Baaghi TV

Category: کھیل

  • سب کی چھٹی ، کرکٹ بورڈ کے چیئرمین نے ایسا کیوں کیا ؟ جانیئے

    سب کی چھٹی ، کرکٹ بورڈ کے چیئرمین نے ایسا کیوں کیا ؟ جانیئے

    لاہور:پاکستان کرکٹ بورڈ کے اہم فیصلوں کا تسلسل جاری اور چیئرمین احسان مانی نے پاکستان کرکٹ ٹیم کا پورا کوچنگ اسٹاف فارغ کردیا گیا،دوسری طرف چیئرمین پی سی بی کا ہیڈکوچ مکی آرتھر، بیٹنگ کوچ گرانٹ فلاور، بولنگ کوچ اظہر محمود اور ٹرینر گرانٹ لڈن کے کنٹریکٹ میں توسیع نہ کرنے کا فیصلہ کیا ہے۔

    ذرائع کے مطابق اس سلسلے میں چیئرمین پی سی بی احسان مانی نے کرکٹ کمیٹی کی سفارشات منظورکرلیں۔ ہیڈ کوچ مکی آرتھر، بیٹنگ کوچ گرانٹ فلاور، بولنگ کوچ اظہر محمود اور ٹرینر گرانٹ لڈن کےکنٹریکٹ میں توسیع نہ کرنے کا فیصلہ کیا گیا ہے۔ کرکٹ کمیٹی ارکین نے قومی کرکٹ ٹیم کے کوچنگ اسٹاف کے کنٹریکٹ میں توسیع نہ کرنے کا متفقہ فیصلہ کیا۔

    پاکستان کرکٹ بورڈ کے ذرائع کے مطابق چند دنوں تک چاروں عہدوں پر نئی تعیناتیوں کے لیے پاکستان کرکٹ بورڈ اشتہار جلد جاری کرے گا۔ چیئرمین پی سی بی احسان مانی کوچز کی کارکردگی کا جائزہ لینے والی کرکٹ کمیٹی تجربہ کار اراکین پر مشتمل ہے، احسان مانی نےکہا کہ تمام کوچز کے مستقبل کے لیے نیک تمناؤں کا اظہار کرتا ہوں، پاکستان کرکٹ بورڈ قومی کرکٹ کی بہتری کے لیے فیصلے کرتا رہے گا۔

  • پی ایس ایل کے کتنے میچز پاکستان میں ہوں گے؟ حتمی فیصلہ کرلیا گیا

    پی ایس ایل کے کتنے میچز پاکستان میں ہوں گے؟ حتمی فیصلہ کرلیا گیا

    کراچی: پاکستان سپر لیگ کے تمام میچز پاکستان میں‌ کروانے کا حتمی فیصلہ ہوگیا.

    تفصیلات کے مطابق پی سی بی نے تمام فرینچائز کو پوری پاکستان سپر لیگ پاکستان میں کروانے کیلئے رضامند کرلیا. تازہ ترین رپورٹ کے مطابق تمام فرینچائز راضی ہوگئی ہیں کہ پی ایس ایل کے تمام میچز پاکستان میں ہی کروائیں جائیں گے. پاکستان سپر لیگ 2020 کے 13 میچز لاہور، 9 میچز کراچی، 8 راولپنڈی جبکہ ملتان میں 4 میچز کھیلے جائیں گے. اس حوالے سے افتتاحی تقریب کراچی میں کروائی جائے گی جبکہ پلے آف سمیت فائنل لاہور میں کروانے کی تجویز زیر غور ہے. ذرائع کا کہنا ہے کہ ٹورنامنٹ کا افتتاحی میچ لاہور قلندرز اور کراچی کنگز کے درمیان کھیلا جائے لیکن ابھی حتمی فیصلہ ہونا باقی ہے.

    یاد رہے کہ تمام فرینچائز پہلے پوری پی ایس ایل کروانے کے حق میں نہیں تھی ان کا موقف تھا کہ پی ایس ایل کے پورے میچز نہیں بلکہ آدھی پی ایس ایل پاکستان میں کروائی جائے کیونکہ اگر پوری پی ایس ایل پاکستان میں کروائی جاتی ہے تو انٹرنیشنل پلیئرز پاکستان آنے سے انکار کردیں گے. تاہم اب تمام فرینچائز متفق ہیں کہ پورا پی ایس ایل پاکستان میں کروایا جائے.

  • شرجیل خان اب دوبارہ کھیلتے نظر آئیں گے، بڑی خبر آگئی

    شرجیل خان اب دوبارہ کھیلتے نظر آئیں گے، بڑی خبر آگئی

    لاہور: اسپاٹ فکسنف میں سزایافتہ پاکستانی بلےباز شرجیل خان نے کرکٹ میدانوں میں دوبارہ کھیلنےکیلئے پی سی بی کو خط لکھ دیا.

    تفصیلات کے مطابق شرجیل خان نے بحالی پروگرام میں شرکت کیلئے پاکستان کرکٹ بورڈ کو خط لکھا ہے. شرجیل خان کو واپس کرکٹ میدانوں میں کھیلنے کیلئے پی سی بی کے بحالی پروگرام میں شرکت کرنا لازمی ہے. سپاٹ فکسنگ کیس میں سزا یافتہ شرجیل خان پر پابندی کی مدت 10 اگست کو ختم ہو رہی ہے، اوپنر پر ڈھائی سال معطل سمیت 5 سال کی پابندی عائد کی گئی تھی، بہتر رویہ کی وجہ سے معطل سزا کا اطلاق نہیں ہوا۔ دوسری جانب شرجیل خان کو بحالی پروگرام میں اپنی غلطی کا اعتراف کرنے کے ساتھ پی سی بی اینٹی کرپشن یونٹ کے تحت پروگراموں میں نوجوان کرکٹرز کو فکسنگ سے بچاؤ کیلئے لیکچر بھی دینا ہوں گے۔

    یاد رہے کہ شرجیل خان نے پاکستان سپر لیگ کے دوسرے ایڈیشن میں اسپاٹ فکسنگ کی تھی جس کے بعد انہیں سزا دی گئی، تاہم اب وہ دوبارہ کرکٹ میدانوں میں کھیلنا چا رہے ہیں جس کیلے انہوں نے پی سی بی کو خط بھی لکھا ہے.

  • اب تھرکی جمنا اور دیوی پاکستان کی قیادت کریں گی

    اب تھرکی جمنا اور دیوی پاکستان کی قیادت کریں گی

    تھر:قدرت تھر کے ریگستانوں میں بسنے والوں پر مہربان ہوگئی اب تھر کی ننھی فٹبالر جمنا اور دیوی چین میں پاکستان کی نمائندگی کرینگی،پاکستان کے جنوبی صوبہ سندھ میں تھر کے پسماندہ ترین علاقے کی فٹبالر بچیاں چین میں گوتھیائی فٹبال ورلڈ کپ کے لئے منتخب ہوگئی ہیں۔ دس سالہ جمنا اور دیوی قومی فٹبال ٹیم کا حصہ بنی ہیں۔

    ذرائع کےمطابق تھر کے گائوں ابن جو تڑ کی رہائشی یہ دس سالہ بچی جمنا بھیل نے تھر فاؤنڈیشن کے اسکول میں تعلیم کے ساتھ ساتھ فٹبال کھیلنا شروع کی اسکی ہم عمر اور ہم جماعت دیوی میگھواڑ بھی اس کھیل میں اسکے شانہ بشانہ رہی اور اپنے کھیل کی بدولت وہ دونوں اس کھیل میں ممتاز ہوگئیں۔

    جمنا اور دیوی کے کھیل کو دیکھتے ہوئے انہیں چین کے صوبے کنگ دائو میں دس اگست سےہونے والے گوتھیائی ورلڈکپ میں شرکت کریں گی اور وہ قومی ٹیم میں شامل ہوکر ٹورنامنٹ کھیلنے چین جائیں گی۔علاقے کے لوگوں کا کہنا ہےکہ کم عمری میں گوتھیائی ورلڈ کپ میں ان معصوم بچیوں کا انتخاب نہ صرف اہل خانہ بلکہ علاقہ کے لئے بھی قابل فخر ہے۔

  • پاکستانی میدان آباد ہونے کو، 10 سال بعد ٹیسٹ میچ پاکستانی سرزمین پر

    پاکستانی میدان آباد ہونے کو، 10 سال بعد ٹیسٹ میچ پاکستانی سرزمین پر

    کراچی: سری لنکن کرکٹ بورڈ کا سیکیورٹی وفد انتظامات کا جائزہ لینے کراچی پہنچ گیا.

    تفصیلات کے مطابق سری لنکن کرکٹ بورڈ کا سیکیورٹی وفد سیکیورٹی کا جائزہ لینے کراچی پہنچ گیا. ذرائع کے مطابق سیکیورٹی وفد کو ائیرپورٹ سے ہوٹل اور ہوٹل سے نیشنل اسٹیڈیم تک سیکیورٹی پلان انتظامات کا بتایا جائے گا، اس حوالے سے سیکیورٹی کے سخت انتظامات کیے گئے ہیں، جبکہ ذرائع کا اس حوالے سے کہنا ہے کہ سیکیورٹی معاملات پر وفد کو مطمئن کرنے کی بھرپور کوشش کی جائے گی. یاد رہے کہ پاکستان اور سری لنکا کے درماین 2 ٹیسٹ میچز کی سیریز ستمبر اکتوبر میں شیڈیول ہے جس کی میزبانی پاکستان کو کرنی ہے، پاکستان کرکٹ بورڈ کی پوری خواہش ہے کہ یہ ٹیسٹ میچز پاکستان میں ہوجائیں، جبکہ شائقین بھی پر امید ہیں کہ سری لنکا کی کرکٹ ٹیم ٹیسٹ میچ کھیلنے ضرور پاکستان آئے گی.

    واضح رہے کہ پاکستان کی سر زمین پر آخری ٹیسٹ میچ 2009 میں سری لنکا کیخلاف ہی ہوا تھا جہاں سری لنکن کرکٹ ٹیم پر لاہور میں حملہ ہوگیا تھا اس کے بعد سے ہی پاکستان میں کرکٹ کے دروازے بند ہیں.

  • پولارڈ کو زندگی کا سب سے بڑا دھچکہ، ایسی خبر کہ یقین کرنا مشکل ہوگیا

    پولارڈ کو زندگی کا سب سے بڑا دھچکہ، ایسی خبر کہ یقین کرنا مشکل ہوگیا

    لاڈرہل (اے پی پی) انٹرنیشنل کرکٹ کونسل (آئی سی سی) نے ضابطہ اخلاق کی خلاف ورزی کرنے پر ویسٹ انڈین آل راﺅنڈر کیرن پولارڈ پر میچ فیس کا 20 فیصد جرمانہ عائد کر دیا.

    تفصیلات کے مطابق آئی سی سی نے ضابطہ اخلاق کی خلاف ورزی پر پولارڈ پر میچ فیس کا 20 فیصد جرمانہ عائد کر دیا اور ان کے کھاتے میں ایک ڈی میرٹ پوائنٹ بھی شامل کر لیا۔ آئی سی سی کی طرف سے جاری کردہ بیان کے مطابق ویسٹ انڈیز اور بھارت کے درمیان کھیلے گئے دوسرے ٹی ٹونٹی انٹرنیشنل میچ میں پولارڈ نے ایمپائرز سے اپنی جگہ متبادل کھلاڑی کو فیلڈنگ کیلئے بلانے کا مطالبہ کیا تو ایمپائرز نے انہیں اگلا اوور ختم ہونے تک انتظار کرنے کا کہا لیکن پولارڈ نے تھوڑی دیر بعد پھر اسی بات کو دوہرایا تو ایمپائرز نے انہیں پھر انتظار کرنے کا کہا تاہم پولارڈ نے ایمپائرز کی ہدایات کی حکم عدولی کی اور فیلڈ چھوڑ کر چلے گئے۔ آئی سی سی نے واقع کا نوٹس لیتے ہوئے پولارڈ کو ضابطہ اخلاق کی خلاف ورزی کا مرتکب ٹھہراتے ہوئے ان پر میچ فیس کا 20 فیصد جرمانہ عائد کر دیا اور ایک ڈی میرٹ پوائنٹ بھی انہیں دے دیا۔

  • مشہور ترین کرکٹر نے اچانک ریٹائرمنٹ کا اعلان کردیا، مداح افسردہ

    مشہور ترین کرکٹر نے اچانک ریٹائرمنٹ کا اعلان کردیا، مداح افسردہ

    ٹورنٹو (اے پی پی) سابق کیوی کپتان برینڈن میک کولم نے تمام طرز کی کرکٹ سے ریٹائرمنٹ کا اعلان کردیا.

    تفصیلات کے مطابق نیوزی لینڈ ٹیم کے سابق کپتان اور مایہ ناز بلے باز برینڈن میک کولم نے انٹرنیشنل کرکٹ سے ریٹائرمنٹ کے چار سال بعد تمام طرز کی کرکٹ سے ریٹائرمنٹ کا اعلان کر دیا اور کہا کہ کینیڈا میں جاری گلوبل ٹی ٹونٹی لیگ ان کے کیریئر کا آخری ٹورنامنٹ ہے۔ میک کولم گلوبل ٹی ٹونٹی لیگ میں ٹورنٹو نیشنلز کی نمائندگی کر رہے ہیں۔ میک کولم نے تمام طرز کی کرکٹ سے ریٹائرمنٹ کا اعلان کرتے ہوئے کہا کہ 20 سالہ پروفیشنل کیریئر کے دوران جتنی کامیابیاں حاصل کیں مجھے ان پر فخر ہے، میں سمجھتا ہوں کہ یہ کرکٹ سے کنارہ کشی کا صحیح وقت ہے۔

    انہوں نے مزید کہا کہ گلوبل ٹی ٹونٹی لیگ میرے کیریئر کا آخری ٹورنامنٹ ہے اور اس کے بعد میں یورو ٹی ٹونٹی سلیم میں حصہ نہیں لوں گا۔ واضح رہے کہ میک کولم کا شمار ٹی ٹونٹی کرکٹ میں خطرناک بلے بازوں میں کیا جاتا ہے اور وہ زیادہ رنز بنانے والے بلے بازوں کی فہرست میں کرس گیل کے بعد دوسرے نمبر پر موجود ہیں، انہوں نے 9922 رنز بنا رکھے ہیں۔

  • جیمز اینڈرسن کا کیرئر شدید خطرے میں، اشیز سیریز کے دوران اچانک ایسی خبر آگئی جس نے نیا ہنگامہ برپا کردیا

    جیمز اینڈرسن کا کیرئر شدید خطرے میں، اشیز سیریز کے دوران اچانک ایسی خبر آگئی جس نے نیا ہنگامہ برپا کردیا

    ایجبیسٹن (اے پی پی) جیمز اینڈرسن فٹنس مسائل کے باعث آسٹریلیا کے خلاف دوسرے ایشز ٹیسٹ میچ سے باہر ہو گئے.

    تفصیلات کے مطابق سٹار انگلش فاسٹ باﺅلر جیمز اینڈرسن فٹنس مسائل کے باعث آسٹریلیا کے خلاف شیڈول دوسرے ایشز ٹیسٹ میچ سے باہر ہو گئے۔ وہ پہلے ٹیسٹ میچ کے پہلے روز پنڈلی کی انجری کا شکار ہوئے تھے اور صرف 4 اوورز ہی کرا سکے تھے۔ انگلینڈ اور آسٹریلیا کے درمیان دوسرا ایشز ٹیسٹ میچ 14 اگست سے شروع ہو گا اور کینگروز کو پانچ میچوں کی سیریز میں 1-0 کی برتری حاصل ہے۔ انگلینڈ اینڈ ویلز کرکٹ بورڈ کی طرف سے جاری کردہ بیان کے مطابق ایم آر آئی سکین کی رپورٹ سے معلوم ہوا ہے کہ ان کی انجری سنجیدہ نوعیت کی ہے اور انہیں انگلینڈ اور لنکاشائر میڈیکل ٹیموں کی نگرانی میں بحالی صحت کے عمل سے گزرنا ہو گا اسلئے وہ دوسرے ایشز ٹیسٹ میچ میں ٹیم کو دستیاب نہیں ہوں گے تاہم ہمیں پوری امید ہے کہ وہ تیسرے ٹیسٹ میچ سے قبل سو فیصد فٹ ہو جائیں گے۔

    واضح رہے کہ پانچ میچوں پر مشتمل اشیز سیریز کا پہلا ٹیسٹ میچ آسٹریلیا نے جیتا تھا.

  • پاکستان بمقابلہ سری لنکا، اچانک ایسی خبر آگئی کہ شائقین خوشی سے جھوم اٹھے

    پاکستان بمقابلہ سری لنکا، اچانک ایسی خبر آگئی کہ شائقین خوشی سے جھوم اٹھے

    اسلام آباد (اے پی پی) پاکستان ٹیم ایشین انڈر۔23 والی بال چیمپئن شپ میں بدھ کو سری لنکا کے خلاف نبردآزما ہوگی.

    تفصیلات کے مطابق پاکستان ٹیم ایشین انڈر۔23 والی بال چیمپئن شپ میں بدھ کو سری لنکا کے خلاف نبردآزما ہوگی جبکہ جمعرات کو آسٹریلیا کے خلاف میچ کھیلے گی۔ میانمار میں جاری ایشین چیمپئن شپ میں پاکستان ٹیم اپنے تین میچز جیت کر پہلے ہی کوارٹر فائنل مرحلے کےلئے کوالیفائی کر چکی ہے اور ٹیبل پر ٹاپ پوزیشن بھی حاصل کر چکی ہے۔ پاکستان نے اپنے پہلے میچ میں حریف ٹیم قطر کو 3-0 سے شکست دی، دوسرے میچ میں بحرین کے خلاف یکطرفہ مقابلے کے بعد 3-0 سے کامیابی حاصل کی جبکہ تیسرے میچ میں تائیوان کو 3-1 سے شکست دے کر اپنے گروپ میں ٹاپ پوزیشن حاصل کی۔ واضح رہے کہ چیمپئن شپ میں 16 ٹیمیں حصہ لے رہی ہیں جن کو چار گروپوں میں تقسیم کیا گیا۔ گروپ اے میں میزبان میانمار، سری لنکا، آسٹریلیا اور ہانگ کانگ، گروپ بی میں جاپان، قازقستان، سعودی عرب اور ویت نام، گروپ سی میں تائیوان، پاکستان ، قطر اور بحرین جبکہ گروپ ڈی میں تھائی لینڈ، چین، بھارت اور نیوزی لینڈ شامل ہیں۔

  • شاہد آفریدی کے کشمیر سے متعلق بیان پر بھارتی کھلاڑی آگ بگولہ ہو گئے، کیا بات ہوئی؟ اہم خبر

    شاہد آفریدی کے کشمیر سے متعلق بیان پر بھارتی کھلاڑی آگ بگولہ ہو گئے، کیا بات ہوئی؟ اہم خبر

    بھارت کی طرف سے جموں وکشمیر کی خصوصی حیثیت والی دفعات ختم کرنے پر ہندوستانی کھلاڑیوں نے بھی ہرزہ سرائی شروع کر دی ہے اور بھارتی ٹیم کے سابق اوپنر گوتم گھمبیر نے شاہد آفریدی کو مخاطب کرتے ہوئے کہا ہے کہ سب سے زیادہ انسانی حقوق کی خلاف ورزیاں پاکستانی آزاد کشمیر میں ہوتی ہیں،

    باغی ٹی وی کی رپورٹ کے مطابق پاکستان کے سابق کرکٹر شاہد آفریدی نے پیر کے روز اقوام متحدہ سے اس معاملہ میں مداخلت کرنے کا مطالبہ کیا تھا۔ شاہد آفریدی نے کہا تھا کہ’’ کشمیری عوام کواقوام متحدہ کی قراردادوں کے تحت ان کے حقوق دیئے جانے چاہئیں، اقوام متحدہ کو کیوں بنایا گیا ہے، کیا وہ سو رہا ہے؟ کشمیریوں کو اقوام متحدہ کی تجویزکے تحت ان کے حقوق دیئے جانے چاہئیں۔ جیسے ہم سب کے پاس آزادی کا حق ہے، ویسے ہی کشمیرمیں انسانیت کے خلاف جو بغیراکساوے کے جرم اور دخل اندازی کی جارہی ہے، اسے دیکھنا ضروری ہے‘‘۔

    شاہد آفریدی کے اس سوال پر بھارتی کھلاڑی بوکھلا اٹھے، ہندوانتہاپسند تنظیم بی جے پی کے رکن پارلیمنٹ اور سابق کرکٹر گوتم گمبھیر شاہد آفریدی کی بات کو تو جواب صحیح معنوں‌ میں‌ دلیل سے نہیں دے سکے البتہ انہوں نے غصے میں‌ آفریدی کو مخاطب کرتے ہوئے کہا ہے کہ آفریدی نے بالکل صحیح بات کہی ہے۔ انسانیت کے خلاف بغیر اکساوے کے جرم اور دخل اندازی ہو رہی ہے تاہم حقوق انسانی کی خلاف ورزی پاکستانی آزاد کشمیر میں ہو رہی ہے۔

    واضح‌ رہے کہ شاہد آفریدی اور گوتم گھمبیر میدان پر بھی کئی بار آپس میں الجھ چکے ہیں، گوتم گھمبیر انتہاپسند تنظیم بی جے پی کی طرف سے رکن پارلیمنٹ‌ ہیں، شاہد آفریدی نے ایک مرتبہ پہلے بھی ایک مرتبہ بیان دیتے ہوئے کہا تھا کہ گوتم گھمبھیر عقل سے عاری انسان ہیں،