Category: موسم

کل کے موسم کا حال کیسا رہے گا، تفصیلات جاری

باغی ٹی وی : محکمہ موسمیات کے مطابق پیر کے روز ملک کے بیشترعلاقوں میں موسم خشک جبکہ میدانی علاقوں میں موسم گرم رہے گا۔
گزشتہ 24 گھنٹے کا موسم ملک کےبیشتر علاقوں میں موسم گرم اور خشک رہا۔ ریکارڈ کیے گئے زیادہ سے زیادہ درجہ حرارت کے مطابق نورپور تھل، لسبیلہ، تربت اور پسنی میں 41 ڈگری سینٹی گریڈ ریکارڈ کیا گیا۔

بھارت کے زیر قبضہ جموں و کشمیر کے بارے میں محکمہ موسمیات کی پیشگوئی کے مطابق سرینگر، جموں، پلوامہ، اننت ناگ، بارہ مولا اور شوپیاں میں موسم خشک رہنے کی توقع ہے جبکہ لہیہ مطلع ابر آلود رہے گا۔

آج صبح سرینگر میں درجہ حرارت 10 ڈگری سینٹی گریڈ، جموں20، لہیہ ایک، پلوامہ 13، اننت ناگ اور شوپیاں 12، اور بارہ مولا میں 11 ڈگری سینٹی گریڈ ریکارڈ کیا گیا۔

ملک کے مختلف حصوں میں آج گرج چمک کے ساتھ بارش کا امکان ہے۔

باغی ٹی و ی : محکمہ موسمیات کے مطابق بالائی خیبر پختونخوا، بالائی سندھ اور مکران میں چند مقامات پر گرج چمک کے ساتھ بارش کا امکان ہے۔

سندھ کے ضلع سکھر، شہید بینظیر آباد، اسلام کوٹ، مٹھی، نگر پارکر، تھر پارکر اور گرد و نواح میں گرج چمک کے ساتھ بارش کا امکان ہے۔ خیبر پختونخوا کے علاقے مالاکنڈ، سوات، شانگلہ اور دیر سمیت دیگر اضلاع میں بھی گرج چمک کے ساتھ بارش ہو سکتی ہے۔

مکران کی ساحلی پٹی پر مطلع جزوی ابر آلود ہے اور چند مقامات پر بارش متوقع ہے جبکہ کشمیر اور گلگت بلتستان میں بھی مطلع جزوی ابر آلود رہے گا۔

گزشتہ روز ملک بھر میں موسم گرم اور خشک رہا تاہم سندھ کے بعض اضلاع میں گرج چمک کے ساتھ تیز بارش ہوئی۔ عمرکوٹ میں موسلادھار بارش سے شہری خوف و ہراس میں مبتلا ہو گئے۔ شہر میں سیلابی صورتحال پیدا ہو گئی ہے۔ بارش کے سبب سیلاب سے متاثرین کی پریشانیوں میں اضافہ ہو گیا۔

ملک کے بیشتر حصوں میں وقفے وقفے سے بارشوں کا سلسلہ جاری ہے۔

باغی ٹی وی : ملک بھر میں بارشوں کے نیا سلسلہ شروع ہو گیا۔ مری، جہلم، ٹیکسلا، اٹک، سیالکوٹ اور کھاریاں میں گرج چمک کے ساتھ بارش ہوئی۔

شکرگڑھ، اسلام آباد، راولپنڈی، آزاد کشمیر اور شانگلہ کے مختلف حصوں میں بھی تیزآندھی کے بعد موسلا دھار بارش ہوئی۔ بارش کے باعث کئی علاقوں میں بجلی کی فراہمی معطل ہو گئی۔ خیبر پختونخوا کے علاقے باجوڑ میں بارش کے ساتھ ژالہ باری بھی ہوئی۔

محکمہ موسمیات کے مطابق ملک ے بیشتر حصوں میں آج بھی وقفے وقفے سے بارش کا امکان ہے۔ شمال مشرقی پنجاب، بالائی خیبر پختونخوا اور گلگت بلتستان میں چند مقامات پر بارش کا امکان ہے جبکہ اسلام آباد میں مطلع جزوی ابر آلود اور چند مقامات پر گرج چمک کے ساتھ بارش ہو گی۔

لاہور، سیالکوٹ، گجرات، گوجرانوالہ نارروال، ڈی جی خان، ملتان، بھکر، پشاور، ایبٹ آباد، دیر، سوات، مالاکنڈ اور کوہستان میں بھی گرج چمک کے ساتھ بارش ہو سکتی ہے۔

بارش اور سیلاب متاثرین کی امداد کے لیے پاک بحریہ کا آپریشن جاری

ملک کے بیشتر حصوں میں آج بھی گرج چمک کے ساتھ بارش کا امکان، شہری رہیں محتاط

‌باغی ٹی وی : محکمہ موسمیات کے مطابق ملک کے بیشتر حصوں میں آج بھی گرج چمک کے ساتھ بارش ہو سکتی ہے۔ وسطی پنجاب، خیبر پختونخوا اور کشمیر میں گرج چمک کے ساتھ بارش ہو گی۔

گلگت بلتستان میں تیز ہواؤں اور گرج چمک کے ساتھ بارش متوقع ہے۔ بلوچستان کے بیشتر اضلاع میں بدھ کو موسم گرم اور مرطوب رہے گا۔

گزشتہ روز بھی ملک کے بیشتر علاقوں میں بارش کا سلسلہ وقفے وقفے سے جاری رہا جس کے باعث گرمی اور حبس کی شدت ختم ہو گئی۔ سندھ، کشمیر، پنجاب، خیبر پختونخوا اور گلگت بلتستان کے بیشتر حصوں میں تیز ہواؤں اور گرج چمک کے ساتھ بارش ہوئی۔

گزشتہ روز سب سے زیادہ بارش پنجاب کے علاقے جوہر آباد میں 154 ملی میٹر ریکارڈ کی گئی جبکہ نور پور تھل میں 126 ملی میٹر، اٹک میں 114 ملی میٹر، سرگودھا میں 93 ملی میٹر، کروڑ لیہ میں 85 ملی میٹر، چکوال میں 87 ملی میٹر، اسلام آباد میں 79 ملی میٹر، بھکر میں 56 ملی میٹر، بہاولپور میں 55 ملی میٹر، ملتان میں 53 ملی میٹر بارش ریکارڈ کی گئی۔

خیبر پختونخوا میں سب سے زیادہ بارش مالم جبہ میں 176 ملی میٹر، پٹن میں 101 ملی میٹر، ڈی آئی خان میں 78 ملی میٹر، کالام میں 76 ملی میٹر، دیر میں 62 ملی میٹر اور پشاور میں 37 ملی میٹر بارش ریکارڈ کی گئی۔

کشمیر کے علاقے مظفر آباد میں 84 ملی میٹر، گڑھی دوپٹہ میں 28 ملی میٹر، کوٹلی میں 09 ملی میٹر اور راولاکوٹ میں 04 ملی میٹر بارش ہوئی۔ گلگت بلتستان کے علاقے گوپس میں 34 ملی میٹر، دروش میں 14 ملی میٹر اور استور میں 02 ملی میٹر بارش ریکارڈ کی گئی۔

کراچی کے مسائل درست نہیں‌ ہوئے بارشوں کا ساتواں سپیل بھی آن پہنچا

باغی ٹی وی :کراچی میں مون سون بارشوں کا ساتواں اسپیل آج سے شروع ہونے کا امکان ہے جبکہ گزشتہ طوفانی بارشوں سے ہر طرف مسائل ہی مسائل ہیں۔

محکمہ موسمیات نے کراچی شہر میں ایک بار پھر اربن فلڈنگ کا خدشہ ظاہر کر دیا ہے اور سندھ کے نشیبی علاقے دوبارہ زیر آب آنے کا خدشہ ہے۔
دوسری جانب بارشوں کو ختم ہوئے چار روز گزر گئے لیکن تاحال کراچی میں مکمل نکاسی آب نہ ہو سکی۔ شہر کے متعدد انڈر پاسز میں اب بھی پانی جمع ہے۔

صدر پارکنگ پلازہ کے قریب نالہ ابلنے کے خدشے کے باعث سڑک پر عارضی بند بنا دیا گیا ہے جبکہ کورنگی کازوے روڈ چھ روز بعد بھی ٹریفک کے لیے نہ کھل سکا۔ترجمان سندھ حکومت کے مطابق خیابان سحر کا ایک حصہ کلیئر کرا دیا گیا ہے جبکہ پاک فوج اور پاکستان بحریہ کی ٹیمیں مشکل میں پھنسے کراچی والوں کی مدد میں مصروف ہیں۔ پاک فوج کی جانب سے کراچی کے انڈر پاسز کو بھی کلیئر کیا جا رہا ہے۔

ڈی جی آئی ایس پی آر کے مطابق پاک فوج کے انجینئرز نے گزری انڈر پاس کلیئرکردیا،کے پی ٹی پی سوک سنٹر،محسن بھوپالی اور گولیمار انڈرپاس کوٹریفک کیلئے کھول دیا،

ڈی جی آئی ایس پی آر کے مطابق شہرمیں پمپوں کے ذریعے پانی نکالاجارہاہے،خراب گاڑیوں کوہٹانے کے لیے پاک فوج کی ریکوری گاڑیاں کام کر رہی ہیں،سیلاب میں پھنسے افراد کوتیارکھانا فراہم کیا جارہا ہے،آرمی کے 3 فیلڈ میڈیکل سنٹرمتاثرین سیلاب کوطبی امدادفراہم کررہے ہیں،آ32 ایمرجنسی میڈیکل اور56ریلیف کیمپ کام کررہے ہیں،

خیال رہے کہ کراچی میں حالیہ بارشوں سے معمولات زندگی بری طرح متاثر ہوئے ہیں۔ شہرمیں اشیائے خورونوش سمیت پیٹرولیم مصنوعات کی سپلائی اوررسد بھی متاثر ہے۔

شہر کے متعدد فیول اسٹیشن پر بجلی اور تیل کی عدم فراہمی کی وجہ سے لوگوں کو آمدورفت میں مشکلات کا سامنا ہے۔ کراچی کے باڑوں سے دکانوں تک دودھ کی فراہمی بھی متاثرہے۔

کراچی میں پاک فوج کاریلیف اینڈ ریسکیو آپریشن جاری،کونسے انڈر پاس کر دیئے کلیئر؟ بتا دیا

ملک بھر میں متعدد مقامات پر بارش کا امکان ، شہری رہیں محتاط

باغی ٹی وی : محکمہ موسمیات کے مطابق آج سندھ، پنجاب، خیبرپختونخوا، کشمیر اور گلگت بلتستان میں تیز ہواؤں اور گرج چمک کے ساتھ بارش کا امکان ہے۔

پنجاب، بالائی خیبر پختونخوا اورکشمیر میں بھی چند مقامات پر موسلادھار بارش کی توقع ہے۔ وفاقی دارالحکومت اسلام آباد میں گزشتہ شب موسلا دھار بارش اور صبح کے وقت بھی بادل چھائے رہے۔

محکمہ موسمیات نے آج بھی اسلام آباد اور راولپنڈی میں بارش کی پیشگوئی کی ہے۔ کشمیراور گلگت بلتستان میں بھی اکثر مقامات پر تیز ہواؤں کےساتھ بارش ہو سکتی ہے۔حیدرآباد کے مختلف علاقوں میں بھی گزشتہ شب بارش ہوئی جس کے بعد مختلف علاقوں میں بجلی کی فراہمی معطل ہوگئی ہے۔ حیدرآباد، قاسم آباد، لطیف آباد، حسین آباد، غریب آباد، پٹھان کالونی اور نسیم نگر سمیت کئی علاقوں میں بجلی غائب ہے۔

روجھان اور مضافات میں بھی بارش ہوئی ہے جس کے بعد گرمی کی شدت میں کم آئی۔ کشمور، تنگوانی اور ملحقہ علاقوں میں بھی تیز ہوا کے ساتھ بارش ہوئی ہے۔ نصیر آباد ڈیرہ مراد جمالی اور گردونواح میں بھی وقفے وقفے سے بارشوں کا سلسلہ جاری ہے۔

کراچی، حیدرآباد، سکھر، لاڑکانہ، شہید بینظیر آباد، سانگھڑ، ٹھٹھہ، بدین اورمیر پورخاص میں بارش متوقع ہے۔پنجاب کے ضلع سیالکوٹ اور گردونواح میں بھی وقفے وقفے سے برسات کا سلسلہ جاری ہے۔ محکمہ انہار کے مطابق برساتی نالوں اور دریاؤں میں طغیانی کا خدشہ ہے۔

محکمہ موسمیات کے مطابق راولپنڈی، اٹک، چکوال، جہلم، منڈی بہاؤالدین، حافظ آباد، گوجرانوالہ، سیالکوٹ، نارووال، لاہور، قصور، اوکاڑہ، فیصل آباد، جھنگ، سرگودھا، میانوالی، خوشاب اور ٹوبہ ٹیک سنگھ میں اکثر مقامات پر موسلادھار بارش کا امکان ہے۔

صوبہ بلوچستان کے بیشتر اضلاع میں آج موسم گرم اور مرطوب رہے گا تاہم اس دوران لسبیلہ، سبی، کوہلو، بارکھان اورخضدار میں گرج چمک کے ساتھ مزید بارش ہو سکتی ہے۔

کراچی میں مون سون سیزن اپنے عروج پر ہے، اب تک بارشوں کے 6 سپیل ہوچکے، آج سے ساتویں سپیل کی بھی پیش گوئی کر دی گئی۔ محکمہ موسمیات نے وارننگ جاری کرتے ہوئے کہا نشیبی علاقوں میں اربن فلڈنگ کا خدشہ ہے۔

شہر قائد میں اب تک اگست کی بارش کا 89 سالہ ریکارڈ ٹوٹ گیا ہے، محکمہ موسمیات نے ساتویں سپیل میں مختلف مقامات پر کہیں ہلکی تو کہیں تیز اور موسلا دھار بارش کا امکان ہے۔

محکمہ موسمیات نے متعلقہ اداروں کو ایڈوائزری بھی جاری کر دی۔ مون سون ہوائیں مشرقی سندھ میں داخل ہوگئیں، مون سون کا ساتواں سپیل پیر کی شب تک جاری رہے گا جس کے نتیجے میں کراچی میں گرج چمک کیساتھ بارش کا امکان ہے.

اہل کراچی کے لیے موسم کے حوالے سے پھر پریشان کن خبر

کل بارش اور شدید آندھی طوفان کہاں کہاں ہوگا ، رپورٹ‌ جاری

باغی ٹی وی :جمعہ کے روز اسلام آباد، بالائی پنجاب، بالائی خیبر پختونخوا، گلگت بلتستان اور کشمیر میں تیز ہواؤں اور گرج چمک کے ساتھ بارش کا امکان ہے۔ اس دورن سندھ کی ساحلی پٹی اور مشرقی بلوچستان میں چند مقامات پر مزید بارش ہو سکتی ہے۔

گزشتہ 24 گھنٹے کے دوران پنجاب، سندھ، کشمیر، بلوچستان، خیبر پختونخوا اور گلگت بلتستان میں اکثر مقامات پر گرج چمک کے ساتھ بارش ہوئی۔ اس دوران چند مقامات پر موسلا دھار بارش بھی ہوئی۔

گوجرانوالہ 95، سیالکوٹ 84، جہلم 78، کوٹ ادو 53، مری 46، ٹوبہ ٹیک سنگھ، ڈی جی خان 30، چکوال 27، لاہور 23، ساہیوال 23، نورپور تھل 20، اٹک 19، نارووال 15، گجرات 12، فیصل آباد، منڈی بہاء الدین10، راولپنڈی 10، قصور 09، اسلام آباد 08، جوہر آباد، اوکاڑہ 07، لیہ 05، رحیم یار خان 04، خانپور 03، ملتان اور سرگودھا میں 02 ملی لیٹر بارش ہوئی۔

اس کے علاوہ موہنجو داڑو 100، جیکب آباد 60، لاڑکانہ 57، پڈعیدن 31، دادو 07، کراچی 06، سکھر، بدین 06، مٹھی، سکرنڈ 03، شہید بینظیر آباد 01، کوٹلی 82، راولاکوٹ 27، گڑھی دوپٹہ 18، مظفر آباد 12، سبی 74، بارکھان 42، خضدار 19، ژوب 12، لسبیلہ 03، قلات 02، مالم جبہ 20، سیدو شریف 08، کالام 04، کاکول، بالا کوٹ 03، پشاور، 02، گوپس 08، گلگت، بگروٹ 07، ہنزہ 05، استور 04، سکردو، میر کھانی 03 اور بونجی میں 01 ملی میٹر بارش ریکارڈ کی گئی.