Category: کھیل

پیسوں کی چمک سے دنیا بھر کے کرکٹرز کو اپنی جانب کھینچنے والی انڈین پریمیئر لیگ (آئی پی ایل) اب کھلاڑیوں کی صحت کے لیے نقصان دہ ٹورنامنٹ بنتی جا رہی ہے۔

برطانوی ادارے کی تازہ رپورٹ میں انکشاف کیا گیا ہے کہ آئی پی ایل 2025 کے دوران ماحولیاتی حالات کھلاڑیوں کے لیے انتہائی غیر موزوں تھے، جب کہ اسی دوران ہونے والی پاکستان سپر لیگ (پی ایس ایل) میں نسبتاً بہتر موسم اور ماحولیاتی معیار ریکارڈ کیا گیا۔برطانوی ادارے BASIS (British Association for Sustainable Sport) کی رپورٹ کے مطابق آئی پی ایل 2025 کے 65 میچز میں سے صرف 9 میچز ایسے تھے جن میں درجہ حرارت 26.7 ڈگری سیلسیس سے کم تھا۔

باقی میچز میں گرمی کی شدت زیادہ رہی، جس میں20 میچز کا درجہ حرارت 29 سے 32 ڈگری رہا،27 میچز میں درجہ حرارت 32 سے 39 ڈگری کے درمیان تھا جبکہ 9 میچز ایسے بھی تھے جن میں درجہ حرارت 39 سے 51 ڈگری تک پہنچا، جو کہ کھلاڑیوں کے لیے شدید خطرناک قرار دیا گیا۔رپورٹ کے مطابق اتنے زیادہ درجہ حرارت میں کھیلنے سے کھلاڑی ہیٹ اسٹروک، کریمپس اور دیگر جسمانی مسائل کا شکار ہو سکتے ہیں۔

دوسری جانب پی ایس ایل 2025 کے دوران پاکستان میں ماحول نسبتاً بہتر رہا۔ رپورٹ کے مطابق 17 میچز ایسے تھے جن میں درجہ حرارت 26 ڈگری سیلسیس سے کم رہا۔صرف دو میچز میں درجہ حرارت تشویشناک حد تک پہنچا جبکہ باقی 15 میچز میں درجہ حرارت 26.7 سے 32.2 ڈگری کے درمیان تھا، جو کہ عام تشویش کے درجے میں آتا ہے۔

رپورٹ میں بتایا گیا کہ آئی پی ایل 2025 کے کسی بھی میچ میں "صحتمند ماحول” (AQI 0-50) دستیاب نہیں تھا 35 میچز معتدل ماحول (AQI 51-100) میں کھیلے گئے۔34 میچز خراب فضا (AQI 100-150) میں ہوئے۔5 میچز میں اے کیو آئی 151 سے 200 کے درمیان تھا، جو کہ شدید غیر صحت مند ماحول کی علامت ہے۔

ادارے کا کہنا ہے کہ موجودہ حالات میں آئی پی ایل جیسے بڑے ٹورنامنٹ کو ماحولیاتی تناظر میں دوبارہ سے شیڈول یا منظم کرنا ناگزیر ہوتا جا رہا ہے، تاکہ کھلاڑیوں کی جان، کارکردگی اور طویل المدتی صحت محفوظ رکھی جا سکے۔اس رپورٹ نے ایک مرتبہ پھر دنیا کی توجہ کھیلوں پر ماحولیاتی تبدیلی کے براہِ راست اثرات کی طرف مبذول کرائی ہے۔

فلسطین و کشمیر کا حل نہ ہونا عالمی برادری کا دہرا معیار ہے، اسحاق ڈار

غزہ میں شدید بھوک ، فرانسیسی ادارے نے صحافیوں کی موت کا خدشہ ظاہر کر دیا

کوئٹہ: کار سوار کی مظاہرین پر فائرنگ، 4 افراد زخمی، گاڑی نذرِ آتش

بھارت میں آئندہ ماہ ہونے والے ایشیا کپ ہاکی ٹورنامنٹ میں شرکت کے حوالے سے پاکستان ہاکی فیڈریشن (پی ایچ ایف) نے اپنی پوزیشن واضح کر دی ہے اور سیکیورٹی خدشات کے پیش نظر ٹیم کو بھارت نہ بھیجنے کا فیصلہ کر لیا ہے۔

پاکستان ہاکی فیڈریشن کے صدر طارق بگٹی کے مطابق اس فیصلے سے ایشین ہاکی فیڈریشن (اے ایچ ایف) اور انٹرنیشنل ہاکی فیڈریشن (ایف آئی ایچ) کو باقاعدہ طور پر آگاہ کر دیا گیا ہے۔طارق بگٹی کا کہنا تھا کہ موجودہ سیکیورٹی صورتحال کو مدنظر رکھتے ہوئے کھلاڑیوں اور انتظامیہ نے بھارت میں جا کر کھیلنے پر تحفظات کا اظہار کیا ہے، اس لیے پی ایچ ایف ٹیم کو ٹورنامنٹ میں شرکت کے لیے بھارت بھیجنے کے لیے تیار نہیں۔

انہوں نے کہا کہ اب گیند ایف آئی ایچ اور اے ایچ ایف کے کورٹ میں ہے اور وہی فیصلہ کریں گے کہ آئندہ کیا ہوگا۔ ان کا مزید کہنا تھا کہ تاحال پاکستان حکومت کی جانب سے اس حوالے سے کوئی حتمی یا باضابطہ اعلان سامنے نہیں آیا۔واضح رہے کہ بھارت اور پاکستان کے درمیان کشیدہ تعلقات کے باعث اس سے قبل بھی کھیلوں کے متعدد ایونٹس میں شرکت پر سوالات اٹھتے رہے ہیں۔

خاتون و مرد قتل کیس میں قبائلی سردار دو روزہ ریمانڈ پر پولیس کے حوالے

گلگت بلتستان: ٹیکسوں کے خلاف احتجاج، پاک چین بارڈر پر دھرنا

اسلام آباد میں موسلادھار بارش، گاڑیاں سیلابی ریلے میں بہہ گئیں

سعودی نیول چیف کو نشانِ پاکستان (ملٹری) عطا

پاکستان کرکٹ ٹیم کے وائٹ بال ہیڈ کوچ مائیک ہیسن نے شیر بنگلا نیشنل اسٹیڈیم کی پچ کو شدید تنقید کا نشانہ بناتے ہوئے اسے بین الاقوامی کرکٹ کے لیے ناقابل قبول قرار دیا ہے۔

پہلے ٹی 20 میں بنگلہ دیش کے ہاتھوں 7 وکٹوں کی شکست کے بعد گفتگو کرتے ہوئے مائیک ہیسن کا کہنا تھا کہ ان کی ٹیم کے بیٹرز نے پچ کا درست اندازہ نہیں لگایا، تاہم اصل مسئلہ پچ کی غیرمعیاری حالت ہے جو کسی بھی سطح کی کرکٹ کے لیے موزوں نہیں۔انہوں نے کہا کہ "میرا نہیں خیال کہ یہ پچ کسی کے لیے بھی موزوں ہے، ٹیمیں ایشیا کپ اور ٹی 20 ورلڈ کپ جیسی بڑی ٹورنامنٹس کی تیاری کر رہی ہیں، اس طرح کی پچ ان تیاریوں میں رکاوٹ ہے۔

ہیڈ کوچ نے تسلیم کیا کہ فخر زمان کی جارحانہ بیٹنگ نے ٹیم کو پچ کے حوالے سے غلط تاثر دیا، جبکہ درمیانے اوورز میں ناقص شاٹ سلیکشن سے مزید نقصان ہوا۔ ان کا کہنا تھا کہ گیند جب سیم اور باؤنس کرنے لگی تو ٹیم صورتحال کا درست اندازہ نہ لگا سکی۔یاد رہے کہ پہلے ٹی 20 میچ میں پاکستان کو بنگلہ دیش نے 7 وکٹوں سے شکست دی تھی۔

بابوسر ٹاپ میں کلاؤڈ برسٹ کے بعد شدید لینڈ سلائیڈنگ،راستے بند

یو اے ای میں پھنسے افغانوں کی حالت پر ٹرمپ کو تشویش

بورڈ آف کنٹرول فار کرکٹ اِن انڈیا (بی سی سی آئی) کو ایک اور بڑا دھچکا اُس وقت لگا جب انٹرنیشنل کرکٹ کونسل (آئی سی سی) نے ورلڈ ٹیسٹ چیمپئن شپ کے آئندہ تین فائنلز کی میزبانی بھارت کے بجائے ایک بار پھر انگلینڈ اینڈ ویلز کرکٹ بورڈ کو سونپنے کا فیصلہ کیا۔

یہ فیصلہ سنگاپور میں منعقد ہونے والے آئی سی سی کے سالانہ اجلاس میں کیا گیا، جہاں آئی سی سی نے اس بات کی تصدیق کی کہ ٹیسٹ چیمپئن شپ 2027، 2029 اور 2031 کے فائنلز بھی انگلینڈ میں ہی کھیلے جائیں گے۔فیصلے کے مطابق حالیہ ٹیسٹ چیمپئن شپ فائنلز کی کامیاب میزبانی کی بنیاد پر یہ اعزاز دوبارہ کو انگلینڈ اینڈ ویلز کرکٹ بورڈ کو دیا گیا ہے۔ذرائع کے مطابق بھارتی کرکٹ بورڈ کی جانب سے ان فائنلز کی میزبانی کے لیے بھرپور کوششیں کی گئیں، لیکن آئی سی سی نے انگلینڈ کے موزوں حالات، کراؤڈ رسپانس اور سہولیات کو ترجیح دیتے ہوئے بھارت کی خواہش کو مسترد کر دیا۔

اجلاس میں افغان نژاد بے گھر خواتین کرکٹرز کی معاونت سے متعلق پروگرام پر بھی پیش رفت کا جائزہ لیا گیا۔آئی سی سی کا مقصد ان خواتین کو اعلیٰ کارکردگی پر مبنی تربیت، مقامی سطح پر کھیلنے کے مواقع اور عالمی سطح پر ایونٹس میں شرکت کے لیے سپورٹ فراہم کرنا ہے۔آئی سی سی نے اپنے اعلامیے میں واضح کیا کہ کرکٹ یو ایس اے تاحال نوٹس پر ہے۔کونسل نے امریکہ کو ہدایت کی ہے کہ وہ آئندہ تین ماہ کے اندر شفاف اور غیر جانبدار انتخابات کروائے اور جامع گورننس اصلاحات نافذ کرے۔یہ فیصلہ یو ایس اے کرکٹ میں جاری تنظیمی بحران کے باعث کیا گیا ہے۔

آئی سی سی نے اعلان کیا کہ مشرقی تیمور کرکٹ فیڈریشن اور زامبیا کرکٹ یونین کو ایسوسی ایٹ ممبران کی حیثیت سے شامل کر لیا گیا ہے۔
اس اضافے کے بعد آئی سی سی کے رکن ممالک کی مجموعی تعداد 110 ہو گئی ہے۔تجزیہ کاروں کے مطابق آئی سی سی کا یہ اجلاس کئی اہم فیصلوں کا حامل رہا، جہاں نہ صرف بھارت کی میزبانی کی خواہش رد کی گئی بلکہ افغان خواتین کرکٹرز کے لیے ایک امید کی کرن، اور امریکہ و نئے ممبران کے حوالے سے مستقبل کی راہ بھی واضح کی گئی۔

کراچی: شوہر کے ہاتھوں زندہ جلائی گئی رابعہ برنس وارڈ میں دم توڑ گئی

تبت میں چین کے میگا ڈیم کا سنگِ بنیاد، بھارت میں تشویش کی لہر دوڑ گئی

کابل میں محسن نقوی اور سراج الدین حقانی کی اہم ملاقات

پسند کی شادی کرنے والے جوڑے کا قتل ،سیاسی و مذہبی رہنماؤں کا شدید ردعمل

میرپور میں کھیلے گئے تین میچوں پر مشتمل ٹی ٹوئنٹی سیریز کے پہلے میچ میں میزبان بنگلادیش نے پاکستان کو باآسانی 7 وکٹوں سے شکست دے دی۔ 111 رنز کا ہدف بنگال ٹائیگرز نے صرف 15.3 اوورز میں تین وکٹوں کے نقصان پر مکمل کر لیا اور سیریز میں 0-1 کی برتری حاصل کر لی۔

بنگلادیش کے کپتان لٹن داس نے ٹاس جیت کر پہلے فیلڈنگ کا فیصلہ کیا، جو اُن کے حق میں ثابت ہوا۔ پاکستانی ٹیم کا ٹاپ آرڈر مکمل طور پر ناکام ہو گیا۔ صرف 46 رنز پر گرین شرٹس کی نصف ٹیم پویلین لوٹ چکی تھی۔فخر زمان واحد بیٹر تھے جنہوں نے مزاحمت کی، انہوں نے جارحانہ انداز اپناتے ہوئے 6 چوکوں اور 1 چھکے کی مدد سے 44 رنز بنائے اور ٹیم کے ٹاپ اسکورر رہے۔دیگر کھلاڑیوں میں صائم ایوب 6، محمد حارث 4، کپتان سلمان علی آغا 3 اور حسن نواز بغیر کوئی رن بنائے آؤٹ ہوئے۔

خوشدل شاہ 17 اور محمد نواز 3 رنز بنا سکے، جب کہ عباس آفریدی نے 3 بلند و بالا چھکوں کی مدد سے 22 رنز کی اننگز کھیلی۔ پاکستان کی پوری ٹیم 19.3 اوورز میں 110 رنز پر آل آؤٹ ہو گئی۔بنگلادیش کی جانب سے تسکین احمد نے شاندار بولنگ کرتے ہوئے 3 وکٹیں حاصل کیں، جبکہ مستفیض الرحمٰن نے 2 کھلاڑیوں کو آؤٹ کیا۔

جواب میں بنگلادیش نے جارحانہ انداز میں ہدف کا تعاقب کیا۔ ابتدائی دو وکٹیں 7 رنز پر گرنے کے باوجود پرویز حسین اور توحید ہردوئی نے زبردست شراکت داری قائم کرتے ہوئے اسکور کو 80 رنز تک پہنچا دیا۔توحید ہردوئی نے 2 چوکوں اور 2 چھکوں کی مدد سے 36 رنز بنائے جبکہ پرویز حسین نے 3 چوکوں اور 5 چھکوں کی مدد سے شاندار 56 رنز اسکور کیے اور ناٹ آؤٹ رہے۔

پاکستان کی جانب سے سلمان مرزا نے 2 اور عباس آفریدی نے 1 وکٹ حاصل کی۔

دونوں ٹیموں کی پلیئنگ الیونز:

پاکستان: سلمان علی آغا (کپتان)، فخر زمان، صائم ایوب، محمد حارث، حسن نواز، محمد نواز، خوشدل شاہ، فہیم اشرف، ابرار احمد، سلمان مرزا، عباس آفریدی۔
بنگلادیش: لٹن داس (کپتان)، تنزید حسن، پرویز حسین، توحید ہردوئی، ذاکر علی، شمیم حسین، مہدی حسن، تسکین احمد، مستفیض الرحمٰن، رشاد حسین، تنظیم حسن۔