Category: کھیل

کرکٹ ورلڈ کپ :پاکستان کا ٹاس جیت کر فیلڈنگ کا فیصلہ

باغی ٹی وی پورٹ کے مطابق پاکستان کے آسٹریلیا کے خلاف ٹاس جیت کر پہلے باؤلنگ کرنے کا فیصلہ کیا ہے۔ قومی ٹیم میں ایک تبدیلی کی گئی ہے، شاداب خان کی جگہ شاہین آفریدی کو ٹیم میں شامل کیا گیا ہے۔پاکستان نے اب تک میگا ایونٹ میں دو میچز کھیلے ہیں جس میں ویسٹ انڈیز کیخلاف شکست اور میزبان انگلینڈ کے خلاف کامیابی حاصل کر رکھی ہے۔ پاکستان کا سری لنکا کےخلاف تیسرا میچ بارش کے باعث منسوخ کر دیا گیا تھا۔ جس پر دونوں ٹیموں کو ایک ایک پوائنٹ دیا گیا تھا۔
اس وقت پوائنٹس ٹیبل پر دفاعی چیمپئن آسٹریلیا کی چوتھی پوزیشن ہے جبکہ گرین شرٹس ساتویں نمبر پر ہے۔ عالمی کپ مقابلوں میں دونوں ٹیمیں اب تک ایک دوسرے کے خلاف 9 میچ کھیل چکی ہیں جن میں سے 4 پاکستان اور 5 آسٹریلیا نے جیتے ہیں۔
مجموعی طور پر پاکستان اور آسٹریلیا کے 100 ایک روزہ میچ ہو چکے ہیں۔ ان 100 میں صرف 32 میچ ہی پاکستان اپنے نام کر سکا جب کہ 67 میچ آسٹریلیا کے نام رہے اور ایک میچ برابر رہا۔واضح رہے کہ کرکٹ میں ہر دن نیا ہوتا ہے.پاکستان پر سابقہ ریکارڈ کا کوئی اثر نہیں ہوگا.

پاکستان کے کپتان سرفراز احمد نے بھارتی تماشائیوں پر طنز کرتےہوئےکہا کہ پاکستانی شائقین کرکٹ ،کرکٹ اور کرکٹ پلیئرز سے پیار کرتےہیں.
میچ سے پہلے ہوئی پریس کانفرنس میں سرفراز احمد نے ہندستانی فینس پر نشانہ لگایا۔ سرفراز سے جب ہوچھا گیا کہ اگر پاکستانی فینس اسٹیو اسمتھ اور ڈیوڈ وارنر کیلئے ہوٹنگ کرتے ہیں تو کیا وہ بھی ایسا کچھ کریں گے جیسا ہندستانی کپتان وراٹ کوہلی نےکیا۔ سرفراز نے سوال کا جواب دیتے ہوئے ہندستانی فینس پر طنز کیا۔ انہوں نے کہا ، ‘مجھے نہیں لگتا کہ پاکستانی فینس ایسا کچھ کریں گے، وہ کرکٹ سے پیار کرتے ہیں اور کھلاڑیوں سے بھی’۔
انڈیا اور آسٹریلیا کے درمیان ہوئے میچ میں ایرون فنچ نے ٹیم انڈٰیا کی اننگ کے آخری اووروں کے دوران اسٹیو اسمتھ کو باؤنڈری پر فیلڈنگ کیلئے تعینات کیا۔ جیسے ہی اسمتھ باؤنڈری پر گئے تو اسٹیڈیم میں موجود ناظرین نے ہوٹنگ کرنا شروع کردیا اور ان کے خلاف ‘چیٹر۔چیٹر’ کے نعرے لگائے۔انڈین ٹیم کے کپتان وراٹ کوہلی نے جب یہ دیکھا اور سنا تو انہوں نے ناظرین کو روکا اور ایسا نہیں کرنے کو کہا۔

رواں ورلڈ کپ میں بارش کرکٹ شائقین کے لیے ولن بن گئی ہے۔ ایک کے بعد ایک میچ رد ہورہے ہیں۔ آنے والے دنوں میں تقریبا ہر میچ پر بارش کا خطرہ منڈلا رہا ہے۔
باغی ٹی وی رپورٹ کے مطابق ورلڈ کپ کی تاریخ میں ایسا پہلی مرتبہ ہوا ہے اور جب تین میچ بارش کی وجہ سے رد کر دئے گئے ہوں۔ پاکستان۔سری لنکا، ساؤتھ افریقہ۔ویسٹ انڈیز اور بنگلہ دیش۔سری لنکا کے درمیان میچ بارش کے چکتے نہیں ہوسکا۔ اس سے پہلے 1992 کے ورلڈ کپ میں دو میچ بارش کی وجہ سے رد ہوئے تھے۔
ورلڈ کپ ہوا ‘پانی۔پانی’، ہندستان کے اگلے دو میچ پر بھی سسپینس
ناٹنگھم میں 13 جون کو انڈیا بنام نیوزی لینڈ اکھیلا جائے گا لیکن اس میچ پر بارش کا خطر منڈلا رہا ہے۔ مسلسل دو دنوں سے ناٹنگھم میں بارش ہورہی ہے۔ جس کی وجہ سے آج ہونے والے دو پریکٹس سیشن کو بھی رد کرنا پڑا ۔ محکمہ موسمیات کی مانیں تو ناٹنگھم میں اگلے دو دن بہت تیز بارش ہو سکتی ہے جو بدھ کی صبح شروع ہوگی اور جمعرات دوپہر تک چلے گی. پاکستان کےآج کے میچ میں بھی بارش کے مخل ہونے کا اندیشہ ہے.

پاکستانی کرکٹ ٹیم کے کپتان سرفراز احمد نے کہا ہے کہ پاکستانی شائقین اسمتھ اور وارنر کے ساتھ ویسا نہیں کریں گے جیسا انڈین سپورٹرز نے کیا. پاکستانی فینز ہمیشہ کرکٹ کو سپورٹ کرتے ہیں.

باغی ٹی وی کی رپورٹ کے مطابق سرفراز احمد نے کہا کہ آسٹریلین ٹیم کیا سوچ رہی ہے مجھے اس سے غرض نہیں ہے. موسم ایسا ہے جو ٹاس جیتا پہلے بولنگ کرے گا. وکٹ پر کل کافی گھاس تھا، اب معلوم نہیں کہ کیا کنڈیشن ہے. اگرمختصرمیچ ہوا تو تبدیلی کرسکتے ہیں
ہم جیت کرآرہے ہیں اورآسٹریلیا ہارکرآرہا ہے.

انہوں نے کہاکہ ہمیں معلوم ہے کہ آسٹریلیا خطرناک ہوگا. ٹاپ آرڈرکا کردار میچ میں کافی اہم ہوگا. یاد رہے کہ پچھلا میچ پاکستان نے انگلینڈ سے جیت لیا تھا جبکہ سری لنکا کے ساتھ بارش کی وجہ سے میچ نہیں‌ ہو سکا تھا اور دونوں‌ ٹیموں‌ کو ایک ایک پوائنٹ دیا گیا تھا.

سری لنگا اور بنگلہ دیش کے مابین میچ بھی تاخیر کا شکار…بارش نے ایک اور میچ کو متاثر کر دیا
تفصیلات کے مطابق آئی سی سی ورلڈ کپ 2019 کے 16ویں میچ میں سری لنکا اور بنگلادیش کی ٹیموں کو پاکستانی وقت کے مطابق دوپہر ڈھائی بجے مدمقابل ہونا تھا تاہم بارش کے باعث اب تک ٹاس بھی نہ ہوسکا۔
برسٹول کاؤنٹی گراؤنڈ میں ورلڈ کپ کے 3 میچز کھیلے جا چکے ہیں، اس گراؤنڈ میں جس ٹیم نے پہلے بولنگ کا فیصلہ کیا اس نے 2 مرتبہ فتح حاصل کی اور ورلڈکپ سے قبل ون ڈے سیریز میں انگلینڈ کی ٹیم نے پاکستان کی جانب سے دیے گئے 359 رنز کے ہدف کو باآسانی حاصل کیا تھا۔

قومی کرکٹ ٹیم کے کپتان سرفراز احمد کا کہنا ہے کہ انگلینڈ کے خلاف فتح سے کھلاڑی پراعتماد ہیں اور آسٹریلیا کے خلاف بھی جارح مزاجی سے کھیلیں گے۔
باغی ٹی وی رپورٹ کے مطابق میچ سے قبل قومی ٹیم کے کپتان سرفراز احمد کا کہنا ہے کہ ہم آسٹریلیا کے خلاف اسی جارح مزاجی سےکھیلیں گے جیسے انگلینڈ کے خلاف کھیلے تھے اور دونوں ٹیموں کے درمیان اچھے مقابلے کی توقع ہے۔
سری لنکا کے خلاف میچ منسوخی سے کپتان سرفراز احمد ناخوش دکھائی دیے، ان کا کہنا تھا خواہش تھی کہ آسٹریلیا کے خلاف میچ سے قبل دو فتوحات حاصل کرلیتے لیکن موسم ہمارے اختیار میں نہیں۔
سرفراز احمد نے مزید کہا کہ اسٹیون اسمتھ اور ڈیوڈ وارنر کی واپسی سے آسٹریلوی ٹیم مضبوط ہوئی ہے تاہم انگلینڈ کو شکست دینے کے بعد تمام کھلاڑی پراعتماد ہیں۔واضح رہے کہ پاکستان کے اس جارحانہ انداز سے دنیا ک بڑے بڑے چیمپین ڈرتے ہیں.جس دن پاکستان کی ٹیم اچھا کھیل پیش کرتی تب بڑے بڑے کرکٹ پہلوانوں کو چت کر دیتی…

بھارتی کرکٹ ٹیم کو زوردار جھٹکا، شیکھر دھون ورلڈکپ سے باہرہوگیا
میڈیا رپورٹس کے مطابق شیکھر دھون آسٹریلیا کے خلاف میچ کے دوران انگوٹھے پر گیند لگنے سے زخمی ہوگئے تھے جس کے بعد ان کا سکین کیا گیا جس کی رپورٹ کے مطابق انگوٹھا فریکچر ہے۔شیکھر دھون ورلڈکپ کے آئندہ میچز نہیں کھیل سکیں گے، رواں ماہ بھارت کو نیوزی لینڈ، پاکستان، افغانستان، ویسٹ انڈیز اور انگلینڈ کے خلاف میچز کھیلنے ہیں۔
شیکھر دھون ورلڈکپ میں بھارت کے اہم ہتھیار ہیں جنہوں نے انگلینڈ کے خلاف 117 رنز کی شاندار اننگز کھیلی اور میچ کے بہترین کھلاڑی بھی قرار پائے تھے۔

کرکٹ ورلڈ کپ میں آج ویسٹ انڈیز نے ٹاس جیت کر جنوبی افریقا کے خلاف فیلڈنگ کا فیصلہ کیا ہے ،ناکامیوں کی ہیٹ ٹرک کرنے والی جنوبی افریقن ٹیم کو آج جاندار کھیل پیش کرنا ہو گا.

باغی ٹی وی کی رپورٹ کے مطابق ویسٹ انڈیز کے کپتان جیسن ہولڈر نے ٹاس جیتنے کے بعد کہا کہ آج بارش کا امکان ہے جس کا فائدہ بعد میں بیٹنگ کرتے ہوئے ہوسکتا ہے اس لیے پہلے فیلڈنگ کو ترجیح دیں گے۔

دونوں ٹیموں میں دو دو تبدیلیاں کی گئی ہیں، جنوبی افریقی ٹیم میں جے پی ڈومنی اور تیریز شمسی کی جگہ ایڈن مارکرم اور بیرون ہیڈرکس کو شامل کیا گیا ہے جب کہ ویسٹ انڈیز نے آندرے رسل اور این لیوس کی جگہ ڈیرن براوو اور کیمر روچ کو شامل کیا ہے۔

پروٹیز ٹیم کوئنٹن ڈی کوک، ہاشم آملہ، کپتان فاف ڈوپلیسی، ایڈن مارکرم، ریسی وین ڈی دوسن، ڈیوڈ ملر، ایندلے پھلکوایو، کرس مورس، کگیسو رابادا، بیرون ہیڈرکس اور عمران طاہر پر مشتمل ہے۔ ویسٹ انڈیز کی ٹیم کرس گیل، ڈین براوو، شائے ہوپ، نکولس پورن، شمرون ہیٹمیر، کپتان جیسن ہولڈر، کارلوس بریتھ ویٹ، کیمر روچ، ایشلے نرس، شیلڈن کوٹریل اور اوشانے تھومس شامل ہیں۔