Category: کھیل

ملتان :ملتان سلطانزٹاس جیت گئی اب میچ جیتنے کےلیے کوئٹہ گلیڈی ایٹرز کے خلاف بیٹنگ جاری ہے ، باغی ٹی وی کےمطابق پاکستان سپر لیگ(پی ایس ایل) کے پانچویں ایڈیشن میں ملتان سلطانز نے کوئٹہ گلیڈی ایٹرز کے خلاف ٹاس جیت کر پہلے بیٹنگ کا فیصلہ کیا ہے۔

ملتان کرکٹ اسٹیڈیم میں کھیلے جا رہے ایونٹ کے 12ویں میچ میں ملتان سلطانز کے کپتان شان مسعود نے ٹاس جیت کر پہلے بیٹنگ کا فیصلہ کیا ہے۔شان مسعود نے کہا کہ بیٹنگ وکٹ بہت اچھی لگ رہی ہے اور ہم گزشتہ روز اچھی بیٹنگ کے تسلسل کو برقرار رکھنا چاہتے ہیں۔

کوئٹہ گلیڈی ایٹرز کے کپتان سرفراز احمد نے کہا کہ وکٹ ابھی تک بیٹنگ کے لیے اچھی لگ رہی ہے لیکن ہم ٹاس جیت کر پہلے باؤلنگ ہی کرتے۔دونوں ٹیموں نے میچ کے لیے فائنل الیون میں دو، دو تبدیلیاں کی ہیں جہاں سلطانز نے روی بوپارہ کی جگہ جیمز ونس کو دوبارہ ٹیم میں شامل کیا ہے جبکہ بلاول بھٹی بھی جگہ بنانے میں کامیاب رہے۔

گلیڈی ایٹرز نے ٹائمل ملز کی جگہ انور علی اور احمد شہزاد کی جگہ احسان علی کوئٹہ گلیڈی ایٹرز میں شامل ہیں۔واضح رہے کہ پوائنٹس ٹیبل پر ملتان سلطانز اور کوئٹہ گلیڈی ایٹرز کی ٹیمیں سرفہرست ہیں۔

میچ کے لیے دونوں ٹیمیں ان کھلاڑیوں پر مشتمل ہیں۔

ملتان سلطانز: شان مسعود(کپتان)، معین علی، رلی روسو، جیمز ونس، ذیشان اشرف، خوشدل شاہ، سہیل تنویر، بلاول بھٹی، عمران طاہر، محمد الیاس اور محمد عرفان

کوئٹہ گلیڈی ایٹرز: سرفراز احمد(کپتان)، احسن علی، جیسن روئے، شین واٹسن، اعظم خان، بین کٹنگ، محمد نواز، انور علی، سہیل خان، نسیم شاہ اور محمد حسنین

اس موقع پر کوئٹہ گلیڈی ایٹرز کے کپتان سرفراز احمد نے کہا کہ ٹاس جیت کر ہم بولنگ کا فیصلہ کرتے۔

کپتان سرفراز احمد نے بتایا کہ آج احمد شہزاد کی جگہ احسن علی ٹیم میں شامل ہیں جب کہ ٹائمل ملز کی جگہ انور علی پرفارم کریں گے۔

سڈنی:ویمنز ٹی ٹونٹی ورلڈ کپ میں پاکستان اور جنوبی افریقہ کے درمیان معرکہ کب ہوگا ، اعلان کردیا گیا ،باغی ٹی وی کےمطابق آئی سی سی ویمنز ٹی ٹونٹی کرکٹ ورلڈ کپ 2020 میں پاکستان اور جنوبی افریقہ کی ٹیمیں یکم مارچ بروز اتوار کو سڈنی کے شوگراؤنڈ اسٹیڈیم میں مدمقابل آئیں گی۔گروپ بی میں شامل دونوں ٹیموں کے درمیان میچ پاکستان وقت کے مطابق صبح 9 بجے شروع ہوگا۔

جنوبی افریقہ کی ویمنز ٹیم ایونٹ میں تاحال کھیلے گئے دونوں میچز میں کامیابی حاصل کر کے چار پوائنٹس کے ساتھ پوائنٹس ٹیبل پر پہلی پوزیشن پر براجمان ہے۔دوسری طرف قومی خواتین کرکٹ ٹیم تاحال ایونٹ میں 2 میچز کھیل چکی ہے، جس میں سے ایک میں اسے کامیابی اور ایک میں شکست کا سامنا کرنا پڑا۔

جنوبی افریقہ کے خلاف فتح سے پاکستان خواتین کرکٹ ٹیم کی سیمی فائنل میں رسائی کے امکانات روشن ہوجائیں گے۔جنوبی افریقہ ویمنز کرکٹ ٹیم سے میچ کے بعد پاکستان خواتین کرکٹ ٹیم کو قدرے کمزور حریف تھائی لینڈ سے مقابلہ کرنا ہے۔دوسری طرف جنوبی افریقہ ویمنز کرکٹ ٹیم پاکستان کے خلاف کامیابی کی صورت میں براہ راست سیمی فائنل میں رسائی حاصل کرلے گی۔

پاکستان اور جنوبی افریقہ کی خواتین ٹیموں کے درمیان گذشتہ سال کھیلی گئی پانچ میچوں کی سیریز میں جنوبی افریقہ نے 2-3 سے کامیابی حاصل کی تھی۔سیریز کا پہلا اور تیسرا میچ قومی خواتین کرکٹ ٹیم نے جیتا تھا۔گذشتہ میچ میں انگلینڈ کے خلاف 33 گیندوں پر 41 رنز کی اننگز کھیلنے والی عالیہ ریاض پرامید ہیں کہ قومی خواتین کرکٹ ٹیم ایونٹ میں جنوبی افریقہ کے خلاف اہم میچ میں کامیابی حاصل کرنے کی صلاحیت رکھتی ہے۔

عالیہ ریاض:

تجربہ کار آلراؤنڈر عالیہ ریاض کا کہنا ہے کہ قومی خواتین کرکٹ ٹیم انگلینڈ کے خلاف عمدہ کارکردگی کا مظاہرہ نہیں کرسکی مگر وہ پرعزم ہیں کہ جنوبی افریقہ کے خلاف میچ میں ٹیم کی کارکردگی میں واضح فرق دیکھا جاسکے گا۔

عالیہ ریاض نے کہا کہ قومی خواتین کرکٹ نے گذشتہ سال جنوبی افریقہ کو ان کے ہوم گراؤنڈ پر کھیلی گئی سیریز میں ٹف ٹائم دیا تھا، لہٰذا قومی خواتین کرکٹ ٹیم میگا ایونٹ میں بھی جنوبی افریقہ کے خلاف میچ کے لیے میدان میں اترتے وقت پراعتماد ہوگی۔

تجربہ کار آلراؤنڈر نے کہا کہ وہ اچھی فارم میں ہیں اور انہیں امید ہے کہ جنوبی افریقہ کے خلاف میچ میں وہ بہترین کارکردگی کا تسلسل برقرار رکھیں گی۔

اسکواڈ:

بسمہ معروف (کپتان)، ایمن انور، عالیہ ریاض، انعم امین، عائشہ نسیم، ڈیانا بیگ، فاطمہ ثناء ، ارم جاوید، جویریہ خان، منیبہ علی، ندا ڈار، عمیمہ سہیل، سعدیہ اقبال، سدرہ نواز (وکٹ کیپر) اور سیدہ عروب شاہ۔

آفیشلز:

سید اقبال امام (ہیڈ کوچ)، سلیم جعفر (باؤلنگ کوچ)، عامر اقبال (فیلڈنگ کوچ)، جمال حسین ( اسٹرینتھ اینڈ کنڈیشنگ کوچ)، ڈاکٹر رفعت اصغر گل (فزیو)، عائشہ جلیل (منیجر) اور زبیر احمد (اینالسٹ)۔

شیڈول:

یکم مارچ بروزاتوار: پاکستان ویمنز بمقابلہ جنوبی افریقہ ویمنزبمقام سڈنی
3 مارچ بروزمنگل: پاکستان ویمنز بمقابلہ تھائی لینڈ ویمنزبمقام سڈنی

ایشیا کرکٹ کپ کہاں ہوگا ، سوروگنگولی نے اجلاس سے پہلے ہی دعویٰ کردیا

باغی ٹی وی :بھارتی کرکٹ بورڈ بی سی سی آئی کے صدر سورو گنگولی نے دعوی کیا ہے کہ ایشیا کپ کا آئندہ ایڈیشن رواں سال کے آخر میں متحدہ عرب امارات میں ہوگا۔

3 مارچ کو ہونے والے ایشین کرکٹ کونسل (اے سی سی) کے اجلاس کے لئے دبئی روانگی سے قبل ایڈن گارڈن میں صحافیوں سے گفتگو کرتے ہوئے ، بی سی سی آئی کے صدر نے ٹورنامنٹ میں ہندوستان کی شرکت کی تصدیق کی ہے .
واضح رہے کہ پہلے یہ خبر تھی کہ ایشیا کپ کرکٹ ٹورنامنٹ پاکستان میں ہوگا یا پھر کسی دوسرے مقام پر فیصلہ تین مارچ کو ایشین کرکٹ کونسل کے اجلاس میں ہوگا، اے سی سی کا اہم اجلاس تین مارچ سے دبئی میں ہوگا، اجلاس میں ایشیا کپ کے انعقادکے حوالے سے اہم فیصلے کئے جائیں گے۔ چیئرمین پی سی بی احسان مانی اور چیف ایگزیکٹو وسیم خان اجلاس میں پاکستان کی نمائندگی کریں گے۔ ایشین کرکٹ کونسل نے ایشیا کپ کی میزبانی پاکستان کو سونپی ہے تاہم انڈین کرکٹ بورڈ نے دونوں ممالک کے درمیان کشیدہ تعلقات کی بنا پر پاکستان میں ایشیا کپ کھیلنے سے انکار کردیا تھا جس کے بعد ایشین کرکٹ کونسل کادبئی میں ہونے والا اجلاس اہمیت اختیار کرگیا ہے ۔

ذرائع سے معلوم ہوا ہے کہ پی سی بی نے ایشیا کپ کی میزبانی کے حوالے سے پلان بی تیار کرلیا ہے اور پاک بھارت کشیدگی کے باعث ایشیا کپ دبئی میں کروانے پر غور جاری ہے ۔

دوسری جانب بنگلہ دیش کا نام بھی ایشیا کپ کی میزبانی کے لئے گردش کررہا ہے، اس سے قبل پاکستان کے بھارت میں کھیلنے سے انکارکے بعد انڈین بورڈ نے ایشیا کپ 2018 متحدہ عرب امارات میں کروایا تھا، ایشیا کپ دبئی یا کسی اور مقام پر منتقل ہونے کی صورت میں ایونٹ کا میزبان پاکستان ہی ہوگا

بنگلہ دیشی کرکٹر مشفق الرحیم پاکستان کے دورے بارے اپنی ضد پر قائم

باغی ٹی وی رپورٹ کے مطابق : بنگلہ دیشی کرکٹر مشفق الرحیم نےدو ٹوک کہہ دیا کہ وہ اس معاملے پر بی سی بی کے صدر نجم الحسن کے سخت موقف کے باوجود ، دورہ پاکستان کو ترک کرنے سے متعلق اپنا ارادہ نہیں بدلیں گے جبکہ .بی سی بی کے صدر نے کہا تھا کہ مشفیق باقی ٹیم کے ساتھ دورہ کرنے کے لئے معاہدے کے پابند ہیں۔

بنگلہ دیش کا دورہ پاکستان تین حصوں میں تقسیم ہوگیا تھا ، اور ان میں سے آخری اپریل کے اوائل میں کھڑا ہے ، دونوں ٹیموں نے پہلے جنوری میں لاہور میں تین ٹی ٹونٹی سیریز اور پھر پہلا ٹیسٹ رواں ماہ کے شروع میں راولپنڈی میں کھیلا تھا۔ بنگلہ دیش کی اننگز اور 106 رنز کی فتح میں اس ہفتے کے شروع میں ڈھاکہ میں زمبابوے کے خلاف ٹیسٹ میں تیسری ڈبل سنچری بنانے والے مشفیق نے اس سے قبل یہ کہتے ہوئے سفر کرنے سے انکار کردیا تھا کہ ان کے اہل خانہ ان کی حفاظت بارے خدشات کا شکار ہیں.وہ واحد بنگلہ دیشی کرکٹر تھے جنہوں نے پاکستان سفر سے انکار کیا تھا۔

بنگلہ دیشی کرکٹ بورڈ کے صدر نجم الحسن کہ جنہوں نے جنوری میں ٹور کی تاریخوں کا اعلان کرنے سے پہلے کہا تھا کہ ہر کھلاڑی کو یہ کو حق ہے کہ وہ پاکستان کا دورہ کرنا چاہتا ہے یا نہیں ، اس نے مشفق الرحیم کے فیصلے پر ناراضگی ظاہر کرتے ہوئے زمبابوے پر بنگلہ دیش کی فتح کے بعد یو ٹرن لے لیا تھا.

انہوں نے کہا تھا کہ ہم توقع کر رہے ہیں کہ مشفق جائیں گے ۔ نہ صرف انہیں بلکہ ہر معاہدہ کرنے والے کھلاڑی کو بھی جانا چاہئے۔کھلاڑیوں کو ملک کے بارے میں سوچنا ہوگا ، اور نہ کہ صرف اپنی ذات برے . یہ مجھے ذاتی طور پر محسوس ہوتا ہے۔ ملک ہر چیز سے مقدم ہے۔

بنگلہ دیشی کرکٹ بورڈ کے صدر نے واضح کیا کہ ہر ایک کو اس کو دھیان میں رکھنا چاہئے۔ ہم انہیں یاد دلائیں گے کہ معاہدہ کرنے والے کھلاڑیوں کو ان معاہدے کے مطابق کھیلنا چاہئے .

لندن :کرونا وائرس نے محبتیں بھی چھین لیں : کورونا وائرس کے خدشے کی وجہ سے کھلاڑیوں کو ہاتھ ملانے سے روک دیا گیا،اطلاعات کے مطابق دنیا بھر میں تیزی سے پھیلنے والے کورونا وائرس کی وجہ سے پریمئیر لیگ ’کلب نیوکاسل یونائیٹڈ‘ نے کلب میں لوگو ں کو آپس میں ہاتھ ملانے سے روک دیا۔

خبر رساں ایجنسی اے ایف پی کے مطابق ’نیو کاسل یونائیٹڈ‘ کے منیجر اسٹیو بروس نے بتایا کہ دنیا بھر میں تیزی سے پھیلنے والے خطرناک کورونا وائرس کی روک تھام کے لیے کلب کے کھلاڑیوں کے آپس میں ہاتھ ملانے پر پابندی عائد کردی گئی ہے۔

اسٹیو بروس نے بتایا کہ یہاں ایک رسم ہے کہ صبح کلب آنے کے بعد سب ایک دوسرے سے ہاتھ ملاتے ہیں، لیکن اب ہم نے ڈاکٹروں کے مشورے کے بعد اس پر پابندی عائد کردی ہے۔انہوں نے مزید کہا کہ ہم بھی باقی لوگوں جیسے ہی ہیں، لیکن شکر ہے کہ ہمیں یہاں ایک ماہر ڈاکٹر مل گئے ہیں جو ہمیں آگاہ کرتے رہیں گے کہ ہمیں کیا کرتے رہنا ہے۔ہم بھی بس باقی تمام لوگوں کی طرح ٹی وی سے چپکے رہتے ہیں، دیکھتے ہیں کہ کیا ہورہا ہے اور بس دعا کرتے ہیں کہ اس وائرس سے ملک میں صورتحال مزید بدتر نہ ہو‘۔

خیال رہے کہ چین سے پھیلنے والے اس پُراسرار کورونا وائرس سے دنیا بھر میں ہونے والے’اسپورٹس ایونٹس‘ بھی بہت متاثر ہورہے ہیں۔’یووینٹس‘ اور ’انٹر میلان‘ کے درمیان کھیلے جانے والا میچ ان میں سے ایک ہے جو اٹلی میں کورونا وائرس کی وجہ سے بند دروازوں کے پیچھے کھیلا جائے گا۔

اس کے علاوہ سوئس گورنمنٹ نے بھی بروز جمعہ اعلان کیا کہ ملک میں منعقد ہونے والے تمام ایونٹس منسوخ کردیے ہیں جن میں 1 ہزار سے زائد افراد نے حصہ لینا تھا۔اس کے علاوہ سائیکلنگ میں اطالوی ٹیم کے دو اسٹاف ممبران میں وائرس کی تصدیق کے بعد متحدہ عرب امارات ٹور معطل کردیا گیا ہے۔

لاہور:بسمہ معروف آئی سی سی ویمنز ٹی ٹونٹی ورلڈکپ 2020 سے باہرہوگئیں ، کس وجہ سے ایونٹ سے باہرہوئیں اہم وجہ سامنے آگئی ،باغی ٹی وی کےمطابق قومی خواتین کرکٹ ٹیم کی کپتان بسمہ معروف آئی سی سی ویمنز ٹی ٹونٹی ورلڈ کپ 2020 سے باہر ہوگئی ہیں۔

باغی ٹی وی کےمطابق ایونٹ کے دوران انگلینڈ کے خلاف میچ میں بسمہ معروف کے دائیں انگوٹھے میں فریکچر ہوگیا ہے۔اس میچ میں‌ پاکستان اور انگلینڈ کے درمیان میچ جمعہ کو کینبرا میں کھیلا گیا۔ میچ میں انگلینڈ نے 42 رنز سے کامیابی حاصل کی تھی۔

پی سی بی نے بسمہ معروف کی جگہ ناہیدہ خان کا نام بطور متبادل کھلاڑی تجویز کیا ہے۔ ناہیدہ خان کے نام کی منظوری ایونٹ ٹیکنکل کمیٹی دے گی۔ بسمہ معروف کی عدم موجودگی میں جویریہ خان ایونٹ میں قومی خواتین کرکٹ ٹیم کی قیادت کریں گی۔

بسمہ معروف ہفتہ کو پاکستان ویمنز اسکواڈ کے ہمراہ سڈنی روانہ ہوں گی جہاں کرکٹ آسٹریلیا کےآرتھوپیڈک سرجن ان کی سرجری کریں گے۔انگلینڈ کے خلاف میچ میں بسمہ معروف نے 4 رنز اسکور کیے تھے۔ میچ میں پاکستان خواتین کرکٹ ٹیم 159 رنز کے تعاقب میں 116رنز پر آؤٹ ہوگئی تھی۔

ایونٹ میں پاکستان کی ٹیم اپنا اگلا میچ جنوبی افریقہ کے خلاف کھیلے گی۔ایونٹ کےسیمی فائنل میں رسائی کے لیے پاکستان کو جنوبی افریقہ اور پھر تھائی لینڈ کے خلاف میچ میں ہر صورت کامیابی حاصل کرنا ہوگی۔

– ENDS –

دوبئی :ایشیا کپ کرکٹ ٹورنامنٹ کی میزبانی پاکستان کرے گا یا نہیں ، دوبئی میں اجلاس طلب کرلیا گیا ،باغی ٹی وی کےمطابق ایشیا کپ کرکٹ ٹورنامنٹ کی میزبانی کا حتمی فیصلہ کرنے کے لئے ایشین کرکٹ کونسل کا اجلاس آئندہ ماہ دبئی میں ہوگا۔

ایونٹ دبئی منتقل کرنے پر غور جاری۔ ایشیا کپ کرکٹ ٹورنامنٹ پاکستان میں ہوگا یا پھر کسی دوسرے مقام پر فیصلہ تین مارچ کو ایشین کرکٹ کونسل کے اجلاس میں ہوگا ۔۔ اے سی سی کا اہم اجلاس تین مارچ سے دبئی میں ہوگا ۔۔ اجلاس میں ایشیا کپ کے انعقاد کے حوالے سے اہم فیصلے کئے جائیں گے ۔

چیئرمین پی سی بی احسان مانی اور چیف ایگزیکٹو وسیم خان اجلاس میں پاکستان کی نمائندگی کریں گے ۔۔ ایشین کرکٹ کونسل نے ایشیا کپ کی میزبانی پاکستان کو سونپی ہے تاہم انڈین کرکٹ بورڈ نے دونوں ممالک کے درمیان کشیدہ تعلقات کی بنا پر پاکستان میں ایشیا کپ کھیلنے سے انکار کردیا تھا جس کے بعد ایشین کرکٹ کونسل کادبئی میں ہونے والا اجلاس اہمیت اختیار کرگیا ہے ۔۔ پي سي بي حکام کا کہنا ہے کہ ایشیا کپ کی میزبانی کے حوالے سے پلان بی تیار کرلیا ہے اور پاک بھارت کشیدگی کے باعث ایشیا کپ متبادل مقام ۔۔ دبئی میں کروانے پر غور جاری ہے ۔۔

دوسری جانب بنگلہ دیش کا نام بھی ایشیا کپ کی میزبانی کے لئے گردش کررہا ہے ۔ اس سے قبل پاکستان کے بھارت میں کھیلنے سے انکارکے بعد انڈین بورڈ نے ایشیا کپ 2018 متحدہ عرب امارات میں کروایا تھا ۔ ليکن قابل اطمينان ہونے کي بات يہ ہے کہ ایشیا کپ دبئی یا کسی اور مقام پر منتقل ہونے کی صورت میں بھي ایونٹ کا میزبان پاکستان ہی ہوگا۔

کراچی کنگز کی پوری ٹیم 134 رنز پر ڈھیر ہوگئی.

باغی ٹی وی :ملتان نے پہلے کھیلتے ہوئے کراچی کو جیت کے لیے 187 رنز کا ہدف دیا تاہم کراچی کی پوری ٹیم 134 رنز بناکر آؤٹ ہوگئی۔

ملتان سلطانز کی جانب سے اننگز کا آغاز معین علی اور ذیشان اشرف نے کیا لیکن 31 کے مجموعی اسکور پر ذیشان 23 رنز کی اننگز کھیلنے کے بعد آؤٹ ہو گئے۔

ذیشان اشرف کے بعد معین علی اور شان مسعود کے درمیان 71 رنز کی تگڑی شراکت ہوئی اور معین علی 42 گیندوں پر 65 رنز کی جارحانہ اننگز کھیلنے کے بعد آؤٹ ہوئے۔

کراچی کنگز ہدف کے تعاقب میں شدید مشکالات کا شکار رہی اس کی وکٹیں پتوں کی طرح گرتی گئیں..134 کے رنز پر ڈھر ہوگئی اور تمام کھلاڑی آؤٹ ہوگئے. کراچی کنگز نے اگرچہ اپنی بیٹنگ کے آغاز میں جارحانہ انداز سے کھیل شروع کیالیکن اس کے بلے باز سینچری تک اپنے نصف سے زیادہ بلے باز گنوا بیٹھے .تھے . مایہ ناز بلے باز بابر اعظم 13 رنز بنا کر آوٹ‌ہوئے.ہے.
اس سے قبل ملتان سلطان نے 187 کے رنز سے حریف کو اچھا ٹارگٹ دیا ہے . ملتان سلطان کے معین علی نے تیز شاندار بیٹنگ سے ایک اچھا آغاز دیا اور 65 سکور کیے اور شان مسعود 61 نے رنز بنائے ..ذیشان 23 پر آؤٹ ہوئے ، چھ وکٹ کے نقصان پر ملتان سلطان نے 186 رنز سکور کیے.محمد عامر نے 2 اور جورڈن نے 2 کھلاڑیوں کو آؤٹ کیا. ..
ملتان سلطانز کی اوپنر جوڑی معین علی اور ذیشان اشرف نے ٹیم کو جارحانہ آغاز فراہم کیا، دونوں کھلاڑیوں نے پہلی وکٹ کے لئے 31 رنز کی شراکت داری قائم کی۔
سلطانز کی جانب سے معین علی نے 65 اور کپتان شان مسعود نے 61 رنز کی اننگز کھیلی جبکہ کراچی کی جانب سے محمد عامر نے دو کھلاڑیوں کو آؤٹ کیا۔

کراچی کے کپتان عماد وسیم نے کہا کہ ان کی کوشش ہو گی کہ ملتان سلطانز کو کم اسکور پر آؤٹ کریں جب کہ ملتان سلطانز کے کپتان شان مسعود کا بھی کہنا تھا کہ اگر وہ ٹاس جیتتے تو بولنگ ہی کرتے۔محکمہ موسمیات نے جڑواں شہروں راولپنڈی اور اسلام آباد میں پورا دن بارش ہونے کی پیش گوئی کی ہے جس کے باعث پشاور زلمی اور لاہور قلندرز کا میچ منسوخ ہونے کا امکان ہے۔ دوسری جانب محکمہ موسمیات نے ملتان کا موسم خشک رہنے کی پیش گوئی کی ہے۔

گزشتہ روز کوئٹہ گلیڈی ایٹرز نے سنسنی خیز مقابلے کے بعد اسلام آباد یونائیٹڈ کو پانچ وکٹوں سے شکست دے دی تھی۔میچ میں پہلے بلے بازی کرتے ہوئے اسلام آباد یونائیٹڈ نے دفاعی چیمپین کوئٹہ گلیڈی ایٹرز کو جیت کے لیے 188 رنز کا ہدف دیا تھا

سڈنی :ایک پاکستان میں پی ایس ایل کی رونقیں اورخوشیوں کا سماں ہے تودوسری طرف آسٹریلیا میں جاری ویمن ٹی ٹوئنٹی ورلڈ کپ میں گروپ بی کے میچ میں انگلینڈ نے پاکستان کو شکست دے دی۔

آسٹریلیا سے ذرائع کےمطابق آج کھیلے والے اس میچ میں پاکستان نے ٹاس جیت کر انگلینڈ کو بیٹنگ کی دعوت دی اور انگلینڈ نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 158 رنز بنائے۔انگلینڈ کو اننگز کے آغاز میں ہی 4 کے مجموعے پر نقصان اٹھانا پڑا جب ایمی جونز دو رنز بنا کر ڈیانا بیگ کا شکار بن گئیں۔

کھیل کے میدان سے آنے والی خبروں میں بتایا گیا ہےکہ انگلینڈ کی دوسری وکٹ 47 رنز پر گری جب ڈینی ویٹ 16 رنز بنا کر آؤٹ ہو گئیں۔دو کھلاڑیوں کے جلد آؤٹ ہونے کے بعد انگلش کپتان ہیتھر نائٹ نے ٹیم کو سنبھالا دیا اور 62 رنز بنا کر نمایاں رہیں۔اس کے علاوہ نتالی سیور اور فران ولسن نے بالترتیب 36 اور 22 رنز کی اننگز کھیلیں۔

پاکستان کی جانب سے ایمن انور نے 3 کھلاڑیوں کو آؤٹ کیا جب کہ ندا ڈارنے 2 کھلاڑیوں کو آؤٹ کیا۔ ڈیانا بیگ اورعالیہ ریاض کے حصے میں بھی ایک ایک وکٹ آئی۔انگلینڈ کی جانب سے دیے گئے ہدف کے تعاقب میں پاکستانی ٹیم اچھی کارکردگی نہ دکھا سکی۔اوپنر منیبہ 10 اور جویریہ 16 رنز بنا کر آؤٹ ہو گئیں جب کہ کپتان بسمہ معروف بھی صرف 4 رنز کی مہمان ثابت ہوئیں۔

پاکستان کی جانب سے صرف عالیہ ریاض انگلش بولرز کے خلاف تھوڑی مزاحمت دکھا سکیں اور وہ 41 رنز بنا کر نمایاں رہیں۔پاکستان کی پوری ٹیم میچ کے آخری اوور میں 116 رنز پر آؤٹ ہو گئی اور یوں 42 رنز کی شکست پاکستان کا مقدر ٹھہری۔

انگلینڈ کی جانب سے شرب سول اور سارا گلین نے 3، 3 جب کہ کیتھرین برنٹ اور سوفی ایکلیسٹون نے دو دو کھلاڑیوں کو آؤٹ کیا اور انگلینڈ کی کپتان ہیتھر نائٹ میچ کی بہترین کھلاڑی قرار پائیں۔خیال رہے کہ پاکستان نے ویمن ٹی ٹوئنٹی ورلڈکپ کے اپنے پہلے میچ میں ویسٹ انڈیز کو 8 وکٹوں سے شکست دی تھی۔

پی ایس ایل کا نیا گانا کب آرہا علی ظفر نے بتادیا

باغی ٹی وی : پی ایس یل کے لیے علی ظفر نے نئے گانے کا اعلان کردیا ہے کہ کب آرہا ہے. . معروف سنگر علی ظفر نے کہا ہے کہ پوری محنت اور رات دن کی لگن کے ساتھ وہ اتوار کی شام کو نیا گانا ناظرین کی خدمت میں پش کر دیں گے. علی ظفرنے کہا کہ اس سلسلے میں پاکستان سے سمیت دنیا بھر سے بہت ساری ڈانسنگ ویڈیوز اور امدادی مواد آتا رہا ہے .لوگوں نے بہت زیاد تعداد میں‌ ویڈیوز بھیجی ہیں . ہمارے ایڈیٹر ز ان کو ایڈٹ‌کرنے میں لگے ہوئے ہیں. اسی طرح علی ظفر نے کہا کہ وہ بھی کئی ایک کالجز میں شوٹنگ کر چکے ہیں. اور پی ایس یل کا نیا گانا اپنے آخری مراحل میں ہے. انہوں نے کہا کہ اس سلسلے میں‌ دنیا بھر سے شائقین اور فینز نے جو حوصلہ دیا اور محبت کا اظہار کیا اس کے لیے شکریہ گزار ہوں علی ظفر کا کہنا تھا کہ .ہم گزشتہ دنوں سے سوئے نہیں‌ہیں.سو اس کام میں‌جتے ہوئے ہیں.

UPDATE ! Video aa rahee hai. #bhaeehazirhai #cricket #anthem #pakistan pic.twitter.com/dHjK2xfsw6

— Ali Zafar (@AliZafarsays) February 28, 2020

واضح رہے کہ علی ظفر آفیشل ترانہ تیار ہیں اس سے پہلے پاکستان کے 4 نامور گلوکار عارف لوہار، عاصم اظہر، علی عظمت اور ہارون رشید نے گایا ہے جو شائقین کو متاثر کرنے میں ناکام رہا ہے جس پر علی عظمت نے گلوکار علی ظفر کو اس کی وجہ قرار دیا تھا اس کے جواب میں علی ظفر نے ایک مزاحیہ اور طنز سے بھر پور ویڈیو ٹویٹر پر شئیر کی تھی جس کے بعد مداحوں کی پُرزور فرمائش پر گلوکار نے پی ایس ایل فائیو کے لئے ترانہ بنانیکا بھی اعلان کیا تھا. اپنےنئے گانے کے متعلق آر وائی نیوز کے میزبان وسیم بادامی کے پروگرام میں ٹیلی فونک انٹر ویو کے دوران علی ظفر نے علی عظمت کے دیئے گئے ایک بیان پر کہا کہ میں کسی بھی گانے کو کسی کی پسند ناپسند نہیں بنا سکتا میرے پاس ایسی کوئی طاقت نہیں جس سے لوگوں کی توجہ حاصل کرسکوں یہ تو اللہ کا کرم ہوتا ہے کہ کوئی گانا اچھا بن جاتا

علی ظفرمداحوں کی خواہش پر پی ایس ایل فائیو کا ترانہ بنانے کے لئے تیار