لاہور : پاکستان کے سپر اسٹار شاہد آفریدی سیاست کی خواہش کرتے کرتے پھر کرکٹ کےمیدان می پہنچ گئے ، تازہ ترین اطلاعات کےمطابق لاہور قلندرز کو دنیا کی مختصر ترین کرکٹ لیگ ٹی 10 میں متعارف کروادیا گیا اور آئندہ سیزن میں شاہد آفریدی ٹیم کے آئیکون پلیئر ہوں گے۔
ابوظہبی اسپورٹس کونسل کے جنرل سیکریٹری عارف العوانی اور سی ای او میتھیو باؤچر اور ٹی 10 کی سی ای او شیجی الملک اور لاہور قلندرز کے چیئرمین رانا فواد، چیف آپریٹنگ آفیسر رانا ثمین اور چیف ایگزیکٹو رانا عاطف نے پریس کانفرنس میں ٹورنامنٹ کی تفصیلات کا اعلان کیا۔
ٹورنامنٹ 14 نومبر سے شیخ زاید اسٹیڈیم ابوظہبی میں شروع ہورہا ہے جس کا افتتاحی میچ 15 نومبر کو کھیلا جائے گا۔ عارف العوانی نے کہا کہ ٹورنامنٹ ہر سال ابوظہبی میں ہوگا اور ہمارا معاہدہ 2023 تک ہے۔
اس موقع پر ٹیم قلندر کے چیئرمین رانا فواد کا کہنا تھا کہ ہم نے ہمیشہ ٹیلنٹ کی تلاش میں اپنا کردار ادا کیا ہے اور ہم ہمیشہ کھیل اور کھلاڑی کے رشتے کو مضبوط کرنے کے خواہش مند رہے ہیں۔
10 روزہ ٹورنامنٹ میں 29 میچ ہوں گے، یہ ٹورنا منٹ 14 نومبر کو شروع ہوگا اور اس کا فائنل 24 نومبر کو ابو ظہبی میں کھیلا جائے گا
اطلاعات کے مطابق یہ میچ 120 بالوں پر مشتمل ہوگا اور اس کا دورانیہ 90 منٹ ہو گا اس سے پہلے 2017 میں بھی اسی طرز کا ایک ٹورنامنٹ ابوظہبی میں کھیلا گیا گزشتہ دو سال شارجہ میں اس لیگ میں دنیا کے صف اول کے کھلاڑیوں نے شرکت کی تھی
