Category: کھیل

پاکستان کےسابق فاسٹ بائولر عطاء الرحمان نے کہا ہے کہ وسیم اکرم سے میرا سامنا نہیں ہوا، جس دن سامنا ہوا اس دن لگ پتہ جائے گا،

ذیشان کے ساتھ یوٹیوب پر ایک وی لاگ میں ایک انٹرویو میں عطاء الرحمان کا کہنا تھا کہ راشد لطیف کی کتاب پر تبصرہ کرتا ہوں انکا بیان بھی آیا تھا کہ عطاء الرحمان بے قصور ہے ،میں ان کا مشکو ر ہوں ،انکو حقیقت کا پتہ چل گیا، باقی اور بھی بتائیں گے میں بھی بتاؤں گا، میں نے ایک ٹی وی پروگرام میں بھی بتا دیا تھا کہ پروگرام بدلنے کی وجہ سے مجھ پر پابندی لگی تھی، وسیم اکرم فکسنگ کا سلطان ہے، عمران خان نے اس کو تمغہ امتیاز سے کیوں نواز ا یہ میرے لئے حیران کن تھا، ملک کے غداروں کو بھی تمغہ دیا جاتا ہے، کرپشن ایک ملک کے اندر ہوتی ہے، جنہوں نے کی انکے ہاتھ کاٹ دیں لیکن ان لوگوں نے تو ملک کو بیچ دیا، اسکی وجہ سے پاکستان کی بدنامی ہوئی،ہمارے مستقبل کے کھلاڑیوں کا مستقبل تباہ ہوا،یہاں آوے کا آوا ہی بگڑا ہوا، انکو تمغے نہیں چھتروں کے ہار ڈالنے چاہئے، انکے ضمیر مرے ہوئے ہیں، یہ ضمیر فروش لوگ ہیں، وسیم اکرم……کو اپنا باپ فائدے کے لئے بنالیتا ہے، وسیم اکرم پر ایک نہیں سو بین لگنے چاہئے،جسٹس قیوم نے مجھے کہا تھا کہ اس کو کیوں بچا رہے ہو، میں جھوٹا ہوں تو عدالت لے جائیں، جسٹس قیوم کی رپورٹ پڑھیں سب سامنے آیا ہوا ہے،

عطاء الرحمان کا مزید کہنا تھا کہ مجھے لوگوں کی سمجھ نہیں آتی، منافقت کیوں کرتے ہیں، ٹی وی پر بیٹھ کر کہتے ہیں کہ یہ الزام تھا، کھلاڑی پکڑے گئے، انکو جیل ہو گئی کیا پھر بھی الزام تھا، آج ٹی وی پر بیٹھ کر تبصرے ہو رہے ہیں یہ بھی ایک پاکستان کی کرکٹ کا المیہ ہے کہ رپورٹر کرکٹ پر بات کر رہا اور کھلاڑیوں کو کرکٹ سکھا رہے، یہ سلسلہ ہوا پڑا ہے،میں گڑھے مردے نہیں اٹھاتا ،وہ باتیں کرتا ہوں جو نیوجنریشن کو پتہ چلے، ان کے بچوں کو پتہ چلے کہ ان کا باپ فکسر تھا، ہمارا آپ نے فیوچر تباہ کر دیا،میں اپنے بچوں کو کہتا ہوں حلال کا تھوڑا ہی ہوتا ہے، حرام تو وسیم اکرم کی نسلوں سے نکلے گا، میرے ہاتھ اٹھے نہیں،کبھی نہیں اٹھائے، جس دن سامنا ہو گیا پوری دنیا دیکھے گی، وسیم اکرم اکیلا نہیں داڑھی نما بندے بھی ایسے ہی ہیں،میں دنیا کو ان کے بارے میں بتاتا ہوں کہ یہ ہیرو نہیں غدار ہیں، انہوں نے پاکستان کا سودا کیا،یہی لوگ کرکٹ کی تباہی ہیں.وسیم اکرم نے ملک کا سودا کیا ہوا ہے،وسیم اکرم ایسا ہے ساتھ والے کا سودا کر دے تو پتہ نہ چلے،کئی ایسے راز ہیں میں نے بتائے تو یہ منہ دکھانے کے قابل نہیں رہیں گے،

پاکستان ویمن کرکٹ ٹیم کی سابق کپتان ندا ڈار نے حالیہ دنوں میں اپنے ذہنی دباؤ کا سامنا کیا ہے اور مینٹل ہیلتھ کے مسائل کے پیش نظر کرکٹ سے بریک لے لیا ہے۔ انہوں نے اس فیصلے کا اعلان سوشل میڈیا پر کیا، جہاں انہوں نے اپنے مداحوں سے حمایت کی اپیل کی۔

ندا ڈار نے اپنی پوسٹ میں لکھا کہ "پچھلے کچھ عرصے میں میری ذات اور کرکٹ پروفیشن کے حوالے سے مختلف مسائل پیدا ہوئے ہیں جس کی وجہ سے میری ذہنی صحت پر گہرا اثر پڑا ہے۔” ان کا کہنا تھا کہ ان حالات کے باعث وہ کرکٹ سے وقفہ لے رہی ہیں تاکہ اپنی ذہنی اور جسمانی صحت پر توجہ دے سکیں۔سابق کپتان نے مزید کہا کہ "میں اپنے ذاتی معاملات اور پرائیویسی کا احترام کرنے کی درخواست کرتی ہوں۔” یہ بھی واضح کیا کہ کرکٹ سے بریک لینے کا مقصد اپنے آپ پر فوکس کرنا اور خود کو بہتر محسوس کرنا ہے۔

ندا ڈار کو حال ہی میں آئی سی سی ویمن کرکٹ ورلڈ کپ کوالیفائر کے لیے پاکستان کرکٹ بورڈ کی طرف سے کیمپ میں شامل ہونے کا دعوت دی گئی تھی، جس کے بعد ان کا فٹنس ٹیسٹ لیا گیا۔ تاہم، فٹنس کی بنیاد پر انہیں اس موقع پر ٹیم میں جگہ نہیں مل سکی تھی۔

اسی دوران فیصل آباد میں ہونے والے کرکٹ کیمپ میں ندا ڈار کی غیر حاضری بھی ایک اہم سوال بنی، اور اس کے بعد انہیں نیشنل ٹی ٹوئنٹی کپ کھیلنے کے لیے مدعو کیا گیا، تاہم ندا ڈار نے اس ڈومیسٹک ٹورنامنٹ میں حصہ نہ لینے کا فیصلہ کیا اور اس کے بجائے کرکٹ سے بریک لینے کا فیصلہ کیا۔