پاکستان نے جنوبی افریقہ کے خلاف ٹاس جیت کر بیٹنگ کا فیصلہ کیا ہے. دونوں ٹیمز کے لیے آج کا میچ بہت اہم ہے. پاکستان کے پاس غلطی کی کوئی گنجائش نہیں ہے.
پاکستان کی جانب سے ٹیم میں تبدیلی کی گئی ہے. شعیب ملک آج کا میچ نہیں کھیلیں گے. شاہین شاہ آفریدی ٹیم میں شامل ہوئے ہیں. پوائنٹس ٹیبل پر پاکستان نمبر 9 پر ہے اگر آج کا میچ ہارا تو ایونٹ سے آؤٹ ہو جائے گا. کپتان سرفراز کا کہنا ہے کہ ہمارہ پورا دھیان آج کے میچ پر ہے.
ورلڈ کپ کے میچ میں بھارت نے افغانستان کو 11 رنز سے شکست دے دی ہی. یہ ورلڈ کپ کا اٹھائیسواں میچ تھا جس میں بھارت کامیاب رہا ہے. انڈیا نے ٹاس جیت کر پہلے بیٹنگ کی اور افغانستان کو جیت کیلئے 225 سکور کو ہدف دیا تاہم افغانستان کی پوری ٹیم 213 سکور پر آؤٹ ہو گئی.
باغی ٹی وی کی رپورٹ کے مطابق افغانستان نے کھیل کا آغاز کیا تو اس کی پہلی وکٹ دس سکور پر گر گئی. ان کے بعد افغان ٹیم کے کپتان گلبدین 27 سکور بنا کر آؤٹ ہو گئے. دوسری وکٹ گرنے سے افغان ٹیم پریشر میں آگئی رحمت شاہ اور ہشمت اللہ نے مزاحمت کرتے ہوئے 42 رنز کی پارٹنر شپ بنائی مگر وہ بھی زیادہ دیر وکٹ پر نہ ٹھہرے، دونوں کو بمرا نے آؤٹ کیا۔ اصغر خان آٹھ رنز بنا کر چاہال کی گیند پر بولڈ ہو گئے۔ نجیب اللہ ذدران نےٹیم کو سہارا دیتے ہوئے مجموعی سکور میں 21 رنز کا اضافہ کیا،چاہال نے پانڈیا کی گیند پر انکا کیچ پکڑا۔راشد خان نے 14 رنز کی اننگز کھیلی اور چاہال کی گیند پر سٹمپ آؤٹ ہوئے۔محمد نبی نے آخری اوور تک میچ کو سنسنی خیز بنائے رکھا انہوں نے چار چوکوں اور ایک چھکے کی مدد سے 52 رنز بنائے۔
بھارت کی جانب سے محمد شامی نے شاندار بولنگ کرتے ہوئے 4 وکٹیں حاصل کیں ، انہوں نے رواں ورلڈکپ کی پہلی ہیٹ ٹرک بھی بنائی جب کہ بھمرا،چاہال اور پانڈیا نے 2، 2 وکٹیں حاصل کیں۔ اس سے قبل میچ کا ٹاس بھارت کے کپتان ویرات کوہلی نے جیت کر افغانستان کے خلاف پہلے بیٹنگ کرنے کا فیصلہ کیا، افغانستان نے شاندار بولنگ کا مظاہرہ کرتے ہوئے بھارت کو بڑا اسکور کرنے سے روکے رکھا اور بھارتی ٹیم مقررہ 50 اوورز میں 224 رنز ہی بنا سکی۔ روہت شرما اور لوکیش راہول نے اننگز کا آغاز کیا، روہت صرف ایک رنز کے مہمان ثابت ہوئے اور راہول نے 30 رنز کی اننگز کھیلی۔
افغانستان کی جانب سے محمد نبی، گل بدین نائب نے 2،2 جب کہ راشد خان، مجیب الرحمان، آفتاب عالم، اور رحمت شاہ نے ایک ایک وکٹ حاصل کی۔
بھارتی باؤلر محمد شامی کی آخری تین بالوں پر ہیٹرک نے انڈیا کو میچ جتوا دیا۔
کرکٹ میچز میں خراب کارکردگی کے باعث قومی کرکٹ ٹیم کو ان دنوں شدید تنقید اور عوام کی طرف سے انتہائی غم و غصے کا سامنا ہے ۔ اور اس وجہ سے قومی کرکٹ ٹیم کا کہیں آنا جانا بھی محال ہوگیا ہے ۔
چند دن پہلے ایک وڈیو وائرل ہوئی ہے جس میں ایک پاکستانی شخص قومی کرکٹ ٹیم کے کپتان سرفراز احمد کے سامنے اس کے لیے انتہائی نازیبا الفاظ استعمال کر رہا ہے ۔ جبکہ اس وقت سرفراز احمد کا بیٹا بھی ان کے ساتھ موجود ہے ۔
یہ وڈیو دیکھتے ہی کرکٹ شائقین خاص طور پر کیپٹن سرفراز احمد کے مداحوں میں غم وغصے کی لہر دوڑ گئی ہے ۔ بالی وڈ اداکار رتیش دیشمکھ کپتان سرفراز خان کی حمایت میں کھڑے ہوگے ہیں ۔ رتیش دیشمکھ نے ٹویٹر پر اس وڈیو پر شدید تنقید کی ہے ۔ رتیش دیشمکھ نے اپنی ٹویٹ میں کہا ہے کہ
” تاریخ میں ہر کپتان نے اپنے کیرئیر میں اہم میچ میں شکست حاصل کی ہے۔ سرفراز احمد اس طرح کے رویے کے مستحق نہیں، یہ ہراسانی ہے، یہ تو دیکھیں کہ ان کے ساتھ ان کا بچہ بھی موجود ہے۔‘‘
پاکستانی کرکٹ ٹیم کے سابق کپتان اور نامور باؤلر وسیم اکرم نے بھارت سے میچ ہارنے کے بعد انگلینڈ میں پاکستانی کھلاڑیوں سے پیش آنے والے واقعات پر سخت ناراضگی کا اظہار کیا ہے.
باغی ٹی وی کی رپورٹ کے مطابق ان کا کہنا ہے کہ مجھے بطور پاکستانی، پاکستانی شائقین کی ایسی حرکتیں دیکھ کر شرم آتی ہے. قومی کرکٹرز کے ساتھ بدتیمیزی اور انہیں ہراساں کرنے کے واقعات افسوسناک ہیں. جو شائقین پاکستانی کھلاڑیوں کے ساتھ نازیبا زبان استعمال کر رہے ہیں اور ان کے خلاف منفی مہم چلائی جارہی ہے ایسا لگتا ہے کہ انہیں گھر سے تمیز سیکھنے کو نہیں ملتی. پاکستان کا کلچر قطعی طور پر یہ نہیں ہے. پاکستان کا کلچر تو بڑوںکی عزت اور چھوٹوں سے محبت کرنا سکھاتا ہے.
وسیم اکرم کا کہنا تھا کہ پاکستانی ٹیم کو آئندہ میچز پر فوکس کرنا چاہیے. ان کا کہنا تھا کہ مجھے امید ہے کہ پاکستان جنوبی افریقہ سے میچ جیت جائے گا. واضح رہے کہ انڈیا سے شکست کے بعد پاکستانی ٹیم انگلینڈ میں مشکلات کا شکار ہو گئی ہے اور انہیں ہوٹل سے باہر نکنے پر پاکستانی شائقین کے سخت فقروں اور سخت ردعمل کا سامنا کرنا پڑ رہا ہے.
پنجاب یوتھ فیسٹیول میں کرپشن کے الزام میں گرفتار سابق ڈی جی سپورٹس عثمان انوار کو احتساب عدالت نے نے 14 روزہ جسمانی ریمانڈ پر نیب کے حوالے کر دیا
باغی ٹی وی کی رپورٹ کے مطابق احتساب عدالت میں عثمان انور کو پیش کیا گیا، نیب نے عدالت سے عثمان انور کے 14 روزہ ریمانڈ کی استدعا کی ،عدالت نے نیب کی استدعا منظور کرتے ہوئے ملزم کو نیب کے حوالے کر دیا اور حکم دیا کہ ملزم عثمان انور کو 6 جولائی کو دوبارہ پیش کیا جائے.
واضح رہے کہ پنجاب یوتھ فیسٹیول میں مبینہ طور پر کروڑوں کی کرپشن کے الزام میں نیب لاہور نے پنجاب سپورٹس بورڈ کے سابق سابق ڈی جی سپورٹس ملزم عثمان انور کو گزشتہ روز گرفتار کیا گیا تھا ، حکومت پنجاب کی جانب سے 2011 اور 2012 میں یوتھ فیسٹیول کروائے گئے جن میں مبینہ طور پر مختلف معاہدوں کی مد میں کروڑوں روپے کی کرپشن کی گئی۔ نیب کے مطابق سابق ڈی جی سپورٹس ملزم عثمان انور مبینہ طور پر اختیارات کا ناجائز استعمال کرتے ہوئے یوتھ ایونٹ کیلئے کئے گئے ٹھیکوں میں مالی بے ضابطگیوں کے مرتکب ٹھہرے، جن معاہدوں میں پیپرا رولز سے بھی انحراف کیا گیا۔
ویمن فٹ بال ورلڈ کپ ٹورنامنٹ کا پری کوارٹر مرحلہ آج سے شروع ہوگا۔ تفصیلات کے مطابق فرانس میں رواں میگا ٹورنامنٹ میں ٹیموں کے درمیان عالمی ٹائٹل کے حصول کیلئے سنسنی خیز مقابلوں کا سلسلہ جاری ہے۔
میگا ایونٹ میں آج بروز ہفتہ دو پری میچز کھیلے جائیں گے پہلے میچ میں نائیجیریا کا مقابلہ جرمنی سے ہوگا جبکہ دوسرا پری کوارٹر فائنل میچ آسٹریلیا اور ناروے کی ٹیموں کے درمیان کھیلا جائیگا۔
پری کوارٹر فائنل مرحلہ 25 جون کو ختم ہوگا، اس کے بعد میگا ٹورنامنٹ کے کوارٹر فائنلز 27، 28 اور 29 جون کو کھیلے جائیں گے جس کے بعد چار ٹیمیں سیمی فائنل مرحلے کے لئے کوالیفائی کریں گی۔ میگا ٹورنامنٹ کا پہلا سیمی فائنل میچ 2 جولائی کو کھیلا جائے گا جبکہ دوسرا سیمی فائنل میچ 3 جولائی کو کھیلا جائے گا۔ ٹورنامنٹ کی دو فائنلسٹ ٹیموں کے درمیان فائنل ٹاکرہ 7 جولائی کو ہوگا۔
ورلڈ کپ کے اٹھائیسویں میچ میں آج افغانستان بھارت کا مقابلہ کرے گی. افغانستان ورلڈ کپ کے 5 میچز کھیل چکی ہے اور سارے ہار چکی ہے. افغانستان کو ایک میچ میں بھی فتح نصیب نہ ہوئی. دوسری جانب بھارت 4 میچز کھیل چکی ہے اور ایک میں بھی شکست نہ ملی. پوائنٹس ٹیبل پر بھارت چوتھے اور افغانستان آخری نمبر پر ہے.
باغی ٹی وی کی رپورٹ کے مطابق شیکھر دھون آج کا میچ بھی نہیں کھیلیں گے مگر روہت شرمہ آج کے میچ میں بھی اچھا کھیل دکھانے کا ارادہ رکھتے ہیں. دونوں ٹیمز کی جانب سے پلیئنگ الیون میں کوئی تبدیلی نہیں کی جائے گی. بھارت آج کا میچ بھی جیتنے کے لیے پر عزم ہے.
کرکٹ ورلڈ کپ میں پاکستان ٹیم کی کارکردگی کے خلاف عدالت میں رٹ دائر کر دی گئی،
باغی ٹی وی کی رپورٹ کے مطابق کرکٹ ورلڈ کپ میں پاکستان ٹیم کی بدترین کارکردگی کے خلاف اسلام آباد ہائیکورٹ میں رٹ دائر کی گئی ہے. بلال فاروقی ایڈوکیٹ نے دائر درخواست میں ٹیم میں عدالت سے استدعا کی گئی ہے کہ کرکٹ ٹیم میں مبینہ گروپنگ اور ٹیم سلیکشن کے حوالہ سے تحقیقات کی جائے . درخواست گزار نے موقف اختیار کیا ہے کہ وزیراعظم عمران خان نے ٹیم کے کچھ کھلاڑیوں کوریلو کٹا کہا،وزیراعظم کےبیان کے مطابق پی سی بی اورسلیکشن کمیٹی ناکام ہوگئی،شعیب ملک کی گروپنگ کرنےکی خبریں عام پھربھی سلیکشن سمجھ سےبالاترہے،درخواست میں مزید کہا گیا ہے کہ کرکٹ ٹیم میں گروپنگ کرنے والےکھلاڑیوں کےخلاف انکوائری کاحکم دیا جائے، عدالت سے استدعا کی گئ ہے کہ شعیب اختر،راشدلطیف اورمحمدوسیم کوعدالتی معاونت کےلیےطلب کیا جائے ،عدالت سلیکشن کمیٹی سےٹیم سلیکشن کاطریقہ کارطلب کرے.
واضح رہے کہ کرکٹ ورلڈ کپ میں پاکستان اب تک پانچ میچ کھیل چکا ہے جن میں سے تین میں پاکستان کو شکست ہوئی، پاکستان نے انگلیڈ سے واحد میچ جیتا جبکہ سری لنکا کے ساتھ میچ کے دوران بارش ہو گئی تھی، انڈیا کے ساتھ میچ میں شکست کے بعد پاکستانی قوم کرکٹ ٹیم سے مایوس ہوچکی ہے .
دنیا بھر میں تیزی سے مقبول ہونے والی معروف گیم پلیئر آن ناؤنز بیٹل گراؤنڈز پب جی کو کھیلنا انڈونیشیا کے عالم دین نے حرام قرار دے دیا ۔ انڈونیشیا کے عالم دین نے اس گیم پر فتوی دیتے ہوئے اسے مکمل حرام قرار دیا ہے ۔ انڈونیشیا کے مذہبی سکالر کا کہنا ہے کہ قیامت برپا ہونے سے پہلے انسانی تاریخ کی سب سے بڑی جنگ ہو گی جس کا نام الملحة الکبری ہے یہ جنگ اتنی خوفناک ہوگی کہ ننانوے ہارے گے اور صرف ایک جیتے گا۔ مذہبی سکالر کا کہنا ہے کہ اس گیم میں بھی بلکل ایسا دیکھایا گیا ہے ۔ اور اسی بنیاد پر انڈونیشا کے مذہبی سکالر نے اسے حرام قرار دیا ہے۔
ورلڈ کپ کے ستائیسویں میں سری لنکا نے انگلینڈ کے خلاف ٹاس جیت کر بیٹنگ کا فیصلہ کیا ہے. پوائنٹس ٹیبل کے مطابق سری لنکا چھٹے نمبر پر ہے. سری لنکا پانچ میچز کھیل چکی ہے اور ایک میچ جیت چکی ہے. دو میچز میں شکست ملی اور دو میچز بارش کی وجہ سے نہ کھیلے جا سکے.
سری لنکا کے لیے آج کا میچ جیتنا ضروری ہے ورنہ سیمی فائنل تک کی رسائی مشکل ہے. دونوں ٹیمز کے کپتان میچ جیتنے کے لیے پر امید ہیں. ایون مورگن آج کے میچ میں بھی اچھا کھیلنے کا جزبہ رکھتے ہیں.