Baaghi TV

Category: کھیل

  • تلخ کلامی،محمد رضوان اور کولن منرو پر جرمانہ

    تلخ کلامی،محمد رضوان اور کولن منرو پر جرمانہ

    اسلام آباد یونائیٹڈ کے کولن منرو اور ملتان سلطانز کے کپتان محمد رضوان پر کی لیول 2 خلاف ورزی کرنے پرمیچ فیس کا 30 فی صد جرمانہ عائد کر دیا۔

    ذرائع کے مطابق گزشتہ روز ملتان اور اسلام آباد کے درمیان کھیلے گئے میچ کی دوسری اننگز میں کولن منرو نے ملتان سلطانز کے افتخار احمد کو غیر قانونی انداز سے بولنگ کرانے (چکنگ) کے حوالے سے اشارہ کیا تھا۔کولن منرو کے اشارے سے افتخار غصے میں آگئے اور اسکوائر لیگ امپائر کرس براؤن سے شکایت کرنے چلے گئے۔ پی سی بی کی جانب سے کولن منرو پر عائد کی گئی خلاف ورزی میں افتخار احمد کے خلاف ان کے الزامات کو شامل نہیں کیا گیا۔

    اس دوران ملتان سلطانز کے کپتان محمد رضوان اور کولن منرو کے درمیان بھی تلخ کلامی ہوئی۔افتخار کے بولنگ کے ایکشن کے حوالے سے کسی امپائر نے رپورٹ نہیں کیا۔ تاہم، یہ پہلی بار نہیں جب کسی پاکستانی بولر پر مخالف بیٹر کی جانب سے براہ راست غیر قانونی بولنگ ایکشن کا الزام عائد کیا گیا ہو۔

    میاں نواز شریف لندن سے واپس لاہور پہنچ گئے

    نہروں کیخلاف احتجاج: 12 ہزار گاڑیاں پھنس گئیں

    قلات میں بم دھماکہ، خواتین اور بچوں سمیت 4 افراد جاں بحق

    پی ایس ایل 10، لاہور قلندرز کا پشاور کو 128 رنز کا ہدف

  • پی ایس ایل 10، پشاور نے لاہور کو 7 وکٹوں سے ہرا دیا

    پی ایس ایل 10، پشاور نے لاہور کو 7 وکٹوں سے ہرا دیا

    ایچ بی ایل پاکستان سپرلیگ 10 کے 14 ویں میچ میں پشاور زلمی نے لاہور قلندرز کو 7وکٹ سے ہرادیا۔

    پشاور زلمی نے 130 رنز کا ہدف 17ویں اوور میں حاصل کرلیا۔ پشاور زلمی کے کپتان بابر اعظم نے سیزن کی پہلی نصف سنچری بنائی۔ بابر اعظم 56 رنز کے ساتھ ناقابل شکست رہے۔ان کے علاوہ حسین طلعت نے بھی 51 رنز کی اننگ کھیلی، صائم ایوب 2 رنز بناسکے، لاہور کی جانب سے شاہین آفریدی نے دو کھلاڑیوں کو آؤٹ کیا۔

    لاہور کے قذافی اسٹڈیم میں کھیلے جا رہے میچ میں لاہور قلندر کا آغاز اچھا نہیں تھا، جس کی نصف ٹیم محض 34 رنز پر پویلین لوٹ گئی اور فخر زمان 10، آصف علی 5، عبداللہ شفیق صفر اور ڈیرل مچل 2 رنز بنا کر آؤٹ ہوگئے۔قلندرز کا چھٹا نقصان بھی 44 رنز پر اٹھانا پڑا، جب سیم بلنگز 9 رنز بنا کر علی رضا کا شکار بنے۔اس موقع پر سکندر رضا اور کپتان شاہین آفریدی نے کچھ مزاحمت دکھائی اور ٹیم کا اسکور 67 پر پہنچایا، تاہم کپتان ہمت ہار بیٹھے اور 16 رنز بنا کر پویلین لوٹ گئے۔

    اس کے علاوہ راشد حسین نے 13 اور حارث رؤف نے 10 رنز بنائے، تاہم سکندر رضا صرف 37 گیندوں پر 3 چھکوں اور 5 چوکوں کی مدد سے 52 رنز بنا کر نمایاں رہے۔پشاور زلمی کے الزاری جوزف 3 وکٹیں لے کر سب سے کامیاب باؤلر رہے جبکہ لیوک ووڈ اور حسین طلعت نے 2، 2 وکٹیں حاصل کیں، اس کے علاوہ علی رضا اور عارف یعقوب نے ایک، ایک کھلاڑی کو پویلین کی راہ دکھائی۔

    اس سے قبل پشاور زلمی کے کپتان بابر اعظم نے لاہور قلندرز کے خلاف ٹاس جیت کر پہلے فیلڈنگ کا فیصلہ کیا۔

    پلیئنگ الیون
    میچ کے لیے لاہور قلندر کی ٹیم جن کھلاڑیوں پر مشتمل ہیں، ان میں شاہین شاہ آفریدی (کپتان)، سیم بلنگز (وکٹ کیپر)، فخر زمان، عبداللہ شفیق، ڈیرل مچل، سکندر رضا، آصف علی، راشد حسین، حارث رؤف، آصف آفریدی اور محمد آزب شامل ہیں۔

    پشاور زلمی کی ٹیم میں بابر اعظم (کپتان)، صائم ایوب، محمد حارث (وکٹ کیپر)، ٹام کوہلر-کیڈمور، حسین طلعت، مچل اوون، عبدالصمد، لیوک ووڈ، الزاری جوزف، عارف یعقوب اور علی رضا شامل ہیں۔

  • پی ایس ایل 10،پشاور زلمی کا ٹاس جیت کر فیلڈنگ کا فیصلہ

    پی ایس ایل 10،پشاور زلمی کا ٹاس جیت کر فیلڈنگ کا فیصلہ

    لاہور: پاکستان سپر لیگ سیزن 10 کے 14 ویں میچ میں پشاور زلمی نے لاہور قلندرز کے خلاف ٹاس جیت کر پہلے بولنگ کا فیصلہ کیا ہے-

    پی ایس ایل 10 کا14 واں میچ لاہور کے قذافی اسٹیڈیم میں کھیلا جارہا ہے،لاہور قلندرز کی 17 کے مجموعی اسکور پر 2 وکٹیں گرگئیں ہیں-

    psl

    لاہور قلندرز نے اب تک ایونٹ میں چار میچز کھیلے ہیں، جن میں سے دو میں کامیابی حاصل کی اور دو میں شکست کا سامنا کیا اس وقت قلندرز کے پوائنٹس ٹیبل پر 4 پوائنٹس ہیں اور ٹیم ٹاپ 4 میں جگہ بنانے کے لیے پراعتماد ہے۔

    دوسری جانب پشاور زلمی کی کارکردگی کچھ مایوس کن رہی ہے زلمی نے بھی چار میچز کھیلے ہیں، لیکن صرف ایک میں کامیابی حاصل کر سکی، جبکہ تین میچز میں شکست کا سامنا کرنا پڑا۔

  • ویلٹر ویٹ باکسنگ: پاکستانی باکسر نے بھارتی حریف کو شکست دیدی

    ویلٹر ویٹ باکسنگ: پاکستانی باکسر نے بھارتی حریف کو شکست دیدی

    پاکستانی باکسر عثمان وزیر نے ویلٹر ویٹ باکسنگ مقابلے میں بھارتی حریف ایسورن کو شکست دے دی۔

    بینکاک میں ہونے والی ویلٹر ویٹ فائٹ میں عثمان وزیر نے پہلے ہی راؤنڈ میں بھارتی باکسر کو ناک آؤٹ کیا مقابلے کا آغاز عثمان وزیر نے جارحانہ انداز سے کیا اور اپنے جارحانہ حملوں سے کسی بھی موقع پر حریف کو سنبھلنے کا موقع نہیں دیاعثمان وزیر کے پے در پے مکوں کی تاب نہ لاکر بھارتی باکسر پہلے راؤنڈ میں صرف ایک منٹ اور 41 سیکنڈز ہی رنگ میں ٹک سکا اور ناک آؤٹ ہوگیا۔

    بھارتی ناظم الامور کی دفتر خارجہ طلبی، پاکستان نے جوابی فیصلوں سےتحریری آگاہ کردیا

    عثمان وزیر نے کیریئر کی 17ویں انٹرنیشنل فائٹ جیتی ہے اور وہ اب تک ناقابل شکست ہیں، عثمان وزیر کی فتح پر استور میں اُ ن کے آبائی گاؤں میں جشن کا سماں ہے، لوگوں نے علاقائی رقص کیا، عثمان وزیر کے والد کا کہنا ہےکہ عثمان کی کامیابی پوری قوم کی کامیابی ہے۔

    پہلگام تنازعہ:بھارتی چینل نے پی ایس ایل کی لائیو اسٹریمنگ معطل کردی

  • پہلگام تنازعہ:بھارتی چینل نے پی ایس ایل کی لائیو اسٹریمنگ معطل کردی

    پہلگام تنازعہ:بھارتی چینل نے پی ایس ایل کی لائیو اسٹریمنگ معطل کردی

    بھارت نے پہلگام واقعہ پر اسپورٹس اسٹریمنگ چینل فینکوڈ نے ہندوستان میں پاکستان سپر لیگ (پی ایس ایل) کی لائیو اسٹریمنگ کو معطل کرتے ہوئے ٹورنامنٹ سے متعلق ویڈیوز اور میچز کی جھلکیاں بھی ہٹادیں۔

    فینکوڈ نامی اسپورٹس اسٹریمنگ چینل پاکستان سپر لیگ (پی ایس ایل) میں ڈیجیٹل اسٹریمنگ پارٹنر تھا تاہم اب پہلگام واقعہ کے بعد انہوں نے اب پی ایس ایل کے 10ویں ایڈیشن کی فوری طور پر نشریات بند کرنے کا فیصلہ کیا ہے،فینکوڈ کے علاوہ بھارتی اسپورٹس پارٹنرز میں سونی نیٹ ورک بھی سیٹلائٹ ٹی وی کا براڈکاسٹنگ پارٹنر ہے، جس کی جانب سے بھی یہ اقدام اٹھائے جانے کا امکان ہے۔

    دوسری جانب انتہا پسند ہندوؤں کی جانب سے پہلگام واقعہ کے بعد انڈین پریمئیر لیگ (آئی پی ایل) کے بائیکاٹ کی مہم چلائی جارہی ہے۔

    بھارت یک طرفہ طور پر سندھ طاس معاہدہ ختم نہیں کرسکتا ،اسحاق ڈار

    سندھ طاس معاہدے کی معطلی بھارت کی جنگی ذہنیت کا کھلا ثبوت ہے،شرجیل میمن

    پہلگام تنازعہ:بھارتی کرکٹ بورڈ کاپاکستان سے کسی بھی قسم کی کرکٹ کھیلنے سے انکار

  • پہلگام تنازعہ:بھارتی کرکٹ بورڈ کاپاکستان سے کسی بھی قسم کی کرکٹ کھیلنے سے انکار

    پہلگام تنازعہ:بھارتی کرکٹ بورڈ کاپاکستان سے کسی بھی قسم کی کرکٹ کھیلنے سے انکار

    پہلگام میں دہشتگرد حملے کے بعد بھارتی کرکٹ بورڈ (بی سی سی آئی) نے حکومتی دباؤ پر پاکستان سے کسی بھی قسم کی کرکٹ کھیلنے سے انکار کردیا –

    گزشتہ روز بھارت کے زیر قبضہ مقبوضہ وادی کشمیر کے علاقے پہلگام میں دہشتگرد حملہ ہوا جس میں 26 سیاحوں کو ہلاک کردیا گیا تھا، واقعہ کی تحقیقات کیے بغیر ہندوستان نے پاکستان کو ذمہ دار ٹھہرادیا اور بھارتی کرکٹ بورڈ (بی سی سی آئی) نے حکومتی دباؤ پر پاکستان سے کسی بھی قسم کی کرکٹ کھیلنے سے انکار کردیا ہے۔

    بھارتی کرکٹ بورڈ کا کہنا ہے کہ پہلگام واقعہ اور موجودہ سفارتی تعلقات کو دیکھتے ہوئے پاکستان کے ساتھ کسی بھی سطح پر کرکٹ میچز منعقد نہیں کیے جائیں گے،سیکیورٹی مسائل کے سبب پاکستان کے ساتھ کسی بھی قسم کی کرکٹ نہ کھیلنے کا فیصلہ کیا ہے، انہوں نے دھمکی دیتے ہوئے کہا کہ آئی سی سی ایونٹس میں بھی پاک بھارت میچز پر نظرثانی کی جاسکتی ہے-

    بھارتی رویئے کی مذمت، جارحیت کا جواب دینے کیلئے تیار ہیں، وزیراعلیٰ خیبر پختونخوا

    ہندوستان ٹائمز کی رپورٹ کے مطابق بی سی سی آئی کے نائب صدر نے کہا کہ ہم متاثرین کے ساتھ ہیں اور اس واقعےکی مذمت کرتے ہیں، ہماری حکومت جو کہے گی ہم کریں گے، حکومتی مؤقف کی وجہ سے ہم پاکستان کے ساتھ دو طرفہ سیریز نہیں کھیلتے اور ہم پاکستان کے ساتھ دو طرفہ معاملات میں آگے نہیں کھیلیں گے، جب آئی سی سی ایونٹ کی بات آتی ہے تو ہم آئی سی سی کی وجہ سے کھیلتے ہیں، آئی سی سی کو بھی معلوم ہے جو کچھ ہو رہا ہے وہ اس پر ردعمل دے گا۔

    پہلگام ڈرامہ کے بعد بھارت میں کشمیری طلبا کو ہراساں کیا جانے لگا

    واضح رہے کہ پاکستان اور بھارت کے درمیان 2012 میں آخری بار ون ڈے سیریز کھیلی گئی تھی اور بھارت نے آخری بار 2008 میں ایشیا کپ میں پاکستان کا دورہ کیا تھاجس کے بعد سے دونوں ٹیمیں محض آئی سی سی ایونٹس میں ایک دوسرے کے مدمقابل آتی ہیں۔

    بھارتی بورڈ کے بیان کے بعد ایشیاکپ اور چیمپئینز ٹرافی جیسے ٹورنامنٹس پر سوالیہ نشان لگ گیا ہےادھر بھارتی بورڈ کے یکطرفہ اقدامات پر پاکستان کرکٹ بورڈ (پی سی بی) کی طرف سے کوئی باضابطہ بیان جاری نہیں کیا گیا ہے۔

    فالس فلیگ آپریشن،بھارتی مکاریوں کی طویل فہرست

  • سابق آسٹریلوی کرکٹر کیتھ اسٹیک پول چل بسے

    سابق آسٹریلوی کرکٹر کیتھ اسٹیک پول چل بسے

    آسٹریلیا کے سابق کرکٹر کیتھ اسٹیک پول 84 برس کی عمر میں وفات پا گئے،

    آسٹریلیا کے سابق اوپننگ بیٹر کیتھ اسٹیک پول وکٹوریا سے تعلق رکھتے تھے، انہوں نے 1966 سے 1974 کے دوران 43 ٹیسٹ میچز میں آسٹریلیا کی نمائندگی کی،دائیں ہاتھ کے اوپنر نے 43 ٹیسٹ میچز میں 37.42 کی اوسط سے 2 ہزار 807 رنز بنائے، جن میں 7 سنچریاں بھی شامل تھیں،کیتھ اسٹیک پول نے 1971 میں میلبورن کرکٹ گراؤنڈ میں انگلینڈ کے خلاف کھیلے جانے والے تاریخ کے پہلے ون ڈے انٹرنیشنل میچ میں بھی حصہ لیا، جہاں انہوں نے لیگ اسپن بولنگ کے ذریعے 3 وکٹیں حاصل کیں۔

    انہوں نے 6 ون ڈے انٹرنیشنل میچز میں 224 رنز اسکور کیے تھے،اسٹیک پول کو 1970-71 کی ایشیز سیریز میں گابا کے مقام پر انگلینڈ کے خلاف 207 رنز کی یادگار اننگز کھیلنے پر یاد کیا جاتا ہے،وہ 1972 کی ایشیز سیریز میں آسٹریلوی نائب کپتان کی حیثیت سے 485 رنز بنا کر ٹاپ اسکورر بھی رہے۔کرکٹ سے ریٹائرمنٹ کے بعد اسٹیک پول نےریڈیو اور ٹی وی کمنٹری میں بھی نمایاں خدمات انجام دیں۔

    ان کے انتقال پر کرکٹ آسٹریلیا کے چیئرمین مائیک بیئرڈ نے افسوس کا اظہار کرتے ہوئے کہا کہ اسٹیک پول کی کرکٹ کیلئے خدمات کو طویل عرصے تک یاد کیا جائے گا۔

  • پی ایس ایل 10، اسلام آباد کی ملتان کو 7 وکٹوں سے شکست

    پی ایس ایل 10، اسلام آباد کی ملتان کو 7 وکٹوں سے شکست

    دفاعی چیمپئن اسلام آباد یونائٹڈ نے ایچ بی ایل پی ایس ایل 10 میں ناقابل شکست رہنے کا سلسلہ برقرار رکھتے ہوئے ملتان سلطانز کو 7 وکٹوں سے شکست دے دی۔

    کالن منرو اور آندریز ہاؤس نے 81 رنز کی شراکت قائم کرکے اپنی ٹیم کے لیے ہدف تک پہنچنا آسان بنادیا۔کالن منرو 2 چھکوں اور5 چوکوں کی مدد سے45 رنز بناکر بریسویل کی گیند پر افتخار احمد کے ہاتھوں کیچ ہوگئے۔آندریز ہا ؤس کی 45گیندوں پر 80 رنز ناٹ آؤٹ کی اننگز میں6 چوکے اور 5چھکے شامل تھے۔محمد نواز ایک چھکے اور ایک چوکے کی مدد سے21 رنز پر بناکر جارڈن کی گیند پر آؤٹ ہوئے۔ ان دونوں نے تیسری وکٹ کی شراکت میں55 رنز کا اضافہ کیا۔

    اسلام آباد یونائٹڈ کی پانچ میچوں میں یہ پانچویں کامیابی ہے۔ ملتان سلطانز کی پانچ میچوں میں یہ چوتھی شکست ہے۔ملتان میں جاری ایونٹ کے 13 ویں میچ میں ٹاس جیت کر پہلے بیٹنگ کرتے ہوئے ملتان سلطانز نے مقررہ 20 اوورز میں 5 وکٹوں کے نقصان پر 168 رنز اسکور کیے۔سلطانز کی جانب سے عثمان خان 61 رنز بنا کر نمایاں رہے۔ کپتان محمد رضوان 36، یاسر خان 29، افتخار احمد 10 اور مائیکل بریسویل 9 رنز بنا کر آؤٹ ہوئے جبکہ اسلام آباد یونائیٹڈ کی جانب سے جیسن ہولڈر، محمد نواز، رائلے میریڈتھ اور شاداب خان نے 1، 1 وکٹ حاصل کی۔

    اسکواڈ:

    ملتان سلطانز: محمد رضوان (کپتان، وکٹ کیپر)، یاسر خان، عثمان خان، کامران غلام، مائیکل بریسویل، افتخار احمد، کرس جورڈن، طیب طاہر، اسامہ میر، عبید شاہ، جوشوا لٹل

    اسلام آباد یونائیٹڈ: آندرے گوس (وکٹ کیپر)، صاحبزادہ فرحان، کولن منرو، شاداب خان (کپتان)، محمد نواز، حیدر علی، جیسن ہولڈر، عماد وسیم، سعد مسعود، رائلے میریڈتھ، سلمان ارشاد

    سعودی اتھارٹی کی مکہ میں پرمٹ کے بغیر داخلے پر پابندی

    بھارت سے کشیدگی،نواز شریف کا فوری پاکستان واپسی کا فیصلہ

    بھارت کا سندھ طاس معاہدہ معطل،اٹاری چیک پوسٹ بند،سفارتی عملہ کم کرنے کا اعلان

  • پی ایس ایل، نامناسب اشارے،عامر جمال پر جرمانہ

    پی ایس ایل، نامناسب اشارے،عامر جمال پر جرمانہ

    پاکستان کرکٹ بورڈ نے کراچی کنگز کے فاسٹ باؤلر عامر جمال پر ضابطہ اخلاق کی خلاف ورزی پر میچ فیس کا 5 فیصد جرمانہ عائد کر دیا ہے۔

    ذرائع کے مطابق پاکستان سپر لیگ سیزن 10 کے دوران کراچی کنگز اور پشور زلمی کے میچ کے دوران عامر جمال پر پشاور زلمی کے بلے باز حسین طلعت کی وکٹ لینے کے بعد نامناسب اشارے اور الفاظ کے تبادلے کا الزام تھا، جس پر انہیں لیول ون ضابطہ اخلاق کی خلاف ورزی کا مرتکب قرار دیا گیا۔

    اس حوالے سے پی سی بی کے ترجمان کا کہنا ہے کہ یہ کارروائی کوڈ آف کنڈکٹ کے تحت کی گئی، اور کھلاڑی نے جرم تسلیم کر لیا، جس کے بعد میچ ریفری نے سزا سنائی۔

    پاکستان اب صحیح سمت میں چل پڑا ،نواز شریف

    بھارتی پروپیگنڈا مسترد ، انڈین فالس فلیگ آپریشن پاکستان میں ٹاپ ٹرینڈ بن گیا

    پہلگام حملہ را اور بھارتی میڈیا کا گھٹ جوڑ ہے، مشعال ملک

    مقبوضہ کشمیر میں بھارتی سیاحوں پر حملہ، 26 افراد ہلاک

    سابق اداکارہ عفت عمر نے حکومتی عہدہ ٹھکرا دیا

  • پی ایس ایل 10، ملتان کی پہلی جیت، لاہور کو 33 رنز سے شکست

    پی ایس ایل 10، ملتان کی پہلی جیت، لاہور کو 33 رنز سے شکست

    پاکستان سپر لیگ 10 کے 12 ویں میچ میں ملتان سلطانز نے لاہور قلندرز کو 33 رنز سے شکست دے دی۔

    یہ ملتان سلطانز کی ٹورنامنٹ میں پہلی جیت ہے جب کہ پوائنٹس ٹیبل پر 4 میچز کے بعد ملتان کی ٹیم آخری نمبر پر موجود ہے۔ملتان کرکٹ اسٹیڈیم میں کھیلے گئے میچ میں لاہور قلندرز کی ٹیم ملتان سلطانز کی جانب سے 229 رنز کا پہاڑ جیسا ہدف حاصل کرنے میں ناکام رہی مقررہ اوورز میں 9 وکٹوں کے نقصان پر 195 رنز ہی بنا سکی۔ہدف کے تعاقب میں لاہور کی جانب سے سکندر رضا 50، سیم بلنگز 43 جب کہ فخر زمان 32 رنز بنا کر نمایاں رہے۔سلطانز کی جانب سے عبید شاہ نے تین جب کہ اسامہ میر اور بریسویل نے دو دو کھلاڑیوں کو آوٹ کیا۔

    ملتان سلطانز کی جانب سے یاسر خان 44 گیندوں پر 87 رنز بنا کر سب سے نمایاں رہے، اس دوران انہوں نے 6 چوکے اور 6 چکے بھی لگائے۔کپتان محمد رضوان 32 رنز اورعثمان خان نے 39 رنز بنائے۔افتخار احمد نے 18 گیندوں پر 40 رنز بنائے۔اس سے قبل ملتان میں کھیلے جارہے میچ میں ملتان سلطانز کے کپتان محمد رضوان نے لاہور قلندرز کیخلاف ٹاس جیت کر پہلے بیٹنگ کا فیصلہ کیا۔ ملتان سلطانز نے پہلے کھیلتے ہوئےمقررہ 20 اوورز میں 5 وکٹوں کے نقصان پر 228 رنز بنائے اور لاہور قلندرز کو جیت کیلئے 229 رنز کا ہدف دیا۔

    لاہور قلندرز کی جانب سے رشاد حسین نے 2 کھلاڑیوں کو آؤٹ کیا جبکہ آصف آفریدی اور سکندر رضان نے 1،1 وکٹ حاصل کی۔خیال رہے کہ پی ایس ایل 10 میں لاہور قلندرز نے 3 میچز کھیلیں ہیں اور انکے 4 پوائنٹس ہیں جب کہ ملتان سلطانز نے 3 میچز کھیلے ہیں اور تینوں میں اسے شکست ہوئی ہے۔
    کراچی کے تاجروں کی 26 اپریل کو ہڑتال کی حمایت