Category: کھیل

پی ایس ایل 10 میں پشاور زلمی کی جانب سے کھیلتے ہوئے بابر اعظم نے بر ا ترین ریکارڈ اپنے نام کرلیا۔

راولپنڈی کرکٹ اسٹیڈیم میں کھیلے گئے پی ایس ایل 10 کے دوسرے میچ میں کوئٹہ گلیڈی ایٹرز کے خلاف محمد عامر کی گیند پر بابر اعظم صفر پر آؤٹ ہوئے اور پاکستان سپر لیگ کی تاریخ میں سب سے زیادہ ‘صفرپر آوٹ ہونے والے بلے بازوں کی فہرست میں بابر اعظم لاہور قلندرز کے کپتان شاہین آفریدی کو پیچھے چھوڑتے ہوئے پشاور زلمی کے سابق وکٹ کیپر بلے باز کامران اکمل کے برابر آگئے۔

واضح رہے کہ اس وقت پی ایس ایل میں سب سے زیادہ صفر پر آؤٹ ہونےکا ریکارڈ اس وقت اسلام آباد یونائیٹڈ میں شامل آل راؤنڈر عماد وسیم کے پاس ہے جو کہ 12 مرتبہ صفر پر آؤٹ ہوچکے ہیں۔ ان کے بعد پشاور زلمی کے سابق فاسٹ بولر وہاب ریاض ہیں جو 10 بار صفر پر آؤٹ ہو چکے ہیں ۔

کراچی، رواں سال نا تجربہ کار ڈرئیوروں نے 262 خاندان اجاڑ دیے

اپووا خواتین کانفرنس میں باغی ٹی وی کی نور فاطمہ کو ملا اعزازی ایوارڈ

وزیرِ اعظم کی بلاول بھٹو کو پارٹی چیئرمین منتخب ہونے پر مبارکباد

اپووا کی سالانہ پانچویں خواتین کانفرنس،خواتین میں ایوارڈز تقسیم

ایچ بی ایل پاکستان سُپر لیگ 10 کے تیسرے میچ میں کراچی کنگز نے ملتان سلطانز کو شکست دے دی۔

تاتح ٹیم کی جانب سے جیمز ونس کی جارحانہ سینچری اور خوشدل شاہ کی نصف سینچری کی مدد سے ملتان سلطان کو 4 وکٹوں سے شکست دے دی۔ہدف کے تعاقب میں کراچی کنگز کو پہلا نقصان 44 رنز پر ہوا جب ڈیوڈ وارنر 12 رنز بنا کر پویلین لوٹ گئے، دوسری اور تیسری وکٹ بھی 52 رنز پر گر گئی تھی جبکہ کراچی کنگز کو چوتھا نقصان 79 رنز پر اٹھانا پڑا، جب عرفات منہاس صرف 10 رنز بناکر آؤٹ ہو گئے تھے۔

اس کے بعد کراچی کنگز کے لیے جیمز ونس اور خوشدل شاہ نے 68 گیندوں پر 142 رنز کے ساجھے داری بنائی اور جیت کے لیے اہم کردار ادا کیا، تاہم اس موقع پر جیمز ونس شاندار جارحانہ سینچری بنا کر رن آؤٹ ہو گئے، انہوں نے صرف 43 گیندوں پر 4 چھکوں اور 14 چوکوں کی مدد سے 101 رنز بنائے۔اس سے قبل پاکستان سپر لیگ کے تیسرے میچ میں ملتان سلطانز نے کپتان محمد رضوان کی سینچری کی مدد سے کراچی کنگز کو جیت کے لیے 235 رنز کا ہدف دیا ۔

کراچی کے نیشنل بینک اسٹیڈیم میں کھیلے جارہے میچ میں کراچی کنگز کے کپتان ڈیوڈ وارنر نے ٹاس جیتا اور ملتان سلطانز کو بیٹنگ کی دعوت دی۔ملتان کی جانب سے محمد رضوان اور شائے ہوپ نے اننگز کا آغاز کیا، شائے ہوپ صرف 8 رنز بنانے کے بعد حسن علی کا شکار بنے جب کہ عثمان خان بھی 19 رنز بنانے کے بعد اپنی وکٹ گنوا بیٹھے، تاہم اس موقع پر ملتان سلطانز نے صرف 9 اوورز میں 2 وکٹوں پر 82 رنز بنا لیے تھے۔

چوتھے نمبر پر بیٹنگ کے لیے کامران غلام میدان میں اترے، اور کپتان رضوان کے ساتھ مل کر 15ویں اوور میں ٹیم کا مجموعی اسکور 145 رنز تک پہنچا دیا، تاہم اس موقع پر کامران غلام 19 گیندوں پر جارحانہ 36 رنز بنا کر ہمت ہار بیٹھے، ان کی اننگز میں ایک چھکا اور 5 چوکے شامل تھے۔

رضوان کا ساتھ دینے مائیکل بریس ویل کریز پر آئے اور شاندار بیٹنگ کا مظاہرہ کرتے ہوئے صرف 17 گیندوں پر 3 چھکوں اور 5 چوکوں کی مدد سے 44 رنز کی ناقابل شکست اننگز کھیلی۔دوسرے اینڈ پر کپتان رضوان بھی آج جارحانہ موڈ میں نظر آئے اور 5 چھکوں اور 9 چوکوں کے ساتھ 63 گیندوں پر 105 رنز بنا کر ناٹ آؤٹ رہے، اس طرح 20 اوورز میں ملتان سلطان نے 3 وکٹیں کھو کر 234 رنز بنائے اور کراچی کنگز کو جیت کے لیے 235 رنز کا ہدف دیا۔

ایرانی صوبے بلوچستان میں مسلح افراد کے حملے میں 8 پاکستانی جاں بحق

پی ایس ایل 10: کنگز کیخلاف سلطانز کی بیٹنگ جاری

بین الاقوامی موسمیاتی ایپس کی مون سون میں پاکستان میں زائد بارشوں کی پیشگوئی

کراچی: ایچ بی ایل پاکستان سپر لیگ (پی ایس ایل) 10 میں کراچی کنگز نے ملتان سلطانز کیخلاف ٹاس جیت کر پہلے فیلڈنگ کا فیصلہ کیا ملتان سلطانز نے دو وکٹوں کے نقصان پر 108ر نز بنا لیے-

نیشنل اسٹیڈیم کراچی میں کھیلے جا رہے ایونٹ کے تیسرے میچ میں کپتان ڈیوڈ وارنر نے ٹاس جیت کر ملتان سلطانز کو پہلے بیٹنگ کی دعوت دی۔

کراچی کنگز

ڈیوڈ وارنر (کپتان)، جیمز ونس، شان مسعود، ٹِم سائفرٹ(وکٹ کیپر)، عرفان خان، خوشدل شاہ، ایڈم ملنے، عرفات منہاس، حسن علی، فواد علی، عباس آفریدی

ملتان سلطانز

محمد رضوان (کپتان، وکٹ کیپر)، شائی ہوپ، عثمان خان، افتخار احمد، کامران غلام، مائیکل بریسویل، شاہد عزیز، ڈیوڈ ولی، کرس جورڈن، اسامہ میر، عاکف جاوید

ملتان سلطانز اپنے ہر چھکے اور ہر وکٹ پر ایک لاکھ روپے کی رقم فلسطین چلڈرن ریلیف فنڈ میں عطیہ کرنے کا اعلان کردیا۔

ملتان سلطانز کے مالک علی ترین کا کہنا تھاکہ ملتان سلطانز میں ہم اپنے پلیٹ فارم کو مثبت مقاصد کیلئے استعمال کرنے پر یقین رکھتے ہیں ہم نے فیصلہ کیا ہے کہ اس سیزن میں فلسطین ریلیف فنڈ کو سپورٹ کریں گے، اپنے ہر چھکے اور ہر وکٹ پر ایک لاکھ روپے کی رقم فلسطین کے بچوں کیلئے عطیہ کریں گے۔

انہوں نے کہا کہ ہماری توجہ جہاں میدان میں مضبوط کارکردگی پر مرکوز ہے، وہیں ہم ضرورت مند بچوں کے ساتھ یکجہتی کیلئے برابر کے پابند ہیں، یہ ایک بہت بڑی کوشش میں ایک چھوٹا قدم ہے اور ہمیں اسے یہاں سے شروع کرنے پر فخر ہے۔

دوسری جانب ملتان سلطان کےکپتان محمد رضوان نے بھی فلسطین کے بچوں کی امداد کا اعلان کیا اور کہا کہ ملتان سلطانز اپنے ہر چھکے اور ہر وکٹ پر ایک لاکھ روپے کی رقم فلسطین چلڈرن ریلیف فنڈ میں عطیہ کرے گی۔

ایچ بی ایل پی ای ایس 10 میں کوئٹہ گلیڈی ایٹرز نے پشاور زلمی کو 80 رنز سے شکست دے دی۔

راولپنڈی کرکٹ اسٹیڈیم میں شیڈول میچ میں پشاور زلمی کے کپتان بابراعظم نے ٹاس جیت کر پہلے فیلڈنگ کرنے کا فیصلہ کیا، انہوں کہا کہ کوشش ہوگی حریف ٹیم کی جلد وکٹیں لیں اور فاتحانہ آغاز کریں،کوئٹہ گلیڈی ایٹرز کےکپتان سعود شکیل نے کہا کہ میچ میں فتح کی کوشش کریں گے، اسکواڈ مضبوط ہے بڑا ہدف دینا چاہتے ہیں۔

راولپنڈی میں کھیلے گئے ایونٹ کے دوسرے میچ میں پشاور زلمی کی ٹیم 217 رنز کا تعاقب کرتے ہوئے 16 اوور میں 136 رنز بنا کر آؤٹ ہوگئی، پشاور زلمی کی جانب سے صائم ایوب 50 رنز بنا کر نمایاں رہے۔ حسین طلعت 35، مچل اوون 31، محمد حارث 13 اور سفیان مقیم 1 رن بنا کر آؤٹ ہوئے جبکہ پانچ کھلاڑی بشمول کپتان بابر اعظم، ٹام کوہلر-کیڈمور، میکس برائنٹ، الزاری جوزف اور محمد علی بغیر کوئی رن بنائے پویلین لوٹے۔

گلیڈی ایٹرز کی جانب سے ابرار احمد نے 4، محمد عامر اور عثمان طارق نے 2،2 اور کائل جیمیسن نے 1 کھلاڑی کو آؤٹ کیا۔

راولپنڈی کرکٹ اسٹیڈیم میں کھیلے جارہے میچ میں پشاور زلمی کی دعوت پر پہلے بیٹنگ کرتے ہوئے کوئٹہ گلیڈی ایٹرز نے مقررہ اوورز میں 3 وکٹوں کے نقصان پر 216 رنز اسکور کیےگلیڈی ایٹرز کی جانب سے سعود شکیل نے 59 اور فن ایلن نے 53 رنز اسکور کیے، حسن نواز 41 رنز بنا کر آؤٹ ہوئے کوسل مینڈس 35 اور رائلے روسو 21 رنز بنا کر ناٹ آؤٹ پویلین لوٹے۔

پشاور زلمی کی جانب سے علی رضا، سفیان مقیم اور الزاری جوزف نے 1، 1 وکٹ حاصل کی، پہلی وکٹ کیلئے فن ایلن اور سعود شکیل نے 90 رنز کی شراکت داری قائم کی تاہم ایلن 53 پشاور زلمی کی جانب سے سفیان مقیم، الزاری جوزف اور علی رضا نے ایک ایک وکٹ حاصل کی۔

پشاور زلمی کا اسکواڈ:

کپتان بابراعظم، صائم ایوب، محمد حارث، ٹام کوہلر کیڈمور، میکس برائنٹ، مچل اوون، حسین طلعت، الزاری جوزف، محمد علی، سفیان مقیم، علی رضا

کوئٹہ گلیڈی ایٹرز کا اسکواڈ:

کپتان سعود شکیل، فن ایلن، حسن نواز، کوشل مینڈس، ریلی روسو، شعیب ملک، فہیم اشرف، کائل جیمیسن، ابرار احمد، محمد عامر، عثمان طارق