Category: کھیل

لاہور : وقار یونس نے پی سی بی میں کرکٹ کوچ بننے کی درخواست جمع کراکے پاکستان کرکٹ ٹیم کی کوچنگ کی دوڑ میں شامل ہوگئے۔ذرائع کے مطابق قومی ٹیم کے بولنگ کوچ کیلئے درخواست دینے والے وقار یونس اب تک کے ہائی پروفائل کوچ ہیں۔

ذرائع کے مطابق وقار یونس دو مرتبہ پاکستان ٹیم کے ہیڈ کوچ رہ چکے ہیں، وقار یونس آخری مرتبہ مئی 2104 سے اپریل 2016 تک ہیڈ کوچ رہے۔
اس کے علاوہ وقار یونس دو مرتبہ پاکستان کرکٹ ٹیم کے بولنگ کوچ کے عہدے پر بھی فائز رہ چکے ہیں۔یاد رہے کہ پاکستان کرکٹ بورڈ نے کوچنگ اسٹاف کیلئے درخواستیں طلب کی ہوئی ہیں،درخواستیں جمع کرانے کی آخری تاریخ 26 اگست ہے۔

اسلام آباد : پاکستان اور بھارت کے درمیان حالات مزید کشیدہ ہوگئے ، اطلاعات کے مطابق انٹرنیشنل ٹینس فیڈریشن (آئی ٹی ایف) نے اگلے ماہ اسلام آباد میں ہونے والی پاکستان اور بھارت کے درمیان ڈیوس کپ ٹائی کو نومبر تک ملتوی کردیا۔

ذرائع کے مطابق پاکستان میں موجودہ صورتحال کو مدظر رکھتے ہوئے آزاد سیکیورٹی ماہرین کی رپورٹ کی بنیاد پر ڈیوس کپ کمیٹی نے پاک بھارت ڈیوس کپ ٹائی کو ملتوی کرنے کا فیصلہ کیا ہے۔ڈیوس کپ کمیٹی نے صورتحال کو غیر معمولی قرار دیا اور کہا کہ ٹائی کو نومبر تک ملتوی کیا جاتا ہے، نئی تاریخ کا اعلان 9 ستمبر تک کردیا جائے گا۔

لاہور : چیئر مین پاکستان کرکٹ بورڈ کے اخراجات کی تفصیل منظر عام پر آگئیں، اطلاعات کے مطابق پاکستان کرکٹ بورڈ نے ایک سال میں چئیرمین پی سی بی اور گورننگ بورڈ کے اخراجات کی تفصیلات جاری کردیں۔

پاکستان کرکٹ بورڈ کی طرف سے جاری کی گئی دستاویزات کے مطابق چیئرمین پاکستان کرکٹ بورڈ احسان مانی نے رہائش کی مد میں 26 لاکھ روپے سے زائد خرچ کیے، گاڑی اور ڈرائیور کی مد میں 7 لاکھ 72 ہزار 970 روپے سے زائد خرچ ہوئے۔ غیرملکی دوروں پر 50 لاکھ روپے سے زائد رقم خرچ کی گئی جبکہ چیئرمین پی سی بی کی اہلیہ کے غیر ملکی دوروں پر 3 لاکھ 30 ہزار خرچ ہوئے۔

دوسری جانب چیئرمین پی سی بی احسان مانی کی زیر صدارت ہونے والی گورننگ بورڈ کے پانچ اجلاسوں پر 45 لاکھ سے زائد خرچ کیے گئے۔ 9 لاکھ 80ہزار سے زائد رقم صرف میٹنگ الاؤنس جبکہ 9 لاکھ 30 ہزار روپے سے زائد رقم ڈیلی الاؤنس کی مد میں خرچ ہوئی۔کرکٹ بورڈ کی طرف سے اخراجات کی تفصیلات آنے کے بعد سوشل میڈیا چیئر مین بورڈ اور دیگر مینجمنٹ کے بارے میں سخت تنقید سامنے آرہی ہے

لاہور : سب کھلاڑی ہی اچھے ہیں ، ٹیسٹ ٹیم میں مصباح الحق اور یونس خان کا خلا پر نہیں کیا جاسکا۔ ٹیم کے سینئر بلے باز اسد شفیق کی باغی ٹی وی سے گفتگو ، اسد شفیق نے اپنے مکتب کے حوالے سے گفتگو کرتے ہوئے کہا کہ کپتان بنانا بورڈ کا کام قومي کرکٹ ہے اکیڈمی اور قذافی اسٹیڈیم میں جاری قومی کرکٹ ٹیم کے کنڈیشنگ کیمپ میں کھلاڑیوں کی فٹنس کو بہتر بنانے پر خصوصی توجہ دی جارہی ہے

قذافی اسٹیڈیم میں منعقد کیمپ کے حوالے سے میڈیا سے گفتگو کرتے ہوئے ٹیم کے سینئر رکن اور بلے باز اسد شفیق کا کہنا تھا کہ کنڈیشنگ کیمپ اپنی فٹنس کو جانچنے کےلیے اہم ہوتا ہے ۔ ٹیسٹ کرکٹ کی کمی سے مشکلات ہوتی ہیں لیکن کوشش کرتا ہوں ڈومیسٹک کرکٹ کھیلتا رہوں مصباح الحق اور یونس خان کے جانے سے تمام ذمہ داری اظہر علی اور مجھ پر ہے ، اسد شفیق نے اپنے ساتھیوں سے متعلق حسن ظن رکھتے ہوئے کہا کہ حارث سہیل، امام الحق اور بابر اعظم بھي بہترین کھلاڑی ہیں۔ اسد شفیق کا کہنا تھا کہ تمام کھلاڑی ہی اچھے اور اچھا کھیلتے ہیں‌،

مڈل آرڈر بلے باز کا کہنا تھا کہ ہر کھلاڑی ٹيم کي قيادت کے لئے تیار ہوتا ہے تاہم کپتان بنانا بورڈ کا کام ہے ۔ ابھی سرفراز احمد ہمارا کپتان ہے اور ہم اس کو سپورٹ کرتے ہيں۔ اسد شفیق کا کہنا تھا کہ مصباح الحق کی کیمپ میں موجودگی نوجوان کھلاڑیوں کے پاس سیکھنے کا بہترین موقع ہے،اگر ٹیسٹ کرکٹ زیادہ ہو تو پرفارمنس اور بہتر ہوگی۔