Category: کھیل

پاکستانی کرکٹ ٹیم کے سابق آل راؤنڈر عماد وسیم اس وقت اپنی ازدواجی زندگی کے حوالے سے سخت تنقید کی زد میں ہیں۔

عماد وسیم اس بار کرکٹ کے میدان کے بجائے اپنی ازدواجی زندگی کے معاملات کے باعث سرخیوں میں آگئے ہیں حال ہی میں سوشل میڈیا پر یہ خبریں گردش کرنے لگیں کہ عماد وسیم اور ان کی اہلیہ ثانیہ اشفاق کے درمیان تعلقات میں دراڑ آچکی ہے، جس کی وجہ مبینہ طور پر عماد وسیم کی جانب سے بے وفائی بتائی جا رہی ہے۔

عماد وسیم، جنہوں نے کچھ عرصہ قبل انٹرنیشنل کرکٹ سے ریٹائرمنٹ کا اعلان کیا، اس وقت تیسری مرتبہ والد بننے کی خوشی کے باوجود ذاتی زندگی میں مشکلات کا شکار دکھائی دے رہے ہیں ان کی اہلیہ ثانیہ اشفاق نے انسٹاگرام پر اپنے نومولود بیٹے کی پیدائش کی خبر دیتے ہوئے ایسا پیغام شیئر کیا جس نے ان افواہوں کو مزید تقویت دے دی ہے۔

ثانیہ اشفاق اپنے بیٹے کی تصویر شیئر کرتے ہوئے لکھا کہ میں نے تمہیں 9 ماہ تک تنہا اپنی کوکھ میں رکھا، اللہ مجھے آگے کے سفر کے لیے مزید طاقت دے، زایان‘‘۔ ان کی ایک عزیزہ نے یہ پوسٹ شیئر کرتے ہوئے ان کی ہمت بڑھائی اور لکھا، ’’تم بہت مضبوط ہو، اللہ تمہیں مزید طاقت دے‘‘۔

ثانیہ اشفاق کی اس پوسٹ میں عماد وسیم کا کہیں ذکر نہیں تھا، ثانیہ نے اپنے انسٹاگرام بائیو سے ’’عماد وسیم کی اہلیہ‘‘ کا ذکر ہٹا کر صرف اپنے بچوں کا نام لکھ دیا ہے اور انہوں نے اپنے اکاؤنٹ سے عماد وسیم کے ساتھ تمام تصاویر بھی ڈیلیٹ کر دی ہیں البتہ، عماد وسیم کے اکاؤنٹ پر اب بھی اہلیہ کے ساتھ تصاویر موجود ہیں اور دونوں ایک دوسرے کو فالو کر رہے ہیں۔

سوشل میڈیا پر ان تبدیلیوں کو واضح اشارہ قرار دیتے ہوئے صارفین نے کہا ہے کہ ان کے رشتے میں دراڑ پڑ چکی ہے۔ کچھ صارفین کا دعویٰ ہے کہ علیحدگی کی وجہ عماد وسیم کا معروف ماڈل اور انفلوئنسر نائلہ راجہ کے ساتھ مبینہ تعلق ہے سوشل میڈیا پر عماد وسیم کی ایک ویڈیو بھی وائرل ہوئی ہے جس میں وہ لندن میں ایک خاتون کے ساتھ چہل قدمی کرتے نظر آتے ہیں، صارفین کا دعویٰ ہے کہ یہ خاتون نائلہ راجہ ہیں، اگرچہ ویڈیو میں خاتون کا چہرہ واضح نہیں۔

مداحوں کی بڑی تعداد اس وقت ثانیہ اشفاق کے حق میں بول رہی ہے اور ان کے لیے دعاؤں کا سلسلہ جاری ہے کچھ نے یہاں تک کہا کہ عماد وسیم بھی ان کرکٹرز کی فہرست میں شامل ہو گئے ہیں جو شہرت کے بعد اپنی ذاتی زندگی کو داؤ پر لگا بیٹھتے ہیں۔

یہ پہلا موقع نہیں کہ عماد وسیم کا نام کسی تنازعے میں آیا ہو۔ ماضی میں بھی ان پر ایک افغان لڑکی کے ساتھ تعلقات کا الزام لگ چکا ہے، اور ان کی چند تصاویر بھی سوشل میڈیا پر کافی وائرل ہوئی تھیں یہ سب واقعات ان کے موجودہ حالات کو مزید پیچیدہ بنا رہے ہیں۔

پاکستان اسپورٹس بورڈ نے پاکستان ہاکی فیڈریشن کے صدر اور سیکرٹری کے غیر ملکی دوروں اور ان پر مالی اخراجات کا مکمل ریکارڈ طلب کرلیا۔

پاکستان اسپورٹس بورڈ نے گزشتہ دنوں پاکستان ہاکی فیڈریشن کو ایک خط لکھا جس میں کہا گیا ہے کہ غیر ملکی دوروں پر کھلاڑیوں اور آفیشلز کو ٹی اے ڈی اے ادا کرنا پی ایس بی کی نہیں بلکہ خود فیڈریشن کی ذمہ داری ہے۔

خط میں ملائشیا میں منعقدہ نیشنز کپ میں قومی کھلاڑیوں کو ٹی اے ڈی اے دیے جانے کا بھی ذکر کیا گیا پی ایچ ایف گزشتہ برس دیے جانے والے فنڈز کے حوالے سے تفصیلات اب تک فراہم نہیں کرسکا، اس ضمن میں صدر اور سیکرٹری کو متعدد مرتبہ زبانی اور تحریری یاد دہانی بھی کرائی گئی لیکن کوئی جواب نہیں دیا گیا۔

پاک بنگلہ دیش ٹی ٹوئنٹی سیریز ، ٹرافی کی رونمائی کر دی گئی

پاکستان ہاکی فیڈریشن نے 30 مئی 2025 کو تحریری طور پراعتراف کرتے ہوئے آگاہ کیا تھا کہ اس کے پاس بینک میں فنڈز موجود ہیں لیکن کھلاڑیوں کو ڈیلی الاونس نہیں ملا، 20 جولائی کو اس حوالے سے وضاحت مانگی لیکن آج تک جواب موصول نہیں ہوا، اگر پی ایچ ایف کو مالی بحران کا سامنا ہے تو وہ پہلے حساب کتاب جمع کرائے ان میں گزشتہ چھ ماہ کے دوران بینکوں کے اسٹیٹمنٹ،، فیڈریشن کے صدر اور سیکرٹری کا گزشتہ چھ ماہ کے دوران غیر ملکی دوروں کا مکمل ریکارڈ اور اس ضمن میں ہونے والے مالی اخراجات کی تفصیل بھی فراہم جائے –

پی ایس پی نے اسلام آباد میں پی ایچ ایف کے نئے دفتر کے قیام کی تفصیلات بھی طلب کی ہیں اور اس ضمن میں فیڈریشن کے ایگزیکٹو بورڈ کی منظوری کا ثبوت بھی طلب کیا گیا ہے۔

کے ٹو پر برفانی تودے کی زد میں آکر چارسدہ کے کوہ پیما افتخار حسین جان بحق

واضح رہے کہ پاکستان ہاکی فیڈریشن اور کھلاڑیوں میں اختلافات بڑھنے لگے، ہاکی معاملات میں بہتری کے لیے پی ایچ ایف عہدیداروں کو بھی تبدیل کرنے کی بازگشت سنائی دینے لگی ڈیلی الاونسز کی عدم ادائیگی اور اپنے ساتھ روا رکھے جانے والے سلوک پر کھلاڑی پی ایچ ایف حکام سے سخت ناراض ہیں،و عدے پورے نہ کرنے پر پی ایچ ایف صدر اور سیکریٹری سے خفا کپتان کو اہم کھلاڑیوں کی سپورٹ بھی حاصل ہےحکومت کی ایک اعلیٰ شخصیت نے کھلاڑیوں کو جلد داد رسی کی یقین دہانی کروا دی ہے اور اس سلسلے میں کھلاڑیوں کے ساتھ اگلے ہفتے ملاقات بھی متوقع ہے جس میں درپیش مسائل پر تبادلہ خیال ہوگا۔

عطا تارڑ اور محسن نقوی کا قومی مفاد کے تحت ادارہ جاتی ہم آہنگی کو مزید فروغ دینے پر بھی زور