Category: کھیل

سابق آسٹریلوی کرکٹر کو 4 سال قید کی سزا
آسٹریلیا کے سابق ٹیسٹ کرکٹر اور کمنٹیٹر مائیکل سلیٹر کو 4 سال قید کی سزا سنا دی گئی۔
آسٹریلوی میڈیا رپورٹس کے مطابق مائیکل سلیٹر نے 7 چارجز میں اپنا جرم قبول کیا جس میں گھریلو تشدد کا الزام بھی شامل ہےکوئنز لینڈ کی ماروچیڈور ڈسٹرکٹ کورٹ میں مائیکل سلیٹر کے کیس کی سماعت ہوئی، سابق کرکٹر پر 2023 کے آخر میں ایک خاتون پر گھریلو تشدد سمیت مختلف الزامات عائد کئے گئے تھے۔
عدالت نے مائیکل سلیٹر پر واضح کیا آپ شراب نوشی میں رہے ہیں اس لیے ری ہیب بھی آسان کام نہیں رہا، بعد ازاں عدالت نے انہیں 4 سال قید کی سزا سنائی تاہم وہ ایک سال سے زائد عرصہ جیل میں گزار چکے ہیں۔
پہلے دن سے کینالز کے معاملے پر پیپلز پارٹی کا واضح موقف ہے،شرجیل انعام میمن
واضح رہےکہ مائیکل سلیٹر نے 74 ٹیسٹ اور 42 ون ڈے میچز میں آسٹریلیا کی نمائندگی کی تھی، تقریباً 43 کی اوسط سے 5,312 رنز بنائے۔ 2004 میں پیشہ ورانہ کرکٹ سے ریٹائر ہونے اور ٹیلی ویژن کمنٹری میں کیریئر کا آغاز کرنے سے قبل انہوں نے 42 محدود اوورز کے بین الاقوامی میچز بھی کھیلے۔
مراد علی شاہ کو گنڈا پور سے مختلف نظر آنا چاہیے،عظمیٰ بخاری
اپریل 22, 2025
نیرج چوپڑا کلاسک،پاکستانی اولمپک میڈلسٹ ارشد ندیم کو ملی بھارت سے دعوت
نیرج چوپڑا کلاسک: 24 مئی سے بنگلورو میں پاکستان کے اولمپک میڈلسٹ ارشد ندیم کو مدعو کیا گیا
24 مئی سے بنگلورو کے کانتی راوا اسٹیڈیم میں ہونے والے نیرج چوپڑا کلاسک جیولن تھرو مقابلے میں پاکستان کے اولمپک میڈلسٹ ارشد ندیم کو مدعو کیا گیا ہے۔ تاہم، ارشد ندیم کی جانب سے اس مقابلے میں شرکت کے حوالے سے ابھی تک کوئی اطلاع نہیں آئی ہے۔
دو بار اولمپک میڈلسٹ نیرج چوپڑا نے اس بارے میں بتایا کہ انہوں نے ارشد ندیم کو بھی اس مقابلے میں شرکت کی دعوت دی ہے، لیکن ارشد نے ابھی تک اس حوالے سے کوئی معلومات فراہم نہیں کی ہیں۔ نیرج چوپڑا نے مزید کہا کہ ارشد ندیم نے یہ کہا ہے کہ وہ اپنے کوچ سے مشورہ کرنے کے بعد ان کی شرکت کے حوالے سے آگاہ کریں گے۔نیرج چوپڑا کلاسک، جو بنگلورو کے کانتی راوا اسٹیڈیم میں منعقد ہوگا، دنیا کے بہترین جیولن تھرو ایتھلیٹس کو ایک جگہ اکٹھا کرے گا۔ ان ایتھلیٹس میں اینڈرسن پیٹرس، تھامس روہلر، اور جولیس یگو شامل ہیں۔ نیرج چوپڑا نے اس موقع پر بتایا کہ اس مقابلے کو جے ایس ڈبلیو اسپورٹس کی مدد سے منظم کیا جائے گا۔ نیرج کے مطابق، یہ مقابلہ ان کا خواب تھا اور ابتدا میں اس کا انعقاد پنچکولہ میں ہونا تھا، مگر روشنی کی کمی کی وجہ سے اسے بنگلورو منتقل کر دیا گیا۔
اس مقابلے میں شریک ہونے والے غیر ملکی کھلاڑیوں میں اینڈرسن پیٹرس شامل ہیں، جو دو بار عالمی چمپئن اور اولمپک میں کانسی کے تمغے کے حامل ہیں۔ اسی طرح، 2016 کے اولمپک چمپئن تھامس روہلر، عالمی چمپئن اور اولمپک میڈلسٹ جولیس یگو، اور امریکی کھلاڑی کرٹس تھامسن بھی اس ایونٹ میں شرکت کے لیے ہندوستان آئیں گے۔ ہندوستان کی جانب سے نیرج چوپڑا اور روہت یادو جیسے کھلاڑی اس ایونٹ میں حصہ لیں گے۔نیرج چوپڑا نے اس مقابلے کے حوالے سے کہا کہ "یہ میرا خواب تھا۔ جب میں نے بیرون ملک میں ایتھلیٹس کے مقابلے دیکھے، تو مجھے یہ سوچنے پر مجبور کر دیا کہ ہندوستان میں بھی ایسی نوعیت کے مقابلے ہوسکتے ہیں، جہاں دنیا کے بہترین ایتھلیٹس حصہ لے سکیں اور ہمارے کھلاڑی بھی ان کے ساتھ کھیل سکیں۔” انہوں نے مزید کہا کہ یہ مقابلہ ہر سال منعقد کیا جائے گا اور آنے والے وقت میں جیولن تھرو کے علاوہ دیگر کھیلوں کے مقابلے بھی منعقد کیے جائیں گے۔
اپریل 22, 2025
حیدرآباد اسٹیڈیم سے نام ہٹائے جانے پر اظہرالدین برہم
حیدرآباد – بھارتی کرکٹ ٹیم کے سابق کپتان محمد اظہرالدین ان دنوں شدید غصے اور افسوس میں مبتلا ہیں، جب حیدرآباد کرکٹ ایسوسی ایشن کی جانب سے راجیو گاندھی انٹرنیشنل اسٹیڈیم کے نارتھ پویلین اسٹینڈ سے ان کا نام ہٹانے کا فیصلہ کیا گیا۔
یہ فیصلہ جسٹس وی ایشوریا کی ہدایت پر لیا گیا، جو حیدرآباد کرکٹ ایسوسی ایشن کے ایتھکس آفیسر اور امبڈزمن کے طور پر خدمات انجام دے رہے ہیں۔ یہ کارروائی ایک پٹیشن کے جواب میں کی گئی جو لارڈز کرکٹ کلب نامی مقامی ادارے کی جانب سے دائر کی گئی تھی۔پٹیشن میں الزام لگایا گیا کہ اظہرالدین نے حیدرآباد کرکٹ ایسوسی ایشن کے صدر کی حیثیت سے جانبداری اور ذاتی مفاد پر مبنی فیصلے کیے، جو شفافیت اور اصولوں کے منافی تھے۔
عرب میڈیا سے گفتگو کرتے ہوئے اظہرالدین نے کہا”دل دکھتا ہے یہ کہتے ہوئے کہ کبھی کبھی افسوس ہوتا ہے کہ میں نے کرکٹ کھیلی۔ آج کھیل کی باگ ڈور ایسے لوگوں کے ہاتھ میں ہے جنہیں کرکٹ کی سوجھ بوجھ ہی نہیں۔ یہ کھیل کے ساتھ بدتمیزی ہے۔”انہوں نے واضح الفاظ میں کہا کہ وہ اس ناانصافی کے خلاف قانونی چارہ جوئی کا ارادہ رکھتے ہیں اور بی سی سی آئی سے اپیل کرتے ہیں کہ وہ اس معاملے میں مداخلت کرے۔اظہرالدین نے مزید انکشاف کیا کہ انہیں حیدرآباد کرکٹ ایسوسی ایشن کے انتخابات میں صرف اس لیے حصہ لینے سے روکا گیا کیونکہ انہوں نے تنظیم میں موجود کرپشن کو بے نقاب کیا تھا۔ان کا کہنا تھا”یہ مسئلہ تنہا نہیں، سن رائزرز حیدرآباد کو بھی ایسوسی ایشن کے ساتھ پاسز کے معاملے میں مسائل درپیش آئے، جو ناقص گورننس کی نشانی ہے۔”
حیدرآباد کرکٹ ایسوسی ایشن کو ہدایت دی گئی ہے کہ وہ آئی پی ایل 2025 کے دوران کسی بھی ٹکٹ، بورڈ یا میچ مواد میں محمد اظہرالدین کا نام استعمال نہ کرے۔راجیو گاندھی اسٹیڈیم میں سن رائزرز حیدرآباد کے تین ہوم میچز کے علاوہ کوالیفائر 1 اور ایلیمینیٹر میچز بھی شیڈول ہیں، جن میں یہ ہدایت لاگو ہوگی۔پٹیشن میں صرف اظہرالدین کا نام ہٹانے کی درخواست نہیں کی گئی، بلکہ یہ مطالبہ بھی کیا گیا کہ نارتھ پویلین اسٹینڈ کو وی وی ایس لکشمن کے نام سے منسوب کیا جائے، جو حیدرآباد کے لیجنڈری بلے باز رہ چکے ہیں۔اس تجویز کے تحت نہ صرف اسٹیڈیم میں بورڈ بدلا جائے بلکہ ٹکٹس اور دیگر تمام مواد میں بھی نیا نام شامل کیا جائے۔درخواست گزار نے زور دیا کہ امبڈزمن مزید احکامات جاری کرے تاکہ انصاف اور شفافیت کو یقینی بنایا جا سکے۔
اپریل 22, 2025
پی ایس ایل 10،سنسنی خیز مقابلہ،کراچی نے پشاور کو ہرادیا
کراچی کنگز نے مطلوبہ ہدف 8 وکٹوں کے نقصان پر 19.3 اوورز میں پورا کرلیا،ڈیوڈ وارنر 60 رنز بنا کر نمایاں بیٹر رہے ، خوشدل شاہ نے 23، محمد نبی نے 14،جیمز ونس نے 11،عرفان خان نے 10 رنز کی اننگز کھیلی۔
پشاور زلمی کی جانب سے لیوک ووڈ نے 3،علی رضا نے 2،عارف یعقوب اور الزاری جوزف نے ایک ایک وکٹ حاصل کی۔اس سے قبل کراچی کے نیشنل بینک کرکٹ ایرینا میں کھیلے جارہے میچ میں کراچی کنگز نے پشاور زلمی کیخلاف ٹاس جیت کر فیلڈنگ کا فیصلہ کیا۔ پشاور زلمی نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 147 رنز بنائے۔پشاور زلمی کی جانب سے کپتان بابر اعظم 46 رنز بنا کر ٹاپ اسکورر رہے۔اس کے علاوہ محمد حارث نے 28، الزاری جوزف نے 24، حسین طلعت نے 18 رنز بنائے ۔باقی کوئی کھلاڑی بھی ڈبل فیگر میں داخل نہ ہوسکا۔
کراچی کنگز کی جانب سے خوشدل شاہ اور عباس آفریدی نے 3،3 کھلاڑیوں کو آؤٹ کیا جبکہ عامر جمال اور میر حمزہ نے 1،1 وکٹ حاصل کی۔
سیالکوٹ: ایتھوپیا کے سفیر کا چیمبر آف کامرس کا دورہ
اپریل 21, 2025
پی ایس ایل 10: کراچی کنگز کا پشاور زلمی کے خلاف ٹاس جیت کر فیلڈنگ کا فیصلہ
ایچ بی ایل پاکستان سپر لیگ (پی ایس ایل) 10 میں کراچی کنگز نے پشاور زلمی کے خلاف ٹاس جیت کر فیصلہ کیا ہے۔
ایونٹ کے 11 ویں میچ میں دونوں ٹیمیں نیشنل اسٹیڈیم کراچی میں مدِ مقابل ہیں کراچی کنگز کا ہوم گراؤنڈ پر یہ آخری میچ ہے۔
کراچی کنگز نے اب تک چار میچز کھیلے ہیں، جن میں سے دو میں کامیابی حاصل کی ہے جبکہ پشاور زلمی نے تین میچز میں سے ایک فتح اپنے نام کی ہے دونوں ٹیمیں بہتر کارکردگی دکھانے کے لیے پرعزم ہیں۔
کراچی کنگز:
ڈیوڈ وارنر (کپتان)، ٹِم سائیفرٹ (وکٹ کیپر)، جیمز ونس، سعد بیگ، خوشدل شاہ، محمد نبی، عامر جمال، عرفان خان نیازی، عباس آفریدی، حسن علی، میر حمزہ
پشاور زلمی:
بابر اعظم (کپتان)، صائم ایوب، محمد حارث (وکٹ کیپر)، ٹام کوہلر-کیڈمور، مچل اوون، حسین طلعت، عبدالصمد، لیوک ووڈ، الزاری جوزف، عارف یعقوب، علی رضا
اپریل 21, 2025
کرکٹ میں میچ فکسنگ،راشد لطیف کا سب سامنے لانے کا اعلان
راشد لطیف نے پاکستان کرکٹ میں میچ فکسنگ کے راز فاش کرنے کی دھمکی دے دی
نجی ٹی وی جیو پر گفتگو کرتے ہوئے راشد لطیف کا کہنا تھا کہ کتاب لکھنا شروع کردی ہے، 90کی دہائی میں کرکٹ میچ فکسنگ کا عروج تھا.راشد لطیف نے اپنی کتاب میں بڑے انکشافات کا اعلان کرتے ہوئے کہا کہ سب بتاؤں گا فکسنگ کیسے ہوتی تھی؟ کون کرتا تھا،90کے دور کی کرکٹ میں کیا کیا ہوتا رہا؟ یہ بھی بتاؤں گا اور یہ بھی بتاؤں گا کہ صدارتی معافی نامے کی درخواست کس سابق کپتان نے جمع کروائی تھی؟
2004 میں ریٹائر ہونے کے بعد، یہ پہلا موقع ہے جب راشد لطیف نے اپنی سوانح عمری جاری کرنے کے بارے میں بات کی ہے۔
راشد لطیف، جنہیں پاکستان کرکٹ کی تاریخ کے بہترین وکٹ کیپرز میں شمار کیا جاتا ہے، نے سب سے پہلے 1994میں میچ فکسنگ کے کرپشن اسکینڈل کی طرف توجہ دلائی، جب انہوں نے اور باسط علی نے جنوبی افریقا کے دورے کے دوران ریٹائرمنٹ کا اعلان کیا، دونوں کھلاڑیوں کا مؤقف تھا کہ وہ ڈریسنگ روم کے موجودہ ماحول میں مزید کھیل جاری نہیں رکھ سکتے۔
اپریل 21, 2025
بابر اعظم نے ٹی ٹونٹی کیریئر کا شرمناک ترین ریکارڈ بنا لیا
پاکستان کے اسٹار بلے باز بابر اعظم کے 13 سالہ سفر میں پہلی بار ہے کہ وہ T20 کرکٹ میں مسلسل تین رنز سے کم سکور پر آؤٹ ہوئے ہیں.
پی ایس ایل 10 کے ابتدائی تین میچوں میں بابر اعظم نے 0، 1، اور 2 کے اسکور درج کیے ہیں جو نہ صرف فارم کے لیے ان کی موجودہ جدوجہد کی عکاسی کرتے ہیں بلکہ ان کی ٹیم پشاور زلمی کے لیے بھی ممکنہ پریشانی کا باعث ہیں۔یہ لگاتار اسکور بابر کے طویل کیریئر میں پہلی بار اتنی خراب فارم کی نشاندہی کر رہے ہیں۔ یہ ان کے 13 سالہ سفر میں پہلی بار ہے کہ وہ T20 کرکٹ میں مسلسل تین رنز سے کم سکور پر آؤٹ ہوئے ہیں۔شائقین کو امید تھی کہ وہ نہ صرف رنز بنانے کا سلسلہ جاری رکھیں گے بلکہ اپنی سنچری کا قحط بھی توڑ دیں گے تاہم مقابلے کے ابتدائی مراحل میں ان امیدوں پر پانی پھر گیا ہے۔
بابر اعظم کو آخری بار بین الاقوامی سنچری بنائے تقریباً دو سال ہوچکے ہیں، اگست 2023 ءمیں نیپال کے خلاف انہوں نے 151 رنز سکور کیے تھے۔اس کے بعد سے وہ تمام فارمیٹس میں نصف سنچریوں کی سیریز بنانے میں کامیاب رہے ہیں جس سے ان کے چاہنے والوں کو کچھ سکون ملا۔پاکستان سپر لیگ (پی ایس ایل) کے پچھلے ایڈیشن میں شاندار 569 رنز بنانے کے بعد بابر کے لیے پی ایس ایل 2025ء کی توقعات بلند تھیں۔
2015 میں سونے کی قیمت میں 77 ہزار روپے سے زائد کا اضافہ
حافظ نعیم کا پاکستان میں حماس کو دفتر کھولنے کی اجازت دینے کا مطالبہ
کراچی ،ٹریفک حادثات رک نہ سکے، ایک دن میں 5 افراد جاں بحق
مسلم لیگ ن اور ،پیپلز پارٹی کا ملکر چلنے پر اتفاق ہو گیا
اداکارہ انجلینا جولی کی مظلوم فلسطینیوں کے حق میں پوسٹ
اپریل 21, 2025
پی ایس ایل 10، اسلام آباد یونائیٹڈ کی کراچی کنگز کو 6 وکٹوں سے شکست
پاکستان سپر لیگ سیزن 10 کے دسویں میچ میں اسلام آباد یونائیٹڈ نے کراچی کنگز کو 6 وکٹوں سے شکست دے دی۔
ہدف کے تعاقب میں اسلام آباد یونائیٹڈ کی پہلی وکٹ 34 رنز پر گری جب صاحبزادہ فرحان ایک چھکا اور 5 چوکوں کی مدد سے 30 رنز بنا کر آؤٹ ہو گئے۔ جبکہ کراچی کنگز کے باؤلرز جلد ہی دوسری وکٹ لینے میں کامیاب ہو گئے۔ کولن منرو صرف 4 رنز بنا کر 38 کے مجموعی اسکور پر پویلین لوٹ گئے۔ وہ حسن علی کی گیند پر بولڈ ہوئے۔
یونائیٹڈ کی تیسری وکٹ 103 کے مجموعی اسکور پر گری۔ اعظم خان ایک چکے اور 3 چوکوں کی مدد سے 31 رنز بنا کر آؤٹ ہوئے۔ انہیں محمد نبی نے بولڈ کیا۔شاداب خان 2 چھکوں اور 5 چوکوں کی مدد سے 40 گیندوں پر 47 رنز بنا کر آؤٹ ہو گئے۔ جب یونائیٹڈ کو جیت کے لیے صرف ایک رن درکار تھا۔کراچی کنگز کے باؤلر حسن علی نے2، محمد نبی اور عباس آفریدی نے ایک ایک وکٹ حاصل کی۔
اس سے قبل اسلام آباد یونائٹڈ نے ٹاس جیت کر کراچی کنگز کو بیٹنگ کی دعوت دی اور پہلے فیلڈنگ کا فیصلہ کیا، کراچی کنگز نے پہلے بیٹنگ کرتے ہوئے مقررہ 20 اوورز میں اسلام آباد یونائٹڈ کو جیت کے لیے 129 رنز کا ہدف دیا ہے۔ کراچی کی پہلی وکٹ 5 رنز پر گرگئی، ڈیوڈ وارنر 3 رنز بناکر پویلین لوٹے، کراچی کنگز کی جانب سے ٹم شیفرٹ 30، جیمز ونس 4 اور سعد بیگ 20 رنز بنا کر آؤٹ ہوئے۔
پی ایس ایل 10 کے دسویں میچ میں اسلام آباد یونائٹیڈ نے کراچی کنگز کے خلاف ٹاس جیت کر پہلے فیلڈنگ کرنے کا فیصلہ کیا ہے۔اس موقع پر اسلام آباد یونائٹیڈ کے کپتان شاداب خان نے کہا کہ کوشش کریں گے اپنی حکمت عملی کے مطابق کھلیں جبکہ کراچی کنگز کے کپتان ڈیوڈ وارنر نے کہا کہ ہم بھی ٹاس جیتے تو پہلے فیلڈنگ کرتے کیونکہ وکٹ کی تیاری میں آسٹریلوی مٹی استعمال کی گئی ہے۔
آج کے میچ میں کراچی کنگز کی ٹیم میں ایک تبدیلی کی گئی ہے ، ریاض اللہ کی جگہ سعد بیگ کو اسکواڈ کا حصہ بنایا گیا ہے۔واضح رہے کہ اسلام آباد یونائیٹڈ کی ٹیم میں دو تبدیلیاں کی گئی ہیںِ ، محمد نواز اور بین ڈوارشیس کو پلیئنگ الیون کا حصہ بنایا گیا ہے۔
مرکزی مسلم لیگ کی شہدا غزہ کانفرنس، قبلہ اول کے تحفظ کی جنگ لڑ رہے ،حماس رہنما ڈاکٹر ناجی ظہیر
مرکزی مسلم لیگ کی شہدا غزہ کانفرنس، قبلہ اول کے تحفظ کی جنگ لڑ رہے ،حماس رہنما ڈاکٹر ناجی ظہیر
اپریل 20, 2025
ایک بار پھر ہیڈ کوچ کی تلاش شروع،پی سی بی نے اشتہار دیدیا
پاکستان کرکٹ بورڈ ( پی سی بی ) نے قومی کرکٹ ٹیم کیلئے ایک بار پھر ہیڈ کوچ کی تلاش شروع کر دی ہے جس کیلئے اشتہار بھی دیا گیا ہے۔
باغی ٹی وی :پی سی بی نے سابق ٹیسٹ کرکٹر عاقب جاوید کو چیمپئنز ٹرافی تک ٹیم کا عبوری ہیڈ کوچ مقرر کیا گیا تھا تاہم دورہ نیوزی لینڈ کےلیے انہیں مزید ذمہ داریاں دی گئی تھیں، عاقب جاوید اب ہیڈ کوچ کے لیے دلچسپی نہیں رکھتے، وہ ڈائریکٹر ہائی پرفارمنس کے لیے دلچسپی رکھتے ہیں، جس کے بعد پی سی بی ویب سائٹ پر ہیڈ کوچ کا اشتہار جاری کیا گیا ہے، اشتہار میں لیول 3 کوچنگ سرٹیفیکٹ اور 10 سال کا تجربہ مانگا ہے۔
اسلام آباد سمیت کئی شہروں میں بارش اور ژالہ باری کا امکان
بورڈ کی جانب سے اقدام ایسے وقت میں سامنے آیا ہے جب عبوری ہیڈکوچ کی ذمہ داریاں سنبھالنے والے عاقب جاوید کی سربراہی میں گرین شرٹس کو مسلسل شکستیں دیکھنا پڑیں عاقب جاوید کے دور میں پاکستان ہوم گراؤنڈ پر ہونیوالی آئی سی سی چیمپئینز ٹرافی کے پہلے راؤنڈ سے باہر ہوا جبکہ دورہ نیوزی لینڈ میں انہیں بدترین شکست ہوئی، 7 میچز کے ٹور میں قومی ٹیم محض ایک فتح حاصل کرسکی۔
دوسری جانب پی سی بی نے ندیم خان کے مستعفی ہونے کے بعد ڈائریکٹر ہائی پرفارمنس کے لیے بھی اشتہار جاری کر دیا، ذرائع کا کہنا ہے کہ پی سی بی ایک بار پھر غیر ملکی ہیڈ کوچ کی طرف جا سکتا ہے۔
صدر مملکت کی ایسٹر کے موقع پرمسیحی برادری کو دلی مبارکباد دی
اپریل 20, 2025
پی ایس ایل 10: پشاور نےملتان کو 120 رنز سے ہرا دیا
پاکستان سپر لیگ کے 9ویں میچ میں ملتان سلطانز کو جیت کے لئے 228رنز بنانا تھے مگر ساری ٹیم 107 رنز پر آؤٹ ہوگئی۔
ملتان سلطانز کی جانب سے عثمان خان 44 رنز کے ساتھ نمایاں رہے جب کہ زلمی کے علی رضا نے چار، عارف یعقوب نے تین اور اوون نے دو کھلاڑیوں کو آوٹ کیا. اس سے قبل پشاور زلمی نے مقررہ 20 اوورز میں 7 وکٹوں کے نقصان پر 227 رنز بنالیے، ملتان سلطانز کو جیت کے لئے 228رنز بنانا ہوں گے۔راولپنڈی کے پنڈی کرکٹ اسٹیڈیم میں کھیلے جارہے اس میچ میں دونوں ٹیمیں اس سیزن میں اپنی پہلی جیت کی تلاش میں تھیں .
میچ میں پشاور زلمی نے ملتان سلطانز کے خلاف ٹاس جیت کر پہلے بیٹنگ کرنے کا فیصلہ کیا، ٹاس کے موقع پر پشاور زلمی کے کپتان بابر اعظم کا کہنا تھا ہمارا ہدف 200 سے زائد اسکور کرنا ہے، آج کچھ مختلف پرفارمنس کی امید ہے۔ ملتان سلطانز کے کپتان محمد رضوان نے کہا کہ ہم بھی پہلے بیٹنگ کرنا چاہتے تھے۔ ہم اس میچ سے اپنا توازن بناتے ہوئے آگے اچھا کرنا چاہتے ہیں۔
آج پشاور زلمی کی ٹیم میں تین تبدیلیاں کی گئی ہیں، بابر اعظم کی کپتانی میں اترنے والی اس ٹیم میں صائم ایوب، محمد حارث، ٹام کوہلر کیڈمور، حسین طلعت، مچل اوین، عبدالصمد، لوک ووڈ، الزاری جوزف، عارف یعقوب اور علی رضا شامل ہیں۔ محمد رضوان نے بھی اپنی ٹیم میں دو تبدیلیاں کی ہیں، ملتان سلطانز کے دیگر کھلاڑیوں میں شے ہوپ، عثمان خان، کامران غلام، ایشٹن ٹرنر، مائیکل بریسویل، افتخار احمد، ڈیوڈ ویلی، اسامہ میر، عاکف جاوید اور عبید شاہ شامل ہیں۔
قیصر شریف فارغ، شکیل ترابی جماعت اسلامی کے ترجمان مقرر
اپریل 19, 2025