شوکت ترین پیسے کہاں رکھ کر گئے؟ ہمیں بتا دیں، وزیر خزانہ
باغی ٹی وی کی رپورٹ کے مطابق وفاقی وزیر خزانہ مفتاح اسماعیل نے کہا ہے کہ گزشتہ رات وزیراعظم شہبازشریف کے خطاب کوسراہا گیا ،
وزیر خزانہ مفتاح اسماعیل کا کہنا تھا کہ پیٹرول اور ڈیزل مہنگا کیا گیا اورمہنگائی آئے گی،پیٹرول مہنگا نہ کرتے تو زیادہ مہنگائی اور روپے کی قدر بھی کم ہوتی ،شہباز شریف کی غریب پرور ہونا روایت ہے،جو مہنگائی کا طوفان پچھلی حکومت کی وجہ سے آیا اس کا تدارک ضروری ہے آبادی کے ایک تہائی افراد کو جون میں وظیفہ دینے کا اعلان کیا،غریب عوام کی مدد کرنا ہماری اولین ترجیح ہے،اگلے سال وظیفے میں اضافہ بھی کریں گے، وزیر اعظم کی ہدایت پر، ڈیزل کی قیمت بڑھنے سے اندازہ ہے کہ بسوں کے کرائے بھی بڑھیں گے،40 ہزارسے کم آمدن والوں کو میسج کے ذریعے پیسے بھیجے جائیں گے ، ملک میں 85 فیصد پیٹرول 40 فیصد امیر ترین گھرانے استعمال کرتے ہیں ایک کروڑ 40 لاکھ گھرانے ایسے ہیں جن کی آمدن 40 ہزارسے کم ہے ان گھرانوں کو ادائیگی جون سے کی جائے گی شناختی کارڈ کے ذریعےتصدیق کے بعد 2 ہزار روپے ادا کیے جائیں گے ،
وزیر خزانہ مفتاح اسماعیل کا کہنا تھا کہ شوکت ترین کا معاہدہ ڈیزل کی قیمت 300 اور پیٹرول 260 روپے کرنا تھا، ہم شوکت ترین کے والے فارمولے پر عمل نہیں کررہے شوکت ترین کہہ گئے تھے کہ وہ پیسے رکھ کے گئے ہیں،ہمیں بتا دیں وہ پیسے کہاں ہیں، ہمیں کہیں نہیں ملے نہیں پتہ کہ آئندہ پیٹرول کی قیمت بڑھے گی یا نہیں،بجلی کی قیمت بڑھانے کی میرے پاس کوئی سمری نہیں ہے،ریلیف ا سکیم سے فائدہ اٹھانے کےلیے 786 نمبر پر شناختی کارڈنمبر بھیجا جاسکتا ہے، جو مستحق ہوگا اسے فوری رقم دی جائے گی، آئی ایم ایف سے اس بار نجکاری کی کوئی بات نہیں ہوئی،پیٹرول کی قیمت خوشی سے نہیں بڑھائی، بین الاقوامی منڈی میں بڑھ گئی تھی حکومت کا ڈیزل کی مد میں سبسڈی ختم کرنے کا ارادہ تھا، 114 روپے سبسڈی ختم اور 30 روپے لیوی لگنے سے بڑھتے ہیں، ہم ابھی اضافی ٹیکس نہیں لگارہے، توقع تو یہی ہے کہ یکم سے پیٹرول نہیں بڑھے گا،
وزیر خزانہ مفتاح اسماعیل کا کہنا تھا کہ عمران خان نے جو کیا اس سے ملک کی معیشت دیوالیہ ہوجاتی،ہم چینی 70 روپے فی کلو بیچیں گے،پیٹرولیم مصنوعات کی قیمتوں میں اضافے کا ایک پراسس ہے،اوگرا سمری پیٹرولیم پھر فنانس اور اس کے بعد وزیراعظم کو جاتی ہے،ابھی تک سمری نہیں آئی اور آئے گی تو مزید غور کیا جائے گا، ابھی قیمتیں بڑھائی ہیں،نہیں لگتا 4،2 روزمیں دوبارہ بڑھیں گی،وظیفہ دینے سے 28 کروڑروپے کے اخراجات حکومت برداشت کرے گی، بےنظیر انکم سپورٹ والے رجسٹرڈ افراد کو دو دن تک پیسے دے دیئے جائیں گے،سعودی عرب ہماری مزید مدد کرنا چاہتا ہے جس پر جولائی میں بات کروں گا آئی ایم ایف سے نجکاری کی کوئی بات نہیں ہوئی، آئی ایم ایف سے اسٹاف لیول معاہدہ جون میں ہو جائے گا، فورسز کا بجٹ 1340 ارب روپے ہے اس اس میں فورسز کو ملنے والی گرانٹ بھی شامل کر لیں تو یہ بجٹ 1400 ارب روپے بنتا ہے فورسز کا بجٹ جی ڈی پی کے 2 فیصد سے بھی کم ہے
پولیس پہنچی تو میاں محمود الرشید گرفتاری کے ڈر سے سٹور میں چھپ گئے
پاکستان کی سیاسی صورتحال سے فائدہ اٹھانے کیلئے مودی کے دفتر میں خصوصی سیل قائم
درخواستیں دائر کرکےآپ بھی اپناغصہ ہی نکال رہے ہیں،عدالت کا پی ٹی آئی وکیل سے مکالمہ
کیا آپ کو علم ہے کہ سپریم کورٹ کے ملازمین بھی نہیں پہنچ سکے،عدالت
کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز
لانگ مارچ میں فیاض الحسن چوہان کتنے بندے لے کر نکلے،ویڈیو وائرل
