Tag: افغانستان

بین الاقوامی فوجداری عدالت (آئی سی سی) کے ججوں نے پیر کے روز پراسیکیوٹر کریم خان کو افغانستان میں ہونے والے مظالم کی تحقیقات دوبارہ شروع کرنے کی اجازت دے دی ہے۔

باغی ٹی وی : افغانستان میں جنگی جرائم کی تحقیقات گذشتہ دوسال سے تعطل کا شکار ہے آئی سی سی کی جانب سے شائع کردہ فیصلے کے مطابق ججوں نے قرار دیا ہے کہ کابل فی الحال اپنے وعدے کے مطابق آئی سی سی کے دائرہ اختیار میں آنے والے مبیّنہ جرائم کی حقیقی تحقیقات نہیں کر رہا ہے لہٰذا تحقیقات کو آگے بڑھایا جانا چاہیے۔

گذشتہ سال اگست میں، طالبان کی حکمرانی کے آغاز کے وقت افغانستان میں جرائم کی تحقیقات کرنے والے پراسیکیوٹر کریم خان نے تحقیقات دوبارہ شروع کرانے کی استدعا کی تھی-

انہوں نے عالمی عدالت کے ججوں پر زور دیا تھا کہ وہ تحقیقات کو آگے بڑھانے کی اجازت دیں انہوں نے خبردار کیا تھا کہ افغانستان میں جنگی جرائم اور انسانیت مخالف جرائم کا سلسلہ جاری ہے۔

ایران کیساتھ جوہری معاہدےکی بحالی کی ناکامی پر وقتِ ضرورت فوجی آپشن زیرِغورہے،امریکی ایلچی

گذشتہ سال ستمبر میں کریم خان کا کہنا تھا کہ وہ طالبان اور داعش کے عسکریت پسندوں کے جرائم کی تحقیقات دوبارہ شروع کرنا چاہتے ہیں استغاثہ امریکی افواج اور افغان حکومت کے فوجیوں کی جانب سے مشتبہ جنگی جرائم کی تحقیقات کو’’عدم ترجیح‘‘ دے سکتا ہے۔

جاپان نے افغانستان میں سفارتی سرگرمیاں دوبارہ شروع کرنے کا فیصلہ کرلیا۔

باغی ٹی وی : افغان میڈیا کے مطابق جاپانی وزیرخارجہ یوشی ماسا ہایاشی کا کہنا ہے کہ افغانستان کے ساتھ محدود سفارتی تعلق قائم کیا گیا ہے، کابل میں جاپانی سفارتخانے نے محدود سرگرمیاں شروع کردی ہیں۔

انہوں نے کہا کہ افغانستان میں مکمل سفارتی سرگرمیوں کی بحالی کا فیصلہ بعد میں حالات کا جائزہ لینے کے بعد کیا جائے گا۔

شی جن کی تیسری مدت کیلئے چین کے صدر بننے کی راہ ہموار

یاد رہے کہ افغانستان میں گزشتہ حکومت کے خاتمے کے بعد جاپان نے اپنا سفارتخانہ بند کر دیا تھا اور سفارتی عملے نے قطر سے عارضے طور پر اپنی سرگرمیاں جاری رکھی ہوئی تھیں تاہم اب کابل میں جاپانی سفارتخانے نے محدود سرگرمیاں شروع کردیں ہیں۔

دوسری جانب افغانستان کے لئے اقوام متحدہ کے خصوصی نمائندے رچرڈ بینیٹ نے نائب وزیر برائے خارجہ امور عباس ستانکزئی سے ملاقات کی۔

افغان میڈیا کے مطابق ملاقات میں افغان اقتصادی امور پر تبادلہ خیال کیا گیا، نیز بینک پر موجود امریکی پابندیاں اور نشے کے عادی افراد کے علاج کے موضوع پر بھی بات چیت ہوئی۔

روسی صدرکومکمل طورپرتنہا کردینا خطرناک ہو سکتا ہے، فرانسیسی وزیرخارجہ

کابل: افغانستان کے صوبہ غور میں لڑکی نے سنگنسار ہونے کی سزا سے بچنے کیلئے خود کشی کر لی-

باغی ٹی وی: خبر ایجنسی کے مطابق افعانستان کے صوبہ غور میں پسند کی شادی کے لیے گھر سے فرار ہونے والے جوڑے کو طالبان اہلکاروں نے پکڑ کر زنا کے الزام میں سنگسار کی سزا سنادی۔

مقامی طالبان حکام کے مطابق خاتون جس شخص کے ساتھ گھر سے بھاگی تھی وہ شادی شدہ مرد تھا لڑکے کی سزا پر عمل درآمد 13 اکتوبر کو پھانسی دے کر کردیا گیا تھا اور آج لڑکی کو سرعام سنگسار کی سزا دی جا رہی تھی تاہم لڑکی نے عین موقع پر اسکارف سے اپنا گلا گھونٹ کر خودکشی کرلی۔

غور کے لیے طالبان کے صوبائی پولیس چیف کے ترجمان عبدالرحمٰن نے کہا کہ یہ واقعہ، جس میں سرعام سنگساری کی سزا پانے والی ایک خاتون نے سزا ملنے سے پہلے خودکشی کر لی، صوبے کے ڈولائنہ ضلع میں خواتین کی جیل نہ ہونے کی وجہ سے پیش آیا۔

طالبان سیکیورٹی اہلکار کے مطابق، خاتون نے اسکارف سے خود کو گلا گھونٹ لیا، سزا ملنے سے پہلے ہی اس نے اپنی زندگی کا خاتمہ کر لیا۔

طالبان حکومت کے عہدیداروں نے دعویٰ کیا کہ صوبہ غور کے ڈولائنہ ضلع میں مرد اور عورت کی شادی ہوئی تھی لیکن ایک دوسرے سے نہیں اور وہ گھر سے بھاگ گئے تھے۔

افغانستان میں طالبان کی حکومت کے قیام کے بعد سے مرکزی بینک سمیت تمام عالمی فنڈز منجمد کردیئے گئے تھے جس کے باعث ملک کو شدید مالی بحران کا سامنا ہے اور ملک میں غربت کے ڈیرے ہیں لوگ اپنی بیٹیاں فروخت کرنے پر مجبور ہوگئے ہیں۔

اس تمام صورت حال کے باعث افغان لڑکیوں میں گھر سے بھاگ کر شادی کرنے کےرجحان میں اضافہ دیکھا گیا ہے جب کہ طالبان حکومت نے انہیں سنگسار کرنے یا سرعام کوڑے مارنے کا فیصلہ کیا ہے خواتین اپنے مستقبل کے حوالے سے شدید عدم تحفظ کا شکار ہیں ۔

خیال رہے کہ طالبان نے گزشتہ برس 15 اگست کو افغانستان میں حکومت قائم کی تھی اور تب سے لڑکیوں کی سیکنڈری تعلیم، خواتین کی ملازمتوں اور نامحرم کے بغیر سفر کرنے پر پابندی ہے یہاں تک کہ ٹیکسی ڈرائیوروں اور دیگر شہری نقل و حمل کی خدمات کو طالبان نے محرم کے بغیر خواتین کو سروس فراہم کرنے سے منع کیا تھا۔

افغان معیشت کی تیزی سے گرتی صورتحال پر اقوام متحدہ کے ذیلی ادارے یونائیٹڈ نیشنز ڈویلپمنٹ پروگرام (یواین ڈی پی) نے اپنی رپورٹ میں افغان معیشت کی ڈرامائی گراوٹ پر تشویش کا اظہار کیا ہے۔

باغی ٹی وی : یواین ڈی پی نے اپنی رپورٹ میں کہا ہے کہ طالبان کے اقتدار میں آنے کے بعد سے افغان معیشت تباہی کا شکار ہے، افغان معیشت کے استحکام میں دس سال لگے تباہ ہونے میں ایک سال سے بھی کم عرصہ لگا۔

امریکا اورطالبان کے درمیان دوحا معاہدے کے تحت قیدیوں کا تبادلہ

رپورٹ میں کہا گیا ہے کہ اگست 2021 میں طالبان کے اقتدار میں آنے کے وقت افغان معیشت کا حجم 20 ارب ڈالر تھا، ایک سال میں افغان معیشت کا حجم 5 ارب ڈالر سکڑا ہے۔

ڈائریکٹریواین ڈی پی کا کہنا ہے کہ 10 سالوں میں بنائے گئے اثاثے اوردولت کو 10 ماہ میں ضائع کیا گیا، معیشت کی اس قسم کی ڈرامائی تباہی دنیا میں نہیں دیکھی۔

انہوں نے کہا کہ اگست 2021 کے بعد سے کھانے پینے کی چیزوں میں 35 فیصد اضافہ ہوا، افغانی شہری اپنی آمدن کا 60 سے 80 فیصد حصہ خوراک اورایندھن پرخرچ کرتے ہیں، 95 سے 97 فیصد افغانی غربت کی لکیر سے نیچے زندگی بسرکر رہے ہیں۔

افغانستان کے منجمد اثاثوں کی بحالی کیلئے چین نے پھرمطالبہ کردیا

ڈائریکٹر یو این ڈی پی نے مزید کہا کہ 2022 کے وسط تک افغانستان میں7 لاکھ افراد بے روزگار ہوئے جن میں اکثریت خواتین کی تھی، جنوبی افغانستان میں ہرپانچ میں سے ایک بچہ غذائی قلت کا شکار ہے۔

ان کا کہنا تھا کہ اقوام متحدہ افغانستان میں اگلے تین سالوں میں نجی شعبے کی بحالی کے ذریعے 20 لاکھ ملازمین پیدا کرنا چاہتی ہے۔

امریکا کا افغان مرکزی بینک کے منجمد 3.5 ارب ڈالرسوئس میں قائم ٹرسٹ کےذریعے منتقل…

افغان طالبان کا کہنا ہے کہ افغانستان کی سرزمین کوپاکستان سمیت کسی ملک کے خلاف استعمال نہیں کرنے دیں گےہماری سرزمین کسی بھی ملک کےخلاف استعمال ہوئی تو ذمہ دار کوگرفتارکرکےغداری کا مقدمہ چلائیں گے کیونکہ کالعدم ٹی ٹی پی گروپ کی جانب سے پوری دنیا کو انسداد دہشت گردی کی یقین دہانیوں پر شکوک و شبہات بڑھتے جا رہے ہیں۔

باغی ٹی وی : طالبان کے ترجمان ذبیح اللہ مجاہد نے اپنے کابل کے دفتر میں وائس آف امریکا کے ساتھ ایک انٹرویو میں یہ انتباہ جاری کیا، سرحد پار دہشت گردانہ حملوں میں حالیہ اضافے میں درجنوں پاکستانی سکیورٹی اہلکار شہید ہو چکے ہیں تازہ ترین حملہ جمعہ کو اس وقت ہوا جب “افغانستان کےاندر سے دہشت گردوں” نے پاکستانی فوجیوں پر فائرنگ کی، جس میں ایک فوجی شھید ہوا۔

کابل، سکول میں دھماکہ،19 افراد کی موت،27 زخمی

طالبان ترجمان ذبیح اللہ مجاہد نے کہا کہ کالعدم ٹی ٹی پی کو ایسی سرگرمیاں کرنے کی اجازت نہیں دیں گے، ٹی ٹی پی نے ہمیں یقین دلایا ہے کہ وہ کسی دوسرے ملک کو دھمکی نہیں دیں گے، افغانستان اور پاکستان سرحد پہاڑوں اور مُشکل علاقوں سے گزرتی ہے۔

ذبیح اللہ ،جاہد نےکہا کہ امریکہ اور اتحادی افواج کےانخلاء کے بعد طالبان کی واپسی نے دو دہائیوں سےجاری جنگ کا خاتمہ اور افغانستان کے بیشتر حصے میں امن قائم کر دیا ہے۔تاہم انہوں نے تسلیم کیا کہ سرحدی حفاظت طالبان فورسز کے لیےبدستور ایک چیلنج بنی ہوئی ہے۔

ایران کا عراقی کردستان پرڈرون حملہ، 13افراد ہلاک متعدد زخمی

انہوں نے کہا کہ افغانستان اور پاکستان کے درمیان پہاڑوں اور دشوار گزار علاقوں سے گزرنے والی ایک طویل (باؤنڈری) لائن ہے ۔ یہاں تک کہ ایسےحصے بھی ہیں جہاں ہماری افواج نےابھی تک قدم نہیں جمائے ہیں اورنہ ہی انہیں محفوظ بنانےکےلیےفضائی مدد کی ضرورت پڑی ہے۔

طالبان ترجمان نے مزید کہا کہ یہ ممکن ہے کہ کچھ لوگ ایسی صورتحال کا فائدہ اٹھا رہے ہوں، اور اگر ایسا ہے تو، یہ لوگ سب سےپہلے افغانستان کے خلاف بغاوت کے مرتکب ہو رہے ہیں کسی ملک کے خلاف افغانستا ن کی سرزمین استعمال کرنے پرایسے عناصر کو گرفتار کر کے سزا ملنی چاہیے-

مریخ پر پانی کی موجودگی کے نئے شواہد

انہوں نے کہا کہ ہماری طرف سے معاملہ سنجیدگی سے زیرغور ہے، پاکستان کو یقین دلاتے ہیں کہ ہماری سرزمین ان کے خلاف استعمال نہیں ہوگی، پاکستان کو بھی یقینی بنانا چاہیے کہ ان کی سرزمین ہمارے خلاف استعمال نہ ہو۔