ورلڈ چیمپئنز آف لیجنڈز لیگ میں بھارت نے ایک بار پھر کھیل میں سیاست گھسیٹ لی۔ بھارتی ٹیم کے سابق کھلاڑیوں عرفان پٹھان اور ہربھجن سنگھ نے شاہد آفریدی کی پاکستانی ٹیم میں شمولیت پر اعتراض اٹھا دیا ہے۔
برطانیہ میں جاری لیجنڈز لیگ کے دوران پاکستان اور بھارت کے سابق اسٹار کھلاڑیوں کے درمیان سنسنی خیز ٹاکرا شیڈول ہے، تاہم بھارتی حکومت کے مبینہ دباؤ پر بھارتی کھلاڑیوں نے ٹیم مینجمنٹ کو پیغام دیا ہے کہ اگر شاہد آفریدی پاکستانی ٹیم کا حصہ ہوئے تو وہ میچ کا بائیکاٹ کر دیں گے۔ذرائع کا کہنا ہے کہ سابق کپتان شاہد آفریدی اس وقت انجری کا شکار ہیں اور ان کی بھارت کے خلاف میچ میں شرکت مشکوک ہے۔ وہ انگلینڈ کے خلاف گزشتہ میچ میں بھی ٹیم کا حصہ نہیں تھے۔
واضح رہے کہ یہ میچ اس لیے بھی خاص اہمیت کا حامل ہے کہ یہ پہلگام حملے اور پاک بھارت کشیدگی کے بعد دونوں ممالک کے درمیان کرکٹ میدان میں پہلا آمنا سامنا ہوگا۔شائقین کرکٹ کی جانب سے اس بھارتی رویے پر تنقید کی جا رہی ہے، جن کا کہنا ہے کہ لیجنڈز لیگ جیسے دوستانہ ٹورنامنٹس میں سیاست کو داخل کرنا کھیل کی روح کے منافی ہے۔
سینیٹ انتخابات: ناراض امیدواروں کی ضد سے ہارس ٹریڈنگ کا خدشہ بڑھ گیا
پاکستانیوں کی آن لائن شاہ خرچیاں: 2023 میں 10.42 ارب ڈالر خرچ
