Category: کھیل

جنوبی افریقہ کے باولر اور کرکٹ کی تاریخ میں عظیم باولروں میں سے ایک ڈیل اسٹین نے ٹیسٹ کرکٹ کو خیر باد کہہ دیا۔

اسٹین نے 93 ٹیسٹ میچز میں 9 43 وکٹیں حاصل کیں ۔ ان کا اسٹرائیک ریٹ 42.3 گیندیں فی وکٹ ہے جو 200 سے زیادہ ٹیسٹ وکٹوں کے ساتھ بہترین ہے۔

تاہم ، حالیہ برسوں میں اسٹین کا کیریئر چوٹ کی وجہ سے بہت زیادہ متاثر ہوا ، خاص طور پر کرکٹ ورلڈ کپ 2019 کے دوران وہ ایک بھی میچ نہیں کھیل سکے۔اسٹین نے کرکٹ میں زیادہ عرصہ گزارنے کے لیے کھیل کی ایک شکل سے علیحدہ ہونے کافیصلہ کیا ہے۔

اسٹین کے مطابق دوبارہ ٹیسٹ میچ کھیلنے پر غور کرنا خوفناک ہے۔ لہذا میں اپنے باقی کیریئر کے دوران ون ڈے اور ٹی ٹونٹی پر توجہ دوں گا تاکہ میں اپنی پوری صلاحیت کو زیادہ سے زیادہ بناو¿ں اور اس کھیل میں زیادہ عرصے تک رہ سکوں۔

کیپ ٹاﺅن (اے پی پی) ورلڈ کپ میں مایوس کن کارکردگی پر کرکٹ ساﺅتھ افریقہ نے ٹیم مینجمنٹ تحلیل کردی، ہیڈکوچ اوٹس گبسن کو بھی عہدے سے فارغ کردیا.

کرکٹ ساﺅتھ افریقہ نے ورلڈ کپ میں ٹیم کی مایوس کن کارکردگی کو پیش نظر رکھتے ہوئے پوری ٹیم مینجمنٹ کو تحلیل کرنے کے ساتھ ساتھ ہیڈکوچ اوٹس گبسن کو بھی عہدے سے فارغ کر دیا۔ حال ہی میں انگلینڈ میں منعقدہ آئی سی سی ون ڈے ورلڈ کپ میں جنوبی افریقن ٹیم کی کارکردگی انتہائی مایوس کن رہی تھی اور وہ 9 میں سے صرف 3 میچز جیت سکی تھی۔ کرکٹ ساﺅتھ افریقہ کی طرف سے جاری کردہ بیان کے مطابق ورلڈ کپ میں ٹیم کی بدترین کارکردگی کو پیش نظر رکھتے ہوئے پوری ٹیم مینجمنٹ کو تحلیل کرنے کے ساتھ ساتھ ہیڈکوچ اوٹس گبسن کو بھی ریلیز کر دیا گیا ہے۔

سی ایس اے حکام کا کہنا ہے کہ ہم فٹ بال سٹائل سٹرکچر بنانا چاہتے ہیں اور ایسا مینجر مقرر کریں گے جو خود اپنے کوچنگ سٹاف اور تینوں فارمیٹس کیلئے کپتانوں کا چناﺅ کر سکے گا۔ اس کے علاوہ میڈیکل سٹاف اور انتظامیہ بھی انہیں رپورٹ کرے گی۔

پي سي بي اور فرنچائز کے درميان پي ايس ايل کے تمام ميچيز پاکستان ميں کروانے پر اتفاق کرليا گيا ہے،

باغی ٹی وی کی رپورٹ کے مطابق قذافي سٹيڈيم ميں ہونے والي پی ایس ایل فرنچائز مالکان اور چئیرمین پی سی بی کے درمیان ملاقات ہوئي جس ميں فرنچائز مالکان نے لیگ کے پاکستان میں انعقاد ہر اپنے تحفظات سے چیئر مین کو آگاہ کيا۔ اس موقع پر چيرمين پي سي بي احسان ماني کا کہنا تھا کہ بورڈ حکام اور فرنچائز نمائندے مل کرغیر ملکی کھلاڑیوں کے پاکستان ميں کھيلنے پر تحفظات دور کرنے کی کوششیں کریں گے جبکہ غیر ملکی کھلاڑیوں کو پاکستان لانے کے لئے بورڈ حکام ان کے ایجنٹس کو بریفنگ بھي دیں گے اور بورڈ حکام کے ساتھ ساتھ فرنچائز نمائندے بھی کھلاڑیوں کو سیکیورٹی کی یقین دہانی کرائیں،

اس موقع پر پی ایس ایل کے فنانشل ماڈل پر بھی غور کیا گیا ۔ پي سي بي حکام نے فرينچائز مالکان کو پی ایس ایل گورننگ کونسل اجلاس کي تاريخ کا اعلان جلد کرنے پر اتفاق کيا۔ پي سي بي کے ايم ڈي نے بتايا کہ لیگ کے شیڈول کو گورننگ کو نسل اجلاس میں حتمی شکل دے دی جائے گی ۔ بورڈ حکام نے فرنچائز مالکان کے تحفظات دور کرنے کی یقین دہانی بھي کرواي ۔ بعد ازں چئیر مین پی سی نے فرنچائز مالکان کے اعزاز ميں ظہرانہ دیا

ایئرمارشل نورخان قومی ہاکی چیمپین شپ نیشنل بینک نے سوئی سدرن گیس کو پینلٹی شوٹ آؤٹس کی بنیاد پر 5-6 گول سے ہرا کرجیت لیا ہے،

باغی ٹی وی کی رپورٹ‌ کے مطابق عبدالستار ہاکي اسٹيڈيم ميں ہونے والے اس میچ کا آغاز تیز کھیل سے ہوا ، دونوں ٹیموں نے ایک دوسرے کی گول پوسٹ پر تابڑ توڑ حملے کیئے. پہلے کواٹرکے اختتام تک سکور برابر رہا، کھیل کے دوسرے کواٹر میں سوئی سدرن گیس کے مبشر علی نے پینلٹی کارنر پر تیزرفتار ڈریگ فلک کے ذریعہ گول سکور کرکے اپنی ٹیم کو برتری دلادی. کھیل کے آخری کواٹر میں نیشنل بینک کے کھلاڑی ارسلان قادر نے گول سکور کرکے اس برتری کا خاتمہ کردیا جو میچ کے اختتام تک 1-1 گول سے برابر رہی،

میچ کے اختتام پر پینلٹی شوٹ آؤٹس کی بنیاد پر نیشنل بینک نے پانچ پینلٹی شوٹ آؤٹس کامیابی سے لگائے جبکہ سوئی سدرن گیس نے ایک پینلٹی شوٹ آؤٹ خسارے کے ساتھ 4 شوٹ آؤٹس میں کامیابی حاصل کرسکی. تیسری پوزیشن کے میچ کے لئے واپڈا کلر اور واپڈا وائٹس کے مابین میچ کھیلا گیا. جو کہ واپڈا کلر نے 6-7 گو سے جیت لیا. نیشنل ہاکی چیمپین شپ کے فائینل کے مہمان خصوصی وزیر اعلیٰ سندھ سید مراد علی شاہ نے کھلاڑيوں ميں انعامات تقسيم کيے۔

تیسری انڈر 23 ایشین والی بال چیمپیئن شپ میں پاکستان ٹیم کی فتوحات کا سلسلہ جاری ہے۔ پاکستان ٹیم نے گروپ سی کے آخری لیگ میچ میں بھی چائینز تائپے کو تین ایک سے شکست دیدی ہے،

باغی ٹی وی کی رپورٹ کے مطابق میانمار میں جا رہی چیمپیئن شپ میں پاکستان اور چائینز تائپے ٹیموں کے درمیان میچ ہوا ۔ پاکستان ٹیم کو پہلے سی ٹمیں 20-25 سکور سے ناکامی کا سامنا کرنا پڑا تاہم پاکستان ٹیم کے کوچ نے دو تبدیلیاں کرتے ہوئے مراد خان اور عثمان فریاد کو فہد اور انور کی جگہ سکواڈ میں شامل کیا اور اگلے تینوں سیٹوں میں شاندار کھیل کا مظاہرہ کرتے ہوئے میچ میں کامیابی اپنے نام کی،

پاکستان ٹیم نے مسلسل تین میچوں میں کامیابی حاصل کر کے گروپ میں پہلی اور چائینز تائپے نے دوسری پوزیشن کے ساتھ کوارٹر فائنل میں جگہ بنائی۔ دونوں ٹیموں کا مقابلہ سری لنکا اور آسٹریلیا کی ٹیموں کے ساتھ ہوگا۔ میزبان میانمار اور ہانگ کانگ کی ٹیموں نے 8 سے 16 پوزیشن کے لیے کوالیفائی کر لیا۔ چیمپیئن شپ میں آج آرام کے دن کے بعد بدھ کو سری لنکا اور جمعرات کو آسٹریلیا کے خلاف میچ کھیلے گی۔ ان میچز کے بعد پاکستان ٹیم کے سیمی فائنل مرحلے تک پہنچنے کا فیصلہ ہوگا۔ پاکستان والی بال فیڈریشن کے چیئرمین چوہدری یعقوب کی جانب سے قومی ٹیم کے لیے ایک لاکھ روپے انعام کا اعلان کیا گیا۔