوید آفریدی سے اختلافات کی خبریں میڈیا کی زینت بنی تھیں۔پشاور زلمی نے کراچی کنگز کے خلاف میچ میں انجری کا شکار کپتان ڈیرن سیمی کو نہیں کھلایا تھا اور ان کی جگہ فاسٹ باؤلر وہاب ریاض کپتان کے روپ میں نظر آئے تھے۔

تاہم میڈیا میں اختلافات کی خبریں اس وقت زیر گردش کرنے لگی تھیں جب ڈیرن سیمی نے سماجی رابطوں کی ویب سائٹ ٹوئٹر پر اپنے پیغام میں کہا تھا کہ ’میں سمجھ چکا ہوں کہ آپ اپنا کام مکمل کرنے تک ہی اہم ہیں’۔تاہم بعدازاں سابق ویسٹ انڈین کپتان نے اختلافات کی خبروں کو مسترد کرتے ہوئے پشاور زلمی ان کا ʼبے بیʼ ہے اور کوئی چیز ان کے درمیان نہیں آسکتی۔

انہوں نے مزید کہا تھا کہ مجھے یقین نہیں آرہا ہے کہ میڈیا یہ سوچے گا کہ میرے اور میرے بھائی جاوید آفریدی کے درمیان کوئی مسئلہ ہوگا، میں درحقیقت اس پر ہنس رہا ہوں، سن لیں کہ مجھے اس شخص سے بالکل اپنے بھائی کی طرح محبت ہے۔

نئی دیلی : پی ایس ایل کے خلاف سازشیں بھارت کوالٹی پڑگئیں ، آئی پی ایل زوال کا شکار،کام پورامگر انعام آدھا، ملازمین کی تنخواہوں سے کٹوتیاں شروع،اطلاعات کے مطابق بھارتی کرکٹ بورڈ نے اخراجات میں کمی کی پالیسی کا اعلان کرتے ہوئے انڈین پریمیئر لیگ (آئی پی ایل) کی انعامی رقم میں بھی 50 فیصد کمی کر دی ہے۔

بی سی سی آئی کے ایک بیان کے مطابق آئی پی ایل جیتنے والی ٹیم کو 20 کروڑ بھارتی روپے کے بجائے اب 10 کروڑ (یعنی 13.6 لاکھ ڈالرز) ملیں گے جب کہ دوسرے نمبر آنے والی ٹیم (رنرز اپ) کو ساڑھے 12 کروڑ(بھارتی روپے) کے بجائے سوا 6 کروڑ روپے ملیں گے۔اسی طرح کوالیفائرز (سیمی فائنل) ہارنے والی ٹیموں کو بھی اب 4.3 کروڑ روپے ملیں گے۔

بھارتی بورڈ کا کہنا ہے کہ بورڈ کے اوسط درجے کے کسی ملازم کو 8 گھنٹے سے کم طوالت کے فضائی سفر کی صورت میں بزنس کلاس کا ٹکٹ بھی نہیں ملے گا۔بھارتی بورڈ کا کہنا ہے کہ اخراجات میں کمی کے اقدامات کی وجہ سے انعامی رقم میں کمی کی گئی ہے۔اوراگرکوئی بزنس کلاس کا ٹکٹ لے گا تواس کی تنخواہ یا مراعات میں سے کٹوتی کی جائے گی

بھارتی خبر رساں ادارے پی ٹی آئی نے ایک ذریعے کے حوالے سے بتایا ہے کہ بورڈ نے یہ اقدامات اس لیے کیے ہیں کیونکہ آئی پی ایل کی فرنچائز (ٹیمیں) اسپانرز سے بھی ایک خطیر رقم کماتی ہیں۔یاد رہے کہ پاکستان سپر لیگ 2020 کی فاتح ٹیم کو 5 لاکھ ڈالرز (سات کروڑ 75 لاکھ پاکستانی روپے) ملیں گے۔

پشاور زلمی کے اعزاز میں زلفی بخاری کا عشائیہ

باغی ٹی وی :وزیر اعظم کے خصوصی مشیر برائے اووسیز پاکستان سید زلفی بخاری کی جانب سے پشاور زلمی کے اعزاز میں عشائیہ دیا گیا. جس میں‌ پشاور زلمی کے چیرمین جاوید آفریدی، کپتان ڈیرن سیمی اور تمام ٹیم نے شرکت کی .اس موقع پر سید زلفی بخاری نے زلمی اسکواڈ خصوصا غیر ملکی کھلاڑیوں کو خوش آمدید کہا

زلفی بخاری نے کہا کہ پی ایس ایل کی وجہ سے پورے پاکستان میں رونق یے، فینز خوش ہیں ،اس پرتپاق عشائیے پر ٹیم ڈنر پر جاوید آفریدی نے زلفی بخاری کا شکریہ ادا کیا
اس سے پہلے وزیر اعظم عمران خان خان سے پشاور زلمی کےچیئرمین کی ملاقات ہوئی تھی وزیر اعظم نے کہا کہ قومی اسپورٹس پالیسی پر توجہ ہے جلد اجلاس منعقد ہوگا ۔جس میں پاکستان میں اسپورٹس کی بہتری پر بات چیت ہوگی۔ جاوید آفریدی سے ملاقات میں وزیر اعظم پاکستان نے ہاشم آملہ کا پشاور زلمی سے منسلک ہونے پر خوشی کا اظہار کیا اور کہا کہ بڑے کرکٹرز کا پی ایس ایل فرنچائز سے منسلک ہونا پاکستان کرکٹ کے لیے بھی اچھی خبر ہے نوجوان کرکٹرز کو سیکھنے کا موقع ملے گا۔

وزیر اعظم نے کہا کہ پاکستان سپر لیگ سیزن فائیو کا پاکستان مکمل انعقاد تاریخی موقع ہوگا،پشاور زلمی نے پاکستان سپر لیگ کی کامیابی اور ملک میں کرکٹ کی واپسی میں اہم کردار ادا کیا۔

لاہور:لاہور قلندرز ایک فتح کے بعد اسلام آباد یونائیٹڈ کے سامنے ڈھیر،71 رنز سے شکست ،اطلاعات کےمطابق پاکستان سپر لیگ(پی ایس ایل) 2020 کے 17 ویں میچ میں اسلام آباد یونائیٹڈ نے بیٹنگ کے بعد باؤلنگ میں بھی شان دار کھیل کا مظاہرہ کرتے ہوئے ٹورنامنٹ کی کمزور ترین ٹیم لاہور قلندرز کو باآسانی 71 رنز سے شکست دے دی۔

FIRST OF THE MATCH

Munro smacks one out of the ground to kick off things. #IUvLQ #HBLPSLV pic.twitter.com/NBSGyrh0Qn

— PakistanSuperLeague (@thePSLt20) March 4, 2020

ذرائع کے مطابق لاہور کے قذافی اسٹیڈیم میں کھیلے گئے ایونٹ کے 17ویں میچ میں لاہور قلندرز کے کپتان سہیل اختر نے ٹاس جیت کر پہلے باؤلنگ کا فیصلہ کیا۔اسلام آباد یونائیٹڈ کو اوپنرز کولن منرو اور لیوک رونکی نے شان دار آغاز فراہم کرتے ہوئے 100رنز سے زائد کی شراکت قائم کی۔دونوں کھلاڑیوں نے ابتدائی 10اوورز میں میزبان باؤلرز کو خاطر میں نہ لاتے ہوئے عمدہ شراکت قائم کر کے اپنی ٹیم کے لیے بڑے اسکور کی بنیاد رکھی۔

تمام باؤلرز کی ناکامی کو دیکھتے ہوئے لاہور قلندرز کے کپتان تجربہ کار محمد حفیظ کو باؤلنگ کے لیے لائے جنہوں نے کپتان کے فیصلے کو درست ثابت کرتے ہوئے پہلی گیند پر 48رنز بنانے والے رونکی کی اننگز کا خاتمہ کردیا۔
کپتان شاداب خان نے چھکا مار کر خطرناک عزائم ظاہر کرنے کی کوشش کی ہی تھی کہ اگلی گیند پر محمد فیضان نے ان کا شکار کر لیا۔اس موقع پر کولن انگرام اور کولن منرو نے 46 رنز کی اننگز کھیل کر اسکور میں اضافے کا سلسلہ جاری رکھا، انگرام 29رنز بنانے کے بعد آؤٹ ہوئے۔

دوسرے اینڈ سے منرو نے بہترین کھیل کا سلسلہ جاری رکھتے ہوئے 59گیندوں پر 3 چھکوں اور 8چوکوں کی مدد سے آؤٹ ہوئے بغیر 87 رنز کی اننگز کھیلی جس کی بدولت یونائیٹڈ مقررہ اوورز میں 3وکٹوں کے نقصان پر 198رنز کا مجموعتہ ترتیب دینے میں کامیاب رہی، اختتامی لمحات میں آصف علی نے 6گیندوں پر 20رنز بنائے۔قلندرز کی جانب سے محمد حفیظ، سلمان ارشاد اور محمد فیضان نے ایک،ایک وکٹ حاصل کی۔

ہدف کے تعاقب میں لاہور قلندرز کو پہلے اوور کی دوسری گیند پر ہی نقصان اٹھانا پڑا جب کرس لِن صفر پر آؤٹ ہوئے جس کے بعد محمد حفیظ بھی بڑی اننگز کھیلنے میں ناکام ہوئے اور 10 رنز بنا کر عاکف جاوید کی گیند پر وکٹ دے کر واپس چلے گئے۔کوئٹہ گلیڈی ایٹرز کے خلاف جارحانہ اننگز کھیلنے والے بین ڈنک نے ایک مرتبہ پھر اسی انداز میں بیٹنگ جاری رکھی لیکن شاداب خان نے ان کی اننگز 25 رنز پر ختم کردی اور سکون کا سانس لیا۔

لاہور قلندرز نے سلمان بٹ کو پہلی مرتبہ ٹیم میں جگہ دی لیکن انہوں نے انتہائی سست روی کا مظاہرہ کیا حالانکہ ٹیم کو جیت کے لیے تیزرفتاری سے بیٹنگ کی ضرورت تھی اور 24 گیندوں پر 21 رنز بنا کر آؤٹ ہوگئے جس میں صرف 2 چوکے شامل تھے۔سمت پٹیل بھی جارحانہ بیٹنگ کی کوشش میں غیر ضروری شاٹ کھیلتے ہوئے صرف 6 رنز بنا کر آؤٹ ہوئے تو قلندرز کی 5 وکٹیں 69 رنز پر گر چکی تھیں جس کے بعد محمد فیضان بھی 6 رنز بنا سکے۔

یونائیٹڈ کے باؤلرز نے دباؤ برقرار رکھا اور 87 کے مجموعی اسکور پر ساتویں وکٹ کپتان سہیل اختر کی صورت میں گری جنہیں ظفر گوہر نے نشانہ بنایا۔رومان رئیس نے 15 ویں اوور میں پراسنا اور سلمان ارشاد کو آؤٹ کرکے ٹیم کو جیت کے قریب لاکھڑا کیا۔عثمان شنواری اور دلبرحسین نے آخری وکٹ میں کھل کر شاٹس کھیلیں۔لاہور قلندرز کی پور ٹیم 127رنز پر ڈھیر ہوئی اور 71 رنز سے شکست کھا گئی۔

عثمان شنواری اور دلبر حسین نے 38 رنز کی شراکت کی، عثمان 4 چھکوں کی مدد سے 30 رنز بنا کر آؤٹ ہوئے جبکہ دلبر حسین 8 رنز بنا کر ناٹ آؤٹ رہے۔اسلام آباد یونائیٹڈ کے ظفر گوہر اور رومان رئیس نے 3،3 وکٹیں حاصل کیں، شاداب خان نے 2 کھلاڑیوں کو آؤٹ کیا۔

اس سے قبل ٹاس جیتنے کے بعد لاہور قلندرز کے کپتان سہیل اختر نے کہا کہ اس وکٹ پر 180رنز کا ہدف حاصل کرنا ممکن ہو گا اور ہم اسلام آباد کو کم سے کم رنز پر محدود کرنے کی کوشش کریں گے۔انہوں نے کہا کہ ہم نے ٹیم میں دو تبدیلیاں کی ہیں اور فخر زمان کی جگہ سلمان بٹ اور عثمان شنواری کو فائنل الیون کا حصہ بنایا ہے۔شاداب خان نے کہا کہ ٹاس جیتنے کی صورت میں ہم بھی باؤلنگ کرتے کیونکہ رات میں اوس کا بھی کردار ہوتا ہے۔

اسلام آباد یونائیٹڈ نے اپنی ٹیم میں تین تبدیلیاں کرتے ہوئے فہیم اشرف، موسیٰ خان اور احمد صفی عبداللہ کی جگہ حسین طلعت، ظفر گوہر اور عاکف جاوید کو فائنل الیون کا حصہ بنایا ہے۔

میچ کے لیے دونوں ٹیمیں ان کھلاڑیوں پر مشتمل تھیں۔

اسلام آباد یونائیٹڈ: شاداب خان(کپتان)، لیوک رونکی، کولن منرو، رضوان حسین، حسین طلعت، کولن انگرام، شاداب خان، آصف علی، ڈیل اسٹین، ظفر گوہر، رومان رئیس اور عاکف جاوید

لاہور قلندرز: سہیل اختر(کپتان)، کرس لِن، سلمان بٹ، بین ڈنک، محمد حفیظ، محمد فیضان، سمیت پٹیل، سکیگو پرسنا، دلبر حسین، عثمان شنواری اور سلمان ارشاد

اسلام آباد یونائیٹڈ کا پہلے کھیلتے ہوئے لاہور کوپہاڑ جیسا ہدف

باغی ٹی وی :اسلام آباد یونائیٹڈ نے پہلے کھیلتے ہوئے لاہور کو 199 رنز کا ہدف دیا، لیوک رونکی 48 اور کولن منرو ناقابل شکست 87 رنز بناکر نمایاں رہے۔

اسلام آباد کی اننگز
لاہور قلندرز کے کپتان سہیل اختر نے ٹاس جیت کر پہلے فیلڈنگ کا فیصلہ کیا اور اسلام آباد یونائیٹڈ نے مقررہ اوورز میں 3 وکٹوں کے نقصان پر 198 رنز بنائے۔اسلام آباد کی جانب سے کولن منرو اور لیوک رونکی نے شاندار آغاز کیا اور 103 رنز کی اوپننگ پارٹنر شپ قائم کی۔

اس موقع پر لیوک رونکی 48 رنز بناکر آؤٹ ہوگئے۔ اس کے بعد شاداب خان بھی صرف 7 رنز بناکر پویلین لوٹ گئے.کولن انگرام 29 رنز بناسکے تاہم منرو اور آصف علی نے مزید کوئی نقصان نہیں ہونے دیا۔ منرو 87 اور آصف علی 6 گیندوں پر 20 رنز بناکر ناٹ آؤٹ رہے۔
لاہور قلندرز کے کپتان سہیل اختر نے ٹاس جیت کر پہلے فیلڈنگ کا فیصلہ کیا ہے۔ لاہور قلندرز میں اوپنر فخر زمان کی جگہ آج سلمان بٹ کھیل رہے ہیں۔دونوں ٹیموں کے درمیان لاہور کے قذافی اسٹیڈیم میں میچ شام 7 بجے شروع ہوگا۔

اسلام آباد کے کپتان شاداب خان بھی فارم میں ہیں اور تجربہ کار لیوک رونکی بھی جبکہ انگرام بھی خوب رنگ جما رہے ہیں۔اسلام آباد کی بولنگ لائن میں موسیٰ خان ، فہیم اشرف کے ساتھ ڈیل اسٹین کا بھی اضافہ ہو گیا ہے۔

پی ایس ایل 5: لاہور قلندرز نے دفاعی چیمپئن کو شکست دے کر پہلی فتح حاصل کرلی، دوسری جانب لاہور قلندرز ہے جس نے ابھی ایک ہی میچ جیتا ہے لیکن ہر بار بیٹنگ اور بولنگ میں اسٹرنتھ شو کی ہے، آخری میچ میں تو بین ڈنک اور سمت پٹیل نے کمال ہی کر دیا تھا۔اب تک اسلام آباد کے 6 میچز میں 5 پوائنٹس ہیں جبکہ قلندرز نے 4 میچز میں 2 پوائنٹس بنائے ہیں۔ایونٹ کے تمام میچز جیوسوپر براہ راست نشر کررہا ہے
شاداب خان نے کہا کہ ٹاس جیتنے کی صورت میں ہم بھی باؤلنگ کرتے کیونکہ رات میں اوس کا بھی کردار ہوتا ہے۔

اسلام آباد یونائیٹڈ نے اپنی ٹیم میں تین تبدیلیاں کرتے ہوئے فہیم اشرف، موسیٰ خان اور احمد صفی عبداللہ کو فائنل الیون کا حصہ نہیں بنایا۔

بنگلہ دیش کے خلاف ایک روزہ میچ کا شیڈول تبدیل ہو گیا

باغی ٹی وی :پاکستان اور بنگلہ دیش کے درمیان واحد ایک روزہ میچ کا شیڈول تبدیل کردیا گیا ہے۔ شیڈول میں تبدیلی کی درخواست بنگلہ دیش کرکٹ بورڈ نے کی تھی۔ بنگلہ دیش کرکٹ بورڈ نےپاکستان کرکٹ بورڈ سے درخواست کی تھی کہ کھلاڑیوں کو کنڈیشنز سے ہم آہنگی کے لیےکراچی ٹیسٹ سے قبل پریکٹس کے لیےمزیدکچھ روز کاوقت دیا جائے۔ دونوں ٹیموں کے درمیان نیشنل اسٹیڈیم کراچی میں شیڈول ٹیسٹ میچ 5 اپریل سے شروع ہوگا۔

نئے شیڈول کے مطابق دونوں ٹیموں کے مابین واحد ایک روزہ میچ یکم اپریل کو نیشنل اسٹیڈیم کراچی میں کھیلا جائے گا۔ اس سے قبل دونوں ٹیموں نے 3 اپریل کو اسی مقام پر ایک روزہ میچ کھیلنا تھا۔مہمان ٹیم اب 29 مارچ کو بنگلہ دیش سے کراچی پہنچے گی۔

آئی سی سی ایک روزہ ٹیم رینکنگ میں پاکستان چھٹے اور بنگلہ دیش ساتویں نمبر پر موجود ہے۔ دونوں ٹیموں کے درمیان 12 پوائنٹس کا فرق ہے۔

ذاکر خان، ڈائریکٹر انٹرنیشنل کرکٹ پی سی بی:

ڈائریکٹر انٹرنیشنل کرکٹ پی سی بی ذاکر خان کا کہنا ہےکہ پاکستان کرکٹ بورڈمہمانوں کے ساتھ تعاون کے لیے ہمہ وقت تیار رہتا ہے، لہٰذا پی سی بی اب زیادہ عرصے کے لیے بنگلہ دیش کرکٹ ٹیم کی کراچی میں میزبانی کرے گا۔

انہوں نے کہا کہ دونوں ٹیموں کے درمیان میچز کے آغاز سے قبل ہی مداحوں کا جوش و خروش دیدنی ہے، پاکستان کرکٹ بورڈ کو امید ہے کہ اس دوران شائقینِ کرکٹ کو اعلیٰ معیار کی کرکٹ دیکھنے کو ملے گی۔

پاکستان نے راولپنڈی میں کھیلا گیا سیریز کا پہلا ٹیسٹ میچ ایک اننگز اور 44 رنز سے جیتا تھا۔ آئی سی سی ورلڈ ٹیسٹ چیمپئن شپ میں پاکستان فی الحال پانچ ٹیسٹ میچز کھیلنے کے بعد140 پوائنٹس کے ساتھ پانچویں نمبر پر موجود ہے۔کراچی ٹیسٹ میں کامیابی پاکستان کو پوائنٹس ٹیبل پر نیوز ی لینڈ اور انگلینڈ سے اوپر لے جائے گی۔دونوں ٹیمیں بالترتیب تیسرے اور چوتھے نمبر پر موجود ہیں۔

فی الحال پوائنٹس ٹیبل پر بھارت 360 پوائنٹس کے ساتھ پہلے اورآسٹریلیا 296 پوائنٹس کے ساتھ دوسرے نمبر پر براجمان ہے۔

آئی سی سی ورلڈٹیسٹ چیمپئن شپ کے لیے پوائنٹس ٹیبل یہاں موجود ہے۔

نیا شیڈول:

29 مارچ: بنگلہ دیش کرکٹ ٹیم کی کراچی آمد
30 اور31 مارچ: پریکٹس
یکم اپریل: واحد ایک روزہ میچ بمقام نیشنل اسٹیڈیم کراچی
2 تا 4 اپریل: پریکٹس
5تا9 اپریل: آئی سی سی ورلڈٹیسٹ چیمپئن شپ میں شامل دوسرا میچ بمقام نیشنل اسٹیڈیم کراچی

لاہور قلندرز کا ٹاس جیت کر پہلے فیلڈنگ کا فیصلہ

باغی ٹی وی :پی ایس ایل کے پانچویں ایڈیشن کے 17 ہویں میچ میں آج لاہور قلندرز اور اسلام آباد یونائیٹڈ آمنے سامنے ہیں۔

لاہور قلندرز کے کپتان سہیل اختر نے ٹاس جیت کر پہلے فیلڈنگ کا فیصلہ کیا ہے۔ لاہور قلندرز میں اوپنر فخر زمان کی جگہ آج سلمان بٹ کھیل رہے ہیں۔دونوں ٹیموں کے درمیان لاہور کے قذافی اسٹیڈیم میں میچ شام 7 بجے شروع ہوگا۔

اسلام آباد کے کپتان شاداب خان بھی فارم میں ہیں اور تجربہ کار لیوک رونکی بھی جبکہ انگرام بھی خوب رنگ جما رہے ہیں۔اسلام آباد کی بولنگ لائن میں موسیٰ خان ، فہیم اشرف کے ساتھ ڈیل اسٹین کا بھی اضافہ ہو گیا ہے۔

پی ایس ایل 5: لاہور قلندرز نے دفاعی چیمپئن کو شکست دے کر پہلی فتح حاصل کرلی، دوسری جانب لاہور قلندرز ہے جس نے ابھی ایک ہی میچ جیتا ہے لیکن ہر بار بیٹنگ اور بولنگ میں اسٹرنتھ شو کی ہے، آخری میچ میں تو بین ڈنک اور سمت پٹیل نے کمال ہی کر دیا تھا۔اب تک اسلام آباد کے 6 میچز میں 5 پوائنٹس ہیں جبکہ قلندرز نے 4 میچز میں 2 پوائنٹس بنائے ہیں۔ایونٹ کے تمام میچز جیوسوپر براہ راست نشر کررہا ہے
شاداب خان نے کہا کہ ٹاس جیتنے کی صورت میں ہم بھی باؤلنگ کرتے کیونکہ رات میں اوس کا بھی کردار ہوتا ہے۔

اسلام آباد یونائیٹڈ نے اپنی ٹیم میں تین تبدیلیاں کرتے ہوئے فہیم اشرف، موسیٰ خان اور احمد صفی عبداللہ کو فائنل الیون کا حصہ نہیں بنایا۔