Category: کھیل

انگلینڈ میں جاری ورلڈ چیمپئن شپ آف لیجنڈز (ڈبلیو سی ایل) بھارت نے پاکستان کےساتھ،سیمی فائنل مقابلہ کھیلنے سے بھی انکار کر دیا۔

بھارتی میڈیا نے دعویٰ کیا کہ انڈین لیجنڈز کی ٹیم نے پاکستان کے خلاف لیجنڈز لیگ کا سیمی فائنل مقابلے بھی دستبردار ہونے کا فیصلہ کر لیا، بھارتی ٹیم کے انکار کے بعد سیمی فائنل نہ ہوا تو پاکستان ٹیم واک اوور کا مطالبہ کرے گی۔

قبل ازیں، ٹورنامنٹ کے بھارتی اسپانسر نے بھی پاک-بھارت سیمی فائنل مقابلے سے دستبرداری کا فیصلہ کیااسپانسر کمپنی کے سربراہ نشہات پیٹی نے سماجی رابطے کی ویب سائٹ ’ایکس‘ پر لکھا کہ ہم ٹیم بھارت کو ورلڈ چیمپئن شپ آف لیجنڈز میں شاندار کارکردگی پر داد دیتے ہیں، آپ نے قوم کا سر فخر سے بلند کیا ہے،پاکستان کے خلاف شیڈول سیمی فائنل صرف ایک اور میچ نہیں ہے، بطور اسپانسر کمپنی ہم بھارت اور پاکستان کے درمیان ڈبلیو سی ایل میچ سے دستبردار ہو رہے ہیں، کچھ چیزیں کھیل سے بڑھ کر ہوتی ہیں، پہلے قوم، بعد میں کاروبار۔

آئی سی سی نے تینوں فارمیٹس کی نئی پلیئرز رینکنگ جاری کردی

واضح،رہے کہ 20 جولائی کو بھی پاکستان اور بھارت کے درمیان لیجنڈز لیگ کا میچ شیڈول تھا، تاہم بھارتی کھلاڑیوں کی ہٹ دھرمی کے باعث ورلڈ چیمپئن شپ آف لیجنڈز (ڈبلیو سی ایل) کا طے شدہ ٹی20 میچ منسوخ کر دیا گیا تھاسابق بھارتی اوپنر بلے باز شیکھر دھون سمیت بھارتی کھلاڑیوں نے ’پاکستان اور بھارت کے درمیان حالیہ جغرافیائی سیاسی کشیدگی‘ کو جواز بناتے ہوئے میچ کھیلنے سے انکار کیا تھا۔

جولائی 2025 کے دوران معمول سے 25 فیصد زیادہ بارشیں ریکارڈ

آئی سی سی نے تینوں فارمیٹس کی نئی پلیئرز رینکنگ جاری کردی-

آئی سی سی ٹیسٹ بیٹرز رینکنگ میں انگلینڈ کے جو روٹ پہلے نمبر پر، نیوزی لینڈ کے کین ولیمسن دوسرے، ہیری بروک تیسرے، اسٹیو سمتھ چوتھے اور جنوبی افریقا کے کپتان ٹیمبا باووما ایک درجہ بہتری کے بعد 5ویں نمبر پر آگئے ہیں،پاکستان کے سعود شکیل ٹیسٹ پلیئر رینکنگ میں بدستور 12ویں نمبر پر موجود ہیں۔

جبکہ ٹیسٹ باؤلرز رینکنگ میں بھارت کے جسپریت بمراکا پہلا نمبر برقرار ہے، ربادا دوسرے اور پیٹ کمنز تیسرے نمبر پر موجود ہیں، پاکستان کے نعمان علی ٹیسٹ باؤلنگ رینکنگ میں 5ویں پوزیشن پر موجود ہیں،ٹیسٹ آل راؤنڈز رینکنگ میں بھارت کے رویندرا جدیجا پہلے نمبر پر ہیں جبکہ انگلینڈ کے بین اسٹوکس 3 درجہ بہتری کے بعد تیسری پوزیشن پر آگئے ہیں۔

جولائی 2025 کے دوران معمول سے 25 فیصد زیادہ بارشیں ریکارڈ

ون ڈے بیٹرز رینکنگ میں بھارت کے شبھمن گل پہلے نمبر پر موجود ہیں، پاکستان کے بابراعظم دوسرے نمبرپر ہیں، چیریتھ اسالنکا 2درجہ بہتری کے بعد چھٹے نمبر پر آگئے ہیں، ون ڈے باؤ لرز رینکنگ میں سری لنکا کے مہیش تھیکشانہ پہلی پوزیشن پر براجمان ہیں، سری لنکا کے ونندو ہسرنگا باؤلنگ رینکنگ میں 11 درجہ بہتری سے 8ویں نمبر پر آگئے ہیں،شاہین آفریدی ون ڈے باؤلنگ رینکنگ میں ایک درجہ تنزلی کے بعد 12ویں نمبر پرموجود ہیں۔

”معرکہ حق“ کی تھیم کے ساتھ جشنِ آزادی یکم سے 14اگست تک بھرپور انداز میں منائی جائے گی، سید مراد علی شاہ

ٹی ٹوئنٹی رینکنگ میں بھارت کے ابھیشک شرما نمبر ون بیٹر بن گئے ہیں، آسٹریلیا کے ٹریوس ہیڈ ایک درجہ تنزلی کے بعد دوسرے نمبر پر چلے گئے ہیں، ٹی ٹوئنٹی بیٹرز رینکنگ میں بابراعظم 14ویں اور محمد رضوان 16 ویں نمبر پر ہیں،ٹی ٹوئنٹی باؤلرز رینکنگ میں نیوزی لینڈ کے جیکب ڈفی پہلی پوزیشن برقرار رکھے ہوئے ہیں، ٹی ٹوئنٹی باؤ لرز رینکنگ میں ٹاپ 20 میں کوئی پاکستانی باؤلر شامل نہیں ہے۔

شرح سود 11 فیصد پر برقرار رکھنے کا اعلان

بھارتی،میڈیا پر مودی سرکار سے ایشیاکپ کے بائیکاٹ کا مطالبہ بڑھ رہا ہے-

ایشین کرکٹ کونسل کے صدر محسن نقوی کے اجلاس کے انعقاد اور ایونٹ کے اعلان کے بعد سے بھارتی بورڈ کو آڑے ہاتھوں لیا جارہا ہےبھارتی میڈیا دعویٰ کررہا ہے کہ مودی سرکار ایشیاکپ میں پاکستان کو واک اوور دینے کے حق میں نہیں ہے، پاکستان کو کسی صورت واک اوور نہیں دیا جائے گا، اگر واک اوور دیا تو پاکستان جیت جائےگا-

بھارتی میڈیا کا کہنا ہے کہ ایشیاکپ بھارت کا ٹورنامنٹ ہے اس میں پاکستان کے ساتھ نہیں کھیلنا چاہیے، بھارت نہیں کھیلے گا تو ٹورنامنٹ بھی نہیں ہوسکتا، بھارت کی میزبانی میں ہونے والے ٹورنامنٹ میں پاکستان کا کھیلنا کسی صورت قبول نہیں،اس کے علاوہ بھارتی ایوانوں میں بھی ایشیاکپ کے بائیکاٹ کی ڈیمانڈ ہورہی ہے،بھارتی ایوانوں میں اپوزیشن نے مودی سرکار پر تنقید کرتے ہوئے کہا کہ پاکستان کے ساتھ تجارت سمیت سب کچھ بند ہے تو کرکٹ کیوں ہو رہی ہے۔

واضح رہے کہ ایشیاکپ بھارت کی میزبانی میں یو اے ای میں 9 ستمبر سے کھیلاجائے گا، ایشیاکپ میں پاک بھارت کم از کم دو جب کہ زیادہ سے زیادہ تین مرتبہ آمنے سامنے آ سکتے ہیں۔

آسٹریلیا نے ویسٹ انڈیز کو ہوم گراؤنڈ پر ٹی ٹوئنٹی سیریز میں کلین سوئپ کردیا، 5 ٹی ٹوئنٹی میچز کی سیریز 0-5 سے اپنے نام کر لی۔

آسٹریلوی کرکٹ ٹیم نے ویسٹ انڈیز کے خلاف ٹی20 سیریز میں پہلی بار 5-0 سے کلین سوئپ کرتے ہوئے ایک تاریخی کامیابی حاصل کی نوجوان کھلاڑیوں کی دھواں دار کارکردگی نے آسٹریلیا کو سیریز کے آخری میچ میں 3 وکٹوں سے فتح دلوائی، جو 3 اوورز قبل ہی مکمل ہو گئی۔

ویسٹ انڈیز کی ٹیم 20 ویں اوور میں 170 رنز بنا کر آوٹ ہوگئی ، میچ میں شمرون ہٹمائر نے 52 اور شرفین ردرفورڈ نے 35 رنز بنائے آسٹریلیا نے ویسٹ انڈیز کا ہدف 17 اوورز میں 7 وکٹ پر پورا کردیا، اگرچہ آغاز میں آسٹریلیا کی بیٹنگ مشکلات کا شکار رہی اور گلین میکسویل بغیر کوئی رن بنائے آؤٹ ہوئے، تاہم ٹم ڈیوڈ، مچ اووَن اور کیمرون گرین کی برق رفتار بیٹنگ نے میچ کا رخ پلٹ دیا۔

پاکستان کا اسرائیل کوتسلیم کرنےکا کوئی منصوبہ نہیں،اسحاق ڈار

آسٹریلیا کی اننگز میں مین آف دی سیریز کیمرون گرین 32 اور میچل اوون 37 رنز کے ساتھ نمایاں رہے،اس کے علاوہ ایران ہارڈی 28 رنز بنا کرناٹ آؤٹ رہے جب کہ ویسٹ انڈیز کے عقیل حسین نے 3 وکٹیں حاصل کیں، کپتان مچ مارش نے کہا کہ ہم نے سیریز سے پہلے کبھی 0-5 کا خواب نہیں دیکھا تھا، مگر ٹیم نے غیرمعمولی کھیل پیش کیا۔

اس موقع پر لیگ اسپنر ایڈم زیمپا نے اپنا 100واں ٹی20 میچ کھیل کر ایک نیا سنگ میل عبور کیا، اور وہ یہ اعزاز حاصل کرنے والے پہلے آسٹریلوی باؤلر بن گئے، وہ ٹی20 میں آسٹریلیا کے سب سے کامیاب باؤلر بھی ہیں جن کے 124 شکار ہیں۔

روس کا یوکرین کی جیل پر فضائی حملہ، 16 افراد ہلاک، 35 زخمی

زیمپا نے اس کلین سوئپ کو ٹیم کی نئی تعمیر کا مظہر قرار دیا، اور کہا کہ آسٹریلوی ٹی20 اسکواڈ اب اگلے ورلڈ کپ (2026، بھارت) کی بھرپور تیاری کر رہا ہے،انہوں نے مچ اوون، میٹ کوہنین اور ایرون ہارڈی جیسے ابھرتے ہوئے کھلاڑیوں کی کارکردگی کو ٹیم کا مستقبل قرار دیایہ ایک فخر کا لمحہ ہے، 100 ٹی20 انٹرنیشنل میچز کھیلنا ایک بڑی کامیابی ہے، میں ہمیشہ آسٹریلیا کے لیے کھیلنے کو اولین ترجیح دیتا رہا ہوں۔