Category: کھیل

پاکستانی کرکٹ ٹیم کے فاسٹ باؤلر حسن علی کی شادی اسی ماہ کی 20 اگست کو ہونے والی ہے اور نکاح کی یہ تقریب دبئی میں ہو گی،

باغی ٹی وی کی رپورٹ کے مطابق حسن علی کی شادی کی خاص بات یہ ہے کہ وہ بھارتی لڑکی سامیہ آرزو سے شادی کر رہے ہیں اور اس میں انہوں نے بھارتی کرکٹ ٹیم کے تمام کھلاڑیوں کو شریک ہونے کیلئے دعوت دی ہے، بھارتی میڈیا میں شائع ہونے والی خبروں‌ میں کہا گیا ہے کہ حسن علی نے اگرچہ کسی ہندوستانی کھلاڑی کا نام نہیں‌ لیا لیکن ان کا کہنا ہے کہ ہندوستانی کھلاڑیوں کو اپنی شادی کا دعوت نامہ دینے میں انہیں کافی خوشی ہے، بھارتی میڈیا نے ہندوستانی ٹیم کے کھلاڑیوں‌ کو دعوت دیے جانے کی خبر تو دی ہے تاہم یہ نہیں بتایا کہ انڈیا کے کھلاڑی اس شادی میں شریک ہوں گے یا نہیں؟

بھارتی میڈیا نے حسن علی کے حوالہ سے کہا ہے کہ میں نے پوری ٹیم انڈیا کے کھلاڑیوں کو اپنی شادی کا دعوت نامہ دینا چاہا، ہم سب کرکٹ کھیلنے والے دوست ہیں ، مجھے اچھا لگے گا اگر ہندوستانی کرکٹرز میری شادی میں دبئی آئیں گے، ہمارا مقابلہ میدان میں ہوتا ہے نہ کہ باہر، آخر میں ہم سب پروفیشنل کھلاڑی ہیں، ہمیں خوشیاں بانٹنی چاہئیں،

واضح رہے کہ پاکستانی کرکٹر حسن علی سے میوات کی جس لڑکی کی شادی ہورہی ہے وہ ائیر امیرات میں فلائٹ انجینئر ہیں، سامیہ آرزو کی طرح میوات علاقہ کی کئی لڑکیوں کی شادی پاکستان میں ہوئی ہے ، لیکن ہائی پروفائل ہونے کی وجہ سے یہ رشتہ سرخیوں میں ہے، یہ بات بھی واضح رہے کہ حسن علی کی طرح شعیب ملک، محسن حسن خان اور دیگر بعض کھلاڑی بھی بھارتی لڑکیوں سے شادی کر چکے ہیں، شعیب ملک کی شادی بھارتی ٹینس سٹار ثانیہ مرزا سے ہوئی ہے اور ان کا ایک بچہ ہے،

پاکستانی فاسٹ بولر حسن علی نے بھارتی کرکٹ ٹیم کو اپنے نکاح میں شرکت کی دعوت دے دی۔

پاکستان کے چہیتے فاسٹ بولر حسن علی کا کہنا ہے کہ بھارتی پلیئرز ہمارے کرکٹ فیلو ہیں، میں تمام بھارتی کرکٹ ٹیم کو نکاح میں دعوت دینا چاہوں گا، مجھے بہت خوشی ہوگی اگر بھارتی ٹیم ان کے نکاح میں شریک ہوں گی۔

حسن علی نے کہا کہ اگر پاکستانی ٹیم میں سے کسی کو سربالا بنانا پڑے تو شاداب خان کو ان کا سربالا بنانا پسند کریں گے، شاداب 22 سال کا چھوٹا بچہ ہے اور میرا بہترین دوست ہے، وہ میرے نکاح میں میرا سربالا بنے اور بے شک سلامی کی تمام رقم خود ہی رکھ لے۔

حسن علی نے مزید گفتگو کرتے ہوئے کہا کہ اس کے علاوہ قومی ٹیم میں سے کسی اور کو گھوڑے پر بٹھانا پڑا تو فہیم اشرف ان کی ترجیح ہوں گے، ان کے دستیاب نہ ہونے پر ان کی ترجیح فخرزمان یا بابراعظم ہوں گے۔

واضح رہے کہ حسن علی کا نکاح 20 اگست کو دبئی میں ہو رہا ہے، حسن علی نے کہا کہ پہلے نکاح کی تاریخ 26 اگست رکھی گئی تھی لیکن میڈیا پہ بیس اگست بتائی گئی تو ہم نے نکاح کی تاریخ بیس اگست رکھ لی ہے. ان کی ہونے والی شریک حیات کا نام سامعہ ہے جو کہ غیر ملکی ایئرلائن میں فلائٹ انجینئر ہیں۔ شعیب ملک کے بعد حسن علی دوسرے پاکستانی کرکٹر ہیں جو بھارت کے داماد بننے جارہے ہیں۔

پاکستان ٹیم نے تیسری ایشین انڈر 23 والی بال چیمپیئن شپ کے کوارٹر فائنل کے لیے کوالیفائی کر لیا ہے،

باغی ٹی وی کی رپورٹ کے مطابق میانمار میں تین سے گیارہ اگست تک جاری رہنے والی چیمپیئن شپ میں پاکستان ٹیم نے بحرین کے خلاف تین صفر سے کامیابی اپنے نام کی، پاکستان ٹیم نے بحرین کے خلاف شاندار کارکردگی کا مظاہرہ کرتے ہوئے پہلے دونوں سیٹوں میں 25-21 سے کامیابی اپنے نام کی جبکہ تیسرے سیٹ میں پاکستان کی کامیابی کا سکور 25-15 رہا،

بحرین کی ٹیم نے بھی پاکستان کے خلاف اچھے کھیل کا مظاہرہ کرنے کی کوشش کی تاہم پاکستانی کھلاڑیوں کی جانب سے اچھی اٹیکنگ اور بلاکنگ کی وجہ سے قومی ٹیم کو کامیابی نصیب ہوئی۔ پاکستان ٹیم گروپ میں اپنا آخری لیگ میچ آج بروز پیر کو چائینز تائپے کے خلاف کھیلے گی۔

پاکستان کرکٹ بورڈ پی ایس ایل فائیو کے پاکستان میں انعقاد کے حوالے سے عملی اقدامات کا آغاز کردیا گیا ہے،

باغی ٹی وی کے ذرائع کے مطابق چیئر مین پی سی بی احسان مانی لیگ فرنچائز مالکان سے قذافی اسٹیڈیم میں ملاقات کریں گے ، ملاقات میں پی سی ایل فائیو کے پاکستان میں انعقاد کے طریقہ کار پر غور کیا جائے گا،

ذرائع کے مطابق کچھ فرنچائز نے غیر ملکی کھلاڑیوں کی پاکستان آمد پر تحفظات کا اظہار کیا تھا چیئر مین پی سی بی فرنچائز مالکان سے ملاقات میں غیر ملکی کھلاڑیوں کی پاکستان آمد کے حوالے سے تحفظات پر غور کیا جائے گا،،ملاقات میں پی ایس ایل جنرل کونسل اجلاس کی تاریخ کو بھی حتمی شکل دی جائے گی،

سابق عالمی چیمپئن محمدآصف نے دلچسپ مقابلے کے بعد مبشررضا کو 7 کے مقابلے میں 8 فریمزسے شکست دیکر11 ویں این بی پی کپ قومی رینکنگ اسنوکر چیمپئن شپ فتح کر لی۔

اس فتح کے ساتھ محمد آصف قومی رینکنگ میں پہلی پوزیشن حاصل کر کے عالمی کپ اسنوکر چیمپئن شپ میں ملک کی نمائندگی کے حقدار بھی بن گئے ہیں، این بی پی اسپورٹس کمپلیکس کے اسنوکر جمنازیم میں منعقدہ 9 روزہ چیمپئن شپ کے فائنل میچ میں دونوں کھلاڑیوں نے عمدہ کھیل کا مظاہرہ کیا، تاہم فیصل آباد سے تعلق رکھنے والے محمد آصف نے سنسنی خیز مقابلے میں اپنے تجربے کو بروئے کار لاتے ہوئے لاہور کے مبشر رضا پر قابو کرلیا، ملک کے ٹاپ 32 قومی کھلاڑیوں کے درمیان منعقدہ چیمپئن شپ کے فائنل میں مجموعی طور پر تین سنچری بریک کھیلے گئے ہیں، جن میں سے 2 محمد آصف کے نام رہے۔

یاد رہے عالمی کپ اکتوبر میں ترکی کے شہرانتالیہ میں شیڈول ہے، ایونٹ میں کامیابی پر محمدآصف نے وننگ ٹرافی کے ساتھ ایک لاکھ روپے کا انعام بھی حاصل کیا جبکہ مبشر رضا کو رنر اپ ٹرافی کے ساتھ 40 ہزار روپے کیش ایوارڈ دیا گیا، مہمان خصوصی این بی کے گروپ چیف جمال رضا باقر نے انعامات تقسیم کیے، اس موقع پرپاکستان بلیئرڈ اینڈ اینڈ اسنوکر ایسوسی ایشن کے  کوچیئرمین عالمگیر شیخ، صدر منور شیخ، سیکریٹری ذوالفقار اے رمزی، نوید کپاڈیہ، اقبال قاسم اور انور فاروقی سمیت دیگر بھی موجود تھے۔