Baaghi TV

Category: کھیل

  • سری لنکا کیخلاف پہلے میچ کیلئے حکمت عملی بنالی گئی

    سری لنکا کیخلاف پہلے میچ کیلئے حکمت عملی بنالی گئی

    کولمبو (اے پی پی) نیوزی لینڈ کے فاسٹ‌ بالر ٹرینٹ بولٹنے کہا ہے کہ سری لنکا کو پہلے ٹیسٹ میں زیر کر کے سیریز کے فاتحانہ آغاز کیلئے پر جوش ہیں.

    تفصیلات کے مطابق نیوزی لینڈ کی کرکٹ ٹیم کے مایہ ناز فاسٹ باﺅلر ٹرینٹ بولٹ نے کہا ہے کہ سری لنکن ٹیم کو پہلے ٹیسٹ میچ میں شکست دیکر دو میچوں کی سیریز کا آغاز فاتحانہ انداز میں کرنے کیلئے مکمل طور پر تیار ہیں۔ سری لنکا اور نیوزی لینڈ کی ٹیموں کے درمیان دو ٹیسٹ میچوں کی سیریز کا پہلا ٹیسٹ میچ 14 اگست سے گال میں شروع ہوگا۔ اپنے ایک بیان میں بولٹ نے کہا کہ آئی لینڈرز کو انکی سرزمین پر شکست دینا آسان نہیں تاہم ہدف کے حصول کےلئے ٹیم کو تینوں شعبوں میں عمدہ کارکردگی دکھانا ہوگی۔ انہوں نے کہا کہ آئی لینڈرز کو پہلے ٹیسٹ میچ میں شکست دیں گے۔ انہوں نے امید ظاہر کی ہے کہ اس مقصد کے حصول کےلئے کھلاڑی پہلے ٹیسٹ میچ میں غیرمعمولی کارکردگی کا مظاہرہ کرکے ٹیم کو فتح دلانے میں کردار ادا کریں گے۔

    انہوں نے مزید کہا کہ ہم پر کوئی دباﺅ نہیں، ہر کوئی جانتا ہے کہ اگر ہم میچ جیت گئے تو سیریز بھی جیت جائیں گے۔ سارا پریشر میزبان ٹیم پر ہو گا اسلئے ہم میچ جیتنے کیلئے 100 فیصد کارکردگی دکھانے کی کوشش کریں گے۔

  • گلوبل ٹی ٹونٹی کرکٹ لیگ اختتامی مرحلے میں داخل

    گلوبل ٹی ٹونٹی کرکٹ لیگ اختتامی مرحلے میں داخل

    ٹورنٹو (اے پی پی) گلوبل ٹی ٹونٹی کرکٹ لیگ اختتامی مرحلے میں داخل ہوگئی. برامپٹن والوز اور وائنی پیگ ہاکس کے درمیان کوالیفائر میچ ہفتہ کو کھیلا جائے گا.

    تفصیلات کے مطابق کینیڈا میں گلوبل ٹی ٹونٹی کرکٹ لیگ جاری ہے جس میں کانٹے دار مقابلوں کا سلسلہ اپنے عروج کو پہنچ چکا ہے۔ لیگ اختتامی مرحلے میں داخل ہوگئی ہے۔ دفاعی چیمپئن وان کوور نائٹس کی ٹیم لیگ کے فائنل میں پہنچ چکی ہے۔ کینیڈین کرکٹ بورڈ کے زیر اہتمام گلوبل ٹی ٹونٹی کرکٹ لیگ کا دوسرا ایڈیشن اپنے اختتامی مرحلے میں داخل ہوگیا ہے۔ برامپٹن والوز اور وائنی پیگ ہاکس کے درمیان کوالیفائر ٹو میچ ہفتہ کو برامپٹن کے مقام پر کھیلا جائے گا۔ برامپٹن والوز اور وائنی پیگ ہاکس کے درمیان کوالیفائر ٹو میچ ہفتہ کو برامپٹن کے مقام پر کھیلا جائے گا جو ٹیم فاتح قرار پائے گی اس کا مقابلہ فائنل میچ میں دفاعی چیمپئن وان کوور نائٹس سے ہوگا۔

    گلوبل ٹی ٹونٹی کرکٹ لیگ میں شرکت کرنے والی ٹیموں کے درمیان فائنل سمیت 22 میچز کھیلے جائیں گے ۔ گلوبل ٹی ٹونٹی کرکٹ لیگ کا فائنل میچ دو فائنلسٹ ٹیموں کے درمیاناتوار کو برامپٹن کے مقام پر کھیلا جائےگا۔

  • روہت شرما کا تازہ ترین بیان سامنے آگیا

    روہت شرما کا تازہ ترین بیان سامنے آگیا

    پورٹ آف سپین (اے پی پی) بھارتی بلے باز روہت شرما نے کہا ہے کہ ٹیم کا مورال بلند ہے ون ڈے انٹرنیشنل کرکٹ سیریز بھی جیتں گے.

    تفصیلات کے مطابق بھارتی کرکٹ ٹیم کے مایہ ناز اوپننگ بلے باز روہت شرما نے کہا ہے کہ ویسٹ انڈیز کو ٹی ٹونٹی سیریز میں وائٹ واش کرنے کے بعد انکی ٹیم کا مورال بلند ہے۔ انہوں نے کہا کہ انکی ٹیم کی تمام تر توجہ میزبان ٹیم کے خلاف ون ڈے سیریز پر مرکوز ہے اور ٹیم ون ڈے سیریز میں بھی عمدہ کارکردگی کا مظاہرہ کرتے ہوئے میزبان ٹیم کو شکست فاش سے دوچار کریگی۔ انہوں نے کہا کہ وہ مکمل طور پر فٹ اور بھرپور فارم میں ہیں اور میزبان ٹیم کے خلاف ون ڈے سیریز میں بھی عمدہ کھیل کی بدولت اپنی ٹیم کی فتوحات میں اہم کردار ادا کرینگے۔ ویسٹ انڈیز اور بھارت کی ٹیموں کے درمیان ون ڈے سیریز کا پہلا میچ بارش کی نذر ہوگیا تھا۔ اپنے ایک بیان میں روہت شرما نے کہا کہ ٹی ٹونٹی سیریز میں فتح یابی کے بعد اب ون ڈے سیریز میں بھی حریف ٹیم کے چیلنج سے نمٹنے کیلئے پوری طرح سے تیار ہیں۔ انہوں نے کہا کہ دورہ کا آغاز ٹی ٹونٹی سیریز میں کامیابی سے ہوا ہے جس کا فائدہ ٹیم کو ون ڈے اور ٹیسٹ سیریز میں بھی ہوگا۔ انہوں نے کہا کہ ون ڈے سیریز کے آئندہ میچوں کے لئے حریف ٹیم کے خلاف منصوبہ بندی کر رکھی ہے۔

    واضح رہے کہ ویسٹ انڈیز اور بھارت کے درمیان ون ڈے سیریز کا دوسرا میچ کل اتوار کو کھیلا جائے گا۔

  • بگ بیش لیگ کے حوالے سے بڑا فیصلہ کرلیا گیا

    بگ بیش لیگ کے حوالے سے بڑا فیصلہ کرلیا گیا

    کینبرا (اے پی پی) کرکٹ آسٹریلیا نے رواں برس شیڈول بگ بیش لیگ کے دورانیے میں دو ہفتوں کی کمی کا اعلان کر دیا۔

    تفصیلات کے مطابق کرکٹ آسٹریلیا نے اعلان کیا ہے کہ رواں سال بگ بیش لیگ ٹورنامنٹ 54 کی بجائے 42 دن پر مشتمل ہو گا، ٹورنامنٹ 17 دسمبر سے شروع ہوگا، رواں برس شیڈول بگ بیش لیگ کے دورانیے میں 2 ہفتوں کی کمی کا اعلان کیا گیا ہے. یہ فیصلہ مداحوں، براڈ کاسٹرز اور کھلاڑیوں کی آرا کی روشنی میں کیا گیا ہے۔ رواں سال بگ بیش لیگ ٹورنامنٹ 54 کی بجائے 42 دن پر مشتمل ہو گا جو کہ 17 دسمبر سے 27 جنوری تک کھیلا جائے گا۔

    کرکٹ آسٹریلیا کی طرف سے جاری کردہ بیان کے مطابق گزشتہ سال کئی کھلاڑیوں اور ایڈمنسٹریٹرز نے بی بی ایل کے طویل دورانیے پر بات کی تھی جس پر شائقین، براڈ کاسٹرز اور کھلاڑیوں سے رائے طلب کی تھیں اور سب نے مثبت فیڈ بیک دی ہے جس کی روشنی میں لیگ کے دورانیے میں دو ہفتوں کی کمی کا فیصلہ کیا گیا ہے۔ اس کے ساتھ ساتھ فرنچائزز 4 کی بجائے 6 غیر ملکی کھلاڑیوں سے معاہدہ کر سکیں گی۔

  • بھارت بمقابلہ ویسٹ انڈیز: دوسرا میچ کب کھیلا جائے گا؟

    بھارت بمقابلہ ویسٹ انڈیز: دوسرا میچ کب کھیلا جائے گا؟

    کنگسٹن (اے پی پی) بھارت اور ویسٹ انڈیز کے درمیان دوسرا ون ڈے میچ اتوار کھیلا جائے گا.

    تفصیلات کے مطابق ویسٹ انڈیز اور بھارت کی کرکٹ ٹیموں کے درمیان تین ایک روزہ بین الاقوامی میچوں پر مشتمل سیریز کا دوسرا میچ اتوار کو پورٹ آف سپین میں جائے گا۔ دونوں ٹیموں کے درمیان کھیلا گیا پہلا ایک روزہ میچ بارش کی نذر ہوگیا۔ اس سے قبل بھارتی کرکٹ ٹیم نے میزبان ٹیم کو تین ٹی ٹونٹی انٹرنیشنل میچوں کی سیریز میں وائٹ واش کیا تھا۔ بھارتی ٹیم نے پہلے ٹی ٹونٹی کرکٹ میچ میں ویسٹ انڈیز کی ٹیم کو 4 وکٹوں سے شکست دی، مہمان ٹیم نے دوسرے ٹی ٹونٹی کرکٹ میچ میں میزبان ٹیم کو 22 رنز سے مات دی جبکہ تیسرے اور آخری ٹی ٹونٹی کرکٹ میچ میں بھارتی ٹیم نے کالی آندھی کے خلاف 7 وکٹوں سے کامیابی حاصل کر کے سیریز کلین سویپ کرلی۔ ویسٹ انڈیز اور بھارت کی ٹیموں کے درمیان تین ون ڈے انٹرنیشنل میچوں کی سیریز کا دوسرا میچ 11 اگست کو کھیلا جائے گا جبکہ تیسرا اور آخری ون ڈے کرکٹ میچ 14 اگست کو کھیلا جائے گا۔ دو ٹیسٹ میچوں کی سیریز سے قبل بھارتی ٹیم 17 سے 19 اگست تک ایک ٹور میچ میں شرکت کریگی۔

    دونوں ٹیموں کے درمیان دو ٹیسٹ میچوں کی سیریز کا پہلا میچ 22 سے 26 اگست تک کھیلا جائے گا۔ دونوں ٹیموں کے درمیان دوسرا اور آخری کرکٹ ٹیسٹ میچ 30 اگست سے شروع ہوگا۔

  • پاکستان میں ٹیسٹ کرکٹ 10 سال بعد بحال، شائقین کو خوشخبری سنادی گئی

    پاکستان میں ٹیسٹ کرکٹ 10 سال بعد بحال، شائقین کو خوشخبری سنادی گئی

    لاہور: سری لنکن کرکٹ بورڈ نے نیشنل اسٹیڈیم کراچی اور قذافی اسٹیڈیم لاہور کا دورہ کرنے کے بعد انتظامات کو تسلی بخش قرار دیدیا.

    تفصیلات کے مطابق سری لنکن کرکٹ بورڈ کے سیکیورٹی وفد نے یشنل اسٹیڈیم کراچی اور قذافی اسٹیڈیم لاہور کا دورہ کیا جہاں انہوں نے انتظامات کا جائزہ لیا. انتظامات کو تسلی بخش قرار دیتے ہوئے سری لنکن وفد کے سیکرٹری موہن ڈی سلوا نے میڈیا سے گفتگو کرتے ہوئے کہا ہےکہ ہم نے کراچی اور لاہور میں سیکیورٹی کا جائزہ لیا ہے۔ پی سی بی نے وفد کو بہترین سہولیات فراہم کیں ۔ موہن ڈی سلوا واپس جاکر اپنی سفارشات اپنے بورڈ کو دیں گے. واضح رہے کہ سری لنکن ٹیم کو پاکستان بھیجنے کا حتمی فیصلہ سری لنکن بورڈ ہی کرے گا، تاہم اس بات کے قوی امکانات ہیں کہ سری لنکن ٹیم 2 ٹیسٹ میچز پاکستان کھیلنے ضرور آئے گی.

    دوسری جانب پی سی بی نے سری لنکن کرکٹ بورڈ کو ٹیسٹ سیریز کیلئے تاریخیں دیدی ہیں جس کے تحت پہلا ٹیسٹ کراچی میں یکم سے 5 اکتوبر تک کھیلنے جبکہ لاہور میں دوسرا ٹیسٹ 9 سے 13 اکتوبر تک قذافی اسٹیڈیم لاہور میں کھیلنے کی تجویز دی گئی ہے۔ ذرائع کا کہنا ہے کہ اس سلسلے میں سری لنکن ٹیم کراچی ٹیسٹ سے تین روز قبل پاکستان آئے گی.

  • قومی خواتین کرکٹرز کے ہائی پرفارمنس کیمپ کا آغاز16 اگست سے ہوگا.

    قومی خواتین کرکٹرز کے ہائی پرفارمنس کیمپ کا آغاز16 اگست سے ہوگا.

    باغی ٹی وی رپرتقومی خواتین کرکٹرز کے ہائی پرفارمنس کیمپ کا آغاز16 اگست سے ہوگا.

    باغی ٹی وی رپورٹ کے مطابق 30 خواتین کرکٹرز پر مشتمل ہائی پرفارمنس کیمپ 31 اگست تک جاری رہے گا،کیمپ کے دوران قومی خواتین کرکٹرز 28 اگست کو کاکول ملٹری اکیڈمی میں ٹریننگ کریں گی.کھلاڑیوں میں عالیہ ریاض، عروب شاہ، عائشہ ناز، عائشہ ظفر، بسمعہ معروف، ڈیانا بیگ، فاطمہ ثناء اور حرینہ سجاد شامل ہیں،ارم جاوید ، جویریہ رؤف، جویریہ ودود، کائنات حفیظ، کائنات امتیاز، ماہم طارق، منیبہ علی، بی بی ناہیدہ اور نجیہہ علوی کو بھی کیمپ میں طلب کیا گیا ہے.نشرہ سندھو، نتالیہ پرویز، نداراشد، رامین شمیم، صباء نذیر، سعدیہ اقبال، ثناء میر، سدرہ امین، سدرہ نواز، سوہا فاطمہ، طوبہٰ حسین، عمیمہ سہیل اور وحیدہ اختر بھی کھلاڑیوں میں شامل

    کیمپ کے لیے کھلاڑیوں کا انتخاب قومی خواتین کرکٹ ٹیم کی سلیکشن کمیٹی نے کیا ہےعروج ممتاز کی سربراہی میں کام کرنے والی 3 رکنی کمیٹی میں اسماویہ اقبال اور مرینہ اقبال شامل ہیں.عائشہ جلیل منیجر، ہیڈ کوچ مارک کولز، بیٹنگ کوچ اقبال امام، ٹرینر جمال حسین اور کوچ اے ٹیم شاہد انور بطور آفیشل کیمپ میں شرکت کریں گے،قومی خواتین کرکٹ ٹیم کو بنگلہ دیش اور انگلینڈ کے خلاف سیریز کھیلنا ہے.قومی خواتین کرکٹ ٹیم کو آئندہ سال آسٹریلیا میں شیڈول آئی سی سی ویمن ٹی ٹونٹی کرکٹ ورلڈکپ میں بھی شرکت کرنی ہے،اکتوبر میں قومی خواتین اے کرکٹ ٹیم کو سری لنکا کا دورہ کرنا ہے.ہائی پرفارمنس کیمپ کا مقصد تینوں شعبوں میں کھلاڑیوں کی کارکردگی میں بہتری لانا ہے، عروج ممتاز چیف سلیکٹر قومی ویمن کرکٹ ٹیمقومی خواتین کرکٹرز کیڈٹس کی طرز پر ٹریننگ کرتے ہوئے ملٹری اکیڈمی کاکول میں ایک مکمل دن گزاریں گی، عروج ممتاز

  • پاکستان کرکٹ بورڈ نے نئے کوچنگ سٹاف کے لئے اشتہار دے دیا

    پاکستان کرکٹ بورڈ نے نئے کوچنگ سٹاف کے لئے اشتہار دے دیا

    پاکستان کرکٹ بورڈ نے نئے کوچنگ سٹاف کے لئے اشتہار دے دیا

    پی سی بی کی طرف سے جاری اشتہار ہیں ہیڈ کوچ کے لئے درخواستیں طلب کی گئی ہیں بیٹنگ کوچ، فیلڈنگ کوچ اور باؤلنگ کوچ کے لئے بھی درخواستیں طلب کرلی گئیں .پاکستان ٹیم کی کوچنگ کے خواہشمند امیدواروں سے 23 اگست تک درخواستیں طلب کی گئی ہیں
    مکی آرتھر جمعرات کی شب لاہور چھوڑ دیں گے۔ مکی آرتھر پی سی بی کے فیصلے سے مایوس ہیں۔ مکی آرتھر کو پی سی بی حکام 15 ماہ کی توسیع دینے کا وعدہ کرچکے تھے لیکن کرکٹ کمیٹی نے کوچ کو تبدیل کرنے پر اتفاق کیا جس کے سامنے احسان مانی نے بھی ہتھیار ڈال دیے۔

    مکی آرتھر کو معاہدے میں توسیع نہ دینے کا اعلان گذشتہ دنوں کیا گیا تھا۔ بیٹنگ کوچ گرانٹ فلاور جمعے کو پاکستان سے روانہ ہوں گے۔
    گرانٹ فلاور بھی معاہدے میں توسیع نہ ملنے والے کوچز میں شامل تھے۔ وہ پانچ سال پاکستان ٹیم کا حصہ رہے۔ٹرینر کی جگہ اسٹرینتھ اینڈ کنڈیشننگ کوچ کا عہدہ متعارف کرایا جا رہا ہے۔

    پی سی بی نے ہیڈ کوچ مکی آرتھر، بیٹنگ کوچ گرانٹ فلاور، بولنگ کوچ اظہر محمود اور ٹرینر گرانٹ لوڈن کے معاہدوں میں توسیع نہ کرنے کا فیصلہ کیا ہے۔

  • عظیم بلےباز نے انٹر نیشنل کرکٹ کو خیر باد کہہ دیا.

    عظیم بلےباز نے انٹر نیشنل کرکٹ کو خیر باد کہہ دیا.جنوبی افریقہ کے عظیم بلے باز اور ٹیسٹ کرکٹ کے کپتان ٹیسٹ کرکٹ سے سبکدوش ہو گئے
    بین الاقوامی سطح پر ایک روزہ، ٹی20 اور ٹیسٹ میچز نہیں کھیلیں گے تاہم مقامی اور بیرون ملک ٹی20 لیگز میں حصہ لیں گے۔

    اپنے بیان میں ساتھیوں اور بورڈ حکام کا شکریہ ادا کرتے ہوئے انہوں نے کہا مجھے یہ محسوس ہوتا ہے کہ میں ویسا کھیل پیش نہیں کرپارہا جیسا کرنا چاہیے لہذا خود کو کرکٹ کے تمام فارمیٹ سے علیحدہ کرتے ہوئے ریٹائرمنٹ لے رہا ہوں

    ہاشم آملہ نے اپنے کیریئر میں مجموعی طور پر 18 ہزار سے زائد زنز بنائے جس میں 55 سنچریاں اور 88 نصف سنچریاں شامل ہیں۔ دلکش انداز سے بیٹنگ کرنے والے ہاشم آملہ جنوبی افریقا کے واحد بیٹسمین ہیں جنہوں نے ٹیسٹ میچ میں ٹرپل سنچری اسکور کی جب کہ آسٹریلیا، انگلینڈ اور بھارت جیسی مضبوط ٹیموں کے خلاف سب سے زیادہ رنز بنانے والے پروٹیز کھلاڑی کا اعزاز بھی انہیں حاصل ہے۔

  • ملک بھر میں مزید بارشوں کی پیش گوئی

    ملک بھر میں مزید بارشوں کی پیش گوئی

    آئندہ 24 گھنٹوں کے دوران ملک بھر کے بیشتر علاقوں میں مزید بارشوں کا امکان ہے۔

    محکمہ موسمیات کے مطابق جمعہ کے روز میرپورخاص، ٹھٹھہ، حیدرآباد، ڈی جی خان ڈویژن ، سکھر، لاڑکانہ، کراچی، شہید بینظیرآباد، اور مالاکنڈ میں بارش کا امکان ہے۔

    اسی دوران ہزارہ، پشاور، کوہاٹ، مردان، بنوں، ڈی آئی خان، بہاولپور، راولپنڈی، گوجرانوالہ، لاہور، سرگودھا، فیصل آباد ڈویژن، اسلام آباد، کشمیر میں کہیں کہیں، کوئٹہ، سبی اور نصیر آباد ڈویژن میں چند مقامات پر تیزہواوٗں اور گرج چمک کے ساتھ بارش کی پیش گوئی کی گئ ہے۔

    اس کے علاوہ ڈی جی خان، میرپورخاص، حیدر آباد اور ٹھٹھہ ڈویژن میں چند مقامات پر موسلادھار بارش کا بھی امکان ہے۔

    محکمہ موسمیات نےجمعرات سے جمعہ کے دوران ہزارہ، مالاکنڈ، راولپنڈی، گوجرانوالہ، ڈی جی خان، ملتان ڈویژن اور کشمیر میں موسلادھار بارش کے باعث مقامی دریاوٰں/برساتی نالوں میں طغیانی کا خدشہ ظاہر کیا ہے۔

    اس دوران پشاور، راولپنڈی، گوجرانوالہ، لاہور، سرگودھا، فیصل آباد ڈویژن کے نشیبی علاقے زیر آب آنے کا بھی امکان ہے۔

    تازہ بارشوں کی پیشنگوئی سے ایک بار پھر کراچی کے لوگ اس خوف میں مبتلا ہیں کہ اگر گزشتہ بارش کی طرح صورتحال پیدا ہوگئی تھی تو کیا ہوگا؟ صوبائی شہری انتظامیہ ، بلدیاتی اداروں کی جانب سےغیر معمولی انتظامات دیکھنے میں نہیں آئے ہیں نکاسی آب کے لیے کوئی بہت زیادہ سرگرمیاں مختلف اداروں کی جانب سے نظر نہیں آرہی ہیں عیدالاضحی پرآبادیوں میں پانی جمع رہنے سے آلائشیں اٹھانے میں مشکلات پیش آسکتی ہیں اگر آلائشیں بروقت نہ اٹھائی جاسکیں تو علاقوں میں تعفن پیداہوجائے گا اور بیماریاں پھیلنے کا اندیشہ ہےکے الیکٹرک کا سارا زور بھی اپنے صارفین کو احتیاطی تدابیر اختیار کرنے پر ہے لیکن زیادہ ترہلاکتیں پول میں کرنٹ آنے اور تاریں ٹوٹنے سے ہوتی ہیں یادرہےگزشتہ بارش میں کے ڈی اے گرڈاسٹیشن میں پانی داخل ہونے کے بعد شہر کے ایک بڑے علاقے کو بجلی کی سپلائی معطل ہوگئی تھی