Baaghi TV

Tag: آئی ایم ایف

  • آئی ایم ایف نے پاکستان کے ساتھ مذاکرات کا اعلامیہ جاری کردیا

    اسلام آباد: عالمی مالیاتی ادارے آئی ایم ایف نے پاکستان کے دورے کے بعد اعلامیہ جاری کردیا۔

    باغی ٹی وی: آئی ایم ایف کی جانب سے جاری اعلامیے میں کہا گیا ہےکہ مسٹر ناتھن پورٹر کی قیادت میں آئی ایم ایف ٹیم نے31 جنوری تا 9 فروری پاکستان کا دورہ کیا جو پروگرام کے نویں جائزے کےلیے تھا جب کہ دورے میں پاکستان سے تعمیری بات چیت ہوئی۔

    پاکستان اور آئی ایم ایف کے درمیان مذاکرات کا آج آخری دن، آج معاہدہ ہونے کا امکان

    اعلامیےمیں کہا گیا کہ آئی ایم ایف ٹیم میکرو اکنامک استحکام کے تحفظ کے لیے درکار پالیسیوں پر عمل درآمد کے لیے وزیراعظم کے عزم کا خیرمقدم کرتی ہے اور تعمیری بات چیت کے لیے حکام کا شکریہ ادا کرتی ہے۔

    اعلامیے کے مطابق مذاکرات میں ملکی اور بیرونی عدم توازن کو دور کرنے کے لیے پالیسی اقدامات پر مشن کے دوران خاطر خواہ پیش رفت ہوئی۔ اہم ترجیحات میں مستقل ریونیو اقدامات کے ساتھ مالیاتی پوزیشن کو مضبوط بنانا، دورے میں مستقل ریونیو حصول کے اقدامات، نان ٹارگٹڈ سبسڈی میں کمی، غریب ترین طبقے کے سماجی تحفظ بڑھانے اور سیلاب متاثرین کی مدد کرنے پر بھی بات ہوئی۔

    آئی ایم ایف معاہدہ؛ مثبت اور منفی دونوں اثرات پڑ سکتے. وفاقی وزیر خواجہ آصف

    اعلامیے میں کہا گیا ہےکہ زر مبادلہ کی کمی کو بتدریج ختم کرنے کے لیے زر مبادلہ کی شرح کو مارکیٹ میں طے کرنے کی اجازت دینا مذاکرات میں گردشی قرض میں کمی کرکےتوانائی کے شعبےمیں عملداری یقینی بنانے اور پاکستانی حکام سے توانائی کی فراہمی بہترکرنے پربات ہوئی۔

    اعلامیے میں مزید کہا گیا ہےکہ آئی ایم ایف ٹیم میکرو استحکام کے لیے پالیسیوں پر عمل درآمدکا خیر مقدم کرتا ہے، میکرواستحکام اور پائیدارترقی کےلیے سرکاری شراکت داروں سے مالی مدد پاکستان کے لیےضروری ہے، فیصلہ کن پالیسوں پربروقت عملدرآمد سے پاکستان میں میکرواستحکام آئےگا جب کہ ان پالیسیوں پر عملدر آمد کے لیے ورچوئل مذاکرات جاری رہیں گے۔

    اعلامیے کے مطابق مشن کے دورے پر جاری بیان آئی ایم ایف بورڈ میں زیربحث نہیں آئے گا۔

    آئی ایم ایف کےحکومت کےساتھ معاملات طے پا گئے

  • آئی ایم ایف سے مذاکرات کے حوالے سے آج اچھی خبر دیں گے،اسحاق ڈار

    آئی ایم ایف سے مذاکرات کے حوالے سے آج اچھی خبر دیں گے،اسحاق ڈار

    اسلام آباد: وزیر خزانہ اسحاق ڈار نے کہا ہےکہ وہ آج آئی ایم ایف سے مذاکرات سے متعلق اچھی خبر دیں گے۔

    اسلام آباد میں ایک تقریب کے بعد میڈیا نمائندوں سے غیر رسمی گفتگو میں اسحاق ڈار نے کہا کہ آئی ایم ایف مشن کے ساتھ ملاقات کررہا ہوں اور ان کے ساتھ مذاکرات آن ٹریک ہیں۔

    وزیر خزانہ نے کہا کہ آئی ایم ایف سے کوئی اختلاف نہیں، ان کے ساتھ آج فائنل راونڈ چل رہا ہے،آئی ایم ایف سے مذاکرات کے حوالے سے آج اچھی خبر دیں گے،آئی ایم ایف سےروزانہ کی بنیادپر میری بات ہورہی ہے-

    اسلام آباد میں روڈ سیفٹی کانفرنس سے خطاب کرتے ہوئے وزیرخزانہ اسحاق ڈار نے کہا کہ اس طرح کی تقریب کاانعقاد خوش آئند ہے،روڈ حادثات میں کئی قیمتی جانوں کاضیاع ہوتا ہے،سڑکوں پر ٹریفک کادباودن بدن بڑھ رہا ہے،حکومت رواں سال 50سے زائد سڑکوں کے منصو بوں پر کام کررہی ہےروڈ سیفٹی کانفرنس سے جامع ایکشن پلان بنانے میں مدد ملے گی-

  • پاکستان اور آئی ایم ایف کے درمیان مذاکرات کا آج آخری دن، آج معاہدہ ہونے کا امکان

    پاکستان اور آئی ایم ایف کے درمیان مذاکرات کا آج آخری دن، آج معاہدہ ہونے کا امکان

    اسلام آباد: پاکستان اور عالمی مالیاتی فنڈ (آئی ایم ایف) کے درمیان مذاکرات ، ایم ای ایف پی کا مسودہ آج فائنل کرلیا جائےگا-

    باغی ٹی وی: پاکستان اور آئی ایم ایف کے درمیان مذاکرات کا آج آخری دن ہے، آئی ایم ایف اور پاکستان کے مابین مذاکرات حتمی مرحلے میں داخل ہوگئے ہیں ا ور حکومت اتفاق رائے کے لیے پرامید ہے، بہت سے معاملات پر فریقین میں اتفاق رائے ہوگیا ہےمذاکرات میں مالیاتی پالیسیوں پر تفصیلی بات چیت جاری ہے اور آج معاہدہ ہونے کا امکان ہے بصورت دیگر مذاکرات میں ایک دو روز کی توسیع بھی ہو سکتی ہے۔

    آئی ایم ایف مشن کی جانب سے بیرونی فنانسنگ اور ملکی بجٹ کے اقدامات کے ساتھ توانائی کی لاگت میں خاطر خواہ ایڈجسٹمنٹس پر ایک واضح روڈ میپ، اقتصادی اور مالیاتی پالیسیوں (ایم ای ایف پی) کے مسودے کو 9 فروری کو ہونے والے مذاکرات کے طے شدہ اختتام سے کم از کم ایک روز قبل حکام کے ساتھ شیئر کرنا چاہیے تھا۔

    ایک سینیئر سرکاری عہدیدار نے بتایا کہ بدھ کی رات تک ہمیں (ایم ای ایف پی) کا مسودہ موصول نہیں ہوا اور مالی اقدامات و بیرونی فنڈنگ کے ذرائع دونوں کے لحاظ سے حتمی لائحہ عمل پر آئی ایم ایف کے تحفظات ابھی بھی موجود ہیں۔

    ذرائع کے مطابق گزشتہ روز وزیرخزانہ اسحاق ڈار سے آئی ایم ایف مشن چیف ناتھن پورٹر نے ملاقات کی، آئی ایم ایف مشن چیف نے وزیرخزانہ کو مذاکرات میں اب تک کی پیشرفت سے آگاہ کیا۔

    ذرائع کا کہنا ہےکہ آئی ایم ایف مشن مذاکرات میں ہونے والی بات چیت کو میمورنڈم آف اکنامکس اینڈ فنانشل پالیسی (ایم ای ایف پی) میں اکٹھاکر رہا ہے، ایم ای ایف پی کا مسودہ آج فائنل کرلیا جائےگا، اور پاکستان کے ساتھ شیئر کیا جائےگا۔

    ذرائع کے مطابق آئی ایم مشن چیف نے بتایا کہ آج کے مذاکرات میں مالیاتی پالیسیوں پر تفصیلی بات چیت جاری ہے، مذاکرات میں اصلاحات اور ان کے نتیجے میں کیےگئے اقدامات پر اتفاق رائے پایا گیا ہے۔

    موجودہ مالی سال کے لیے فرق کے حوالے سے آئی ایم ایف کا تخمینہ 6 ارب ڈالر ہے۔

    وزیر مملکت برائے خزانہ عائشہ غو ث پاشا نے کہاہے کہ آئی ایم ایف سے مذاکرات میں حکومت کی پوری کوشش ہے کہ عام آدمی متاثر نہ ہو اور بجلی ٹیرف یا ٹیکس کا زیادہ بوجھ صاحب ثروت لوگوں پر ڈالا جائے گا جب کہ نئے اقدامات کا عام آدمی پر کم از کم بوجھ ڈالا جائے گا۔

    وزیر مملکت خزانہ عائشہ غوث پاشا نے کہا کہ پاکستان اور آئی ایم ایف کےمابین مذاکرات اب اختتام کی جانب بڑھ رہے ہیں، جلد معاہدہ ہوجائے گا، فریقین کے مابین مذاکرات میں اہم پیش رفت ہوئی ہے، وزیراعظم سے فیصلوں کی منظوری لے لی گئی ہے۔

  • آئی ایم ایف سیلاب میں ڈوبےلوگوں کو مہنگائی میں نہ ڈبوئیں،وزیر خارجہ بلاول بھٹو

    آئی ایم ایف سیلاب میں ڈوبےلوگوں کو مہنگائی میں نہ ڈبوئیں،وزیر خارجہ بلاول بھٹو

    چیئرمین پیپلز پارٹی اور وزیر خارجہ بلاول بھٹو زرداری نے عالمی مالیاتی فنڈ (آئی ایم ایف) سے مطالبہ کیا ہےکہ سیلاب کی تباہ کاریوں سے متاثرہ قوم کے ساتھ شرائط نرم کرے-

    باغی ٹی وی: کراچی میں ڈونرکانفرنس سے خطاب کرتے ہوئے بلاول بھٹو زرداری کا کہنا تھا کہ سیلاب جیسی قدرتی آفت ہمارے لیے قیامت سے پہلے قیامت تھی، تاریخ میں ایسی آفت پہلے کبھی نہیں آئی، سندھ میں سیلاب سے ہر سات میں سے ایک پاکستانی متاثر ہوا، مشکل گھڑی میں یو این سیکرٹری جنرل کی کوششوں کو سراہتے ہیں۔

    انسولین، کینسراورڈپریشن کی ادویات کی شدید کمی:دل کےمریضوں کی جان کوخطرات لاحق ہوگئے

    بلاول بھٹو زرداری کا کہنا تھا کہ حکومت کی کامیابی ہے کہ ہم نے عالمی اداروں سے جتنا مانگا اس سے زیادہ ملا، ہمیں عالمی اداروں بالخصوص عالمی بینک سے تعاون ملا، ہمارے وزیر خزانہ اور آئی ایم ایف کے درمیان مذاکرات ہو رہے ہیں سندھ میں گھروں کی تعمیر کے لیے 1.5 ارب ڈالر کی ضرورت ہے،تاریخ میں اس سے پہلے ایسی آفت کبھی نہیں آئی،ہمیں کہاگیاکہ دنیا سے امیدیں کم رکھیں مشکل میں مدد کرنے پرسب کےمشکور ہیں-

    وزیر خارجہ کا کہنا تھا کہ امید ہے آئی ایم ایف سے بات چیت مثبت رہےگی، آئی ایم ایف کی ذمہ داری ہےکہ سیلاب متاثرین کو بھی تحفظ دلائے، آئی ایم ایف کےکہنے پر قوم پر مہنگائی کا بوجھ ڈال رہے ہیں، آئی ایم ایف سے مطالبہ ہے کہ سیلاب کی تباہ کاریوں سے متاثرہ قوم کے ساتھ شرائط نرم کرے، عالمی ادارے اور آئی ایم ایف سے مطالبہ ہے کہ سیلاب میں ڈوبےلوگوں کو مہنگائی میں نہ ڈبوئیں۔

    کراچی: سی ٹی ڈی کی کارروائی،کالعدم تنظیم داعش کا کمانڈر گرفتار

    ان کا کہنا تھا کہ ہم چاہتے ہیں کہ سیلاب متاثرہ علاقوں کے لیے ٹارگٹڈ ریلیف ہو، یہ ریلیف زراعت، توانائی اور کھاد کے لیے ہونی چاہیے، یہ تب ممکن ہوگا جب آئی ایم ایف کی شرائط میں نرمی ہوگی، درپیش امتحان اور مسائل کا حل اور منصوبے ہمارے پاس ہیں۔

    سندھ حکومت نے 250 ملین ڈالر مہیا کرنے کا بندوبست کیا ہے،وزیراعظم شہباز شریف نے بھی 250 ملین ڈالر دینے کا اعلان کیا ہے، اب ہم صرف گھر نہیں بنا رہے ہیں ، متاثرین کو گھروں کے مالک بھی بنا رہے ہیں، لینڈ ریفارمز پر بھی کام کررہےہیں-

    وزیراعلیٰ سندھ کو ہدایت کی کہ مالکانہ حقوق گھر کےخاتون کے نام کریں، خواتین کو مالکانہ حقوق دینے سے انکی معاشی سطح پر بڑا انقلاب آئے گا،مالکانہ حقوق ملنے سے لوگ قرض لے کر کاروبار بہتر کرسکیں گے،دیہی علاقوں میں معیشت بحال ہوگی،ہم اپنی کوششوں میں ضرور کامیاب ہوں گے ، کمزور اور غریب طبقے کو بااخیتار بنائیں گے ،بلوچستان میں بھی سندھ طرز کا ماڈل اپنا یا جائے-

    وعدہ کیا کہ وقت درکار ہوگا لیکن ضرور ہم گھر بنا کر دیں گے،بلاول

  • وزیرخزانہ اسحاق ڈار سے آئی ایم ایف وفد کی ملاقات کا اعلامیہ جاری

    وزیرخزانہ اسحاق ڈار سے آئی ایم ایف وفد کی ملاقات کا اعلامیہ جاری

    وزیرخزانہ اسحاق ڈار سے آئی ایم ایف وفد کی ملاقات کا اعلامیہ جاری کر دیا گیا

    جاری اعلامیہ میں کہا گیا کہ وزیرخزانہ اسحاق ڈار نے آئی ایم ایف وفد کا خیرمقدم کیا وزیرخزانہ اسحاق ڈار نے آئی ایم ایف وفد کو معاشی صورتحال پر بریفنگ دی،نویں اقتصادی جائزے کی تکمیل کے لیے مل کر کام کرنے کا عزم کیا گیا،آئی ایم ایف وفد کی سربراہی مشن چیف نیتھن پورٹر نے کی وزیرخزانہ اور آئی ایم وفد میں معاشی امور پر تبادلہ خیال کیا گیا ،

    وزیر خزانہ اسحاق ڈار کا کہنا تھا کہ ماضی میں بھی آئی ایم ایف کا پروگرام کامیابی سے مکمل کیا تھا،توانائی کے شعبے میں اصلاحات متعارف کرائی جارہی ہیں موجودہ قرض پروگرام بھی مکمل کریں گے،نیتھن پورٹر کا کہنا تھا کہ امید ہے پاکستان نویں جائزے کی تکمیل کے لیے شرائط پر پورا اترے گا،امید ہے پاکستان مختلف شعبوں میں اصلاحات کے لیے پیش رفت جاری رکھے گا،توقع ہے پروگرام مقررہ وقت میں موثر طور پر مکمل ہوگامالی اصلاحات کے لیے پاکستان کے ساتھ مل کر کام کریں گے،

    آئی ایم ایف کا جائزہ مشن پاکستان میں 10 روز قیام کرے گا، پہلے مرحلےمیں 3 روزکیلئے تکنیکی سطح کے مذاکرات ہوں گے، آئی ایم ایف کےساتھ پالیسی سطح کےمذاکرات 9 جنوری تک جاری رہیں گے۔ پاکستان کی جانب سے جولائی تا دسمبر 2022 کی معاشی کارکردگی سے آگاہ کیا جائے گا، سیلاب سے ہونے والے نقصانات اور اخراجات پر بریفنگ بھی دی جائے گی۔

    عمران حکومت نے آئی ایم ایف سے جو معاہدہ کیا شہباز شریف پابندی ہیں،مریم نواز

    پولیس پہنچی تو میاں محمود الرشید گرفتاری کے ڈر سے سٹور میں چھپ گئے

    لانگ مارچ میں فیاض الحسن چوہان کتنے بندے لے کر نکلے،ویڈیو وائرل

    کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

    بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟

     آئی ایم ایف اور حکومت پاکستان کے مابین معاہدہ طے پا گیا ہ

  • پاکستان کو جون کے آخر تک آئی ایم ایف کی رقم فائدہ دے گی،بلومبرگ اکنامکس

    پاکستان کو جون کے آخر تک آئی ایم ایف کی رقم فائدہ دے گی،بلومبرگ اکنامکس

    غیر ملکی جریدے بلومبرگ اکنامکس نے پیر کو اپنی ایک رپورٹ میں کہا کہ ایسا لگتا ہے پاکستان آئندہ 6 ماہ میں ڈیفالٹ سے بچ جائے گا لیکن پاکستان کی مشکلات ختم نہیں ہوئیں۔

    باغی ٹی وی : بلومبرگ رپورٹ کے مطابق پاکستان کو جون کے آخر تک آئی ایم ایف کی رقم فائدہ دے گی، پاکستان میں سرمایہ کاروں کو ڈالرز میں بڑے قرض کی واپسی کی فکر ہے اور یہ قرض کی واپسی اپریل 2024 میں ہونی ہے۔

    پاکستان ڈالر کا ایکسچینج ریٹ مارکیٹ کےمطابق کرے،آئی ایم ایف

    "لیکن سرمایہ کار اب اپریل 2024 میں ایک بڑے ڈالر کے قرض کی واپسی کے بارے میں فکر مند ہیں، اور وہ ان بانڈز کی قیمتیں پریشان کن سطح پر رکھ رہے ہیں،رپورٹس بتاتی ہیں کہ بانڈ 46% ڈسکاؤنٹ پر ٹریڈ کر رہا ہے۔

    رپورٹ میں کہا گیا ہے کہ پاکستان کو مزید بیرونی امداد چاہیے ہوگی، آئی ایم ایف پاکستان کی باقی ماندہ قسط روک سکتا ہے تاہم سیلاب اور پاکستان کی ضروریات کے باعث ایسا نظر نہیں آتا۔

    رپورٹ کے مطابق پاکستان کی ضروریات میں اندازاً 8.8 ارب ڈالرز کا کرنٹ اکاؤنٹ خسارہ شامل ہے، ان ضروریات میں 2.2 ارب ڈالرز کی غیرملکی قرضوں کی ادائیگی شامل ہے، ان میں اپریل 2024 میں ایک ارب ڈالرز بانڈکی میچورنگ بھی شامل ہے۔

    رپورٹ میں کہا گیا ہے کہ مارکیٹ رسک اسسمنٹ کے مطابق پاکستان کو آئی ایم ایف یا دیگر قرض دہندگان سے مزید بیرونی امداد کی ضرورت ہو گی-

    سال 2022ء میں 49,89833 لوگوں نے وائلڈ لائف پارکس اور چڑیا گھروں کی سیر کی

    پاکستان کے پاس اب 5.6 بلین ڈالر کے زرمبادلہ کےذخائر ہیں، جو اگلے پانچ ماہ کی فنڈنگ ​​کی ضروریات کو پورا کرنے کے لیے کافی ہیں۔ بیرونی امداد سے اس تعداد کو 14.9 بلین ڈالر تک بڑھانا چاہیے۔ یہ صرف مارچ 2024 تک ڈالر کی ادائیگیوں کا احاطہ کرے گا –

    پاکستان اس وقت تیزی سے گرتے ہوئے زرمبادلہ کے ذخائر، روپے کی کمزوری اور بگڑتے معاشی اشاریوں کے درمیان معاشی بدحالی سے دوچار ہے۔ اس نے ہفتے کے آخر میں تقریبا$ 1 بلین ڈالر کی ادائیگی کی، جس کے نتیجے میں زرمبادلہ کے ذخائر کم ہونے کا امکان ہے جب اسٹیٹ بینک آف پاکستان (SBP) اس ہفتے اپنا ڈیٹا جاری کرے گا۔

    بلومبرگ کی رپورٹ میں مزید کہا گیا ہے کہ آئی ایم ایف اب بھی 2.6 بلین ڈالر کی بقیہ قرض کی قسطیں روک سکتا ہے لیکن ہمارے خیال میں پچھلی موسم گرما کے سیلاب کے تناظر میں ملک کی اشد ضرورت کے پیش نظر اس کا امکان نہیں ہے۔

    ماہرین نے کہا ہے کہ تعطل کا شکار آئی ایم ایف پروگرام کا دوبارہ آغاز ملک کے لیے انتہائی اہم ہے آئی ایم ایف کی فنڈنگ ​​قرض دینے والے ممالک سے متوقع 5 بلین ڈالر اور ورلڈ بینک سے 1.7 بلین ڈالر کی امداد کو کھولنے کے لیے بھی ضروری ہے۔

    چونیاں،الہ آباد،چھانگامانگا میں آٹا بحران شدت اختیار کر گیا

    یہ فنڈز جون میں ختم ہونے والے مالی سال کے اختتام تک قرضوں کی ادائیگیوں اور تخمینہ شدہ کھاتوں کے خسارے میں $5.9 بلین کو پورا کرنے میں مدد کریں گے اور، ایک بار پھر، ہمارے خیال میں یہ فنڈز مکمل ہو جائیں گے۔

    لیکن اب سوال یہ ہے کہ پاکستان اس کے بعد 12 ماہ کیسے پورا کرے گا، جب اس کی ڈالر کی مالیاتی ضروریات کم از کم 11 بلین ڈالر ہوں گی۔”

    آئی ایم ایف کا وفد جنیوا کانفرنس کے موقع پر وزیر خزانہ اسحاق ڈار سے ملاقات کرے گا جس میں تصفیہ طلب امور پر تبادلہ خیال کیا جائے گا۔

    جنیوا کانفرنس، جو اس وقت جاری ہے، پاکستان کی حکومت اور اقوام متحدہ کے زیر اہتمام مشترکہ طور پر منعقد کی جا رہی ہے، جس میں ممالک، تنظیموں اور کاروباری اداروں پر زور دیا گیا ہے کہ وہ موسمیاتی تبدیلیوں کے لیے طویل مدتی بحالی اور لچک کے منصوبے کی جانب مالی اور دیگر مدد کے ساتھ قدم بڑھائیں۔ ملک نے گزشتہ سال تباہ کن سیلاب دیکھا۔

    پاکستان کے ریسیلینٹ ریکوری، بحالی اور تعمیر نو کے فریم ورک کے مطابق، جسے وہ باضابطہ طور پر کانفرنس کے دوران پیش کرے گا، مجموعی طور پر 16.3 بلین ڈالر کی ضرورت ہوگی پاکستان کی حکومت اس نصف رقم کو "ملکی وسائل” سے پورا کرنے کا ارادہ رکھتی ہے، بشمول اس کے ترقیاتی بجٹ اور پبلک پرائیویٹ پارٹنرشپ کے ذریعے۔

    جنیوا کانفرنس: اسلامی ترقیاتی بینک کا پاکستان کو4 ارب 20 کروڑ ڈالر دینے کا اعلان

  • یو ٹرن سب سے بڑا ہتھیار بن جائے اس معاشرے کا کیا ہوسکتا ہے۔قمر زمان کائرہ

    یو ٹرن سب سے بڑا ہتھیار بن جائے اس معاشرے کا کیا ہوسکتا ہے۔قمر زمان کائرہ

    ہائی کورٹ بار سکھر میں وفاقی وزیر برائے کشمیر امور قمر الزمان کائرہ اور سابق چیئرمین سینیٹ نیئر بخاری کے اعزاز میں تقریب کا انعقاد کیا گیا،

    وفاقی وزیر برائے کشمیر امور قمر الزمان کائرہ نے خطاب کرتے ہوئے کہا کہ میرے لیے اعزاز کی بات ہے کہ ہائی کورٹ بار میں خطاب کا موقع ملا۔ اس بار سے شہید ذوالفقار علی بھٹو نے بھی خطاب کیا تھا۔ پاکستان کے آئین و قانون بنانے میں وکلا برادری کا اہم کردار رہا۔ کیا الیکشن کرانے سے قانون بنانے سے آئیں بنانے سے جمہوریت آجاتی ہے۔ ؟ادارے کھڑے کرنے سے عمارتیں بنانے سے جمہوریت نہیں آتی۔ یورپ میں ڈارک ایجز کے دوران طویل لڑائی ہوئی مگر ساتھ میں فکری لڑائی بھی ہوئی۔ آج ساری دنیا مغربی دنیا جیسا بننا چاہتی ہے۔ ہم اپنے ووٹنگ پیٹرن کو نہیں دیکھتے۔ہم اپنی برادری اپنے طبقات لسانی فسادات میں پھنسے ہوتے ہیں بھٹو صاحب نے ٹوٹے ہوئے دل ہاری ہوئی قوم کو حوصلہ دیا۔

    قمر زمان کائرہ کا مزید کہنا تھا کہ دنیا میں کوئی ایسا ملک نہیں جہاں جاگیر داری کا نظام ہو۔ لسانی گروہ ہو۔ وکلا برادری سماج کا اعلی ترین طبقہ ہے بار الیکشن میں برادری کا سسٹم شروع ہوجاتا ہے۔ سیاسی جماعتوں کا بھی یہی حال ہے۔ ہم جمہوریت کی بات کرتے ہیں مگر اپنی جماعت کے اندر نہیں دیکھتے۔ ملک میں تبدیلی کے لیے ہمیں اجتماعی طور پر بدلنے کی ضرورت ہے۔ جس معاشرے کے اندر بات سے مکر جانا یو ٹرن سب سے بڑا ہتھیار بن جائے اس معاشرے کا کیا ہوسکتا ہے۔ آج نوجوانوں کو خواب نہیں سراب دکھائے جارہے ہیں ۔ پاکستان انتہائی مشکل دور سے گزر رہا ہے، کہا جارہا ہے مشکل فیصلے کرنے پڑیں گے ۔ نو ہزار ارب پاکستان کی آمد کے چودہ ہزار آرب پاکستان کا خرچہ ہے۔ سرمایہ دار کہتا ہے کہ میں پیدوار بڑھاتا ہوں تو مجھے رعایت دی جائے۔ آج اگر حکومت سختی سے ٹیکس وصول کرنا شروع کردے تو کیا عوام ٹیکس دے گی ؟ ہم ریلیف کے نام پر آئے مگر ہم عوام کو ریلیف فراہم نہیں کر سکے۔ ہم جانتے ہیں۔ عوام ہم سے ناراض ہے۔ ہم نے سخت فیصلے کیے۔ پچھلی حکومت نے آئی ایم ایف سے معاہدے کیے جس پر ہمیں سخت فیصلے کرنے پڑے۔

     انسانی حقوق کے متعلق ہمارا عزم غیر متزلزل ہے

    سینیٹ کی قائمہ کمیٹی برائے امور خارجہ سینیٹر فاروق حامد نائیک نے وزیر خارجہ بلاول بھٹو زرداری کو خراج تحسین پیش کیا ہے

    ایسا لگ رہا ہے جیسے بلاول بھٹو کے روپ میں بھٹو واپس آیا ہے

    بیرون ملک دوروں کا معاملہ، وزیر خارجہ بلاول بھٹو زرداری نے تفصیلات سامنے رکھ دیں

    وزیرخارجہ بلاول زرداری سے متحدہ عرب امارات کے وزیرخارجہ شیخ عبداللہ بن زاید النہیان کا ٹیلیفونک رابطہ

    کراچی طیارہ حادثہ کی رپورٹ قومی اسمبلی میں پیش، مبشر لقمان کی باتیں 100 فیصد سچ ثابت

  • آئی ایم ایف کے کچھ مطالبات عوام کے لیے ناقابل برداشت ہیں،وفاقی وزیر احسن اقبال

    آئی ایم ایف کے کچھ مطالبات عوام کے لیے ناقابل برداشت ہیں،وفاقی وزیر احسن اقبال

    اسلام آباد: وفاقی وزیر برائے منصوبہ بندی احسن اقبال کا کہنا ہے کہ آئی ایم ایف کے کچھ مطالبات عوام کے لیے ناقابل برداشت ہیں-

    باغی ٹی وی : نجی خبررساں ادارے کے پروگرام میں گفتگو کرتے ہوئے احسن اقبال نے کہا کہ آئی ایم ایف پروگرام کے ساتھ چلنا ہے لیکن آئی ایم ایف کے کچھ مطالبات عوام کے لیے ناقابل برداشت ہیں آئی ایم ایف سے شرائط نرم کرنےکی کوشش کررہے ہیں۔

    عمران خان نے واپس آنا سیاسی جماعتوں کے پاس ہی ہے،خواجہ سعد رفیق

    احسن اقبال کا کہنا تھا کہ ملک میں دہشتگردی پی ٹی آئی حکومت گھسا کر گئی، ٹی ٹی پی سے بات چیت پی ٹی آئی کے دور میں ہوئی اور انہیں خیبرپختونخوا میں داخلہ دیا گیا لیکن ہم ماضی کی طرح دوبارہ دہشتگردی کا قلع قمع کریں گے۔

    انہوں نے مزید کہا کہ الیکشن نئی حلقہ بندیوں کے بعد اکتوبر میں ہوں گے۔

    قبل ازیں گزشتہ روز وفاقی وزیر ریلوے خواجہ سعد رفیق نے کہا تھا کہ ہم صرف کاغذوں میں آزاد ہوئے ہیں ہمیں آئین اور قانون کی بات کرنی چاہیے،ہم اپنی ہر ناکامی کاالزام اسٹیبلشمنٹ پر نہیں لگا سکتے ،جنہوں نے ملک میں مارشل لا لگایا انہوں نے جرم کیا ،سیاسی جماعتیں کیوں خود اپنے پاوں پر کھڑی نہیں ہونا چاہتیں ،کسی بھی سیاسی جماعت میں جمہوریت نہیں ہے،نظریہ ضرورت کے تحت متنازعہ فیصلے کیے جاتے ہیں-

    سرفراز احمد نے اپنے سلیکشن کو درست ثابت کردیا،چیف سیلیکٹر شاہد آفریدی

    انہوں نے کہا تھا کہ 22کروڑ کاملک ایک دوسرے سے بدلے لینے کیلئے نہیں بنا،جھوٹ ہی جھوٹ کیا یہ ہے نیا پاکستان ؟عمران خان اور ان کے لانے والوں سے سوالات تو ہونگے سیاسی جماعتیں رحم کریں، جماعتوں میں الیکشن کروائیں، عدم اعتماد کی تحریک کو اون کرتے ہیں

    سعد رفیق کا کہنا تھا کہ اقتدار میں رہنے کی دلچسپی ختم ہوگئی ہے،ذمہ داری اب سیاستدانوں پر 100فیصد پڑگئی ہے،سمجھ نہیں آتی کہ عمران خان کو اب کس بات کاڈر ہے،ملک کو ترقی کی طرف لے جانا کیا نوازشریف کا قصورتھا ؟عمران خان نے واپس آنا سیاسی جماعتوں کے پاس ہی ہے-

    وفاقی وزیر نے کہا تھا کہ یہ بڑی خوش بختی ہے کہ ایک اتحادی حکومت بنی ہے اب سیاست دانوں پر ذمہ داری 100فیصد پڑ گئی ہے اگلوں نے ثابت کردیا ہے ہم غیر سیاسی ہیں، خان صاحب جمہوریت اور سیاست کی ریڈ لائن کراس نہ کریں خان صاحب آنا آپ نے ہمارے پاس ہی ہے لیکن آئیں گے آپ ٹکریں کھا کر ، عمران خان صاحب آپ کہتے ہیں کسی کی عیب جوئی نہیں کرنی چاہیے آپ کو اب یاد آیا ہے بیٹی کو باپ کے سامنے پکڑتے تھے-

    چوہدری سالک حسین مسلم لیگ ق کے سینیئرنائب صدر مقرر

  • آئی ایم ایف کا پاکستان کو نئےمذاکرات سے پہلےطےشدہ معاملات پرعمل کا مطالبہ

    آئی ایم ایف کا پاکستان کو نئےمذاکرات سے پہلےطےشدہ معاملات پرعمل کا مطالبہ

    اسلام آباد:عالمی مالیاتی ادارے (آئی ایم ایف) نے مذاکرات سے قبل پاکستان سے اہداف پر مکمل عملدرآمد کا مطالبہ کرتے ہوئے کہا ہے کہ ایف بی آر محصولات کے ہدف میں اضافہ کرے۔

    نئے اقتصادی جائزے کیلئے پاکستان اور آئی ایم ایف کے مذاکرات تاخیر کا شکار ہوگئے ہیں، اور آئی ایم ایف کا نئے مذاکرات سے پہلے طے شدہ اہداف پر عملدرآمد کا مطالبہ کردیا ہے۔

    ذرائع کے مطابق پاکستان اور آئی ایم ایف کے درمیان مذاکرات میں تاریخ کی تبدیلی کر دی گئی، آئی ایم ایف کے ساتھ مذاکرات 15 نومبر سے شروع نہیں ہو سکیں گے، اور مذاکرات کیلئے حتمی تاریخ کا تعین بھی نہ ہوسکا۔

    ذرائع کے مطابق آئی ایم ایف چاہتا ہے مذاکرات سے قبل پاکستان اہداف پر مکمل عملدرآمد کرے، سیلاب کے باعث صوبوں سے سرپلس، پرائمری بیلنس کا ہدف پورا نہیں ہو سکا، آئی ایم ایف فیڈرل بورڈ آف ریونیو (ایف بی آر) محصولات کے ہدف میں بھی اضافہ چاہتا ہے۔

    وزیر مملکت برائے خزانہ عائشہ غوث پاشا نے کہا ہے کہ آئی ایم ایف سے سیلاب کے باعث اخراجات بڑھنے پر بات ہوئی، سیلاب میں ایمرجنسی فنڈ اور دستیاب وسائل کو استعمال میں لایا گیا، آئی ایم ایف سے اضافی فنڈز کا مطالبہ بھی کیا جائے گا، سیلاب سے جو اہداف حاصل نہیں ہو سکتے آئی ایم ایف نے رپورٹ مانگ لی۔

    عمران خان کے صاحبزادوں قاسم اور سلیمان کی زمان پارک آمد 

    شوکت خانم کے باہر سے مشکوک شخص گرفتار

    جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

  • سبسڈی دینا کبھی مددگار ثابت نہیں ہوتا،وسائل کا استعمال کریں،آئی ایم ایف

    سبسڈی دینا کبھی مددگار ثابت نہیں ہوتا،وسائل کا استعمال کریں،آئی ایم ایف

    سبسڈی دینا کبھی مددگار ثابت نہیں ہوتا،وسائل کا استعمال کریں،آئی ایم ایف

    آئی ایم ایف کے ڈائریکٹر مڈل ایسٹ و سینٹرل ایشیا جہاد آزور نے میڈیا بریفنگ میں کہا ہے کہ پاکستان میں سیلاب کی وجہ سے جانی و مالی نقصان پر افسوس ہے،

    جہاد آزور کا کہنا تھا کہ آئی ایم ایف پاکستان کو اس مشکل میں سپورٹ کرتا ہے اس سلسلے میں آئی ایم ایف پروگرام میں توسیع بھی کی گئی،توسیعی پروگرام سے پاکستان کو کووڈ کے بعد سے پیدا صورت حال سے نمٹنے میں مدد ملے گی،حال ہی میں پاکستان کا پروگرام ریویو ہوا جس میں 1.2 ارب ڈالر کی رقم دی گئی،امید ہے نومبر میں اگلے ریویو کی تیاری مکمل ہو جائے گی،ورلڈ بینک اور یو این ڈی پی کی جائزہ رپورٹ میں پاکستان کی معاشی و اقتصادی صورتحال کا پتا چلے گا،جائزہ کے بعد پتہ چلے گا کہ حکومت کی مدد کیسے کی جا سکتی ہے،

    جہاد آزور کا مزید کہنا تھا کہ اشیا پر سبسڈی دینا کبھی مددگار ثابت نہیں ہوتا اشیا پر سبسڈی دینا رجعت پسندی ہے،پاکستان سمیت دیگر ممالک کو کہہ رہے ہیں کہ سبسڈی دینے کی جگہ وسائل کا استعمال کریں یہ آئی ایم ایف کی شرائط نہیں بلکہ مہنگائی کے دور میں ضرورت مندوں کی مدد کا طریقہ ہے اس سلسلے میں آئی ایم ایف پروگرام میں توسیع بھی کی گئی

    بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟

     آئی ایم ایف اور حکومت پاکستان کے مابین معاہدہ طے پا گیا ہ

    عمران حکومت نے آئی ایم ایف سے جو معاہدہ کیا شہباز شریف پابندی ہیں،مریم نواز

    پولیس پہنچی تو میاں محمود الرشید گرفتاری کے ڈر سے سٹور میں چھپ گئے

    لانگ مارچ میں فیاض الحسن چوہان کتنے بندے لے کر نکلے،ویڈیو وائرل

    کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز