Category: کھیل

نئی دہلی : بھارتی کھلاڑی کرکٹ کو وقت دینے کے ساتھ ساتھ ملکی فوج کے لیے بھی خدمات دینے لگے .ایسا پہلی بار نہیں ہوا بلکہ اس سے قبل بھی دھونی کئی بار فوج میں وقت گزار چکے ہیں.ایسے ایک واقعہ میں مہندرا سنگھ دھونی نے خود پر ہونے والی تنقید کے باوجود انٹرنیشنل کرکت سے ریٹائرمنٹ کا اعلان نہیں کیا البتہ انہوں نے دورہ ویسٹ انڈیز کے دستیابی ظاہر نہ کرتے ہوئے بھارتی فوج کے کیمپ کو جوائن کریں گے۔

بھارتی ذرائع ابلاغ کے مطابق مہندرا سنگھ دھونی ناصرف اب پہلے جیسی بلے بازی کی صلاحیت سے محروم ہو گئے ہیں بلکہ اس کے ساتھ ساتھ بھارتی ٹیم مینجمنٹ اگلے ورلڈ کپ کے لیے ٹیم تیار کرنا چاہ رہی ہے اور اسی وجہ سے دھونی کو مستقبل میں بھی بھارتی ون ڈے ٹیم کا حصہ بنائے جانے کا امکان نہ ہونے کے برابر ہے۔

دھونے کے قریبی دوستوں کے مطابق سلیکٹرز کی جانب سے بھارتی ٹیم کے دورہ ویسٹ انڈیز کے بارے میں سوچ بچار سے قبل ہی دھونی نے بھارتی کرکٹ بورڈ کو یہ پیغام بھجوا دیا ہے کہ وہ ٹیم کو دو ماہ کے لیے دستیاب نہیں ہوں گے۔

سابق کپتان بھارتی فوج کی رجمنٹ کو جوائن کریں گے اور اگلے دو ماہ تک اپنا بیشتر حصہ بھارتی فوج کے ساتھ گزاریں گے۔یاد رہے کہ دھونی بھارت فوج کے ایک مخصوص دستے میں اعزازی لیفٹننٹ کرنل کا درجہ رکھتے ہیں اور اسی عہدے کے ساتھ رجمنٹ کو جوائن کریں گے۔

بورڈ آف کنٹرول فار کرکٹ ان انڈیا کے سینئر عہدیدار کے مطابق دھونی اس وقت کرکٹ سے ریٹائر نہیں ہو رہے البتہ انہوں نے دورہ ویسٹ انڈیز کے لیے عدم دستیابی ظاہر کی ہے کیونکہ وہ آئندہ دو ماہ پیرا ملٹری رجمنٹ کے ساتھ گزاریں گے۔یاد رہے کہ اس سے قبل بھی دھونی بھارتی فوج کی مختلف رجمنٹوں میں خدمات دے چکے ہیں .یہ بھی معلوم ہوا ہےکہ دھونی پاکستانی بارڈر کے ساتھ بھارتی فوج میں کچھ عرصہ رہ چکے ہیں.

لندن : میں باونڈری کی بنیاد پر فتح کو غیر منصفانہ سمجھتا ہوں ،یہ الفاظ ورلڈ کرکٹ ورلڈ کپ 2019 کے فاتح انگلینڈ ٹیم کے کپتان نے ٹائم کو انٹریو کے دوران کہے ،یار ہے کہ ورلڈ کپ فائنل سنسنی خیز مقابلے کے بعد دو مرتبہ ٹائی ہونے پر انگلینڈ کو متنازع قانون کی روشنی میں چیمپیئن قرار دے دیا گیا

14جولائی کو لارڈز میں کھیلے گئے سنسنی خیز فائنل میچ میں مقابلہ مقررہ اوورز میں ٹائی رہا جس کے بعد ون ڈے کی تاریخ میں پہلی مرتبہ میچ کا فیصلہ سپر اوور میں کرانے کا فیصلہ کیا گیا شائقین کرکٹ اس وقت دم بخود رہ گئے جب سپر اوور میں بھی مقابلہ ٹائی ہو گیا اور انگلینڈ کو میچ میں زیادہ باؤنڈریز مانرے کی بنیاد پر چیمپیئن قرار دیا گیا۔

انگلینڈ کو اس انداز میں چیمپیئن قرار دیے جانے پر دنیا بھر کے سابق کرکٹرز اور ماہرین نے اس قانون کو تنقید کا نشانہ بنایا جس کے بعد انٹرنیشنل کرکٹ کونسل(آئی سی سی) نے اپنی کرکٹ کمیٹی کو اس قانون کا جائزہ لینے کی ہدایت کی ہے۔

مورگن نے ٹائمز کو دیے گئے انٹرویو میں کہا کہ جب دونوں ٹیموں میں اتنا معمولی فرق ہو تو میرے خیال میں اس طرح سے فیصلہ کرنا منصفانہ نہیں، ہم میچ کے کسی بھی لمحے کے بارے میں یہ نہیں کہہ سکتے کہ اس کے نتیجے میں میچ کا فیصلہ ہوا، یہ ایک انتہائی متوازن میچ تھا۔

فرانسسکو:بروسلی کا نام کس نے نہیں‌سنا؟جس نے مارشل آرٹ کی دنیا میں حکمرانی کا سکہ جمائے رکھا .اسی بروسلی کی آج 46ویں برسی آج منائی جا رہی ہے۔

27نومبر 1940کو امریکی شہر سان فرانسسکو میں پیدا ہونے والے بروس لی کا اصلی نام لی جن فین تھا تاہم فلمی دنیا میں وہ بروس لی کے نام سے جانے گئے۔ بروس لی نے ایک عرصے تک دنیا کو اپنے سحر میں جکڑے رکھا ۔ مگر فلمی دنیا میں آنے کے بعد کچھ عرصہ تک ہی اپنے چاہنے والوں کے چہروں پر خوشی بکھیر سکا

یاد رہے کہ بروس لی سے پہلے کنگ فو فلمیں صرف مارشل آرٹ کے پرستاروں تک محدود تھیں لیکن بروس لی نے یہ سب بدل دیا۔’انٹر دی ڈریگن‘ اور’فسٹ آف فیوری‘ جیسی فلمیں دینے والے اداکار بروس لی کا انتقال دماغ کی سوجن کے باعث صرف32 سال کی عمر میں ہو گیا تھا۔ بروس لی کی 20جولائی 1973 کو ہانگ کانگ میں پراسرار موت کا ابھی تک معمہ حل نہیں ہو سکا ہے۔

ماسکو:روس نے کرکٹ کو یہ کہ کر کھیل ماننے سے انکار کردیا کہ یہ بھی کوئی کھیل ہے. دنیا میں‌کرکٹ کو فٹبال کے بعد دنیا کا سب سے بڑا کھیل مانا جاتا ہے لیکن روس کی حکومت یہ حقیقت ماننے سے انکاری ہے اور انہوں نے کرکٹ کو سرے سے کھیل ہی ماننے سے انکار کردیا ہے۔

یاد رہے کہ انٹرنیشنل اولمپکس کمیٹی کی جانب سے بھی کرکٹ کو تسلیم جا چکا ہے لیکن 1900 کے بعد سے اولمپکس میں اس کھیل کو نہیں کھیلا گیا۔15جولائی کو روس میں حکم نامہ جاری کیا گیا جس میں تسلیم شدہ کھیلوں کے نام درج تھے لیکن اس فہرست میں کرکٹ شامل نہیں تھا ۔

روس کی جانب سے سرکاری سطح پر جن کھیلوں کو تسلیم کیا گیا ہے ان میں منی گالف اور ڈراف جیسے کھیل بھی شامل ہیں لیکن کرکٹ کو کھیل ماننے سے ہی انکار کردیا گیا ہے۔

کرکٹ کے شائقین غمگین نہ ہوں کہ شاید کرکٹ کے روس میں کھیلنے پر پابندی ہے ،ایسا ہرگز نہیں . کھیل کو تسلیم نہ کیے جانے کا یہ مطلب نہیں روس میں اس کھیل کو کھیلا نہیں جا سکے گا بلکہ اس کے بجائے حکومت کی جانب سے اس کھیل کو کھیلنے کے لیے کسی بھی قسم کی معاونت یا مالی مدد نہیں کی جائے گی۔

ماسکو کرکٹ اسپورٹس فیڈریشن کے رکن الیگزینڈر سوروکن نے کہا کہ کرکٹ کو تسلیم نہ کیے جانے کی وجہ وزارت کھیل میں جمع کرائی گئی درخواست میں غلطیاں تھیں۔انہوں نے کہا کہ فیڈریشن اگلے سال پھر درخواست دائر کرے گی اور اس اس مرتبہ ہم کامیابی کے لیے پرامید ہیں۔اس کے ساتھ روسی حکام نے تھائی باکسنگ کو بھی کھیل ماننے سے انکار کردیا ہے۔

یاد رہے کہ روسی حکومت کا یہ فیصلہ ایک ایسے موقع پر سامنے آیا تھا جب ایک دن قبل 14جولائی کو انگلینڈ نے ورلڈ کپ جیت کر پہلی مرتبہ چیمپیئن بننے کا اعلان کردیا۔بعض مبصرین کا خیال ہے کہ روس کے اس نظریے کے پیچھے مغرب سے دوری اور روایتی دشمنی ہے

کراچی : کراچی کرکٹ کو کرپشن اور بدعنوانی سے بچانے کے لیے پاکستان کرکٹ بورڈ نے کراچی میں انٹی کرپشن یونٹ قائم کرنے کا فیصلہ کر لیا ،ترجمان پی سی بی کے مطابق کراچی میں بڑھتی ہوئی کرکٹ کے باعث سیکورٹی مینجر تعینات کیا جا رہا ہے، سیکورٹی مینجر کے لیے اشتہار جاری کر دیا گیا ہے۔

یاد رہے کہ مستقبل میں نیشنل اسٹیڈیم کراچی میں انٹرنیشنل میچز ہونے کا امکان ہے، انٹرنیشنل میچز کے باعث کراچی میں بھی اے سی یو بنایا جا رہا ہے اس سے قبل فکسنگ یا سیکورٹی سے متعلق معاملات کے حل کے لیے پی سی بی کو لاہور سے ٹیم بھیجنی پڑتی تھی۔

ویلنگٹن : انگلینڈ کے بعد اب نیوزی لینڈ نے بھی اپنے کھلاڑی کو سب سے بڑے اعزاز سے نوازنے کا اعلان کردیا ہے. ایوارڈ کیلئے ان کا مقابلہ کیوی کپتان کین ولیمسن سمیت کئی امیدواروں سے ہوگا۔

ورلڈ کپ فائنل میں انگلینڈ نے نیوزی لینڈکوشکست دیگرٹائٹل جیتا، نیوزی لینڈ کے خلاف انگلینڈ کی فتح میں اہم کرداربین اسٹوکس نے اداکیا لیکن حیران کن بات یہ ہے کہ نیوزی لینڈنے اپنے ملک کے سب سے بڑے ایوارڈ کیلئے بین اسٹوکس کوہی نامزدکردیا ہے۔

منتظین کا کہنا ہے کہ بین اسٹوکس چونکہ نیوزی لینڈ میں پیدا ہوئے اوران کے والدین بھی یہیں مقیم ہیں اس لیے وہ ایوارڈ پانے کا حق رکھتے ہیں، بین اسٹوکس 12سال کی عمر میں والد کیساتھ برطانیہ گئے اورپھروہیں کے ہوکر رہ گئے۔

بہترین نیوزی لینڈر کی نامزدگیاں کرنے والے جج کا کہنا ہے کہ بے شک بین اسٹوکس نے نیوزی لینڈ والوں کے دل توڑے لیکن اب بھی بہت سے نیوزی لینڈر سمجھتے ہیں کہ بین اسٹوکس ان میں سے ہیں۔

بہترین نیوزی لینڈر کے ایوارڈ کیلئے بین اسٹوکس کے علاوہ کیوی کپتان کین ولیمسن اوردیگرکئی شخصیات کوبھی نامزد کیا گیا ہے۔یاد رہے کہ برطانوی وزیر اعطم نے اپنی ٹیم کے ایک کھلاڑی کو سب سے بڑے اعزاز ہڈ سے نوازاتھا