Baaghi TV

Category: کھیل

  • پاکستانی ٹیم کے نئے کوچ کا نام سامنے آگیا

    پاکستانی ٹیم کے نئے کوچ کا نام سامنے آگیا

    لاہور: نیوزی لینڈ کے سابق ہیڈ کوچ مائیک ہیسن کا پاکستان کرکٹ بورڈ سے کوچنگ کیلئے رابطہ ہوا ہے.

    تفصیلات کے مطابق نیوزی لینڈ کرکٹ ٹیم کے سابق کوچ مائیک ہیسن نے پاکستان کرکٹ ٹیم کی کوچنگ پر نظریں جما لی ہیں اور اس مقصد کیلئے انہوں نے انڈین پریمیر لیگ کو بھی خیرآباد کہہ دیا ہے. مائیک ہیسن پی سی بی کو کوچنگ کیلئے درخواست دیں گے جبکہ ذرائع کا کہنا ہے کہ کوچنگ کیلئے جن غیر ملکی افراد کے نام زیر غور ہیں، ان میں مائیک ہیسن مضبوط ترین امیدوار ہیں۔ مائیک ہیسن نے 6 برس نیوزی لینڈ کرکٹ ٹیم کی کوچنگ کے بعد گزشتہ برس اپنے عہدے سے استعفیٰ دیا تھا اور ان کے دور میں نیوزی لینڈ کرکٹ ٹیم ناصرف ورلڈکپ 2015ءکے فائنل میں پہنچی بلکہ ٹی 20 ورلڈکپ 2016ءکے سیمی فائنل میں بھی کوالیفائی کیا۔

    واضح رہے کہ مکی آرتھر کے بعد پی سی بی کو پاکستانی کرکٹ ٹیم کے نئے ہیڈ کوچ کی تلاش ہے تاہم اب مائیک ہیسن کو پاکستانی ٹیم کی کوچنگ کیلئے مضبط امیدوار سمجھا جارہا ہے.

  • شعیب ملک اور محمد حفیظ کا کیرئر شدید خطرے میں، تازہ ترین خبر نے کھلبلی مچادی

    شعیب ملک اور محمد حفیظ کا کیرئر شدید خطرے میں، تازہ ترین خبر نے کھلبلی مچادی

    لاہور: پاکستان کرکٹ بورڈ نے نیا سنٹرل کنٹریکٹ جاری کردیا، شعیب ملک اور محمد حفیظ کو سینٹرل کنٹریکٹ جاری نہیں کیا گیا.

    تفصیلات کے مطابق پاکستان کرکٹ بورڈ نے سال 20-2019 کے لیے 19 کھلاڑیوں کو سینٹرل کنٹریکٹ دیا ہے جس میں کپتان سرفرازاحمد، بابر اعظم اور یاسر شاہ کو اے کٹیگری میں رکھا گیا ہے۔ پی سی بی نے اظہر علی کو اے سے بی کٹیگری اور ٹیسٹ کرکٹ چھوڑنے والے محمد عامر کی تنزلی سی کیٹیگری میں کر دی ہے۔ جبکہ شعیب ملک اور محمد حفیظ کو سینٹرل کنٹریکٹ جاری نہیں کیا گیا جس سے ان دونوں کا کیرئر خطرے میں پڑ گیا ہے. اس حوالے سے پی سی بی کا کہنا ہے کہ دو سابق کپتانوں محمد حفیظ اور شعیب ملک کو سینٹرل کنٹریکٹ جاری نہیں کیا گیا تاہم دونوں کھلاڑی قومی کرکٹ ٹیم کی سلیکشن کے لیے دستیاب ہوں گے۔

    واضح رہے کہ پی سی بی نے گذشتہ سال 33 کھلاڑیوں کو سینٹرل کنٹریکٹ دیے تھے مگر اس سال ان کی تعداد میں نمایاں کمی کی گئی۔ نیا سینٹرل کنٹریکٹ یکم جولائی 2019 سے 30 جون 2020 تک نافذ العمل ہوگا۔

  • اب زمبابوے کبھی بھی کرکٹ نہیں کھیل سکے گا؟

    اب زمبابوے کبھی بھی کرکٹ نہیں کھیل سکے گا؟

    دبئی (اے پی پی) نائیجیریا اور نمیبیا کی ٹیمیں زمبابوین ٹیموں کی جگہ مینز اینڈ ویمنز ورلڈ ٹی ٹونٹی کوالیفائرز ٹورنامنٹ میں شرکت کریں گی.

    تفصیلات کے مطابق نائیجیریا اور نمیبیا کی ٹیمیں زمبابوین ٹیموں کی جگہ رواں سال شیڈول مینز اینڈ ویمنز ورلڈ ٹی ٹونٹی کوالیفائرز ٹورنامنٹ میں شرکت کریں گی۔ انٹرنیشنل کرکٹ کونسل نے حکومتی مداخلت پر زمبابوے کرکٹ کو معطل کر دیا تھا جس کی وجہ سے زمبابوے کی مینز اینڈ ویمنز ٹیمیں ورلڈ ٹی ٹونٹی کوالیفائرز ٹورنامنٹس میں شرکت سے محروم ہو گئی تھیں۔ نائیجیرین ٹیم کی مینز ورلڈ ٹی ٹونٹی کوالیفائر ٹورنامنٹ میں شمولیت کے بعد افریقن ٹیموں کی تعداد تین ہو گئی ہے۔ کینیا اور نمیبیا پہلے ہی ایونٹ کا حصہ ہیں۔ ٹورنامنٹ یو اے ای میں کھیلا جائے گا۔

    اسی طرح نمیبیا کی ٹیم کو ویمنز ٹی ٹونٹی کوالیفائر ٹورنامنٹ کا حصہ بنا لیا گیا ہے۔ ٹورنامنٹ سکاٹ لینڈمیں کھیلا جائے گا۔

  • پاکستان بمقابلہ سری لنکا، میچز کب اور کہاں؟ فیصلہ ہوگیا

    پاکستان بمقابلہ سری لنکا، میچز کب اور کہاں؟ فیصلہ ہوگیا

    لاہور: پاکستان اور سری لنکا ٹیسٹ سیریز کی تاریخیں سامنے آگئیں.

    تفصیلات کے مطابق پی سی بی نے سری لنکن کرکٹ بورڈ کو ٹیسٹ سیریز کیلئے تاریخیں دے دیں۔ پاکستان کرکٹ بورڈ نے سری لنکا کو 2 ٹیسٹ میچز لاہور اور کراچی میں کھیلنے کی پیشکش کی ہے جس کے انتظامات کا جائزہ لینے کے لیے سری لنکا کا سیکیورٹی وفد بھی پاکستان میں موجود ہے۔ ذرائع کے مطابق پی سی بی نے دونوں ٹیسٹ میچز کی تاریخیں سری لنکا کرکٹ کو دی ہیں جس کے تحت پہلا ٹیسٹ کراچی میں یکم سے 5 اکتوبر تک کھیلنے جبکہ لاہور میں دوسرا ٹیسٹ 9 سے 13 اکتوبر تک قذافی اسٹیڈیم لاہور میں کھیلنے کی تجویز دی گئی ہے۔ ذرائع کا کہنا ہے کہ اس سلسلے میں سری لنکن ٹیم کراچی ٹیسٹ سے تین روز قبل پاکستان آئے گی.

    واضح رہے کہ سری لنکا کی کرکٹ ٹیم ایک ٹی ٹونٹی میچ کھیلنے 2 سال قبل لاہور آچکی ہے.

  • سینئر ترین کرکٹر نے ریٹائرمنٹ کا اعلان کردیا

    سینئر ترین کرکٹر نے ریٹائرمنٹ کا اعلان کردیا

    جوہانسبرگ: مایہ ناز اوپننگ بلےباز ہاشم آملہ انٹرنیشنل کرکٹ سے ریٹائر ہوگئے۔

    میڈیا رپورٹس کے مطابق دائیں ہاتھ کے اوپننگ بیٹسمین ہاشم آملہ نے انٹرنیشنل کرکٹ کے تینوں فارمیٹ سے ریٹائر ہونے کا اعلان کیا ہے۔ ہاشم آملہ ڈومیسٹک کرکٹ سمیت مختلف کرکٹ لیگ کھیلتے رہیں گے۔ یاد رہے کہ ہاشم آملہ نے 28 نومبر 2004 کو بھارت کیخلاف ٹیسٹ ڈیبیو کیا، انہوں نے 124 ٹیسٹ میچز میں 46.64 کی اوسط سے 9282 رنز بنائے جن میں 28 سنچریاں اور 41 نصف سنچریاں شامل ہیں۔ ٹیسٹ کرکٹ میں ان کا بہترین اسکور 311 رنز ہے۔ آملہ نے ون ڈے کیریئر کا آغاز 2008 میں بنگلہ دیش کیخلاف کیا، 181 ون ڈے میچز میں انہوں نے 27 سنچریوں اور 39 نصف سنچریوں کی مدد سے 8113 رنز بنائے۔

    دوسری جانب جنوبی افریقی بالر ڈیل اسٹین نے بھی ٹیسٹ کرکٹ سے ریٹائرمنٹ کا اعلان کردیا ہوا ہے.

  • کراچی کو بڑے ایونٹ کی میزبانی مل گئی

    کراچی کو بڑے ایونٹ کی میزبانی مل گئی

    اسلام آباد (اے پی پی) 10 ویں کلیگن جونیئر گرلز تھروبال چیمپئن شپ 17 ستمبر سے شروع ہوگی.

    پاکستان تھروبال فیڈریشن کے زیراہتمام اور سندھ تھروبال ایسوسی ایشن کے تعاون سے 10ویں کلیگن جونیئر گرلز تھروبال چیمپئن شپ 17 ستمبر سے سٹی سکول (پی اے ایف چپٹر)کراچی میں شروع ہوگی۔ پاکستان تھروبال فیڈریشن کے سیکرٹری مقبول آرائیں نے بتایا کہ چیمپئن شپ کی تیاریاں ابھی سے شروع کر دی گئیں ہیں۔ چیمپئن شپ میں سکول، کالجز اور یونیورسٹی کی ٹیمیں حصہ لیں گی۔ انہوں نے کہا کہ چیمپئن شپ میں شرکت کی خواہش رکھنے والی ٹیموں کے عہدیدار اپنی اپنی ٹیموں کے ناموں کا اندراج 5 ستمبر سے قبل پاکستان تھروبال فیڈریشن آفس میں کرواسکتے ہیں۔ انہوں نے کہا کہ چیمپئن شپ میں 45 سو روپے انٹری فیس جبکہ 5 ہزار روپے پروٹیسٹ فیس مقرر کی گئی ہے۔ پروٹیسٹ کرنے والی ٹیم میچ کے ختم ہونے کے ایک گھنٹہ کے اندر پروٹیسٹ فیس کے ہمراہ اپنے اعتراض کے ساتھ درخواست جمع کر سکتی ہے۔

    انہوں نے کہا کہ ہر ٹیم 12 کھلاڑیوں اور دو آفیشلز پر مشتمل ہوگی اور میچ کے وقت کھلاڑیوں کو سکول کارڈ اور ‘ ب’ فارم اپنے ہمراہ لانا ضروری ہوگا۔ انہوں نے کہا کہ فائنل میچز 21 ستمبر کو کھیلے جائیں گے جس کے اختتام پر چیمپئن شپ میں پہلی، دوسری اور تیسری پوزیشن حاصل کرنے والی ٹیمیں میں نقد انعامات، ٹرافیاں، میڈلز اور اسناد تقسیم کی جائیں گی۔ مقبول آرائیں نے کہا کہ چیمپئن شپ پہلی اور دوسری پوزیشن پر آنے والی ٹیموں کو انٹرنیشنل ایونٹس اور ایشین تھروبال چیمپئن شپ میں شرکت کا موقع بھی فراہم کیا جائے گا۔

  • پی سی بی کا شعیب ملک سے متعلق ایسا اعلان کہ ثانیہ مرزا بھی پریشان ہو گئیں، اہم خبر

    پی سی بی کا شعیب ملک سے متعلق ایسا اعلان کہ ثانیہ مرزا بھی پریشان ہو گئیں، اہم خبر

    پی سی بی نے کرکٹ سیزن 2019-20 کیلئے نئے سینٹرل کنٹریکٹ کا اعلان کیا ہے جس میں شعیب ملک اور محمد حفیظ جیسے بعض سینئر کھلاڑیوں کو بھی فارغ کر دیا گیا ہے، مذکورہ دونوں کھلاڑیوں‌ کو سینٹرل کنٹریکٹ تو نہیں دیا گیا تاہم وہ سلیکشن کیلئے دستیاب رہیں گے،

    باغی ٹی وی کی رپورٹ کے مطابق نیا سینٹر کنٹریکٹ 30 جون 2020 تک کیلئے ہے، حالیہ کنٹریکٹ‌ کے مطابق کھلاڑیوں کے معاوضہ میں نمایاں‌ اضافہ کیا گیا ہے، سینٹرل کنٹریکٹ کے مطابق اے کیٹیگری میں سرفراز احمد، یاسر شاہ، بابر اعظم شامل ہیں، بی کیٹگری میں امام الحق، حارث‌ سہیل، اظہر علی، اسد شفیق، شاداب خان، محمد عباس، شاہین شاہ آفریدی، وہاب ریاض شامل ہیں جبکہ اسی طرح سی کیٹگری میں فخر زمان، عابد علی، حسن علی، عماد وسیم، محمد عامر، محمد رضوان، شان مسعود اور عثمان شنواری شامل ہیں،

    پی سی بی کی جانب سے کہا گیا ہے کہ پچھلے سال سینٹرل کنٹریکٹ 33 کھلاڑیوں کو دیا گیا تھا جبکہ رواں برس 19 کھلاڑیوں‌ کو جاری کیا گیا ہے، یہ کنٹریکٹ پچھلے ایک سال میں کھلاڑیوں کی کارکردگی اور فٹنس کو دیکھتے ہوئے جاری کیا گیا ہے،

    ایم ڈی پی سی بی نے کہا کہ ہم نے نئے سنٹرل کنٹریکٹ میں شامل کھلاڑیوں کے معاوضوں میں نمایاں اضافہ کیا گیا ہے، پی سی بی نے اظہر علی کو اے سے بی کٹیگری اور ٹیسٹ کرکٹ چھوڑنے والے محمد عامر کی تنزلی سی کیٹیگری میں کر دی ہے۔
    انہوں نے کہا کہ ہم نے سنٹرل کنٹریکٹ کے حصول کے لیے معیار بلند کیا ہے، انہوں نے کہا کہ پراعتماد ہیں کہ سنٹرل کنٹریکٹ میں شامل کھلاڑی اپنی کارکردگی سے ہمیں اپنے اہداف حاصل کرنے میں مدد دیں گے،

    واضح‌رہے کہ ورلڈ کپ کے بعد پی سی بی نے کرکٹ بورڈ میں کئی تبدیلیاں کی ہیں . اس سے قبل کوچز کے کنٹریکٹ کی توسیع نہیں کی.

  • سری لنکن ٹیم لاہور پہنچ گئی، شائقین خوشی سے نہال

    سری لنکن ٹیم لاہور پہنچ گئی، شائقین خوشی سے نہال

    لاہور: سری لنکن سیکیورٹی وفد کی ٹیم لاہور پہنچ گئی. سیکیورٹی ٹیم نے قذافی اسٹیڈیم میں انتظامات کا جائزہ لیا.

    تفصیلات کے مطابق وفد نے قذافی اسٹیڈیم میں سیکیورٹی انتظامات کا جائزہ لیا، پی سی بی حکام بھی سری لنکن وفد کے ہمراہ ہیں، وفد کی سربراہی سری لنکن بورڈ کے سیکریٹری موہن ڈی سلوا کر رہے ہیں. پی سی بی حکام انتظامات کےحوالےسےآفیشلرزکو بریفنگ دےرہےہیں. اس حوالے سے ذرائع کا کہنا ہے کہ سیکیورٹی وفد کو ائیرپورٹ سے ہوٹل اور ہوٹل سے قذافی اسٹیڈیم تک سیکیورٹی پلان انتظامات کا بھی بتایا جائے گا.

    واضح رہے کہ اس سے قبل سیکیورٹی وفد نے کراچی میں نیشنل اسٹیڈیم کا دورہ کیا اور انتظامات پر خوشی کا اظہار کیا. اگر سیکیورٹی وفد انتظامات سے اطمینان کا اظہار کرتا ہے تو سری لنکن ٹیم 2 ٹیسٹ‌ میچز کھیلنے پاکستان آئے گی.

  • انگلش کرکٹ ٹیم نے بڑا فیصلہ کرلیا

    انگلش کرکٹ ٹیم نے بڑا فیصلہ کرلیا

    لندن (اے پی پی) جوفرا آرچر اپنی عمدہ کارکردگی کی بدولت آسٹریلیا کے خلاف دوسرا ایشز ٹیسٹ کھیلنے کیلئے مضبوط امیدوار بن گئے.

    تفصیلات کے مطابق انگلش فاسٹ باﺅلر جوفرا آرچر عمدہ آل راﺅنڈ کارکردگی کا مظاہرہ کرنے پر آسٹریلیا کے خلاف جاری ایشز سیریز کا دوسرا ٹیسٹ میچ کھیلنے کیلئے مضبوط امیدوار بن گئے۔ انہوں نے سسکس سیکنڈ الیون کی طرف سے گلوسیسٹرشائر کے خلاف میچ میں 6 وکٹیں لیں اور شاندار سنچری سکور بھی کی۔ انگلینڈ اور آسٹریلیا کے درمیان دوسرا ٹیسٹ میچ 14 اگست سے شروع ہو گا۔

    میزبان ٹیم کو پہلے میچ میں شکست کا سامنا کرنا پڑا تھا اور دوسرے ٹیسٹ میچ میں اسے فاسٹ باﺅلر جیمز اینڈرسن کی بھی خدمات حاصل نہیں ہوں گی لیکن آرچر کی سیکنڈ الیون کرکٹ چیمپئن شپ میں شاندار پرفارمنس سے انگلش ٹیم کو کافی حوصلہ ملا ہے اور قوی امکانات ہیں کہ انہیں دوسرے ایشز ٹیسٹ کیلئے ٹیم کا حصہ بنا لیا جائے گا۔

  • اینڈے مرے کا کیرئر شدید خطرے میں

    اینڈے مرے کا کیرئر شدید خطرے میں

    ٹورنٹو (اے پی پی) اینڈی مرے کو راجرز کپ ٹینس مینز ڈبلز پری کوارٹر فائنل میں شکست کا سامنا کرنا پڑگیا.

    تفصیلات کے مطابق برطانوی ٹینس سٹار اور اولمپک چیمپئن اینڈی مرے اور ان کے ہسپانوی جوڑی دار فیلسیانو لوپز کا راجرز کپ ٹینس ٹورنامنٹ مینز ڈبلز پری کوارٹر فائنل میں قصہ تمام ہوگیا۔ انکو پری کوارٹر فائنل راﺅنڈ میچ میں فابریس مارٹن اور جریمی شارڈے پر مشتمل فرانسیسی جوڑی نے شکست دیکر ایونٹ سے باہر کر دیا۔ کینیڈا میں جاری ایونٹ میں کھیلے گئے مینز ڈبلز پری کوارٹر فائنل میچ میں فابریس مارٹن اور جریمی شارڈے پر مشمتل فرانسیسی جوڑی نے سخت مقابلے کے بعد برطانوی کھلاڑی اینڈی مرے اور ان کے سپینش جوڑی دار فیلسیانو لوپز کو 2-6، 6-3 اور 11-8 سے شکست دے کر کوارٹر فائنل کیلئے کوالیفائی کر لیا۔