Category: کھیل

رویتی حریف کا آج ہو گا ٹاکرا.کرکٹ ورلڈکپ کے 32ویں میچ میں آج روایتی حریف انگلینڈ اور آسٹریلیا کی ٹیمیں مدمقابل ہوں گی۔

انگلینڈ کو سیمی فائنل میں جگہ بنانے کے لیے ایونٹ میں اپنے بقایا تمام 3 میچز جیتنا ہوں گے جو کہ آسٹریلیا، نیوزی لینڈ اور بھارت کے خلاف ہیں۔

پوائنٹس ٹیبل پر انگلش ٹیم 8 پوائنٹس کے ساتھ چوتھے نمبر پر موجود ہے جب کہ آسٹریلوی ٹیم 10 پوائنٹس کے ساتھ دوسرے نمبر پر ہے۔

سیمی فائنل کی دوڑ میں پاکستان، سری لنکا اور بنگلادیش کی ٹیمیں بھی موجود ہیں تاہم اگر مگر پھر بھی موجود ہے۔

قوم کرکٹ ٹیم کی صورت حا ل 1992 سے بالکل بھی مختلف نہیں۔تب بھی اگر، مگر اور دوسروں کے کی ہار جیت کی مرہون منت تھی.

تفصیلات کے مطابق موجودہ ورلڈ کپ اور 1992ء کا کرکٹ ورلڈ کپ پاکستان کرکٹ ٹیم کے لیے یکساں کیفیت لےکر آیا ہے. قومی کریکٹ ٹیم27 سال قبل بھی پاکستان نے ویسٹ انڈیز کیخلاف شکست کے ساتھ ٹورنامنٹ شروع کیا، اس بار بھی، پھر دوسرا میچ جیتا اور تیسرا میچ بارش کی نظر ہوا، یہ اس سال بھی ہوا اور 27 سال پہلے بھی۔

چوتھے اور پانچویں میچ میں پہلے بھی پاکستان کو شکست ہوئی تھی اور اس بار بھی پاکستان کو شکست ہوئی۔ 1992 میں پاکستان ٹیم جب اپنا چھٹا میچ جیتی تو مین آف دی میچ لیفٹ آرم بیٹسمین عامر سہیل تھے، اس بار جب ٹیم چھٹا میچ جیتی تو مین آف دی میچ لیفٹ آرم بیٹسمین حارث سہیل بن گئے اور تو اور پہلے بھی پاکستان کی امیدیں آسٹریلیا سے وابستہ تھیں، آج بھی آسٹریلیا سے ہی امید ہے۔

1992 میں پاکستانی ویسٹ انڈیز کیخلاف آسٹریلیا کی فتح کیلئے دعاگو تھے اور اب کی بار انگلینڈ کیخلاف آسٹریلیا کی فتح کی دعائیں کرنی ہوں گی۔

یہ بھی یاد رہے کہ 92 میں بھی پاکستان کا سامنا کرنے سے قبل نیوزی لینڈ کوئی میچ نہیں ہارا تھا اور اس بار بھی کیویز ناقابل شکست اور بدھ کو پاکستان سے میچ کیلئے تیار ہیں۔

جرمنی کے مشہور ٹینس کھلاڑی بورس بیکر نے اپنا قرض اتارنے کیلئے قیمتی ٹرافیوں‌ کو نیلام کرنے کا فیصلہ کیا ہے.

باغی ٹی وی کی رپورٹ‌ کے مطابق ٹرافیوں کی نیلامی آن لائن کی جائے گی. بورس بیکر کو اپنے دور کو عظیم کھلاڑی سمجھا جاتا ہے جنہوں‌ نے صرف سترہ برس کی عمر میں‌ ہی کامیابی کے جھنڈے گاڑے اور کم عمری میں‌ ہی تین گرینڈ سلیم جیت لئے تھے.

بورس بیکر کی جانب سے کہا گیا ہے کہ انہوں نے یہ ٹرافیاں بہت محنت سے حاصل کیں‌ تاہم اب وہ اپنے میڈل، کپ، گھڑیاں اور تصویر سمیت کل 82 اشیاء کی نیلامی کر رہے ہیں‌ جو 11 جولائی تک جاری رہے گی.

واضح‌ رہے کہ نیلامی کیلئے تمامتر تفصیلات نیلامی کمپنی نے اپنی ویب سائٹ پر بھی جاری کر دی ہیں. بورس بیکر پر لاکھوں‌ پاؤنڈ کا قرض ہے جس کی ادائیگی کیلئے انہوں‌ نے یہ تلخ فیصلہ کیا ہے.

افغانستان اور بنگلادیش کا میچ گراؤنڈ گیلا ہونے کے باعث تاخیر کا شکار ہوگیا
ہیمشائر باؤل کرکٹ اسٹیڈیم میں افغان ٹیم کے کپتان گلبدین نبی نے ٹاس جیت کر فیلڈنگ کا فیصلہ کیا۔

گراؤنڈ گیلا ہونے کی وجہ سے میچ کو روکا گیا ہے اور امکان ظاہر کیا جارہا ہے کہ آدھے گھنٹے بعد میچ شروع کیا جاسکے گا۔

افغان ٹیم گلبدین نائب، رحمت شاہ، حشمت اللہ شاہدی، اصغر افغان، محمد نبی، نجیب اللہ زدران، سمیع اللہ شنواری، راشد خان، اکرام الی خیل، دولت زدران اور مجیب الرحمان پر مشتمل ہے۔

بنگلادیش کی ٹیم میں تمیم اقبال، سومیا سرکار، شکیب الحسن، مشفق الرحیم، لٹن داس، محمد اللہ، مصدق حسین، محمد سیف الدین، مہدی حسن، مشرفی مرتضیٰ اور مستفیض الرحمان شامل ہیں۔

پاکستان جنوبی افریقہ کو ورلڈ کپ کے انتہائی اہم میچ میں‌ ہراکر ساتویں نمبرپرآگیا ہے جبکہ جنوبی افریقہ کی ٹیم سیمی فائنل کی دوڑ سے باہرہوگئی ہے.

باغی ٹی وی کی رپورٹ‌ کے مطابق ایونٹ میں پاکستان کونیوزی لینڈ،افغانستان اور بنگلہ دیش سے مقابلہ کرنا ہے. پاکستان کوسیمی فائنل میں پہنچنے کے لیے اگلے تینوں میچزجیتنا ہونگے. اسی طرح انگلینڈ کے آٹھ پوائنٹس ہیں، اسے نیوزی لینڈ،آسٹریلیا اور بھارت سے کھیلنا ہے.

انگلینڈ کو سیمی فائنل میں پہنچنے کے لیے کم ازکم دومیچز جیتنا ہونگے، اگرانگلینڈ صرف ایک میچ جیتا تواسے پاکستان کی ہار کا انتظار کرنا ہوگا. آسٹریلیا کےایونٹ میں اب تک 10 پوائنٹس ہیں. آسٹریلیا ایک میچ جیت کر سیمی فائنل میں پہنچ سکتا ہے، بھارت کے پانچ میچز میں 9 پوائنٹس ہیں، بھارت کو سری لنکا ،بنگلادیش،ویسٹ انڈیز اور انگلینڈ سے کھیلنا ہے.

واضح‌ رہے کہ پاکستان نے آج جنوبی افریقہ کو اہم میچ میں‌ شکست دے دی ہے جس سے اس کے اگلے میچ جیتنے کی بھی امید پیدا ہوئی ہے. پاکستان کے میچ جیتنے پر شائقین نے خوشی کا اظہا رکیا ہے.

پاکستانی آرمی چیف جنرل قمر جاوید باجوہ اور ڈی جی آئی ایس پی آر میجر جنرل آصف غفور نے پاکستانی ٹیم کے جنوبی افریقہ سے میچ جیتنے پر خوشی کا اظہار کیا اور پاکستانی کھلاڑیوں‌ کے کھیل کی تعریف کی ہے.

باغی ٹی وی کی رپورٹ کے مطابق پاکستانی آرمی چیف جنرل قمر جاوید باجوہ، ڈی جی آئی ایس پی آر کے ہمراہ لارڈز کے تاریخی گراؤنڈ‌ میں‌ موجود رہے. تاہم جب میچ ختم ہوا اور پاکستان جیت گیا تو آرمی چیف کی موجودگی میں پاکستانی شائقین نے پاکستان زندہ باد کے فلک شگاف نعرے لگائے اور پاکستانی شہری جنرل قمر جاوید باجوہ سے مل کر موبائل سے سیلفیاں بھی بناتے رہے.

میڈیا رپورٹس کے مطابق اس دوران جب ایک صحافی نے ان سے پاکستانی کھلاڑیوں کی پرفارمنس سے متعلق سوال کیا تو انہوں نے کار میں بیٹھتے ہوئے خوشی سے کہا ویل پلیڈ،

واضح رہے کہ آرمی چیف ان دنوں‌ برطانیہ کے دورہ پر ہیں اور اسی دوران میچ ہونے پر وہ پاکستانی کھلاڑیوں‌ کی حوصلہ افزائی کیلئے سٹیڈیم پہنچے اور کافی دیر تک عام شائقین کے ہمراہ بیٹھ کر پاکستان اور جنوبی افریقہ کا میچ دیکھا. پاکستان نے یہ انتہائی اہم میچ جنوبی افریقہ سے جیت لیا ہے اور آئندہ میچوں‌ میں بھی کامیابی کیلئے اس کے حوصلے بلند ہوئے ہیں.

پاکستانی ٹیم کے کپتان سرفراز احمد نے کہا ہے کہ آگے کے میچز ہمارے لئے اہم ہیں، ہمیں فیلڈنگ میں بہتری کی ضرورت ہے.

باغی ٹی وی کی رپورٹ کے مطابق سرفراز احمد نے کہاکہ جنوبی افریقہ کے خلاف میچ میں‌ آج حارث سہیل نے اچھی بیٹنگ کی. انہوں نے ناقص فیلڈنگ کا اعتراف کیا اور کہا کہ ہم نے آج کافی کیچز چھوڑے.

واضح رہے کہ پاکستانی ٹیم نے ورلڈ کپ کے انتہائی اہم میچ میں جنوبی افریقہ کو شکست دے دی ہے. پاکستان نے جنوبی افریقہ کو جیت کیلئے 309 رنز کا ہدف دیا تاہم جنوبی افریقہ کی ٹیم نے پچاس اوور میں‌259 سکور بنائے اور اس کے نو کھلاڑی آؤٹ ہوئے.

باغی ٹی وی کی رپورٹ‌ کے مطابق جنوبی افریقہ کی شکست سے ورلڈ کپ میں‌ پاکستان کی پوزیشن پہلے سے کچھ مستحکم ہوئی اور اس کے کوارٹر فائنل میں پہنچنے کے امکانات کسی حد تک پیدا ہو گئے ہیں. پاکستان نے جنوبی افریقہ کو جیت کیلئے 309 رنز کا ہدف دیا ہے. پاکستان کی جانب سے آج اچھا کھیل پیش کیا گیا ہے. حارث سہیل89 رنز بنا کر ٹاپ سکورر رہے. 3 چھکے اور 9 چوکے لگائے.بابر اعظم نے 69 رنز بنائے. فخر زمان اور امام الحق نے 44 44 رنز بنائے.

پاکستانی ٹیم نے ٹاس جیت کر پہلے بیٹنگ کی۔ پاکستان کی جانب سے اننگز کا آغاز فخر زمان اور امام الحق نے کیااور 81 رنز کی شراکت قائم کی مگر فخرزمان 44 رنز بناکرآﺅٹ ہو گئے ۔ اسی دوران کچھ ہی دیر بعد امام الحق بھی کیچ آﺅٹ ہو گئے۔ عمران طاہر نے ان کا زبردست کیچ لیا ۔ بابر اعظم 67 سکور پر آؤٹ ہوئے.

ٹاس کے موقع پر گفتگو کرتے ہوئے قومی ٹیم کے کپتان کا کہنا تھا کہ گزشتہ تمام میچز ماضی کا حصہ بن چکے ہیں، ہماری نظریں ایک میچ کے بعد دوسرے میچ پر ہوتی ہیں۔ان کا یہ بھی کہنا تھا کہ یہ وکٹ بیٹنگ کے لیے ساز گار دکھائی دے رہی ہے اور یہاں بڑا اسکور کرنے کی کوشش کریں گے۔

حالیہ میچ میں قومی ٹیم میں 2 تبدیلیاں کی گئیں، شعیب ملک اور حسن علی کی حارث سہیل اور شاہین آفریدی کو شامل کیا گیا ہے، جبکہ جنوبی افریقہ کی ٹیم میں کوئی تبدیلی نہیں کی گئی۔قومی ٹیم کے کپتان سرفراز احمد کا کہنا تھا کہ خراب پرفارمنس رہی، اس میچ میں اچھا پرفارم کریں گے جبکہ پریشر کے بارے میں نہیں سوچ رہے ابھی صرف کھیل پر توجہ ہے۔ دوسری جانب جنوبی افریقی کپتان کا کہنا ہے کہ ٹاس جیت جاتا تو پہلے بالنگ ہی کرتا، اچھا ہوا جو ہم ٹاس ہار گئے۔واضح رہے کہ قومی ٹیم کو سیمی فائنل کی دوڑ میں شامل ہونے کے لیے ایونٹ کے باقی تمام میچز جیتنے ضروری ہیں، ایک بھی میچ ہارنے کی صورت میں قومی ٹیم سیمی فائنل کی دوڑ سے باہر ہوجائی گی۔

محمد عامر جنوبی افریقہ کے خلاف بھی وکٹیں لینے کو تیار ہیں. محمد عامر کہتے ہیں کہ اوپنرز کو جلدی آؤٹ کرنے کی کوشش کریں گے اور پھر سے کم بیک کریں گے.