عمر اکمل کی معطلی کا معاملہ پی سی بی اینٹی کرپشن یونٹ نے بڑا فیصلہ کر لیا

باغی ٹی وی رپورٹ :مڈل آرڈر بلے باز عمر اکمل کی معطلی کا معاملہ پی سی بی اینٹی کرپشن یونٹ باقاعدہ انکوائری کا فیصلہ کرلیا.پی سی بی نے بلے باز کو شوکاز نوٹس جاری کردیا۔عمر اکمل کو سات روز میں شوکاز نوٹس کا جواب جمع کروانا ہوگا عمراکمل سے آئندہ ہفتے باقاعدہ تحقیقات شروع کرنے پر غور کیا جارہا ہے ۔ اس وجہ سے عمر اکمل پر دو سے پانچ سال تک پابندی لگائی جاسکتی ہے.عمر اکمل اسپاٹ فکسنگ معطلی ،آئی سی سی نے پاکستان کرکٹ بورڈ سے رابطہ کر لیا ہے..پاکستان کرکٹ بورڈ نے تفصیلات آئی سی سی سے شیئر کیں .ہی .اس سلسلے میں آئی سی سی اینٹی کرپشن یونٹ اور پی سی بی اینٹی کرپشن حکام کے درمیان چار بار رابطہ ہوا ہے . عمر اکمل جس مشکوک شخص سے رابطے میں تھا پی سی بی نے اس کے ریکارڈ کے بارے میں آئی سی سی سے معلومات مانگیں ہیں.

عمر اکمل کو معطل کیے جانے کی وجوہات سامنے آ گئیں

خیال رہے کہ عمراکمل کو پاکستان کرکٹ بورڈ نے اینٹی کرپشن کوڈ کے تحت فوری طور پر معطل کردیا ہے اور تحقیقات مکمل ہونے تک عمر اکمل کسی کرکٹ سرگرمی میں حصہ نہیں لے سکتے۔

ذرائع کے مطابق عمر اکمل کو مبینہ طور پر اسپاٹ فکسنگ کی پیشکش کی گئی تھی جس سے متعلق انہوں نے بروقت پی سی بی اینٹی کرپشن یونٹ کو آگاہ نہیں کیا تھا۔واضح رہے کہ چند روز قبل عمراکمل کوڈ آف کنڈکٹ کے ایک کیس میں بری ہوئے جب بورڈ نے معاملے کو ایک غلط فہمی قرار دے کر ختم کر دیا تھا۔

پشاور زلمی کا کراچی کنگز کے خلاف ٹاس جیت کر پہلے فیلڈنگ کا فیصلہ

باغی ٹی وی : پی ایس ایل فائیو کے دوسرے دن کے پہلے میچ میں پشاور زلمی نے کراچی کنگز کے خلاف ٹاس جیت کر پہلے فیلڈنگ کا فیصلہ کیا ہے۔جب کہ پشاور زلمی کی 25 کے رنز پر ایک وکٹ گر گئ ہے.حسن علی نے شرجیل کو 19 پر آؤٹ کیا ہے کیا

پی ایس ایل فائیو ایونٹ کے دوسرے روز کراچی گنگز کی ٹیم آج پشاور زلمی کے خلاف آج اپنے ہوم گراؤنڈ پر ایکشن میں ہے۔کراچی کنگز کی قیادت عماد وسیم کر رہے ہیں جبکہ زلمی کے قائد ڈیرن سیمی ہیں۔

واضح رہے کہ ایونٹ میں آج دو میچز کھیلے جائیں گے،پہلے میچ میں کراچی کنگز کو پشاور زلمی کا سامنا ہے، جبکہ دوسرا میچ لاہور میں ہوم ٹیم لاہور قلندرز ملتان سلطانز کے خلاف کھیلے گی

پی ایس ایل فائیو، آج ہوں گے دو میچز،کراچی اور لاہور میں سجے گا کرکٹ میلہ

باغی ٹی وی کی رپورٹ کے مطابق پاکستان سپر لیگ میں کانٹے دار مقابلوں کا سلسلہ کراچی میں شروع ہوچکا ہے جس میں شائقین کرکٹ کو کانٹے دار مقابلے دیکھنے کو ملیں گے۔ لیگ میں آج جمعہ کو دو میچز کھیلے جائیںگے۔ پہلا میچ کراچی کنگز کا مقابلہ پشاور زلمی کے درمیان نیشنل کرکٹ سٹیڈیم کراچی میں کھیلا جائے گا، کراچی کنگز کی کمان عماد وسیم کو سونپی گئی ہے، پشاور زلمی کی قیادت ویسٹ انڈیز سے تعلق رکھنے والے کھلاڑی ڈیرن سمی کرینگے .

پی ایس ایل کا پاکستان میں انعقاد پاکستان اورپاکستانیوں کے لیے خوشی اوراعزازہے، لاہورقلندرمیدان مارلے گا، مبشرلقمان دل کی باتیں زبان پرلے آئے

دوسرے میچ میں لاہور قلندرز اور ملتان سلطانز کی ٹیمیں قذافی سٹیڈیم لاہور میں پنجہ آزمائی کرینگی۔ لاہور قلندرز سہیل اختر کی زیر قیادت میدان میں اترے گی جبکہ ملتان سلطانز ٹیم کی قیادت شان مسعود کرینگے۔ لیگ میں شامل 6 ٹیموں میں اسلام آباد یونائیٹڈ، کوئٹہ گلیڈی ایٹرز، کراچی کنگز، لاہور قلندرز، پشاور زلمی اور ملتان سلطانز شامل ہیں، لیگ میں فائنل سمیت 34 میچز کھیلے جائیں گے۔

پاکستان سپر لیگ کے 14 میچز لاہور، 9 کراچی، 8 راولپنڈی اور 3 ملتان میں کھیلے جائیں گے۔ایچ بی ایل پی ایس ایل فائیو میں 10 لاکھ امریکی ڈالر کے انعامات تقسیم کیے جائےں گے۔ لیگ کا فائنل میچ 22مارچ کو قذافی سٹیڈیم لاہور میں کھیلا جائے گا

پی ایس ایل فائیو کا پہلا میچ، کوئٹہ گلیڈی ایٹرز فاتح قرار

پی ایس ایل فائیو کا پہلا میچ، کوئٹہ گلیڈی ایٹرز فاتح قرار

باغی ٹی وی کی رپورٹ کے مطابق پی ایس ایل فائیو کے پہلے میچ میں کوئٹہ گلیڈی ایٹرز نے اسلام آباد کی جانب سے دیا جانے والا 169 رنز کا ہدف 7 وکٹوں کے نقصان پر حاصل کرلیا۔

نیشنل کرکٹ سٹیڈیم کراچی میں کھیلے گئے پی ایس ایل فائیو کے افتتاحی میچ میں کوئٹہ گلیڈی ایٹرز نے ٹاس جیت کر اسلام آباد یونائیٹڈ کو بیٹنگ کی دعوت دی تھی۔

اسلام آباد یونائیڈ کی جانب سے منرو اور رونچی بڑا سکور بنانے کا جذبہ لیے میدان میں اترے لیکن محمد نواز نے ان کی امیدوں پر پانی پھیر دیا۔ انہوں نے اپنی ہی گیند پر کیچ لیا اور منرو کو صفر پر آؤٹ کرکے پویلین کی راہ دکھائی۔ شین واٹسن 15 رنز بنا رن آؤٹ ہوئے، احمد شہزاد کو 7 رنز پر محمد موسیٰ نے پویلین کی راہ دکھائی۔

کپتان سرفراز احمد نے 21 رنز بنائے، اعظم خان نے 33 گیندوں پر 3 چھکوں اور 5 چوکوں کی مدد سے 59 رنز کی شاندار اننگز کھیلی۔محمد نواز 23 رنز بنا کر فاسٹ بولر محمد عاکف کا نشانہ بنے۔ اسلام آباد یونائیٹڈ کے محمد موسیٰ نے 2 کھلاڑیوں کی پویلین کی راہ دکھائی، عاکف جاوید، عماد بٹ اور فہیم اشرف نے ایک، ایک وکٹ حاصل کی۔

کوئٹہ گلیڈی ایٹرز کی جانب سے محمد حسنین نے شاندار گیند بازی کا مظاہرہ کرتے ہوئے چار اوورز میں صرف 25 رنز دے کر 4 وکٹیں حاصل کیں۔ دیگر گیند بازوں میں کٹنگ نے 3، سہیل خان نے دو جبکہ محمد نواز نے ایک وکٹ حاصل کی

گلیڈی ایٹرز نے اٹھارہ اعشاریہ تین اوورز میں 171 رنز بنا کر پاکستان سپر لیگ فائیو کا افتتاحی میچ اپنے نام کیا اور اسلام آباد یونائیٹڈ کو تین وکٹوں سے ہرایا۔

اس سے قبل اسلام آباد یونائیٹڈ کی ٹیم 168 رنز بنا کر پویلین لوٹ گئی تھی اور کوئٹہ کو جیت کے لیے 169 رنز کا ہدف دیا تھا۔ اسلام آباد یونائیٹڈ کے ڈیوڈ ملان نے 64 رنز کی شاندار اننگز کھیلی انہیں بین کٹنگ نے پویلین کی راہ دکھائی، کولن منرو بغیر کوئی رن بنائے پویلین لوٹ گئے۔

لک رونچی 23 رنز بنا کر نمایاں رہے، حسین طلعت 19 رنز بنا کر محمد حسنین کی گیند پر احمد شہزاد کو کیچ دے بیٹھے، کولن انگرام 6 رنز پر وکٹ گنوا بیٹھے۔آصف علی کو 19 رنز پر محمد حسنین نے عبدالناصر کے ہاتھوں کیچ آؤٹ کرایا، کپتان شاداب خان 8 رنز بنا کر چلتے بنے، فہیم اشرف 20 رنز بنا کر آؤٹ ہوئے۔

کوئٹہ گلیڈی ایٹرز کی جانب سے محمد حسنین نے 4 کھلاڑیوں‌ کو پویلین کی راہ دکھائی، بین کٹنگ نے تین وکٹیں حاصل کیں جبکہ محمد نواز اور سہیل خان نے ایک، ایک وکٹ حاصل کی.

قبل ازیں پاکستان سپر لیگ (پی سی ایل) فائیو2020 کی افتتاحی تقریب نیشنل اسٹیڈیم کراچی میں منعقد کی گئی۔ پی ایس ایل کی پانچ سالہ تاریخ میں پہلی بار پاکستان میں منعقدہ افتتاحی تقریب کا آغاز قومی ترانے سے کیا گیا۔ اس دوران اسٹیڈیم کی لائٹس بند کردی گئیں تھیں اور سفید و ہری چھوٹی برقی قمقوں کی روشنی میں اسٹیڈیم میں موجود تماشائیوں نے احتراماً کھڑے ہوکر قومی ترانہ سنا۔ یہ منظر انتہائی روح پرور منظر پیش کررہا تھا۔

تقریب کے موقع پر نیشنل اسٹیڈیم کو بہت خوبصورت انداز میں برقی قمقوں سے سجایا گیا تھا اور فنکاروں و گلوکاروں کی پرفارمنس کے لئے وسیع و عریض اسٹیج بھی تیار کیا گیا تھا جو اسٹیڈیم میں انتہائی دلکش مناظر پیش کررہے تھے۔ اسٹیڈیم میں موجود تماشائیوں کی بڑی تعداد نے فنکاروں و گلوکاروں کی بہترین پرفارمنس پر دل کھول کر داد دی۔

معروف گلوکار و فنکار فخر عالم نے تقریب میں کمپیئرنگ کے فرائض انجام دئیے۔ ایونٹ کی رنگارنگ افتتاحی تقریب میں کل 350 فنکاروں نے اپنے فن کا مظاہرہ کیا۔ْْ افتتاحی تقریب میں شوبز سے تعلق رکھنے والی شخصیات نے کثیر تعداد میں شرکت کی۔ اس دوران مختلف گلوکار اپنی آواز کا جادو جگاتے رہے جبکہ دیگر فنکاروں نے بھی اپنے رقص سے تقریب کو چار چاند لگادئیے۔ نیشنل اسٹیڈیم کی فضائیں پاپ، راک، صوفی اور علاقائی موسیقی کی دھنوں میں رنگ گئی۔

ایونٹ کی رنگارنگ افتتاحی تقریب میں معروف گلوکار راحت فتح علی خان، ابرار الحق، سجاد علی، صنم ماروی، آئمہ بیگ اور سوچ بینڈ میں شامل گلوکاروں نے اپنے فن کا مظاہرہ کیا۔ پی ایس ایل کے آفیشل ترانے میں شامل چاروں گلوکار عارف لوہار، علی عظمت، عاصم اظہر اور ہارون بھی افتتاحی تقریب میں جلوہ گر ہوئے۔ تقریب میں وزیراعلیٰ سندھ سید مراد علی شاہ، حبیب بینک لمیٹڈ کے صدر اور سی ای او محمد اورنگزیب، پاکستان کرکٹ بورڈ کے چیئرمین احسان مانی و دیگر عہدیداران سمیت پی ایس ایل فرنچائز کے مالکان، کوچز، کپتان و دیگر اہم شخصیات نے بھی بڑی تعداد میں شرکت کی۔

لاہور قلندر اور ملتان سلطان کی ٹیموں کے کپتان جمعہ کو اپنے میچوں کی وجہ سے تقریب میں شرکت نہیں کر سکے۔

قبل ازیں وزیراعلیٰ سندھ سید مراد علی شاہ نے تقریب سے اپنے مختصر خطاب میں پی ایس ایل کی کامیابی کے لئے اپنی نیک خواہشات کا اظہار کیا اور بھرپور تعاون کی یقین دہانی کروائی جبکہ چیئرمین پی سی بی احسان مانی نے اعلان کیا کہ اگلے سال پی ایس ایل میچز پشاور میں کروائے جائیں، پی ایس ایل کی کامیابی میں ایج بی ایل سمیت دیگر اسپانسر کا شکریہ ادا کرتا ہوں۔ حکومت پاکستان، سندھ اور پنجاب کی حکومتوں کے تعاون کے بغیر پی ایس ایل کے تمام میچز پاکستان میں کروانا ناممکن تھا، سکیورٹی فورسز نے بھی پی ایس ایل کے انعقاد میں اہم کردار ادا کیا ہے۔

لاہور:پی ایس ایل کا پاکستان میں انعقاد پاکستان اورپاکستانیوں کے لیے خوشی اور اعزازہے، لاہورقلندرمیدان مارلے گا، مبشرلقمان دل کی باتیں زبان پرلے آئے ،باغی ٹی وی کے مطابق پی ایس ایل پرجہاں عام پاکستانیوں کوخوشی ہے وہاں پاکستان کی اہم سیاسی ، صحافتی اورسماجی شخصیات کو بھی بہت زیادہ خوشی ہے. اس خوشی کا اندازہ اس بات سے لگایا جاسکتا ہےکہ بعض اہم شخصیات نے تو اپنی اپنی پسند کی ٹیم کوپی ایس ایل جیتنے کے لیے فیورٹ قرار دیا ہے

باغی ٹی وی کےمطابق پاکستان کے معروف صحافی ، اینکرمبشرلقمان نے مبشرلقمان یوٹیوب چینل پرآکرپی ایس ایل کی پاکستان میں کامیابی سے انعقاد پربہت خوبصورت انداز میں بہترین الفاظ میں کہا ہےکہ پی ایس ایل کا پاکستان میں انعقاد پاکستان اورپاکستانیوں کے لیے خوشی اور اعزاز کی بات ہے

مبشرلقمان نے جہاں پی ایس ایل کی کامیابی سے انعقاد کی دعا بھی کی اوروہاں اس بات کی بھی دعا کی کہ اللہ تعالیٰ پی ایس ایل کو کامیابی سے ہمکنارکرے ، انہوں نے اسی حوالےسے عمر اکمل کی بات کرتے ہوئے کہاکہ عمراکمل کے ساتھ جوحادثہ ہوا ہے وہ بہت قابل تکلیف ہے، اس موقع پر تمام کھلاڑیوں کو احتیاط کے ساتھ رہنا چاہیے، عماد وسیم کے بارے میں مبشرلقمان کہتے ہیں کہ اس کو بھی اگرکسی بکی نےپھنسانے کی کوشش کی یا رابطہ کیا تو اس کو اسی وقت بورڈ کو بتا دینا چاہیے تھا ،

دیگر پاکستانیوں کیطرح معروف صحافی مبشرلقمان نے بھی اپنے پسند کی ٹیم کااعلان کرتے ہوئے اسے فیورٹ قرار دیا ، مبشرلقمان نے کہا کہ وہ چاہتے ہیں کہ لاہور قلندرپی ایس ایل کا اعزاز حاصل کرے

لاہور قلندر کی صلاحیتوں کی تعریف کرتے ہوئے انہوں نے کہا کہ لاہورقلندر جس طرح محنت کرکے پورے ملک سے نئے کھلاڑیوں کو ان کے مسائل سے دورکرکے لاتی ہے، ان کو تیار کرتی ہے،

مبشرلقمان نے پی ایس ایل کو متعارف کروانے والوں کو بھی خراج تحسین پیش کیا اورکہا کہ ہہ ٹائٹل یہ کھیل کا انداز جن لوگوں نے بھی متعارف کروایا وہ قابل تحسین ہیں، انہوں نے اس سلسلے میں معروف صحافی اورپاکستان کرکٹ بورڈکےسابق چیئرمین نجم سیٹھی کا خصوصی طورپرنام لے کرذکرکیا اوران کو خراج تحسین پیش کیا

باغی ٹی وی کےمطابق مبشرلقمان نے اس موقع پرکہا کہ جہاں بہت سے پاکستانیوں‌کو پی ایس ایل کے متعارف کروانے کا کریڈٹ جاتا ہےوہاں ان لوگوں‌کو بھی جاتا ہےجہنوں نے پی ایس ایل کومتعارف کروایا ، اسے سپانسرکیا اورخاص کرجنہوں نے اپنی اپنی پسند کی ٹیموں کو قبول کرکے پھران کی شروع سے لیکر آخر تک تیاری کی ذمہ داری بھی نبھائی ، یقیناّ یہ لوگ قابل تعریف ہیں‌

اس موقع پر مبشرلقمان دوسرے پاکستان کو نہ بھول سکے ان کا کہنا تھا کہ اس کارخیر میں اور بھی بہت سے لوگ شامل ہیں جنہوں نے یہ ایونٹ کرانے میں‌ بڑی محنت سے کام لیا ، انہوں نے کہا کہ وہ بزنس مین ہوں یا میڈیا سے تعلق رکھتے ہوں سب کا پاکستان میں اس ایونٹ کے پرامن اورکامیاب انعقاد کروانے میں اپنااپنا حصہ ہے ، ان کا کہنا تھا کہ ٹیم مینجمنٹ ، کوچزاوراس طرح اس شعبے سے متعلق تمام لوگ داد کےقابل ہیں

مبشرلقمان نے اس موقع پربہت زبردست تجزیہ کرتے ہوئے کہاکہ لگتا ہےکہ یہ پی ایس ایل بھی بڑا دلچسپ ہوگا، بڑے بڑے میچ دیکھنے کو ملیں‌گے ، بڑے بڑے بریک تھرو ہوں‌گے اور بڑے بڑے ریکارڈ بنیں‌ گے

معروف صحافی نے اس موقع پر سری لنکن ٹیم کے سابق کپتان سنگا کارا کو بھی خراج تحسین پیش کیا اورکہا کہ وہ واقعی بہت عظم کھلاڑی ہیں‌ . مبشرلقمان نے سنگا کارا کوخراج تحسین پیش کرتے ہوئے کہا کہ وہ ایک بہت بڑے کرکٹر، کھیل کے ذریعے سفارتکاری کرنے والے کھلاڑی ہیں‌ . انہوں نے کہا کہ جو بھی پاکستان غیر ملکی آررہے ہیں‌، جو پاکستانیوں کی تعریف کررہے ہیں ، یہ پاکستان کا اعزاز ہے

آخر مٰیں مبشرلقمان نے پھرلاہورقلندرکو اس پی ایس ایل کا فیورٹ قراردیتے ہوئے کہا کہ انہیں امید ہےکہ اس مرتبہ لاہور قلندر یہ اعزاز اپنے نام کرے گا اورلاہوریوں کے لیے ایک بہترین خوشی کا موقع فراہم کرے گا، انہوں نے کہا کہ لاہوریوں کو تو لاہورقلندر سے امیدیں ہیں اوروہ بھی یہی دیکھ رہے ہیں کہ اس مرتبہ دما دم مست قلندر، لاہورقلندر ہی ہوگا

شہر لاہور میں پی ایس ایل کا میلہ سجنے کو تیار

باغی ٹی وی :ملتان سلطانز اور لاہور قلندرز ہوں گی آمنے سامنے ۔ کپتان ملتان سلطانز شان مسعود اور ہیڈکوچ لاہور قلندر عاقب جاوید کامیاںی کیلئے پرامید ۔۔

قذافی سٹیڈیم لاہور میں کل ہوگا پی ایس ایل کا بڑا ٹاکرا۔ ملتان سلطانز اور لاہور قلندرز میں کانٹے دار جوڑ پڑے گا۔ کپتان ملتان سلطانز شان مسعود اور ہیڈکوچ لاہور قلندر عاقب جاوید کی پری میچ کانفرنس ميں شان مسعود کا کہنا ہے کہ ہماری ٹیم کا کمبینیشن بہت مضبوط ہے، تین لیگ اسپنر اور ایک آف سپنر موجود ہیں، شاہد آفریدی پہلے سے زیادہ فٹ ہیں اور فارم میں ہیں، پی ایس ایل کھلاڑیوں کے پاس کارکردگی دکھانے کا بہترین موقع ہے

ہیڈکوچ لاہور قلندرز عاقب جاوید نے کہا کہ لاہور کے پاس بہترین باؤلنگ موجود ہے، اس سال نئی حکمت عملی کے ساتھ میدان میں اتریں گے جبکہ آٹھویں نمبر تک ٹیم میں بیٹسمین موجود ہیں، ہوم گراؤنڈ میں کھیل کر کھلاڑیوں کی حوصلہ افزائی ہوگی گزشتہ چار ايڈيشن ميں شکست کو بھلا کر ميدان ميں اتريں گے ۔لاہور قلندر اور ملتان سلطانز کے درمیان میچ جمعہ کی رات آٹھ بجے شروع ہوگا ۔ محکمہ موسمیات کے مطابق رات گئے بارش کا امکان ہے ۔ اسی لیئے تمام پچز کو ڈھانپ دیا گیا ہے

پی ایس ایل کے پہلے میچ میں کوئٹہ گلیڈی ایٹرز اور اسلام آباد یونائٹیڈ آمنے سامنے

باغی ٹی وی :پاکستان سپر لیگ کے پانچویں ایڈیشن کے افتتاحی میچ میں دفاعی چیمپئن کوئٹہ گلیڈی ایٹرز اور اسلام آباد یونائٹیڈ آمنے سامنے آئیں گے۔

یہ میچ پاکستان سپر لیگ کے پانچویں ایڈیشن کی افتتاحی تقریب کے بعد کراچی کے نیشنل اسٹیڈیم میں کھیلا جائے گا۔

پی ایس ایل فائیو کے دھواں دھار آغاز کے لیے سب تیار ہیں، پہلے میچ میں ٹی ٹوئنٹی سپر ہٹ کے سارے مصالحے موجود ہیں۔ بیٹنگ کے لیے سپورٹنگ وکٹ پر ہائی اسکورنگ میچ اور چوکوں چھکوں کی بارش متوقع ہے۔دفاعی چیمپئن کوئٹہ گلیڈی ایٹرز اور اسلام آباد یونائیٹڈ تقریباً رات نو بجے آمنے سامنے ہوں گے۔

کوئٹہ کو شین واٹسن، احمد شہزاد ، جیسن رائے اور بین کٹنگ جیسے ہارڈ ہٹرز دستیاب ہیں تو اسلام آباد کو رونکی ، کولن منرو، انگرام اور آصف علی کی خدمات حاصل ہیں۔شین واٹسن اور جیسن رائے اوپننگ کریں کے ، احمد شہزاد ون ڈاؤن آئيں گے۔

دفاعی چیمپئن کوئٹہ گلیڈی ایٹرز کے کپتان سرفراز احمد نے گیم پلان تشکیل دے دیا، وہ کہتے ہیں کہ انفرادی پرفارمنس اچھی ہوگی تو آگے بھی چیزیں بہتر ہو سکتی ہیں، پی ایس ایل فائیو سے دنیا بھر میں پاکستان کا اچھا امیج جائے گا، بین الاقوامی ٹیمیں پاکستان آئيں گی