Category: کھیل

فیفا ورلڈ کپ 2026 میں نیدرلینڈز کے خلاف یادگار کامیابی کے بعد مراکش کے دفاعی کھلاڑی عیسیٰ دیوپ کا ایک مختصر مگر ایمان افروز بیان سوشل میڈیا پر تیزی سے وائرل ہو رہا ہے۔

فیفا ورلڈکپ 2026ء کے ناک آؤٹ مرحلے (راؤنڈ آف 32) میں نیدرلینڈز (ہالینڈ) کے خلاف تاریخی کامیابی کے بعد، مراکشی کوچ اور کھلاڑیوں نے میچ کے بعد کی پریس کانفرنسز اور انٹرویوز میں شکرِ خداوندی اور اپنی قوم کی محنت کا بھرپور اعتراف کیا، کھلاڑیوں نے اس جذباتی جیت کو اپنے ملک، دنیا بھر کے مسلمانوں اور افریقی شائقین کے لیے ایک عظیم اعزاز قرار دیا،کھلاڑیوں نے اپنی کامیابی کو اپنی محنت کے ساتھ ساتھ اللہ کی مدد سے منسوب کیا اور ہر مشکل مرحلے پر صبر اور شکر کا مظاہرہ کیا۔

میچ کے اختتام پر گفتگو کرتے ہوئے عیسیٰ دیوپ نے کہا کہ’ہم مسلمان ہیں، ہم اس دنیا میں بہت تھوڑے وقت کے لیے آئے ہیں، ہر چیز اللہ کی ہے اور ہمیں ہر حال میں اسی کا شکر ادا کرنا چاہیے-

ان کے اس بیان کو دنیا بھر کے فٹبال شائقین، خصوصاً مسلم مداحوں کی جانب سے خوب سراہا جارہا ہے،سوشل میڈیا پر صارفین نے کہا کہ عیسیٰ دیوپ نے کامیابی کے موقع پر اپنی فتح کا سہرا اپنی محنت کے بجائے اللہ تعالیٰ کے فضل و کرم کو دے کر عاجزی اور ایمان کا خوبصورت مظاہرہ کیا۔

واضح رہے کہ مراکش نے نیدرلینڈز کو سنسنی خیز مقابلے کے بعد پنالٹی شوٹ آؤٹ میں شکست دے کر ورلڈ کپ کے اگلے مرحلے میں جگہ بنائی اس تاریخی کامیابی کے بعد عیسیٰ دیوپ کی گفتگو نہ صرف فٹبال حلقوں بلکہ سوشل میڈیا پر بھی موضوعِ بحث بن گئی جہاں ہزاروں صارفین نے ان کے الفاظ کو متاثر کن اور حوصلہ افزا قرار دے رہے ہیں-

کوچ کے مطابق، مراکش نے پورا میچ شاندار انداز میں کنٹرول کیا۔ ان کا بنیادی ہدف دنیا بھر میں موجود اپنے کروڑوں مداحوں کے چہروں پر خوشی لانا تھا،س فتح کے بعد کھلاڑیوں اور کوچ نے زور دیا کہ مراکش کی ٹیم نے ایک بار پھر دنیا کو یہ ثابت کر دیا ہے کہ وہ کسی بھی بڑی ٹیم کے مدِ مقابل ڈٹ کر کھیلنے کی مکمل صلاحیت رکھتے ہیں،اس سنسنی خیز مقابلے میں مراکش نے نیدرلینڈز کو پنالٹی شوٹ آؤٹ کے ذریعے 2-3 سے شکست دے کر ورلڈکپ کے پری کوارٹر فائنل (راؤنڈ آف 16) میں رسائی حاصل کی تھی-

فیفا ورلڈ کپ 2026 میں آسٹریا اور الجزائر کے درمیان کھیلا گیا میچ 3-3 سے برابر ہوا، جس کے بعد دونوں ٹیمیں راؤنڈ آف 32 کے لیے کوالیفائی کر گئیں، جبکہ ایران ٹورنامنٹ سے باہر ہو گیا جس کے بعد سوشل میڈیا پر صارفین نے میچ پر سوالات اٹھائے جس میں الجزائر کے کپتان ریاض محرز بے بھی ایک بیان دیا جس سے نیا تنازع کھڑا ہو گیا، تاہم اب تک فیفا یا کسی متعلقہ ادارے کی جانب سے اس حوالے سے کوئی باضابطہ ردعمل یا تحقیقات کا اعلان نہیں کیا گیا۔

ایران کو اگلے مرحلے میں پہنچنے کے لیے آسٹریا کی جیت درکار تھی، لیکن میچ برابر ہونے کے باعث ایرانی ٹیم تیسرے نمبر پر آنے والی ٹیموں میں جگہ نہ بنا سکی اور ورلڈ کپ سے باہر ہوگئی کینساس سٹی میں کھیلے گئے اس مقابلے میں الجزائر کے کپتان ریاض محرز نے دوسرے ہاف میں دو گول کرکے الجزائر کو برتری دلائی، تاہم انجری ٹائم میں آسٹریا کے ساشا کالاجڈزچ نے گول کرکے مقابلہ 3-3 سے برابر کر دیا، جس کے نتیجے میں دونوں ٹیمیں اگلے مرحلے میں پہنچ گئیں۔

اس میچ کے بعد کئی شائقین کو 1982 کے ورلڈ کپ کا مشہور ”ڈس گریس آف گیخون“ واقعہ بھی یاد آ گیا، جب مغربی جرمنی اور آسٹریا کے درمیان میچ کے نتیجے میں الجزائر ٹورنامنٹ سے باہر ہو گیا تھا اس تاریخی مقابلے پر بھی اس وقت شدید تنقید ہوئی تھی اور بعد ازاں فیفا نے آخری گروپ میچز ایک ہی وقت میں کرانے کا فیصلہ کیا تھا تاکہ ایسے تنازعات سے بچا جا سکے۔

میچ کے بعد آسٹریا کے ہیڈ کوچ رالف رانگنک نے ان الزامات کو مسترد کرتے ہوئے کہا کہ انجری ٹائم میں دونوں ٹیموں کی جانب سے کیے گئے گول اس بات کا واضح ثبوت ہیں کہ دونوں فریق جیتنے کی پوری کوشش کر رہے تھے ،دوسری جانب ریاض محرز کے میچ کے بعد دیے گئے بیانات نے نئی بحث چھیڑ دی۔

ریاض محرز کا کہنا تھا کہ صورتحال کچھ عجیب تھی ہم تیزی کے ساتھ کھیلنے کی کوشش کر رہے تھے جبکہ آسٹریا کے کھلاڑی زیادہ تر پیچھے رہ کر کھیل رہے تھے پھر آخری لمحے میں گیند میرے پاس آئی، تو میرے پاس گول کرنے کی کوشش کے سوا کوئی راستہ نہیں تھا میں کھیل کے اصولوں اور فٹبال کا احترام کرتا ہوں ہمارے لئے اچھی بات یہ ہوئی کہ ہم نے بھی گول کر لیا اور وہ بھی کوالیفائی کر گئے، ہم دونوں اگلے مرحلے میں پہنچ گئے، اور آج یہی سب سے اہم بات تھی یہ ایک شرمندگی والی صورتحال تھی، لیکن گیند میرے پاس آئی تو میں کیا کرتا؟ مجھے گول کرنا تھا کیونکہ میں کھیل کے اصولوں کا احترام کرتا ہوں۔

آئر لینڈ کرکٹ ٹیم کے ہیڈ کوچ نے مستعفی ہونے کا اعلان کر دیا۔

کرکٹ آئر لینڈ کے مطابق ہینرک ملان گزشتہ 4 سال سے آئر لینڈ ٹیم کے ہیڈ کوچ ہیں، ان کا کنٹریکٹ 2027 کے اوائل تک بڑھایا گیا تھاہینرک ملان کی کوچنگ میں آئر لینڈ نے ٹی ٹوئنٹی سیریز میں بھارت کو وائٹ واش کیا، آئرلینڈ نے پہلے ٹی ٹوئنٹی میں بھارت کو 34 رنز سے شکست دی جبکہ دوسرے ٹی ٹوئنٹی میں سنسنی خیز مقابلے کے بعد ایک رن سے ہرایا،اس حوالے سے ہینرک ملان کا کہنا ہے کہ کھلاڑیوں، کوچنگ اسٹاف اور آئرش کرکٹ فیملی کے ساتھ کام کرنا میرے لیے اعزاز رہا ہے میدان میں ہم نے کئی تاریخی کامیابیاں حاصل کی ہیں۔

پاکستان کرکٹ بورڈ (پی سی بی) نے قومی کرکٹ ٹیم کے کھلاڑیوں کی میچ فیس میں اضافے کی منظوری دے دی۔

چیئرمین پی سی بی محسن نقوی کی زیر صدارت پی سی بی بورڈ آف گورنرز کے اجلاس میں مالی سال 27 -2026 کے سرپلس بجٹ کی متفقہ منظوری دی گئی اجلاس میں پی ایس ایل کے 12 ویں ایڈیشن کے بجٹ کی بھی منظوری دی گئی، جبکہ لیگ کو انتظامی اور مالیاتی طور پر خود مختار بنانے کا فیصلہ کیا گیا۔ ملک میں ڈومیسٹک کرکٹ کا بجٹ 3 ارب سے بڑھا کر 4 ارب روپے کرنے کا فیصلہ بھی کیا گیا۔

چیئرمین پی سی بی نے اجلاس میں نئے سینٹرل کنٹریکٹ کے فارمیٹ اور ادائیگی کے طریقہ کار اور قومی کرکٹ ٹیم کے کھلاڑیوں کے لیے میچ فیس میں اضافے کی منظوری بھی دی پی سی بی بورڈ آف گورنرز نے قائداعظم ٹرافی کے کھلاڑیوں کی میچ فیس 30 ہزار روپے سے بڑھا کر ایک لاکھ روپے جبکہ ریزرو پلیئرز کی میچ فیس 15 ہزار روپے سے 50 ہزار روپے کرنے کی بھی منظوری دی۔

علاوہ ازیں ویمنز ون ڈے اور ٹی ٹوئنٹی ٹورنامنٹس کے انعقاد اور اس ضمن میں فنڈز مختص کرنے کی منظوری بھی دی جبکہ ریجنل گراؤنڈ اسٹاف کی کم از کم تنخواہ 42 ہزار روپے کرنے کا فیصلہ کیا گیا،اجلاس کے دوران 12 نئے گراؤنڈز کو آپریشنل کرنے اور نیشنل اسٹیڈیم سمیت مختلف کرکٹ سہولیات کی بہتری کے لیے 6 ارب 70 کروڑ روپے کی منظوری دی گئی، جبکہ ہائی پرفارمنس سینٹر لاہور میں جدید بائیو میکینکس مشین نصب کرنے کے لیے بھی فنڈز کی منظوری دے دی گئی۔

فٹبال ورلڈکپ میں کانگو نے پہلی بار ناک آؤٹ مرحلے میں کوالیفائی کرکے تاریخ رقم کردی۔

آخری گروپ میچ میں کانگو نے اُزبکستان کو ایک کے مقابلے میں تین گول سے شکست دی اور اس طرح میگا ایونٹ میں پہلی بار ناک آؤٹ مرحلے میں کوالیفائی کرلیا اب کانگو کا راؤنڈ آف 32 میں انگلینڈ سے مقابلہ ہوگا دوسری جانب کولمبیا اور پُرتگال کے درمیان مقابلہ بغیر کسی گول کے برابر رہا، اگلے مرحلے میں کولمبیا کا میچ گھانا سے ہوگا، جب کہ پُرتگال کو کروشیا سے مقابلہ کرنا ہوگا۔

گروپ ‘کے’ میں کولمبیا اور پرتگال کے درمیان میامی میں کھیلا گیا مقابلہ بغیر کسی گول کے برابر رہا، تاہم دونوں ٹیمیں اگلے مرحلے کے لیے کوالیفائی کرنے میں کامیاب رہیں، کولمبیا نے زیادہ تر وقت کھیل پر برتری برقرار رکھی اور متعدد مواقع بھی بنائے، مگر انہیں گول میں تبدیل نہ کرسکی،آخری لمحات میں ڈیوسن سانچیز کا گول وی اے آر کے ذریعے آف سائیڈ قرار دے دیا گیا، جبکہ پرتگال کے کرسٹیانو رونالڈو بھی پورے میچ میں خاطر خواہ اثر نہ چھوڑ سکے۔

ایف آئی ایچ (FIH) ہاکی پرو لیگ کے آخری میچ میں میزبان انگلینڈ نے پاکستان کو 0-7 کے بڑے مارجن سے شکست دے دی۔ لندن میں کھیلے گئے اس یکطرفہ میچ میں انگلش کھلاڑیوں نے شاندار کارکردگی دکھائی اور پاکستانی ٹیم دفاع کرنے میں مکمل ناکام رہی-

لندن میں کھیلے گئے میچ میں انگلینڈ نے پاکستان کو صفر کے مقابلے میں سات گول سے شکست دی انگلینڈ کی جانب سے یکطرفہ مقابلے میں نکولس بینڈوراک نے دو گول اسکور کیے جبکہ ہنری کرافٹ، زیکری والیس، سیموئل ہوپر، سیموئل ٹیلر اور سام وارڈ نے ایک ایک گول کیا،اس شکست کے ساتھ ہی قومی ٹیم کا ایونٹ میں سفر مایوس کن انداز میں اختتام پذیر ہوا-