پاکستان نے ٹی 20 سیریز کے دوسرے میچ میں بنگلہ دیش کو 57 رنز سے شکست دے کر تین میچوں کی سیریز میں فیصلہ کن 0-2 برتری حاصل کرلی۔
قذافی اسٹیڈیم لاہور میں کھیلے گئے اس میچ میں پاکستان نے شاندار کارکردگی کا مظاہرہ کرتے ہوئے بیٹنگ اور بولنگ دونوں شعبوں میں مکمل برتری ثابت کی۔پاکستانی کپتان سلمان علی آغا نے ٹاس جیت کر پہلے بیٹنگ کا فیصلہ کیا۔ اننگز کا آغاز کچھ خاص نہ تھا اور صائم ایوب صرف 4 رنز بنا کر رن آؤٹ ہوگئے۔ اس کے بعد صاحبزادہ فرحان اور محمد حارث نے شاندار شراکت قائم کی۔
صاحبزادہ فرحان نے 74 رنز کی دھواں دار اننگز کھیلی (6 چھکے، 4 چوکے)،محمد حارث نے 41 رنز بنائے (25 گیندیں، 4 چوکے، 2 چھکے)،حسن نواز نے صرف 25 گیندوں پر ناقابل شکست 51 رنز بنائے (3 چھکے، 2 چوکے) جبکہ سلمان آغا 19 اور شاداب خان 7 رنز بنا سکے.پاکستان نے مقررہ 20 اوورز میں 5 وکٹوں کے نقصان پر 201 رنز بنائے۔
بنگلہ دیش کی جانب سے حسن محمود اور تنظیم حسن نے دو، دو وکٹیں حاصل کیں جبکہ رشاد حسین کے حصے میں ایک وکٹ آئی.
202 رنز کے ہدف کے تعاقب میں بنگلہ دیشی بیٹرز ابتدا سے ہی دباؤ کا شکار نظر آئے۔اوپنر تنزید حسین نے 33 رنز بنائےتنظیم حسن نے آخری لمحات میں مزاحمت کرتے ہوئے 31 گیندوں پر 50 رنز بنائے (1 چوکا، 5 چھکے)تاہم باقی بیٹرز خاطر خواہ کارکردگی نہ دکھا سکے اور بنگلہ دیش کی پوری ٹیم 144 رنز پر ڈھیر ہوگئی۔7 کھلاڑی ڈبل فیگر میں بھی داخل نہ ہوسکے۔
پاکستان کی طرف سے ابرار احمد نے 3 وکٹیں حاصل کیں اور صرف 19 رنز دیےجبکہ حسن علی، فہیم اشرف، حارث رؤف، شاداب خان، خوشدل شاہ، صائم ایوب نے ایک ایک وکٹ حاصل کی،پاکستان نے زبردست ٹیم ورک کا مظاہرہ کرتے ہوئے بنگلہ دیشی بیٹنگ لائن کو مکمل طور پر بے بس کردیا۔
مسجد الحرام میں جمعہ کی نماز، 15 لاکھ سے زائد عازمین کی شرکت
شدید گرمی اور ذہنی صحت، عالمی منصوبہ بندی میں اہم پہلو نظر انداز
پی پی 52 ضمنی انتخاب: انتخابی مہم پر 30 مئی کی رات 12 بجے سے مکمل پابندی
