Tag: آئی ایم ایف

اسلام آباد: وفاقی وزیر خزانہ سینیٹر اسحاق ڈار نے کہا ہے کہ میں نے عوام کی تکالیف کو دیکھ کر لیوی نہ لگانے کا فیصلہ کیا-

باغی ٹی وی : نجی خبررساں ادارے سے بات کرتے ہوئے وزیر خزانہ اسحاق ڈار نے کہا کہ آئی ایم ایف سے میں پچھلے 25 سال سے ڈیل کر رہا ہوں، پرامید ہوں آئی ایم ایف اور ہمارے درمیان معاملات بہتر ہوں گے، ملک میں روپیہ مستحکم ہو رہا ہے اور آگے بھی ہوگا، ہم آئی ایم ایف کی پوری شرائط پوری کریں گے۔

اسحاق ڈار نے کہا کہ اگر پیڑولیم مصنوعات کی قیمتیں نیچے رہتی ہیں تو عوام کو فائدہ دیں گے، جس طرح کا چیلنج ہوگا اس طرح کا ہمیں رسپونس دینا پڑے گا، کوشش کریں گے کہ اس بارآئی ایم ایف کا پروگرام ختم کر سکیں، ہم اپنی چیزوں کو مینچ کریں گے۔

انہوں نے کہا کہ لوگ چاہتے ہیں کہ میں عوام کوریلیف نہ دیتا، کابینہ نےجون 2023 تک 9 سینٹ پربجلی مہیا کرنے کی منظوری دی، فنڈنگ کے پیسے دو ماہ میں ختم ہو گئے، ہمارے پاس اور کیا راستہ تھا؟ اس وقت دنیا میں ایکسپورٹ مارکیٹس میں سخت مقابلہ چل رہا ہے، ماضی میں ہم نے ایکسپورٹرز کو 180 ارب کا پیکج دیا تھا اس پیکج کے نتیجے میں ایکسپورٹرزنے 12.7 فیصد گروتھ دی۔

اسحاق ڈار نے کہا کہ ایکسپورٹرز کو ڈالرز کی بجائے روپوں میں سوچنے کی ضرورت ہے، مسائل حل نہیں کریں گےتو کاروباری حضرات پریشان ہوں گے، ڈالر کو 200 سے نیچے ہونا چاہیے قرضوں کی ری شیڈولنگ کیلئے پیرس کلب نہیں جائیں گے، ہم بانڈ وقت پر ادا کریں گے، ان حالات میں یورو بانڈز فلوٹ نہیں کر سکتے۔

سائفر: میں اس بات پر قائل نہیں کہ کوئی سازش ہوئی ہے،عارف علوی

وفاقی وزیر خزانہ نے کہا کہ بینکوں نے 27 ارب کی بجائے 50 ارب کا منافع کمایا، غیر قانونی طور پر منافع کمانے والے بینکوں کے خلاف کارروائی ہوگی، ایکشن ہوتا ہوا سب کو نظر آئے گا، پاکستان نے پہلی دفعہ 2013 اور پھر 2016 میں آئی ایم ایف پروگرام کو ختم کیا تھا دنیا کے تمام فنانشل اداروں کے ہیڈز نے پاکستان میں آکر میرے ساتھ پریس کانفرنس کی-

ن لیگی رہنما سینیٹر اسحاق ڈار نے کہا کہ ہمارا مسئلہ یہی ہے کہ ہم اپنے ملک کا منفی امیج دکھاتے ہیں، اس طرح کریں گے تو کون ہمارے ملک میں انویسٹمنٹ کرنے آئے گا؟ ہم سب پر فرض ہے کہ دنیا میں پاکستان کا مثبت تشخص اجاگر کریں-

اسلام آباد:مون سون بارشوں اور سیلاب کی تباہ کاریوں نے ملکی معیشت کے تمام شعبوں کو لپیٹ میں لے لیا ہے، پاکستان اسٹاک اور کرنسی مارکیٹوں پر بھی منفی اثرات نمودار ہونے لگے۔

پاکستان اسٹاک ایکسچینج جہاں گزشتہ کئی ہفتوں سے آئی ایم ایف قرض پروگرام کی بحالی پر زبردست تیزی کی توقع ظاہر کی جارہی تھی جبکہ پاکستانی روپے کے مقابلے میں ڈالر کی قدر بھی 200 روپے سے بھی نیچے آنے اور 180 روپے تک ہونے کے اندازے لگائے جارہے تھے، لیکن آئی ایم ایف پروگرام بحال اور قرضے کی قسط موصول ہونے کے باوجود اسٹاک اور کرنسی مارکیٹوں میں توقعات کے مطابق کچھ نظر نہیں آرہا۔

معاشی ماہرین کے مطابق سیلابی تباہ کاریاں اس حد تک زیادہ ہیں کہ اس کے سامنے آئی ایم ایف کا قرض پروگرام بھی ناکافی نظر آنے لگا ہے یہاں تک کہ آئی ایم ایف کی جانب سے پاکستان کے حوالے سے جو رپورٹ جاری کی گئی ہے اور اس میں پاکستانی معیشت سے متعلق اہداف دیئے گئے ہیں، خیال ظاہر کیا جارہا ہے کہ اس رپورٹ میں سیلاب کے نقصانات شامل ہی نہیں، اس لئے آئی ایم ایف کو اگلی جائزہ رپورٹ میں تمام تخمینوں پر نظرثانی کرنی پڑے گی۔

اسٹاک مارکیٹ
پاکستان اسٹاک ایکس چینج میں 29 اگست تا 2 ستمبر پر مشتمل کاروباری ہفتے کے دوران مندی کا رجحان غالب رہا، جس کے نتیجے میں مجموعی طور پر کے ایس ای 100 انڈیکس میں 282 پوائنٹس کی کمی ریکارڈ کی گئی اور انڈیکس 42 ہزار 591 پوائنٹس سے کم ہوکر 42 ہزار 309 پوائنٹس کی سطح پر آگیا ہے، مندی کے سبب سرمایہ کاروں کو 87 ارب روپے سے زائد نقصان کا سامنا کرنا پڑا۔

ڈارسن سیکیورٹیز کے تجزیہ کار شہریار بٹ کا کہنا ہے کہ سیلابوں سے نقصانات کے پیش نظر سرمایہ کاروں نے اپنی سرگرمیاں محدود کردیں اور اگست میں زبردست تیزی کی وجہ سے قیمتیں اونچی سطح پر پہنچ گئیں، جس پر سرمایہ کار اب فروخت کرکے منافع حاصل کرنے لگے ہیں۔

کرنسی مارکیٹ
انٹربینک میں 29 اگست کو ڈالر کی قدر میں 1.26 روپے کے اضافے سے 221.92 روپے ہوگئی لیکن اس کے بعد 30، 31 اگست اور یکم ستمبر کو ڈالر کی قدر میں کمی ریکارڈ کی گئی اور ڈالر 218.60 روپے کی سطح پر آگیا لیکن 2 اگست کو پھر ڈالر کی قدر بڑھ کر 218.98 روپے ہوگیا۔

اسی طرح اوپن کرنسی مارکیٹ میں بھی ڈالر 26 اگست کو 229.50 روپے تھا لیکن 29 اگست کو ڈالر کی قدر میں کمی آنا شروع ہوئی اور 31 اگست کو ڈالر کم ہوتے ہوئے 218.50 روپے کی سطح پر آگیا لیکن یکم ستمبر سے صورتحال پھر بدل گئی اور ڈالر دو دنوں میں پھر بڑھ کر 223.50 روپے کی سطح پر پہنچ گیا۔

گولڈ مارکیٹ
عالمی مارکیٹ میں 29 اگست تا 2 ستمبر پر مشتمل کاروباری ہفتے کے دوران سونے کی قیمت میں کمی 33 ڈالر کی کمی پر ریکارڈ کی گئی، جس سے فی اونس سونے کی قیمت 1738 ڈالر سے کم ہوکر 1705 ڈالر کی سطح پر آگئی۔

عالمی مارکیٹ کے زیر اثر مقامی صرافہ مارکیٹوں میں بھی سونے کی قیمت میں کمی آئی لیکن ڈالر کی قدر بڑھنے کے تناسب سے بعض دنوں میں کمی کا حجم کم رہا، ہفتہ بھر میں سونے کی فی تولہ قیمت میں 3 ہزار روپے کی کمی ہوئی اور ایک تولہ سونے کی قیمت ایک لاکھ 47 ہزار روپے سے کم ہوکر ایک لاکھ 44 ہزار روپے ہوگئی۔

صارف مارکیٹیں
مون سون بارشوں اور سیلابوں سے سب سے زیادہ صارف مارکیٹیں متاثر ہورہی ہیں۔ ملک بھر میں پھلوں، سبزیوں، اجناس اور دیگر اشیائے صرف کی ترسیل متاثر ہے جبکہ کئی اشیاء کی قلت بھی دیکھی جارہی ہے جس کی وجہ سے قیمتوں میں بھی اضافہ ہوگیا ہے۔

بڑے پیمانے پر فصلوں کو نقصان پہنچنے کے سبب خدشہ ظاہر کیا جارہا ہے کہ اشیائے صرف کی عدم دستیابی اور قیمتیں بڑھنے کے حوالے سے مسائل آنے والے دنوں میں بھی برقرار رہیں گے۔

وفاقی ادارہ شماریات کے مطابق یکم ستمبر کو ختم ہونیوالے ہفتے کے دوران مہنگائی کی شرح میں اس سے پچھلے ہفتے کے مقابلے میں 1.31 فیصد اضافہ ہوا ہے اور سالانہ بنیادوں پر جائزہ لیا جائے تو یہ ہفتہ گزشتہ سال کے مقابلے میں 45.50 فیصد زائد مہنگا رہا۔

اسلام آباد:عالمی مالیاتی ادارے (آئی ایم ایف) نے پاکستان کے متعلق رپورٹ جاری کردی۔تفصیلات کے مطابق آئی ایم ایف نے پاکستان کنٹری رپورٹ جاری کردی ہے جس میں پچھلی حکومت کی جانب سے اپنائی گئی غلط پالیسیوں کو سامنے رکھا گیا ہے۔

آئی ایم ایف کی جانب سے جو رپورٹ جاری کی گئی ہے اُس میں انکشاف کیا گیا ہے کہ موجودہ حکومتِ پاکستان نے قرض پروگرام کی بحالی کیلئے کچھ اقدامات کیے ہیں جس میں بنیادی سرپلس پر مبنی بجٹ، شرح سود میں نمایاں اضافہ، فیول سبسڈی کا خاتمہ، ایندھن اور بجلی کی قیمتوں میں اضافہ شامل ہے۔

آئی ایم ایف نے رپورٹ میں بتایا ہے کہ موجودہ حکومت نے مالیاتی شعبے کے استحکام کیلئے اقدامات کی یقین دہانی کرادی جبکہ مجموعی طور پر پاکستان کارکردگی کی تین شرائط پوری کرنے میں ناکام رہا۔

آئی ایم ایف کی جانب سے آئی ایم ایف کا مارکیٹ بیسڈ ایکسچینج ریٹ برقرار رکھنے پر زور دیا گیا ہے جبکہ ٹیکس ریونیو بڑھانے اور زرمبادلہ زخائر میں اضافے پر زور دیا گیا ہے۔

رپورٹ میں بتایا گیا ہے کہ قرض پروگرام کی مدت میں جون 2023 تک توسیع کر دی گئی، اس سے ضروری بیرونی فنانسنگ کے حصول میں مدد ملے گی تاہم پالیسی اصلاحات کے باوجود قرض پروگرام کو غیر معمولی خطرات کا سامنا ہے۔

آئی ایم ایف کی جاری کردہ رپورٹ میں واضح کیا گیا ہے کہ گزشتہ مالی سال کشیدہ سیاسی ماحول کے دوران کئی وعدوں اور اہداف پر عمل نہیں کیا گیا جس سے بیرونی پوزیشن غیر مستحکم اور کرنٹ اکاونٹ خسارے میں اضافہ ہوا۔

’عمران خان کی حکومت نے وعدے پورے نہیں کیے جس سے معاشی مشکلات میں اضافہ ہوا‘

آئی ایم ایف رپورٹ کے مطابق حکومت نے مالیاتی شعبے کے استحکام کیلئے اقدامات کی یقین دہانی کرا دی ہے۔ آئی ایم ایف نے مارکیٹ بیسڈ ایکس چینج ریٹ برقرار رکھنے پر زور دیا جب کہ سماجی تحفظ اور توانائی شعبے کو مضبوط بنانے اور ٹیکس ریونیو اور زرمبادلہ ذخائر میں اضافے پر بھی زور دیا گیا۔

رپورٹ میں مزید بتایا گیا کہ بیرونی پوزیشن غیر مستحکم اور کرنٹ اکاؤنٹ خسارے میں اضافہ ہوا، زرمبادلہ ذخائر اور روپے کی قدر میں نمایاں کمی آئی ہے، زرمبادلہ کے ذخائر اور پرائمری بجٹ خسارے سمیت 5 اہداف پورے نہیں کیے گئے علاوہ ازیں سات اسٹرکچرل اہداف پر بھی عمل نہیں کیا گیا۔پٹرول ،بجلی اور گیس کی قیمتیں نہیں بڑھائی گئیں

آئی ایم ایف کی رپورٹ میں پی ٹی آئی حکومت کی طرف سے کئی وعدوں اور اہداف پر عمل درآمد نہ ہونے کی نشاندہی کی گئی۔ رپورٹ میں کہا گیا کہ پی ٹی آئی حکومت نے زرمبادلہ کے ذخائر اور پرائمری بجٹ خسارے سمیت 5 اہداف پورے نہیں کیے، 3 کارکردگی اور 7 اسٹرکچرل شرائط بھی پوری نہیں کیں۔

کنٹری رپورٹ میں شہباز شریف حکومت کی تعریف کرتے ہوئے کہا گیا ہے کہ موجودہ حکومت نے قرض پروگرام دوبارہ ٹریک پر لانے کیلئے ٹھوس پالیسی اقدامات کیے۔شہبازشریف آئی ایم ایف کے ساتھ کئے گئے وعدوں کی پاسداری کررہے ہیں‌، پاکستان کی نئی مخلوط حکومت نے پیٹرولیم ڈیویلپمنٹ لیوی 50 روپے فی لیٹر تک بڑھانے کی یقین دہانی کرائی ہے جب کہ جی ایس ٹی بحال کرنے کا بھی وعدہ کیا ہے۔

رپورٹ کے مطابق رواں سال پاکستان کی معاشی شرح نمو ساڑھے 3 فیصد جبکہ بجٹ خسارہ جی ڈی پی کا 4.4 فیصد تک رہنے کی توقع ہے، اس کے علاوہ جاری کھاتوں کا خسارہ ڈھائی فیصد تک رہ سکتا ہے۔

وفاقی وزیر خزانہ مفتاح اسماعیل نے کہا ہے کہ ہم نے مشکل وقت میں مشکل فیصلے کیے ،مفتاح اسماعیل کا کہنا تھا کہ پی ٹی آئی نے آئی ایم ایف سے معاہدہ کیا اور پھر خلاف ورزی کی،آئی ایم ایف کے پاس فوری جانا چاہیے تھا،کرونا آیا توآئی ایم ایف میں بریک آیا، ورلڈ بینک نے امداد دی،

وزیر خزانہ مفتاح اسماعیل کا مزید کہنا تھا کہ پچھلے سال کرنٹ اکاؤنٹ خسارہ ساڑھے17بلین ڈالر کا ہو گیا پاکستان میں آبادی بڑھ گئی ہے، معیشیت کا حجم بھی بڑھ گیا پرویز مشرف کے دور میں 8.1اعشاریہ کا کرنٹ اکاؤنٹ خسارہ تھا ،میرا نام ای سی ایل میں تھا پاسپورٹ بنوایا اورروانہ ہوا،حکومت سنبھالنے کے بعد فورا آئی ایم ایف سے رابطہ کیا،کاروباری طبقے کو ٹیکس نیٹ میں لارہےہیں،حکومت میں آنے کے بعد آئی ایم ایف پروگرام کی بحالی ترجیح تھی میں 2بار کراچی سےالیکشن لڑا اور ہار گیا،اب بھی الیکشن ہارا تو میں دوبارہ نہیں لڑونگا،کرنٹ اکاؤنٹ خسارہ 17اعشاریہ 5ارب ڈالر ہے ،مالیاتی خسارہ 5ہزار ارب روپے کا ہے،عمران خان کےدور میں 20 ہزار ارب کا قرض بڑھا،اسٹیٹ بینک نے شرخ سود 15فیصد کردی ہے،

وزیر خزانہ کا مزید کہنا تھا کہ کورونا میں 4.5ارب ڈالر کا قرض بھی معاف ہوا،ہمیں آئی ایم ایف سے بات کرنے میں مشکل ہوئی،پاکستان نے اب تک پورٹ سےٹیکس حاصل کیا،پاکستان میں ٹیکس دینے کو کوئی تیار نہیں ببل گم کا جو خام مال ہے اسکی درآمدی ڈیوٹی دی جاتی ہے،پاکستان میں 80 فیصد مینو فیکچرر پیداوار کر کے مال فروخت کرتے ہیں،ایک سرمایہ کار نے پلاسٹک فیکٹری لگا نے کی بات کی اور 20 سال کیلئے ٹیکس میں رعایت مانگ لی ،ہم نے ایک ماہ سے ایکسپورٹ نہیں بڑھائی اور امپورٹ کم کردی،ہمیں اپنے اخراجات کنٹرول کرنے ہونگے،ماضی کی حکومت نے جو قرض لیا اس سے زیادہ خرچ کردیا،ن لیگی حکومت نے بجلی کی پیداوار ڈبل کردی ،سیلاب کے بعد کوئلہ بھی 6 گنا مہنگا ہوگیا ،پی ٹی آئی نے سب سے بڑی غلطی کی، 5 روپے بجلی اور پیٹرول پر سبسڈی دی،جتنا بھی پیٹرول مہنگا ہوتا ہے اسکا پیسہ میرے گھر نہیں جاتا،ہمیں دنیا میں جاکر قرض مانگنےمیں شرم آتی ہے،پاکستان اب دیوالیہ نہیں ہوگا 28 ارب روپے بینظیر انکم سپورٹ کے تحت دئیے ہیں، خیبرپختونخوا میں دالیں، لائیو اسٹاک اور کاٹن کی فصلیں متاثر ہوئیں ،گنا کی فصل 20 فیصد خراب ہو گئی، پیاز اور اول کی فصلیں تباہ ہوئی ہیں،شوکت ترین نے جو معاہدہ کیا اسمیں سیلز ٹیکس بڑھتا تھا،ہم نے لیوی میں اضافہ کیا اسوقت لیوی 37روپے سے زائد کردی،اسوقت ہم ڈیزل کو مہنگا نہیں کرسکتے شرمندہ ہوں ہماری حکومت میں تاریخی مہنگائی ہوئی ،مجھے اپنی پارٹی سے مخالفت کا سامنا ہے پنجاب میں ہماری پارٹی کو نقصان ہوا ،

بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟

پولیس پہنچی تو میاں محمود الرشید گرفتاری کے ڈر سے سٹور میں چھپ گئے

لانگ مارچ میں فیاض الحسن چوہان کتنے بندے لے کر نکلے،ویڈیو وائرل

کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

وفاقی وزیر خزانہ مفتاح اسماعیل نے کہا ہے کہ بھارت کے ساتھ تجارت کے حوالے سے بات زیر غور ہے، اس وقت ٹماٹر، پیاز لینے چاہئیں، وزیراعظم سے بھی بھارت سے تجارت کھولنے کے حوالے سے بات کروں گا، اس حوالے سے فیصلے میں دوسے چاردن لگیں گے۔

بنگلادیش کا پاکستان کے سیلاب متاثرین کیلئے امدادی سامان بھیجنے کا اعلان

وفاقی وزیر خزانہ نے کہا کہ عالمی مالیاتی ادارے (آئی ایم ایف) جانے سے کم ازکم دیوالیہ نہیں ہوئے، سیلاب کی وجہ سے اشیا کی قیمتیں بڑھی ہیں،عمران خان کی حکومت نے تاریخی قرض لیے،عمران خان نے اپنے دوستوں کوایمنسٹی دی۔ہم نے عام آدمی کوڈیفالٹ سے بچایا ہے،اب ہم مہنگائی کوکم کریں گے، جومشکل فیصلے تھے وہ شہبازشریف نے کرلیے ہیں۔

ان کا کہنا تھا کہ اگرتحریک انصاف نے روس سے کوئی تیل لینے کا معاہدہ کیا توہمیں دکھا دیں، اس حوالے سے من گھڑت باتیں کی جارہی ہیں۔ شوکت ترین کی ٹیپ سامنے آنے پر ان کے جھوٹ سامنے آگئے ہیں، ان لوگوں نے ملک کو تماشا بنا دیا تھا، حیرت ہوئی ٹیپ سامنے آنے کے بعد بھی تیمورجھگڑا،اسد عمر پریس کانفرنس کر رہے ہیں

،شوکت ترین کے پاس میرا نمبرموجود ہے، اگرآئی ایم ایف کےحوالے سے کوئی مشورہ دینا تھا تو مجھے پیغام بھیج سکتے تھے،جھوٹ کے پاؤں نہیں ہوتے،کیا ہم پاگل ہے ہمیں نہیں پتا اس وقت پاکستان میں سیلاب ہے،کیا آئی ایم ایف اندھا ہے اسے پاکستان میں سیلاب نظرنہیں آرہا،آئی ایم ایف کے بورڈ نے پاکستان کے ساتھ ہمدردی کا اظہارکیا ہے۔