Category: کھیل

آسٹریلیا نے کینز میں کھیلے گئے تیسرے اور آخری ٹی20 انٹرنیشنل میں جنوبی افریقہ کو 2 وکٹوں سے شکست دے کر 3 میچز کی سیریز 1-2 سے جیت لی۔

جنوبی افریقہ نے پہلے بیٹنگ کرتے ہوئے مقررہ 20 اوورز میں 7 وکٹوں پر 172 رنز بنائے۔ ڈیولڈ بریوس 53 رنز کے ساتھ نمایاں رہے جبکہ راسی وین ڈار ڈاسن نے 38، ٹرسٹن اسٹبس نے 25 اور پریٹوریئس نے 24 رنز بنائے۔ہدف کے تعاقب میں آسٹریلیا نے ایک گیند قبل مطلوبہ ہدف 8 وکٹوں کے نقصان پر حاصل کیا۔ گلین میکسویل نے 36 گیندوں پر 62 رنز کی شاندار اننگز کھیل کر میچ کا بہترین کھلاڑی قرار پایا۔ کپتان مچل مارش نے 54، ٹرویس ہیڈ نے 19 اور ٹم ڈیوڈ نے 17 رنز بنائے۔

ٹم ڈیوڈ کو مجموعی طور پر تین میچز میں 150 رنز بنانے پر سیریز کا بہترین کھلاڑی قرار دیا گیا۔

ایران کی پاکستان میں سیلاب متاثرین کی مدد کی پیشکش

ایران کی پاکستان میں سیلاب متاثرین کی مدد کی پیشکش

ٹرمپ استقبال، پیوٹن کے اوپر بی-2 اسٹیلتھ طیاروں کی پرواز

ایشیا کپ اور تین ملکی ٹی20 سیریز کے لیے پاکستانی اسکواڈ کے انتخاب کے سلسلے میں قومی سلیکشن کمیٹی نے ابتدائی مشاورت مکمل کرلی۔

ذرائع کے مطابق کمیٹی، ٹی20 کپتان سلمان علی آغا اور ہیڈ کوچ مائیک ہیسن سے تفصیلی بات چیت کرے گی، دونوں ویسٹ انڈیز سے وطن واپس پہنچ چکے ہیں۔حتمی اسکواڈ کا اعلان چیئرمین پی سی بی سینیٹر محسن نقوی کی منظوری کے بعد اگلے 2 سے 3 روز میں متوقع ہے، جس میں 18 کھلاڑی شامل ہوسکتے ہیں۔ ممکنہ کھلاڑیوں میں فاسٹ بولرز سلمان مرزا اور احمد دانیال کے نام بھی زیر غور ہیں۔

بائیں ہاتھ کے اوپنر فخر زمان نیشنل کرکٹ اکیڈمی میں ری ہیب مکمل کر رہے ہیں اور سہ ملکی سیریز سے قبل فٹ ہونے کا امکان ہے۔ وہ ویسٹ انڈیز کے خلاف سیریز میں ہیمسٹرنگ انجری کا شکار ہوئے تھے۔

رتی گلی بیس کیمپ میں پھنسے 700 سے زائد سیاح محفوظ مقام پر منتقل

برسلز میں بھارتی یوم آزادی پر یوم سیاہ، بھارتی سفارتخانے کے سامنے احتجاج

خیبر پختونخوا ہیلی کاپٹر حادثہ: بلیک باکس تاحال لاپتا

18 سے 22 اگست: ملک بھر میں موسلادھار بارشوں کی پیشگوئی

حکومت نے سابق آل راؤنڈر شاہد آفریدی سمیت مختلف کھیلوں میں نمایاں کارکردگی دکھانے والے کھلاڑیوں کو اعلیٰ ترین قومی اعزازات دینے کا اعلان کیا ہے۔

ہر سال یومِ آزادی کے موقع پر مختلف شعبوں کے لیے اعزازات کی فہرست جاری کی جاتی ہے، اور اس بار کھیلوں کے شعبے میں بھی کئی نام شامل ہیں۔فہرست کے مطابق شاہد آفریدی کو ستارہ امتیاز سے نوازا جائے گا، جب کہ سابق خاتون کرکٹر ثنا میر، کوہ پیما شہروز کاشف، گھڑ سوار ملک محمد عطا (مرحوم) اور ڈسکس تھرو میں حیدر علی کو بھی ستارہ امتیاز دیا جائے گا۔

شوٹنگ میں محسن نواز، اسکواش میں حمزہ خان اور ٹینس میں رشید ملک کو تمغہ امتیاز ملے گا، جبکہ کراٹے میں شاہ زیب رند اور کبڈی میں محمد سجاد کو پرائیڈ آف پرفارمنس ایوارڈ دیا جائے گا۔ یہ اعزازات آئندہ سال 23 مارچ کو تقسیم کیے جائیں گے۔

غزہ میں اسرائیلی مظالم جاری، 24 گھنٹوں میں 49 فلسطینی شہید

وزراء و اراکین پارلیمنٹ کو ایوارڈز دینا آئین کی خلاف ورزی ہے، ماہرین قانون

پیپلز پارٹی خیبرپختونخوا کے عوام کے ساتھ ہے، شرجیل میمن

پاکستان کرکٹ بورڈ (پی سی بی) نے قومی کھلاڑیوں کی حالیہ ناقص کارکردگی پر شدید ناراضگی کا اظہار کیا ہے، جس کے نتیجے میں کھلاڑیوں کو دیے جانے والے بھاری معاوضے زیرِ غور آ گئے ہیں۔

ذرائع کے مطابق آئندہ برس سے سینٹرل کنٹریکٹ میں آئی سی سی شیئر کا حصہ ختم کیے جانے کا امکان ہے۔ نئے معاہدوں میں کھلاڑیوں کی میچ فیس اور ماہانہ تنخواہ تو برقرار رہے گی، تاہم آئی سی سی کی آمدنی سے حصہ دینے کا سلسلہ بند کیا جا سکتا ہے۔ نئے سینٹرل کنٹریکٹ کا اعلان رواں ماہ ہی متوقع ہے۔ذرائع نے مزید بتایا کہ پاکستان ٹی 20 رینکنگ میں آٹھویں نمبر پر پہنچ چکا ہے، جو بورڈ کے لیے تشویش کا باعث ہے۔ ماضی میں کھلاڑیوں نے سابق چیئرمین مینجمنٹ کمیٹی پر دباؤ ڈال کر آئی سی سی شیئر حاصل کیا تھا، لیکن قانونی پیچیدگیوں کے باعث موجودہ انتظامیہ اس سلسلے کو ختم نہ کر سکی۔

امکان ظاہر کیا جا رہا ہے کہ نئے معاہدوں میں یہ آئی سی سی شیئر آخری بار شامل کیا جائے گا۔ کھلاڑیوں کو کئی ماہ سے شرٹ پر اسپانسر لوگو کی رقم بھی ادا نہیں کی گئی، حالانکہ سینٹرل کنٹریکٹ کے ساتھ دیگر مد میں بھی رقوم دی جاتی ہیں۔ذرائع کے مطابق بورڈ نے ریٹینر شپ اخراجات میں گزشتہ سال کے مقابلے میں 37 فیصد اضافہ کیا، جس کے باعث یہ اخراجات 319 ملین کے اضافے سے بڑھ کر 1173.49 ملین روپے تک پہنچ گئے۔

مزید بتایا گیا ہے کہ نئے معاہدوں میں کھلاڑیوں کی سابقہ میچ فیس اور تنخواہ برقرار رکھی جائے گی۔ گزشتہ سال 25 کھلاڑیوں سے معاہدے کیے گئے تھے، جبکہ اس سال 5 مزید کھلاڑیوں کو شامل کرنے پر غور جاری ہے۔پی سی بی ذرائع کا کہنا ہے کہ نئے سینٹرل کنٹریکٹ کا باضابطہ اعلان رواں ماہ کے اختتام تک کر دیا جائے گا۔

سندھ طاس معاہدہ: بھارت کا عالمی ثالثی عدالت فیصلہ ماننے سے انکار

سوئیڈن میں مسجد کے قریب فائرنگ، دو افراد زخمی

ڈیزل اور دیگر پٹرولیم مصنوعات سستی ہونے کا امکان

پاکستان کرکٹ ٹیم کے کپتان محمد رضوان نے ویسٹ انڈیز سے 34 سال بعد ون ڈے سیریز میں تاریخ ساز شکست پر ردعمل دیتے ہوئے کہا کہ آخری 10 اوورز میں حریف ٹیم میچ ہم سے دور لے گئی اور قسمت نے بھی ساتھ نہیں دیا۔

میچ کے بعد گفتگو میں رضوان کا کہنا تھا کہ جلد وکٹیں گرنا شکست کی بڑی وجہ بنی، ابتدائی 40 اوورز تک میچ ہمارے کنٹرول میں تھا لیکن ویسٹ انڈین بیٹرز نے شاندار بیٹنگ کی۔کپتان نے کہا کہ شائی ہوپ نے شاندار اننگز کھیلی جبکہ جیڈن سیلز نے پوری سیریز میں پاکستانی بیٹرز کو مشکل میں ڈالا۔محمد رضوان نے تسلیم کیا کہ ٹیم کے پاس پانچواں بولر نہیں تھا، صائم ایوب اور سلمان آغا نے 8، 8 اوورز کرائے، تاہم آخری 10 اوورز میں ویسٹ انڈین بیٹرز نے بہترین کھیل پیش کیا۔

انہوں نے مزید کہا کہ ہم ایک ہی پچ پر تیسرا میچ کھیل رہے تھے، لیکن حریف ٹیم نے بہتر حکمت عملی سے جیت اپنے نام کی۔

مقبوضہ کشمیر میں 14 اگست یومِ تشکر، 15 اگست یومِ سیاہ منایا جائے گا

ٹرمپ کی میڈیا پر تنقید، پیوٹن سے ملاقات پر رپورٹنگ غیر منصفانہ“ قرار

پشاور: سی ٹی ڈی کی کارروائی، ہائی پروفائل دہشتگرد گروہ گرفتار

بھارت کے خلاف تاریخی فتح اور یومِ آزادی کا جشن، سبز ہلالی پرچموں کی بہار